The Digital Collection of Sources

Corpus Orationum

Moeller, Eugenius OSB – Clément, Ioannes Maria – Coppieters ‘t Wallant, Bertrandus: Corpus orationum.
Brepols, Turnhout 1993–2004. (Corpus Christianorum Series Latina 160 A–M)

1	A cunctis iniquitatibus ... pace gaudere.
	A cunctis iniquitatibus nostris exue nos, domine, et in tua fac pace gaudere.
2	A cunctis nos ... esse consortes.
	A cunctis nos, quaesumus, domine, reatibus et periculis propitiatus absolve, quos tanti mysterii tribuis esse consortes.
3	A cunctis nos ... tranquillitate consolida.
	A cunctis nos, quaesumus, benignissime deus, perturbationibus et iniquitatibus libera mentesque nostras in tuae caritatis et pacis tranquillitate consolida.
4	A cunctis nos ... serviat libertate.
	A cunctis nos, quaesumus, domine, mentis et corporis defende periculis et, intercedente gloriosa virgine dei genitrice Maria cum beatis apostolis Petro et Paulo et omnibus sanctis, salutem nobis tribue benignus et pacem, ut, destructis adversitatibus et erroribus universis, ecclesia tua secura tibi serviat libertate.
5a	A domo tua ... malignitas tempestatum.
	A domo tua, quaesumus, domine, spiritales nequitiae repellantur et aerearum discedat malignitas tempestatum.
5b	A plebe tua ... malignitas potestatum.
	A plebe tua, quaesumus, domine, spiritales nequitiae repellantur et aerearum discedat malignitas potestatum.
6	A te deus ... requiem praestet.
	A te, deus piissime, benedicantur ieiunantium vota sacrificiorumque libamina; acceptentur quoque orationes fidelium ac suspiria contritorum, ut votiva abstinendi devotio et cunctos in commune fideles sanctificet et defunctis omnibus requiem praestet.
7	Ab occultis nostris ... mente sumamus.
	Ab occultis nostris munda nos, domine, et ab alienis pravitatibus benignus absolve, ut tua sancta pura mente sumamus.
8	Ab occultis nostris ... virtute defendant.
	Ab occultis nostris tua nos, domine, sancta purificent et ab externis erroribus perpetua virtute defendant.
9	Ab omni errore ... suavitatis infundant.
	Ab omni errore nos, domine, quaesumus, expient sacramenta, quae sumpsimus, et dulcedinem mentibus nostris tuae suavitatis infundant.
10	Ab omni nos ... transferat creaturam.
	Ab omni nos, domine, quaesumus, vetustate purgatos, sacramenti tui veneranda perceptio in novam transferat creaturam.
11a	Ab omni reatu ... pravitatis incursu.
	Ab omni reatu nos, domine, sancta, quae tractamus, absolvant et eadem muniant a totius pravitatis incursu.
11b	Ab omni reatu ... adversitatibus protegamur.
	Ab omni reatu nos, domine, et eos, pro quibus tibi has offerimus hostias, intercedentibus omnibus sanctis tuis, sancta, quae tractamus, absolvant et muniant a totius pravitatis incursu, quatenus, ab omnibus vitiis potenter absoluti, a cunctis etiam adversitatibus protegamur.
12	Ab omnibus me ... servire merear.
	Ab omnibus me, quaeso, domine, per haec sancta, quae mihi immerito contulisti, peccatis absolve, ut, tua misericordia protegente, libera tibi mente servire merear.
13	Ab omnibus nos ... tuere praesidiis.
	Ab omnibus nos defende, quaesumus, domine, semper adversis et continuis tuere praesidiis.
14a	Ab omnibus nos ... nituntur expugna.
	Ab omnibus nos, quaesumus, domine, peccatis propitiatus absolve et eos, qui nos impugnare nituntur, expugna.
14b	Ab omnibus nos ... mentibus serviamus.
	Ab omnibus nos, quaesumus, domine, peccatis propitiatus absolve, ut, percepta venia peccatorum, liberis tibi mentibus serviamus.
15	Abscinde quaesumus omnipotens ... nostra praecordia.
	Abscinde, quaesumus, omnipotens deus, cordium nostrorum praeputia, ut, quod in tua carne secundum legis veteris ritum, manufacta circumcisione, agi certis condicionibus permisisti, id nostrae saluti competenter impendens, ab omni superstitione voluptatum absterge nostra praecordia.
16	Absolve domine animam ... resuscitatus respiret.
	Absolve, domine, animam famuli tui illius ab omni vinculo delictorum, ut in resurrectionis gloria, inter sanctos tuos resuscitatus, respiret.
17	Absolve domine quaesumus ... amare iustitiam.
	Absolve, domine, quaesumus, iniquitates nostras et, ut tua dona mereamur accipere, fac nos amare iustitiam.
18	Absolve domine quaesumus ... redemptionis perficiatur.
	Absolve, domine, quaesumus, tuorum delicta populorum et, quod mortalitatis contrahit fragilitate, purifica, ut, cuncta pericula mentis et corporis, te propellente, declinans, tua solatione subsistat, tua gratia promissae redemptionis perficiatur.
19	Absolve domine quaesumus ... meremur averte.
	Absolve, domine, quaesumus, nostrorum vincula peccatorum et, quidquid pro eis meremur, averte.
20	Absolve quaesumus domine ... benignitate liberemur.
	Absolve, quaesumus, domine, tuorum delicta populorum et a peccatorum nostrorum nexibus, quae pro nostra fragilitate contraximus, tua benignitate liberemur.
21	Absterge quaesumus domine ... visitatione clarescat.
	Absterge, quaesumus, domine, Christiani populi caliginem tui luminis illustratione et praesta, ut, beati Gabrielis archangeli tui salutatione et omnium angelorum tuorum protectione munitus, in tua semper visitatione clarescat.
22	Accedentes ad te ... retentent unitatem.
	Accedentes ad te, domine, exigui famuli sacerdotes, quos ex officio debitum cunctos cogit commendare fideles, non incurramus merita ullomodo propria sed, te praestante, crimina mereamur evadere patrata. Exaudi, quaesumus, precem ecclesiae tuae, quam tuis nutibus in honorem martyris tui Pelagii delibat, ac singulorum occurre precantibus, qui hunc martyrem tuum, vitiis repugnantem, dignum tuis fecisti esse conspectibus. Deferat nostram coram te, quaesumus, obsequelam, qui tibi placuit pro passione. Succurrat miseris prece, eruat prostratos assidue, qui te infideli confessus est coram principe. Quis nostrum sane ad te facile oculos audebit erigere, quos tabes conscientiae premit, lapsus inclinat, foeda indecenter consuetudo curvat, lenta quoque animi remissio erigere non sinit sed, quod peius est, illicita impudenter agere propellit? Adclines ergo inde rogamus, ut in omnibus in commune adsit patronus, qualiter te propitium dissidentes pacem et pacifici indefessam caritatis retentent unitatem.
23	Accepta domine maiestati ... semper exhibuit.
	Accepta, domine, maiestati tuae fidelis populi reddatur oblatio obtentu beatae Mariae Magdalenae, quae se tibi hostiam vivam, sanctam et beneplacentem semper exhibuit.
23	Accepta esca spiritalis ... liberemur insidiis.
	Accepta esca spiritalis doni et participatione sacramenti tui, te deum salvatorem nostrum suppliciter exoramus, ut intercessione beati sacerdotis et martyris tui Blasii ab omnibus diabolicis liberemur insidiis.
24	Accepta domine quaesumus ... fieri particeps.
	Accepta, domine, quaesumus, sacrificium plebis tuae, quam Iesu Christi filii tui domini nostri iubeas esse consortem, qui humanitatis nostrae dignatus est fieri particeps.
26	Accepta in conspectu ... suorum propitiatio.
	Accepta in conspectu tuo sit, domine, muneris praesentis oblatio et beatae Honorinae virginis et martyris tuae commendatione sit populo supplicanti apud te peccatorum suorum propitiatio.
27	Accepta sint quaesumus ... mereamur aeternis.
	Accepta sint, quaesumus, omnipotens deus, in conspectu maiestatis tuae nostrae oblationis munera, quae in venerationem sancti Raphaelis angeli tibi deferimus, cuius suffragio bonis participari mereamur aeternis.
28a	Accepta sit in ... quorum sollemnitate defertur.
	Accepta sit in conspectu tuo, domine, nostra devotio, ut eorum nobis fiat supplicatione salutaris, pro quorum sollemnitate defertur.
28b	Accepta sit in ... cuius sollemnitate defertur.
	Accepta sit in conspectu tuo, domine, nostra devotio, ut eius nobis fiat supplicatione salutaris, pro cuius sollemnitate defertur.
28c	Accepta tibi sit ... sollemnitate defertur.
	Accepta tibi sit in conspectu tuo, domine, nostrae devotionis oblatio et eorum nobis fiat supplicatione salutaris, pro quorum sollemnitate defertur.
28d	Accepta sit in ... maiestati defertur.
	Accepta sit in conspectu tuo, domine, quaesumus, nostrae humilitatis oblatio et sancti martyris tui atque pontificis Bonifatii fiat supplicatione salutaris, pro cuius sollemnitate tuae maiestati defertur.
29	Accepta tibi sint ... coram te.
	Accepta tibi sint, domine, munera haec, sanguis et hostia, quae tibi offero in honorem nominis tui pro me indigno peccatore, quia non sum dignus assistere ante sanctum altare tuum, quia peccavi coram te et coram sanctis angelis tuis, sed tribue mihi facere voluntatem tuam omnibus diebus vitae meae, domine deus noster, ut tibi est placitum coram te.
30	Accepta tibi sint ... continua merita.
	Accepta tibi sint, domine, nostrae oblationis libamina, quae tibi commendent sancti Cuthberti confessoris atque pontificis continua merita.
31	Accepta tibi sint ... promissa perducant.
	Accepta tibi sint, domine, quaesumus, nostri dona ieiunii, quae et, expiando, nos tua gratia dignos efficiant et ad sempiterna promissa perducant.
32	Accepta tibi sint ... exstitit pretiosa.
	Accepta tibi sint, quaesumus, domine, munera, quae in die sollemnitatis beati martyris tui Iuliani deferimus, ut ea maiestati tuae sint placita, sicut illius effusio sanguinis apud te exstitit pretiosa.
33	Accepta tibi sit ... venire festivitatem.
	Accepta tibi sit, domine, nostrae devotionis oblatio et ad apostolicam puriores nos faciat venire festivitatem.
34	Accepta tibi sit ... et muniat.
	Accepta tibi sit, domine, nostrae devotionis oblatio et beatorum apostolorum illorum, quorum natalicia praevenimus, intercessio nos salvet semper et muniat.
35	Accepta tibi sit ... consolationis obtineat.
	Accepta tibi sit, domine, nostrae devotionis oblatio, quae et ieiunium nostrum, te operante, sanctificet et indulgentiam nobis tuae consolationis obtineat.
36	Accepta tibi sit ... defertur exsistat.
	Accepta tibi sit, domine, nostrae servitutis oblatio et salutaris nobis beati Laurentii precibus, pro cuius commemoratione defertur, exsistat.
37	Accepta tibi sit ... malis eripiat.
	Accepta tibi sit, domine, nostrae servitutis oblatio, quae nos et a reatibus nostris absolvat et ab imminentibus malis eripiat.
38	Accepta tibi sit ... faciat munitos.
	Accepta tibi sit, domine, oblatio nostri sacrificii et oratio prophetae Eliae nos apud te faciat munitos.
39	Accepta tibi sit ... placatus accipias.
	Accepta tibi sit, domine, quaesumus, haec oblatio plebis tuae, quam tibi offerimus hodie ob incarnationem simul et passionem redemptoris nostri Iesu Christi, te supplices deprecantes, ut placatus accipias.
40a	Accepta tibi sit domine quaesumus hodiernae festivitatis oblatio ut tua gratia largiente per ... nostra substantia.
	Accepta tibi sit, domine, quaesumus, hodiernae festivitatis oblatio, ut, tua gratia largiente, per haec sacrosancta commercia in illius inveniamur forma, in quo tecum est nostra substantia.
40b	Accepta tibi sit domine quaesumus hodiernae festivitatis oblatio ut tua gratia largiente haec ... nostra substantia.
	Accepta tibi sit, domine, quaesumus, hodiernae festivitatis oblatio, ut, tua gratia largiente haec sacrosancta commercia, in illa inveniamur forma, in qua tecum est nostra substantia.
41a	Accepta tibi sit domine ... de tribulatione cognoscit auxilium.
	Accepta tibi sit, domine, sacratae plebis oblatio pro tuorum honore sanctorum, quorum se meritis percepisse de tribulatione cognoscit auxilium.
41b	Accepta tibi sit domine ... in tribulatione cognoscit auxilium.
	Accepta tibi sit, domine, sacratae plebis oblatio pro tuorum honore sanctorum, quorum meritis se percepisse in tribulatione cognoscit auxilium.
42	Acceptabile tibi effice ... gratiae plenitudo.
	Acceptabile tibi effice, omnipotens deus, ieiunium nostrum et sanctifica hoc sacrificium, a nobis oblatum, quo et ex eo sumentibus peccatorum concedatur remissio et per eum cunctis in commune fidelibus donetur tuae gratiae plenitudo.
43	Acceptabilis tibi sit ... poenas exstinguat.
	Acceptabilis tibi sit, rex omnium saeculorum, oblatio populi tui, qui Columbam virginem tuam, inter ignes positam, conservasti, ut, sicut illa igne amoris tui flammas poenalis superavit incendii, ita hoc sacrificium et ardentes nostrarum cupiditatum faces interimat et fidelium defunctorum, requiem praestando, poenas exstinguat.
44	Acceptare digneris terribilis ... iudicisque venturi.
	Acceptare digneris, terribilis et piissime deus, hoc sacrificium, quod tibi pro remissione peccatorum nostrorum vel pro requie defunctorum fratrum offerimus, quia vota nostra dona sunt tua nec tibi quidquam melius, nisi, quod dederis, offerimus, hoc est in primis in commemorationem, ut iustum est, dominicae institutionis offerre, in honorem et gloriam domini nostri Iesu Christi filii tui regis iudicisque venturi.
45	Acceptis fratres carissimi ... spiritum sanctiorem.
	Acceptis, fratres carissimi, spiritalibus cibis et Christi cruore gustato, petamus, ut possideat pectora, qui nostra ora dignatus est sanctificare per munera; ipse corporis nostri purget hospitium, totoque intrinsecus homine deterso, sanctificatis membris innovet spiritum sanctiorem.
46	Accepto caelestis corporis ... laudesque dicamus.
	Accepto caelestis corporis sacramento et salutis aeternae calice recreati, deo patri omnipotenti gratias agamus laudesque dicamus.
47	Accepto salutari divini ... dignatus est.
	Accepto salutari divini corporis cibo, salvatori nostro Iesu Christo gratias agamus, quod per sui corporis et sanguinis sacramentum nos a morte liberavit et tam corporis quam animae humano generi remedium donare dignatus est.
48	Acceptum habe pie ... largiaris aeternam.
	Acceptum habe, pie pater, sacrificium populi offerentis, quo et vivis gratiam et sepultis requiem largiaris aeternam.
49	Acceptum sit quaesumus ... gaudiis admisceri.
	Acceptum sit, quaesumus, omnipotens deus, in conspectu tuae pietatis nostrae oblationis munus, quod in festivitate sanctae virginis ac martyris tuae Margaritae tibi deferimus, cuius precibus et ab instantibus periculis poscimus liberari et mansuris gaudiis admisceri.
50	Acceptum tibi sit ... caelestia meditemur.
	Acceptum tibi sit, domine, quaesumus, hoc sacrificium ieiunii nostri, quod, expiando, nos caritatis dono tuae faciat sinceritatis capaces et, per eam coniunctos, ad promissa sempiterna perducat, cordibusque nostris ieiunii attenuatione intentis, per fraterna oscula puram tuae dilectionis et proximi caritatem benignus infunde, ut, a terrenis iurgiis vel laesionibus cum abstinentia quiescentes, propensius caelestia meditemur.
51	Accipe deus ecclesiae ... miseratus absolvas.
	Accipe, deus, ecclesiae tuae lamentabilem precem, quae huius instituti ieiunii hodierno die agit celebritatem; suscipe confessionem, qua miseris placatus ignoscas, et preces, quibus defunctis miseratus indulgeas, ut in hoc die humilitatis nostrae et ieiunia paenitentium accipias et sepultorum vincula miseratus absolvas.
52	Accipe deus haec ... eum ambulare.
	Accipe, deus, haec famuli tui votiva sacrificia eumque protege manu tua et, quia tu es via, veritas et vita, in veritate tua facito eum ambulare.
53	Accipe deus haec ... et custodiente.
	Accipe, deus, haec famulorum tuorum votiva sacrificia eosque ubique protege manu tua et, quia tu es via, veritas et vita, in veritate tua facito eos ambulare et a via recta nullo modo declinare. Tribue mansionem, tribue et defensionem, effectum petitionis et profectum bonae deliberationis, ut nullis scandalis saeculi impediantur nullisque adversitatibus inimicorum frangantur sed, incolumitate omni manente, perveniant ad locum, quem desiderant, angelo sancto tuo protegente et custodiente.
54	Accipe deus offerentium ... uberius exsultemus.
	Accipe, deus, offerentium munera atque vota, ut, qui tibi id, quod te singulariter placare potest, confidentia piae servitutis offerimus sacrificium, ipsius propitiatione in tuam rediisse nos gratiam uberius exsultemus.
55	Accipe deus offerentium ... consequi mansionem.
	Accipe, deus, offerentium vota et huius nostrae abstinentiae perfice inchoata, donans vivis tam substantiis quam vitiis abstinere et defunctis concedens aeternae lucis consequi mansionem.
56	Accipe deus piissime ... iubeas angelorum.
	Accipe, deus piissime, tuorum supplicum vota et nomina, quae coram tuo altario conspicis recensiri, et in aeternae vitae libro conscribe, Miserere etiam indigno mihi et omnibus, pro quibus te supplex expostulo, perpetuamque vitae requiem tribue famulis tuis illis vel animabus ceterorum fidelium defunctorum, ut, in Abrahae gremio collocati, et nunc poenas evadant inferorum et resurrectionis tempore coetibus eos sociari iubeas angelorum.
57	Accipe domine et ... remedia impetremus.
	Accipe, domine, et ieiunantium fidem et offerentium pronam devotionem, ut, qui te cum voto ieiunii imploramus, tam nobis quam defunctis fidelibus necessaria remedia impetremus.
58	Accipe domine fidelium ... gloriam transeamus.
	Accipe, domine, fidelium preces cum oblationibus hostiarum, ut per haec piae devotionis officia ad caelestem gloriam transeamus.
59	Accipe domine fidelium ... dona suffragium.
	Accipe, domine, fidelium preces cum oblationibus supplicantium, ut, paschalibus initiata mysteriis, ad aeternitatis nobis proficiant haec dona suffragium.
60	Accipe domine munera ... concede laetitiae.
	Accipe, domine, munera exsultantis ecclesiae et, cui causam tanti gaudii contulisti, perpetuae fructum concede laetitiae.
61	Accipe domine preces ... veritate percipiant.
	Accipe, domine, preces, nomini tuo dicatas, cum oblationibus supplicantium et, quod mysteriis paschalibus fideliter exsequuntur, in tuae remunerationis veritate percipiant.
62	Accipe domine quaesumus ... conferat vitam.
	Accipe, domine, quaesumus, nostrae servitutis officia, ut, suffragantibus sanctis, quod ad honorem tuae maiestatis offerimus, perpetuam nobis conferat vitam.
63	Accipe domine quaesumus ... sacramenti intellegentia.
	Accipe, domine, quaesumus, quae in sancti martyris tui Pontii commemorationem deferimus munera, et praesta, ut, sicut ipse tibi complacet martyrii palma, ita et haec oblatio fiat gratissima sacramenti intellegentia.
64	Accipe domine quaesumus ... et debetur.
	Accipe, domine, quaesumus, sacrificium singulare, quod maiestati tuae semper et redditur et debetur.
65	Accipe munera domine ... talis assumpta.
	Accipe munera, domine, quae in beatae Mariae iterata sollemnitate deferimus, quia ad tua praeconia recurrit et laudem, quod vel talis orta est vel talis assumpta.
66	Accipe munera domine ... patrocinia liberari.
	Accipe munera, domine, quae in eorum tibi sollemnitate deferimus, quorum scimus patrocinia liberari.
68	Accipe quaesumus domine ... sunt condidisti.
	Accipe, quaesumus, domine, hostias, tua nobis dignatione collatas, quoniam et, te creante, procedunt et tu causas humanae salutis et gloriae, quibus tibi gratae sunt, condidisti.
69	Accipe quaesumus domine ... provenire concede.
	Accipe, quaesumus, domine, munera dignanter oblata et, beati Laurentii suffragantibus meritis, ad nostrae salutis auxilium provenire concede.
70a	Accipe quaesumus domine ... nataliciis interesse.
	Accipe, quaesumus, domine, munera populi tui pro martyrum festivitate sanctorum et sincero nos corde fac eorum nataliciis interesse.
70b	Accipe quaesumus domine ... sacramentis interesse.
	Accipe, quaesumus, domine, munera, quae tibi offerimus pro sanctorum martyrum tuorum Crispini et Crispiniani sollemnitate, et sincero corde fac nos tuis sacramentis interesse.
71	Accipe quaesumus domine ... absolvi peccatis.
	Accipe, quaesumus, domine, munera, quae tibi pro huius loci et habitantium in eo tuitione deferimus, et concede, ut per haec et a cunctis liberari adversis et ab omnibus mereamur absolvi peccatis.
72	Accipe quaesumus domine ... effectibus celebremus.
	Accipe, quaesumus, domine, munus oblatum et dignanter operare, ut, quod mysteriis agimus, piis effectibus celebremus.
73	Accipe sacra dei ... transitum potiamur.
	Accipe, sacra dei virgo, ob honorem tui nominis supplicantis populi preces et cunctis congruum solamen attribue; per te virginum virginitas polleat, per te corruptorum interimatur lascivia, per te peccantibus venia, per te sacrificantibus ipsisque sacrificiis largiatur benedictio copiosa; quo omnes, qui exemplo virginitatis simul atque certaminis tui attollimur, deliciis, quibus ipsa frueris, post transitum potiamur.
74	Actiones nostras quaesumus ... coepta finiatur.
	Actiones nostras, quaesumus, domine, et adspirando praeveni et adiuvando prosequere, ut cuncta nostra operatio et a te semper incipiat et per te, coepta, finiatur.
75	Ad altaria domine ... et favorem.
	Ad altaria, domine, veneranda cum hostiis laudis accedimus; fac, quaesumus, ut et indulgentiam tuam nobis concilient et favorem.
76	Ad aures misericordiae ... placita postulare.
	Ad aures misericordiae tuae, domine, supplicum vota perveniant et, ut possimus impetrare, quae poscimus, fac nos semper tibi placita postulare.
77	Ad defensionem fidelium ... continuata sanctorum.
	Ad defensionem fidelium, domine, quaesumus, dexteram tuae maiestatis extende et, ut perpetua pietatis tuae protectione muniantur, intercessio pro his non desit martyrum continuata sanctorum.
78	Ad gloriam domine ... reddamur accepti.
	Ad gloriam, domine, tui nominis annua festa repetentes sacerdotalis exordii, hostiam tibi laudis offerimus, suppliciter exorantes, ut, cuius ministerii vice tibi servimus immeriti, suffragiis eius reddamur accepti.
79	Ad hostes nostros ... operibus impetremus.
	Ad hostes nostros, domine, superandos praesta, quaesumus, ut auxilium tuum ieiuniis tibi placitis et bonis operibus impetremus.
80	Ad humilitatis nostrae ... munire dignaris.
	Ad humilitatis nostrae preces, domine, placatus intende, nec nos foveas et diaboli laqueos patiaris incidere, quos tantis sanctorum martyrum praesidiis munire dignaris.
81	Ad martyrum tuorum ... veniam consequamur.
	Ad martyrum tuorum, domine, festa venientes, cum muneribus, nomini tuo dicatis, occurrimus, ut, illis reverentiam deferentes, nobis veniam consequamur.
82	Ad offerenda munera ... gratiam nuntiati.
	Ad offerenda munera, domine, laeti concurrimus, supplices implorantes, ut, venerando gloriam nuntiantis, sumamus gratiam nuntiati.
83	Ad preces nostras ... puritate conspicui.
	Ad preces nostras, domine, quaesumus, propitiatus intende, ut sacris altaribus servientes et fidei veritate fundati et mentis sint puritate conspicui.
84	Ad te corda ... esse subiectos.
	Ad te corda nostra, pater aeterne, converte, quia nullis necessariis indigebunt, quos tuo cultui praestiteris esse subiectos.
85	Ad te nos ... clementiam sentiamus.
	Ad te nos, domine, clamantes exaudi et aeris serenitatem nobis tribue supplicantibus, ut, qui pro peccatis nostris iuste affligimur, misericordia tua praeveniente, clementiam sentiamus.
86	Ad tua domine ... et posse.
	Ad tua, domine, beneficia fiducialiter impetranda quaesumus, ut exercere, quae tibi sunt placita, et velle nobis largiaris et posse.
87	Ad tumulum vigilantes ... tribuas possidendum.
	Ad tumulum vigilantes unici redemptoris, qui pro nostra redemptione sepultus et a mortuis est admirabiliter suscitatus, cuius virtutem et gloriam serenata cordis acie contemplamur, cum novelli gregis ovibus dulcissima in ara tua, domine, pascua circumdamus, universi pariter exorantes, ut huius sacrati corporis alimentum cruorisque suavissimum poculum ad praemium satietatis perpetuae nobis tribuas possidendum.
88	Ad viventis Iesu ... manibus nostris.
	Ad viventis Iesu sepulchrum voto hilari concurrentes et Christi resurgentis linteamenta contemplantes, obsecramus, benignissime pater, omnipotens deus, ut, dum tantae sollemnitatis mysteria celebramus, nihil nobis adversitatis eveniat, nihil tristitiae aut calamitatis occurrat sed cunctos fideles ob dierum paschalium festa iucunditas aeterna possideat. Eorum quoque suffragantibus meritis, qui cum unico filio tuo vivi meruerunt resurgere de sepulchris, concordia in nobis vigeat caritatis, ut hoc sacrificium laudis placabili pietate suscipiatur e manibus nostris.
89	Addit etiam istud ... legitima.
	Addit etiam istud edictum, ut, quotiescumque corpus ipsius sumeretur et sanguis, commemoratio fieret dominicae passionis; quod nos facientes, Iesu Christi filii tui domini ac dei nostri semper gloriam praedicamus. Rogamus, uti hoc sacrificium tua benedictione benedicas et sancti spiritus rore perfundas ut accipientibus universis sit eucharistia pura, vera, legitima.
90	Adesto deus noster ... reddat acceptum.
	Adesto, deus noster, famulis tuis, et oblationes nostras sanctorum tuorum placationibus propitiatus intende, ut, quod nostra fiducia non meretur, pia supplicatio reddat acceptum.
91	Adesto domine deus ... omnibus exuamur.
	Adesto, domine deus noster, ut per haec, quae fideliter sumpsimus, et purgemur a vitiis et a periculis omnibus exuamur.
92	Adesto domine deus ... fine vivamus.
	Adesto, domine deus pater omnipotens, precibus nostris, et plenitudinem nobis tribue caritatis et pacis, ut nos omnes, qui de misericordia tua confidimus, in spe semper et caritate sine fine vivamus.
93	Adesto domine ecclesiae ... pace perpetua.
	Adesto, domine, ecclesiae tuae sanctae catholicae pietate solita et pacem ei concede perpetuam sanctorumque tuorum illorum intercessione hoc sacrificium, a nobis oblatum, accepta ac nos consolida in pace perpetua.
94	Adesto domine familiae ... retributionis effectum.
	Adesto, domine, familiae tuae et, quibus venerandi sanctos tuos praestas benignus affectum, et vitae mortalis concede praesidium et sempiternae retributionis effectum.
95	Adesto domine famulis ... restaurata conserves.
	Adesto, domine, famulis tuis et opem tuam largire poscentibus, ut his, qui te auctore et gubernatore gloriantur, et creata restaures et restaurata conserves.
96	Adesto domine fidelibus ... esse participes.
	Adesto, domine, fidelibus tuis, adesto supplicibus et terrestribus non deseras adiumentis, quos caelestium rerum facis esse participes.
97	Adesto domine fidelibus ... consolationis auxilium.
	Adesto, domine, fidelibus tuis et, quibus supplicandi tribuis miseratus affectum, concede benignissime consolationis auxilium.
98	Adesto domine fidelibus tuis et ... conserva periculis.
	Adesto, domine, fidelibus tuis et, quos caelestibus instituis sacramentis, a terrenis conserva periculis.
99	Adesto domine fidelibus ... aeterna proficiant.
	Adesto, domine, fidelibus tuis et tua sancta celebrantibus auge devotionis effectum, ut et tibi semper exhibeant debitam servitutem et ad remedia iugiter aeterna proficiant.
100	Adesto domine fidelibus ... gloriosa confessio.
	Adesto, domine, fidelibus tuis nec eos ullis mentis et corporis patiaris subiacere periculis, quos beatorum apostolorum Petri et Pauli munit gloriosa confessio.
101	Adesto domine fidelium ... sine fine.
	Adesto, domine, fidelium votis propitius et abstinentium preces exaudi placatus, ut caro vel anima, ieiunio castigata, ita tuam impetrare possit misericordiam, qualiter et vivis commoda vitae et defunctis concedantur aeterna gaudia sine fine.
102a	Adesto domine invocationibus ... consequi mereantur.
	Adesto, domine, invocationibus nostris et has famulorum tuorum oblationes propitius ac benignus assume et, quia non habent fiduciam nisi in tua misericordia et sanctorum tuorum suffragiis, quaesumus, domine, ut per haec piae placationis officia plenam indulgentiam atque perpetuam misericordiam consequi mereantur.
102b	Adesto domine quaesumus ... consequi mereatur.
	Adesto, domine, quaesumus, omnipotens et misericors deus, invocationibus nostris et hanc famuli tui illius oblationem propitius ac benignus assume et, qui non habet fiduciam nisi per misericordiam tuam, per sanctorum tuorum suffragia, quaesumus, domine, et per haec piae oblationis officia plenam indulgentiam consequi mereatur.
103a	Adesto domine invocationibus ... adhaerere possimus.
	Adesto, domine, invocationibus nostris et non sit a nobis clementiae tuae longinqua misericordia; sana vulnera, remitte peccata, ut, nullis iniquitatibus a te separati, tibi semper adhaerere possimus.
103b	Adesto domine supplicationibus ... valeat adhaerere.
	Adesto, domine, supplicationibus nostris nec sit ab hoc famulo tuo clementiae tuae longinqua miseratio; sana vulnera eiusque remitte peccata, ut, nullis a te iniquitatibus separatus, tibi semper domino valeat adhaerere.
104	Adesto domine martyrum ... fidelibus suffragari.
	Adesto, domine, martyrum deprecatione sanctorum et, quos pati pro tuo nomine tribuisti, fac tuis fidelibus suffragari.
105	Adesto domine muneribus ... veneramur infantiam.
	Adesto, domine, muneribus, Innocentium festivitate sacrandis, et praesta, quaesumus, ut eorum sinceritatem possimus imitari, quorum tibi dicatam veneramur infantiam.
106	Adesto domine muneribus ... quam loquela.
	Adesto, domine, muneribus, Innocentium festivitate sacrandis, et praesta, quaesumus, ut et hii martyres tui pro nobis interveniant, quorum clara prior est confessio quam loquela.
107	Adesto domine placatus ... ad requiem.
	Adesto, domine, placatus plebium tuarum precibus et his sacrificiis, a te institutis, profluam benedictionem infunde de caelis et, qui apostolum Didymum locupletasti gratiae tuae donum, ut ab omni genere morborum te credentem populum in tuo sancto nomine redderet illaesum, huius exoratus suffragio, haec munera, altario tuo superposita, tibi efficito holocausta placabilia, ut ex his sumentibus animae et corporis proficiat ad salutem et fidelibus defunctis praestetur ad requiem.
108	Adesto domine plebi ... propitiationis impende.
	Adesto, domine, plebi tuae et, in tua misericordia confidenti, opem tuae propitiationis impende.
109	Adesto domine populis ... protectore confidunt.
	Adesto, domine, populis, qui sacra donaria contigerunt, ut nullis periculis affligantur, qui te protectore confidunt.
110	Adesto domine populis ... repperiant sempiternam.
	Adesto, domine, populis tuis, in tua protectione fidentibus, et, tuae se dexterae suppliciter inclinantes, perpetua defensione conserva. Percipiant, quaesumus, domine, vitae praesentis auxilium et gratiam repperiant sempiternam.
111	Adesto domine populo ... meritis consequatur.
	Adesto, domine, populo tuo, cum sanctorum patrocinio supplicanti, ut, quod propria fiducia non praesumit, suffragantium meritis consequatur.
112	Adesto domine populo ... adversitatibus opprimatur.
	Adesto, domine, populo tuo et concede misericordiam tuam cum sanctorum tuorum patrociniis supplicanti, ut, quia tua gubernatione confidit, nullis adversitatibus opprimatur.
113a	Adesto domine populo ... fac securum.
	Adesto, domine, populo tuo et, quem sanctorum tuorum tribuis frequentationibus interesse, proiectione perpetua fac securum.
113b	Adesto domine populo ... esse securos.
	Adesto, domine, populo tuo et, quos in frequentatione beati sacerdotis et confessoris tui illius tribuis interesse, protectione perpetua semper facias esse securos.
114	Adesto domine populo ... perveniant sempiternam.
	Adesto, domine, populo tuo placatus et clemens, ut eorum supplicatione, qui tuae placuerunt pietati, te largiente, ad vitam perveniant sempiternam.
115	Adesto domine populo ... patrociniis adiuvetur.
	Adesto, domine, populo tuo, ut, beati Nicomedis martyris tui merita praeclara suscipiens, ad impetrandam misericordiam tuam semper eius patrociniis adiuvetur.
116	Adesto domine precibus ... prosperitate succedant.
	Adesto, domine, precibus nostris et famulorum tuorum illorum iter in pace iube dirigere; comitetur eis gratia tua; infirmitas illis non accidat propria; adversitas eis non impediat aliena; sit eis in comitatum visitatio angelica, quae eos et delictis expiet et ab adversitate conservet, quo, in omnibus tuae roborati auxilio gratiae, a te instruantur, quid agant, per te acta perficiant, desiderata impleant, ad destinata perveniant et ad propria iterantium cum prosperitate succedant.
117	Adesto domine precibus ... societate gaudeamus.
	Adesto, domine, precibus nostris, quas in honorem et commemorationem dei genitricis Mariae sanctorumque apostolorum, martyrum et confessorum ac virginum atque omnium electorum tuorum tuae maiestati humiliter deferimus, et tribue, ut, qui eorum merita venerando recolimus, in aeterna laetitia de eorum societate gaudeamus.
118	Adesto domine precibus ... absolve peccatis.
	Adesto, domine, precibus nostris, quas in sancti Galli confessoris tui commemoratione deferimus, ut, qui tibi digne meruit famulari, eius intercedentibus meritis, ab omnibus nos absolve peccatis.
119a	Adesto domine precibus ... placuerunt meritis adiuvemur.
	Adesto, domine, precibus nostris, quas in sanctorum tuorum commemoratione deferimus, ut, qui nostrae iustitiae fiduciam non habemus, eorum, qui tibi placuerunt, meritis adiuvemur.
119b	Adesto domine precibus ... placuit meritis adiuvemur.
	Adesto, domine, precibus nostris, quas in sancti confessoris et episcopi tui Donati commemoratione deferimus, ut, qui nostrae iustitiae fiduciam non habemus, eius, qui tibi placuit, meritis adiuvemur.
120	Adesto domine precibus ... confessione diversum.
	Adesto, domine, precibus nostris, ut adoptio, quam in idipsum sanctus spiritus advocavit, nihil habeat in dilectione terrenum, nihil in confessione diversum.
121	Adesto domine precibus ... intercessione sanctorum.
	Adesto, domine, precibus populi tui, adesto muneribus, ut, quae sacris sunt oblata mysteriis, tuorum tibi placeant intercessione sanctorum.
122	Adesto domine propitius ... religionis augmentum.
	Adesto, domine, propitius plebi tuae et, ut eam perpetua bonitate non deseras, piis operibus indesinenter exerce, quia omnia dona praestabis, quibus concesseris religionis augmentum.
123	Adesto domine pro ... gloriae regnum.
	Adesto, domine, pro tua pietate supplicationibus nostris et suscipe hostiam, quam tibi offerimus pro famulo tuo illo, iacente in grabatto, salutem non corporis sed animae suae petenti; praesta, omnipotens deus, indulgentiam omnium iniquitatum suarum propter immensam misericordiam tuam et per intercessionem sanctorum tuorum illorum, ut per hoc, quod sustinet flagellum, a sanctis angelis tuis susceptus, pervenire mereatur ad tuae gloriae regnum.
124	Adesto domine quaesumus ... et meritum.
	Adesto, domine, quaesumus, ecclesiae tuae votis, adesto muneribus et, quod conscientia nostra non supplet, sanctorum tuorum intercessio compenset et meritum.
125	Adesto domine quaesumus ... infestationibus tuere.
	Adesto, domine, quaesumus, famulorum tuorum hostiis, adesto muneribus, sancti Lamberti martyris tui atque pontificis precibus placatus ac meritis, et eius gaudentes sollemnitate ab hostium infestationibus tuere.
126a	Adesto domine quaesumus ... furore defende.
	Adesto, domine, quaesumus, populo tuo et, quem mysteriis caelestibus imbuisti, ab hostium furore defende.
126b	Adesto quaesumus domine ... miseratione defende.
	Adesto, quaesumus, domine, propitius populo tuo et quem mysteriis caelestibus et sacramentis imbuis, per haec munera, quae tibi offert devotus, a furore cunctorum hostium tua miseratione defende.
127	Adesto domine quaesumus ... dignanter aptandos.
	Adesto, domine, quaesumus, redemptionis effectibus, ut quos sacramentis aeternitatis instituis, iisdem protegas dignanter aptandos.
128	Adesto domine supplicationibus ... eis mansionem.
	Adesto, domine, supplicationibus nostris et animae famulorum tuorum diaconorum et omnium clericorum tuae propitiationis abundantiam et indulgentiam consequantur et lucis perpetuae tribuas eis mansionem.
129	Adesto domine supplicationibus ... perturbemur incursu.
	Adesto, domine, supplicationibus nostris et, apostolicis intercessionibus confidentes, nec minis adversantium nec ullo perturbemur incursu.
130a	Adesto domine supplicationibus ... ad requiem.
	Adesto, domine, supplicationibus nostris et famulorum tuorum oblationibus praesentiam tuae virtutis intersere. Nullius sit vacua postulatio, nullius sit irritum votum, ut, quod singuli obtulerunt ad nominis tui honorem, et cunctis viventibus proficiat ad salutem et defunctis omnibus praestetur ad requiem.
130b	Adesto domine supplicationibus ... ad salutem.
	Adesto, domine, supplicationibus nostris et his populi tui oblationibus precibusque susceptis praesentiam tuae maiestatis intersere, ut, quod singuli obtulerunt ad honorem nominis tui, cunctis proficiat ad salutem.
131	Adesto domine supplicationibus ... remuneratione ditentur.
	Adesto, domine, supplicationibus nostris et famulos tuos assidua proiectione conserva, ut, qui tibi iugiter famulantur, continua remuneratione ditentur.
132	Adesto domine supplicationibus ... continua gaudeamus.
	Adesto, domine, supplicationibus nostris et famulos tuos, quos caritatis visitamus officiis, gratiae tuae largitate locupleta, ut in eorum prosperitate continua gaudeamus.
133	Adesto domine supplicationibus ... sint habitaculum.
	Adesto, domine, supplicationibus nostris et hanc domum serenis oculis tuae pietatis illustra; descendat super habitantes in ea gratiae tuae larga benedictio, ut, his manufactis cum salubritate manentibus, ipsi tuum semper sint habitaculum.
134	Adesto domine supplicationibus ... precatur obtineat.
	Adesto, domine, supplicationibus nostris et hanc famuli tui illius oblationem benignus assume, ut, qui auxilium tuae miserationis implorat, et sanctificationis gratiam percipiat et, quae pie precatur, obtineat.
135	Adesto domine supplicationibus ... gratia compleatur.
	Adesto, domine, supplicationibus nostris et hanc oblationem famularum tuarum illarum, quam tibi offerunt pro famula tua illa, quam ad statum maturitatis et ad diem nuptiarum perducere dignatus es, placidus ac benignus assume, ut, quod tua dispositione expetitur, tua gratia compleatur.
136	Adesto domine supplicationibus nostris et hanc oblationem famuli tui ... benignus assume.
	Adesto, domine, supplicationibus nostris et hanc oblationem famuli tui illius, quam tibi offert ob diem natalis sui genuinum, quo die eum de maternis visceribus in hunc mundum nasci iussisti, placidus ac benignus assume.
137	Adesto domine supplicationibus nostris et hanc oblationem quam tibi ... benignus assume.
	Adesto, domine, supplicationibus nostris et hanc oblationem, quam tibi offerimus ob diem depositionis tertium vel septimum vel tricesimum pro anima famuli tui illius, placidus ac benignus assume.
138	Adesto domine supplicationibus ... operante firmetur.
	Adesto, domine, supplicationibus nostris et his muneribus praesentiam tuae maiestatis intersere, ut, quod nostro servitio geritur, te potius operante, firmetur.
139	Adesto domine supplicationibus ... auxiliante servetur.
	Adesto, domine, supplicationibus nostris et institutis tuis, quibus propagationem humani generis ordinasti, benignus assiste, ut, quod, te auctore, iungitur, te auxiliante, servetur.
140	Adesto domine supplicationibus ... propitiatus incursu.
	Adesto, domine, supplicationibus nostris et, intercedentibus sanctis tuis, ab hostium nos defende propitiatus incursu.
141	Adesto domine supplicationibus ... benignus impende.
	Adesto, domine, supplicationibus nostris, et intercessione sancti Laurentii martyris tui perpetuam nobis misericordiam benignus impende.
142a	Adesto domine supplicationibus ... provenire subsidium.
	Adesto, domine, supplicationibus nostris et intercessione beatorum martyrum tuorum Naboris et Felicis hostiam hanc, quam confidentes tuae maiestati offerimus, ad nostrum tribue, quaesumus, provenire subsidium.
142b	Adesto domine supplicationibus ... sperare donasti.
	Adesto, domine, supplicationibus nostris et intercessionibus beatissimorum martyrum tuorum Naboris et Felicis confidenter tribue consequi, quod sperare donasti.
143	Adesto domine supplicationibus ... patiaris deviare.
	Adesto, domine, supplicationibus nostris et iter famuli tui illius, interno discretionis moderamine dirigendo, dispone sicque ministerium eius, quod humanae utilitati prospicit, pio favore prosequere, quatenus hunc a tuis praeceptis non patiaris deviare.
144	Adesto domine supplicationibus ... invicta donorum.
	Adesto, domine, supplicationibus nostris et nihil de sua conscientia praesumentibus ineffabili miseratione succurre, ut, quod non habet fiducia meritorum, tua conferat largitas invicta donorum.
145	Adesto domine supplicationibus nostris et oblationes famulorum ... benignus assume.
	Adesto, domine, supplicationibus nostris et oblationes famulorum tuorum, quas tibi offerimus, diem octavarum suarum spiritalium celebrantes, quo die eos sacro fonte baptismatis renasci iussisti, placidus ac benignus assume.
146	Adesto domine supplicationibus ... lumen ostende.
	Adesto, domine, supplicationibus nostris et populo tuo, quem tibi ex omnibus gentibus elegisti, veritatis tuae lumen ostende.
147	Adesto domine supplicationibus ... operante salvetur.
	Adesto, domine, supplicationibus nostris et populus tuus, qui, te factore, conditus teque est reparatus auctore, te etiam iugiter operante salvetur.
148	Adesto domine supplicationibus ... exhiberi concede.
	Adesto, domine, supplicationibus nostris et praesentis vota ieiunii placita tibi devotione exhiberi concede.
149	Adesto domine supplicationibus ... benignus auxilio.
	Adesto, domine, supplicationibus nostris et sperantes in tua misericordia caelesti protege benignus auxilio.
150	Adesto domine supplicationibus ... convenire mandatis.
	Adesto, domine, supplicationibus nostris et, ut nos ab hostibus dignanter eripias, a tibi non placitis prius moribus benignus emunda, quia sine dubitatione defendes, quos tuis perspexeris convenire mandatis.
151	Adesto domine supplicationibus ... protegatur auxilio.
	Adesto, domine, supplicationibus nostris et viam famuli tui illius in salutis tuae prosperitate dispone, ut inter omnes vitae huius varietates tuo semper protegatur auxilio.
152	Adesto domine supplicationibus ... habere portionem.
	Adesto, domine, supplicationibus nostris, quibus misericordiam tuam suppliciter deprecamur pro anima famuli tui illius, cuius hodie annua dies agitur, ut eam, mortalitatis nexibus absolutam, inter sanctos et electos tuos perpetuam iubeas habere portionem.
153	Adesto domine supplicationibus ... pollicitus sentiamus.
	Adesto, domine, supplicationibus nostris, ut, sicut humani generis salvatorem consedere tecum in tua maiestate confidimus, ita usque ad consummationem saeculi manere nobiscum, quemadmodum est pollicitus, sentiamus.
154	Adesto domine supplicibus ... perficiantur heredes.
	Adesto, domine, supplicibus tuis et spem suam in tua misericordia collocantes tuere propitius, ut, a peccatorum labe mundati, in sancta conversatione permaneant et, consequentes sufficientiam temporalem, promissionis tuae perficiantur heredes.
155	Adesto domine supplicibus ... servitio celebremus.
	Adesto, domine, supplicibus tuis, ut hoc sollemne ieiunium, quod animis corporibusque curandis salubriter institutum est, devoto servitio celebremus.
156a	Adesto familiae tuae ... protegente mereri.
	Adesto familiae tuae, clementissime deus, ut in adversis et prosperis preces eius exaudias et nefarias adversariorum insidias per vexillum sanctae crucis digneris conterere, ut perennis gaudii salutem possit, te protegente, mereri.
156b	Adesto familiae tuae ... valeant apprehendere.
	Adesto familiae tuae, quaesumus, clemens et misericors deus; in adversis et prosperis preces exaudias et nefas adversariorum per auxilium sanctae crucis digneris conterere, ut portum salutis tuae valeant apprehendere. ( recension gélasienne ) Adesto familiae tuae, clemens et misericors deus, et in adversis et prosperis preces eius exaudi, ut nefas adversariorum per auxilium sanctae crucis digneris conterere, quatenus portum salutis tuae valeat apprehendere. ( recension de Mateus )
157	Adesto misericors deus ... benedictione firmetur.
	Adesto, misericors deus, ut, quod actum est nostrae servitutis officio, tua benedictione firmetur.
158	Adesto nobis domine ... defende subsidiis.
	Adesto nobis, domine deus noster, et, quos sanctae crucis laetari facis honore, eius quoque perpetuis defende subsidiis.
159	Adesto nobis domine ... defende praesidiis.
	Adesto nobis, domine deus noster, et, quos tuis mysteriis recreasti, perpetuis defende praesidiis.
160	Adesto nobis misericors ... dona custodi.
	Adesto nobis, misericors deus, et tua circa nos propitiatus dona custodi.
161	Adesto nobis misericors ... dona concede.
	Adesto nobis, misericors deus, et tuae pietatis in nobis propitius dona concede.
162	Adesto nobis omnipotens ... munere sublevasti.
	Adesto nobis, omnipotens deus, beatae Agnes festa repetentibus, quam, hodiernae festivitatis prolatam exortu, ineffabili munere sublevasti.
163	Adesto nobis omnipotens ... mutare propositum.
	Adesto nobis, omnipotens deus, sanctorum tuorum Fructuosi, Agurii et Eulogii triumphalem celebrantibus diem, et laetitiam spiritalium tribue gaudiorum, concedens eorum intercessione sepultis requiem offerentiumque animabus et corporibus sospitatem, quorum sic fides, membris igne decidentibus, arsit, ut sentirent corruptibilis naturae defectum et nescirent caelestis animi mutare propositum.
164	Adesto nobis omnipotens ... violari peccatis.
	Adesto nobis, omnipotens et misericors deus, et per sacramenta, quae sumpsimus, nec nostris excessibus nec alienis nos permittas violari peccatis.
165	Adesto nobis quaesumus ... fraude protegere.
	Adesto nobis, quaesumus, domine deus noster, ut, quos per lignum sanctae crucis pio cruore filii tui dignatus es redimere, ab omni insidiatoris digneris fraude protegere.
166	Adesto nobis quaesumus ... obtineat hostiarum.
	Adesto, nobis, quaesumus, domine, et preces nostras benignus exaudi, ut, quod fiducia non habet meritorum, placatio obtineat hostiarum.
167	Adesto omnipotens et ... consequi mereatur.
	Adesto, omnipotens et misericors deus, invocationibus nostris et hanc famuli tui illius oblationem propitiatus ac benignus assume, ut, qui non habet fiduciam nisi in misericordia tua et sanctorum tuorum suffragio, quaesumus, domine, per haec piae oblationis officia plenam indulgentiam atque perpetuam misericordiam consequi mereatur.
168	Adesto plebi tuae ... deprecationibus sublevari.
	Adesto plebi tuae, misericors deus, et, ut gratiae tuae beneficia potiora percipiat, beati Michaelis archangeli fac supplicem deprecationibus sublevari.
169	Adesto quaesumus domine ... perpetuam mereantur.
	Adesto, quaesumus, domine Iesu Christe, medius inter servulos huius cenae convivii editor, et illa ineffabili pietate, qua olim passionis tuae tempore cenam cum discipulis convivatus, panem benedicens ac frangens, corporis tui sacramenta in memoriam tuis per saecula faciendum discipulis dedisti mandandum, hos super sacratissimam mensam propositionum panes eadem, qua tunc, benedictione perlustra atque hunc vini hauriendum salutaris calicem, velut illum, in tempore a discipulis haustum, novi testamenti tuum sanctificatione efficito sanguinem fiatque libantibus mentium indefessa custodia, per quam digni stabilitatem, indigni veniam gratiamque perpetuam mereantur.
170	Adesto quaesumus domine ... sperare donasti.
	Adesto, quaesumus, domine, plebi tuae et intercessione beati sacerdotis et confessoris tui Martini confidenter tribue consequi, quod sperare donasti.
171a	Adesto quaesumus domine ... protegente custodiant.
	Adesto, quaesumus, domine, plebi tuae, ut, quae sumpsere fideliter, et mente sibi et corpore, te protegente, custodiant.
171b	Adesto nobis domine ... intercessione custodiamus.
	Adesto nobis, domine deus noster, ut, quae fideliter sumpsimus, et mente simul et corpore beatae Mariae intercessione custodiamus.
171c	Adesto domine populo ... profutura conservet.
	Adesto, domine, populo tuo, ut, quae sumpsit fideliter, intercessione beatorum consessorum tuorum illorum et mente et corpore sibi profutura conservet.
171d	Adesto quaesumus domine ... intercessione custodiant.
	Adesto, quaesumus, domine, fidelibus tuis, ut, quae sumpserunt fideliter, et mente sibi et corpore beatae Mariae intercessione custodiant.
171e	Adesto quaesumus domine ... intercessione custodiat.
	Adesto, quaesumus, domine, fideli populo tuo, ut, quae sumpsit fideliter, et mente sibi et corpore beatae Mariae intercessione custodiat.
171f	Adesto nobis omnipotens ... intercessione custodiamus.
	Adesto nobis, omnipotens deus, ut, quae fideliter sumpsimus, mente et corpore beatae Mariae piae matris et perpetuae virginis intercessione custodiamus.
171g	Adesto domine populo ... intercessione custodiat.
	Adesto, domine, populo tuo, ut, quae sumpsit fideliter, et mente sibi et corpore beatae Mariae semper virginis intercessione custodiat.
172a	Adesto quaesumus domine ... et extergeas.
	Adesto, quaesumus, domine, pro anima famuli tui illius, cuius in depositione sua officium commemorationis impendimus, ut, si qua eum saecularis macula invasit aut vitium mundiale infecit, dono tuae pietatis indulgeas et extergeas.
172b	Adesto domine quaesumus ... et abstergeas.
	Adesto, domine, quaesumus, animabus famulorum famularumque tuarum, quibus in depositionis suae die officium commemorationis impendimus, ut si qua eis saecularis macula inhaesit aut vitium mundiale infecit, dono tuae pietatis indulgeas et abstergeas.
172c	Oramus te domine ... et extergeas.
	Oramus te, domine, pro famulo tuo illo, cui in depositione sua officium commemorationis agimus, ut, si qua eum saecularis macula invasit aut vitium mundiale infecit, dono tuae pietatis indulgeas et extergeas.
173	Adesto quaesumus domine ... venia deleantur.
	Adesto, quaesumus, domine, pro animabus famulorum famularumque tuarum et omnium hic quiescentium, ut, si quae carnales maculae in eis de terrenis contagiis inhaeserunt, miserationis tuae venia deleantur.
174	Adesto quaesumus domine ... adversitate custodi.
	Adesto, quaesumus, domine, supplicationibus nostris et, in tua misericordia confidentes, ab omni nos adversitate custodi.
175	Adesto quaesumus domine ... adversa securi.
	Adesto, quaesumus, domine, supplicationibus nostris, ut esse, te largiente, mereamur et inter prospera humiles et inter adversa securi.
176	Adesto quaesumus domine ... intercessione liberemur.
	Adesto, quaesumus, domine, supplicationibus nostris, ut, qui ex iniquitate nostra reos nos esse cognoscimus, beati Vincentii martyris tui intercessione liberemur.
177	Adesto quaesumus domine ... clementer perducas.
	Adesto, quaesumus, domine, supplicationibus nostris, ut, qui sacramento carnis et sanguinis unigeniti tui nos satias, meritis beatae Mariae Magdalenae, cuius sollemnitatem recolimus, et ab adversitatibus cunctis eripias et ad sempiterna gaudia nos clementer perducas.
178a	Adesto quaesumus domine tuae ... coronam largiaris aeternam.
	Adesto, quaesumus, domine, tuae adesto familiae et dignanter impende, ut, quibus fidei gratiam contulisti, et coronam largiaris aeternam.
178b	Adesto quaesumus domine familiae ... coronam largiaris aeternam.
	Adesto, quaesumus, domine, familiae tuae et dignanter impende, ut, quibus fidei gratiam contulisti, et coronam largiaris aeternam.
179	Adesto quaesumus omnipotens ... adiuvando custodi.
	Adesto, quaesumus, omnipotens deus, atque in cunctis actionibus nostris et aspirando nos praeveni et adiuvando custodi.
180	Adesto quaesumus omnipotens ... refice mandatorum.
	Adesto, quaesumus, omnipotens deus, ac ieiunio corporali mentem nostram operibus tuorum refice mandatorum.
181a	Adesto domine supplicationibus ... feliciter proficiat.
	Adesto, domine, supplicationibus nostris et famulae tuae illi munus concede, ut, veniente tempore pariendi, gratiae tuae praesidium suscipiat et, cum prolem humanam ediderit, percepto lavacro salutari, gratiosis incrementis feliciter proficiat.
181b	Adesto supplicationibus nostris ... feliciter proficiat.
	Adesto supplicationibus nostris, omnipotens deus, et famulae tuae largifluae protectionis munus concede, ut, adveniente tempore parturiendi, gratiae tuae praesidium suscipiat et proles, quam ediderit, percepto lavacro salutari, gratiosis incrementis feliciter proficiat.
181c	Adesto supplicationibus nostris ... proficiat incrementis.
	Adesto supplicationibus nostris, omnipotens deus, et famulam tuam illam in partu ab omni infortunio clementer praeserva, ut proles eius, in hanc lucem edita, percepto lavacro salutari, et generosae mentis virtutibus et corporis feliciter proficiat incrementis.
182	Adesto supplicationibus nostris ... benignus effectum.
	Adesto, supplicationibus nostris, omnipotens deus, et quibus fiduciam sperandae pietatis indulges, consuetae misericordiae tribue benignus effectum.
183	Adesto supplicationibus nostris ... impleatur effectu.
	Adesto supplicationibus nostris, omnipotens deus, et, quod humilitatis nostrae gerendum est ministerio, tuae virtutis impleatur effectu.
184	Adesto supplicationibus nostris ... reparetur officia.
	Adesto supplicationibus nostris, omnipotens et misericors deus, et hanc oblationem, pro incolumitate famuli tui illius oblatam, sanctificans, tu, qui es humanae fragilitatis singulare praesidium, auxilii tui ostende virtutem, ut, ope misericordiae tuae adiutus, ad omnia sanitatis reparetur officia.
185	Adestote dei testes ... integerrima plenitudo.
	Adestote, dei testes, regni heredes, Christi comites diabolique victores, qui, servorum condicione mutata, amicorum familiaritate suscepta, regni caelestis beatitudinem meruistis, venerantibus favete supplicibus in salutem credentium, potentiam meritorum sanctitatis ostendite. Nostrum est officiis probare, quod colimus; vestrum obtinere suffragiis, quod rogaris. Vobis proinde apud deum intercedentibus, populis donetur divina cognitio et pacis integerrima plenitudo.
186	Adestote nunc gloriosissimi ... robore custodiat.
	Adestote nunc, gloriosissimi Christi testes, anniversariis sacris rite solvendis et solitae dignationis intuitu inter mysteria vos dicanda miscete. Sedes enim vestra omne, quod sacratum est, et in omni ecclesia patrius incolatus. Peculiarem ergo a Christo domino charismatum promeriti gratiam, peculiarem nobis exhibete tutelam, ut hic, ubi fidelium effluunt lacrimae, et pro remedio murmura silenda funduntur, non diu graves incumbam gemitus, nec suspiria ter trahenda perstridant. Hic non longis precibus curas secludat anxius et languorem deponat infirmus. Hic daemones non totis viribus saeviant et, si quando maiore furore se efferunt, conflictu minore vincantur. Per vos ecclesia domini credentes omnes aut pietatis gremio ambiat aut fortitudinis robore custodiat.
187a	Adiuva domine fragilitatem ... mente perveniat.
	Adiuva, domine, fragilitatem plebis tuae, ut ad votivum magnae festivitatis effectum et, corporaliter gubernata, recurrat et per tuam gratiam devota mente perveniat.
187b	Adiuva domine fragilitatem ... devota perveniat.
	Adiuva, domine, fragilitatem plebis tuae ieiunii sacramento, ut ad optivos paschalis celebritatis effectus et, corporaliter gubernata, concurrat et per tuam gratiam devota perveniat.
188a	Adiuva nos deus ... tribue venire gaudentes.
	Adiuva nos, deus salutaris noster, et ad beneficia recolenda, quibus nos instaurare dignatus es, tribue venire gaudentes.
188b	Adiuva nos deus ... tribuas venire gaudentes.
	Adiuva nos, deus salutaris noster, et in sacrificio ieiuniorum nostras mentes purifica, ut ad beneficia recolenda, quibus nos instaurare dignatus es, tribuas venire gaudentes.
189	Adiuva nos deus ... propitiationis effectum.
	Adiuva nos, deus salutaris noster, et, quibus supplicandi tibi praestas affectum, tribue tuae propitiationis effectum.
190	Adiuva nos deus ... mentibus assequamur.
	Adiuva nos, deus salutaris noster, ut, quae, collata nobis, honorabiliter recensemus, devotis mentibus assequamur.
191	Adiuva nos domine ... luce constitue.
	Adiuva nos, domine deus noster, beati Laurentii martyris tui precibus exoratus, et animam famuli tui illius episcopi in beatitudinis sempiternae luce constitue.
192	Adiuva nos domine ... gratia coronati.
	Adiuva nos, domine, quaesumus, eorum deprecatione sanctorum, qui, filium tuum humana necdum voce profitentes, caelesti sunt pro eius nativitate gratia coronati.
193a	Adiuva nos domine tuorum ... gerimus sentiamus auxilium.
	Adiuva nos, domine, tuorum prece sanctorum, ut, quorum festa gerimus, sentiamus auxilium.
193b	Adiuva nos domine deprecatione ... gerimus sentiamus auxilium.
	Adiuva nos, domine, deprecatione sanctorum tuorum et praecipue huius beati confessoris tui illius intercessione, quaesumus, ab omni adversitate protege, cuius hodie debitum sollemnitatis diem cum laetitia spiritali veneramur, ut, quorum festa gerimus, sentiamus auxilium.
194	Adiuva quaesumus domine ... pervenire gaudentes.
	Adiuva, quaesumus, domine, plebem tuam et ad nativitatem unigeniti filii tui tribue nos pariter pervenire gaudentes.
195	Adiuvemur quaesumus domine ... globo conscendit.
	Adiuvemur, quaesumus, domine, precibus beati confessoris tui Germani, ut illuc pietatis tuae mereamur clementia subsequi, quo ipse, subvehentibus angelis, igneo saeptus globo, conscendit.
196	Adiuvent nos domine ... perfrui bonis.
	Adiuvent nos, domine, quaesumus, merita et intercessiones sanctarum virginum ac martyrum tuarum Agapae, Ciconiae et Hyrenae, ut, qui earum venerandam agimus sollemnitatem, earum suffragio mereamur ab omnibus exui malis et, te largiente, sempiternis perfrui bonis.
197	Adiuvent nos quaesumus ... intercessio veneranda.
	Adiuvent nos, quaesumus, domine, et haec mysteria sancta, quae sumpsimus, et beatae Agnes intercessio veneranda.
198	Adiuvent nos quaesumus ... erui mereamur.
	Adiuvent nos, quaesumus, domine, merita intercessionesque sanctarum virginum martyrumque tuarum et, quia earum sollemnia votivo colimus honore, earum suffragio ab omnibus malis erui mereamur.
199	Adiuvent nos quaesumus ... aeterna perducant.
	Adiuvent nos, quaesumus, domine, haec mysteria sancta, quae sumpsimus, et, intercedente beata Otilia virgine tua, a cunctis erroribus nos exuant et ad gaudia aeterna perducant.
200	Adiuvent nos quaesumus ... nos protegat.
	Adiuvent nos, quaesumus, domine, sacramenta, quae sumpsimus, et sancti Praeiecti martyris tui intercessio gloriosa nos protegat.
201	Adiuvet familiam tuam ... exstitit praedicator.
	Adiuvet familiam tuam, tibi, domine, supplicando, venerandus Andreas apostolus et pius interventor efficiatur, qui tui nominis exstitit praedicator.
202	Adiuvet nos omnipotens ... coronari martyrio.
	Adiuvet nos, omnipotens et misericors deus, per haec sancta, quae sumpsimus, beati Thomae martyris tui atque pontificis intercessio veneranda, qui pro tui nominis honore glorioso meruit coronari martyrio.
203	Adiuvet nos quaesumus ... pace gaudere.
	Adiuvet nos, quaesumus, domine, beatae Mariae semper virginis intercessio veneranda et, a cunctis periculis absolutos, in tua facias pace gaudere.
204	Adiuvet nos quaesumus ... adiutorio pervenire.
	Adiuvet nos, quaesumus, domine, clementia tua et famulus tuus, per te paterna munera consecutus, ad salutem gratiae tuae aeternae possit cum tuo adiutorio pervenire.
205	Adiuvet nos quaesumus ... nativitas meminimus.
	Adiuvet nos, quaesumus, domine, sanctae Mariae gloriosa intercessio, cuius etiam diem, quo felix eius est inchoata nativitas, meminimus.
206	Adiuvet nos quaesumus ... exsequamur obtineat.
	Adiuvet nos, quaesumus, domine, sanctum istud paschale mysterium et, ut devotis hoc mentibus exsequamur, obtineat.
207	Adsint nobis domine ... commendet oratio.
	Adsint nobis, domine, patrocinia tibi grata sanctorum et, quae pro illorum sollemnitate deferimus, eorum commendet oratio.
208	Adsint nobis domine ... ad salutem.
	Adsint nobis, domine, quaesumus, haec munera, quae in honorem beati Georgii martyris tui sumpsimus; praesta, quaesumus, ut nobis et cunctis proficiant ad salutem.
209	Adsit domine clementia ... concedente substantiam.
	Adsit, domine, clementia tua muneribus suppliciter immolandis, quia divinae laudis et gloriae est, quod, arcanis deditam semper officiis, angelicam veneramur, te concedente, substantiam.
210	Adsit domine fidelibus ... muneribus impleantur.
	Adsit, domine, fidelibus tuis sacrae benedictionis effectus, qui mentes omnium spiritali vegetatione disponat, ut per opera pietatis tuae muneribus impleantur.
211	Adsit domine misericordia ... beat adiumentis et ad sanctorum gaudia
	Adsit, domine, misericordia tua populo, sanctorum deprecatione placatus, quae eum semper et purget a crimine et ab hoste defendat, temporalibus pro<hi>beat adiumentis et ad sanctorum gaudia sempiterna perducat.
212	Adsit domine quaesumus ... quam preceris.
	Adsit, domine, quaesumus, gratia tua populo supplicanti, qui ad munerandum cito largiris et ad liberandum celeriter ades, qui per paenitentiam contemnis delicta, non usuraria largitate compensas pro meritis sed uberiora restituis, quam preceris.
213	Adsit domine quaesumus ... largitate percipiat.
	Adsit, domine, quaesumus, propitiatio tua populo supplicanti, ut, quod, te inspirante, fideliter expetit, tua celeri largitate percipiat.
214	Adsit ecclesiae tuae ... placabilem reddat.
	Adsit ecclesiae tuae, deus, praeclara beati Zenonis intercessio, quae et munera nostra oculis tuae maiestatis acceptabilia faciat et te nobis placabilem reddat.
215	Adsit ecclesiae tuae ... desinat suffragator.
	Adsit ecclesiae tuae, domine, quaesumus, beatus evangelista Ioannes, ut, cuius perpetuus doctor exsistit, semper esse non desinat suffragator.
216	Adsit ecclesiae tuae ... celebritate devotam.
	Adsit ecclesiae tuae, quaesumus, domine, sanctorum martyrum desiderata iucunditas eamque maiestati tuae et pia semper intercessione conciliet et sua faciat celebritate devotam.
217	Adsit nobis domine ... desiderare perficiat.
	Adsit nobis, domine, quaesumus, sancta precatio beati pontificis et martyris tui Fabiani, quae nos et a terrenis affectibus incessanter expediat et caelestia desiderare perficiat.
218	Adsit nobis domine ... tueatur adversis.
	Adsit nobis, domine, quaesumus, virtus spiritus sancti, quae et corda nostra clementer expurget et ab omnibus tueatur adversis.
219	Adsit nobis domine ... virtute confessio.
	Adsit nobis, domine, sancti Laurentii martyris in tua glorificatione benedictio, cuius nobis est hodie facta suffragium in tua virtute confessio.
220	Adsit nobis omnipotens ... summa consistit.
	Adsit nobis, omnipotens deus, beatissimi pontificis tui Dunstani iugis oratio, quae nos illius mysterii participatione dignos efficiat, in quo totius humanae salutis summa consistit.
221	Adsit nobis quaesumus ... radio illustret.
	Adsit nobis, quaesumus, domine, sancti tui spiritus gratia, quae, efficacissimam suae pietatis consolationem nostrae adhibens fragilitati, mentis nostrae tenebras sui splendoris radio illustret.
222	Adsit oratio sanctorum ... plenitudinem gaudiorum.
	Adsit oratio sanctorum, qui per universum mundum passi sunt propter nomen tuum, domine, et sanctorum apostolorum, martyrum ac virginum et sanctorum comitum eorum, quaesumus, domine, et nos protege et viam nostram in salutis tuae prosperitate dispone, ut inter omnes vitae huius varietates tuo semper protegamur auxilio, et famulis ac famulabus tuis, qui nobis fecerunt eleemosynam et in orationibus nostris se commendaverunt vel qui mihi confessi fuerunt, quorum nomina ante sacrum altare tuum scripta adesse videntur, porrige eis dexteram caelestis auxilii, ut et te toto corde perquirant et, quae digne postulant, assequantur, et animabus omnium fidelium catholicorum orthodoxorum, quibus donasti baptismi sacramentum, in regione sanctorum iubeas dari eis consortium et plenitudinem gaudiorum.
223	Adsit petimus clementissime ... esse concede.
	Adsit, petimus, clementissime deus, huic familiae tuae miserationis propitiatio et beati confessoris tui atque abbatis Mauri intercessione haec sancta, quae indigni sumpsimus, ad salutem esse concede.
224	Adsit plebi tuae ... protegatur auxilio.
	Adsit plebi tuae, omnipotens deus, beatae martyris tuae illius supplicatio, ut, cuius gaudet honore, protegatur auxilio.
225	Adspira domine offerentium ... concede benignus.
	Adspira, domine, offerentium votis propitius et requiem defunctis concede benignus.
226	Adsunt domine deus ... potiri loquela.
	Adsunt, domine deus, dies illi, quos colendos nobis documento tui exempli sub quadragenaria ieiunii decursione signasti; proinde tuam pietatem poscimus et rogamus, ut, hodiernae sollemnitatis sacrificio delibutus, largiaris supplicantibus famulis spiritalis alimoniae cibum et tuae sermocinationis edulium, quo, ad instar prophetae tui Eliae huius sacrificii libatione muniti, ita a crastino laboriosa divinae institutionis salubriter expediamus ieiunia, ut sermocinationis tuae mereamur potiri loquela.
227	Adveniat quaesumus domine ... postulata percipiant.
	Adveniat, quaesumus, domine, misericordia sperata supplicibus et eisdem caelestis munificentia tribuatur, qua et recte poscenda cognoscant et postulata percipiant.
228	Aeternae pignus vitae ... perceptione sumamus.
	Aeternae pignus vitae capientes, humiliter imploramus, ut, apostolicis fulti patrociniis, quod in imagine gerimus sacramenti, manifesta perceptione sumamus.
229	Aeterne et inaestimabilis ... gloriae plenitudo.
	Aeterne et inaestimabilis deus summe, in quo beatissima famula tua Natalia vehementi gaudio exsultavit, cum sibi coniunctum beatissimum Adrianum, ad te conversum, tota fidei devotione cognovit, tu nos, in te credentes ac de te sperantes, utrorumque precibus salva, utrorumque etiam et suffragatione iustifica. Ille nos exemplo suo fortiores efficiat, haec et curandos regat et curatos tibi exhibeat; per illum torpens ad virtutes animus excitetur, per hanc vulnerum abdita medeantur; suscitandos ille suscipiat, quos visitandos ista custodiat; ille curatis gloriam, haec curandis adhibeat medicinam; colligat ille, quos ista non reprobet, curetque ista, quos ille glorificet, quo per utrosque sic curandis adhibeatur salvatio, ut curatis donetur aeternae gloriae plenitudo.
230	Aeterne dei filius ... fidelium mereamur.
	Aeterne dei filius, cuius incarnationis mysterium et peccatoribus ad veniam et sanctis profuit ad coronam, tu, offerentium solita pietate suscipe vota, quo cum illis mereamur in futura regione partem habere, qui, te, pro nostra olim venisse credendo salute, martyriali sunt proprio consecrati ex sanguine, ut, qui incarnationis tuae gloria dedicamur, sanctis tuis apud te intercedentibus, pro quiete exaudiri defunctorum fidelium mereamur.
231	Aeterne dei filius ... combustio evanescat.
	Aeterne dei filius, qui, pro nobis mortem excipiens crucis, vivus tertia die resurrexisti a mortuis, placatus suscipe haec apposita tibi paschalium sacrificiorum libamina; haec tibi et offerentium devotionem et sepultorum spiritus obnoxie commendent, quo per resurrectionis tuae victoriam et in viventibus mors vitiorum intereat et in defunctis poenalis combustio evanescat.
232	Aeterne dei filius ... repausationis felicitatem.
	Aeterne dei filius, qui virgineae matris uterum sic intrasti, ne rumperes, sic aperuisti, ne signata ullo modo violares, suscipe benignus hoc sacrificium, quod tibi ob incarnationis tuae dedicamus mysterium, tribuens per hoc et vivis animae corporisque salutem et defunctis aeternae repausationis felicitatem.
233	Aeterne deus omnipotens ... reformasti tinctionem.
	Aeterne deus omnipotens, qui, ullis absque praecedentibus meritis, vocas ad te peccatores ac tuos misericorditer ditas famulos, tu nobis hunc testem tuum beatissimum Pelagium proroga patronum, qui pro te sanguine fuso incomparabile meruit pervenire ad praemium. Habeat, te concedente, fidelis curam gregis, qui supplicium non renuit subire passionis atque perfido qui veritatem non tacuit regi, nomine solum modo glorians unigeniti tui. Indefesse pro nobis intercessor accedat tibi, ut inter aerumnas saeculi careamus vitiis nullisque inhaereamus deceptionum illecebris, sicque per hunc martyrem tuum te dominum habeamus propitium, quo offerentium fructus multiplices et uberes frugum redditus efficere solita pietate digneris. Nullis igitur a te praecipitemur lapsibus, nullis evocemur scandalis, qui propriis emergere a pedoribus nequimus omnino viribus. Quapropter te rogamus esse nobis placidum, qui nos ad tuam fecisti imaginem et per baptismatis reformasti tinctionem.
234	Aeterne deus summe ... requies exoptata.
	Aeterne deus summe, adclines clementiam exoramus divinitatis tuae, ut, qui hodie inter angelorum florentissimas legiones, prophetarum fulgentissimos fasces, inter apostolorum titulos latiores, martyrum virginumque catervas dicatas gloriosam virginem assumpsisti Mariam per unigenitum tuum filiumque suum dominum nostrum ad superam et inenarrabilem caeli sedem, quo nemo hominum creditur assumptus nullusque praeter illam attolli noscitur sexus, dum non sola merito ibidem pervenire potuit, nisi quod sola virgo post parturitionem mansit, solaque caeli ac terrae dominum divinitus parturit et deum, caro factum, ineffabiliter vehit ... Te quaesumus, te rogamus, ut, sicut illam tanti incircumscripti muneris fecisti dominam, ita facias ecclesiam tuam, per universum orbem diffusam, te deo praesule, omnium contra eam venientium respuere pravitatem, nesciens in religione casum, abdicans in conversatione deliquium. Sit, quaesumus, domine, in regibus gloriosa, in clericis dedicata, in ministris sancta, in martyribus prompta, in virginibus illibata, in continentibus fecunda, in pauperibus affluens, in pupillis exuberans, in captivis et vinctis clemens, in viduis continens, in oppressis relevans, desperatis solamen impertiens, in lascivis refrenans, in luxuriosis evacuans, in obstinatis hebetans, in desperatis pia, in viventibus magistra, in fidelibus defunctis requies exoptata.
235	Aeterne omnipotens deus ... defensorem habeamus.
	Aeterne omnipotens deus, qui beatum Ambrosium, tui nominis confessorem, non solum huic ecclesiae sed omnibus per mundum diffusis ecclesiis doctorem dedisti, praesta, ut, quod ille, divino affatus spiritu, docuit, nostris iugiter stabiliatur in cordibus et, quem patronum, te donante, amplectimur, eum apud tuam misericordiam defensorem habeamus.
236	Aeterne omnipotens deus ... propacatores habeamus.
	Aeterne omnipotens deus, qui magno pietatis auxilio populo tuo sanctorum precibus prospera largiri dignaris, concede propitius beatissimorum martyrum tuorum Nazarii et Celsi gloriosae passionis victoriam celebrare laetantes et, quos, te donante, patronos defensoresque amplectimur, hos apud tuam misericordiam propacatores habeamus.
237	Aeterne omnipotens deus ... exaudire digneris.
	Aeterne omnipotens deus, qui universam in principio creaturam, verbo cooperante, ex nihilo condidisti quique angelicam substantiam splendore conspicuo potentialiter adornasti, te supplices quaesumus et oramus, ut hac sollemnitate, quam sub tui nominis invocatione in honorem archangeli Michaelis celebramus, nostras preces exaudire digneris.
238	Aeternum te dominum ... exsultatione concelebret.
	Aeternum te dominum et indeficiens bonum, adclines servi tui humiliter obsecramus, ut, qui et beatitudinem fidelibus et remissionem delinquentibus non nisi intra sanctam ecclesiam conferri posse sanxisti, des et viventibus in ea sine lapsu consistere et defunctis per eius supplicationem a debitis suppliciis liberari, ut et viventium te lingua simul et vita glorificet et defunctorum requies aeterna exsultatione concelebret.
239a	Afflictionem familiae tuae ... beneficiis gloriemur.
	Afflictionem familiae tuae, quaesumus, domine, intende placatus, ut, indulta venia peccatorum, de tuis semper beneficiis gloriemur.
239b	Afflictionem famulorum tuorum ... consolationibus glorientur.
	Afflictionem famulorum tuorum, domine, illorum propitius respice, ut, indulta venia peccatorum, de tuis semper consolationibus glorientur.
240	Agamus omnipotenti deo ... gratia perseveret.
	Agamus omnipotenti deo gratias, quia refecit nos pane caelesti et poculo spiritali, sperantes ab eius benigna clementia, ut per effusionem spiritus sancti sui, in quibus cibi caelestis virtus introivit, sinceritatis gratia perseveret.
241	Agnoscentes domine quid ... ad triumphum.
	Agnoscentes, domine, quid laudis sanctis tuis dederis quidve virtutis, illos auctores rogamus ad veniam, quos tibi familiares scimus ad gloriam; illis indulgentiam credimus ex supplicii poena, quibus te novimus ex hostibus indulsisse victoriam. Illos sequimur pro misericordia, qui te secuti sunt pro corona, ut per ipsos recipias intercessionis officium, per quos insinuas devotionis exemplum; ut non punias reos, dum repudias advocatos; ut peccatoribus parcas, dum martyribus nihil excusas; ut indulgentiam largiaris in perditis, dum amicitiam impertiris in sanctis; ut intercessio fortes habeat ad patrocinium, quos confessio fideles habuit ad triumphum.
242	Agnus dei qui ... redemisti custodi.
	Agnus dei, qui tollis peccatum mundi, respice in nos et miserere nobis, factus ipse hostia, qui sacerdos, ipse praemium, qui redemptor, a malis omnibus, quos redemisti, custodi.
243	Alimonia caelesti potuque ... veniam delictorum.
	Alimonia caelesti potuque spirituali recreati, tuam, deus pater, obsecramus pietatem, ut per eandem, quam hodierna die sanctae imaginis Christi filii tui veneramur passionem, cunctorum a te mereamur consequi veniam delictorum.
244	Altare tuum domine ... indulgentiam consolare.
	Altare tuum, domine, manus tuae consecratione sanctifica teque ipsum mentibus nostris laetitiae et gratiae spe resurrectionis ostende. Omnibus, tibi servientibus, vota, quae acceptare digneris, inspirando largire. Populum tuum placabilis respice atque ad partem gratiae salutaris admitte. Confitentibus parce, laetantibus fave ac tristes per indulgentiam consolare.
245	Altare tuum domine ... ventura praecurrimus.
	Altare tuum, domine deus, muneribus cumulamus oblatis; da, quaesumus, ut ad salutem nostram sanctorum tuorum precatione proficiant, quorum sollemnia ventura praecurrimus.
246	Altari tuo domine ... sentiamus salutem.
	Altari tuo, domine, devotionis nostrae supplices imponimus hostias, quas, in honorem almi confessoris et antistitis tui Syri devota mente celebrantes, nobis ad perpetuam proficere sentiamus salutem.
247	Altari tuo domine ... virtutis replevit.
	Altari tuo, domine, superposita munera spiritus sanctus benignus assumat, qui hodie beatae Mariae viscera splendoribus suae virtutis replevit.
248	Altaria haec domine ... dicantur obtineat.
	Altaria haec, domine, quae sacrificiis caelestibus inchoando reverenter aptamus, concede, quaesumus, ut et grata semper oculis tuae maiestatis appareant et salutaria fieri populis christianis beatus ille martyr, per quem tibi dicantur, obtineat.
249	Altaria tua domine ... cunctis contagiis.
	Altaria tua, domine, mysticis muneribus cumulamus, maiestatem tuam suppliciter deprecantes, ut, ipsius adiuvantibus meritis, carere mereamur cunctis contagiis.
250	Altaria tua domine ... animarum vegetentur.
	Altaria tua, domine, quaesumus, donis caelestibus firmentur, sanctique Iuliani pontificis meritis suffragantibus haec sancta commercia sanctificentur et divina inspiratione ditentur ac sancti spiritus innovatione ad nostram salutem animarum vegetentur.
251	Altaria tua domine ... celebramus festivitatem.
	Altaria tua, domine, veneranda cum hostiis accedentes ac, quaesumus, ut indulgentiam nobis tribuant et fidei devotionem ipsius meritis, cuius celebramus festivitatem.
252	Altaribus tuis domine ... redemptionis efficias.
	Altaribus tuis, domine, munera nostrae servitutis inferimus, quae, placatus accipiens, et acceptum tibi nostrum, quaesumus famulatum et sacramentum nostrae redemptionis efficias.
253	Altaribus tuis domine ... promerenda proficiant.
	Altaribus tuis, domine, munera pro commemoratione sancti Prisci martyris tui gratanter offerimus, precantes, ut, ipso intercedente, haec eadem nobis ad caelestia promerenda proficiant.
254	Altaribus tuis domine ... placere valeamus.
	Altaribus tuis, domine, munera terrena gratanter pro commemoratione sancti Germani confessoris tui atque pontificis offerimus, ut, ipso pro nobis intercedente, a nexibus criminum liberati, tibi placere valeamus.
255	Altaribus tuis domine ... sumamus aeterna.
	Altaribus tuis, domine, munera terrena gratanter offerimus, ut caelestia consequamur; damus temporalia, ut sumamus aeterna.
256	Amator et conservator ... perveniamus indemnes.
	Amator et conservator sanctorum, omnipotens pater, ecce super altare tuum in honorem sanctorum apostolorum Simonis et Iudae panis ac vini ab unigenito tuo domino nostro holocausta instituta proponimus eaque sancti spiritus rore perfunde, deposcimus; dignetur, quaesumus, super illa illabi spiritus sanctus; dignetur illa, sanctificata, suscipere illorum institutor, tuus unigenitus filius, ut, quotquot ex illis libaverimus, non pro praesumptione sustineamus vindictam sed pro voto perfrui mereamur coronam, qualiter, Christi domini nostri filii tui perceptis sacrificiis communicantes, ad conspectum gloriae tuae perveniamus indemnes.
257	Amove a nobis ... nec defectum.
	Amove a nobis, quaesumus, domine, totius maculas simultatis, ut, dum purae dilectionis deliciis mens pascitur expiata tuae ubertatis repleta dulcedine, nec indigentiam attenuatio corporis sentiat nec defectum.
258	Angelico pane ne ... perenniter salutari.
	Angelico pane, ne deficiamus in hoc peregrinationis itinere, quaesumus, domine, ut sancti confessoris tui Leufredi meritis eodem mereamur in caelestis patriae gloria perenniter salutari.
259	Anima mea domine ... firmata consistat.
	Anima mea, domine, tibi digna sit et sanctis tuis placita et angelis tuis recipienda et in lumine claritatis reddita sit et in conspectu tuo firmata consistat.
260	Animabus quaesumus domine ... esse participes.
	Animabus, quaesumus, domine, famulorum famularumque tuarum illorum oratio proficiat supplicantium, ut eas et a peccatis exuas et tuae redemptionis facias esse participes.
261	Animabus quaesumus domine ... et crediderunt.
	Animabus, quaesumus, domine, famulorum famularumque tuarum misericordiam concede perpetuam, ut eis proficiat in aeternum, quod in te speraverunt et crediderunt.
262	Animae famuli tui ... consequatur effectum.
	Animae famuli tui, quaesumus, domine, per haec sacrificia redemptionis aeternae remissionem tribue peccatorum, ut devotio paenitentiae, quam gessit eius affectus, perpetuae salutis consequatur effectum.
263	Animae nostrae quaesumus ... lumina fulgeamus.
	Animae nostrae, quaesumus, omnipotens deus, hoc potiantur desiderio, ut a tuo spiritu inflammentur et, sicut lampades divino munere satiati, ante conspectum venientis Christi filii tui velut clara lumina fulgeamus.
264	Animam famuli tui ... immolata peccatum.
	Animam famuli tui illius, quaesumus, domine, ab omnibus vitiis et peccatis condicionis humanae haec absolvat oblatio, quae totius mundi tulit, immolata, peccatum.
265	Annua martyrum tuorum ... capiamus augmentum.
	Annua martyrum tuorum, domine, vota recurrimus, maiestatem tuam suppliciter deprecantes, ut, cum temporalibus incrementis prosperitatis aeternae capiamus augmentum.
266a	Annuae festivitatis cultu ... venire mereamur.
	Annuae festivitatis cultu domino deo nostro, fratres dilectissimi, summa nostrarum precum supplicatione poscamus, ut, quicumque intra templi huius, cuius natalis est hodie, ambitum continemur, plena illi atque perfecta corporis et animae devotione placeamus, ut, dum haec praesentia vota reddimus, ad aeterna praemia venire mereamur.
266b	Annuae festivitatis cultu ... pervenire mereamur.
	Annuae festivitatis cultu supplices te, domine, deprecamur, ut, quicumque intra templi huius, cuius natalis est hodie, ambitum continemur, plena tibi atque perfecta corporis et animae devotione placeamus, ut, dum haec praesentia vota reddimus, ad aeterna praemia pervenire mereamur.
266c	Annue quaesumus domine ... (per)venire mereamur.
	Annue, quaesumus, domine, precibus nostris, ut, quicumque intra templi huius, cuius anniversarium dedicationis diem celebramus, ambitum continemur, plena tibi atque perfecta corporis et animae devotione placeamus, ut, dum haec praesentia vota reddimus, ad aeterna praemia, te adiuvante, (per)venire mereamur.
267	Annue domine precibus ... mentibus innovemur.
	Annue, domine, precibus nostris, ut, sicut de praeteritis ad nova sumus sacramenta translati, ita, vetustate deposita, sanctificatis mentibus innovemur.
268	Annue domine quaesumus ... muniamur auxiliis.
	Annue, domine, quaesumus, ut mysteriis tuis iugiter repleamur et sanctorum semper muniamur auxiliis.
269	Annue misericors deus ... deferamus obsequio.
	Annue, misericors deus, ut hostias placationis et laudis sincero tibi deferamus obsequio.
270	Annue misericors deus ... custodiam mandatorum.
	Annue, misericors deus, ut, qui, divina praecepta violando, a paradisi felicitate decidimus, ad aeternae beatitudinis redeamus accessum per tuorum custodiam mandatorum.
271	Annue nobis domine ... percipere peccatorum.
	Annue nobis, domine, ut anima famuli tui illius remissionem, quam semper optavit, mereatur percipere peccatorum.
272	Annue nobis domine ... relaxari delicta.
	Annue nobis, domine, ut animae famuli tui Gregorii haec prosit oblatio, quam immolando totius mundi tribuisti relaxari delicta.
273	Annue nobis quaesumus ... omnibus mereamur.
	Annue nobis, quaesumus, domine, ut, quemadmodum mysteria resurrectionis domini nostri Iesu Christi sollemnia colimus, ita et in adventu eius gaudere cum sanctis omnibus mereamur.
274	Annue nobis quaesumus ... et salutem.
	Annue nobis, quaesumus, omnipotens deus, ut beati levitae et martyris tui Laurentii veneranda sollemnitas et devotionem nobis augeat et salutem.
275	Annue nobis quaesumus ... praestet auxilium.
	Annue nobis, quaesumus, omnipotens deus, ut sanctorum martyrum tuorum Macchabaeorum sed et sacerdotis et confessoris tui Eusebii suffragiis adiuvemur, ut, sicut eis copiosa victoria dedit triumphum, ita et nobis continuum praestet auxilium.
276	Annue nobis quaesumus ... homini innotescat.
	Annue nobis, quaesumus, omnipotens deus, ut, sicut scrutantibus magis hodie latenter est cognitus dominus noster Iesus Christus et adoratus a cunctis gentibus, ita et nostris sensibus manifestus adveniat et omni homini innotescat.
277	Annue plebi tuae ... precibus adiuvemur.
	Annue plebi tuae, virtutum largitor, omnipotens aeterne deus, ut, qui annua beatae virginis tuae Petronillae sollemnia celebramus, eius semper et fidei integritate roboremur et piis apud te precibus adiuvemur.
278	Annue quaesumus clementissime ... beatitudine concedas.
	Annue, quaesumus, clementissime deus, orationibus populi tui et, quos in celebritate beatissimorum martyrum tuorum Mauritii vel eius commilitonum adesse fecisti, eorum propitius precibus aeterna perfrui beatitudine concedas.
279	Annue quaesumus domine ... moderatione vivamus.
	Annue, quaesumus, domine deus noster, ut per hoc tuae sapientiae sacramentum circumspecta moderatione vivamus.
280	Annue quaesumus domine ... concede suffragiis.
	Annue, quaesumus, domine, precibus familiae tuae et, quod nostris actibus non meremur, sanctorum tuorum nobis concede suffragiis.
281	Annue quaesumus domine ... suscipiamus effectu.
	Annue, quaesumus, domine, precibus nostris, ut sancti Laurentii martyris tui sollemnia, quae cultu, tibi debito, praevenimus, prospero suscipiamus effectu.
282	Annue quaesumus domine ... meruimus evadamus.
	Annue, quaesumus, domine, sacris martyribus tuis, ut opem nobis suae deprecationis impendant et iram tuam, quam nostris pravitatibus meruimus, evadamus.
283	Annue quaesumus domine ... et pacem.
	Annue, quaesumus, domine, supplicibus tuis, ut haec nostrae servitutis oblatio in die resurrectionis domini nostri Iesu Christi et salutem nobis conferat et pacem.
284	Annue quaesumus domine ... et corpore.
	Annue, quaesumus, domine, ut et tuis semper sollemnitatibus occupemur et mysteriis eorum mente pariter congruamus et corpore.
285	Annue quaesumus domine ... semper exorent.
	Annue, quaesumus, domine, ut merita, tibi placita, sancti confessoris et episcopi tui Iuvenalis pro gregibus, quos sincero ministerio gubernavit, pietatem tuam semper exorent.
286	Annue quaesumus domine ... deprecationibus adiuvemur.
	Annue, quaesumus, domine, ut sanctae martyris Euphemiae tibi placitis deprecationibus adiuvemur.
287	Annue quaesumus omnipotens ... propitiatus immisceas.
	Annue, quaesumus, omnipotens deus, ut haec sacrificia populi tui, quae tibi offerimus, interveniente suffragio beatae virginis et martyris tuae illius, donis caelestibus propitiatus immisceas.
288	Annue quaesumus omnipotens ... caelestium gaudiorum.
	Annue, quaesumus, omnipotens deus, ut sacrificia, pro sanctae illius virginis tuae festivitate oblata, desiderium nos temporale doceant habere contemptui et ambire dona faciant caelestium gaudiorum.
289	Annue quaesumus omnipotens ... nataliciis gloriemur.
	Annue, quaesumus, omnipotens deus, ut nos sanctorum martyrum tuorum Mauritii, Exuperii, Candidi, Victoris, Innocentii et Vitalis ac sociorum eorundem laetificet festiva sollemnitas, ut, quorum suffragiis nitimur, nataliciis gloriemur.
290	Annue quaesumus omnipotens ... legalibus institutis.
	Annue, quaesumus, omnipotens deus, ut, sacramentorum tuorum gesta recolentes, et temporali securitate relevemur et erudiamur legalibus institutis.
291	Annue quaesumus omnipotens ... auxiliante evadat.
	Annue, quaesumus, omnipotens deus, ut, sicut beatus levita et martyr tuus Laurentius ignium globos, te protegente, evasit, ita fidelis populus huius adversitatem saeculi, te auxiliante, evadat.
292	Annue quaesumus omnipotens ... praestet acceptos.
	Annue, quaesumus, omnipotens deus, ut, sicut eos, quorum natalicia recensemus, per tuam gratiam beneplacitos fecit aetas exitu, sic nos tuae pietati salutaris humilitas praestet acceptos.
293	Annue precibus nostris ... remissio peccatorum.
	Annue precibus nostris, omnipotens deus, et has oblationes, quas tibi pro anniversaria huius templi consecratione deferimus, benignus assume et praesta, ut omnibus, hic ad te concurrentibus, cunctorum tribuatur remissio peccatorum.
294	Annue rector opem ... crimine mundo.
	Annue, rector, opem vultuque adverte secundo, quae damus, accipiens, quae poscimus, rependens, et, quamvis trepidet proprio mens tacta reatu vel sacra reddentes commendet causa redemptos, hoc speciale bonum tribuens, ut corde fideli vivamus domino, moriamur crimine mundo.
295	Annue tuis famulis ... misericordiae fontem.
	Annue tuis famulis, quaesumus, omnipotens deus, ut, sicut beato confessori tuo Benedicto aquam de rupis largitus es vertice, ita nobis, eius suffragantibus meritis, supernae largiaris misericordiae fontem.
296	Ante conspectum divinae ... gaudere mereamur.
	Ante conspectum divinae maiestatis tuae, domine, hoc divinum munus supplices offerimus pro commemoratione confessoris, tui Pauli, ut, sicut de eius gloria hodierna die pari devotione laetamur, ita illius deprecatione cum omnibus sanctis in aeterna beatitudine gaudere mereamur.
297	Ante conspectum maiestatis ... remissio fiant.
	Ante conspectum maiestatis tuae, quaesumus, omnipotens deus, munera nostra grata perveniant et, sancto Machuto intercedente, peccatorum nostrorum remissio fiant.
298	Ante te domine ... desiderio inardescant.
	Ante te, domine, effundentes desiderium cordis nostri, precamur, ut ita haec, quae offerimus, benedicas, qualiter ex his potantes et, repulsa inedia, convalescant et, concessa spiritali virtute, caelesti desiderio inardescant.
299	Anticipa nos misericordia ... venia consequamur.
	Anticipa nos misericordia tua, priusquam zelus irae desaeviat, misericors deus, et haec dona sanctifica, ut, adiuti patrociniis beatorum, quorum propter te sanguis effusus est, propitiationem tuam cum peccatorum venia consequamur.
300	Apostoli tui Pauli ... patrocinio supplicantis.
	Apostoli tui Pauli precibus, domine, plebis tuae dona sanctifica, ut, quae tibi tuo grata sunt instituto, gratiora fiant patrocinio supplicantis.
301	Apostolica beati Ioannis ... sancta laetantes.
	Apostolica beati Ioannis evangelistae, quaesumus, domine, intercessione nos adiuva, pro cuius sollemnitate percepimus tua sancta laetantes.
302	Apostolica nos muniat ... principibus gloriatur.
	Apostolica nos muniat, domine, semper oratio, ut iisdem suffragatoribus dirigatur ecclesia, quibus principibus gloriatur.
303	Apostolica pro nobis ... efficiatur acceptum.
	Apostolica pro nobis interventio, quaesumus, domine, prosequatur munus oblatum, ut, quod tremente servitio nos vovemus, eius precibus efficiatur acceptum.
304	Apostolicae reverentiae culmen ... desiderata percipiat.
	Apostolicae reverentiae culmen offerimus, sacris mysteriis imbuendum; praesta, domine, quaesumus, ut beati Andreae suffragiis, cuius natalicia praeimus, hic plebs tua semper et sua vota depromat et desiderata percipiat.
305a	Apostolicis domine nos ... precibus adiuvemur.
	Apostolicis, domine, nos, quaesumus, attolle praesidiis, ut, quorum sollemnia praevenimus, eorum precibus adiuvemur.
305b	Apostolicis nos domine ... auxiliis foveamur.
	Apostolicis nos, domine, quaesumus, beatorum Petri et Pauli attolle praesidiis, ut, quanto fragiliores sumus, tanto validioribus auxiliis foveamur.
306	Apostolico domine quaesumus ... esse custodes.
	Apostolico, domine, quaesumus, beatorum Petri et Pauli patrocinio nos tuere et eosdem, quorum tribuisti sollemnia celebrare, securos fac nostros semper esse custodes.
307	Apostolorum domine beatorum ... regimur principatu.
	Apostolorum, domine, beatorum Petri et Pauli desiderata sollemnia recensemus, praesta, quaesumus, ut eorum supplicatione muniamur, quorum regimur principatu.
308	Apostolorum tuorum domine ... censeas deputari.
	Apostolorum tuorum, domine, beatorum Petri et Pauli desiderata sollemnia recensemus; praesta, quaesumus, ut hodierna gloria passionis, sicut illis magnificentiam tribuit sempiternam, ita nobis veniam largiatur optatam et nomina eorum, quae recitata sunt, in libro vitae censeas deputari.
309	Apostolorum tuorum precibus ... patrocinio supplicantium.
	Apostolorum tuorum precibus, domine, quaesumus, plebis tuae dona sanctifica, ut, quae tibi tuo grata sunt instituto, fiant gratiora patrocinio supplicantium.
310	Appare domine cognoscere ... quondam mysteria.
	Appare, domine, cognoscere, domine, sicut apparuisti manifestus in carne, ortus ex virgine, inventus a pastoribus, cognitus in virtute, declaratus in sidere, adoratus in munere, ostensus in flumine, creditus in fide, habitus in nube, pro missus in indice, ut sacratae sollemnitatis gratia ita suscipiat ecclesia tua nunc gaudia, ut praetulit quondam mysteria.
311	Apud te est ... omnium pietatem tuam
	Apud te est, domine, misericordia et copiosa redemptio; brachio tuo defende populum pereuntem, elisos ac prostratos releva. Christe, formidamus pro nostris peccatis, ut non mereamur audiri; grave est enim, quod amittimus, et commissa non paenitebimus. Habes, domine, confitentes reos; parce, quia pius es. Iamdiu est, domine, quod, nostris operibus oppressi, laniamur; addicti, cavere nescimus et amittere non vitamus. Loqui confundimur, quia verecundum est, quod penetramur. Magnus es, domine, ut ignoscas facinoribus; occurre, ne castigatione corrigamur, ne praesentia tormentorum vagitamur. Oramus, ut exaudias; clamamus, ut parcas; preces nostras suscipe et, quidquid debemus, indulge, auditor piissime; miserator fortissime, voces nostras respice; de<us> omnium, pietatem tuam largam concede.
312	Arbiter orbis apex ... oscula produnt.
	Arbiter orbis, apex rerum, spes una reorum, tardus vindictae, veniae celer, immemor irae, qui loca perquiris, miseris ubi parcere possis, invitans ad dona magis, ne crimina damnes; necte fidem populis, pacem sere, pectora iunge, ut teneant animo, quod blanda per oscula produnt.
313	Ascendant ad te ... repelle nequitiam.
	Ascendant ad te, domine, preces nostrae et ab ecclesia tua cunctam repelle nequitiam.
314	Ascendant ad te ... pro caducis.
	Ascendant ad te, domine, preces nostrae et animabus famulorum famularumque tuarum illarum, qui hunc locum pauperesque tuos de suis iustis laboribus rebusque ditaverunt, pro quibus etiam te licitum est humiliter deprecari, misericordiam concede perpetuam; accipiantque magna pro parvis, caelestia pro terrenis, mansura pro caducis.
315	Ascendant ad te ... esse consortem.
	Ascendant ad te, domine, preces nostrae et animam famuli tui illius gaudia aeterna suscipiant, ut, quem fecisti adoptionis participem, iubeas hereditatis tuae esse consortem.
316	Ascendant ad te ... intercessione mereamur.
	Ascendant ad te, domine, preces nostrae et tuorum vota fidelium munera, suppliciter oblata, concilient, quod, etiamsi nostris operibus non meremur, quaesumus, sanctorum nos intercessione mereamur.
317	Ascendant ad te ... veniam sentiamus.
	Ascendant ad te, domine, supplicum preces, ut, qui diu pro nostris offensionibus castigati sumus, miserationis tuae veniam sentiamus.
318	Ascendant quaesumus domine ... mentibus largiaris.
	Ascendant, quaesumus, domine, preces humilitatis nostrae in conspectu clementiae tuae et descendat super haec oblata virtus tuae divinitatis, quam nostris quoque purificandis mentibus largiaris.
319	Ascendat oratio nostra ... postulatio nostra.
	Ascendat oratio nostra usque ad thronum claritatis tuae et non vacua revertatur ad nos postulatio nostra.
320	Ascendisse te in ... quietis impertias.
	Ascendisse te in caelos ad patrem, dei filius, creatura tua laetatur et ideo supplici te cordis contritione exposcimus, ut et in nobis pollicitationem spiritus impleas et in defunctis donum aeternae quietis impertias.
321	Ascensionis domini sacramentum ... quod dominus noster Iesus Christus ad patrem advocatum nobis missurus ascendit fidei nostrae gaudia multiplicata concelebrat et promissionis suae memor ita interpellit pro nobis ut in secundo eius adventu mereamur
	Ascensionis domini sacramentum <est>, quod dominus noster Iesus Christus ad patrem, advocatum nobis missurus, ascendit, fidei nostrae gaudia multiplicata concelebrat et, promissionis suae memor, ita interpellit pro nobis, ut in secundo eius adventu mereamur occurrere laeti.
322	Aspice de caelo ... sumpsit initium.
	Aspice de caelo, deus, et veni et multiplica fidem populi tui, ut per te sequatur augmentum, per quem sumpsit initium.
323	Aspice nos domine ... et meritum.
	Aspice nos, domine, precibus exoratus venerandi martyris Gregorii, tua miseratione concedens, ut, sicut nobis eius passio contulit hodiernum in tua virtute conventum, ita suffragetur et meritum.
324	Aspice quaesumus domine ... et medelam.
	Aspice, quaesumus, domine, quae oculis tuae maiestatis offerimus, ut tuorum deprecatione sanctorum et tuitionem nobis praebeant et medelam.
325	Aspice sincero vultu ... sancta largiris.
	Aspice sincero vultu, pie miserator, haec munera, qui semper es propensus ad dona, ut ipsa contemplatione oblata sanctifices naturali maiestate, qui perpetue sanctus es et sancta largiris.
326	Assistite nobis sancti ... copiose exsultant.
	Assistite nobis, sancti martyres dei, in quibus trina et indivisa caritatis societas ignis est conflatione probata. Vestris, quaesumus, suffragiis praebete nostris finibus pacem et cunctis inconvulsibilem caritatem, ut vestro interventu cuncta in pace permaneant, quae in hoc die passionis vestrae copiose exsultant.
327	Assume quaesumus omnipotens ... praebeas delictorum.
	Assume, quaesumus, omnipotens deus, in honorem sanctorum martyrum tuorum Eustachii sociorumque eius haec tibi oblata libamina, quorum pia supplicatione placatus, et praeteritorum veniam et futurorum nobis cautelam praebeas delictorum.
328	Attende domine gemitus ... vitam percipere.
	Attende, domine, gemitus nostros et familiae tuae adesto propitius, ut, si reatus conscientiae nostrae a te nos facit extraneos, tua pietas non amittat proprios vel redemptos, sed fac nos, domine, evangelicam praedicationem cognoscere et aeternam vitam percipere.
329	Attende domine omnipotens ... requiem defunctorum.
	Attende, domine omnipotens, devotionem populorum fidelium et propitius accipe hoc munus oblatum; sit nobis, oramus, ita sanctorum tuorum commemoratio in suffragium, ut eorum meritis impetremus et remedium viventium et requiem defunctorum.
330	Attende domine propitius ... confusione perveniant.
	Attende, domine, propitius meae servitutis obsequium et miserere fidelibus famulis tuis illis, ut, cunctis eorum sceleribus amputatis, ita sint tuae miserationis defensione protecti, ut in observatione mandatorum tuorum mereantur esse perfecti, quatenus et in hac vita universo facinore careant et in conspectum gloriae tuae quandoque sine confusione perveniant.
331	Auctor perpetuae claritatis ... usque perveniat.
	Auctor perpetuae claritatis, deus immense, rogamus, ut carnem nostram per abstinentiam regas et corda pace tua adimpleas, quo et per abstinentiam caro non sordeat et per dilectionem tam initia quam finis noster ad remunerationem usque perveniat.
332	Audi deus meus ... in me.
	Audi, deus meus, audi, lumen oculorum meorum, audi, quae peto, et da, quae petam, ut audias; si enim despexeris, pereo; si respexeris, vivo; si iuste me intenderis, mortuus foeteo; si misericordia respexeris, foetentem suscitas de sepulchro; si mala respexeris mea, tartarea tormenta vix sufficiunt; si pietate intendas solita, poteris me commutare in melius. Quid non mali ego? Aut quid non boni tu? Quid non mali ego, corruptibilis creatura? Quid non boni tu, creator et creaturae auctor? Cecidi de manu tua vitio meo; potens es, artifex, tibi iterum placitum figurare. Corripe me in misericordia, ne deseras neque in ira corripias. Quod odis in me, procul fac a me et in tua voluntate intende in me. Hostem libidinis repelle a me et castitatis spiritum insere in ine. Vitium omne mortifica in ine et animam meam vivifica in me.
333	Audi deus pater ... sit nobis haec temporalis vita pacis bono fecunda sit mors confessione potissima et resurrectio cum sanctis
	Audi, deus pater omnipotens, preces nostras et sacrificiis, a te institutis, totus illabere ac praesta, ut, interventu sanctorum martyrum defensati<s>, sit nobis haec temporalis vita pacis bono fecunda, sit mors confessione potissima et resurrectio cum sanctis omnibus gloriosa.
334	Audi domine misericors ... pace custodi.
	Audi, domine, misericors bonitatis plenitudo, castitatis amator, dignitatis dilector, elisorum relevator, fortitudo debilium, gubernator populorum, hereditas peregrinorum, infirmorum relevatio, caritatis amator, longanimitatis instructor. Magnum nimis et misericors nomen tibi, omnipotens deus, quia pius es; pius, quia fortis et patiens es nimis, tantum laudabilis tantumque possibilis, redemptor mundi, salvator animarum et populi tui, Trinitas deus. Vita credentium, Christe, protege populum tuum et semper in tua pace custodi.
335	Audi domine populum ... sperat obtineat.
	Audi, domine, populum tuum, tota tibi mente subiectum, et apostolicam tuitionem supplici decerne propitiatus, ut, corpore et corde protectus, quod pie credit, appetat, quod iuste sperat, obtineat.
336	Audi domine populum ... praesta continuam.
	Audi, domine, populum tuum, toto tibi corde subiectum, et tuitionem mentis et corporis eidem, rogantibus sanctis apostolis tuis, praesta continuam.
337	Audi piissime audi ... scandalum suscitare.
	Audi, piissime, audi, salvator fortissime, bonitatis plenitudo, castitatis amator, dignitatis conservator, caritatis auctor, longanimitatis institutor. Magnum nimis et miserator nomen tibi, omnipotens, quia pius es et fortis, quantum laudabilis tantum possibilis. Redemptor mundi, salvator populi, Trinitas deus, vita credentium, sancte, protege populum tuum atque semper in tua pace dispone, quia tu dixisti pacem habere in universo orbe. Nos itaque, fratres, habeamus pacem sanctimonialem et vinctus diabolus non praevaleat internus scandalum suscitare.
338	Auditis nominibus ac ... ut accepta tulit Abel iusti sui munera et Abrahae patriarchae sui hostias et quorum nomina texuit recitatio praemissa eorum sortem inter electos
	Auditis nominibus ac desideriis offerentium, fratres carissimi, dei patris omnipotentis clementiam deprecemur, ut, qui hodie per filium suum mirifice aquae speciem vertit in vinum, ita omnium simul oblationes et vota convertere dignetur in sacrificium divinum et accepta ferre, <sic>ut accepta tulit Abel iusti sui munera et Abrahae patriarchae sui hostias, et, quorum nomina texuit recitatio praemissa, eorum sortem inter electos iubeat aggregari.
339	Auditis nominibus ac ... resurrectionis obtineant.
	Auditis nominibus ac desideriis offerentium, rogamus, domine, ut eorum oblatione iam munera propitius dignanter acceptes; supplicantes, ut beatissimorum patriarcharum, prophetarum, apostolorum omniumque sanctorum suffragiis et patrociniis adiuvemur. spiritus vero sanctorum, quorum commemoratio facta est, praesentem requiem et fructum primae resurrectionis obtineant.
340	Auditis nominibus carorum ... precibus adiuvemur.
	Auditis nominibus carorum nostrorum, omnipotentem dominum deprecemur, ut, plebis suae ministrorumque vota suscipiens, oblationes nostras, quas in commemorationem sanctorum Acaunensium ac pro spiritibus carorum nostrorum offerimus, in odorem bonae suavitatis accipiat. Unde supplices simus, ut beatissimorum patriarcharum, prophetarum, apostolorum et martyrum omniumque sanctorum piis precibus adiuvemur.
341	Auditis nominibus offerentium ... cordibus offeruntur.
	Auditis nominibus offerentium, aeternitatis dominum deprecemur, ut in nobis vel timor eius vel cordis puritas vel caritas, quae casum non habet, immobilis perseveret, quia haec est salutaris oblatio, haec vera, haec pinguis hostia, ista sunt pura libamina, quae et pro nobis et pro requie defunctorum contritis et humiliatis cordibus offeruntur.
342	Auditis nominibus offerentium ... coetibus aggregentur.
	Auditis nominibus offerentium, debita cum veneratione beatissimorum apostolorum et martyrum omniumque sanctorum commemoratione decursa, et offerentium et pausantium commemoremus nomina, ut, aeternalibus indita paginis, sanctorum coetibus aggregentur.
343	Auditis nominibus offerentium ... viventibus emendationem et defunctis remissionem obtineat peccatorum et quorum nomina in recitatione patefacta sunt in caelestibus
	Auditis nominibus offerentium, fratres carissimi, domini maiestatem deprecemur, ut, qui vitam summi antistitis sui Leudegarii martyris transtulit ad coronam, per interventum sanctorum patriarcharum, apostolorum et martyrum, anachoritarum et virginum omniumque sanctorum concedere dignetur, ut sacrificii praesentis oblatio, quae offertur, <et> viventibus emendationem et defunctis remissionem obtineat peccatorum, et, quorum nomina in recitatione patefacta sunt, in caelestibus paginis conscribantur.
344	Auditis nominibus offerentium fratres ... quoque proficiat ad salutem.
	Auditis nominibus offerentium, fratres carissimi, omnipotentis dei inenarrabilem misericordiam supplices postulemus, ut nomina nostra, quae in hoc celeberrimo die in honorem sancti antistitis sui Martini offerimus, benedicere et sanctificare, ipso suffragante, dignetur et, quod illi hodie collatum est ad gloriam, nobis quoque proficiat ad salutem.
345	Auditis nominibus offerentium ... devotione postulamus.
	Auditis nominibus offerentium, fratres carissimi, rogemus deum patrem omnipotentem, ut oblationem famuli sui illius inter sanctorum suorum dona constituat, quorum suffragia pia devotione postulamus.
346	Auditis nominibus offerentium ... ad requiem.
	Auditis nominibus offerentium, fratres dilectissimi, Christum dominum deprecemur, ut, sicut pro eius circumcisione carnali sollemnia celebramus, ita, spiritalium nequitiarum illusione devicta, laetemur, praestante pietate sua, ut haec sacrificia sic viventibus proficiant ad emendationem, ut defunctis opitulentur ad requiem.
347	Auditis nominibus offerentium fratres ... viventibus proficiat ad salutem.
	Auditis nominibus offerentium, fratres dilectissimi, omnipotentem deum supplicemus, ut super hanc oblationem caelestem gratiam suam divini illius odoris infundat, quam in commemoratione dominicae resurrectionis offerimus, ut acceptio benedicti corporis et sacri poculi praelibata communio defunctis opituletur ad requiem, viventibus proficiat ad salutem.
348	Auditis nominibus offerentium ... peccata dimittat.
	Auditis nominibus offerentium, indeficientem divinam clementiam deprecemur, ut has oblationes plebis, quas in honorem beatissimi Germani antistitis et confessoris offerimus, signato die hodiernae sollemnitatis celebremus, cum inconcussa fidei libertate, quam ille constanti mente defendit, precantes, ut robur patientiae eius nobiscum, si non opere, saltem voluntate comitetur. Oremus etiam et pro spiritibus carorum nostrorum, quorum idem omnipotens deus et numerum novit et nomina, ut omnium memoriam faciat, omnium peccata dimittat.
349	Auditis nominibus offerentium ... liceat pervenire.
	Auditis nominibus offerentium, te pietatis dominum deprecamur, ut digneris nobis oratus assistere, adesse quaesitus, aperire pulsatus; offerentium nomina caelestibus adscribas in paginis; promissionem tuam manifestes in sanctis; misericordiam ostendas in perditis. Et, quia imbecilla est nostrae infirmitatis oratio, ut, quid orare oporteat, nescimus, advocamus in suffragio precum nostrarum receptos in caelesti collegio patriarchas, repletos divino spiritu prophetas, martyres confessionis floribus coronatos, apostolos ad officium praedicationis electos, per quos oramus te dominum nostrum, ut omnes metu territos, inopia afflictos, tribulatione vexatos, morbis obrutos, suppliciis deditos, debitis obligatos praesentia tuae resurrectionis absolvas. spirituum quoque pausantium memor esse digneris, ut, illis criminum suorum indulgentia relaxata, ad sinum patriarcharum liceat pervenire.
350	Auditis nominibus recensitis ... veniam pertinere.
	Auditis nominibus recensitis, dilectissimi fratres, deum pietatis et misericordiae deprecemur, ut haec, quae oblata sunt, benignus assumat. Nullum umquam ex his, pro quibus holocausta franguntur, muneris sui exterum esse patiatur, tam viventium quam defunctorum vel ad merita vel ad peccata respiciens, alios iubeat ad gratiam, alios ad veniam pertinere.
351	Audivimus et cognovimus ... beatitudinis pervenire.
	Audivimus et cognovimus, domine, per abstinentiam sacri ieiunii, quanta virtutum praemia collata sint patribus nostris. Ex hoc tuae maiestati Moyses adscriptus est fidelis amicus. Ob hoc Elias, raptus igneis curribus, obsequentibus flaminis, paradiso deputatus est vivus. Per huius quoque quadragesimae perpetuitatem ieiunii tentator a Christo devictus est inimicus. Ex hoc Ioannes enituit in deserto praecipuus. Ob hoc te quaesumus, sanctissime deus, ut hoc salutiferum opus praestes nobis iugiter frequentare, per quod ad promissa mereamur praemia futurae beatitudinis pervenire.
352a	Aufer a nobis ... sensibus introire.
	Aufer a nobis, domine, quaesumus, iniquitates nostras, ut ad sancta sanctorum puris mereamur sensibus introire.
352b	Aufer a nobis ... mentibus introire.
	Aufer a nobis, quaesumus, domine, iniquitates nostras, ut ad sancta sanctorum puris mereamur mentibus introire.
353	Aufer a nobis ... semper accepta.
	Aufer a nobis, domine, spiritum superbiae, cui resistis, ut sacrificia nostra tibi sint semper accepta.
354	Auge fidem tuam ... contuleris firmitatem.
	Auge fidem tuam, domine, quaesumus, miseratus in nobis, quia pietatis tuae subsidia non negabis, quibus in te credendi contuleris firmitatem.
355	Auge in nobis ... semper accende.
	Auge in nobis, domine, quaesumus, fidem tuam et spiritus sancti lucem in nobis semper accende.
356	Auge quaesumus domine ... potius incitemur.
	Auge, quaesumus, domine, fidem populi tui, de sancti Laurentii martyris festivitate conceptam, ut ad confessionem tui nominis nullis properare terreamur adversis sed tantae virtutis intuitu potius incitemur.
357	Augeatur in nobis ... munere praeparemur.
	Augeatur in nobis, domine, quaesumus, tuae virtutis operatio, ut, divinis vegetati sacramentis, ad eorum promissa capienda tuo munere praeparemur.
358	Aurem tuam quaesumus ... visitationis illustra.
	Aurem tuam, quaesumus, domine, precibus nostris accommoda et mentis nostrae tenebras gratia tuae visitationis illustra.
359	Aures clementiae tuae ... indulgentiam peccatorum.
	Aures clementiae tuae, deus, ad populi tui gemitum placatus inclina; sume precantium preces et paenitentium exaudi clamores; flenti et confitenti familiae tuae promissam concede indulgentiam peccatorum.
360	Aures clementiae tuae ... caelestis gloriae.
	Aures clementiae tuae, quaesumus, domine, inclina precibus nostris, ut, qui sancti confessoris atque pontificis tui Taurini annua gaudemus devotione, ipso intercedente, mereamur fieri consortes caelestis gloriae.
361	Aures tuae pietatis ... diligere merear.
	Aures tuae pietatis, mitissime deus, inclina precibus meis et gratia sancti spiritus illumina cor meum, ut tuis mysteriis digne ministrare teque aeterna caritate diligere merear.
362	Aures tuae pietatis ... gratia liberemur.
	Aures tuae pietatis, quaesumus, domine, precibus nostris inclina, ut, qui peccatorum nostrorum flagellis percutimur, miserationis tuae gratia liberemur.
363	Auxiliare domine famulis ... largiente percipiant.
	Auxiliare, domine, famulis tuis, et, in tua pietate fidentibus, iugiter esto propitius, ut et praesentia pericula, te protegente, declinent et futura gaudia, te largiente, percipiant.
364	Auxiliare domine fragilitati ... dignaris officiis.
	Auxiliare, domine, fragilitati nostrae, ut tuorum intercessione sanctorum non reprobemur meritis, quos tantis deputare dignaris officiis.
365	Auxiliare domine plebi ... placere perfeceris.
	Auxiliare, domine, plebi tuae et, toto tibi corde subiectae, praesta conversationis effectum, quia bonis omnibus hanc replebis, si tibi placere perfeceris.
366	Auxiliare domine populo ... ducente consortium.
	Auxiliare, domine, populo tuo, ut, sacrae devotionis proficiens incrementis, et tuo semper munere gubernetur et ad redemptionis aeternae pertineat, te ducente, consortium.
367	Auxiliare domine quaerentibus ... miseratione salvemur.
	Auxiliare, domine, quaerentibus misericordiam tuam et da veniam confitentibus, parce supplicibus, ut, qui nostris meritis flagellamur, tua miseratione salvemur.
368	Auxiliare domine supplicibus ... pietate confidunt.
	Auxiliare, domine, supplicibus tuis, ut opem tuae gratiae consequantur, qui in tua pietate confidunt.
369	Auxiliare domine temporibus ... reparata consistat.
	Auxiliare, domine, temporibus nostris, ut, tua nos ubique dextera protegente, et religionis integritas et Romani nominis securitas reparata consistat.
370	Auxiliare nobis misericors ... vincamus errores.
	Auxiliare nobis, misericors deus, et, ut cunctos hostes expugnare possimus, praesta, quaesumus, ut nostros vincamus errores.
371	Auxiliare quaesumus domine ... benignus impende.
	Auxiliare, quaesumus, domine, nobis servis tuis, tot calamitatum miseriis oppressis, et dexteram super nos tuae maiestatis placatus extende atque, ablato crudeli terrore barbarico, gaudium perpetuae consolationis citissime benignus impende.
372	Auxiliatrix sit nobis ... beatitudine consolemur.
	Auxiliatrix sit nobis virtus spiritus sancti, qui sanctum suum Achatium cum suis sodalibus in crucis patibulo roboravit; te, Christe, suppliciter exoramus, ut, quorum natalicia colimus, eodem spiritu adiuvante, aeterna beatitudine consolemur.
373	Auxilientur nobis domine ... placationis exsistant.
	Auxilientur nobis, domine, beati praecursoris et martyris tui Ioannis baptistae veneranda merita passionis et haec nobis hostia tuae placationis exsistant.
374	Auxilientur nobis domine ... protectione confirment.
	Auxilientur nobis, domine, sumpta mysteria et sempiterna protectione confirment.
375	Auxilientur nobis domine ... iugiter inhaerere.
	Auxilientur nobis, domine, sacrosancta mysteria, beatae Mariae Magdalenae veneratione celebrata, quae, spretis mundanae vanitatis illecebris, te solum diligere tibique deo vivo et vero elegit iugiter inhaerere.
376	Auxilientur nobis pie ... nos conserves.
	Auxilientur nobis, pie domine Iesu Christe, omnes passiones tuae et defendant nos ab omni dolore et tristitia, ab omni periculo et miseria, ab omni peccato et cordis immunditia, ab omni scandalo et infamia, a morbis malis animae et corporis et a morte subitanea et improvisa et ab omni persecutione inimicorum visibilium et invisibilium; scimus enim, quod in quacumque hora vel die passionis tuae memoriam habuerimus, salvi erimus; ideo, de immensa tua pietate confisi, te deprecamur, piissime salvator, per benignissimas sacratissimasque passiones tuas, ut benigno nos protegas auxilio et continua pietate ab omni malo nos conserves.
377	Auxilietur nobis domine ... dicare digneris.
	Auxilietur nobis, domine, quaesumus, unigeniti tui resurrectio et munera, quae tibi offerimus, beatae Mariae virginis interventione dicare digneris.
378	Auxilium quaesumus domine ... precibus assequamur.
	Auxilium, quaesumus, domine, maiestatis tuae tribue potestatisque subiectis, ut, quidquid actibus nostris non meremur accipere, beati levitae et martyris tui Vincentii precibus assequamur.
379	Auxilium tuum domine ... profutura percipiant.
	Auxilium tuum, domine, nomini tuo subdita poscunt corda fidelium, ut, quia sine te nihil possunt implere, quod iustum est, tua misericordia largiente, et, quae recta sunt, apprehendant et omnia, sibi profutura, percipiant.
380	Auxilium tuum nobis ... devotionis famulatu.
	Auxilium tuum nobis, domine, beata Maria Magdalena semper imploret, quae tibi grata semper exsistit suae devotionis famulatu.
381	Auxilium tuum nobis ... dignanter assume.
	Auxilium tuum nobis, domine, mittere digneris et de tua nos virtute confirma et visita nos, celebrantes memoriam beati confessoris tui illius, et, ipso intercedente, claritatem et pacem tuam nostris largire corporibus et munera, quae sunt ob eius venerationem offerta, dignanter assume.
382	Auxilium tuum nobis ... propitiationis extende.
	Auxilium tuum nobis, domine, quaesumus placatus impende et, intercedente beato Timotheo martyre tuo, dexteram super nos tuae propitiationis extende.
383	Auxilium tuum nobis ... cum illis.
	Auxilium tuum nobis, domine, quaesumus, placatus impende et, intercedentibus sanctis tuis, quorum in hanc praesentem ecclesiam pretiosa patrocinia colligere curavimus, fac nos ab omni adversitate liberari et in aeterna laetitia gaudere cum illis.
384	Auxilium tuum quaesumus ... adversitate salventur.
	Auxilium tuum, quaesumus, domine, intercedente gloriosissimo Quintino martyre tuo, a cunctis nos defendat periculis, ut, qui illi tota devotione congaudent, ab omni adversitate salventur.
385	Averte domine quaesumus ... miseratione correctos.
	Averte, domine, quaesumus, a fidelibus tuis cunctos miseratus errores et saevientium morborum depelle perniciem, ut, quos merito flagellas devios, foveas tua miseratione correctos.
386	Averte quaesumus domine ... provocamus expelle.
	Averte, quaesumus, domine, iram tuam propitiatus a nobis et facinora nostra, quibus indignationem tuam provocamus, expelle.
387	Beata martyr tua ... reddere beneficia.
	Beata martyr tua illa nobis, quaesumus, domine, in suo natalicio fidelium tuorum munere suffragetur et, quae tibi placuit sui martyrii certamine, a te nobis iugiter, quae tuis electis olim promisisti, imploret reddere beneficia.
388	Beata virgo Genovefa ... sentiamus ardores.
	Beata virgo Genovefa, quaesumus, domine, sumptis donis caelestibus, sua nos intercessione laetificet et apud te meritis suis gloriosis obtineat, ne praeparatos impiis sempiternos sentiamus ardores.
389	Beatae Agathae martyris ... remedia capiamus.
	Beatae Agathae martyris tuae, domine, precibus confidentes, quaesumus clementiam tuam, ut per ea, quae sumpsimus, aeterna remedia capiamus.
390	Beatae Caeciliae martyris ... misericordia coronavit.
	Beatae Caeciliae martyris tuae nos, quaesumus, domine, festivitas sancta commendet, quae ita ad palmam martyrii venire voluit, ut et de societate placeret, qua Valerianum et Tiburtium consecrationibus per angelum suum tua misericordia coronavit.
391	Beatae Christinae virginis ... munera accepta.
	Beatae Christinae virginis tuae, domine, meritis, quae tibi hostia facta est dilecta, haec tuis sint oculis munera accepta.
392	Beatae et gloriosae ... immortalitatis vestiri.
	Beatae et gloriosae dei genitricis semperque virginis Mariae intercessionibus quaesumus, omnipotens deus, ut per huius virtutem sacramenti, quod sumpsimus, in resurrectionis gloria mereamur stola beatae immortalitatis vestiri.
393	Beatae et gloriosae ... perducat aeternam.
	Beatae et gloriosae semperque virginis dei genitricis Mariae, quaesumus, omnipotens deus, intercessio nos gloriosa protegat et ad vitam perducat aeternam.
394	Beatae Margaritae domine ... donis firmemur.
	Beatae Margaritae, domine, quaesumus, precibus super populum tuum benedictio copiosa descendat eiusque suffragiis a periculis cunctis liberemur et perpetuis donis firmemur.
395	Beatae Mariae Magdalenae ... inferis resuscitasti.
	Beatae Mariae Magdalenae, quaesumus, domine, suffragiis adiuvemur, cuius precibus exoratus, quatriduanum fratrem vivum ab inferis resuscitasti.
396	Beatae Sabinae virginis ... pervenire valeamus.
	Beatae Sabinae virginis tuae et martyris, domine, precibus confidentes, quaesumus clementiam tuam, ut eius meritis et precibus ad aeterna gaudia pervenire valeamus.
397	Beati Aegidii famuli ... semper imploret.
	Beati Aegidii famuli tui, domine, tibi grata precatio et munera nostra commendet et tuam nobis indulgentiam semper imploret.
398	Beati Andreae apostoli ... sociata laetari.
	Beati Andreae apostoli supplicatione, quaesumus, domine, plebs tua benedictionem percipiat, ut de eius meritis et feliciter glorietur et sempiternis valeat consortiis sociata laetari.
399a	Beati apostoli Andreae ... laudis offerimus.
	Beati apostoli Andreae, domine, sollemnia recensemus, ut eius auxilio tua beneficia capiamus, pro quo tibi hostias laudis offerimus.
399b	Beati apostoli tui Bartholomaei ... hostias laudis offerimus.
	Beati apostoli tui Bartholomaei, cuius sollemnia recensemus, quaesumus, domine, ut auxilio eius tua beneficia capiamus, pro quo tibi hostias laudis offerimus.
399c	Beati Mennae martyris ... laudis offerimus.
	Beati Mennae martyris tui sollemnia recensemus, ut eius auxilio tua beneficia capiamus, pro quo tibi hostias laudis offerimus.
399d	Beati martyris tui ... laudes offerimus.
	Beati martyris tui illius, domine, sollemnia recensemus, ut eius auxilio tua beneficia capiamus, pro quo tibi laudes offerimus.
399e	Beati apostoli tui illius ... hostias laudis offerimus.
	Beati apostoli tui illius, domine, sollemnia recensentes, quaesumus, ut eius auxilio tua beneficia capiamus, pro quo tibi hostias laudis offerimus.
400	Beati apostoli et ... altaribus exhibentur.
	Beati apostoli et evangelistae tui Matthaei supplicationibus, domine, quaesumus, tibi nostra grata sint munera, in cuius sollemnitate tuis altaribus exhibentur.
401	Beati archangeli tui ... in caelis.
	Beati archangeli tui Michaelis et omnium angelorum tribue nos, domine, orationibus foveri, ut, quorum memoriam praedicamus in terris, eorum sanctis precibus adiuvemur in caelis.
402	Beati archangeli tui ... et mente.
	Beati archangeli tui Michaelis intercessione suffulti, supplices te, domine, deprecamur, ut, quos honore prosequimur, contingamus et mente.
403	Beati Christophori martyris ... auxilio defendat.
	Beati Christophori martyris tui, quaesumus, domine, intercessione haec communicatio nos expurget a crimine et tuo auxilio defendat.
404a	Beati Clementis domine ... imploret auxilium.
	Beati Clementis, domine, natalicio fidelibus tuis munere suffragetur et, qui tibi placuit, nobis imploret auxilium.
404b	Beati Helani confessoris ... imploret auxilium.
	Beati Helani confessoris, domine, intercessio fidelibus tuis suffragetur et, qui tibi placuit, nobis imploret auxilium.
404c	Beatae Brigidae virginis ... imploret auxilium.
	Beatae Brigidae virginis tuae precibus fidelibus tuis, domine, sumpta munera suffragentur et, quae tibi placuit, nobis imploret auxilium.
405a	Beati Clementis sacerdotis ... amore devotior.
	Beati Clementis sacerdotis et martyris tui natalicia veneranda, quaesumus, domine, ecclesia tua devota suscipiat et fiat magnae glorificationis amore devotior.
405b	Beatae Genovefae natalicia ... proficiat exemplo.
	Beatae Genovefae natalicia veneranda, domine, quaesumus, ecclesia tua devota suscipiat et fiat magnae glorificationis amore devotior et tantae fidei proficiat exemplo.
405c	Beatarum virginum ac ... exemplum sanctitatis.
	Beatarum virginum ac martyrum tuarum Columbae et Genofevae natalicia veneranda, domine, quaesumus, ecclesia tua devota mente suscipiat et fiat magnae glorificationis amore devotior et ad tantae fidei gratiam proficiat exemplum sanctitatis.
406	Beati confessoris tui ... indulgentiam consequamur.
	Beati confessoris tui atque pontificis illius, quaesumus, domine, maiestati tuae intercessio veneranda commendet, ut, quam nostris non meremur, eius meritis indulgentiam consequamur.
407	Beati confessoris tui ... sollemnitate gaudere.
	Beati confessoris tui Bedae nos, domine deus, intercessione laetifica, cuius nos pia tribuisti et doctrina proficere et iucunda sollemnitate gaudere.
408	Beati confessoris tui ... precibus consequamur.
	Beati confessoris tui Guthlaci, quaesumus, domine, interventio gloriosa commendet hanc oblationem nostram tuae clementiae, ut, quod nostris actibus non meremur, eius precibus consequamur.
409	Beati confessoris tui ... semper exorent.
	Beati confessoris tui Iuvenalis, quaesumus, domine, confessio gloriosa nos circumdet et protegat eiusque merita pietatem tuam pro nobis semper exorent.
410	Beati Dunstani confessoris ... conti(n)gimus sacramenta.
	Beati Dunstani confessoris tui atque pontificis, quaesumus, domine, (de)precatione nos adiuva, in cuius veneratione tua conti(n)gimus sacramenta.
411	Beati Edmundi confessoris ... ad salutem.
	Beati Edmundi confessoris tui atque pontificis, quaesumus, domine, precibus tibi munera offerenda complaceant et oblata nobis proficiant ad salutem.
412	Beati evangelistae Ioannis ... reddamur instructi.
	Beati evangelistae Ioannis natalicia recolentes, domine, sancta mysteria percepimus, exorantes, ut eius doctrinis tam de verbi tui divinitate perpetua quam de humanitate carius assumpta reddamur instructi.
413	Beati evangelistae Ioannis ... intercessione donetur.
	Beati evangelistae Ioannis, domine, precibus adiuvemur, ut, quod possibilitas nostra non obtinet, eius nobis intercessione donetur.
414	Beati evangelistae Ioannis ... semper implorent.
	Beati evangelistae Ioannis nos, domine, quaesumus, merita prosequamur et tuam nobis indulgentiam semper implorent.
415	Beati evangelistae tui ... patrociniis confoveri.
	Beati evangelistae tui illius festivitate gaudentes, clementiam tuam deprecamur, omnipotens deus, ut tribuas nos iugiter eius confessione benedici et patrociniis confoveri.
416	Beati Gabrielis archangeli ... ad salutem.
	Beati Gabrielis archangeli tui, deus noster, sanctorumque omnium caelestium spirituum recolentes memoriam laetificet intercessio atque eorum sumpta veneratione sacramenta proficiant ad salutem.
417	Beati Gregorii martyris ... et sanguini.
	Beati Gregorii martyris tui, domine, natalicia recensentes, illius, quaesumus, aggregari mereamur consortio, cuius corpori communicamur et sanguini.
418	Beati Hermetis martyris ... efficere famulatum.
	Beati Hermetis martyris tui intercessio nos, domine, quaesumus, et tuam nobis non desinat placare iustitiam et nos devotum tibi iugiter efficere famulatum.
419	Beati illius apostoli ... et salutem.
	Beati illius apostoli tui, domine, veneranda sollemnitas et devotionem nobis augeat et salutem.
420	Beati illius confessoris ... purifica famulatum.
	Beati illius confessoris tui atque abbatis precibus haec tibi, domine, grata reddatur oblatio et per eam nostrum purifica famulatum.
421a	Beati illius martyris ... virtute defende.
	Beati illius martyris, domine, suffragiis exoratus, percepti sacramenti tui nos virtute defende.
421b	Beatae Afrae martyris ... virtute defendas.
	Beatae Afrae martyris tuae, domine, suffragiis exoramus, ut percepti sacramenti tui nos virtute defendas.
421c	Beati illius confessoris ... ubique defendas.
	Beati illius confessoris tui atque pontificis, domine, suffragiis exoramus, ut, percepta sacramenti tui virtute, ab omnibus nos adversitatibus ubique defendas.
422	Beati illius quaesumus ... percipere valeamus.
	Beati illius, quaesumus, domine, precibus adiuvemur, ut tuam semper misericordiam percipere valeamus.
423a	Beati Ioannis baptistae ... sempiternum remedium.
	Beati Ioannis baptistae nos, quaesumus, domine, praeclara comitetur oratio et, quem venturum esse praedixit, poscat ab eo sempiternum remedium.
423b	Beati Ioannis baptistae ... favere placatum.
	Beati Ioannis baptistae nos, domine, praeclara comitetur oratio et, quem venturum esse praedixit, poscat nobis favere placatum.
424	Beati Ioannis evangelistae ... sempiterna concede.
	Beati Ioannis evangelistae, quaesumus, domine, supplicatione placatus, et veniam nobis tribue et remedia sempiterna concede.
425a	Beati Laurentii martyris ... permanet gloriosa.
	Beati Laurentii martyris honorabilem passionem muneribus, domine, geminatis exsequimur, quae, licet propriis sit memoranda principiis, indesinenter tamen permanet gloriosa.
425b	Beati Laurentii martyris ... pariter purificent.
	Beati Laurentii martyris honorabilem passionem geminatis exsequimur muneribus, offerentes, quae et tibi, domine, quaesumus, grata fiant et nos a nostris emundent flagitiis et mente et corpore pariter purificent.
426	Beati Laurentii martyris ... exspectamus adventum.
	Beati Laurentii martyris tui, domine, geminata gratia nos refove(at), qua glorificationis eius et optatis praeimus officiis et desideranter exspectamus adventum.
427a	Beati Laurentii nos ... recolamus efficiat.
	Beati Laurentii nos faciat, domine, passio veneranda laetantes et, ut eam sufficienter recolamus, efficiat.
427b	Beati martyris tui ... dignos efficiat.
	Beati martyris tui Genesii nos faciat, domine, passio veneranda laetantes et, ut eam sufficienter recolamus, dignos efficiat.
428	Beati Marci evangelistae ... reddat acceptos.
	Beati Marci evangelistae tui sollemnitate tibi munera deferentes, quaesumus, domine, ut, sicut illum praedicatio evangelica fecit gloriosum, ita nos eius intercessio et verbo et opere tibi reddat acceptos.
429	Beati Martini confessoris ... conferant sempiternam.
	Beati Martini confessoris tui, domine, nobis patrocinio suffragante, has oblationes offerimus divinae maiestati tuae, deprecantes, ut benigne clementerque suscipias, quae animabus fidelium defunctorum remedium et requiem ac viventibus indulgentiam et salutem conferant sempiternam.
430	Beati Martini pontificis ... semper obtineat.
	Beati Martini pontificis, quaesumus, domine, nobis pia non desit oratio, quae et munera nostra conciliet et tuam nobis indulgentiam semper obtineat.
431	Beati martyris tui ... indesinenter imploret.
	Beati martyris tui illius nos, quaesumus, domine, praeclara comitetur oratio et misericordiam tuam nobis indesinenter imploret.
432	Beati martyris tui ... et precibus.
	Beati martyris tui illius nos, quaesumus, domine, patrociniis collatis non deseras, qui fragilitatem nostram et meritis tueatur et precibus.
433	Beati martyris tui ... et meritis.
	Beati martyris tui illius nos quaesumus, domine, gloriosa merita prosequamur, quae fragilitatem nostram et precibus tueantur et meritis.
434	Beati martyris tui ... esse devotos.
	Beati martyris tui illius nos, quaesumus, domine, precibus adiuvemur et, eius digna sollemnia celebrantes, tuo nomini fac nos semper esse devotos.
435	Beati martyris tui ... reddat acceptos.
	Beati martyris tui illius votivus natalis nobis, quaesumus, domine, iucunditatem suae glorificationis infundat et tibi nos reddat acceptos.
436	Beati martyris tui ... iunge consortiis.
	Beati martyris tui Laurentii, domine, quaesumus, intercessione nos protege et animam famuli tui illius episcopi sanctorum tuorum iunge consortiis.
437	Beati martyris tui ... adversitatibus eruamur.
	Beati martyris tui Symphoriani, domine, nos tuere praesidiis, ut, cuius festivitatem annua devotione recolimus, eius intercessionibus ab omnibus adversitatibus eruamur.
438	Beati Nicolai confessoris ... virtute defende.
	Beati Nicolai confessoris tui atque pontificis, domine, suffragiis adiuti, ab hostium liberemur insidiis atque, caelesti benedictione repletos, tua nos semper virtute defende.
439	Beati nobis quaesumus ... et meritum.
	Beati nobis, quaesumus, domine, Iuvenalis et confessio semper prosit et meritum.
440	Beati nos domine ... et mereri.
	Beati nos, domine, baptistae Ioannis oratio et intellegere Christi tui mysterium postulet et mereri.
441	Beati Otmari confessoris ... laetitia gratuletur.
	Beati Otmari confessoris supplicatione, quaesumus, domine, plebs tua benedictionem percipiat, ut de eius meritis et feliciter glorietur et aeternae societatis laetitia gratuletur.
442	Beati Pancratii martyris ... salvatione capiamus.
	Beati Pancratii martyris tui, domine, intercessione placatus, praesta, quaesumus, ut, quae temporali celebramus actione, perpetua salvatione capiamus.
443	Beati pontificis et ... sancta laetantes.
	Beati pontificis et confessoris tui Zenonis, quaesumus, domine, a malis omnibus gloriosa nos semper merita tueantur, in cuius sollemnitate percepimus tua sancta laetantes.
444	Beati pontificis tui ... sentiamus auxilia.
	Beati pontificis tui Silvestri nos, domine, gloriosa confessio tueatur, ut, dum eius pia celebramus merita, nobis profutura ipsius sentiamus auxilia.
445a	Beati Proti nos ... intercessio tueatur.
	Beati Proti nos, domine, et Hyacinthi foveat pretiosa confessio et pia iugiter intercessio tueatur.
445b	Beati sacerdotis et ... intercessio tueatur.
	Beati sacerdotis et confessoris tui Eustorgii nos, quaesumus, domine, foveat pretiosa confessio et pia iugiter intercessio tueatur.
445c	Beatorum illorum nos ... intercessio tueatur.
	Beatorum illorum nos, domine, foveat pretiosa confessio et pia iugiter intercessio tueatur.
446	Beati sacerdotis et ... sancta laetantes.
	Beati sacerdotis et confessoris tui illius, domine, precibus adiuvemur, pro cuius sollemnitate offerimus munera tibi sancta laetantes.
447	Beati sacerdotis et ... laetemur aeterno.
	Beati sacerdotis et martyris tui Apollinaris annua festivitate ovantes, clementiam tuam supplices exoramus, omnipotens deus, ut, sicut ille ob tanti agonem certaminis triumphali redimitus exsultat corona, ita et nos, orationum illius fulti suffragio, temptationum tela superantes, bravio laetemur aeterno.
448	Beati sacerdotis et ... ubique suffragia.
	Beati sacerdotis et martyris tui Xysti nos, quaesumus, domine, frequentantes sollemnia, et sacerdotalis instruat, te miserante, doctrina et gloriosi martyrii foveant ubique suffragia.
449	Beati Tiburtii nos ... concesseris adiuvari.
	Beati Tiburtii nos, domine, foveant continuata praesidia, quia non desines propitius intueri, quos talibus auxiliis concesseris adiuvari.
450	Beati Xysti domine ... patrocinia gaudiorum.
	Beati Xysti, domine, tui sacerdotis et martyris annua festa recolentes, quaesumus, ut, quae votorum nobis sunt instrumenta praesentium, fiant aeternorum patrocinia gaudiorum.
451	Beatis martyribus supplicantibus ... sperata percipiant.
	Beatis martyribus supplicantibus, domine, fideles tuos propitiatus intende; tui sunt, domine, tibique subiecti; benedictiones tuas, te largiente, iugiter assequantur, quas humiliter et indesinenter exspectant, sed, ut munera collata custodiant, pie iusteque sperata percipiant.
452	Beatissimo spiritus per ... infundere digneris.
	Beatissimo spiritus, per quem condita sunt universa, suppliciter tuas exaudire digneris famulas, pro quibus has tuae porrigimus pietati preces, ut, quemadmodum tuo felici sancto iuvamine optant liberari, ita suffragiis beatissimae matris dei lumen gratiae tuae in earum celeri expeditione infundere digneris.
453	Beatissimi domine martyris ... concedere digneris.
	Beatissimi, domine, martyris tui Genesii sollemnia celebrantes, in conspectu maiestatis tuae hanc offerimus pro delictis nostris hostiam; imploramus igitur immensam clementiam tuam, ut acceptabilis sit tibi et, quaecumque supplices iuste deprecamur, clemens concedere digneris.
454	Beatissimi Leudegarii martyris ... obtinere mereamur.
	Beatissimi Leudegarii martyris tui atque pontificis, quaesumus, domine deus noster, fideli devotione sollemnia celebrantes, concede propitius, ut, qui ei post triumphum martyrii palmam gloriae contulisti, eius interventu medelam tuae propitiationis omnium nostrorum facinorum obtinere mereamur.
455	Beatissimorum confessorum tuorum ... suscipi iubeas.
	Beatissimorum confessorum tuorum, domine, patrocinia postulantes, supplices quaesumus, ut has hostias, quas in honorem eorum offerimus, pia devotione suscipi iubeas.
456	Beatissimorum martyrum tuorum ... intercessores exsistant.
	Beatissimorum martyrum tuorum Donati, Felicis, Arontii et fratrum eorum nos, quaesumus, domine, merita adiuvent et, sicut pro nominis tui gloria suum sanguinem effuderunt, ita et pro nobis, te largiente, intercessores exsistant.
457	Beatissimorum nos quaesumus ... liberare digneris.
	Beatissimorum nos, quaesumus, domine, martyrum tuorum Eustachii cum sociis suis veneranda passio tueatur, ut, sicut illos a ferarum morsibus igniumque cruciatibus eruisti, ita nos quoque a spiritalibus bestiis noxiisque incendiis liberare digneris.
458	Beato confessore tuo ... mentibus serviamus.
	Beato confessore tuo atque pontifice illo intercedente, quaesumus, omnipotens deus, munera suscipe et ab omnibus nos peccatis propitiatus absolve, ut, percepta venia peccatorum, liberis tibi mentibus serviamus.
459a	Beatorum apostolorum domine ... sancta laetantes.
	Beatorum apostolorum, domine, quaesumus, intercessione nos adiuva, pro quorum sollemnitate percepimus tua sancta laetantes.
459b	Beati apostoli tui ... sancta laetantes.
	Beati apostoli tui Iacobi, cuius hodie festivitate corpore et sanguine tuo nos refecisti, quaesumus, domine, intercessione nos adiuva, pro cuius sollemnitate percepimus tua sancta laetantes.
460a	Beatorum martyrum et ... supplicationibus consequantur.
	Beatorum martyrum et consessorum illorum vel, quorum hodie natalicia celebratur, intercedentibus meritis, quaesumus, domine, gratia tua nos protege et famulis vel famulabus tuis, qui nobis eleemosynas suas condonaverunt, tam vivis quam et defunctis, seu iter agentibus vel domo residentibus misericordiam tuam, domine, ubique praetende, ut, ab omnibus impugnationibus defensi, tua opitulatione salventur et indulgentiam, quam semper optaverunt, piis supplicationibus consequantur.
460b	Beatorum apostolorum martyrum ... supplicationibus consequantur.
	Beatorum apostolorum, martyrum et confessorum, virginum et omnium sanctorum tuorum, quaesumus, domine, intercessionibus nos protege et famulis et famulabus tuis, quorum commemorationem agimus, misericordiam tuam ubi que praetende, ut, ab omnibus impugnationibus defensi, tua opitulatione salventur et animabus famulorum famularumque tuarum, quorum nomina ante sanctum altare tuum scripta esse videntur, quorum nomina et numerum tu solus, domine, cognoscis, cunctorum tribue remissionem peccatorum, ut indulgentiam, quam semper optaverunt, piis supplicationibus consequantur.
461	Beatorum apostolorum domine ... tegimur principatu.
	Beatorum apostolorum, domine, Petri et Pauli desiderata sollemnia recensentes, praesta, quaesumus, ut eorum supplicationibus muniamur, quorum tegimur principatu.
462	Beatorum apostolorum nos ... principibus gloriatur.
	Beatorum apostolorum nos, domine, quaesumus, continua oratione custodi, ut iisdem suffragatoribus dirigatur ecclesia, quibus principibus gloriatur.
463	Beatorum confessorum domine ... concedas fidelibus.
	Beatorum confessorum, domine, natalicia praeeuntes, supplices te rogamus, ut, quos caelesti gloria sublimasti, tuis adesse concedas fidelibus.
464	Beatorum confessorum tuorum ... meruerunt honorari.
	Beatorum confessorum tuorum, domine, Remigii, Germani, Vedasti, Bavonis, Wasnulfi atque Piati gloriosa confessio nobis piae devotionis augmentum conferat, qui, in tuo nomine fidentes, meruerunt honorari.
465	Beatorum martyrum pariterque ... atque laetificet.
	Beatorum martyrum pariterque pontificum Cornelii et Cypriani nos, domine, quaesumus, festa tueantur et eorum commendet oratio veneranda atque laetificet.
466a	Beatorum martyrum domine ... experiamur auxilio.
	Beatorum martyrum, domine, Saturnini et Chrysanthi adsit oratio, ut, quos obsequio veneramur, pio iugiter experiamur auxilio.
466b	Beatae Mariae semper ... experiatur auxilio.
	Beatae Mariae semper virginis, domine, quaesumus, adsit ubique oratio, ut, quam devoto plebs tua veneratur obsequio, suffragari sibi pio iugiter experiatur auxilio.
467	Beatorum martyrum tuorum ... iugiter sentiamus.
	Beatorum martyrum tuorum, domine, Crispini et Crispiniani festivitate laetantes, te suppliciter deprecamur, ut, quos in caelesti gloria novimus fulgere, pro nobis intercedere iugiter sentiamus.
468	Beatorum martyrum tuorum ... satisfaciat miseratio.
	Beatorum martyrum tuorum, domine, Maximiani, Malchi et Martiniani eorumque sociorum nos praeclara attollat interventio et praesta, ut illis digna sit nostra veneratio et per eos necessitati nostrae tua semper satisfaciat miseratio.
469	Beatorum martyrum tuorum ... suffragio consoletur.
	Beatorum martyrum tuorum Donati et Carpophori nos, quaesumus, domine, corona laetificet et fidei nostrae praebeat incitamenta virtutum et multiplici nos suffragio consoletur.
470	Beatorum martyrum tuorum ... defende periculis.
	Beatorum martyrum tuorum Faustini et Iovittae oblata, quaesumus, domine, honore munera suscipe et nos eorum meritis a cunctis defende periculis.
471	Beatorum martyrum tuorum ... meritis protegamur.
	Beatorum martyrum tuorum nos, domine, precibus et intercessione defende, ut, qui nostrae conscientiae fiduciam non habemus, placentium tibi meritis protegamur.
472	Beatorum martyrum tuorum ... nostrorum remissio.
	Beatorum martyrum tuorum Timothei et Apollinaris, domine, intercessione placatus, concede, quaesumus, ut sacramenti tui veneranda perceptio fiat omnium peccatorum nostrorum remissio.
473a	Beatorum Petri et ... et meritis.
	Beatorum Petri et Pauli honore continuo plebs tua semper exsultet et his praesulibus gubernetur, quorum et doctrinis gaudet et meritis.
473b	Beatorum apostolorum Philippi ... et meritis.
	Beatorum apostolorum Philippi et Iacobi honore continuo, domine, plebs tua semper exsultet et his praesulibus gubernetur, quorum et doctrinis gaudet et meritis.
474a	Beatus Andreas pro ... periculis eruamur.
	Beatus Andreas pro nobis, domine, quaesumus, imploret apostolus, ut, nostris reatibus absoluti, cunctis etiam periculis eruamur.
474b	Beatus apostolus tuus ... periculis eruamur.
	Beatus apostolus tuus ille, domine, quaesumus, te pro nobis imploret, ut, a nostris reatibus absoluti, a cunctis etiam periculis eruamur.
475	Beatus levita Stephanus ... meruit coronari.
	Beatus levita Stephanus, domine, nobis mysterium, quod sumpsimus, efficiat salutare, qui post mortem filii tui laurea martyrum primus meruit coronari.
476	Beatus martyr Stephanus ... possit audiri.
	Beatus martyr Stephanus, domine, quaesumus, pro fidelibus tuis suffragator accedat, qui, dum bene sit tibi placitus, pro his etiam possit audiri.
477	Beatus martyr tuus ... patrocinia sentiamus.
	Beatus martyr tuus Blasius, domine, nobis misericordiae tuae imploret auxilium, ut, cuius festa celebramus, eius apud te patrocinia sentiamus.
478	Beatus martyr tuus ... tueatur intercessione.
	Beatus martyr tuus, domine, Bonifatius cum sociis suis, qui , te in sua glorificavit passione, nos sua tueatur intercessione.
479	Beatus Maurilio confessor ... copiosius audiatur.
	Beatus Maurilio confessor tuus atque pontifex sua nos, domine, depositione laetificet et, pro nobis tibi supplicans, copiosius audiatur.
480a	Beatus Pantaleon martyr ... intercessione libamina.
	Beatus Pantaleon martyr tuus, domine, qui, diversis suppliciis maceratus, vera et viva factus est hostia, haec, quae tibi offerimus, ad salutem nostram gratificet sua intercessione libamina.
480b	Beatus Pantaleon martyr ... gratificet libamina.
	Beatus Pantaleon martyr tuus, domine, qui, diversis suppliciis maceratus, viva et vera facta est oblatio, haec tibi ad salutem nostram gratificet libamina.
481a	Beatus sacerdos et ... consequi mereamur.
	Beatus sacerdos et confessor tuus ille, quaesumus, domine, sua nos intercessione apud te commendet, ut, tibi placito fulti suffragio, quam precamur, indulgentiam peccatorum consequi mereamur.
481b	Beati sacerdotis et ... consequi mereamur.
	Beati sacerdotis et confessoris tui Udalrici, quaesumus, domine, tibi nos intercessio gloriosa commendet, ut, eius suffulti suffragio, quam precamur, indulgentiam peccatorum consequi mereamur.
481c	Beatus ille martyr ... indulgentiam consequamur.
	Beatus ille martyr, quaesumus, domine, pia nos intercessione commendet, ut, tibi placito fulti suffragio, quam non meremur, indulgentiam consequamur.
482	Beatus sacerdos et ... sollemnitate gaudere.
	Beatus sacerdos et confessor tuus ille, quaesumus, domine, sua nos intercessione laetificet et pie faciat in sua sollemnitate gaudere.
483	Benedic anima mea ... nomina recitantur.
	Benedic, anima mea, domino et, tota fidelis Christo plebs, gaudia religiosae gratulationis exsequere; amisit vetustas opprobrium, mors aculeum, custodia reum, catena damnatum. Non nobis in praeiudicio caro rebellis adsurgat; non in dominatum sanguis parricidalis iure criminis intumescat. Homo est, qui perdidit; deus, homo factus, est, qui redemit. Maiorem tibi exegit, domine, pietatem nostra calamitas, quam perdiderat protoplaustorum effusa libertas. Tunc servi dicebamur futuri, nunc filii. Tunc oboedientibus immortalitas promittebatur, nunc augetur et dignitas. Tunc portio habenda cum deliciis, nunc communio futura cum angelis. Tunc cum creatura vivendum, nunc cum creatore regnandum. Tunc evitandus diabolus, nunc et subiciendus edicitur. Tunc erat admonitio de cautela praecepti, nunc hortatio de pompa iudicii. Tunc proponebatur in lege metus, nunc in voluntate suggestus. Tunc non licuit paradisum habere per culpam, nunc caelum sperare datur per gratiam. Melius ergo, multoque melius crevimus post ruinam. Propter quod humillimi sine cessatione rogamus, ut, donec nos tua curatione perficias, nostris tuam vulneribus non subtrahas medicinam. Quia tu es deus noster, ante cuius conspectum angelorum gloria, apostolorum et martyrum nomina recitantur.
484	Benedic domine coronam ... dulcedinis redundemus.
	Benedic, domine, coronam anni benignitatis tuae, ut et campi tui ubertate pinguedinis repleantur et nos, qui in convalle plorationis consistimus, abundantia pacis ac dulcedinis redundemus.
485	Benedic domine hanc ... pervenire mereantur.
	Benedic, domine, hanc familiam tuam in caelestibus et reple eam donis tuis spiritalibus; concede eis caritatem, gaudium, pacem, patientiam, bonitatem, mansuetudinem, spem, fidem, continentiam, ut, repleti omnibus donis tuis, desiderantes ad te pervenire mereantur.
486	Benedic domine huic ... purifica voluntatem.
	Benedic, domine, huic hostiae, in honorem tui nominis tibi oblatae, et sumentium ex ea sanctifica mentem et purifica voluntatem.
487	Benedic domine nostrae ... benedictionis attolli.
	Benedic, domine, nostrae abstinentiae votum; inspice petitionis effectum. Suscipiens quoque hoc sacrificium, dona cunctis, ex eo sumentibus, et criminibus expiari et copia benedictionis attolli.
488	Benedic quaesumus domine ... sanctificata permaneant.
	Benedic, quaesumus, domine, hoc sacrificium nostrum, quo per eum et peccata dispereant et nostrorum votorum ieiunia coram te sanctificata permaneant.
489	Benedic quaesumus domine ... defensionis auxilium.
	Benedic, quaesumus, domine, plebem tuam et beati Petri apostoli tui precibus tribue consequi tuae defensionis auxilium.
490	Benedic quaesumus domine ... sperare donasti.
	Benedic, quaesumus, domine, plebem tuam et, sanctorum tuorum deprecationibus confidentem, tribue consequi, quod sperare donasti.
491a	Benedicat vos deus ... caritate locupletet.
	Benedicat vos deus omni benedictione caelesti sanctosque ac puros efficiat in conspectu suo; superabundent in vos divitiae gloriae eius, verbo veritatis instruat et evangelio salutis erudiat omniumque sanctorum caritate locupletet.
491b	Benedicat vos deus ... complacere valeatis.
	Benedicat vos deus omnipotens omni benedictione caelesti efficiatque vos dignos in conspectu suo; superabundet in vobis divitias gloriae suae et erudiat vos verbo veritatis, ut ei corpore pariter et mente complacere valeatis.
492	Benedicimus domine misericordias ... patrocinia sentiamus.
	Benedicimus, domine, misericordias tuas, qui nos incessabiliter beati apostoli tui Petri sinis commemoratione foveri, suppliciter exorantes, ut, cuius sollemnia gerimus, patrocinia sentiamus.
493	Benedicte deus et ... et coronati.
	Benedicte deus et pater universitatis et substantiae omnis creator, condens unicuique naturae demutabilem legem et ipse liber a lege naturae, mortem perimens, diabolum infirmans, malitiam exstinguens, sanctificationem tribuens, immortalitatem perficiens et infirmitatem expellens atque immensitatem tuam capacem fidelium tibi animarum accommodans sanctitati. Qui ad depellendos mundi huius errores et omnem malignae potentiae naturam coarguendam, verbum et virtutem et sapientiam tuam, deum ac dominum nostrum Iesum Christum filium tuum consortem caducae carnis nostrae esse voluisti. Per quem tibi gratias agimus ob hunc verum et consummatum et ad salutem generis humani pretiosa sua passione perfectum paschae diem, in quo inferos adiit, mortem vicit, diabolum coarguit et leges tartari solvit; in homine suo, a quo mortis condicione discesserat, coexcitaturus universae carnis, quae in se esset generanda, naturam. Ob quod facito nos, omnipotens pater, ut hunc sanctum in progenies et memorabilem in generationem diem confitentes, non in amaritudine veterum azimorum neque in anterioris malitiae fermento sed in nova et sincera renatae innocentiae conspersione celebremus, liberati et regenerati, sanctificati et coronati.
494a	Benedictio domine quaesumus ... largiter consequantur.
	Benedictio, domine, quaesumus, in tuos fideles copiosa descendat et, quam subiectis cordibus expetunt, largiter consequantur.
494b	Benedictio quaesumus domine ... benignus impendis.
	Benedictio, quaesumus, domine, in tuos fideles copiosa descendat et, quam subiectis cordibus expetunt, largiter consequantur, quoniam, sicut superbis resistis, sic humilibus tuis gratiam benignus impendis.
494c	Benedictio tua domine ... largiter consequar.
	Benedictio tua, domine, quaesumus, mihi famulo tuo copiosa descendat et, quam subiectis cordibus expeto, largiter consequar.
495a	Benedictio tua deus ... patrocinantibus assequamur.
	Benedictio tua, deus, impleat corda fidelium talesque perficiat, qui et martyrum honorificent passiones et remedia salutis aeternae, iisdem patrocinantibus, assequamur.
495b	Benedictio tua domine ... patrocinantibus assequamur.
	Benedictio tua, domine, quaesumus per haec sancta mysteria tuorum impleat corda fidelium, ut et sanctorum martyrum tuorum Gervasii et Protasii honorificent passiones et remedia salutis aeternae, quae expetunt, iisdem patrocinantibus, assequamur.
496	Benedictio tua domine ... dona conciliet.
	Benedictio tua, domine, beati Benedicti confessoris intercessione super has hostias descendat, quae et benedictionem nobis clementer operetur et beatae immortalitatis dona conciliet.
497a	Benedictio tua domine larga descendat quae munera nostra deprecante beata Euphemia ... redemptionis efficiat.
	Benedictio tua, domine, larga descendat, quae munera nostra, deprecante beata Euphemia, tibi reddat accepta et nobis sacramentum redemptionis efficiat.
497b	Benedictio tua domine larga descendat quae munera nostra deprecante sancto Marco ... redemptionis efficiat.
	Benedictio tua, domine, larga descendat, quae munera nostra, deprecante sancto Marco consessore tuo atque pontifice, tibi reddat accepta et nobis sacramentum redemptionis efficiat.
497c	Benedictio tua domine larga descendat quae et munera nostra deprecantibus ... redemptionis efficiat.
	Benedictio tua, domine, larga descendat, quae et munera nostra, deprecantibus sanctis tuis, tibi reddat accepta et nobis sacramentum redemptionis efficiat.
498	Benedictio tua domine ... operante salvetur.
	Benedictio tua, domine, super populum supplicantem copiosa descendat, ut, qui, te factore conditus, te est reparatus auctore, te iugiter operante salvetur.
499	Benedictionem domine nobis ... virtute perficiat.
	Benedictionem, domine, nobis conferat salutarem sacra semper oblatio, ut, quod agit mysterio, virtute perficiat.
500	Benedictionem tuam domine ... operare fidelibus.
	Benedictionem tuam, domine, his confer muneribus et sanctorum Chrysanthi et Dariae virginis precibus misericordiae tuae munus in tuis operare fidelibus.