Moeller, Eugenius OSB – Clément, Ioannes Maria – Coppieters ‘t Wallant, Bertrandus: Corpus orationum.
Brepols, Turnhout 1993–2004. (Corpus Christianorum Series Latina 160 A–M)
| 3001a | Hostias tibi domine ... temptatio separavit. |
| Hostias tibi, domine, pro commemoratione sancti Felicis offerimus, quem a tui corporis unitate nulla temptatio separavit. | |
| 3001b | Hostias tibi domine ... valeant superare. |
| Hostias tibi, domine, pro commemoratione beati Bonifatii martyris tui atque pontificis offerimus, supplicantes, ut, sicut illum a tui corporis unitate nulla vis tormentorum potuit separare, ita et nos, eo suffragante, daemonum impugnantium insidiae nullatenus valeant superare. | |
| 3002a | Hostias tibi domine pro martyrum ... et salutem. |
| Hostias tibi, domine, pro martyrum tuorum commemoratione deferimus, supplicantes, ut indulgentiam nobis pariter conferant et salutem. | |
| 3002b | Hostias tibi domine pro sanctorum ... et salutem. |
| Hostias tibi, domine, pro sanctorum martyrum (Felicis), Simplicii, Faustini et Beatricis commemoratione deferimus, suppliciter obsecrantes, ut indulgentiam nobis pariter conferant et salutem. | |
| 3003 | Hostias tibi domine ... et susceptor. |
| Hostias tibi, domine, pro nati tui filii apparitione deferimus, suppliciter exorantes, ut, sicut ipse nostrorum auctor est munerum, ipse sit misericors et susceptor. | |
| 3004 | Hostias tibi domine ... ad salutem. |
| Hostias tibi, domine, pro sacra inventione pretiosi corporis beati Stephani protomartyris tui offerimus, suppliciter deprecantes, ut, eius suffragantibus meritis, nobis proficiant ad salutem. | |
| 3005a | Hostias tibi domine ... provenire subsidium. |
| Hostias, tibi, domine, sanctorum tuorum dicatas meritis, benignus assume et ad perpetuum nobis tribue provenire subsidium. | |
| 3005b | Hostias nostras domine ... provenire subsidium. |
| Hostias nostras, domine, tibi dicatas, placatus assume et ad perpetuum nobis tribue provenire subsidium. | |
| 3006 | Hostias tibi quas ... iudicii liberemur. |
| Hostias, tibi, quas in honorem sancti patricii offerimus, devotas, accipias, ut nos a timore iudicii liberemur. | |
| 3007 | Hostium nostrorum quaesumus ... virtute prosterne. |
| Hostium nostrorum, quaesumus, domine, elide superbiam et dexterae tuae virtute prosterne. | |
| 3008 | Huic nostri famulatus ... ad veniam. |
| Huic nostri famulatus sacrificio, clementissime deus, quod in commemoratione celeberrimi pastoris et martyris tui Apollinaris tripudianter offerimus, tuae, quaesumus, dignare praesentiam interserere maiestatis, ut ipsius meritis et tibi sit acceptabile et nobis prosit ad veniam. | |
| 3009 | Huius domine perceptio ... idoneum reddat. |
| Huius, domine, perceptio sacramenti peccatorum meorum maculas tergat et ad peragendum iniunctum officium me idoneum reddat. | |
| 3010 | Huius domine quaeso ... pertingere merear. |
| Huius, domine, quaeso, virtute mysterii ab omnibus me propitiatus absolve peccatis et a cunctis defende benignus adversis, ut, tua gratia cooperante, ab humanis semper excessibus retrahar et per mandatorum tuorum semitas sine offensione gradiar et ad perfruendam gloriam aeternae perennitatis, te ducente, pertingere merear. | |
| 3011 | Huius domine quaesumus ... liberemur insidiis. |
| Huius, domine, quaesumus, virtute mysterii et a nostris mundemur occultis et ab inimicorum liberemur insidiis. | |
| 3012a | Huius domine quaesumus ... absolve peccatis. |
| Huius, domine, quaesumus, virtute mysterii et a propriis nos (e)munda delictis et famulum tuum illum ab omnibus absolve peccatis. | |
| 3012b | Huius domine quaesumus ... ve peccatis. |
| Huius, domine, quaesumus, virtute mysterii et a propriis mundemur occultis et famulum tuum illum ab omnibus abso ve peccatis. | |
| 3013 | Huius domine sacramenti ... regna perducat. |
| Huius, domine, sacramenti perceptio peccatorum nostrorum maculas tergat et nos ad caelestia regna perducat. | |
| 3014 | Huius domine sacramenti ... manere concede. |
| Huius, domine, sacramenti perceptione et beatae Margaretae virginis intercessione et tu in nobis manere dignare et nos in te vicissim manere concede. | |
| 3015 | Huius domine virtute ... facias suffragari. |
| Huius, domine, virtute mysterii famulum tuum illum ab omnibus absolve peccatis, ut, quibus eum tua gratia praefecisti, omnibus digne congrueque tuo munere facias suffragari. | |
| 3016 | Huius mihi domine ... praesumo indignus. |
| Huius mihi, domine, sacramenti perceptio sit peccatorum remissio et tuae pietatis optata propitiatio, ut per haec, te opitulante, efficiar sacris mysteriis dignus, quae, de tua pietate confisus, frequentare praesumo indignus. | |
| 3017 | Huius nobis domine ... absolvere peccatores. |
| Huius nobis, domine, quaesumus, sacrificii placatione succurre, cuius remediis dignaris absolvere peccatores. | |
| 3018 | Huius nobis parcimoniae ... mentis acquirat. |
| Huius nobis parcimoniae, quaesumus, domine, praebe mensuram, ut, quod licentiae carnis auferimus, salutarem nobis fructum mentis acquirat. | |
| 3019 | Huius nos domine ... regna perducat. |
| Huius nos, domine, perceptio sacramenti mundet a crimine et ad caelestia regna perducat. | |
| 3020 | Huius nos domine ... et exemplis. |
| Huius nos, domine, perceptione sacramenti ab omni contagione vitiorum purifica et beati Ambrosii confessoris tui atque pontificis tribue consociari meritis, cuius nos doctrinis erudis et exemplis. | |
| 3021 | Huius nos domine ... gloriosa beatae Mariae genitricis oratio filium tuum placare dignetur qui victor ab |
| Huius nos, domine, quaesumus, sacramenti acceptio protegat <et> gloriosa beatae Mariae genitricis oratio filium tuum placare dignetur, qui victor ab inferis resurrexit. | |
| 3022 | Huius operatio nos ... et muniat. |
| Huius operatio nos, domine, sacramenti, quaesumus, purificet semper et muniat. | |
| 3023 | Huius sacrificii potentia ... et salutem. |
| Huius sacrificii potentia, domine, quaesumus, et vetustatem nostram clementer abstergat et novitatem nobis augeat et salutem. | |
| 3024 | Huius te domine ... operatione reddamur. |
| Huius te, domine, muneris oblatione placemus et perpetuae vitae participes huius operatione reddamur. | |
| 3025 | Humiliantes in conspectu ... maceratione desudat. |
| Humiliantes in conspectu tuo animas nostras, precamur, domine, ut sit huius abstinentiae nostrae afflictio praemissa vitiorum curatio; ut exteriori homini correctio et interiori a te renovatio concedatur, quo castigatum corpus et in servitute redactum puritatem animarum suppleat, quod ieiunii maceratione desudat. | |
| 3026 | Humiliatis corporibus atque ... solita benedicas. |
| Humiliatis corporibus atque animabus in abstinentia, tuae, deus, flagitamus bonitatis pietatem immensam, ut et his sacrificiis benedictionem impertias et ieiunantium votis propitiatione solita benedicas. | |
| 3027 | Humilitatem meam clementissime ... remedium sempiternum. |
| Humilitatem meam, clementissime, sancte pater, omnipotens aeterne deus, dignanter intende et praesta, ut, quod ore sumpsi, mente capiam et fiat mihi remedium sempiternum. | |
| 3028 | Humilitatis nostrae libamina ... celebramus sollemnia. |
| Humilitatis nostrae libamina sancti Birini tibi, domine, commendem suffragia, cuius depositionis celebramus sollemnia. | |
| 3029 | Iam dies adsunt ... abstinentia ruas. |
| Iam dies adsunt ieiunii, iam salutis tempus advenit; adesto culpantibus, deus, qui solus vales delere peccata, ut, quod dudum deliciosa caro deliquit, placita nunc tibi abstinentia ruas. | |
| 3030 | Iam in triduani ... pascuae sempiternae. |
| Iam in triduani ieiunii fine conclusa, sinceritatem tuam, domine, deprecamur in visceribus nostris, maceratione ieiunii afflictis, advenire et, ut de atriis tuis sanctis exaudias peccatores, in squalore miseriarum iacentes, rogamus, ut des nobis fontem gratiarum tuarum et pandas iter, quo post ieiunium escarum carnalium dirigamur ad refectionem pascuae sempiternae. | |
| 3031 | Ieiunantium domine quaesumus ... reparavit redemptor. |
| Ieiunantium, domine, quaesumus, supplicum vota propitius intuere et, munera praesentium sanctificans, perceptione eorum occulta cordis nostri remedio tuae clarifica pietatis, ut opera carnalia nec fluxa nos teneant, quos institutor ieiunii Christus reparavit redemptor. | |
| 3032 | Ieiunia quaesumus domine ... succedat affectus. |
| Ieiunia, quaesumus, domine, nos sacrata laetificent, ut imbecillitati nostrae tribuatur auxilium et mentibus desideratus virtutum succedat affectus. | |
| 3033a | Ieiunia quaesumus domine ... esse placatam. |
| Ieiunia, quaesumus, domine, quae sacris exsequimur institutis, et nos a reatibus nostris semper expediant et tuam nobis iustitiam iaciant esse placatam. | |
| 3033b | Ieiunia nostra quaesumus ... osculi nectant. |
| Ieiunia nostra quaesumus, domine, ut nos a reatibus nostrorum criminum solvant et tuam nobis iustitiam iaciant esse placabilem et concordiae nos vinculo per complexum osculi nectant. | |
| 3034 | Ieiunii incurvatione <nobis> ... pro nostris reatibus deiectis miserere quaesumus domine et <nos |
| Ieiunii incurvatione <nobis>, pro nostris reatibus deiectis, miserere, quaesumus, domine, et <nos>, a continuis vitus occupatos ad virtutes, propitiatus respicere dignare. | |
| 3035 | Iesu Christe domine ... beatos efficiat. |
| Iesu Christe domine, altissimi silius, natus praesentia, cum patris omnipotentia sempiternus, oris tui spiraculum super hoc altare tuum diffunde, qui et hanc oblationem sanctificans benedicat et sumentes ex ea beatos efficiat. | |
| 3036 | Iesu Christi domini ... potiamur effectu. |
| Iesu Christi domini nostri corpore saginati, per quem crucis est sanctificatum vexillum, quaesumus, domine deus noster, ut, sicut adorare meruimus, ita perennitatis eius gloria(e) salutari potiamur effectu. | |
| 3037 | Iesu collatio vitae ... dilectionis obtineat. |
| Iesu, collatio vitae aeternae, nostrum, quaesumus, ieiunium acceptabile fiat in oculis tuis, quo huius ieiunii litatione et carnis nostrae, inedia convalescat et anima donum perfectae dilectionis obtineat. | |
| 3038 | Iesu dei filius ... transitum deportemus. |
| Iesu, dei filius, qui, felices animas beatorum in caelestem Ierusalem feliciter locaris, felices eos, qui in eius pace gaudent, divinae auctoritatis sententia prolata, denuntias, fac nos feliciter Felicis tui merito in ipsius supernae Ierusalem perenniter felicitate laetari atque illius de die in diem desideriis renovari, ut, sicut huius civitatis avidus negotiator hic sanctissimus exstitit Felix, qui probitate morum potissimus et patria exsul et rebus tumentis saeculi sapientiam desertum, caelestes accumulans fructus, ad illam conscendit, cum his, quae acquisierat, coronatus, ita quoque nos, te opitulante, strenui negotiatores in hac vita pacis et caritatis effecti, sic omnia, quae egerimus, in tua et proximi dilectione agamus, ut dignum conquestum huic sanctae patriae coronaturi post nostrum transitum deportemus. | |
| 3039 | Iesu dei filius ... felicitas exoptata. |
| Iesu dei filius, qui noster factus es advocatus, qui, sine tempore natus a patre, in tempore processisti ex virgine, accipe hoc sacrificium, quod tibi offerimus, praesentis quadragesimae tempore mediante, ut a te sanctificentur oblata, a te nostra expientur delicta, a te quoque donetur omnibus aeternae promissionis felicitas exoptata. | |
| 3040 | Iesu dei filius ... post ruinam. |
| Iesu dei filius, qui, pro nobis voluntarie moriens, saeva inferorum ergastula potentiali brachio penetrans confregisti, tu fidelium defunctorum spiritus a locis poenalibus exime ei aeternae eos amoenitatis simul et muneris iucunditate sustolle et, quia ex latere tuo, te moriente, novi profluxit laticis unda, qua in his diebus paschalibus horum renatorum est progenies consecrata, te poscimus et rogamus, ut et in illis sacrae regenerationis puritatem conserves et in nobis confessionum emolumenta multiplices, quo et illi collatum sibi baptismi, donum teneant absque culpa et nos in eandem quam violavimus, gratiam redintegremur saltem ex venia post ruinam. | |
| 3041 | Iesu dei patris ... adnotari professionem. |
| Iesu, dei patris filius, qui es et victoria martyrum et corona victorum, in hoc sanctorum tuorum Adriani et Nataliae festo concede offerentibus indulgentiam pro delictis et sepultis beatorum adunari consortiis, ut tam nos quam illi cum eis in futura vita mereamur habere partem, cum quibus idem tuus beatissimus Adrianus, a gentili conversus errore suam voluit adnotari professionem. | |
| 3042 | Iesu domine et ... hoste triumphum. |
| Iesu, domine et omnipotentis patris unigenite fili, qui, in mundum per virginem veniens, ad praedicationis officium apostolos eligis et eorum praedicamentis pariter et exemplis superborum et arrogantium corda prosternis, respice nunc plebiculae tuae humillima vota et Bartholomaei beatissimi apostoli tui et martyris precibus nec non et meritis nostrorum omnium sana crimina. Da ad te revertendi votum, da ministrandi tibi indignis servulis dignitatem. Quis enim, domine, nostrorum se dignum fore ministerio tuo cognoscat? Quis tam celsiorem meritum se habere, confidat? Excellit quippe officium merita et habita neglegentiae proba ministros trahunt ad infirma. Manus tuae igitur, unigenite filius dei, remigio sustentemur, ne tam periculosi ponti undis subito subruamur. Deferat nobis sanctus apostolus Bartholomaeus protectionis manus et ad tui servitium nostrum instruat coetum, quia digne nullus altario tuo adesse poterit, nisi aut gratia tua munitus aut tui apostoli meritis circumvallatus exstiterit. Per illum quoque, domine, effice te ipsum nobis propitium, per illum nostrae servitutis obsequium tibi facito ratum, per illum sacerdotum praesumentium suscipe sacrificium, per illum universae ecclesiae et instrue et sanctifica populum, ut eius meritis populi tui universitas, fidei alacritate succincta et martyrii congressione munita, semper tibi serviat seque tibi in obsequio subdat, perceptura pro obsequiis praemium et pro fide praemii bravium, quae per martyrium non meretur de hoste triumphum. |
|
| 3043 | Iesu filius dei ... inveniamur condigni. |
| Iesu filius dei, qui contriti cordis sacrificio placaris, nostris, quaesumus, parce offensis. Da nobis et abstinendi devotionem et abstinentiae promereri virtutem, quo et voluntate habeamur idonei et corporali robore inveniamur condigni. | |
| 3044 | Iesu filius dei ... vel exemplo. |
| Iesu filius dei, qui Petro, apostolorum omnium principi, plus te ceteris discipulis diligenti, oves tuas sub testimonio tuae dilectionis commendas, cum amorem eius erga te dominum, et te interrogante et illo respondente, declaras, tu, eo suffragante, ecclesiam, cuius ipse caput factus es, ab scandalis libera et in pace conserva, ut caritate ferveat, fide crescat, spe polleat atque sanctis operibus enitescat, quo eius indefesso muniatur patrocinio, cuius doctrina aedificata est vel exemplo. | |
| 3045 | Iesu redemptor humani ... sine ine. |
| Iesu, redemptor humani generis, restaurator aeternae lucis, praesta nobis famulis tuis, ut, sicut abluti sumus originali peccato per tinctionem baptismatis, cuius significationem habuit piscina illa, quae oculis lumen praestitit caecis, ita quoque nos secundo lacrimarum baptismate purifices a delictis sicque mereamur praecones effici laudis tuae, sicut caecus ille annuntiatur factus est gratiae, et, sicut ille ad confitendum te verum deum adimpletus est fide, ita nos quoque repleamur boni operis confessione atque tanta excellentia pietatis occurras te invocantibus pius, ut per haec libamina, quae tibi offerimus, et vivi obtineamus remedium salutare et defuncti percipere mereantur aeternum gaudium sine ine. | |
| 3046 | Iesu redemptor noster ... aeternae lucis. |
| Iesu, redemptor noster et domine, qui ad salvandum genus humanum sexta aetate saeculi venisti ad huius extremitatis nostrae profundum, conserva atque sanctifica ecclesiam tuam in unitate sanctae fidei, quam, olim a tenebrosa profunditate eruens putei, tibi illam copulare per gratiam voluisti. Da cunctis, in ca manentibus, ut, sicut ad te fide venerunt, ita aeterno solatio potiantur, ut per te introducamur ad regnum aeternae vitae, per quem accepimus fidei luminationem. Tribue nobis sitientibus aeternae fontis ita bibere potum, ut numquam sitiamus in aeternum. Expelle a cordibus nostris omnem profunditatem tenebrosam errorum, ne quando operiat super nos puteus os suum. Te, te, Christe, inveniamus ad puteum relevantem, qui nostro ex vitio quocumque lapsi fuerimus in crimine, ut toties relevemur tuae pietatis dono, quoties caecati labimur in delicto. Amove a cordibus nostris inveteratam vetustae vitae malitiam, qui novitate spiritus in samaritana illa fidei operatus es incrementa. Da, quaesumus, omnibus in commune, Iesu bone, ita dies istos sancti desiderii plenitudine gratiosos habere, sicut illa promeruit dono sanctae fidei te in veritate cognoscere, ut in horum celebritate dierum, te custodiente, non libidine polluamur, non malitia sauciemur, non scandalis scindamur sed, in sanctae fidei omnes unitate collecti, ita, spiritus sancti defensione protecti et illuminati, mundemur a criminibus nostris, qualiter, ad sanctum Pascha pervenientes, et ardenter suscipiamus mysterium nostrae redemptionis et veraciter reparatos nos gratulemur in statu aeternae lucis. |
|
| 3047 | Iesu redemptor noster ... infectis ... |
| Iesu, redemptor noster et domine, qui, invictus victor in omnibus te credentibus, gloriosum et expugnabilem geris certaminis usum, ut unusquisque opportunum a te accipiat vincendi solatium, quique martyrum constantiam ita roboras sub diversis generibus tormentorum, ut fortiter vincant, et confessorum mentibus tolerantiam infundis, ut detrahentium se linguas aequanimiter ferant, tuo itaque tutus praesidio, hic debellator fortissimus sanctus incessit Hieronymus, qui linguis vipereo infectis ... | |
| 3048 | Iesu redemptor noster ... adiuvari suffragiis. |
| Iesu, redemptor noster et domine, qui, virgo ex virgine natus, virginitatem in virginibus remuneras incorruptam, in hoc festo tuarum virginum acceptabile tibi facito, quod tibi offertur; accepta viventium vota, defunctos in pace refrigera, ut, qui tuarum virginum obsequimur patrociniis, earum nos sentiamus adiuvari suffragiis. | |
| 3049 | Iesu rex noster ... venias incorruptum. |
| Iesu, rex noster et domine, qui es vita mortalium et spes unica redemptorum, suscipe hoc sacrificium, quod tibi, in honorem Ioannis apostoli tui dedicandum, offertur, ac praesta propitius, ut, sicut olim idem dilectus tuus, praesenti in saeculo degeris, exanimata corpora revocavit ad vitam, ita nunc suffragio suo et viventium torpentes animas suscitet ad virtutem et defunctorum spiritus liberet a poenali condicione, quo per istum a te, deus, tam vivi quam defuncti speciale se gaudeant invenisse remedium, quem manere praedixisti, donec venias, incorruptum. | |
| 3050 | Iesu salvator humani ... de commissis. |
| Iesu, salvator humani generis, qui, corpus in te suscipiens nostrae mortalitatis, alios ad purgationem feriendo castigas, alios ad damnationem flagellando reservas, te suppliciter quaesumus et humili devotione precamur, ut famulum tuum illum, quem aegritudinis molestia quassat, pietas tuae miserationis resecatum absolvat; da ei, domine, ut, quidquid pietati tuae deliquit in saeculo, totum in eo puniat illata correptio; dolorum eius ac febrium ita sana discrimina, ut cum his etiam eius aboleantur piacula; non durando poena coerceat reum sed absolvat miseratio iam prostratum; mitiga in eo, pie pater et domine, aestus febrium, putredines ulcerum, contractiones nervorum atque cunctarum cruciationes infirmitatum; sit in eo, quaesumus, ita respectus pie parcentis, ut nec infirmitatum ulterius saucietur stimulis nec poenam post transitum sentiat de commissis. | |
| 3051 | Iesu salvator noster ... habitantium populorum praeparavit palatium ut ita eo suffragante cultores effici mereamur pacis et caritatis hic dum vivimus ut ad te qui es vera pax angelorum et caritas omnium sanctorum quandoque |
| Iesu, salvator noster et domine, qui es auctor pacis et origo purae dilectionis, suffragio apostoli tui Thomae et testis fac nos omnibus carere scandalis et ubique , pacis tuae servare praecepta. Ipseque nobis nunc precibus suis apud te caritatis conquirat lucrum, qui Gundoforo regi per boni operis exercitium in regno tuo ad <pacem> habitantium populorum praeparavit palatium, ut ita, eo suffragante, cultores effici mereamur pacis et caritatis hic, dum vivimus, ut ad te, qui es vera pax angelorum et caritas omnium sanctorum, quandoque feliciter veniamus. | |
| 3052 | Iesu salvator omnium ... proprio redemisti cruore quo |
| Iesu, salvator omnium, qui, propter salutem humani generis voluntarie suscipiens exitium crucis, pro nobis deo patri oblatus es in sacrificium laudis, ad has hostias benedicendas illa propitiatione iube respicere, qua olim humanum genus respiciens, <illud> proprio redemisti cruore, quo> omnes, qui tuae mortis ac resurrectionis in his diebus triumpho attollimur, his muniti paschalibus epulis, in vivam tibi hostiam praeparemur. | |
| 3053 | Iesu virtus infirmitatis ... a monte abscisus quo omnis latitudo repleta est terrae tu corda nostra reple dono pacis et gratiae ut qui incarnationis tuae celebramus sollemnia per pacis bonum futurae examinationis liberemur |
| Iesu, virtus infirmitatis nostrae, qui sine manibus praecidentium lapis verus <es>, a monte abscisus, quo omnis latitudo repleta est terrae, tu corda nostra reple dono pacis et gratiae, ut, qui incarnationis tuae celebramus sollemnia, per pacis bonum futurae examinationis liberemur a poena. | |
| 3054 | Ignosce domine quod ... non recuses. |
| Ignosce, domine, quod, dum rogare compellor, dum per immunda labia nomen sanctum tuum assumo et immundorum actuum secreta confiteor, non habeo apud te nec verba sine crimine; tu enim conscientiae meae vulnera, tu cogitationum mearum occulta nosti et immunditias meas tu solus agnoscis; miserere mihi, domine, miserere mihi, ignosce mysterii tui secreta tractanti nec indignum misericordia tua iudices, quem pro aliis rogare permittis, et, in quo testimonium boni operis non agnoscis, officium saltem dispensationis reddere non recuses. | |
| 3055 | Ignosce mihi domine ... compleatur officium. |
| Ignosce mihi, domine, quem maculatae vitae conscientia trepidum et criminum meorum confusio facit captivum. Et, qui pro me veniam obtinere non valeo, pro aliis rogaturus assisto; profero ad te, si audire digneris, domine, gemitus captivorum, tribulationes plebium, pericula populorum, necessitates peregrinorum, inopiam debilium, desperationes languentium, defectus senum, suspiria iuvenum, vota virginum, lamenta viduarum; sed, quoniam me eadem, quae populum, peccati catena constringit, ideo communes lugeo passiones; non obsit, domine, populo tuo oratio subiugata peccatis; per me tibi offertur votum, per te meum compleatur officium. | |
| 3056 | Ignosce nobis domine ... piissime dona. |
| Ignosce nobis, domine, confitentibus, parce, quaesumus, veniam postulantibus; nos coram te, misericors, deflemus peccata, tu, paenitentium lacrimis inclinatus, indulgentiam piissime dona. | |
| 3057 | Illa nos veritas ... dilectionis accendit. |
| Illa nos veritas, domine, semper illuminet, quae sanctorum tuorum cordibus flammam tuae dilectionis accendit. | |
| 3058 | Illabere domine his ... de triumpho. |
| Illabere, domine, his sacrificiis, ob honorem martyris tui illius tibi oblatis, donans nobis, ut illius apud tuam clementiam commendemur suffragio, cuius hodierno die attollimur de triumpho. | |
| 3059 | Illabere domine oblatis ... prorogari defunctis. |
| Illabere, domine, oblatis tibi sacrificiis et, susceptis fidelium votis, requiem iube prorogari defunctis. | |
| 3060 | Illabere in animas ... hostias praeparatas per ipsum tibi possimus offerre qui sancta constituit et pacem nobis |
| Illabere in animas nostras, omnipotens aeterne deus, et templa, quae lapis ille angularis tuus exstruxit, ingredere, ut maiestati <tuae> hostias praeparatas per ipsum tibi possimus offerre qui sancta constituit et pacem nobis propitiatus indulsit. | |
| 3061 | Illo nos igne ... vehementer accendi. |
| Illo nos igne, quaesumus, domine, spiritus sanctus inflammet, quem dominus noster Iesus Christus misit in terram et voluit vehementer accendi. | |
| 3062a | Illumina quaesumus domine ... et crescat. |
| Illumina, quaesumus, domine, populum tuum et splendore gratiae tuae cor eius semper accende, ut salvatoris mundi, stella famulante, manifestata nativitas mentibus eorum et reveletur semper et crescat. | |
| 3062b | Illumina domine quaesumus ... veraciter apprehendat. |
| Illumina, domine, quaesumus, populum tuum et splendore gloriae tuae cor eius semper accende, ut salvatorem suum et incessanter agnoscat et veraciter apprehendat. | |
| 3063 | Illuminatorem diei huius ... perpetuam largiaris. |
| Illuminatorem diei huius, te, dominum Iesum Christum, qui nos ad sacra resurrectionis tuae festa perduxisti, per ipsa sacrorum sollemnium suffragia deprecamur, ut sacrificia haec, quae tibi sub sacramento divini corporis offeruntur, tam acceptabilia tibi nostro facias obsequio, quam sunt divino instituta mysterio, simulque, universam ecclesiam tuam sanctificatione perfundens, et offerentibus remunerationem et sacrificantibus veniam et sumpturis salutem perpetuam largiaris. | |
| 3064 | Immensa largitatis tuae ... hostia praeparet. |
| Immensa largitatis tuae clementia, domine, nobis semper adsit, quae et haec praesentia libamina caelesti benedictione sanctificet et per dilecti confessoris tui atque pontificis Nicolai preces nosmetipsos tibi pro acceptabili hostia praeparet. | |
| 3065 | Immensae pietatis tuae ... gaudia repromissa. |
| Immensae pietatis tuae clementiam quaesumus, divina maiestas, ut, qui annua beati Mauri confessoris tui atque abbatis sollemnia celebramus, eius obtinentibus meritis, perveniamus ad gaudia repromissa. | |
| 3066 | Immensam et indebitam ... esse participem. |
| Immensam et indebitam, omnipotens deus, pietatem tuam humiliter imploramus, ut famulum tuum illum interventu sanctae dei genitricis Mariae a peccatis omnibus propitius absolvas atque a cunctis reatibus clementer emundes tuaque miseratione ab omni iniquitate custodias et, bonis operibus intentum, beatae immortalitatis praestes esse participem. | |
| 3067 | Immensam tremendamque pietatis ... illibata devotio. |
| Immensam tremendamque pietatis tuae clementiam, omnipotens deus, supplices exoramus, ut auxilio tuo universa a nobis terrenorum vitiorum saeculariumque discriminum temptamenta discedant atque in ecclesia tua catholica religionis semper maneat illibata devotio. | |
| 3068 | Immortalis alimoniae sacramenta ... muniamur suffragiis. |
| Immortalis alimoniae sacramenta, domine, suscipientes, suppliciter imploramus, ut intercessione beatae Mildrethae virginis tuae et virtutum proficiamus incrementis et continuae protectionis tuae muniamur suffragiis. | |
| 3069 | Immortalitatis alimonia qua ... reficit manna. |
| Immortalitatis alimonia, qua pascimur et potamur, illuc nostra, quaesumus, domine, enutriat desideria, ubi visio tua sanctos tuos beatitudinis aeternae reficit manna. | |
| 3070 | Immortalitatis alimoniam consecuti ... mente sectemur. |
| Immortalitatis alimoniam consecuti, quaesumus, domine, ut, quod ore percepimus, mente sectemur. | |
| 3071a | Impetret quaesumus domine ... perpetua sorte participes. |
| Impetret, quaesumus, domine, fidelibus tuis auxilium oratio iusta sanctorum, ut, in quorum sunt celebritate devoti, fiant in corum perpetua sorte participes. | |
| 3071b | Impetret quaesumus domine ... esse sorte participes. |
| Impetret, quaesumus, domine, fidelibus tuis auxilium pietatis oratio beatissimorum martyrum tuorum Sisinii, Martyrii et Alexandri sed et sacerdotis et confessoris tui Simpliciani, ut, in quorum sollemnitate sumus devoti, facias nos propitius in eorum perpetua esse sorte participes. | |
| 3072 | Imple domine cordis ... remedia impetremus. |
| Imple, domine, cordis nostri intima tuarum delectationibus hostiarum, ut esuries tui sancti corporis et tui sacri sanguinis sitis iam nunc se gaudeat sumere, quod numquam timeat non habere, quo, te esurientes atque sitientes, et viventibus et defunctis fidelibus congrua remedia impetremus. | |
| 3073 | Imple domine petitiones ... opitulatione laetemur. |
| Imple, domine, petitiones nostras et tamquam pinguissimum nos holocaustum assume, ut, inimicorum incursionibus propulsatis, salutaris tui opitulatione laetemur. | |
| 3074 | Imple nos deus ... corda introire. |
| Imple nos, deus, spiritu sancto, in quo signati sumus et a quo tangimur, ut salvemur, ut hodie nos idem spiritus, praeveniens in miseratione, a delictis emundet et cras in muneris collatione glorificet. Hodie maculas abluat et cras dona distribuat. Hodie linguam nostram in voce confessionis aperiat et cras eandem faciat praedicare magnalia tua, quo, iam hodie per ipsum tacti, ita eluamur a crimine, ut cras dignanter in nostra iubeat corda introire. | |
| 3075 | Impleatur in nobis ... transferat institutum. |
| Impleatur in nobis, quaesumus, domine, sacramenti paschalis sancta libatio nosque de terrenis affectibus ad caeleste transferat institutum. | |
| 3076 | Imploramus domine clementiam ... nos praeparent. |
| Imploramus, domine, clementiam tuam, ut haec divina ieiuniorum subsidia, a vitiis expiatus, ad festa ventura nos praeparent. | |
| 3077 | Implorantes domine misericordiam ... beneficiis glorientur. |
| Implorantes, domine, misericordiam, fideles populos propitius intuere, ut, qui praeter te alium non noverunt, tuis semper beneficiis glorientur. | |
| 3078 | Improximasse passionis Christi ... impertiri quietem. |
| Improximasse passionis Christi tui, deus, diem sentientes, et ieiunio animas affligimus et offerre tibi puras hostias frequentamus, per quod te flebiliter imploramus, ut nubis carnis et spiritus purificationem et defunctis iubeas impertiri quietem. | |
| 3079 | In commemoratione beatae ... carere contagiis. |
| In commemoratione beatae Agathae virginis tuae et martyris altaria tua, domine, mysticis muneribus cumulamus, maiestatem tuam suppliciter deprecantes, ut, ipsius adiuvantibus meritis, cunctis mereamur carere contagiis. | |
| 3080 | In conspectu divinae ... labe purgatos. |
| In conspectu divinae maiestatis tuae, domine, hanc placationis hostiam beati Danielis intercessio veneranda commendet, quae quidem, angelicis tibi manibus oblata tuaque dextera benedicta, ab omni nos reddat peccatorum labe purgatos. | |
| 3081 | In conspectu maiestatis ... sempiternam largire. |
| In conspectu maiestatis tuae, quaesumus, omnipotens deus, intercedente sancta dei genitrice Maria et omnibus sanctis tuis, oblationes nostrae et preces adscendant; tua propitiatione veniam nobis et pacem tribue; hostem, famem et pestem et omnem immunditiam a nubis repelle; fidem, spem et caritatem nobis largire; defensione tua nos semper circumtege; hostium nostrorum superbiam et virtutem contere; omnibus nubis bona facientibus abundantiam tribue; discordantes ad pacis bona converte; defunctis nostris requiem concede et omnibus fidelibus tuis vitam sempiternam largire. | |
| 3082 | In hac commemoratione ... conferas observandam. |
| In hac commemoratione defuncturum fidelium illorum, pro qua tibi, deus, hoc sacrificium laudis offerimus, clementiam tuam suppliciter exoramus, ut illis illa beatorum gaudia cum sanctis dones praemia indeficientia et nobis inviolatae pacis concordiam conferas observandam. | |
| 3083 | In hac domine ... sancta libamina. |
| In hac, domine, sanctorum tuorum Augustini suorumque consortum translatione splendida ipsorum, quaesumus, patrocinio complaceant tuae pietati haec sancta libamina. | |
| 3084 | In hac triumphali ... ad veniam. |
| In hac triumphali sancti patris nostri Augustini sollemnitate hanc hostiam benignissime, domine, serena clementia suscipe, quae illi proficiat ad gloriam et nobis prosit ad veniam. | |
| 3085 | In honorem beati ... merita recensemus. |
| In honorem beati archangeli Michaelis loca, nomini tuo dicata, mystico frequentamus obsequio; praesta, quaesumus, eorum nos gaudere suffragiis, quorum sublimia merita recensemus. | |
| 3086 | In honorem beatissimi ... precibus adiuvemur. |
| In honorem beatissimi martyris tui baptistae Ioannis, cuius hodie passionem celebramus, his maiestati tuae, omnipotens deus, laudibus servientes, sollemnia festa concinimus, suppliciter deprecantes, ut, cuius meritis obsequimur, eius, te donante, apud clementiam tuam precibus adiuvemur. | |
| 3087 | In honorem martyris ... fuisse demonstras. |
| In honorem martyris tui illius votivum tibi, deus, sacrificium exhibentes, rogamus, ut eius meritis et offerentibus veniam et sepultis requiem largiaris aeternam, quo huius suffragatione te utrobique parciturum praebeas, cuius te in passione victorem fuisse demonstras. | |
| 3088 | In honorem nominis ... obtinere sempiterna. |
| In honorem nominis tui, domine, preces et munera offerimus pro famulo tuo illo; praesta, quaesumus, ut convenienter haec agere et remedia illi valeamus obtinere sempiterna. | |
| 3089 | In honorem virginis ... patiatur absorbi. |
| In honorem virginis tuae Euphemiae has tibi oblatas, indivisa Trinitas deus, pro vivorum commoditate et defunctorum requie propitiatus assume, ut haec virgo, quae nec rotarum argumento victa dissolvitur nec appositis ignibus corpore concrematur, nec viventes curis superfluis dilabi nec sepultos poenalibus flammis patiatur absorbi. | |
| 3090 | In ieiunii humilitate ... pura succrescat. |
| In ieiunii humilitate substratis, omnipotens sempiterne deus, absterge omnem labem peccati, ut, mundatis nostri cordis arcanis cum abstinentia ciborum, iurgiorum etiam inquietudinibus exclusis, dilectio tua et proximi nostris in cordibus pura succrescat. | |
| 3091 | In ieiunio hoc ... cordibus oriaris. |
| In ieiunio hoc afflicti corpore et corde contriti, frequentamus ad te preces, clementissime deus, ut cum abstinentia corporali abstinentia nobis vitiorum donetur, ut, restricto corpore ab epulis, tu, qui es refectio vera, in nostris cordibus oriaris. | |
| 3092 | In memoria beatissimi ... perpetuum mereamur. |
| In memoria beatissimi Bartholomaei apostoli tui, Christe domine, oblatum sacrificium sanctificare dignare et offerentes solita miseratione a piaculis liberos effice, ut, dum sacrificium nostrum prece apostoli tui habueris ratum, ex illo sumentibus paracliti conferas donum et omnium fidelium visceribus infundas cor mundum et spiritum rectum, et, qui altaris tui officiis nos indignos pro certo fatemur, meritis sancti apostoli tui Bartholomaei iustificari in perpetuum mereamur. | |
| 3093 | In memoria aeterna ... patrocinium indisruptum. |
| In memoria aeterna beati martyris tui illius, domine, laetamur tempore recurrenti, magnificantes eius gloriam passionis et beatitudinis ipsius facta celebrantes, quae a te accepit atque in te possedit, largitore inexhausto, retributore perpetuo, fonte profluo, thesauro sempiterno; da nobis, quaesumus, veneratoribus suis, eius peculiare suffragium et, quibus dedisti nominis eius titulum, praesta patrocinium indisruptum. | |
| 3094 | In mentibus nostris ... pervenire laetitiam. |
| In mentibus nostris, domine, verae fidei sacramenta confirma, ut, qui, conceptum de virgine, deum verum et hominem confitemur, per eius salutiferae resurrectionis potentiam ad aeternam mereamur pervenire laetitiam. | |
| 3095 | In oblatis tibi ... praeterierunt institutum. |
| In oblatis tibi, deus, sacrificiis respice et decimas rerum in eorum, a quibus oblatae sunt, profectum assume, ut eorum facultates, te praesule, numquam revocentur ad decimum, qui in oblatis tibi fideliter decimum tuum non praeterierunt institutum. | |
| 3096 | In proximum quidem ... quod condemnes. |
| In proximum quidem est, domine, dies adventus tui sed quaesumus, ut, antequam venias, expiari mereamur ab omni contagione delicti. Prius dilue, rogamus, in nobis omne, quod in illa futura examinatione puniturus es, ut, cum iustus adveneris iudex, non invenias in nobis, quod condemnes. | |
| 3097 | In sancti apostoli ... comitetur miseratio. |
| In sancti apostoli tui Andreae, domine, translatione nos haec oblatio pietati tuae reddat acceptos, ut, sicut illum beata retributio, ita nos gratiae tuae comitetur miseratio. | |
| 3098a | In sanctorum tuorum ... reddantur officia. |
| In sanctorum tuorum passionibus pretiosis te, domine, mirabilem praedicantes, munera votiva deferimus; praesta, quaesumus, ut, sicut illorum tibi grata sunt merita, sic nostrae servitutis accepta reddantur officia. | |
| 3098b | In sanctae martyris ... reddantur officia. |
| In sanctae martyris tuae Iulianae passione pretiosa te, domine, mirabilem praedicantes, munera votiva deferimus; praesta, quaesumus, ut, sicut eius tibi grata sunt munera, sic nostrae servitutis accepta reddantur officia. | |
| 3099 | In te est ... purgationem exhibeant. |
| In te est, deus, omne desiderium spei nostrae, in quo est beatitudo dulcedinis repromissae. Tu igitur, relaxans peccata, carnem nostram vulnere crucis tuae mortifica, ut, qui hos dies passionis tuae cum voto ieiunii celebramus, in futura beatitudine muneremur. Has quoque hostias ita, quaesumus, tua divinitas benedicat, ut ex his libantibus criminum purgationem exhibeant. | |
| 3100 | In tuo conspectu ... placere perficiant. |
| In tuo conspectu, domine, quaesumus, talia nostra sint munera, quae et placare te valeant et nos tibi placere perficiant. | |
| 3101 | In tuorum domine ... omne principium. |
| In tuorum, domine, pretiosa morte iustorum sacrificium illud offerimus, de quo martyrium sumpsit omne principium. | |
| 3102 | In veneratione beati ... morte occubuit. |
| In veneratione beati Quintini martyris tui, omnipotens deus, tibi laudis hostiam immolamus, orantes, ut ipse pro nobis intercessor exsistat, qui pro tuo nomine gloriosa morte occubuit. | |
| 3103 | In veneratione nominis ... consequantur effectum. |
| In veneratione nominis dilecti filii tui domini nostri Iesu Christi tibi, deus, pater misericordiarum, devotis mentibus hostias immolamus, suppliciter deprecantes, ut earum virtute cunctis egentibus praestetur auxilium, ut, in eodem nomine delectantes, salutarem sui propositi consequantur effectum. | |
| 3104 | In veneratione sancti ... quae sumpsimus. |
| In veneratione sancti patris Augustini beatorumque eius sociorum, quaesumus, omnipotens deus, ut tantis patronis nos iungant haec sancta, quae sumpsimus. | |
| 3105 | Incende cor meum ... animae meae. |
| Incende cor meum, domine, concupiscentiae tuae flamma, quae cunctas vepres pectoris mei exurat; totum tolle, quod nocet; ipsum praesta, quod decet; tolle nocentia cuncta; doce praesentia vitare; salus esto infirmitatis meae et verus resuscitator animae meae. | |
| 3106a | Inchoata ieiunia domine ... in mente. |
| Inchoata ieiunia, domine, quaesumus, benigno favore prosequere, ut, sicut ab alimentis in corpore, ita a vitiis ieiunemus in mente. | |
| 3106b | Inchoata domine quaesumus ... in mente. |
| Inchoata, domine, quaesumus, benigno favore prosequere, ut, sicut ab alimentis in corpore, ita a vitiis custodi in mente. | |
| 3106c | Ieiunia nostra quaesumus ... in mente. |
| Ieiunia nostra, quaesumus, domine, benigno favore prosequere, ut, sicut ab alimentis in corpore, ita a vitiis ieiunemus in mente. | |
| 3107a | Inchoata ieiunia quaesumus ... implere sinceris. |
| Inchoata ieiunia, quaesumus, domine, benigno favore prosequere, ut observantiam, quam corporaliter exercemus, mentibus valeamus implere sinceris. | |
| 3107b | Inchoata ieiunia quaesumus ... exercere valeamus. |
| Inchoata ieiunia, quaesumus, domine, benigno favore prosequere, ut observantiam, quam corporaliter exhibemus, mentibus etiam sinceris exercere valeamus. | |
| 3108 | Inclina aurem tuam ... meruit obtinere. |
| Inclina aurem tuam ad preces familiae tuae et da pacem, quam permanere iugiter praecepisti; illud etiam specialiter praestare digneris, ut parem caritatem teneamus, quam pontifex tuus Martinus in hoc saeculo, te opitulante, meruit obtinere. | |
| 3109 | Inclina aurem tuam ... remunerator futurae. |
| Inclina aurem tuam, omnipotens deus, et esto nobis praesentis vitae rector, ut sis remunerator futurae. | |
| 3110 | Inclina domine aurem ... testimonio fulgeamus. |
| Inclina, domine, aurem tuam ad precem nostram et ne nos de manu tuae miserationis excludas et, quia mirabilia tua non in tenebris sed in lumine cognoscuntur, tetra peccati nostri discute fulgore virtutis tuae et fac luce radiare iustitiae, ut, qui verbum vitae fide inclinabili continemus, dilectionis in te atque proximum tuo testimonio fulgeamus. | |
| 3111 | Inclina domine aures ... sempiterna recipiant. |
| Inclina, domine, aures pietatis tuae et exaudi preces nostras; aperi oculos maiestatis tuae et respice propitius super famulos tuos, qui nobis temporalia bona largiuntur; dona eis indulgentiam peccatorum et in operibus bonis perseverantiam, ut in regno tuo magna pro parvis, caelestia pro terrenis et pro temporalibus sempiterna recipiant. | |
| 3112 | Inclina domine pias ... conferas medicinam. |
| Inclina, domine, pias aures ad desideria supplicantium et, quae devoto corde poscimus, benignus admitte, ut servo tuo illi, qui typo cottidianae aut triduanae vel quartanae vexationis fatigatur, fidelis famuli tui Sigismundi precibus benignus occurras, ut, dum nobis illius patefacis merita, famulo tuo aegroto conferas medicinam. | |
| 3113 | Inclina domine precibus ... ad vitam. |
| Inclina, domine, precibus nostris aures tuae pietatis et animae famuli tui illius remissionem tribue omnium peccatorum, ut, mortis vinculis absolutus, transitum mereatur ad vitam. | |
| 3114 | Inclina domine precibus ... amoenitate requiescat. |
| Inclina, domine, precibus nostris aures tuae pietatis et animae famuli tui illius remissionem tribue omnium peccatorum, ut usque ad resurrectionis diem in lucis amoenitate requiescat. | |
| 3115 | Inclina quaesumus aurem ... tribue mansionem. |
| Inclina, quaesumus, aurem tuam supplicationibus nostris et animae famulae tuae perpetuae lucis tribue mansionem. | |
| 3116a | Inclina quaesumus domine ... esse consortes. |
| Inclina, quaesumus, domine, aures tuas ad preces nostras, pro quibus misericordiam tuam supplices exoramus, ut animas famulorum famularumque tuarum in pacis ac lucis regione constituas et sanctorum tuorum iubeas esse consortes. | |
| 3116b | Inclina domine aurem ... esse consortem. |
| Inclina, domine, aurem tuam ad preces nostras, quibus misericordiam tuam supplices deprecamur, ut animam famuli tui illius, quam de hoc saeculo migrare iussisti, in pacis ac lucis regione constituas et sanctorum tuorum iubeas esse consortem. | |
| 3116c | Inclina domine quaesumus ... esse consortem. |
| Inclina, domine, quaesumus, aurem tuam ad preces nostras, quibus misericordiam tuam supplices exoramus, ut animam famuli, tui illius, quam hodie assumpsisti, in pacis ac lucis regione constituas et sanctorum tuorum iubeas esse consortem. | |
| 3117 | Inclina quaesumus domine ... perfrui beatorum. |
| Inclina, quaesumus, domine, precibus nostris aures tuae pietatis et animae famuli tui illius remissionem tribue omnium peccatorum, ut, his sacrificiis purificatus, consortio mereatur perfrui beatorum. | |
| 3118 | Inclina quaesumus piissime ... caritatis ostende. |
| Inclina, quaesumus, piissime deus, aurem tuam ad preces nostrae humilitatis et gressus nostros propitius ab omni errore converte viamque nobis pacis et caritatis ostende. | |
| 3119 | Inclinantes se domine ... muniantur auxiliis. |
| Inclinantes se, domine, maiestati tuae propitiatus intende, ut, qui divino munere sunt refecti, caelestibus semper muniantur auxiliis. | |
| 3120 | Incliti domine confessoris ... regni caelestis. |
| Incliti, domine, confessoris tui Martialis precibus et meritis hoc nostrae, quaesumus, placatus assume sacrificium laudis, quo heredes fieri mereamur regni caelestis. | |
| 3121 | Indicabimus plane nec ... praestent salutem. |
| Indicabimus plane nec umquam tacebimus passum te, Christe, pro redemptione miserorum, resurrexisse pro salute felicium, caelos adscendisse pro virtute meritorum, venturum te esse iudicem mortuorum atque viventium. Quod scientes, domine, ut nobis dies illa terribilis aliquantulum ex tua propitiatione mitior adveniat, haec munera offerimus, quae, ut nobis in salutem percepta contingant, supplices deprecamur. Visitet ea spiritus tuus sanctus, qui in similitudinem flammae Manoae dona suscepit. Visitet et vivificet ea spiritus tuus sanctus, qui per vaporem incendii Eliae prophetae holocaustum assumpsit. Visitet et vivificet ea spiritus tuus sanctus, qui ignearum divisione linguarum in apostolorum tuorum cordibus commeavit, ut, recepta in visceribus nostris, et praesentem nobis et aeternam praestent salutem. |
|
| 3122 | Indignos nos quaesumus ... adventu laetifica. |
| Indignos nos, quaesumus, domine, famulos tuos, quos actionis propriae culpa contristat, unigeniti filii tui adventu laetifica. | |
| 3123 | Indivisa Trinitas et ... propitiatus oblata. |
| Indivisa Trinitas et una maiestas, quae praedictorum trium martyrum in passione laudaris et praesentium sacrificiorum litatione placandus adscisceris, te vocibus, votis et orationibus imploramus, ut, qui illis inexpugnabilem tribuisti, devicto hoste, victoriam, haec nostra sanctifices propitiatus oblata. | |
| 3124 | Indulge domine petentibus ... adiutorio pervenire. |
| Indulge, domine, petentibus nobis pro famulo tuo illo, indulgentiam poscente, ut secura mente tibi, domino deo nostro, victimam pro ipso offerre valeamus et pro delictis suis veniam obtineat; sanitatis per te, pater sancte, munera consecutus, ad salutem gratiae aeternae possit cum tuo adiutorio pervenire. | |
| 3125a | Indulgentiam nobis domine ... merito castitatis. |
| Indulgentiam nobis, domine, beata Agatha martyr (tua) imploret, quae tibi grata exstitit virtute martyrii et merito castitatis. | |
| 3125b | Indulgentiam nobis domine ... professione virtutis. |
| Indulgentiam nobis, domine, beata Agatha martyr imploret, quae tibi grata semper exstitit et merito castitatis et tuae professione virtutis. | |
| 3126a | Indulgentiam nobis domine ... grata precatio. |
| Indulgentiam nobis, domine, quaesumus, sancti illius postulet tibi grata precatio. | |
| 3126b | Indulgentiam tuam domine ... salvatorem nostrum. |
| Indulgentiam tuam, domine, nobis, quaesumus, sancti Laurentii postulet grata precatio per dilectissimum filium tuum, deum, dominum et salvatorem nostrum. | |
| 3127 | Indulgentiam nobis domine ... sensibus operemur. |
| Indulgentiam nobis, domine, tribue peccatorum, ut instituta paschalia tibi placitis sensibus operemur. | |
| 3128 | Indulgentiam nobis praebeant ... suffragiis offeruntur. |
| Indulgentiam nobis praebeant haec munera, quaesumus, domine, largiorem, quae venerabilis Andreae suffragiis offeruntur. | |
| 3129 | Ineffabilem misericordiam tuam ... meremur eripias. |
| Ineffabilem misericordiam tuam, domine, nobis clementer ostende, ut simul nos et a peccatis exuas et a poenis, quas pro his meremur, eripias. | |
| 3130 | Ineffabili corporis sanguinisque ... iugiter proficiat. |
| Ineffabili corporis sanguinisque filii tui suavitate refecti, quaesumus, domine deus noster, ut beati Barnabae apostoli tui supplicatione ad salutem nobis mentis et corporis iugiter proficiat. | |
| 3131 | Ineffabilis sapientia dei ... pace laetificet. |
| Ineffabilis sapientia dei patris, Christe, filius dei, qui cum illo et spiritu sancto unum deitatis possides nomen, ecclesiae tuae placabilis respice plebem et, qui apostolo tuo Bartholomaeo dedisti, ut per illum possent daemonia eiici et vinculis mirabiliter stringi, tribue nobis, ut, absolutis peccaminum vinculis, per illum efficiamur beati, quatenus sic nostra acceptentur obsequia, ut his celebrationibus et vivis securitas et defunctis concedatur requies sempiterna, ut apostoli tui praedicatio viventes cottidie corrigat et eius meritum defunctorum spiritus in pace laetificet. | |
| 3132a | Inenarrabilis sacramenti dulcedinis ... bonarum creatorem. |
| Inenarrabilis sacramenti dulcedinis suavitate refecti, quaesumus, domine deus noster, ut per venerabile atque sacratissimum sepulcrum tuum nos facias hodie clarescere gaudiis et tribue, quaesumus, nobis, domine, famulis tuis, ut, nullius umquam terrenis affectibus implicati, te sequi mereamur, desideratum dominum, rerum omnium bonarum creatorem. | |
| 3132b | Inenarrabilis sacramenti dulcedinis ... omnium creatorem. |
| Inenarrabilis sacramenti dulcedinis suavitate refecti, quaesumus, domine, beati Marci evangelistae tui muniti suffragiis; nullis umquam impediamur terrenis actibus implicati, te sequi, desideratum dominum, rerum bonarum omnium creatorem. | |
| 3133 | Infirmitatem meam respice ... restaurare dignare. |
| Infirmitatem meam respice, obsecro, mitissime deus, et me indignum famulum tuum, propriis et alienis reatibus aggravatum, ad meliorem vitam per haec sacramenta, quae sumpsi, restaurare dignare. | |
| 3134 | Infirmitatem nostram quaesumus ... intercessione averte. |
| Infirmitatem nostram, quaesumus, domine, propitius respice et mala omnia, quae iuste meremur, sanctorum tuorum intercessione averte. | |
| 3135 | Infirmitatem nostram respice ... nos protegat. |
| Infirmitatem nostram respice, omnipotens deus, et, quia pondus propriae actionis gravat, beati Fabiani martyris tui atque pontificis intercessio gloriosa nos protegat. | |
| 3136 | Infunde quaesumus domine ... novimus infusum. |
| Infunde, quaesumus, domine, cordibus nostris illius conversionis affectum, quem beatae Mariae Aegyptiacae a tua gratia novimus infusum. | |
| 3137 | Infunde quaesumus domine ... fideliter diligamus. |
| Infunde, quaesumus, domine deus, per haec sancta, quae sumpsimus, tuae cordibus nostris lumen sapientiae, ut te veraciter agnoscamus et fideliter diligamus. | |
| 3138 | Infunde quaesumus famulis ... virtute sectentur. |
| Infunde, quaesumus, famulis tuis, domine deus, spiritum veritatis et pacis, ut, quae tibi placita sunt, toto corde cognoscant et agnita tota virtute sectentur. | |
| 3139 | Ingenite pater summe ... meruit iucundari. |
| Ingenite pater summe, qui tanta ac talia beneficii munera virgini gloriosae contulisti Mariae, cuius verbo, attestante angelo, dicata, cuius spiritu illibate sistit fecunda, cuius virtute divinitus obumbrata, cuius iussu mundi salvationem noscitur paritura, cuius voluntate virgo sistit ante partum, cuius posse virgo mansit post partum, cuius imperio ipsi canduit diu castitas, cuius miraculo immaculata virginitas ... Indignis, quaesumus, annue nobis eius favore tueri pie de nugis sive merito emundari de propriis. Ac, sicut illa hodie inter angelorum virginumque choros meruit assumi sive de dono illibatae carnis feliciter iucundari, sic nos facias, stimulo perfecte exstirpato carnali, beatiores ibidem misericorditer admitti, fruituri nempe cum angelis ibidem perennius regno, quibus hodie fuit per eam laetabunda assumptio, ibidem saepe sine termino mansuri, ubi omnis caelestis exercitus, gloria hodie tantae assumptionis gavisus, indesinenter meruit iucundari. |
|
| 3140 | Ingeniti genite Iesu ... praesentia collactari. |
| Ingeniti genite, Iesu, dei filius, Christe, qui, septiformi illo gratiarum spiritu discipulos implens, septem nostris partibus tubas, septem videlicet praesules, destinare dignatus es, qui, septiformi gratiarum ubertate repleti, caeca partis nostrae vel nubila sui praesentia luminarent, da in nobis serenum lumen iustitiae, aeterni luminis pacem, septenam sancti spiritus ubertatem, quo, tuae pacis commodo opulentius pleni, gloriosae faciei tuae mereamur praesentia collactari. | |
| 3141 | Ingeniti genite Iesu ... a peccatis. |
| Ingeniti genite, Iesu, huic, quaesumus, illabere sacrificio tuo coaeterno paraclito spiritu, ut dignetur nostris quoque ingerere sensibus, et te, qui iamdudum venienti ad crucem discipulo inquis: “Tua haec est mater”, quam noveras tuam itaque esse genitricem, petimus, ex hoc libantes calice, quod tuo manavit ex latere, ut elui mereamur ab omni peccatorum contagione. Atque in hoc die excessus tuae matris proficiat, quaesumus, domine, vivis hoc oblatum vel defunctis, quod nostris pro peccatis offerimus e manibus nostris. Sicque per istius virginis interventum catholicis etiam subsequatur ecclesiis tuitio, regibus praestetur modestia, patriae ac orphanis defensio, navigantibus itidem concedatur portus, exsules suam revertantur ad patriam atque omnibus continentibus et virginibus omnimoda detur perseverantia et ita omnes quidem in commune viventes clerici mereantur aliquantulas diei istius tibi peragere obsequelas, ut prece tuae matris valeant suis emundari a peccatis. |
|
| 3142 | Ingeniti genitoris genite ... legitimum sacramentum. |
| Ingeniti genitoris genite filius, qui in eo nobis diei huius octavi renovas cultum, in quo te discipulorum adspectibus hodie praebuisti palpandum Nam, licet haec dies sit prior prae ceteris conditus, tamen octavus post septem efficitur revolutus, quo ipse, sicut admirabiliter e sepulcro surrexisti a mortuis, ita ad discipulos inaestimabiliter intrasti ianuis obseratis, initium videlicet paschae ac finem exornans congruis sacramentis, cum et resurrectio tua custodibus terrorem incuteret et manifestatio discipulorum corda dubia confortaret. Quaesumus ergo, ut nos, his sacramentis imbutos, fides, qua te credimus, post istud saeculum tibi repraesentet illaesos. Nullum nobis de te scrupulum dubitationis errorisque aut otium pariat aut quaesitio incauta enutriat. Serva in nomine tuo, quos redemisti sanguine pretioso. Contemplandum te nostris sensibus praebe nostrumque cor dignatus ingredere. Esto semper in medio nostri, qui hodie, pacem nuntians, discipulorum in medio adstitisti. Quique in eis insufflasti spiritum vitae, nobis largire eiusdem spiritus consolationem, quo sacrum pascha, quod, evolutis septem dierum cursibus, immolavimus, huius octavi diei curriculo praesenti sacrificio consummemus, ut in hoc die, a quo resurrectionis tuae coepimus excolere mysterium, praesentis paschae peragamus legitimum sacramentum. |
|
| 3143 | Inscrutabilem secreti tui ... has electas ad sanctum sacrificium creaturas in corpus et sanguinem Christi tui de caelo sanctifices et interventu sancti Olavi regis ac martyris nobis in salutem vitae et animae |
| Inscrutabilem secreti tui virtutem trepidi imploramus, omnipotens pater, <ut> has electas ad sanctum sacrificium creaturas in corpus et sanguinem Christi tui de caelo sanctifices et interventu sancti Olavi regis ac martyris nobis in salutem vitae et animae provenire concedas. | |
| 3144 | Instantibus precibus omnipotens ... munera consequamur. |
| Instantibus precibus, omnipotens deus, immensas supplicesque tibi referimus gratias, per quem cognovimus in terra viam tuam et in omnibus gentibus salutare tuum, teque rogamus et petimus, ut, qui huius martyris tui Mametis sollemnitatem nempe devoto mentis obsequio celebramus, cuius hodie sollemnitate et honore laetamur, salutis aeternae munera consequamur. | |
| 3145 | Intende domine munera ... offensionibus immolamus. |
| Intende, domine, munera, quae altaribus tuis pro sanctorum tuorum illorum commemoratione deferimus et pro nostris offensionibus immolamus. | |
| 3146 | Intende domine quaesumus ... et gaudium. |
| Intende, domine, quaesumus, supplices tuos et pariter nobis indulgentiam tribue benignus et gaudium. | |
| 3147 | Intende munera domine ... indulgentiam largiaris. |
| Intende, munera, domine, quaesumus, altaribus tuis pro sanctae Felicitatis martyris tuae commemoratione proposita, ut, sicut per haec beata mysteria illis gloriam contulisti, nobis indulgentiam largiaris. | |
| 3148 | Intende pie pater ... sanctifica holocausta. |
| Intende, pie pater, in oblatis sacrificiis et benignus adspira precibus nostris, quique praedictorum martyrum praedicatione idolorum contrivisti funesta, haec nostra tua opitulatione sanctifica holocausta. | |
| 3149 | Intende precamur altissime ... honore concede. |
| Intende, precamur, altissime, vota, quae reddimus, et tibi placita fieri eorum precibus, pro quorum deferuntur honore, concede. | |
| 3150 | Intende quaesumus domine ... plenitudinem pervenire. |
| Intende, quaesumus, domine, hostias familiae tuae et, quam sacri muneris facis esse participem, tribue ad eius plenitudinem pervenire. | |
| 3151a | Intende quaesumus domine ... eademque sanctifica. |
| Intende, quaesumus, domine, oblata tibi munera et deprecatione sancti illius martyris tui nos ipsos eademque sanctifica. | |
| 3151b | Intende propitius quaesumus ... eademque sanctifica. |
| Intende propitius, quaesumus, domine, oblata tibi haec munera et deprecatione beati illius martyris tui atque pontificis, in cuius ea commemoratione deferimus, nos ipsos eademque sanctifica. | |
| 3152 | Intende quaesumus domine ... respiremus auditi. |
| Intende, quaesumus, domine, preces nostras et, qui, non operando iustitiam, correptione meremur affligi, in tribulatione clamantes, respiremus auditi. | |
| 3153 | Intende quaesumus domine ... exspectata sumamus. |
| Intende, quaesumus, domine, sacrificium singulare, ut huius participatione mysterii, quae speranda credimus, exspectata sumamus. | |
| 3154 | Inter innumera domine ... sunt provisa. |
| Inter innumera, domine, pietatis tuae subsidia hinc fragilitatem nostram confidimus non relinqui, quia tanta nobis placentium tibi patrocinia sunt provisa. | |
| 3155 | Inter laudes tuas ... non perdere. |
| Inter laudes tuas et preces nostras, omnipotens deus, interest hodie beatissimi Ioannis praestantissima, in gaudiis populorum ordinata, nativitas, in qua nobis, multiplicis gratiae tuae dona venerantibus, dum in praeconium vocatur ille, qui praestitit, in suffragium quaeritur ille, qui meruit. Qui nobis naturarum omnium creatorem, necdum natus, ostendit, ut expers vitae suae fieret testis gloriae tuae haberetque prius cognitum lucis dominum, quam communis luminis usum. Qui, in illis coagulati corporis rudimentis materni uteri lege viviscens, vocem dominicae matris salutantis exciperet et quodam ministerio devotionis exsiliens motu exsultanter responderet, qui, ad opus evangelii nasciturus, matrem de officio, necdum editus, commoneret. Qui, praedicaturus paenitentiam, paternae diffidentiae errorem interceptae vocis dispendio castigaret et dubiae mentis incredulitatem prophetatus clauderet, quo venturae salutis fidem prophetaturus aperiret. In huius ergo, domine, natalitii diei sollemnitate gaudentes, pacificas sacrificiorum tibi hostias immolamus, ut sacerdotalis officii functionem sancti angeli visitatione dignatus acceptes faciasque promissa nos credere, credita praedicare, praedicata non perdere. |
|
| 3156 | Inter nostrae redemptionis ... provisione suffragii. |
| Inter nostrae redemptionis miranda beneficia et sanctorum martyrum gloriosa sollemnia cum muneribus, domine, tuae laudis occurrimus, agentes gratias et de remedii largitate et de provisione suffragii. | |
| 3157 | Inter patriarcharum inclitae ... perpetua con |
| Inter patriarcharum inclitae memoriae titulos prophetarumque sublimes vaticinio fasces atque martyrum illustres sacram per noctem triumphos, eximium in agone caelesti probatumque tuum athletam sanctum vincentium amore vernulo plebs alumna veneratur. Ob cuius annuam festivitatem te quaesumus, omnipotens Christe, ut offerentium nomina volumen vitae contineat et aeternis sedibus tua mansuros clementia censeat atque praecedentium nos in pace dominica animas pax perpetua con |
|
| 3158 | Inter sacra sollemnia ... peccatorum remissio. |
| Inter sacra sollemnia gloriosi martyris tui Iuliani vota solventes, quaesumus, domine, ut haec hostia sit et tibi placita et nobis exoptata omnium peccatorum remissio. | |
| 3159 | Intercedente beato apostolo ... servitute famulemur. |
| Intercedente beato apostolo illo, munera nostra, quaesumus, domine, propitius suscipe et concede, ut, a cunctis perturbationibus liberati, tranquilla tibi semper servitute famulemur. | |
| 3160 | Intercedentibus sanctis tuis ... profutura percipiat. |
| Intercedentibus sanctis tuis, domine, plebi tuae praesta subsidium, ut, ab omnibus noxiis expedita, cuncta sibi profutura percipiat. | |
| 3161 | Intercessio adstantis tibi ... patrocinio donetur. |
| Intercessio adstantis tibi angeli Raphaelis, domine, nos tibi semper et in omnibus viationi nostrae necessariis commendet et, quod merita nostra non obtinent, eius nobis sacro patrocinio donetur. | |
| 3162 | Intercessio beati Laurentii ... plenitudinem gaudiorum. |
| Intercessio beati Laurentii martyris tui, domine, de sua nobis confessione nascentium, mereatur plenitudinem gaudiorum. | |
| 3163a | Intercessio domine beati ... efficere famulatum. |
| Intercessio, domine, beati Hermetis martyris tui et tuam nobis non desinat placare iustitiam et nostrum tibi devotum iugiter efficere famulatum. | |
| 3163b | Intercessio quaesumus domine ... efficiat servitutem. |
| Intercessio, quaesumus, domine, beatissimae virginis Marcellinae tuam pro nobis placare non desinat maiestatem et, quae tibi placuit suae mentis et corporis integritate, nostram tibi devotam iugiter efficiat servitutem. | |
| 3164 | Intercessio nos quaesumus ... patrocinio assequamur. |
| Intercessio nos, quaesumus, domine, beati Benedicti abbatis commendet, ut, quod nostris meritis non valemus, eius patrocinio assequamur. | |
| 3165 | Intercessio nos quaesumus ... est consecuta. |
| Intercessio nos, quaesumus, domine, sanctae Afrae martyris tuae tibi commendet, quae in confessione tibi placere meruit, tuamque confessionem in caelis adeptura, per aquae mersionem et ignis concremationem coronam vitae est consecuta. | |
| 3166a | Intercessio nos quaesumus ... conspiciamus aeterna. |
| Intercessio nos, quaesumus, domine, sanctae Felicitatis martyris tuae votiva confoveat ut eius sacrata natalicia et temporaliter frequentemus et conspiciamus aeterna. | |
| 3166b | Intercessionibus nos domine ... conspiciamus aeterna. |
| Intercessionibus nos, domine, quaesumus, sanctorum Philippi et Iacobi ubique confoveas, ut eorum sacra natalicia et temporaliter frequentemus et conspiciamus aeterna. | |
| 3167 | Intercessio nos quaesumus ... intercessionibus adiuvemur. |
| Intercessio nos, quaesumus, domine, sanctae martyris tuae illius ab omnibus peccatis emundet, ut, qui eius festa venerando dignis obsequiis celebramus, eius intercessionibus adiuvemur. | |
| 3168 | Intercessio quaesumus domine ... perducat aeterna. |
| Intercessio, quaesumus, domine, beatarum virginum tuarum ab omni nos vitiorum labe purificet et ad gaudia perducat aeterna. | |
| 3169 | Intercessio quaesumus domine ... commemoratione oblata. |
| Intercessio, quaesumus, domine, beati Dunstani haec tibi commendet munera, pro cuius tibi sunt commemoratione oblata. | |
| 3170 | Intercessio quaesumus domine ... multiplicet beneficia. |
| Intercessio, quaesumus, domine, beati Lamberti martyris tui haec tibi commendet sacrificia et tua nobis multiplicet beneficia. | |
| 3171 | Intercessio quaesumus domine ... et meritis eius protegamur |
| Intercessio, quaesumus, domine, beati Severini confessoris tui munera nostra tibi commendet, <ut> et meritis eius protegamur et precibus. | |
| 3172 | Intercessio quaesumus domine ... precibus adiuvemur. |
| Intercessio, quaesumus, domine, beati Wulmari abbatis nos ubique laetificet, ut, dum eius sollemnitatem recolimus, eius precibus adiuvemur. | |
| 3173a | Intercessio quaesumus domine sancti pontificis ... reddat acceptos. |
| Intercessio, quaesumus, domine, sancti pontificis et martyris tui Fabiani munera nostra commendet nosque eius veneratio tuae maiestati reddat acceptos. | |
| 3173b | Intercessio quaesumus domine sancti tui ... reddat acceptos. |
| Intercessio, quaesumus, domine, sancti tui Rufi munera nostra commendet nosque in eius veneratione tuae maiestati reddat acceptos. | |
| 3174a | Intercessio sancti Clementis ... deprecatione pensetur. |
| Intercessio sancti Clementis sacerdotis et martyris misericordiae tuae, domine, munera nostra conciliet, ut, quod merita nostra non supplent, sanctorum tuorum deprecatione pensetur. | |
| 3174b | Intercessio sancti Nicomedis ... valeat obtinere. |
| Intercessio sancti Nicomedis misericordiae tuae, domine, munera nostra conciliet, ut, quod merita nostra non valent, eius deprecatio nobis indulgentiam valeat obtinere. | |
| 3174c | Intercessio quaesumus domine ... nobis obtineat. |
| Intercessio, quaesumus, domine, beatissimi Gregorii, confessoris tui atque pontificis misericordiae tuae munera nostra conciliet, ut, quod merita nostra non valent, eius deprecatio nobis obtineat. | |
| 3174d | Intercessio sanctorum Remigii ... valeamus obtinere. |
| Intercessio sanctorum Remigii atque Hilarii, quaesumus, domine, misericordiae tuae munera nostra conciliet, ut, quod merita nostra non valent, eorum deprecationibus indulgentiam valeamus obtinere. | |
| 3175 | Intercessione quaesumus domine ... donetur aeterna. |
| Intercessione, quaesumus, domine, beatorum martyrum tuorum Euphemiae, Luciae et Geminiani aperi nobis ianuam misericordiae tuae nosque a cunctis protege inimicis et, sicut illi laetantur in gloria, sic eorum supplicatione beatitudo nobis donetur aeterna. | |
| 3176 | Intercessionibus beatae virginis ... efficiantur mentes. |
| Intercessionibus beatae virginis et martyris tuae Agathae, quaesumus, domine, fructum clementiae tuae sentiant supplicantes, cuius orationibus in sancta ecclesia tua etiam eorum devotae efficiantur mentes. | |
| 3177 | Interveniant pro nobis ... in caelis. |
| Interveniant pro nobis, domine Iesu Christe, beatissimae genitricis tuae sorores Maria Iacobi et Maria Salome et praesta, ut, qui earundem tuarum materterarum sollemnia celebramus hic in terris, ipsarum patrociniis apud te semper sublevemur in caelis. | |
| 3178a | Interveniat pro nobis ... doloris pertransivit. |
| Interveniat pro nobis, domine Iesu Christe, nunc et in hora mortis nostrae beatissima virgo Maria mater tua, cuius sacratissimam animam in hora mortis tuae gladius doloris pertransivit. | |
| 3178b | Interveniat pro nobis ... gaudium laetificavit. |
| Interveniat pro nobis, quaesumus, domine Iesu Christe, apud tuam sanctam clementiam nunc et in hora mortis nostrae piissima virgo Maria mater tua, cuius sacratissimam animam in hora benedictae passionis tuae doloris gladius pertransivit et in gloriosissima resurrectione tua ingens gaudium laetificavit. | |
| 3179 | Interveniat pro nobis ... iubeas intimari. |
| Interveniat pro nobis, domine, petimus, sanctus tuus martyr ille, qui sanguinem suum pro tuo nomine gloriosum fudit, et, ipso interveniente, nomina, quae recitata sunt, nostrorum carorum in caelesti pagina iubeas intimari. | |
| 3180 | Interveniat pro nobis ... honore portavit. |
| Interveniat pro nobis, domine, quaesumus, sanctus tuus Lucas evangelista, qui crucis mortificationem iugiter in suo corpore pro tui nominis honore portavit. | |
| 3181 | Interveniat pro nobis ... corde servavit. |
| Interveniat pro nobis, quaesumus, domine, beatissima virgo Marcellina, quae pro tui nominis amore virginitatis laudandae propositum intemerato semper corpore et corde servavit. | |
| 3182 | Interveniente quaesumus domine ... potenter effice. |
| Interveniente, quaesumus, domine, beata Agnete virgine tua et martyre, hostiam, quam tibi offerimus, placatus suscipe et ipsius precibus caelesti convivio nos dignos potenter effice. | |
| 3183 | Intervenientibus domine sanctis ... serviat libertate. |
| Intervenientibus, domine, sanctis martyribus tuis Hermachora et Fortunato, ecclesiae tuae, quaesumus, voces placatus admitte, ut, destructis adversitatibus universis, secura tibi serviat libertate. | |
| 3184 | Interventionibus beati Benedicti ... decoratur exemplis. |
| Interventionibus beati Benedicti confessoris tui, quaesumus, domine, familiae tuae tibi sit accepta oblatio, cuius vita mirabilibus decoratur exemplis. | |
| 3185a | Interventu precis et ... repleamur eduliis. |
| Interventu precis et obtentu orationis beati Ambrosii sacerdotis et confessoris tui, domine, his muneribus, tibi oblatis, benedictionem effunde de caelis, quo, ex eis sumentes, et omnibus careamus culpis et caelestibus repleamur eduliis. | |
| 3185b | Interventu precum et ... praesta ut omnibus careamus culpis et caelestibus |
| Interventu precum et obtentu orationum beati Arnulfi confessoris tui atque pontificis, domine, quaesumus, his muneribus oblatis benedictionem effunde caelestem, quibus eiusdem annuam celebramus commemorationem, <et> praesta, ut omnibus careamus culpis et caelestibus inseramur gaudiis. | |
| 3186 | Intuere piissime deus ... a culpa. |
| Intuere, piissime deus, tuorum sacrificia famulorum, quae tibi ob natalem dedicationis templi huius litantur, ut, qui in hoc die ecclesiae tuae celebramus sollemnia, his hostiis expiemur a culpa. | |
| 3187 | Intuere piissime domine ... defunctis impertiat. |
| Intuere, piissime domine, ieiunii nostri devotissimam precem et offensis nostris propitiatus ignosce, quo et humiliatio abstinentiae nostrae tibi gloriam deferat et oblatio huius sacrificii requiem defunctis impertiat. | |
| 3188 | Intuere propitius domine ... requies sempiterna. |
| Intuere propitius, domine, offerentium vota et peccantium sana discrimina ac praesta nobis, ut, sicut nomen sexusque Eugeniae virginis cognitionem tui perspicui Eleni non latuit sacerdotis, ita nomina nostra ex occultis iudiciis tuis aeternis iam adnotentur in paginis, quo in huius virginis ac martyris tuae sollemnitate et vivis solatia et quiescentibus praestetur requies sempiterna. | |
| 3189 | Intuere propitius summe ... sibimet impertitam. |
| Intuere propitius, summe clementissime deus, et de illa aethereae arcis quadriformis machinae sede haec libationum munera vultibus attende serenis geminumque sanctorum martyrum tuorum Emeterii et Celedonii sacrificium recolens et triumphum, haec, quae in eorum annuo natali litantur, solita benignitate sanctifica. Sit conformis in proprietate nominum corporis et sanguinis Iesu Christi domini nostri placita acceptaque libatio, ut, quisque devotionis ausu esum ex his potumve libaverit, sentiat promeruisse dignus custodiam, languidus medelam, contritus consolationem, sibimet impertitam. | |
| 3190 | Intuere quaesumus domine ... gaudia pervenire. |
| Intuere, quaesumus, domine deus, ad nostrae humilitatis hostiam, tibi in honorem sancti martyris tui ac regis Edwardi oblatam, quam tibi sacram oblationem mirabili dispensatione efficere voluisti, et concede nobis illius precibus ita innocenter vivere, ut ad aeterna mereamur gaudia pervenire. | |
| 3191 | Intuere quaesumus omnipotens ... requiem sempiternam. |
| Intuere, quaesumus, omnipotens aeterne deus, placatus et suscipere dignare hoc sacrificium, quod tibi offerimus pro famulo tuo illo monacho, et concede illi pacem perpetuam et requiem sempiternam. | |
| 3192a | Inveniant quaesumus domine ... sunt sacramentum. |
| Inveniant, quaesumus, domine, animae famulorum famularumque tuarum omnium, in Christo quiescentium, lucis aeternae consortium, qui, in hac luce positi, tuum consecuti sunt sacramentum. | |
| 3192b | Inveniat quaesumus domine ... est sacramentum. |
| Inveniat, quaesumus, domine, anima famulae tuae illius lucis aeternae consortium, cuius perpetua gratia consecuta est sacramentum. | |
| 3193 | Invictam clementiam tuam ... Iesu Christi. |
| Invictam clementiam tuam deprecamur, domine, sancte, pater, aeterne omnipotens deus, ut mundes vasa cordis nostri ab omni iniquitate; sensus etiam pacifices in tua sanctitate; membrum nostrum affectu limpidiori praeparare digneris, ubi recondas, quaesumus, sanguinem filii tui domini nostri Iesu Christi. | |
| 3194 | Invitemus fratres carissimi ... medicus qui si fletus nostros contritione cordis <et |
| Invitemus, fratres carissimi, redemptoris nostri serenos oculos et benignos auditus, conscientiae maculas gemitibus publicantes, ut, quid deferimus in dolore, medicinam ... Cur inclusos febrium nutrimus aestus. Sumptuosa curae conductela non opus est. Solis lacrimis contentus <est> medicus, qui, si fletus nostros contritione cordis <et> humiliatione corporis conspexerit, aeternae salutis gaudia non negabit. | |
| 3195 | Invocantes nomen tuum ... ac reformes. |
| Invocantes nomen tuum, domine, deprecamur, ut, qui patres nostros, virtute tui nominis praeeunte, angelicis pastibus refecisti, nos quoque intercessione beatorum martyrum tuorum Marci et Marcelliani mysticis dapibus foveas ac reformes. | |
| 3196 | Ipsa maiestati tuae ... reconciliavit inimicos. |
| Ipsa maiestati tuae, domine, fideles populos commendet oblatio, quae per filium tuum reconciliavit inimicos. | |
| 3197 | Ipse tibi quaesumus ... traditione monstravit. |
| Ipse tibi, quaesumus, domine, sancte pater, omnipotens aeterne deus, sacrificium nostrum reddat acceptum, qui discipulis suis in sui commemorationem hoc fieri hodierna traditione monstravit. | |
| 3198 | Ipsi nobis domine ... sollemniter celebramus. |
| Ipsi nobis, domine, quaesumus, postulent mentium puritatem, quorum innocentiam hodie sollemniter celebramus. | |
| 3199 | Ipsius peracti mysterii ... inveniet sempiternam. |
| Ipsius peracti mysterii recordatione, quod in corpore scilicet tuo, domine Iesu Christe, deus noster, passionis tempore egisti, admonemus tuam interminabilem pietatem, quamvis conscientia facinorum memores remordente, de magnitudine clementiae tuae praesumentes exposcere. Idcirco petimus, redemptor noster, ut hodie per te acceptentur oblationes nostrae, quas in corporis tui similitudinem passionis conformes humiliatis mentibus exhibemus, ut, sicut illa vera et sacratissima passio in carne tua non modo vivis profuit sed et mortuis, ita per te etiam, quorum nomina tuo coram altario sunt delata, apud te, qui es iudex vivorum et mortuorum, culparum capiant indulgentiam, ut requiem in te accipiant, in quem credens anima requiem inveniet sempiternam. |
|
| 3200 | Iram tuam quaesumus ... soles indignis. |
| Iram tuam, quaesumus, domine, a populo tuo miseratus averte, quam nostris quidem meremur operibus sed humana fragilitate sustinere non possumus; illa nos itaque contine pietate, quam praestare soles indignis. | |
| 3201 | Ista sunt domine ... corporis medicinam. |
| Ista sunt, domine, holocausta dulcia, ut mel de petra manantia, apostoli tui Petri instituente doctrina, ut a te magistro didicerat in commemorationem tuae passionis libanda. Fiant ergo, quaesumus, piissimo vultui tuo accepta tuaeque maiestatis dextera sanctificata. Sint placabilitate pinguia et tui oris eloquio benedicta. Sint in percipientibus firmis munimina et infirmis exhibeant animae et corporis medicinam. | |
| 3202 | Istis et omnibus ... terra viventium. |
| Istis et omnibus, in Christo quiescentibus, domine, locum refrigerii, lucis et pacis ut indulgeas, deprecamur ac, si qui peccatorum meritis inferni tenebris ac suppliciis detenentur, misericordiae tuae, oramus, indulge clementiam eosque ad requiem transire praecipias et in prima anastasi cum sanctis et electis tuis iubeas sociari, ut portio tua sint in terra viventium. | |
| 3203a | Iteramus omnipotens deus ... protegatur auxilio. |
| Iteramus, omnipotens deus, deprecationem nostram, quam specialiter pro famulo tuo illo in honorem sancti illius facimus. Tu, clementissime pater, vota perficias; petitiones nostrae adscendant ad aures clementiae tuae et descendat super eum pia sanctificatio atque protectio tua, ut inter omnes huius vitae varietates tuo semper protegatur auxilio. | |
| 3203b | Iteramus omnipotens deus ... defendere digneris. |
| Iteramus, omnipotens deus, deprecationem nostram ante conspectum maiestatis tuae, quam specialiter pro famulo tuo illo oblationem pro peccatis eius offerimus. Vota perficias; petitiones eius adscendant ad aures clementiae tuae et descendat super eum pia benedictio, ut sub umbra alarum tuarum in omnibus protegatur et orationes nostrae, te propitiante, pro ipso non refutentur a conspectu pietatis tuae sed in omnibus eum auxiliare atque defendere digneris. | |
| 3204 | Iterata festivitate beati ... novimus sempiterna. |
| Iterata festivitate beati Laurentii natalicia veneramur, quae in caelesti beatitudine fulgere novimus sempiterna. | |
| 3205 | Iterata legatione rogamus ... pietate conserves. |
| Iterata legatione rogamus, ut tu, deus pater omnipotens, servos atque ancillas tuas propitia maiestate custodias et, ab infestantis inimici insidiosis laqueis liberatos, die noctuque defendas, ne nos occultus inimicus corde et corpore opprimat sed vera lux filii tui faciat spiritali luce pervigiles. ecclesiam quoque tuam fundamentum veritatis contra omnes mundi impetus, contra haereticae pravitatis scandalum caelesti tranquillitate gubernes et regas et omnes, qui in sublimitatibus agunt, catholica fide fundatus, ordinatione compositos, pietate praecipuos, patientia mites, pace quietos efficias universumque mundum propitia pietate conserves. |
|
| 3206 | Iterata mysteria domine ... et gaudium. |
| Iterata mysteria, domine, pro sanctorum martyrum tuorum commemoratione devota mente tractamus, quibus nobis et praesidium crescit et gaudium. | |
| 3207 | Iteratis precibus te ... ad coronam. |
| Iteratis precibus te dominum deum nostrum suppliciter deposcimus, cuius honor sanctitas est, quem diligere salus est, quem amare perfectio est; concede in omni ecclesia tua sancti martyris tui illius lucere vestigia, ut, te regente omnium gressus, ea nos via perducat ad vitam, quae martyrem tuum extulit ad coronam. | |
| 3208 | Iubilationis hostias <et> ... servitutis per interventum beatissimi Bedae confessoris tui benigno quaesumus omnipotens pater intuitu benedicito et ad praesentis et futurae vitae concede prodesse prosperitatem |
| Iubilationis hostias <et> servitutis per interventum beatissimi Bedae confessoris tui benigno, quaesumus, omnipotens pater, intuitu benedicito et ad praesentis et futurae vitae concede prodesse prosperitatem cunctae familiae. | |
| 3209 | Iucundantur domine caeli ... plenus occurras. |
| Iucundantur, domine, caeli et tripudiet terra, quia verbum caro factum habitat in sacrae virginis membra, in cuius adventu omnis de captivitate redimitur terra, quae detinebatur per transgressionem Adae in obscurata gehenna. Nunc moveatur mare et omnia, quae in eis sunt. Montes exsultent et omnia ligna silvarum, quia dominus homo dignatur per uterum beatae virginis Mariae de caelo in mundum venire. Per ipsius igitur adventum te deprecamur, omnipotens deus, ut nostrae carnis fragilitatem a vinculis peccatorum absolvas et praesenti familiae tuae misericordia plenus occurras. | |
| 3210 | Iudex superstitum pariter ... operationem iustorum motus in eo animae adversationi exaggeres et omnia ei pro clementiae tuae |
| Iudex superstitum pariter atque pausantium, pro fidelium omnium defunctorum spiritibus te deprecamur sed maxime pro huius animam famuli tui illius, ut pro meritis et <per> operationem iustorum motus in eo animae adversationi exaggeres et omnia ei pro clementiae tuae pietate indulgeas. | |
| 3211 | Iugiter nos domine ... festivitates exhibeant. |
| Iugiter nos, domine, sanctorum tuorum vota laetificent et patrocinia nobis martyrum ipsae semper festivitates exhibeant. | |
| 3212 | Laeta nos domine ... reddat acceptos. |
| Laeta nos, domine, quaesumus, sancti Laurentii martyris tui festivitas semper excipiat, quae et iucunditatem nobis suae glorificationis infundat et tibi nos reddat acceptos. | |
| 3213 | Laetamur domine tuorum ... sentiamus auxilio. |
| Laetamur, domine, tuorum celebritate sanctorum; praesta, quaesumus, ut, quos veneramur obsequio, adesse nobis sentiamus auxilio. | |
| 3214 | Laetatur domine omnis ... pervenire concedas. |
| Laetatur, domine, omnis conventus ecclesiae tuae in proximitate paschalis laetitiae. Ob hoc prece humili supplicamus, ut, .ieiuniorum nostrorum vota suscipiens, has tibi appositas hostias benedicas nosque, harum perceptione sanctificans, ad tuae passionis gaudia purificatos pervenire concedas. | |
| 3215 | Laetetur domine quaesumus ... et futuris. |
| Laetetur, domine, quaesumus populus tuus, tua dextera sublevatus, et, a tribulatione respirans, continuis protegatur auxiliis et, religiosa conversatione proficiens, et praesentibus bonis gaudeat et futuris. | |
| 3216a | Laetetur ecclesia tua deus martyrum ... secura consistat. |
| Laetetur ecclesia tua, deus, martyrum tuorum Petri et Marcellini confisa suffragiis, atque eorum precibus gloriosis et devota permaneat et secura consistat. | |
| 3216b | Laetetur ecclesia tua deus beati ... secura consistat. |
| Laetetur ecclesia tua, deus, beati Agapiti martyris tui confisa suffragiis, atque eius precibus gloriosis et devota permaneat et secura consistat. | |
| 3217 | Laetetur in te ... tuae promissionis. |
| Laetetur in te, domine, quaeso, virginitas et huic proxima congaudeat continentia. Non sexum quaerunt huiusmodi bella sed animum; non mucronis confidentiam sed pudoris; non etiam discussuras sed causas. Impune inter armatas transit acies innocens conscientia; quae superaverit crimina, superat et metalla. Facile vincit alios, quisque se vicerit et, cum laudabile sit viros rem fecisse virtutum, maioris tamen praeconii est fecisse virginem rem virilem. Profanum sacra ingreditur puella concilium et, solum deum gestiens, infert violentiam passioni. Nec deest lictor tam impudens quam crudelis, qui sponsam – secure, ut dixerim, – Christi fornicantium verberibus oculorum supplicio libidinante torqueret, ut, quae poenas in adulterio non luebat, saltem poenas adulteras sustineret. Nudum, quod gravius carnifex putat, exspectantium oculis corpus exponit et per devaricatas viscerum partes ictuum sulcos cursus fusi sanguinis antecedit. Periit tuum, tortor inique, commentum; sola patiuntur tormenta ludibrium. Habet quidem virginem nostram nuditas sed pudicam. Discat ergo, discat uterque sexus ex virgine non pulchritudinem colere sed virtutem; fidem amare non formam; placiturus domino non decoris spectare iudicium sed pudoris. Sed, quia tuum est totum, quod haec virgo vicerit, tuum, quod meruit, tuumque etiam, quod peregit; nec enim tela repellimus adversantium, nisi tuae divinitatis beneficio sublevemur; nunc praesta nobis, ut, sicut haec beatissima martyr tua pugnando praemium adepta est castitatis, ita nos, commissorum nostrorum a te dimissis contagiis, adipiscamur praemia tuae promissionis. |
|
| 3218a | Laetetur semper ecclesia ... non negetur. |
| Laetetur semper ecclesia tua, domine, tuorum celebritate sanctorum et misericordiae tuae iugiter experiatur effectum, quo et fragilitas humana subsistat et divina supplici redemptio non negetur. | |
| 3218b | Laetetur quaesumus domine ... non negetur. |
| Laetetur, quaesumus, domine, ecclesia tua de tuorum celebritate Infantium et misericordiae tuae iugiter experiatur effectum, quo et fragilitas humana subsistat et divina supplicantibus redemptio non negetur. | |
| 3219a | Laeti domine frequentamus ... competit mysterio Trinitatis. |
| Laeti, domine, frequentamus salutis humanae principia, quia trina celebratio beatae competit mysterio Trinitatis. | |
| 3219b | Laeti domine frequentamus ... complectit(ur) mysterio Trinitatis. |
| Laeti, domine, frequentamus salutis humanae principia, quae trina celebratio beatae complectit(ur) mysterio Trinitatis. | |
| 3220a | Laeti domine sumpsimus sacramenta caelestia intercedente pro nobis beata et gloriosa ... proficiant sempiternam. |
| Laeti, domine, sumpsimus sacramenta caelestia; intercedente pro nobis beata et gloriosa semperque virgine dei genitrice Maria, ad vitam nobis proficiant sempiternam. | |
| 3220b | Laeti domine sumpsimus sacramenta caelestia quaesumus ut intercedente beata et gloriosa ... proficiant sempiternam. |
| Laeti, domine, sumpsimus sacramenta caelestia; quaesumus, ut, intercedente beata et gloriosa semper virgine dei genitrice Maria et omnibus sanctis apostolis et martyribus, confessoribus et virginibus tuis, ad vitam nobis proficiant sempiternam. | |
| 3220c | Laeti domine sumpsimus sacramenta caelestia intercedente pro nobis beata Lucia martyre ... proficiant sempiternam. |
| Laeti, domine, sumpsimus sacramenta caelestia; intercedente pro nobis beata Lucia martyre tua, ad vitam nobis proficiant sempiternam. | |
| 3221a | Laeti domine sumpsimus ... confidimus profutura. |
| Laeti, domine, sumpsimus sacramenta caelestia, quae nobis, intercedente beato Iuvenali confessore tuo atque pontifice, uberius confidimus profutura. | |
| 3221b | Laeti domine sumpsimus ... conferant medicinam. |
| Laeti, domine, sumpsimus sacramenta caelestia, quae nobis, quaesumus, interveniente beato illo confessore tuo atque pontifice, perpetuam conferant medicinam. | |
| 3222 | Laeti percepimus omnipotens ... percipere gaudium. |
| Laeti percepimus, omnipotens deus, divinum altaris tui mysterium; quaesumus eximium tuae divinitatis praesidium, ut, beato Yvone pro nobis interveniente, mereamur promissum gratulanter percipere gaudium. | |
| 3223 | Laetifica domine vultum ... dominatione calcemus. |
| Laetifica, domine, vultum familiae tuae et erue animas nostras ex inferno inferiori, ut, tui vultus contemplatione protecti, desideria carnis spiritali dominatione calcemus. | |
| 3224 | Laetifica nos domine ... propitiatus impende. |
| Laetifica nos, domine, quaesumus, consolationibus tuis et, ut nobis dona caelestis gratiae largiaris, veniam propitiatus impende. | |
| 3225a | Laetificet nos domine munus ... sumamus indulgentiae largitatem. |
| Laetificet nos, domine, munus oblatum, ut, sicut in apostolo tuo Petro te mirabilem praedicamus, sic per illum tuae sumamus indulgentiae largitatem. | |
| 3225b | Laetificet nos domine huius ... sumamus indulgentiae largitatem. |
| Laetificet nos, domine, huius participatio sacramenti, ut, sicut in beato Lamberto martyre tuo atque pontifice te mirabilem praedicamus, sic per illum tuae sumamus indulgentiae largitatem. | |
| 3226 | Laetificet nos domine ... repleat dulcedo. |
| Laetificet nos, domine, quaesumus, mellita beati Melliti pontificis oratio, cuius festa celebrantes, melliflua tuae gratiae repleat dulcedo. | |
| 3227 | Laetificet nos quaesumus ... semper exerceat. |
| Laetificet nos, quaesumus, domine, sacramenti veneranda sollemnitas pariterque mentes nostras et corpora et spiritali sanctificatione fecundet et castis gaudiis semper exerceat. | |
| 3228 | Laetificet nos quaesumus ... sufficientia servitutis. |
| Laetificet nos, quaesumus, domine, sancti confessoris tui et episcopi illius annua devotione repetita sollemnitas, ut per haec piae oblationis officia et illum retributio beata comitetur et nobis sacrae tribuatur sufficientia servitutis. | |
| 3229 | Largam dei patris ... consequi mereamur. |
| Largam dei patris omnipotentis misericordiam, fratres carissimi, deprecemur, ut intercessione sancti ac beatissimi antistitis sui Martini, cuius hodierna die officium commemorationis impendimus, eius interventu per misericordiam domini indulgentiam consequi mereamur. | |
| 3230 | Largiente te domine ... operetur perpetuum. |
| Largiente te, domine, beatorum Petri et Pauli natalitium nobis lumen effulsit; concede, quaesumus, ut hodierna gloria passionis, sicut illis magnificentiam tribuit sempiternam, ita nobis munimen operetur perpetuum. | |
| 3231 | Largire nobis clementissime ... impetret beatitudinem. |
| Largire nobis, clementissime pater, quo, sicut beata Maria Magdalena, dominum nostrum super omnia diligendo, suorum obtinuit veniam peccaminum, ita nobis apud misericordiam tuam sempiternam impetret beatitudinem. | |
| 3232 | Largire nobis domine ... sollemnia celebrando. |
| Largire nobis, domine, beati Apollinaris martyris tui atque pontificis precibus stipendia salutis aeternae, ut, casta semper pectora baiulantes, laudes tuae clementiae referamus, eius sancta sollemnia celebrando. | |
| 3233a | Largire nobis domine quaesumus spiritum ... vivere valeamus. |
| Largire nobis, domine, quaesumus, spiritum cogitandi, quae bona sunt, promptius et agendi, ut, qui sine te esse non possumus, secundum te vivere valeamus. | |
| 3233b | Largire nobis domine quaesumus semper ... vivere valeamus. |
| Largire nobis, domine, quaesumus semper spiritum cogitandi, quae recta sunt, propitius et agendi, ut, qui sine te esse non possumus, secundum te vivere valeamus. | |
| 3234 | Largire nobis omnipotens ... indigeamus auxiliis. |
| Largire nobis, omnipotens deus, ut, a quo omne bonum est, te habentes, nullis indigeamus auxiliis. | |
| 3235 | Largire propitius immense ... carnis conscientia. |
| Largire propitius, immense deus, votis ecclesiae tuae tui martyris Pelagii suffragium, quam alacriter ad tuum altare munus deferre inspicis proprium. Etenim alter tacite fundit suspiria, alter in lacrimas prorumpit mente compuncta. Iste quoque simpliciter orat, ille genis pavimentum barrire non desinit. Sed utrorumque tu, deus noster, inspicis mentes ac probas singulorum conscientias. Ideo, quaesumus, tuis oculis effice placidum, quod humana miseria utcumque offert compuncta. Revera nuda conscientia te coram quis nostrum stare poterit, quem sancti tremunt ac multiplices beatorum conventus expavescunt? Quapropter credimus vel adclines oramus, ut nos tua praeveniat misericordia, et nobis ad te redditum conferendo et defunctis fidelibus sempiternam requiem largiendo, ut utrumque habeat gratia indefessa, quos tremulos ante te prospicis propria esse carnis conscientia. | |
| 3236 | Largire quaesumus domine famulis tuis fidei et securitatis augmentum ut qui de nativitate ... fine percipiant. |
| Largire, quaesumus, domine, famulis tuis fidei et securitatis augmentum, ut, qui de nativitate domini nostri tui filii gloriantur, et adversa mundi, te gubernante, non sentiant et, quae temporaliter celebrare desiderant, sine fine percipiant. | |
| 3237 | Largire quaesumus domine ... mente deserviant. |
| Largire, quaesumus, domine, fidelibus tuis indulgentiam placatus et pacem, ut pariter ab omnibus mundentur offensis et secura tibi mente deserviant. | |
| 3238 | Largire quaesumus domine ... constantiam subsequamur. |
| Largire, quaesumus, domine, mentibus nostris cum exsultatione provectum, ut, qui beati Leonardi confessoris tui celebritate annua devotione recolimus, eiusque etiam fidei constantiam subsequamur. | |
| 3239 | Largire quaesumus ecclesiae ... cessatione percipiat. |
| Largire, quaesumus, ecclesiae tuae, deus, et a suis semper et ab alienis abstinere delictis, ut, pura tibi mente deserviens, pietatis tuae remedia sine cessatione percipiat. | |
| 3240 | Largire quaesumus omnipotens ... in caelis. |
| Largire, quaesumus, omnipotens deus, famulo tuo illi sacerdoti quietem beatitudinis sempiternae, ut, pro quo nunc gaudemus in terris, cum eodem apud te exsultare mereamur in caelis. | |
| 3241 | Largire quaesumus omnipotens ... fatentibus adoremus. |
| Largire, quaesumus, omnipotens deus, supplicibus tuis, ut, quem natum in terris fatemur hominem, hunc deum, astris quoque fatentibus, adoremus. | |
| 3242a | Largire quaesumus omnipotens ... perfectione mercedem. |
| Largire, quaesumus, omnipotens deus, ut anima famuli tui illius plenam capiat de huius ecclesiae perfectione mercedem. | |
| 3242b | Largire quaesumus omnipotens ... lucem perpetuam. |
| Largire, quaesumus, omnipotens deus, ut anima famuli tui illius plene capiat, te miserante, lucem perpetuam. | |
| 3243 | Largire sensibus nostris ... perpetuam confidamus. |
| Largire sensibus nostris, omnipotens deus, ut per temporalem filii tui mortem, quam mysteria veneranda testantur, vitam te nobis dedisse perpetuam confidamus. | |
| 3244 | Largitor bonorum omnium ... hominum osculis corporalibus <coniungimur |
| Largitor bonorum omnium, deus, qui inter illas martyrum, splendentium nivea fide, catervas, toto orbe terrarum, gratia coruscante, diffusas, pretiosum peculiaremque nobis beatum Symphorianum martyrem indulsisti, largire cottidianis supplicum tuorum votis, ut, in cuius festo devoto exsultamus trepudio, eius in posterum consortio coniungamur <et, qui> hominum osculis corporalibus <coniungimur>, spiritalibus alligari mereamur affectibus. | |
| 3245 | Largitor praemiorum pro ... esse participes. |
| Largitor praemiorum pro qualitate meritorum, omnipotens deus, te supplices deprecamur, ut intercessione beatorum tuorum martyrum Timothei et Apollinaris, quos gaudemus nobis esse patronos, caduca gaudia respuentes, perpetuis mereamur esse participes. | |
| 3246 | Laudent te domine ... quod vivimus. |
| Laudent te, domine, ora nostra, laudet anima, laudet et vita et, quia tui muneris est, quod sumus, tuum sit omne, quod vivimus. | |
| 3247 | Laudes et gratias ... expugnationes diaboli. |
| Laudes et gratias agamus tibi, domine, et nomini tuo sancto, quia refecta sunt viscera nostra, de sancto spiritali benedicto poculo recreata; crescat in visceribus nostris, in sancto, in fide, in caritate, sit nobis in protectionem corporis nostri contra expugnationes diaboli. | |
| 3248 | Laudes tuas domine ... celebrare laetantes. |
| Laudes tuas, domine, non tacemus, quia, nos a malis, quae merebamur, expediens, bona tua praestas celebrare laetantes. | |
| 3249 | Laudes tuas sancte ... esse confessio. |
| Laudes tuas, sancte omnipotens aeterne deus, ob gloriosas martyrum passiones sacris titulis ampliantes, sollemni tibi cum devotione persolvimus grates, quas triumphus gloriae tuae passionis evexit, resurrectionis aeternitas consecravit. Qui, praemium immortalitatis, te auxiliante, suscipientes, et nobis dederunt viam vitae et sibi paraverunt palmam victoriae. Horum nobis, domine, abauditione da victoriam. Sit nobis eorum apud te patrona oratio, quorum, exspectante te iudice, fulgentibus sanctorum choris coronata meruit esse confessio. | |
| 3250a | Laudis tuae domine hostias immolamus quibus nos et ... et futuris. |
| Laudis tuae, domine, hostias immolamus, quibus nos et praesentibus exui malis confidimus et futuris. | |
| 3250b | Laudis tuae domine hostias immolamus in tuorum commemoratione ... et futuris. |
| Laudis tuae, domine, hostias immolamus in tuorum commemoratione sanctorum, quibus nos et praesentibus exui malis confidimus et futuris. | |
| 3251 | Laudis tuae domine ... in caelis. |
| Laudis tuae, domine, hostias immolamus, rex regum et dominus dominantium, qui, ne a reprobo Herode videreris super terram, per manus beati Ioseph in Aegyptum atque inde in Iudeam deferri voluisti, praesta nobis per preces ipsius, ut, quem nutritorem voluisti habere in terris, etiam pro nostris delictis exaudias in caelis. | |
| 3252 | Levitae Laurentii nos ... dignos efficiat. |
| Levitae Laurentii nos foveat, domine, passio veneranda, laetantes, et, ut eam sufficienter recolamus, dignos efficiat. | |
| 3253 | Libamina summe deus ... promissae hereditatis. |
| Libamina, summe deus, praesentia e superis benedicito sedibus, quibus, tuo antistite Dunstano exorante pro nobis, praesentis vitae tranquillitatem percipiamus et gloriam promissae hereditatis. | |
| 3254 | Libantes domine dona ... mansura confidimus. |
| Libantes, domine, dona caelestia, praesidium nobis inesse gaudemus et inter ista, quae transeunt, et eorum, quae mansura, confidimus. | |
| 3255a | Libantes domine mensae tuae beata mysteria quaesumus ut martyrum interventione ... et aeternam. |
| Libantes, domine, mensae tuae beata mysteria, quaesumus, ut martyrum interventione sanctorum temporalem et praesentem nobis misericordiam conferant et aeternam. | |
| 3255b | Libantes domine mensae tuae beata mysteria quaesumus ut sanctae Iulianae ... et aeternam. |
| Libantes, domine, mensae tuae beata mysteria, quaesumus, ut sanctae Iulianae martyris tuae interventionibus temporalem et praesentem nobis misericordiam conferant et aeternam. | |
| 3255c | Libantes domine mensae tuae beata mysteria quaesumus ut beatorum interventione ... et aeternam. |
| Libantes, domine, mensae tuae beata mysteria, quaesumus, ut beatorum interventione sanctorum Marci et Marcelliani et temporalem nobis misericordiam conferant et aeternam. | |
| 3255d | Libantes domine mensae tuae beata mysteria quaesumus ut martyris interventione ... et aeternam. |
| Libantes, domine, mensae tuae beata mysteria, quaesumus, ut martyris interventione sanctae Caeciliae et praesentem nobis misericordiam conferant et aeternam. | |
| 3255e | Libantes domine mensae tuae divina ... et aeternam. |
| Libantes, domine, mensae tuae divina mysteria, quaesumus, ut sanctae Teclae martyris tuae interventionibus temporalem nobis misericordiam conferant et aeternam. | |
| 3256 | Libantes domine sacrosancta ... placita consequamur. |
| Libantes, domine, sacrosancta mysteria, praetende nobis, quaesumus, misericordiam tuam, ut, quae votis expetimus, intercedente beato illo consessore tuo atque abbate, conversatione tibi placita consequamur. | |
| 3257a | Libera domine quaesumus ... affligantur adversis. |
| Libera, domine, quaesumus, a peccatis et hostibus tibi populum supplicantem, ut, in sancta conversatione viventes, nullis affligantur adversis. | |
| 3257b | Libera quaesumus domine ... affligantur adversis. |
| Libera, quaesumus, domine, a peccatis et hostibus tibi populum supplicantem et in beati sacerdotis et confessoris tui illius doctrinis viventes nullis affligantur adversis. | |
| 3258a | Libera nos a ... saecula saeculorum. |
| Libera nos a malo, domine Christe Iesu; corpus tuum, pro nobis crucifixum, edimus et sanguinem sanctum tuum, pro nobis effusum, bibimus; fiat nobis corpus sanctum tuum in salutem et sanguis sanctus tuus in remissionem peccatorum hic et in aeterna saecula saeculorum. | |
| 3258b | Libera nos ab ... pro nobis effusum bibimus oramus benignissime domine ut per merita et intercessionem gloriosissimae Mariae virginis fiat nobis corpus tuum ad salutem et sanguis tuus ad |
| Libera nos ab omni malo, domine Iesu Christe, qui corpus tuum sanctum, pro nobis crucifixum, edimus et sanguinem tuum <sanctum>, pro nobis effusum, bibimus; oramus, benignissime domine, ut per merita et intercessionem gloriosissimae Mariae virginis fiat nobis corpus tuum ad salutem et sanguis tuus ad remissionem peccatorum. | |
| 3258c | Libera nos ab ... omnium peccatorum. |
| Libera nos ab omni malo, quaesumus, domine Iesu Christe, et per intercessionem et merita genitricis tuae gloriosissimae virginis Mariae fiat nobis sumptum corporis et sanguinis tui sacramentum ad salutem et remissionem omnium peccatorum. | |
| 3259 | Libera nos domine ... ut omnes qui nobis eleemosynas condonaverunt tam vivi quam et defuncti mereantur ab omnibus |
| Libera nos, domine, ab omni malo praeterito, praesenti et futuro et, intercedentibus beatis martyribus et confessoribus tuis vel, quorum hodie festa celebratur, <praesta>, ut omnes, qui nobis eleemosynas condonaverunt, tam vivi quam et defuncti, mereantur ab omnibus absolvi peccatis. | |
| 3260 | Libera nos domine ... pietate concordes. |
| Libera nos, domine, ab omni malo propitius et tuam caritatem infunde, ut, quos uno caelesti pane satiasti, tua facias pietate concordes. | |
| 3261 | Libera nos domine ... proximis remittamus. |
| Libera nos, domine, ab omni malo propitiusque concede, ut, quae nobis poscimus relaxari, ipsi quoque proximis remittamus. | |
| 3262 | Libera nos domine ... retribuuntur absolve. |
| Libera nos, domine, quaesumus, a nostrorum debitis peccatorum atque, ut nos a malis omnibus propitiatus eripias, iniquitates nostras, quibus iuste retribuuntur, absolve. | |
| 3263 | Libera nos quaesumus domine ab ... in poenis. |
| Libera nos, quaesumus, domine, ab omnibus malis praeteritis praesentibus et futuris et, intercedentibus sanctis tuis, anima famuli tui illius pro abundantia clementiae tuae pium te sentiat in inferis, quae multorum forsitan tormentorum cruciatus pro iustitiae merito sentit in poenis. | |
| 3264 | Licet sancte pater ... reddantur accepta. |
| Licet, sancte pater, indigni simus ad haec offerenda tuae maiestati libamina, tua tamen confisi clementia poscere praesumimus, ut precibus beati martyris tui Pelagii et ad relaxanda nostra et populi tui delicta tibi reddantur accepta. | |
| 3265 | Magister omnium apostolorum ... transitum veniamus. |
| Magister omnium apostolorum et ducator ecclesiae, Christe, convenientibus nobis in honorem sanctorum tuorum apostolorum et martyrum Simonis et Iudae propitius adesse dignare. Fac nos eorum doctrinae sequaces, fac amabiles, fac et docibiles, ut ab eis non inveniamus extorres, quos fidei scimus egregios ducatores. Habeat cum illis spes nostra gloriae praemium, qui, postquam magistri doctrina fulserunt, meruerunt obtinere martyrium. Fulgeat ecclesia illorum doctrina, quorum in illa habetur praedicatio gloriosa. Adsint miseris nobis in omnibus adiutores, qui ecclesiae mirabiles exstiterunt doctores. Doceant nos normam tenere iustitiae, quorum praedicationibus fulget ecclesia ut sol et luna. Erigant lapsos ad paenitentiam, qui eximii facti sunt per doctrinam. Impetrent peccatoribus scelerum veniam, qui doctrinis fundaverunt ecclesiam. Conferant regibus modestiam, virginibus perseverantiam, clericis disciplinam, laicis continentiam, certantibus in fide constantiam, qui quasi in mari navem praedicationibus gubernant ecclesiam, ut, qui, illorum victoriis excitati, eorum sollemnia celebramus, eorum meritis a criminibus absoluti, ad te post transitum veniamus. | |
| 3266 | Magna est domine ... fiducialiter intercedat. |
| Magna est, domine, apud clementiam tuam dei genitricis oratio, quam idcirco de praesenti saeculo transtulisti, ut pro peccatis nostris apud te fiducialiter intercedat. | |
| 3267 | Magna nobis hodie ... usquequaque reddamur. |
| Magna nobis hodie, domine, succurrit, te auctore, immolandi fiducia, quia adest Christi tui coheres, examinatus igne, sacerdos, cuius sacrificium non spernas. Adsunt enim levitae sanctissimi, qui, amicti stolis, agni sanguine lotis, altare tuum circumdare valeant et sacris muneribus honorare, quibus, quamlibet omnium in te credentium iniunxeris curam, huic peculiarius loco et populo, venerabilium reliquiarum praesentia consecrato, ut assistere et opitulari iubeas, rex summe, precamur. Nunc tibi Fructuosus tuus in commendatione nostri ac totius plebis huius fructum suorum ingerat meritorum. Nunc Agorius et Eulogius immaculati tui sanguinis ministrent poculum credentibus in salutem, ut, tam victricium ducum vel eruditi magisterio vel virtute defensi, nec praesentium pro tuo nomine poenarum formidine terreamur nec futurorum bonorum extorres usquequaque reddamur. |
|
| 3268a | Magnifica domine beati ... et praeimus. |
| Magnifica, domine, beati Laurentii sollemnia recensemus, quae, promptis cordibus ambientes, oblatis muneribus et suscipimus et praeimus. | |
| 3268b | Magnifica domine beati ... audire <digneris |
| Magnifica, domine, beati Bonifatii ordinationis sollemnia recensemus, quibus, promptis mentibus ambientes, oblatis muneribus petimus, ut caelestibus nos mundes mysteriis et clementer audire <digneris>. | |
| 3269 | Magnificamus domine clementiam ... praestas auxilium. |
| Magnificamus, domine, clementiam tuam, qui et veniam peccatoribus et miseris praestas auxilium. | |
| 3270 | Magnificamus domine nomen ... digni reddamur. |
| Magnificamus, domine, nomen tuum, omnipotens et misericors deus, qui, fragilitati nostrae subveniens, non solum nobis mysteria divina largiris sed etiam, per quorum preces his digni reddamur. | |
| 3271 | Magnificantes domine clementiam ... gaudere consortiis. |
| Magnificantes, domine, clementiam tuam, supplices exoramus, ut, qui nos sanctorum tuorum frequentibus facis nataliciis interesse, perpetuis tribuas gaudere consortiis. | |
| 3272 | Magnificare domine deus ... clementer assumas. |
| Magnificare, domine deus noster, in hoc templo, nomini tuo aedificato, et ita benignus appare, ut et peccata populi deleas et eorum vota clementer assumas. | |
| 3273 | Magnificare domine deus ... hereditate lauderis. |
| Magnificare, domine deus noster, in sanctis tuis et hoc in templo aedificationis appare, ut, qui omnia in filiis adoptionis operaris, ipse semper in tua hereditate lauderis. | |
| 3274 | Magnificasti domine sanctos ... celebrata purificet. |
| Magnificasti, domine, sanctos tuos suscepta passione pro Christo; praesta, quaesumus, ut etiam nos suppliciter celebrata purificet. | |
| 3275 | Magnificentiam tuam domine ... parere mandatis. |
| Magnificentiam tuam, domine, praedicamus, suppliciter implorantes, ut, qui(a) nos imminentibus periculis exuisti, a peccatis quoque benignus absolvas, ut (et) beneficia nobis maiora concedas et tuis nos facias parere mandatis. | |
| 3276 | Magnificet te domine ... providentia contulisti. |
| Magnificet te, domine, sanctorum tuorum Cosmae et Damiani beata sollemnitas, qu(i)a et illis gloriam sempiternam et opem nobis ineffabili providentia contulisti. | |
| 3277 | Magnis mysteriis incitata ... secura perveniat. |
| Magnis mysteriis incitata, plebs tua, domine, per viam salutis et pacis incidat et, beati praecursoris hortamenta sectando, ad eum, quem praedixit, secura perveniat. | |
| 3278 | Magnum hoc munus ... quod ex hac tua benedictione acceperimus aeternitatis |
| Magnum hoc munus misericordiae est, qui nobis docuit redemptionis nostrae sacrificia celebrare, sicut obtulit dominus noster Iesus Christus in terris, per quem, te, pater omnipotens, deprecamur, ut supraposita altario tuo munera laetus adspicias atque haec omnia obumbres sancto filii tui spiritu, ut <eo>, quod ex hac tua benedictione acceperimus, aeternitatis gloriam consequamur. | |
| 3279 | Magnum nobis est ... post triumphum. |
| Magnum nobis est semperque festivum, fratres carissimi, summi pontificis et martyris Saturnini meritis depensis fideliter precibus exorare, qui, salvatoris nostri praecepta custodiens, non solum sacerdotium ac vitae beatitudinem meruit sed etiam tanti honoris officium felici martyrio consecravit, pro cuius meritis deprecemur omnipotentem deum, ut illuc defunctorum animas transferat a tartaro, quo illum causa amoris sui assumere dignatus est post triumphum. | |
| 3280 | Maiestatem tuam clementissime ... pietatis succurrat. |
| Maiestatem tuam, clementissime pater, suppliciter exoramus et mente devota postulamus pro fratribus et sororibus nostris et pro his, qui propria crimina vel facinora ante tuam maiestatem confessi fuerunt, et pro his, qui se in nostris orationibus commendaverunt, tam pro vivis quam et pro solutis debito mortis, et quorum eleemosynas ad erogandum suscepimus et quorum nomina ad memorandum conscripsimus vel quorum nomina supra hoc sanctum altare tuum adscripta esse videntur; concede, domine, propitius, ut haec sacra oblatio mortuis prosit ad veniam et vivis proficiat ad medelam et ceteris fidelibus, pro quibus offertur, indulgentia tuae pietatis succurrat. | |
| 3281 | Maiestatem tuam domine ... precibus consequamur. |
| Maiestatem tuam, domine, sanctus Germanus confessor tuus atque pontifex, cuius hodie depositionem celebramus pro nobis exoret, ut, quod nostris meritis non valemus eius precibus consequamur. | |
| 3282 | Maiestatem tuam domine ... fovere praesidiis. |
| Maiestatem tuam, domine, supplices deprecamur, ut nos et caelestibus expiare mysteriis et perpetuis non desinas fovere praesidiis. | |
| 3283 | Maiestatem tuam domine ... esse consortes. |
| Maiestatem tuam, domine, supplices deprecamur, ut, sicut spei corporis et sanguinis sacrosancti pascis alimento, ita nae naturae facias esse consortes. | |
| 3284 | Maiestatem tuam domine ... supplicatione defendas. |
| Maiestatem tuam, domine, supplices deprecamur, ut, sicut nos iugiter sanctorum tuorum commemoratione laetificas, ita semper supplicatione defendas. | |
| 3285a | Maiestatem tuam domine ... sorte pastorum. |
| Maiestatem tuam, domine, supplices exoramus, ut anima famuli tui Simplicii episcopi, ab omnibus, quae humanitus attraxit, exuta, in sanctorum censeatur sorte pastorum. | |
| 3285b | Maiestatem tuam domine ... sorte iustorum. |
| Maiestatem tuam, domine, supplices exoramus, ut animae famulorum famularumque tuarum, ab omnibus, quae humanitus commiserunt, exutae, in tuorum censeantur sorte iustorum. | |
| 3286 | Maiestatem tuam domine ... fallaciter blandiuntur. |
| Maiestatem tuam, domine, supplices exoramus, ut nec terreri nos lacerationibus patiaris iniustis nec captiosis adulationibus implicari sed potius amare concedas, qui veraciter arguunt, quam qui fallaciter blandiuntur. | |
| 3287 | Maiestatem tuam domine ... laqueis implicari. |
| Maiestatem tuam, domine, supplices exoramus, ut, quos viam fecisti perpetuae salutis intrare, nullis permittas errorum laqueis implicari. | |
| 3288 | Maiestatem tuam domine ... et futuris. |
| Maiestatem tuam, domine, suppliciter deprecamur, ut haec sancta, quae gerimus, et praeteritis nos delictis exuant et futuris. | |
| 3289 | Maiestatem tuam domine ... immortalis percipiat. |
| Maiestatem tuam, domine, suppliciter exoramus, ut famulo tuo illi tribuas fidei, spei et caritatis augmentum, per quod et terrores declinet humanos et solatia vitae immortalis percipiat. | |
| 3290a | Maiestatem tuam domine ... perpetuus suffragator. |
| Maiestatem tuam, domine, suppliciter exoramus, ut, sicut ecclesiae tuae sanctus Andreas apostolicus exstitit praedicator et rector, ita sit perpetuus suffragator. | |
| 3290b | Maiestatem tuam domine ... perpetuus intercessor. |
| Maiestatem tuam, domine, suppliciter exoramus, ut, sicut ecclesiae tuae sanctus Andreas apostolus exstitit praedicator et rector, ita sit pro nobis perpetuus suffragator. ( recension gelasienne ) Maiestatem tuam, domine, suppliciter exoramus, ut, sicut ecclesiae tuae beatus Andreas apostolus exstitit praedicator et rector, ita apud te sit pro nobis perpetuus intercessor. ( recension gregorienne ) |
|
| 3291a | Maiestatem tuam nobis ... postulatione sanctorum. |
| Maiestatem tuam nobis, domine, quaesumus, haec hostia reddat immolanda placatam tuorum digna postulatione sanctorum. | |
| 3291b | Maiestatem tuam domine ... aeterna perducat. |
| Maiestatem tuam, domine, quaesumus, ut haec hostia nos tibi reddat acceptos, quam immolantes, te circa nos placatum efficiat et tuorum Sergii et Bacchi digna postulatione sanctorum ad gaudia aeterna perducat. | |
| 3292 | Maiestatem tuam quaesumus ... deprecatione custodias. |
| Maiestatem tuam, quaesumus, domine, suppliciter imploramus, ut, sicut nos gloriosi confessoris tui Syri continuata commemoratione laetificas, ita nos eius semper deprecatione custodias. | |
| 3293 | Maiestatem tuam suppliciter ... salvationis impendant. |
| Maiestatem tuam suppliciter imploramus, omnipotens deus, ut, sicut gloriam divinae potentiae munera, pro sanctis oblata, testantur, sic nobis effectum tuae salvationis impendant. | |
| 3294 | Maiestati tuae domine ... pascis aeternis. |
| Maiestati tuae, domine, debitas laudes offerimus, qui nos et temporalibus subsidiis refoves et pascis aeternis. | |
| 3295 | Maiestati tuae domine ... dilectio flagravit. |
| Maiestati tuae, domine, hostiarum oblationes offerimus, precantes, ut intercessione beati Blasii martyris tui atque pontificis fiant acceptae, in quo filii tui domini nostri Iesu Christi dilectio flagravit. | |
| 3296 | Maiestati tuae famulantibus ... redire possimus. |
| Maiestati tuae famulantibus, domine, miseratus occurre et, quod possis ad indulgentiam inclinari, affectum te rogandi concede. Mortifica in nobis saecularium desiderium voluntatum et per contritionem cordis sacrificium suscipe laudis, ut, contra insidias inimici gratia tua validiores effecti, unde per intemperantiam gulae decidimus, illuc per continentiam parsimoniae, te adiuvante, redire possimus. | |
| 3297a | Maiestati tuae nos ... precibus expiemur. |
| Maiestati tuae nos, domine, martyrum supplicatio beata conciliet, ut, qui incessabiliter actibus nostris offendimus, continuis iustorum precibus expiemur. | |
| 3297b | Maiestati tuae domine ... veneratione adiuvemur. |
| Maiestati tuae, domine, nos beata omnium sanctorum supplicatio conciliet, ut, qui cottidie offendimus, cottidiana eorum veneratione adiuvemur. | |
| 3297c | Maiestati tuae nos ... pervenire mereamur. |
| Maiestati tuae nos, quaesumus, domine, beatae Mariae semper virginis et omnium ordinum angelorum simulque sanctorum omnium supplicatio sancta conciliet, ut, qui cottidie graviter offendimus, cottidiana eorum veneratione et assidua intercessione salvari remissionemque omnium peccatorum consequi et ad tuam misericordiam pervenire mereamur. | |
| 3298 | Maiestati tuae quaesumus ... nobisque salubre. |
| Maiestati tuae, quaesumus, domine, in honorem sanctissimi Kentigerni pontificis hoc munus oblatum sanctifica, ut tibi sit acceptabile nobisque salubre. | |
| 3299 | Maiestati tuae quaesumus ... sublevemur optato. |
| Maiestati tuae, quaesumus, domine, sanctissimi confessoris tui Leonardi nos pia iugiter commendet oratio, ut, quem devoto veneramur officio, ipsius suffragio sublevemur optato. | |
| 3300 | Maiestatis tuae clementiam ... stabilitate firmentur. |
| Maiestatis tuae clementiam suppliciter deprecamur, omnipotens et misericors deus, ut, sicut unigeniti filii tui agnitionem per beatissimi sacerdotis et martyris tui Apollinaris praedicationem populorum cordibus infudisti, ita, ipsius opitulantibus meritis, fidei stabilitate firmentur. | |
| 3301 | Martyris tui Praeiecti ... precibus consequamur. |
| Martyris tui Praeiecti nos, quaesumus, domine, interventio gloriosa commendet, ut, quod nostris actibus non meremur, eius precibus consequamur. | |
| 3302 | Martyris tui Sebastiani ... aeternae felicitatis. |
| Martyris tui Sebastiani precibus, aeterne omnipotens deus, nobis pacis dona largire, per eum donans nobis habere integritatem purae dilectionis, per quem tuos accendisti martyres ad amandam gloriam aeternae felicitatis. | |
| 3303 | Martyrum tuorum deprecatione ... merita suffragari. |
| Martyrum tuorum deprecatione, quaesumus, domine, nobis benignus intende et, sicut beatum sacerdotem et martyrem tuum xystum pati pro tuo nomine voluisti, ita et tuis fidelibus eius fac(ias) merita suffragari. | |
| 3304 | Martyrum tuorum domine ... concedas fidelibus. |
| Martyrum tuorum, domine, Gervasii et Protasii natalicia praeeuntes, supplices te rogamus, ut, quos caelesti gloria sublimasti, tuis adesse concedas fidelibus. | |
| 3305 | Martyrum tuorum Laurentini ... veniam impetremus. |
| Martyrum tuorum Laurentini et Pergentini, domine, festa venerantes, munera, nomini tuo dicata, offerimus; praesta, quaesumus, ut, illis reverentiam deserentes, nobis veniam impetremus. | |
| 3306 | Martyrum tuorum nos ... experiamur auxilium. |
| Martyrum tuorum nos, domine, semper festa laetificent et, quorum celebramus meritum, experiamur auxilium. | |
| 3307 | Mediator caeli et ... in regno. |
| Mediator caeli et terrae, omnipotens deus Iesu Christe, qui pacata atque pacifica hominum diligis corda, te supplices deprecamur, ut pax illa, quam tenendam tuis reliquisti apostolis, iugiter perseverans, nostris vigeat in cordibus et, sicut David quondam, forti manu spurio percusso Goliath, pacem Saulis fecit in populo, ita princeps noster, opitulanter universis devictis undique gentibus, pacifice innumeros per annos suo feliciter splendeat in regno. | |
| 3308 | Memento domine miserationum ... voluntate dissimiles. |
| Memento, domine, miserationum tuarum, quas contritis semper mentibus clementer impendis, ut, tui nos auxilii gratia prosequente, tale tibi spiritalis continentiae ieiunium persolvamus, in quo non inveniantur nostrae voluntates a tua voluntate dissimiles. | |
| 3309 | Memento domine quaesumus ... constitue sacerdotum. |
| Memento, domine, quaesumus, animae famuli tui illius episcopi et, quem, in corpore constitutum, sedis apostolicae gubernacula tenere voluisti, in electorum numero constitue sacerdotum. | |
| 3310 | Memento domine quaesumus ... incessabiliter audiantur. |
| Memento, domine, quaesumus, condicionis humanae, ut sancti tui pro nobis et clementiam tuam semper exorent et incessabiliter audiantur. | |
| 3311 | Memento domine quod ... et merito. |
| Memento, domine, quod es operatus in nobis, et non, quod mereamur, sed collati gratiam tui muneris intuere, ut, sicut me sacris altaribus tua dignatio pontificali servire praecepit officio, ita dignum praestet et merito. | |
| 3312 | Memento nostri domine ... visitatione salvifica. |
| Memento nostri, domine, in beneplacito populi tui et a peccati nos servitute discussos salutaris tui visitatione salvifica. | |
| 3313 | Meminimus domine meminimus ... perenniter uniri. |
| Meminimus, domine, meminimus nec immemores sumus, quod hic Augustinus tuus, tui arcani dulcedine haustus, inter tot rutilantia praecepta mandatorumque tuorum nectareo odore fragrantia, quae toto paene mundi caespite ab ipso vibrant floride recitata, promere tuae pacis commendaverit insignia. Adeo, ut Ioannem, qui sacri pectoris filii tui fuit recubitor et prae ceteris apostolis ab eo nominatur dilectus, in dictis exstitit exsecutor, ut tam evangelium, quod asiana in parte conscripsit idem apostolus, quam etiam epistolam, quam gentibus indidit, in quibus, supra omnes conscendens polorum virtutes, ad illam meram et ineffandam divini numinis essentiam, obtutu mentis inceptans reportare, direxit; humanam omnimodo excedens naturam, affatim enucleans tanti sacramenta mysterii, non penetratus sed potius deputaret aufugi. Unde, quia hanc ipsam, de qua suavia emanant mella, hic vates tuus sine ea nos non posse, inquit, scandere aethera; ob hoc te, fons et caritas ingenita, quae, caritatem ex tua gignens essentia, dedisti ei gignendo et ab eo procedere caritatem, quae est connexio utriusque, ut non divisa summam numeris suppleat sed unita complexione fidem ad unam essentialiter caritatem reducat, prostrati tellure, gemebunda inquirimus voce, ut huius sanctae caritatis mysterio nos repleas affluenter, quatenus, gemina dulcedine fulti, dei scilicet ac proximi, mereamur a poenis debitis eximi et societati electorum perenniter uniri. |
|
| 3314 | Meminimus quidem omnipotens ... benignus impertias. |
| Meminimus quidem, omnipotens pater, et fideli mente retinemus domini nostri Iesu Christi filii tui traditum nobis nativitatis eius inenarrabile sacramentum, praeclarum devicta per crucem morte triumphum atque gloriosum ad caelos post crucis passionem adscensum. Credimus etiam immensum et incomprehensibile consempiternum tecum eius et consubstantiale principium. Ipsum quoque venturum confitemur iudicem mortuorum et viventium. Unde quaesumus, tremende clementissime pater, ut hanc hostiam, in similitudinem corporis et sanguinis eius tibi oblatam, per signum crucis sanctifices et benedicas, in signo crucis suscipias et assumas nobisque famulis tuis, eiusdem crucis vexillo praenotatis, placatus distribuas et benignus impertias. | |
| 3315 | Memor esto deus ... benedicta permaneant. |
| Memor esto, deus summe, ieiunii nostri, ut et holocaustum nostrum coram te pingue fiat et nos tibi, ex ea sumentes, vivam praeparemur in hostiam, quo et arcana pectoris nostri virtute spiritus polleant et vota ieiuniorum nostrorum ante te, domine, benedicta permaneant. | |
| 3316 | Memor esto domine ... propitiatus afflictis. |
| Memor esto, domine, fragilitatis humanae et, qui iuste verberas peccatores, parce propitiatus afflictis. | |
| 3317 | Memor esto obsecro ... pervenire sempiternam. |
| Memor esto, obsecro, miserationis tuae, domine deus, et mihi peccatori cunctorum tribue veniam delictorum, ut, tua gratia largiente, ad vitam merear pervenire sempiternam. | |
| 3318 | Memores gloriosissimi domini ... edentibus nobis vitam aeternam regnumque perpetuum |
| Memores gloriosissimi domini passionis et ab inferis resurrectionis, offerimus tibi, domine, hanc immaculatam hostiam, rationalem hostiam, incruentam hostiam, hunc panem sanctum et calicem salutarem, obsecrantes, ut infundere digneris spiritum tuum sanctum <supra haec sollemnia, ut fiat nobis legitima eucharistia in tuo filiique tui nomine et spiritus sancti in transformationem corporis ac sanguinis domini nostri Iesu Christi unigeniti tui>, edentibus nobis vitam aeternam regnumque perpetuum collatura potantibus. | |
| 3319 | Memores mirabilium tuorum ... celebramus sumantur. |
| Memores mirabilium tuorum, domine, quomodo levita tuus Laurentius nec nummis cessit nec flammis, qui sic in creditis sibi facultatibus avaritiam vicit, ut nullo modo posset, inter flammas positus, superari, rogamus, ut, devictis in nobis facibus malarum cupiditatum, a te sanctificata haec, quae offeruntur, horum precibus, quorum hodie sollemnia celebramus, sumantur. | |
| 3320 | Memores sumus aeterne ... hostias descendebat. |
| Memores sumus, aeterne deus, pater omnipotens, gloriosissimae passionis filii tui, resurrectionis etiam eius et adscensionis in caelum; petimus ergo maiestatem tuam, deus, ut adscendant preces humilitatis nostrae in conspectum tuae clementiae et descendat super hunc panem et super hunc calicem plenitudo tuae divinitatis; descendat etiam, domine, illa tui spiritus sancti incomprehensibilis invisibilisque maiestas, sicut quondam in patrum hostias descendebat. | |
| 3321a | Mensa tua nos ... instruat alimentis. |
| Mensa tua nos, deus, a delectationibus terrenis expediat et caelestibus semper instruat alimentis. | |
| 3321b | Munera tua nos ... instruant alimentis. |
| Munera tua nos, deus, a delectationibus terrenis expediant et caelestibus semper instruant alimentis. | |
| 3322 | Mensae caelestis domine ... et mente. |
| Mensae caelestis, domine, repleti libamine, quaesumus, intercedentibus sanctis martyribus tuis; hoc, quod fide sequimur, contemplemur et mente. | |
| 3323 | Mensae caelestis domine ... mereamur aeternam. |
| Mensae caelestis, domine, sumptis alimentis, quaesumus clementiam tuam, ut per ea, intercedente beato Laurentio confessore tuo atque pontifice, ad vitam <pervenire> mereamur aeternam. | |
| 3324 | Mensae caelestis libatio ... clementer eripiat. |
| Mensae caelestis libatio, quam sumpsimus, precibus beati Christophori nobis, domine, quaesumus, fiat salutaris et a cunctis vitiorum tumultibus nos clementer eripiat. | |
| 3325 | Mensae caelestis participatio ... perducat aeternam. |
| Mensae caelestis participatio, quaesumus, domine, corpora nostra mentesque sanctificet et sanctae virginis et martyris tuae Teclae gloriosa deprecatio ad vitam nos perducat aeternam. | |
| 3326a | Mensae caelestis participatione ... largiri consortium. |
| Mensae caelestis participatione refecti, quaesumus, domine, devotionem nostram amore servitutis tuae corroborari cunctosque nobis carnali dilectione adscitos tui suffragii fulciri munimine cunctisque fidelibus vivis ac defunctis sanctorum digneris largiri consortium. | |
| 3326b | Mensae caelestis participatione ... fulciri munimine omnibusque fidelibus vivis ac defunctis aeternam requiem et lucem |
| Mensae caelestis participatione refecti, quaesumus, domine, devotionem nostram amore servitutis tuae corroborari cunctosque nobis carnali propinquitate ac familiari dilectione adscitos atque universum populum, sacri baptismatis unda perfusum, tui <suffragii> fulciri munimine omnibusque fidelibus vivis ac defunctis aeternam requiem et lucem concede propitius. | |
| 3327 | Mensae caelestis participatione ... adversitate defendi. |
| Mensae caelestis participatione vegetati, supplices te rogamus, omnipotens deus, ut, sicut de beati Audoeni perpetua glorificatione annua celebritate gaudemus, ita ipsius apud te intercessione ab omni mereamur adversitate defendi. | |
| 3328 | Mensae caelestis participes ... intercessionibus liberemur. |
| Mensae caelestis participes effecti, imploramus clementiam tuam, domine deus noster, ut, qui festa dei genitricis colimus, a malis imminentibus eius intercessionibus liberemur. | |
| 3329 | Mensae caelestis satiati ... morte redempti. |
| Mensae caelestis satiati dulcedine, humiliter te rogamus, omnipotens pater, ut, intercedente beato Georgio martyre tuo, resurrectionis eius simus participes, cuius sumus morte redempti. | |
| 3330 | Mensae tuae sancta ... exsequimur actionem. |
| Mensae tuae sancta sumentes, sanctis martyribus tuis, domine, quaesumus, salutem referamus et mentis et corporis, ut remedium nobis concedat, cuius exsequimur actionem. | |
| 3331 | Mensis sacris quaesumus ... beatitudinis obtineat. |
| Mensis sacris, quaesumus, domine, hostiam sacrare digneris impositam, ut interventu beati archipraesulis ac martyris Aelphegi vitae nobis prospera praesentis et gaudium futurae beatitudinis obtineat. | |
| 3332 | Mentem familiae tuae ... pietatis exaudi. |
| Mentem familiae tuae, quaesumus, domine, intercedente beato Laurentio martyre (tuo), et munere compunctionis aperi et largitate pietatis exaudi. | |
| 3333a | Mentes nostras domine ... filius veritatem. |
| Mentes nostras, domine, spiritus Paraclitus, qui a te procedit, illuminet et inducat in omnem, sicut tuus promisit filius, veritatem. | |
| 3333b | Mentes nostras quaesumus ... filius veritatem. |
| Mentes nostras, quaesumus, domine, Paraclitus, qui a te procedit, illuminet et inducat in omnem, sicut tuus promisit filius, veritatem. | |
| 3334 | Mentes nostras et ... redemptione capiamus. |
| Mentes nostras et corpora, domine, quaesumus, operatio tuae virtutis infundat, ut, quod participatione sumpsimus, plena redemptione capiamus. | |
| 3335 | Mentes nostras et ... praeveniat effectus. |
| Mentes nostras et corpora possideat, domine, quaesumus, doni caelestis operatio, ut non noster sensus in nobis sed iugiter eius praeveniat effectus. | |
| 3336 | Mentes nostras quaesumus ... agere valeamus. |
| Mentes nostras, quaesumus, domine, lumine tuae claritatis illustra, ut videre possimus, quae agenda sunt, et, quae recta sunt, agere valeamus. | |
| 3337 | Mentes nostras quaesumus ... adversa securi. |
| Mentes nostras, quaesumus, domine, lumine tuae visitationis illustra, ut esse, te largiente, mereamur et inter prospera humiles et inter adversa securi. | |
| 3338a | Mentes nostras quaesumus ... remissio peccatorum. |
| Mentes nostras, quaesumus, domine, sanctus spiritus divinis praeparet sacramentis, quia ipse est omnium remissio peccatorum. | |
| 3338b | Mentes nostras quaesumus ... omnium peccatorum. |
| Mentes nostras, quaesumus, domine, spiritus sanctus divinis reparet sacramentis, quia ipse est remissio omnium peccatorum. | |
| 3339 | Mentes nostras quaesumus ... digneris exemplis. |
| Mentes nostras, quaesumus, domine, susceptis robora sacramentis, ut, sicut eas beati Edmundi confessoris tui atque pontificis novis dignatus es confortare miraculis, sic etiam (ad)iuvare suffragiis et illustrare digneris exemplis. | |
| 3340 | Mentibus nostris domine ... providentia gubernamur. |
| Mentibus nostris, domine, spiritum sanctum benignus infunde, cuius et sapientia conditi sumus et providentia gubernamur. | |
| 3341 | Merito omnipotens deus ... concede sanitatem. |
| Merito, omnipotens deus, hanc incurrimus infirmitatem, qui tuam offendimus voluntatem, et tamen, licet arguamur flagellis pro peccatis, sed fiduciam de te non amittimus confidentiae, scientes, quod non usquequaque in nos peccata insequeris, si tamen peccatorum oblatione placaris; ob hoc, domine, poscentium attende propitius preces, lamentantium audi clamorem, impende pietatem et pone iam finem propter misericordiam tuam et concede sanitatem. | |
| 3342 | Meritis domine iugiter ... praevenimus accedat. |
| Meritis, domine, iugiter recensitis, quibus, te donante, protegimur, venerandi apostoli tui illius recordatio sollemnis, quam praevenimus, accedat. | |
| 3343 | Mihi et omnibus ... dulcedinis caritatem. |
| Mihi et omnibus offerentibus, domine, munera placatus assume sanctorumque tuorum suffragio delictorum meorum veniam tribue; in Christo quiescentium animabus locum refrigerii, lucis et pacis concede et, amota a me omni simulatione, da puram omnibus pacem et perpetuam in diebus nostris tribue dulcedinis caritatem. | |
| 3344 | Ministrantium tibi deus ... intercessionibus adiuvari. |
| Ministrantium tibi, deus, eruditor et rector, qui ecclesiae tuae primordia beati levitae Stephani ministerio et pretioso martyrii sanguine decorasti, da, quaesumus, ut, in excessu nostro veniam consequentes, mereamur exemplis eius imbui et intercessionibus adiuvari. | |
| 3345 | Mirabilia tua domine ... terris reddatur. |
| Mirabilia tua, domine, trementes narramus; duo subinde pisciculi veteris ac novi indicant testamentorum mysteria; primum, quod Tobi Tobiae filius iubente Raphaelem vadoso amni decursa continuit cuius caro pastum subministravit, itineris successu iecur vetustum, a filia Raguelis daemonium effugavit; a ruina quoque eius Tobiae oculos, caliginis nube contectos, sereno lucis adspectu ad tactum unctionis insuit; hoc est, ut ignorantiam primi saeculi quam libor bellaverat serpentinus novello partui verbo caelesti populos exuteret saeculi subsequentis; alius deinde piscis est, qui priscae legis devitum in similitudinem peccatorum captus a Petro staterem evomuit, quem dominus et salvator noster eundem Petrum evangelica voce censurae publicae imperat exsolvendum, ut pax caelestis terris reddatur. | |
| 3346 | Mirabilis es deus ... fine coniungi. |
| Mirabilis es, deus, mirabilis et praeclarus, qui, sanctis Cosmae et Damiano effectus adiutor fortis, non eos passus es adversantium interimi lapidibus vel sagittis. Nec enim fas erat, ut, sublimitate crucis erectos, tela inimici redderent vulneratos. Propter quod pietatis tuae cum tremore audentes clementiam postulamus, ut nos ita maiestas tua praemuniat, quo, nullis odiorum iaculis tacti, tibi, qui verus lapis es, per pacis bonum mereamur sine fine coniungi. | |
| 3347 | Mirabilis in excelsis ... te regnare. |
| Mirabilis in excelsis, domine deus noster, qui adscendisti super caelos caelorum ad orientem, inter angelorum ministeria carnis trophaea sustollens, cum ad occursum tuum caeli potestates occurrunt, pone, quaesumus, adscensionem in cordibus nostris, ut etiam nos, te sequentes, illuc tendamus fide, ubi scimus ad dei patris dexteram te regnare. | |
| 3348a | Mirabilis es in ... veniam consequamur. |
| Mirabilis es in sanctis tuis, domine virtutum; exaudi nos, supplices tuos, et peccatoribus nobis beatissimorum martyrum patrocinia largire; illi coronam iustitiae fidei meruerunt, nos eorum suffragiis, te donante, veniam consequamur. | |
| 3348b | Mirabilis in sanctis ... et peccatoribus nobis beatissimorum martyrum tuorum Ferreoli et Ferrucionis patrocinia largire illi coronas insignes gemmis lapidibus pretiosis martyrii virtute meruerunt nos eorum suffragiis te donante delictorum veniam consequamur. Et concede nobis ut coniunctio labiorum copula efficiatur animarum et ministerium osculi perpetuae |
| Mirabilis in sanctis tuis, domine virtutum, <exaudi nos, supplices tuos>, et peccatoribus nobis beatissimorum martyrum tuorum Ferreoli et Ferrucionis patrocinia largire; illi coronas insignes gemmis lapidibus pretiosis martyrii virtute meruerunt; nos eorum suffragiis, te donante, delictorum veniam consequamur. Et concede nobis, ut coniunctio labiorum copula efficiatur animarum et ministerium osculi perpetuae proficiat caritati. | |
| 3348c | Mirabilis in sanctis ... consequi mereamur. |
| Mirabilis in sanctis tuis, domine virtutum, exaudi supplices tuos et peccatoribus nobis beatissimi Martini episcopi et confessoris tui patrocinia largire. Ille enim per confessionis gratiam meruit coronam virtutum; nos eius suffragiis, te donante, veniam peccatorum nostrorum consequi mereamur. | |
| 3349 | Mirabilium deus operator ... venturum exspectamus. |
| Mirabilium deus operator immense, qui quondam aquas, in conspectu tuo sistentes, deinceps in vina mutasti, te humiliter imploramus, ut, suscepta voce clamoris nostri, misericordiam tuam nobis, deprecantibus, numquam auferas, sed propitius inclina aurern tuam et exaudi preces nostras, tibi supplicantes, ut serenissimo vultu videre mereamur, quem in hac captivitate nostra cum gloria venturum exspectamus. | |
| 3350 | Mirabilium tuorum domine ... proximi dilectionem et post e caelis emissus tenendam in illis tuam impresserit caritatem. Ex hoc te clementissime deus oramus ut hoc quod his sacramentis figuratum fore cognoscitur in nostris cordibus impleatur quo spiritu ferventes et spiritalia diligentes et proximis connectamur in pace et tua ubertatim ferveamus dulcedine ut in caritate illa quae per spiritum sanctum nostris est diffusa in cordibus firmissime radicati consolationem promerentes paracliti coronari mereamur in adventu iusti |
| Mirabilium tuorum, domine, ovantes insignia praedicamus. Et ideo illapsu illo sancti spiritus repleri nos cupimus, qui bis a te olim fuit in discipulis distributus; cum et ante adscensionem tuam in eorum cordibus indeptus <est> proximi dilectionem et post, e caelis emissus, tenendam in illis tuam impresserit caritatem. Ex hoc te, clementissime deus, oramus, ut hoc, quod his sacramentis figuratum fore cognoscitur, in nostris cordibus impleatur, quo, spiritu ferventes et spiritalia diligentes, et proximis connectamur in pace et tua ubertatim ferveamus dulcedine, ut, in caritate illa, quae per spiritum sanctum nostris est diffusa in cordibus, firmissime radicati, consolationem promerentes paracliti, coronari mereamur in adventu iusti iudicii tui. |
|
| 3351 | Miranda confessoris tui ... caeli palatia. |
| Miranda confessoris tui beati Edmundi translatio bene vivendi sit nobis exemplum, quatenus ipsius meritis et documentis, divina gratia praestante, transferamur ad caeli palatia. | |
| 3352 | Miseratio tua deus ... conversatione perducat. |
| Miseratio tua, deus, ad haec percipienda mysteria famulos tuos, quaesumus, et provehat competenter et devota conversatione perducat. | |
| 3353 | Miserationum tuarum domine ... grata fidelium. |
| Miserationum tuarum, domine, quaesumus, praeveniamur auxilio et in huius sollemnitate ieiunii omnium tibi sit devotio grata fidelium. | |
| 3354 | Miserator et misericors ... largiaris aeternam. |
| Miserator et misericors domine Iesu Christe, qui curri deo patre in sempiterna gloria permanes, gloriam tuam per huius sacrificii interventum deposcimus, ut animas famulorum tuorum illorum sancti spiritus tui consolatione reficias et omnium defunctorum animabus, in pacis tuae gaudio quiescentibus, requiem largiaris aeternam. | |
| 3355 | Miserator et misericors ... percipiamus obsequio. |
| Miserator et misericors domine, qui nos continuis caelestium martyrum non deseris sacramentis, praesta, quaesumus, ut, quae sedulo celebramus affectu, grato tibi percipiamus obsequio. | |
| 3356 | Miserere domine deprecantis ... patiaris adversis. |
| Miserere, domine, deprecantis ecclesiae et inclinantium tibi sua corda propitiatus intende, ut, quos divinorum sinis esse participes, nec peccatis fieri permittas obnoxios nec opprimi patiaris adversis. | |
| 3357 | Miserere domine famulo ... vivere concedas. |
| Miserere, domine, famulo tuo illi misericors et ab omni aegritudine cordis et corporis sana propitius sicque corporali eum correptione clementer in praesenti erudias, ut, ablutum a colluvionibus cunctis, in futuro regno tecum sine fine feliciter vivere concedas. | |
| 3358a | Miserere domine populi ... respirare concede. |
| Miserere, domine, populi tui et, continuis tribulationibus laborantem, propitius respirare concede. | |
| 3358b | Miserere iam quaesumus ... propitiatione laetifica. |
| Miserere iam, quaesumus, domine, populo tuo et, continuis tribulationibus laborantem, celeri propitiatione laetifica. | |
| 3359 | Miserere misericors deus ... civium supernorum. |
| Miserere, misericors deus, animabus illis, quae singulares non habent apud te intercessores, quibus nulla est consolatio in tormentis neque spes ulla, nisi quod factae sunt ad imaginem et similitudinem tuam; parce et defende, domine, plasma tuum nobile et gloriam nominis tui ne des alteri; opus manuum tuarum respice in eis et libera eas ab omnibus intolerabilibus poenis et cruciatibus et perduc eas ad societatem civium supernorum. | |
| 3360 | Miserere nobis domine ... integerrimam sanitatem. |
| Miserere nobis, domine, miserere nobis, dum non miseria miseros consumere sed misericordia liberare festinas nec vindicta obsorbere sed expiari peccatores intendis; sentiamus, domine, manum tuam, medentem potius quam percutientem, foventem magis quam ferientem, ut sic praesentia adhibeas flagella, ut supplicia arceas sempiterna, atque famulos tuos illos pietate paterna corripias, non abiicias, erudias, non confundas tribuasque propitius cunctis temporum pacem et aegris integerrimam sanitatem. | |
| 3361 | Miserere nobis domine ... requiem praesta. |
| Miserere nobis, domine, miserere nobis et a cunctis malis praeteritis, praesentibus et futuris nos eripe; furorem irae tuae, gladium, captivitatem, pestilentiam, famem, tribulationem et insidias inimicorum nostrorum a nobis elonga; gratia tua nos a sordibus peccatorum emunda et omnes in commune iustifica; tempora concede et dies nostros, in tua pace disponendo, laetifica; omnium infirmorum valetudines cura omniumque fidelium defunctorum animabus requiem praesta. | |
| 3362 | Miserere nobis domine ... pius defende. |
| Miserere nobis, domine, miserere nobis, quia tu es aeternus creator; quos fecisti, ne despicias; quos redemisti, caelesti protectione pius defende. | |
| 3363 | Miserere nostri deus ... bonitate largire. |
| Miserere nostri, deus, et tuae nobis pietatis effectus potenti bonitate largire. | |
| 3364 | Miserere quaeso clementissime ... gloriam tribue. |
| Miserere, quaeso, clementissime deus, mihi famulo tuo, qui hoc sacrificium laudis tuae offero maiestati, et precibus beatae virginis Mariae omnes iniquitates meas dele indulgentia tuae propitiationis nec plus apud te valeat offensio delinquentium quam misericordia, indulta precibus supplicantium, et, quod devota mente pro peccaminum meorum absolutione gero, proficere mihi sentiam ad medelam; famulis quoque et famulabus tuis, qui mihi consanguinitatis, familiaritatis, subiectionis, confessionis et dilectionis vinculo innectuntur, vivis et defunctis, quorum et quarum nomina tibi vivunt, pro quibus tuam misericordiam exoro, remissionem omnium peccatorum et aeternitatis gloriam tribue. | |
| 3365 | Miserere quaesumus clementissime ... ad medelam. |
| Miserere, quaesumus, clementissime deus, famulo tuo illi, pro quo hoc sacrificium laudis tuae offerimus maiestati, et precibus beatae Mariae virginis omnes iniquitates eius indulgentia tuae propitiationis dele et, quod devota mente pro peccaminum eius absolutione gerimus, proficere sentiat ad medelam. | |
| 3366 | Miserere quaesumus domine ... in caelis. |
| Miserere, quaesumus, domine, animabus omnium benefactorum nostrorum defunctorum et pro beneficiis, quae nobis largiti sunt in terris, praemia aeterna consequantur in caelis. | |
| 3367 | Miserere quaesumus domine ... beatitudinis acquirant. |
| Miserere, quaesumus, domine deus, famulis tuis, pro quibus hoc sacrificium laudis tuae offerimus maiestati, ut per haec sancta supernae benedictionis gratiam obtineant et gloriam aeternae beatitudinis acquirant. | |
| 3368 | Miserere quaesumus domine ... intercessione donetur. |
| Miserere, quaesumus, domine, nobis indignis famulis tuis, suffragia sanctorum tuorum humiliter implorantibus, ut, quia, fragili mortalique carne circumdati, cottidianis peccatorum remissionibus indigemus, gloriosae semper virginis dei genitricis Mariae sanctorumque apostolorum, martyrum, confessorum ac virginum omniumque electorum tuorum assiduis apud pietatem tuam precibus adiuvemur, ut, quod possibilitas nostra non obtinet, eorum nobis intercessione donetur. | |
| 3369 | Miserere quaesumus rogantibus ... quam promittis. |
| Miserere, quaesumus, rogantibus nobis, propitius respice in adversis; qui desperatis cor paenitens tribuis, a confessionibus nostris ullo modo avertaris et, quia contriti cordis placaris sacrificio, tribue nobis hoc tibi offerre, quod praecipis, et mereri indulgentiam, quam promittis. | |
| 3370 | Miserere supplicibus tuis ... hinc redeamus. |
| Miserere supplicibus tuis, quaesumus, domine, sancti Sampsonis confessoris tui atque pontificis merita venerantibus, ut, eius adiuti suffragiis, spiritualibus donis ditati, gaudentes hinc redeamus. | |
| 3371 | Miserere vivorum domine ... christianis regibus. |
| Miserere vivorum, domine, qui sacerdotibus tuis confessi fuerunt vel qui se in orationibus nostris commendaverunt; da restaurationem defunctis, qui, desiderantes paenitentiam, de hac luce migraverunt; da sanitatem infirmis, prosperitatem in via tua ambulantibus, pacem discordantibus, finem perfectam bene incipientibus, portum salutis navigantibus, indulgentiam paenitentibus, pacem christianis regibus. | |
| 3372a | Misericordiae tuae remediis ... vegetatione reparetur. |
| Misericordiae tuae remediis, quaesumus, domine, fragilitas nostra subsistat, ut, quae sui condicione defecit, tua vegetatione reparetur. | |
| 3372b | Misericordiae tuae remediis ... clementia reparetur. |
| Misericordiae tuae remediis, quaesumus, domine, fragilitas nostra subsistat, ut, quae sua condicione atteritur, tua clementia reparetur. | |
| 3373 | Misericordiam tuam aeterne ... ei ignoscas. |
| Misericordiam tuam, aeterne deus, flagitantes petimus, ut famulo tuo illi requiem aeternam tribuas et, quidquid ex fragilitate corporis vel peccatorum vitiis culpae contraxit, tua propitiatione ei ignoscas. | |
| 3374 | Misericordiam tuam domine ... propitiare suffragiis. |
| Misericordiam tuam, domine, nobis, quaesumus, interveniente beato confessore tuo Damaso clementer impende et nobis peccatoribus ipsius propitiare suffragiis. | |
| 3375a | Misericordiam tuam domine ... ad veniam. |
| Misericordiam tuam, domine, supplices exoramus, ut hoc tuum sacramentum non sit nobis reatus ad poenam sed fiat intercessio salutaris ad veniam. | |
| 3375b | Misericordiam tuam supplices ... ad veniam. |
| Misericordiam tuam supplices exoramus, omnipotens deus, ut hoc tuum, domine, sacramentum non sit nobis reatus ad poenam sed fiat intercessio salutaris ad veniam. | |
| 3376 | Misericordiam tuam quaesumus ... praesidiis exsistas. |
| Misericordiam tuam, quaesumus, domine, nobis clementer impende et sanctae Christinae virginis et martyris tuae nobis placatus praesidiis exsistas. | |
| 3377 | Misericordiam tuam suppliciter ... purgare digneris. |
| Misericordiam tuam suppliciter deprecor, omnipotens deus, ut me famulum tuum, quem divinis sacramentis, carne et sanguine Iesu Christi filii tui dei mei, satiasti, ab omnibus inimicorum incursibus liberare et a carnis immunditia seu lascivia animae meae purgare digneris. | |
| 3378 | Misericors domine cuius ... eruditio convertendi. |
| Misericors domine, cuius miserationes sunt super omnia opera eius, fratres carissimi, supplicemus, ut reliquiis populi sui, quem ruina mundi labentis ac praetereuntis oppressit, in variis afflictionum eius succurrat angustiis, quo singulis atque universis tribulationum suarum pondus non ira delendi sit sed eruditio convertendi. | |
| 3379 | Misericors domine fidelium ... patienter exspectent. |
| Misericors domine, fidelium tuorum consolator et doctor, auge in ecclesia tua desideria, quae dedisti, et de intellegenda altitudine promissionum sperantium in te corda confirma, ut omnes adoptionis filii lumen, quod nondum ostendis, fidei oculis incunctanter intueantur et patienter exspectent. | |
| 3380 | Misericors et miserator ... dignatus es. |
| Misericors et miserator domine, patiens et multum misericors, si iniquitates observaveris, quis sustinebit? Precamur ergo immensam clementiam tuam pro anima famuli tui illius; cui parva fiducia suppetit actionum, sola gratia tua copiosa resplendeat, ut vel veniam opera manuum tuarum sentiat in inferis, quem ad imaginem tuam creare dignatus es. | |
| 3381 | Misericors et miserator ... esse concede. |
| Misericors et miserator domine, qui nos parcendo sustentas et ignoscendo sanctifices, da veniam peccatis nostris et sacramentis caelestibus servientes ab omni culpa liberos esse concede. | |
| 3382 | Misericors et miserator ... absolutionem culparum. |
| Misericors et miserator domine, qui parcendo sustentas et ignoscendo sanctificas, da mihi per haec sancta, quae sumpsi, purificationem mentis et corporis et mearum absolutionem culparum. | |
| 3383 | Misericors et omnipotens ... orationibus adiuvemur. |
| Misericors et omnipotens deus, qui nos, de virtute in virtutem debita veneratione currentes, tuorum facis festivitatibus gaudere sanctorum, praesta, ut, quorum sollemnitatibus consolamur, orationibus adiuvemur. | |
| 3384 | Mitte deus archangelum ... laetari concedas. |
| Mitte, deus, archangelum tuum Raphaelem cum medicamine opificem, qui sanitatem mentis reportet et corporis misericordiaeque caelestis donum infundat et, quae in nobis sunt adversa, deponat, ut, qui nostra iniquitate tabescimus, de tua, quam non meremur, pietate laetari concedas. | |
| 3385 | Mitte domine quaesumus ... corda purificet. |
| Mitte, domine, quaesumus, spiritum sanctum, qui et haec munera praesentia nostra tuum nobis efficiat sacramentum et, ad hoc percipiendum, nostra corda purificet. | |
| 3386 | Mitte quaesumus domine ... pectus offerre. |
| Mitte, quaesumus, domine, spiritum sanctum in cordibus nostris et, ut accepta tibi sint nostra ieiunia, praesta nobis, quaesumus, huius munere sacramenti purificatum tibi pectus offerre. | |
| 3387 | Mitte quaesumus domine ... purget habitacula. |
| Mitte, quaesumus, domine, spiritum sanctum, qui sanctorum apostolorum tuorum linguas ad praedicandum fecit disertas, ut et haec praesentia munera sanctificet et ad haec percipienda cordium nostrorum purget habitacula. | |
| 3388 | Mitte verbum tuum ... criminibus deservire. |
| Mitte verbum tuum e caelis, domine, quo abluantur delicta et sanctificentur oblata, ut, qui tibi obsequimur abstinentiae votis, a tuis numquam recedamus praeceptis, quo, huius libaminis salvati participatione, tibi mereamur, expulsis criminibus, deservire. | |
| 3389 | Mores nostros domine ... non desint. |
| Mores nostros, domine, quaesumus, tua pietate compone, ut et nulla nobis dominentur adversa et salutaria cuncta non desint. | |
| 3390 | Moveat pietatem tuam ... largitate percipiat. |
| Moveat pietatem tuam, quaesumus, domine, subiectae tibi plebis affectus et misericordiam tuam supplicatio fidelis obtineat, ut, quod meritis non praesumit, indulgentiae tuae largitate percipiat. | |
| 3391 | Multa quidem erant ... ampliare doctrinis. |
| Multa quidem erant replicanda, quantam habeat castimonia gratiam, sed, quod ex conservato pudore confertur a domino, humana lingua non valet proferre in medio, cum et inaestimabile sit, quod speratur, et gloriosum, quod acquiritur. Qui enim carnem mentemque suam gestat, ut Ioannes et Iacobus, pudicam, pectoris Christi domini esse merebitur recuba. Nec enim quispiam in sanctum pectus poterit recumbere, qui non suum domicilium mundum certaverit custodire; illosque solum puto, quod digne suscipiat Christus in requiem, quos aut integritas mentis commendat aut cruoris effusio iuste delibat. Unde precamur te, Christe dei filius et salvator noster, ut huius viri iusti suffragio ecclesiam tuam liberes ab adversis, qui eam eius dignatus es ampliare doctrinis. |
|
| 3392 | Multa sunt domine ... facias possessores. |
| Multa sunt, domine, iniquitatum nostrarum crimina, pro quibus superbiam nostram iuste reverberas et conculcas sed immensam bonitatem tuam, misericors, petimus, ut, quibus hic conversionis tempus patientiae largiris, caelestium gaudiorum facias possessores. | |
| 3393 | Multae sunt aversiones ... propitiatus emundes. |
| Multae sunt aversiones nostrae, quibus impediti a te recessimus nec oculos ad caelum sublevare audemus. Sed tu, qui inspicis nos deiici conscientia nostra, alleva nos miseratione gratuita, ut, hoc sacrificium pro delictis nostris miseratus accipiens, ab omni nos crimine propitiatus emundes. | |
| 3394 | Multae sunt domine ... eorum ammi. |
| Multae sunt, domine, consolationes tuae, quarum ope laetifices nos, positos in maerore. Preces nostras, quia pius es, placatus attende et hoc sacrificium, quod pro famulis tuis illis, corde contritis et in angustiis positis, tibi omnipotenti deo offerimus, propitius acceptare digneris Intret eorum gemitus in tuas sacras aures et da eis in tribulatione auxilium tuum, per quod ad laetitiam perveniant sempiternam maesti eorum ammi. | |
| 3395 | Multiplica domine benedictionem ... resurrectione tradendos. |
| Multiplica, domine, benedictionem tuam et per spiritum tui muneris fidem nostram corrobora, ut, qui in haec fluenta descenderint, eos in libro vitae adscribi iubeas, in regnum tibi deo patri in resurrectione tradendos. | |
| 3396 | Multiplica domine benedictiones ... subsidiis adiuvari. |
| Multiplica, domine, benedictiones tuas super populum tuum et, quem sancti tui Marcelli confessoris praesentibus consolaris officiis, beneficiorum tuorum largitate prosequere, ut donis caelestibus se gaudeat subsidiis adiuvari. | |
| 3397 | Multiplica domine quaesumus ... sancta fidelium. |
| Multiplica, domine, quaesumus, in ecclesia tua spiritum gratiae, quem dedisti, ut per dignum pontificis institutum crescat tuorum devotio sancta fidelium. | |
| 3398 | Multiplica domine quaesumus ... angelis gloriemur. |
| Multiplica, domine, quaesumus, per haec sancta, quae sumpsimus, veritatem tuam in animabus nostris, ut te in templo sancto iugiter adoremus et in conspectu tuo cum sanctis angelis gloriemur. | |
| 3399 | Multiplica domine super ... plenitudinem gaudiorum. |
| Multiplica, domine, super animas famulorum famularumque tuarum misericordiam tuam et, quibus donasti baptismi sacramentum, da eis aeternorum plenitudinem gaudiorum. | |
| 3400 | Multiplica fidem quaesumus ... consequatur augmentum. |
| Multiplica, fidem, quaesumus domine, populi tui, ut, cuius per te sumpsit initium, per te consequatur augmentum. | |
| 3401 | Multiplica nos domine ... exhibeamus iustitiae. |
| Multiplica nos, domine, humilitatis dono et caritatis studio, ut, viventes in pace, fructum tibi exhibeamus iustitiae. | |
| 3402 | Multiplica quaesumus domine ... subsidiis adiuvari. |
| Multiplica, quaesumus, domine, benedictionem tuam super populum tuum et, quos sancti martyris tui Sebastiani frequentibus consolaris officiis, beneficiorum tuorum largitate prosequere, ut et donis caelestibus erudiri et competentibus se gaudeant subsidiis adiuvari. | |
| 3403 | Multiplicatis gaudiis plebs ... consequi mereatur. |
| Multiplicatis gaudiis plebs tua, domine, repleta proficiat et eorum fulta praesidiis, quorum natalicia celebrat, quod temporaliter devota sectatur, aeternum consequi mereatur. | |
| 3404 | Multiplices domine incursus ... va eamus. |
| Multiplices, domine, incursus, quos mundus ingerit, tu repelle, ut haec dona caelestia tranquillis cogitationibus capere va eamus. | |
| 3405 | Multis coram te ... discipulis commendaret. |
| Multis coram te, deus pater, exsultantes in laudibus, confessoris tui Martini hodierno die obitus memoriam facimus, doctrinae recolimus, operum memoramus, qui, licet totum vitae suae cursum gloriosa decoraverit pace, finem tamen ineffabili caritatis bono reddidit et probabilem et illustrem, cum, vicinum sui cernens terminum finis, pacem inter se discordantibus restituit clericis, quo, ad aeternam continuo vocaturus hereditatem, exemplo domini tenendam suis pacem discipulis commendaret. | |
| 3405bis | Multis coram te ... edocemur exemplo. |
| Multis coram te, deus pater, exsultantes in laudibus, confessoris tui Martini hodierno die obitus memoriam facimus, doctrinae recolimus, operum memoramus, qui, licet totum vitae suae cursum gloriosa decoraverit pace, finem tamen ineffabili caritatis bono reddidit et probabilem et illustrem, cum, vicinum sui cernens terminum finis, pacem inter se discordantibus restituit clericis, quo, ad aeternam continuo vocaturus hereditatem, exemplo domini tenendam suis pacem discipulis commendaret. Huius ergo viri suffragiis pelle a nobis, deus, quidquid iugulat pacem, quidquid suscitat litem, quidquid dividit unitatem et dona, ut eidem consortes simus in praemio, cuius hic dilectionis edocemur exemplo. | |
| 3406 | Munda nos domine ... esse participes. |
| Munda nos, domine, sacrificii praesentis effectu et perfice miseratus in nobis, ut eius mereamur esse participes. | |
| 3407 | Munda nos ipse ... reatibus absolvemur. |
| Munda nos ipse, quaesumus, deus, ab iniquitatibus nostris per intercessionem beatorum tuorum Romedii et sociorum eius, ut et te veneremur et a nostris reatibus absolvemur. | |
| 3408 | Mundet et muniat ... adversitatibus expeditos. |
| Mundet et muniat nos, quaesumus, domine, divini sacramenti munus oblatum et, intercedente beata virgine dei genitrice Maria cum beatis apostolis tuis Petro et Paulo et omnibus sanctis, a cunctis nos reddat et perversitatibus expiatos et adversitatibus expeditos. | |
| 3409 | Munera divina quaesumus ... melius deducat. |
| Munera divina, quaesumus, domine, resurrectio unigeniti filii tui domini nostri Iesu Christi in nobis dignanter compleat et complendo beatae Mariae semper virginis precibus nos in melius deducat. | |
| 3410 | Munera domine altari ... praenuntiavit oraculo. |
| Munera, domine, altari tuo superposita, dextera potentiae tuae admittat, quae hodie concipiendum sanctum Ioannem angelico praenuntiavit oraculo. | |
| 3411 | Munera domine maiestati ... sociari consortiis. |
| Munera, domine, maiestati tuae oblata, sanctifica et, beati Germani confessoris tui intercedentibus meritis, ab omnibus mereamur absolvi peccatis et sanctorum sociari consortiis. | |
| 3412a | Munera domine oblata sanctifica nosque ... maculis emunda. |
| Munera, domine, oblata sanctifica nosque a peccatorum nostrorum maculis emunda. | |
| 3412b | Munera domine oblata sanctifica et ... maculis emunda. |
| Munera, domine, oblata sanctifica et, intercedente beato Georgio martyre tuo, nos per haec a peccatorum nostrorum maculis emunda. | |
| 3412c | Munera domine oblata ... esse participem. |
| Munera, domine, oblata sanctifica et animam famuli tui illius a peccatorum suorum maculis emunda et perpetuae vitae fac esse participem. | |
| 3413a | Munera domine oblata ... sanguis fia(n)t. |
| Munera, domine, oblata sanctifica, ut tui nobis unigeniti corpus et sanguis fia(n)t. | |
| 3413b | Munera domine quaesumus ... usquequaque proficiant. |
| Munera, domine, quaesumus, oblata sanctifica, ut et nobis unigeniti tui corpus et sanguis fiant et illi regi ad obtinendam animae corporisque salutem et (ad) peragendum iniunctum (sibi) officium, te largiente, usquequaque proficiant. | |
| 3414 | Munera domine praesentis ... salus infinita. |
| Munera, domine, praesentis sacrificii, quae tibi offerimus in honorem sanctae Katharinae virginis, fiant nobis eius precibus vita perpetua et, te donante, salus infinita. | |
| 3415 | Munera domine pro ... reddantur accepta. |
| Munera, domine, pro sanctae illius martyris tuae, cuius festa celebramus, commemoratione oblata, illius meritis tibi reddantur accepta. | |
| 3416 | Munera domine quae ... benignus assume. |
| Munera, domine, quae in sancti Oswaldi commemoratione tuae maiestati offerimus, benignus assume. | |
| 3417 | Munera domine quae ... suppliciter exoramus. |
| Munera, domine, quae nomini tuo pro sollemnitate sanctarum virginum illarum offerimus, earum precibus tibi grata fieri suppliciter exoramus. | |
| 3418 | Munera domine quae ... meremur averte. |
| Munera, domine, quae pro apostolorum tuorum Philippi et Iacobi sollemnitate deferimus, propitius suscipe et mala omnia, quae meremur, averte. | |
| 3419 | Munera domine quae ... maculis emunda. |
| Munera, domine, quae pro omnium sanctorum tuorum veneratione tibi devote deferimus, propitius suscipe et, illorum suffragantibus meritis, nos per haec a peccatorum nostrorum maculis emunda. | |
| 3420 | Munera domine quae ... esse concede. |
| Munera, domine, quae tibi ob honorem sanctorum martyrum tuorum Eustachii sociorumque eius offerimus, dignanter assume et eorum meritis proficua nobis esse concede. | |
| 3421 | Munera domine quaesumus ... illustratione emunda. |
| Munera, domine, quaesumus, oblata sanctifica et corda nostra sancti spiritus illustratione emunda. | |
| 3422 | Munera domine quaesumus ... defende periculis. |
| Munera, domine, quaesumus, oblata sanctifica et per haec famulos tuos, rem publicam gubernantes, a cunctis defende periculis. | |
| 3423 | Munera domine quaesumus ... digneris adversis. |
| Munera, domine, quaesumus, offerentes, ut et ab omnibus mundare peccatis et a cunctis nos protegere digneris adversis. | |
| 3424 | Munera domine quaesumus ... provenire concede. |
| Munera, domine, quaesumus, pro tuorum commemoratione sanctorum Timothei et Apollinaris sollemniter oblata, propitius suscipe et pia eorum intercessione ad salutem nobis perpetuam provenire concede. | |
| 3425 | Munera domine quaesumus ... provenire salutem. |
| Munera, domine, quaesumus, quae pro nostra simul et patris nostri famuli tui illius redemptione tuae maiestatis oculis offerimus, placatus suscipe et ad perpetuam nobis omnibus tribue provenire salutem. | |
| 3426a | Munera domine tibi ... placatus intende. |
| Munera, domine, tibi dicata, quaesumus, sanctifica et per eadem nos placatus intende. | |
| 3426b | Munera quaesumus domine ... placatus intende. |
| Munera, quaesumus, domine, tibi dicata, sanctifica et, intercedente beato Pancratio martyre tuo, per eadem nos placatus intende. | |
| 3427 | Munera domine tuae ... immortalitatis acquirant. |
| Munera, domine, tuae caritatis, quae pro beati pontificis tui Thomae translatione suscepimus, de morte translati ad vitam, stolam nobis immortalitatis acquirant. | |
| 3428a | Munera domine tuae ... celebramus efficiat. |
| Munera, domine, tuae glorificationis offerimus, quae tibi pro nostris grata ieiuniis eorum, quaesumus, deprecatio, quorum sollemnia celebramus, efficiat. | |
| 3428b | Munera domine tuae ... praevenimus efficiat. |
| Munera, domine, tuae glorificationis offerimus, quae tibi pro nostris grata ieiuniis sanctorum apostolorum, quaesumus, deprecatio, quorum sollemnia praevenimus, efficiat. | |
| 3429 | Munera domine tuae ... sentiamus aeternam. |
| Munera, domine, tuae maiestati oblata, sanctorum martyrum tuorum Xysti, Felicissimi et Agapiti, quaesumus, interventu nobis ad salutem proficere sentiamus aeternam. | |
| 3430 | Munera familiae tuae ... adversitatibus defende. |
| Munera familiae tuae, domine, propitius respice et, intercedente beato Petro, a cunctis eam adversitatibus defende. | |
| 3431 | Munera haec domine ... est hostia. |
| Munera haec, domine, altari tuo superposita, beatus Adrianus tibi gratificet, qui, pro te moriendo, viva et sancta factus est hostia. | |
| 3432 | Munera haec pietati ... efficiantur munimina. |
| Munera haec, pietati tuae, clementissime pater, venerandi pontificis et confessoris tui Syri amore oblata, quaesumus, ut ipsius obtentu et tuae maiestati fiant acceptabilia et nostrae fragilitati salutaria efficiantur munimina. | |
| 3433 | Munera haec pro ... dona concedas. |
| Munera haec, pro unione populi christiani tibi, domine, oblata, sanctifica, per quae unitatis et pacis in ecclesia tua nobis dona concedas. | |
| 3434 | Munera haec quaesumus ... perfice profutura. |
| Munera haec, quaesumus, domine, dignanter suscipiens sanctifica et famulo tuo regi nostro suisque omnibus perfice profutura. | |
| 3435 | Munera haec tuae ... vinculis expurgent. |
| Munera haec, tuae oblata maiestati, quaesumus, domine, ut per intercessionem martyrum tuorum Gereonis, Victoris, Cassii atque Florentii nos a peccatorum nostrorum vinculis expurgent. | |
| 3436 | Munera humilitatis nostrae ... provenire concede. |
| Munera humilitatis nostrae, domine, quae pro sanctorum martyrum tuorum Hermachorae et Fortunati gloriosa passione et sollemnitate offerimus, quaesumus, propitius respicere dignare et ipsorum intercessione tam ad profectum vitae quam animae salutaria nobis consueta miseratione provenire concede. | |
| 3437 | Munera maiestati tuae ... redemptione gaudere. |
| Munera, maiestati tuae oblata, quaesumus, domine gratanter assume et intercessione beatae Barbarae martyris tuae, tribue nos redemptione gaudere. | |
| 3438 | Munera nomini tuo ... mente suscipere. |
| Munera nomini tuo, domine, cum gratiarum actione deferimus, qui nos, ab infestis hostibus liberatos, paschale sacramentum secura tribuisti mente suscipere. | |
| 3439 | Munera nos domine ... esse placatum. |
| Munera nos, domine, quaesumus, oblata purificent et te nobis iugiter faciant esse placatum. | |
| 3440 | Munera nos domine ... dirigant gressus. |
| Munera nos, domine, quaesumus, oblata purificent nostrosque in via mandatorum tuorum dirigant gressus. | |
| 3441 | Munera nostra domine ... prosit ad veniam. |
| Munera nostra, domine, beatorum martyrum tuorum illorum fiant tibi grata suffragiis, ut, quod pro illorum gloria celebramus, ipsorum meritis nobis prosit ad veniam. | |
| 3442 | Munera nostra domine ... prosint ad veniam. |
| Munera nostra, domine, quaesumus, apud clementiam tuam beati Magni confessoris tui commendet oratio, ut tuae maiestati sint accepta et nobis supplicibus tuis prosint ad veniam. | |
| 3443 | Munera nostra domine ... salutem animarum. |
| Munera nostra, domine, quaesumus, meritis et intercessionibus munifici confessoris tui Osmundi sanctifica, ut in filii tui domini nostri Iesu Christi corpus et sanguinem convertantur et ad nostrarum proficiant salutem animarum. | |
| 3444a | Munera nostra domine ... divinum est. |
| Munera nostra, domine, quaesumus, nativitatis hodiernae mysteriis apta proveniant, ut, sicut homo genitus idem praefulsit et deus, sic nobis haec terrena substantia conferat, quod divinum est. | |
| 3444b | Munera nostra quaesumus ... divinum est. |
| Munera nostra, quaesumus, domine, nativitatis hodiernae mysteriis apta proveniant, ut, sicut homo genitus idem refulsit deus, sic nobis haec terrena substantia conferat, quod divinum est. | |
| 3445 | Munera nostra domine ... sint grata. |
| Munera nostra, domine sancte, quaesumus, dignanter assume, quae cum illorum sanctorum tuorum commemoratione sint grata. | |
| 3446a | Munera nostra domine ... filii renascentur. |
| Munera nostra, domine, sancti spiritus sacrentur adventu, per quem a peccatis omnibus absoluti adoptionis tuae filii renascentur. | |
| 3446b | Munera nostra quaesumus ... filii renascantur. |
| Munera nostra, quaesumus, domine, sancti spiritus tui dignatione sacrentur, per quem et a peccatis omnibus absolvantur et adoptionis tuae filii renascantur. | |
| 3447 | Munera nostra quaesumus ... suscepit impensum. |
| Munera nostra, quaesumus, domine, beatae Mariae Magdalenae gloriosa merita tibi reddant accepta, cuius oblationis obsequium unigenitus filius tuus clementer suscepit impensum. | |
| 3448 | Munera nostra quaesumus ... religionis converte. |
| Munera nostra, quaesumus, domine, gratanter assume et per interventionem beatae Priscae virginis tuae et martyris omnium nostrum corda ad cultum verae religionis converte. | |
| 3449 | Munera nostra quaesumus ... exhibemus famulatum. |
| Munera nostra, quaesumus, domine, in honorem sancti Edwardi martyris tui oblata, clementi respectu intuere et ipsis nos mente purifica, quibus tibi debitum exhibemus famulatum. | |
| 3450 | Munera nostra quaesumus ... propitiatus absolve. |
| Munera nostra, quaesumus domine, placatus assume et beati illius martyris tui atque pontificis suffragio a cunctis nos nexibus peccatorum propitiatus absolve. | |
| 3451 | Munera nostra quaesumus ... intercessione custodi. |
| Munera nostra, quaesumus, domine, propitiatus assume et, ut digne tuis famulemur altaribus, sancti tui nos Hermetis intercessione custodi. | |
| 3452 | Munera nostra quaesumus ... et meritis. |
| Munera nostra, quaesumus, domine, quae pro beatorum confessorum tuorum atque pontificum illorum tuo nomini offeruntur natalitiis, ipsorum digna perficiantur et meritis. | |
| 3453 | Munera nostra quaesumus ... commendet oratio. |
| Munera nostra, quaesumus, domine, sancti illius et confessio veneranda et beata commendet oratio. | |
| 3454 | Munera nostra quaesumus ... contagia expurgem. |
| Munera nostra, quaesumus, domine, sereno intuitu suscipe, ut, sancto Chrysogono intercedente, criminum nostrorum contagia expurgem. | |
| 3455 | Munera nostra quaesumus ... misericorditer protege. |
| Munera nostra, quaesumus, domine, suscipe placatus et famulum tuum illum abbatem nostrum gregemque sibi commissum benignus semper et ubique misericorditer protege. | |
| 3456 | Munera nostra quaesumus ... gaudia concede. |
| Munera nostra, quaesumus, gratanter suscipe, clementissime deus, et, intervenientibus gloriosis virginibus, in hac basilica carne quiescentibus, universas vitiorum maculas a nobis expelle atque sempiternae felicitatis gaudia concede. | |
| 3457 | Munera nostra tibi ... orare sentiamus. |
| Munera nostra tibi, domine, sanctae dei genitricis Mariae commendet oratio, quam, etsi pro condicione carnis migrasse cognoscimus, in caelesti tamen gloria pro nobis apud te orare sentiamus. | |
| 3458 | Munera nostrae devotionis ... protectione muniant. |
| Munera nostrae devotionis, quae in beati Hieronymi confessoris tui festivitate tuae maiestati, omnipotens deus, deferimus, eius, quaesumus, intervenientibus meritis, nos perpetua protectione muniant. | |
| 3459 | Munera nostrae devotionis ... provenire concede. |
| Munera nostrae devotionis, quaesumus, domine, propitius respice et ad salutem nostram provenire concede. | |
| 3460 | Munera nostrae oblationis ... offerimus actione. |
| Munera nostrae oblationis, quaesumus, domine, placatus suscipe, quae, ut nobis patientiae bonum condonare digneris, maiestati tuae devota offerimus actione. | |
| 3461 | Munera nostrae redemptionis ... beatae resurrectionis. |
| Munera nostrae redemptionis, quaesumus, omnipotens deus, quae fideliter sumpsimus, et a vitiorum nos eruant sepulcris et ad gloriam transferant beatae resurrectionis. | |
| 3462 | Munera plebis tuae ... et meritis. |
| Munera plebis tuae, domine, quaesumus, beatorum apostolorum fiant grata suffragiis, ut, pro quorum triumphis tuo nomini deferuntur, ipsorum digna perficiantur et meritis. | |
| 3463 | Munera plebis tuae ... dignanter impendant. |
| Munera plebis tuae, quaesumus, domine, laetanter offerimus, quae in honorem nominis tui et sanctae Agnetis nobis remedia sempiterna dignanter impendant. | |
| 3464 | Munera populi tui ... percipere mereantur. |
| Munera populi tui, domine, clementer assume, ut, qui primum unigeniti filii tui adventum tripudianter celebrare desiderant, in secundo, cum venerit, aeternae vitae remedia percipere mereantur. | |
| 3465 | Munera populi tui ... et saluti. |
| Munera populi tui, domine, placabilis dextera suscipiat, ut, sanctae Helenae reginae suffragantibus meritis, devotioni nostrae proficiant et saluti. | |
| 3465bis | Munera populi tui ... suscipiat ut sanctae Helenae reginae suffragantibus meritis devotioni nostrae proficiant |
| Munera populi tui, domine, placabilis dextera <tua> suscipiat, ut, sanctae Helenae reginae suffragantibus meritis, devotioni nostrae proficiant et saluti. | |
| 3466 | Munera populi tui ... gaudere suffragiis. |
| Munera populi tui, domine, propitiatus intende et beati baptistae Ioannis, cuius nos tribuis praeire sollemnia, fac gaudere suffragiis. | |
| 3467 | Munera populi tui ... magisque proficere. |
| Munera populi tui, domine, quaesumus, dignanter assume, ut, quod in honorem sanctorum tuorum illorum venerabiliter exsequuntur, suae hoc sentiant saluti magis magisque proficere. | |
| 3468 | Munera populi tui ... veniam delictorum. |
| Munera populi tui, omnipotens deus, quae tibi in hac beatissimi martyris tui baptistae Ioannis festivitate deferimus quaesumus, propitiatus intende, ut, perfecte huius sacrificii sanctificatione purgati, nostrorum a te mereamur consequi veniam delictorum. | |
| 3469 | Munera praesentis hostiae ... sempiterna gaudia. |
| Munera praesentis hostiae, quae offerimus maiestati tuae, gratanter suscipe, deus clementissime, et, suffragante sacra virgine Ethelburga, cuius annua recolimus natalitia, per ea nos perducere digneris ad sempiterna gaudia. | |
| 3470 | Munera quae deferimus ... precibus adiuvemur. |
| Munera, quae deferimus, domine, benignus assume, ut, qui a nostris impedimur offensis, apostolorum tuorum precibus adiuvemur. | |
| 3471 | Munera quae tibi ... ad salutem. |
| Munera, quae tibi, domine, pro sancti Marci confessoris tui atque pontificis commemoratione deferimus, quaesumus, ut eius obtentu nobis proficiant ad salutem. | |
| 3472 | Munera quae tuae ... redemptione gaudere. |
| Munera, quae tuae deferimus maiestati, quaesumus, domine, gratanter assume et intercessione sancti Laurentii archiepiscopi tribue nos salutari redemptione gaudere. | |
| 3473 | Munera quaesumus domine ... fiant salutaria. |
| Munera, quaesumus, domine, benigno suscipe intuitu, quae in honorem sanctae Margarethae virginis tuae deferimus, et concede, ut eius interventu nobis fiant salutaria. | |
| 3474 | Munera quaesumus domine ... medelam proficiant. |
| Munera, quaesumus, domine, famulae et sacratae tuae illius, quae tibi ob consecrationem sui corporis offert, simul ad eius animae medelam proficiant. | |
| 3475 | Munera quaesumus domine ... potenter eripe. |
| Munera, quaesumus, domine, famulorum tuorum dignanter suscipe et, quos desiderio aeternae beatitudinis a mundano segregasti proposito, etiam a delectatione carnali et ab omnibus antiqui hostis insidiis potenter eripe. | |
| 3476 | Munera quaesumus domine ... supplicant Innocentes. |
| Munera, quaesumus, domine, nostra tibi complaceant, pro quibus tui tibi supplicant Innocentes. | |
| 3477 | Munera quaesumus domine ... labe purifica. |
| Munera, quaesumus, domine, oblata sanctifica et, intercedente beata Ositha martyre tua, ab omni nos culparum labe purifica. | |
| 3478 | Munera quaesumus domine ... actibus praesentemur. |
| Munera, quaesumus, domine, oblata sanctifica et propitius esto omnibus invocantibus te in veritate, ut in adventu filii tui domini nostri Iesu Christi cum omnibus sanctis tuis tibi placitis actibus praesentemur. | |
| 3479 | Munera quaesumus domine ... passionis certamen. |
| Munera, quaesumus, domine, quae in beatae Euphemiae celebritate deferimus, ita gratiae tuae efficiantur accepta, sicut eius tibi placitum exstitit passionis certamen. | |
| 3480 | Munera quaesumus domine ... est pretiosa. |
| Munera, quaesumus, domine, quae in beati Mauritii festis deferimus, ita sint tibi semper accepta, sicut eius effusio sanguinis in conspectu gloriae tuae facta est pretiosa. | |
| 3481 | Munera quaesumus domine ... propitiatus assume. |
| Munera, quaesumus, domine, quae, oculis tuae maiestatis in hoc altari proposita, offerimus, beati Quirici martyris supplicationibus propitiatus assume. | |
| 3482 | Munera quaesumus domine ... provenire salutem. |
| Munera, quaesumus, domine, quae pro nostra et omnium, quorum recolimus memoriam, redemptione, oculis tuae offerimus maiestatis, placatus suscipe et ad perpetuam nobis omnibus tribue provenire salutem. | |
| 3483 | Munera quaesumus domine ... pietate requiescat. |
| Munera, quaesumus, domine, quae tibi pro anima famuli tui illius offerimus, placatus intende, ut, remediis purgata caelestibus, in tua pietate requiescat. | |
| 3484 | Munera quaesumus domine ... redemptionem proficiant. |
| Munera, quaesumus, domine, quae tibi pro requie animarum famulorum famularumque tuarum omnium, in Christo quiescentium, offerimus, ad earum redemptionem proficiant. | |
| 3485 | Munera quaesumus domine ... placatus impende. |
| Munera, quaesumus, domine, pro tuorum veneratione sanctorum, quorum festa celebramus, devota nobis proficiant et, ut, quod offerimus, gratum sit, placatus impende. | |
| 3486 | Munera quaesumus domine ... ad salutem. |
| Munera, quaesumus, domine, sacris altaribus superposita, ob honorem sanctorum tuorum Stephani, Gamalielis, Nicodemi atque Abibon, quorum inventionem colimus, sanctifica et praesta, ut illis ad honorem, nobis quoque proveniant ad salutem. | |
| 3487 | Munera quaesumus domine ... proficere salutem. |
| Munera, quaesumus, domine, tuae maiestati oblata, per intercessionem beati Machuti confessoris tui atque pontificis ad perpetuam nobis tribue proficere salutem. | |
| 3488 | Munera quaesumus domine ... caelestibus apprehendant. |
| Munera, quaesumus, domine, tuae plebis propitiatus assume, ut, quae fidei pietate profitentur, sacramentis caelestibus apprehendant. | |
| 3489 | Munera sacrificii nostri ... salvatorem mundi. |
| Munera sacrificii nostri, quaesumus, omnipotens deus, in corpus et sanguinem filii tui converte, quem divinissimus Gabriel archangelus de beata Maria virgine nuntiavit nasciturum salvatorem mundi. | |
| 3490a | Munera supplices domine ... intercessione confisi. |
| Munera supplices, domine, tuis altaribus adhibemus, quantum de nostro merito formidantes, tantum beati Petri et Pauli, pro quorum sollemnibus offeruntur, intercessione confisi. | |
| 3490b | Munera supplices domine ... gloriemur salvandi. |
| Munera supplices, domine, tuis altaribus adhibemus, ut, quantum de nostro merito sumus formidantes, tantum beatorum Petri et Pauli, pro quorum sollemnitatibus offeruntur, intercessione gloriemur salvandi. | |
| 3491 | Munera tibi domine ... sanctificare dignare. |
| Munera, tibi, domine, dicanda, meritis beatae illius virginis tuae placatus intende et eius salutari deprecatione nosmetipsos sanctificare dignare. | |
| 3492 | Munera tibi domine ... delevisti peccata. |
| Munera, tibi, domine, dicanda, sanctifica et his animas famulorum et sacerdotum tuorum illorum ab omni labe condicionis humanae absolve, quibus totius mundi delevisti peccata. | |
| 3493 | Munera tibi domine ... labe purifica. |
| Munera, tibi, domine, dicata, sanctifica et, intercedente beato Francisco, ab omni nos culparum labe purifica. | |
| 3494 | Munera tibi domine ... ad medelam. |
| Munera, tibi, domine, dicata, sanctifica, ut meritis beati dominici confessoris tui nobis proficiant ad medelam. | |
| 3495 | Munera tibi domine ... confidimus profutura. |
| Munera tibi, domine, laetantes offerimus, quae beatorum apostolorum Petri et Pauli nataliciis nobis intercessionibus confidimus profutura. | |
| 3496a | Munera tibi domine ... miserante reddantur. |
| Munera tibi, domine, nostrae devotionis offerimus, quae et pro tuorum tibi beata sint honore iustorum et nobis salutaria, te miserante, reddantur. | |
| 3496b | Munera domine nostrae ... supplicatione reddantur. |
| Munera, domine, nostrae devotionis offerimus, ut tibi grata et nobis salutaria beatae Elisabeth pia supplicatione reddantur. | |
| 3497 | Munera tibi domine ... ubique mereamur. |
| Munera tibi, domine, nostrae devotionis offerimus, quibus, ut tuo sint grata conspectui, beatae Mariae semper virginis omniumque ordinum angelorum atque omnium sanctorum, quaesumus, intercessionibus adiuvari semper et ubique mereamur. | |
| 3498 | Munera tibi domine ... meritis gloriosis. |
| Munera tibi, domine, nostrae servitutis offerimus, in beatae Otiliae virginis sollemnitate suppliciter deprecantes, ut, qui ei gratiam sancti spiritus contulisti, eandem cordibus nostris clementer infundas eius meritis gloriosis. | |
| 3499 | Munera tibi domine ... et sanguine. |
| Munera tibi, domine, pro sanctae Felicitatis gloriosa commemoratione deferimus, quae nobis huius sollemnitatis effectum et confessione dedicavit et sanguine. | |
| 3500a | Munera tibi domine ... luce perpetui. |
| Munera tibi, domine, pro sanctorum martyrum Abdon et Sennen occisione deferimus, qui, dum finiuntur in terris, facti sunt caelesti luce perpetui. | |
| 3500b | Munera tibi domine ... sede perpetuus. |
| Munera tibi, domine, pro sancti martyris Agapiti passione deferimus, qui, dum finitur in terris, factus est caelesti sede perpetuus. |