Moeller, Eugenius OSB – Clément, Ioannes Maria – Coppieters ‘t Wallant, Bertrandus: Corpus orationum.
Brepols, Turnhout 1993–2004. (Corpus Christianorum Series Latina 160 A–M)
| 6501 | Accepturi fratres carissimi ... mereamur ... |
| Accepturi, fratres carissimi, intra mortalia viscera caeleste sacrificium et intra cubiculum humani pectoris hospitem deum, mundemus conscientias nostras ab omni labe vitiorum, ut nihil sit in nobis subdolum vel superbum sed in humilitatis studium et caritatis adsensum per escam et sanguinem dominici corporis fraternitas copuletur, ut cum magna fiducia dicere mereamur: ... | |
| 6502 | Accipe deus nostrorum ... terris ... |
| Accipe, deus, nostrorum confessionem labiorum omniumque ligamenta solve facinorum, quo huius virginis tuae Leocadiae prece et vitiis careamus et muneribus ampliemur, cum ad te proclamaverimus e terris: ... | |
| 6503 | Ad fontem lucis ... terris ... |
| Ad fontem lucis et originem bonitatis, te, summe deus, concurrentes, precamur, ut arentem ieiunio carnem tuae foveas castitatis amore; effectum quoque nobis donans petitionis, exaudi nos de caelis, cum ad te proclamaverimus e terris: ... | |
| 6504 | Ad terribilem thronum ... terris ... |
| Ad terribilem thronum altaris cursu concito, pater omnipotens, properantes, vestigia Agni viventis cum lacrimis osculantes, unguentorum ac fletuum libamenta offerimus. Poscimus itaque, piissime deus, ut paenitentiae fletibus omnium peccata laventur et indulgentiali unguento ossa ecclesiastici corporis solidentur, quo possimus omnes cum renatis infantibus respirare et cum mortuis suscitatis Ierusalem caelestem, medullata portantes sacrificia, introire, proclamantes e terris: ... |
|
| 6505 | Aeterne dei filius ... proclamemus ... |
| Aeterne dei filius domine Iesu, quem Stephanus, dum lapidaretur, ut eius susciperes, invocat; quem positis genibus pro inimicis exorat, tu nos facito et amicos in te fidenter diligere et pro inimicis te sinceriter postulare, quo, dum debentibus nobis ex corde dimittimus, ea, quae praecepisti, fiducialiter proclamemus: ... | |
| 6506 | Agnosce domine verba ... dicere ... |
| Agnosce, domine, verba, quae praecepisti; ignosce praesumptioni, quam imperasti; ignorantia est enim non nosse meritum, contumacia non servare praeceptum, quo iubemur dicere: ... | |
| 6507 | Apostolo tuo Iacobo ... terris ... |
| Apostolo tuo Iacobo, domine, edocente, praemonimur, ut, si quis nostrum indiget sapientia, postulet a te, qui das omnibus affluenter et non improperas. Sed, quia ad te pervenire cupimus per Christum, qui est virtus tua et sapientia, id agere praeoptamus, poscentes clementiam tuam, ut per eum, qui apud te advocatus factus est noster, et pervenire nos ad te facias et orationem, quam, ipso domino instruente, didicimus, ad te introire permittas, proclamantes e terris: ... | |
| 6508 | Attende domine nostram ... terris ... |
| Attende, domine, nostram propitius precem et iter famulorum tuorum illorum in prosperitate et salute dignare dirigere, quo et illis et nobis prospera impetremus, cum ad te nunc proclamaverimus e terris: ... | |
| 6509 | Attendite dilectissimi fratres ... dicentes ... |
| Attendite, dilectissimi fratres, quid sanctorum oratio valeat quidve pro impiis oppositae iustorum intercessiones obtineant, cum, orante Urbano, et virginis Caeciliae vota implentur et Valeriani atque Tiburtii fides, aucta martyrii gloria, decoratur. Proinde, extensis ad caelum palmis, petamus nobis auxilium de supernis, invocantes eum ex pietate patrem, quem terribilem venturum expavescimus iudicem. Profecto etenim erit per illum nobis vita aeterna, per quem virgo Caecilia non fuit in ardoribus concremata. Qui enim illos, in martyrii certamine positos, exaudivit, exaudiet nos, cum ad eum fuderimus clamorem gemitus nostri, proclamantes atque ita dicentes: ... |
|
| 6510 | Audi domine vocem ... terris ... |
| Audi, domine, vocem nostri clamoris et effectum dona petitionibus nostris abstinentiae labore. Adiutor esto promptissimus et in periculis liberator assiduus. Pelle a nobis dolum, interime vitium, praesta alternae dulcedinis incrementum, ut, cum ea, quae praecipis, impleverimus, in nullo confundamur, cum ad te proclamaverimus e terris: ... | |
| 6511 | Auxilium misericordiae tuae ... proclamemus ... |
| Auxilium misericordiae tuae nobis petentibus, domine deus omnipotens, semper impertire ac solita pietate sacrificia, quae offerimus, propitiatus accepta. Scimus enim, pie domine, quod non vis mortem peccatoris sed, ut revertamur et vivamus, prophetica admones voce. Et inde, omnipotens deus, qui operis confessionem superne holocaustum amplectaris, quaesumus, ut cordis nostri gemitum libens accipias et oris nostri confessionem tibi placitam efficias, ut digne tibi proclamemus: ... |
|
| 6512 | Christe amator castitatis ... dicamus ... |
| Christe, amator castitatis et collator aeternae possessionis, qui beatissimum martyrem Iulianum, ad te pro corpore exanimato clamantem, exaudire dignatus es, precibus eius per caelestem vocem sine mora respondens, quod eundem dilectum tuum in nullo contristari volueris, in quo sic ipse cum patre et spiritu sancto laetabaris, tu nobis concede, ut ita in veritate vivamus, ne sanctum spiritum contristemur, in quo signati sumus, quo, ab eo per momenta compuncti et recreati, per eum tibi relatura exhibeamus orandi verba, quae ipse nos docuisti, ut dicamus: ... | |
| 6513 | Christe dei filius cuius ... e terris ... |
| Christe dei filius, cuius testimonio instructi manemus, eo quod unaquaeque anima ad suum tutamentum custodem habeat angelum deputatum, quaesumus, ut, assidue nobiscum manente angelo pacis, procul efficiatur refuga ille quondam angelus auctor iniquitatis, ut, corde et corpore purificati, ad corporis et sanguinis tui sacramenta mereamur accedere beatificandi. Et sic aurem cordis tuis inclinemus praeceptis, ut semper ad te fiducialiter clamemus e terris: ... | |
| 6514 | Christe dei filius qui ... e terris ... |
| Christe dei filius, qui victoriam martyris in ultionem persecuturum eius propagatam ostendis, dum, eo superstite, et paratos ignes exstinguis et cruentos carnifices perimis, conceptum in nobis fomitem exstingue libidinis et flammas tuae incende perpetuae caritatis, quibus respersi per momenta in intimis, ad te et verbis et cordibus proclamemus e terris: ... | |
| 6515 | Christe deus in ... tamen pro peccatoribus oblatus es deo patri in sacrificium respice gemitum nostrum suscipe humilitatis nostrae ieiunium ut qui nos a te ob proximitatem festivitatis tuae mortis sanctificari volumus sanctificationem tuae gratiae impetrasse nos |
| Christe deus, in quo non est inventum peccatum et <qui>tamen pro peccatoribus oblatus es deo patri in sacrificium, respice gemitum nostrum, suscipe humilitatis nostrae ieiunium, ut, qui nos a te ob proximitatem festivitatis tuae mortis sanctificari volumus, sanctificationem tuae gratiae impetrasse nos gratulemur: ... | |
| 6516 | Christe deus qui ... promereamur ... |
| Christe deus, qui ieiunii non renuis votum, qui nobis per te magnum abstinendi praebuisti exemplum quique docuisti te per orationem petere, per lectionem quaerere, eleemosynis etiam vel lacrimis propulsare, accipe nostram petitionem, quae in nobis et amorem lectionis enutriat et lacrimas nostras tibi commendabiles reddat, ut, cum te petierimus orando, te nos invenisse gratulemur quaerendo, cumque lacrimando pulsaverimus, a te exaudiri promereamur: ... | |
| 6517 | Christe deus qui per ... e terris ... |
| Christe deus, qui per apostolum tuum oris confessionem ad salutem prodesse dixisti, confessoris tui illius precibus consule nostrae saluti, ut, cum ea, quae corde credimus, ore professi fuerimus, a te exaudiri ocius mereamur e terris: ... | |
| 6518 | Christe deus qui virginali ... e terris ... |
| Christe deus, qui, virginali prodiens ex utero, novum hodie lumen apparuisti in mundo, agnitus in stella, adoratus per munera, ciba nos favo mellis et sermonibus bonis, orationibus iustis ac responsionibus pietatis, ut dulcedo auditus tui sanitas sit animae vel corporis nostri, ut, gustantes et videntes, quam suavis es, domine, nequaquam percogamur ad amaritudinem saeculi declinare sed, caelestibus suspensi oraculis, cordibus et vocibus per te patrem impetremus e terris: ... | |
| 6519 | Christe Iesu bone ... praecepisti ... |
| Christe Iesu bone, qui ad patrem de cruce clamasti, tu nos, in hac die, qua ipse de tumulo surrexisti, ad te clamantes, exaudi, quo resurrectionis tuae hilaritate gaudentium ora repleantur iubilo laudis et corda effectum percipiant exorationis, cum nunc exoraverint ea, quae praecepisti: ... | |
| 6520 | Christe qui beatissimis ... terris ... |
| Christe, qui beatissimis apostolis tuis orandi praecepta instituis, praesta, ut, suffragio apostoli tui Thomae digni effecti, ipsa tua deifica verba proclamantes, mereamur exaudiri e terris: ... | |
| 6521 | Christe qui es ... terris ... |
| Christe, qui es omnium creaturarum conditor et redemptor, repara, quaeque sunt in nobis lassa, virtutis tuae potentia, ut, qui, te duce, retroactae abstinentiae dies peregimus, futura, quae supersunt, ieiuniorum obsequia, te adiuvante, celebrius impleamus, quo te et in bonorum principiis laus, a nobis debita, subsequatur et in mediis vel ultimis obsequelis honorificentiae tibi gratiae deferantur. Accipe igitur, quaesumus, huius ieiunii tempore mediante, prolatam a nobis hanc praeceptionis tuae hostiam, tribuens nobis per illam et praesentibus non deici in aerumnis et futuris relevari de gaudiis, cum ad te proclamaverimus e terris: ... |
|
| 6522 | Christe qui humani ... proclamaverimus ... |
| Christe qui humani conservator es corporis et collator dignitatis, conserva nos beneficiis profluis et miserationibus consuetis, quo, sicut praedicti martyris corpus sub erecta fastigii tecta digne sepeliri promeruit, ita nos, te miserante obtecti, mercamur per omnia exaudiri, cum ea, quae praecipis, proclamaverimus: ... | |
| 6523 | Christe salus omnium ... dicere ... |
| Christe salus omnium, concede cordi nostro pietatis affectum, quo, te veridicente, et carnis nostrae tympanum per abstinentiam pungat et mens per multiplicem dilectionem exorare non desinat oratione, qua nos docuisti orare et dicere: ... | |
| 6524 | Christe vita nostra ... audiri ... |
| Christe, vita nostra, vitis vera, saturitas sempiterna, refice inediam nostram. Da nobis dulcedinem tuam, qua satiati et compuncti, futuros ieiuniorum labores expediamus interriti et in hoc parsimoniae nostrae initio mereamur a te audiri: ... | |
| 6525 | Ciba nos domine ... biberimus ... |
| Ciba nos, domine, pane salutis et poculo benedictionis, ut eo amplius te sitiamus, quo affatim de tuis visceribus biberimus: ... | |
| 6526 | Clemens immense et ... terris ... |
| Clemens, immense et admirabilis deus, cui omnia elementa famulantur et omnes elationes maris deserviunt, libera nos de aquis multis et de manu filiorum alienorum, ut, qui per te renati sumus ex aqua et spiritu sancto, non patiamur ab ethnicis et irregeneratis divelli a sancto proposito, sed arcum eorum inconvertibilem contere, sagittas destrue, pharetras retrude, gladios perime, lanceas divelle, consilia, quae in nobis agunt maligna, confunde et in ipsis, si credere noluerint, ea ipse retorquendo converte atque semper fidei scuto nos protege. Qualiter, qui hic propter nomen filii tui novum, quem in margaritam fulgidam, id est, in calculum candidum scripsisti, diversa a gentibus sustinemus opprobria, portamus infanda ludibria, illic pro fide, qua credimus, et pro ea, quidquid ad mendicitatem et mortem distrahimur, concedatur remissio peccatorum et potiatur infinitus locus iustorum, cum ea, quae, filio tuo docente, didicimus, proclamaverimus e terris: ... |
|
| 6527 | Cogitationes et delicta ... terris ... |
| Cogitationes et delicta nostra cernentes, non cruentas tibi, domine, victimas immolamus et simplicibus votis tibi sempiterni sacerdotis corpus offerimus. Memorare itaque, domine, quid pro nobis pertulerit, qui peccata nostra portavit. Indue ergo nos iustitiae stola, ut incena tua sine veste nuptiali nullus adcumbat gaudiisque caelestibus novi testamenti convivium floreat. Procul absit dolus, quo deceptus est malus ille discipulus. Sit omnibus fides vera, spes certa et caritas pura, ut spiritalibus sacramentis non damnetur conscientia sed, per pacis caritatisque tuae dulcedinem ab omnibus emundati vitiis, ad te proclamemus e terris: ... |
|
| 6528 | Completis domine sacrificiorum ... dicentes ... |
| Completis, domine, sacrificiorum tuorum pro tua laude et nostra salute mysteriis, plenam nos habere tuam gratiam praesta, ut, quia nostrum non agnoscimus meritum sed tuum praeceptum, audeamus tibi proclamare, dicentes: ... | |
| 6529 | Concede domine famulis ... dicere ... |
| Concede, domine, famulis tuis, ut orantes cum fiducia dicamus, sicut ipse iubere dignatus es dicere: ... | |
| 6530 | Congregati universi fratres ... dicere ... |
| Congregati universi, fratres carissimi, qui, in peccatorum mole depressi et mundanis onerati cogitationibus, suspiramus, consideremus, qualiter noster mediator ignominiosam deportans ad mortem sustulit manibus crucem, nihil persequentibus aut interrogantibus inimicis respondens sed humilitate piissima, dum pro nostris laboraret iniquitatibus, tacens. Ob hoc ergo, quia mitis et humilis corde est, discamus in hoc, quid oporteat fieri. Mortificemus cum vitiis membra nostra, crucifigamus desideria carnalia, resurgamus in anima, sicut ille iustus surrexit in gloria, quia tunc paschalis unanimiter poterit honorari sollemnitas, cum haec sacrificia eidem deo summo vitae nostrae commendaverit probitas, qui nos, in terris positus, sic docuit orare et dicere: ... |
|
| 6531 | Confortamini manus fatigatae ... dicere ... |
| Confortamini, manus fatigatae; roboramini, pusillanimes; hilarescite et nolite timere; extollite ad deum manus vestras et excitate corda, quia ecce iam in proximo est redemptio nostra. Cuius incarnatio nos redemit, cuius processio nativitatis illuminavit cuiusque etiam praeceptum nos docuit orare semper et dicere: ... |
|
| 6532 | Conscientiarum nostrarum errore ... dicimus ... |
| Conscientiarum nostrarum errore suspecti vel peccatorum recordatione confusi, omnipotens deus, indignos nos ad invocationem tui nominis iudicamus, ut orationem, quam praecepisti, dicere audeamus, sed, quia permittis, et dicimus: ... | |
| 6533 | Conserva nos domine ... instituisti ... |
| Conserva nos, domine, in timore nominis tui, qui societatem trium martyrum tuorum Fausti, Ianuarii et Martialis inimici persuasionibus non passus es dividi. Quique illorum animas post eculeum inter flammas suscepisti, nostras voces post libitus carnis inter commotiones saeculi fluctuantis exaudi, cum ea ad te nunc proclamaverimus, quae nobis ipse instituisti: ... | |
| 6534 | Cum ex lege ... terris ... |
| Cum ex lege tua, domine, noverimus in memoria aeterna esse iustum, non pro illius sed pro nostri commendatione hoc tibi offerimus holocaustum, petentes, ut, qui eius animam fecisti in passione victricem, nostrum votum efficias in confessione victorem, quo, eodem suffragante, clamorem nostrae accipias vocis, cum ad te proclamaverimus e terris: ... | |
| 6535 | Da pacem domine ... docuisti ... |
| Da pacem, domine, tribue caritatem, impertire gratiam, ut cum fiducia dicamus ea, quae docuisti: ... | |
| 6536 | Descendat domine ad ... terris ... |
| Descendat, domine, ad nos spiritus sanctus, per, quem et mundata pectora nostra cum eo ipse possideas et institutam a te orationem suscipias, ut ita non per nos sed per illum nostra accipias postulata, sicut per illum non per nos nostra deles facinora, quo, eo, qui tecum et cum patre regnat aequalis, interpellante pro nobis, per eum ad te proclamemus e terris: ... | |
| 6537 | Desiderantes Christe deus ... dicimus ... |
| Desiderantes, Christe deus, mundi pervenire ad cenam tuam, postulamus, ut nostra iubeas abolere peccata tribuasque nobis munditiam carnis atque spiritus, pellens a corde dolum, a carne libitum, a lingua mendacium, ab actu scandalum; renovando nos gloria passionis, vulnere crucis atque gloria resurrectionis, quo, largam impendens misericordiam miseris ieiuniumque acceptans nostrae humilitatis, exaudies vocem nostri clamoris, quo dicimus: ... | |
| 6538 | Deum cuius magnitudo ... dicamus ... |
| Deum, cuius magnitudo divinitatis capi non potest quique sine initio deus summus et pater est, deprecemur, dilectissimi fratres, ut idem pater, qui nasci filium suum voluit ex utero virginis matris, mundet nos ab omni inquinamento carnis et sanguinis, quo, sicut divina obumbratione concepit virgo, ut pareret, ita nos, divina inspiratione accensi, conceptum sancti spiritus, quem, domino nostro Iesu Christo docente, accepimus, proferamus publice et dicamus: ... | |
| 6539 | Deum qui est ... terris ... |
| Deum, qui est resurrectio mortuorum et vita animarum fidelium, fratres carissimi, deprecemur, ut mundet nos propitius a peccatis nostris et a passionibus liberet, quatenus, bonorum filiorum in numero copulati, idoneo ad eum corde clamemus e terris: ... | |
| 6540 | Deum vitae nostrae ... dicentes ... |
| Deum, vitae nostrae auctorem, fratres carissimi, et creatorem rerum omnium dominum agnoscentes, pietatem eius supplici confessione poscamus, ut et peccatis nostris clementer ignoscat et ex toto cordis affectu ad se semper clamare nos faciat, ita dicentes: ... | |
| 6541 | Deus a quo ... terris ... |
| Deus, a quo docente nos spiritu paterno tuo sancto, te nomine invocare praesumimus, crea in nobis fidelium corda filiorum, ut promissam hereditatem mereamur ingredi per debitam servitutem, clamantes e terris: ... | |
| 6542 | Deus a quo ... dicere ... |
| Deus, a quo unicus tuus in hunc mundum missus ac pro nobis in cruce suspensus, nostrae redemptionis pretium dedit sanguinem suum, ut, reconciliati per eius mortem, filiorum apud te promereremur adoptionem, eiusdem nostri mediatoris obtentu nobis, nec merentibus, tribue, ut possimus te patrem fiducialiter appellare et orationem, quam, ipso docente, didicimus, ad te non solum vocibus sed et meritis proclamare et dicere: ... | |
| 6543 | Deus aeterne qui ... dicentes ... |
| Deus aeterne, qui beatissimos martyres tuos Fructuosum, Agorium et Eulogium igne examinasti eorumque animas, perustis membris, ad aeternam requiem perduxisti, dum in illis tribus Trinitas vera inhabitas, quos, unitos in passione, unitas sancta coronas, respice nos de excelso throno gloriae tuae, dans nostris criminibus finem et terrae nostrae finibus pacem. Ardeamus spiritu, sanctificemur ex actu; operemur iustitiam, teneamus et castimoniae disciplinam, ut eo fervore cordis, quo te praedicti martyres, in medio ignis positi, laudaverunt, nos quoque, institutionis divinae oraculum compuncti, coram te depromere mereamur, ita dicentes: ... |
|
| 6544 | Deus auctor caelestium ... terris ... |
| Deus, auctor caelestium et terrestrium et sanctorum remunerator piissimus omnium, qui ante mundi constitutionem apostolos eligis, quos, acquisitos cruore, vel a populo instituis, ut ipsi ostenderent populo caerimonias et colendi te ritus demonstrarent hominibus, in quibus abs te datus requiescit spiritus sanctus, et per ipsos fundares ecclesiam; in quorum vocatione tuam demonstras gratiam gratuitam; et ipsi regni caelorum acciperent claves, quos tecum, cum ad iudicandum sederis supra sedem maiestatis tuae, duodecim tribus Israel constituis iudices, nobis, quaesumus, sancti Matthaei apostoli et evangelistae vel martyris memoriam celebrantibus, adesto placatus et occurre propitius. Obtentu eius nostrum iustifica coetum et merito suscipe votum, ut, quos propria non fulciunt merita, hos prex ad superna sustollat sancti tui apostoli gloriosa, ut, qui non meremur exaudiri, impediente mole delicti, eius exaudiamur merito, cum ad te proclamaverimus e terris: ... |
|
| 6545 | Deus collator iustitiae ... proclament ... |
| Deus, collator iustitiae et castimoniae prorogator, a quo praedicta famula tua, visitatam se fore praespiciens, et in vulneratis membris recepit sanitatem et noctis medio, revincta carcere, caelesti promeretur illustrari ex lumine, tu, luce illa sancti spiritus nostram irradians mentem, ad videndum te et corpore valentes et animo puriores nos effice, quo, dum spiritalis affectus in interno se diffuserit corde, fidelia ad te ora collaudando proclament: ... | |
| 6546 | Deus cuius magnitudinis ... terris ... |
| Deus, cuius magnitudinis fuit, ut contra naturam beatissimus martyr tuus liberam de sub aquis emitteret vocem, cum constipato capite cervice tenus vase pelvis arctatus consisteret, libera nos de aquis multis et de manu filiorum alienorum, quo lingua nostra ab undis odiorum sit extera et in sola sibi tui nominis confessione sufficiat, ita proclamans e terris: ... | |
| 6547 | Deus dei filius ... terris ... |
| Deus dei filius, qui, cum ad patrem adscenderes, venturum te iterum ad nos voce propria promisisti, veni ad nos et apud nos facito mansionem, manifestans teipsum nobis, quibus praecepisti ad te proclamare e terris: ... | |
| 6548 | Deus in cuius ... terris ... |
| Deus, in cuius manu est correctionis iudicium et salvationis ac misericordiae votum quique flagellas peccatores, ut redeant, et occasionem admonendi tribuis, ne recedant, praesta nobis, quaesumus, supplicibus tuis, ut eo momento famulo tuo illi integritas salutis a te dirigatur e caelis, qua fide et quo momento nos clamaverimus e terris: ... | |
| 6549 | Deus pater omnipotens ... dicentes ... |
| Deus pater omnipotens, qui in expiatione parturientium duos tibi offerri pullos praecipis columbarum, tu precibus Columbae martyris tuae ab omni nos lava sorde pollutionum, ut huius virginis suffragio a te culparum possimus veniam promereri, cum nunc orationem coram te deprompserimus filii tui, proclamantes atque ita dicentes: ... | |
| 6550 | Deus quem scimus ... effice ... |
| Deus, quem scimus vitam esse viventium et requiem defunctorum, preces nostras placatus suscipe et cuncta nobis peccata dimitte, defunctis fidelibus requiem tribue et nos ad te collaudandum idoneos effice: ... | |
| 6551 | Deus qui ad ... exaudiri ... |
| Deus, qui ad salutem humani generis filium tuum destinasti ad terras, cuius exemplum praedicti martyres et virtute miraculorum et passione ipsa secuti sunt, respice nos horum propitiatus suffragio et confessionis propriae voto, per hos infirmo nostro subveniens corpori, quos spiritales medicos elegisti, quo nostra, his intervenientibus, a te accipiatur oratio, quibus curationum attributa est optio, ut, per hos medicamine divino compuncti, a te, cum oraverimus, mereamur ocius exaudiri: ... | |
| 6552 | Deus qui animam ... dicentes ... |
| Deus, qui animam viri sancti ac confessoris tui Martini, soluta carnali compage, caelesti collocasti in requie, ut tuorum consors exsisteret angelorum, qui vita calcaverat mundum, essetque paradisi possessor, qui eremi exstiterat habitator, haberetque caelestis gloriam vitae, qui, increpato diabolo, triumphaverat in morte, tu nos, praedicti viri obitus memoriam celebrantes, actu placabiles, cogitatione facito esse felices, quo, nec opere nec cogitatione sordentes, et corde et lingua proclamemus ad te, ita dicentes: ... | |
| 6553 | Deus qui beatam ... verbis ... |
| Deus, qui beatam Eulaliam, antequam passionis gradum scanderet, quid crederet, quid oraret, misericorditer docuisti, dum in ea non facis perire, quidquid a te edocta fortiter credidisset, da nobis, ut, quod de te scimus et credimus, ad aeternam profecisse nobis laetitiam gratulemur, ut, quod illa effusione promeruit sanguinis, nos in his filii tui domini nostri mereamur adipisci verbis: ... | |
| 6554 | Deus qui concedis ... terris ... |
| Deus, qui concedis orandi mysterium, tribue orationis effectum. Orationum suscipe votum et tribue propitius remedium postulatum, ut non nobis abneges, quod precamur, dum inspicis, quod oramus, cum ad te ore proprio proclamaverimus e terris: ... | |
| 6555 | Deus qui delictis ... terris ... |
| Deus, qui, delictis nostris provocatus, irasceris, miserere nostri, inflexus miserationibus tuis. Non obsorbeat poena, quibus pro delictis nostris subtracta est pluvia, nec arbori terrae imbrium copiam deneges, quam nostris cernimus criminibus obduratam, sed pone iam, domine, finem malis et da pluviam in terris: ... | |
| 6556 | Deus qui es ... dicimus ... |
| Deus, qui es collator et conditor vitae humanae, accipe vocem confessionis nostrae et ieiunia nostra sanctifica dorio gratiae tuae, ut oratio, quam nos docuisti orare, aditum nobis reseret indulgentiae. Quo iubente, dicimus: ... | |
| 6557 | Deus qui in ... terris ... |
| Deus, qui in sancti tui illius corde flammam accendisti dilectionis tuae, da mentibus nostris eadem fidei caritate perfrui, ut, cuius gaudemus triumphis, eius provocemur exemplis, ad te proclamantes e terris: ... | |
| 6558 | Deus qui in ... dicere ... |
| Deus, qui, in veri holocausti hostiam igne examinatum, levitam suscepisti Laurentium, quo, more holocausti decoctus, ad te perveniret integer, pro miseris rogaturus, eius, quaesumus, suffragiis in nobis omnibus ignis caelestis faces accende, ut, purgata conscientia, ad te mereamur proclamare et dicere: ... | |
| 6559 | Deus qui individua ... absolvat ... |
| Deus, qui individua divisione connecteris et in uno, quod non solus es, approbaris triplex, exaudi supplices tuos benignus, ut iniquitatis vinculis ligatum saltem gratia confessionis absolvat: ... | |
| 6560 | Deus qui levitam ... terris ... |
| Deus, qui levitam tuum Vincentium tanto virtutum munere decorasti, ut, ministerii sacri fretus officio, qui filium tuum dominum nostrum secuturus esset in passione, eiusdem Christi tui calicem ministraret prius credentibus in salutem, tu nos facito coram te digne tractare suscepta ministeriorum officia, quorum gestandam suscepimus obsequelam. Quo martyr tuus Vincentius, divino auctus spiritu, qui persequentem Datianum obiectibus duris aggreditur, cum contra eum Valerium episcopum suum leviter musitasse conquereretur, meritis suis tribuat omnibus in hac vita feliciorem excursum et in futura regione regnum beatitudinis infinitum, ut, sicuti eum inter poenas suscepisti te confitentem, ita nunc iubeas exaudire pro nobis orantem, cum ad te proclamaverimus e terris: ... |
|
| 6561 | Deus qui nolentes ... terris ... |
| Deus, qui nolentes praevenis fide atque credentes subsequendo facis non frustra te credidisse quique beatissimum Genesium prius gratia praevenisti dulcedinis quam regeneratione baptismatis, te suppliciter deprecamur, ut iam praeveniamur miserationibus tuis, quo ad te fiducialiter possimus clamare e terris: ... | |
| 6562 | Deus qui nos ... terris ... |
| Deus, qui nos infirmitate relevas, in pressuris exaltas, dona precantibus nobis in tuam plebem venire optabilem sanitatem, ut, quos culpa in languorem induxit, miseratio in salutem restituat, quo, animorum vel corporum repulsis morbis, te nobiscum possint orare a terris: ... | |
| 6563 | Deus qui nos ... lingua ... |
| Deus, qui nos inspicis ob legis tuae mandatum offerre primitias frugum, in his oblatis tibi sacrificiis attende et frugibus nostris parce a grandine et ab omni aerum incommoditate, ut cuncta nobis in commune veniant bona, cum ad te nostra proclamaverit lingua: ... | |
| 6564 | Deus qui nos ... aurem ... |
| Deus, qui nos spe repromissae beatitudinis foves et panem illum, caelorum e sedibus porrectum, nostrae abstinentiae ariditati impertis atque concedis, tu pius nobis et in praesenti ieiunii aerumna consolationem attribue et orantibus atque clamantibus ad te verba doctrinae tuae patulae pietatis accommoda aurem: ... | |
| 6565 | Deus qui olim ... terris ... |
| Deus, qui olim in hoc die beatissimum confessorem tuum Martinum et confessionis gloria et sacerdotii consecrasti corona, eius interventu virtutum nos decore circumda, eoque suffragante, nostra deleantur facinora, cui potestatem solvendi contulisti peccata, ut, emaculatis conscientiis, ad te proclamemus e terris: ... | |
| 6566 | Deus qui peccatores ... terris ... |
| Deus, qui peccatores sine merito salvas et iustos ex gratia praecedente glorificas quique Adrianum ex infidelitate revocasti ad fidem et Nataliam obsequiali coronasti ex munere, nostris, quaesumus, in eorum festo et iniquitatibus parce et spiritali nos ardore accende, quo, spiritaliter accensi iri intimis, ad te proclamemus e terris: ... | |
| 6567 | Deus qui per ... terris ... |
| Deus, qui per beatissimum Ioannem praecursorem et martyrem tuum gentibus universis lumen baptismatis intulisti, ut infidelitatem populorum, quam profanae observantiae ritus intulerat, regeneratio caelestis aboleret, praesta, ut intercessio tanti vatis, quae nobis est indulta per lavacrum purae conscientiae, proficiat ad exemplum, ut, salutaribus edocti praeceptis, sic dicere mereamur e terris: ... | |
| 6568 | Deus qui sacris ... lingua ... |
| Deus, qui sacris tribusque martyribus Vincentio, Sabinae et Christetae id gratiae contulisti, ut, qui pestiferi anguis evincerant morsum, eorum serpentis custodia inhumata corpora servarentur, quo illius vel ob custodiam sui uterentur obsequiis, quam in paradiso deceptricem noverant homines, nostris, quaesumus, precibus imploratus, antiqui serpentis iri nobis perime virus et ea nos semper propitius tuere custodia, quo nullis impellamur vitiis ad ruinam. Etenim, cum omne, quod cupimus, noveris, misericorditer tamen, quid oremus, ostendis. Placabilem ergo accommoda precibus nostris aurem et, sicut orandi, quibus postuletis, dedisti praecepta, ita affectum, quo impetreris, accommoda, cum ad te et corde nunc proclamaverimus et lingua: ... |
|
| 6569 | Deus qui sanctos ... dicere ... |
| Deus, qui sanctos apostolos tuos, exemptos ab huius saeculi fluctibus, angelicis iussisti coetibus aggregari, quos etiam, tuis praeceptionibus inhaerentes, qualiter te deprecarentur, exhortator piissimus informasti, supplices quaesumus, ut, qui illos hilari affatu salubriter imbuisti, nobis ipsam precem cum fiducia permittas clamare et dicere: ... | |
| 6570 | Deus qui te ... nostri ... |
| Deus, qui te in spiritu et veritate adorare mandasti, virtute nos obumbra spiritus sancti. Veniat iam super nos misericordia tua et salutaris tui gratia repromissa, quo, per quem nobis a te credimus peccata dimitti, per eum ad te dirigatur precatio oris nostri: ... | |
| 6571 | Deus qui virginum ... dicamus ... |
| Deus, qui, virginum agmine saeptus, quocumque ieris, ab eisdem solis prosequeris collaudandus, qui te illo virginitatis cantico laudant, quod electi ceteri audire queunt, promere nequeunt, te votis supplicibus imploramus, ut sic per ea, quae nos te exorare docuisti, emundes et cantici ipsius canentium numerositati adsocies, ut per compunctionem hic deflendo, quae gessimus, per dilectionem quoque te patrem invocemus atque dicamus: ... | |
| 6572 | Deus sanator noster ... terris ... |
| Deus, sanator noster, qui et virginum integritatem custodis et corruptorum scisse carnis rupturam mira indulgentiae compositione resarcis quique in hac virgine sic servasti collatum a te virginitatis unicae donum, ut eam faceres ad destinatum pervenire martyrium, te quaesumus, ut eius obtentu ita nos eluas libidinum incentivis, quo, cunctis resistendo adversis, fiducialiter ad te proclamemus e terris: ... | |
| 6573 | Devotione geminata carissimi ... dicimus ... |
| Devotione geminata, carissimi fratres, passo pro nobis domino maestificati cordis hostias offeramus, maeroris operibus fructum laetitiae comparantes, ut, dum paschale sacrificium sedulitatis studio agere procuramus, in adventum ipsius strenuae servitutis testimonium reportemus. Per ipsum, quo iubente, dicimus: ... | |
| 6574 | Diligentes deum fratres ... terris ... |
| Diligentes deum, fratres carissimi, pietatis eius in nobis petamus operari dilectionem, ut, divinae virtutis dono repleti, orationem dominicam, in qua spes est nostrae salutis, sic dicere mereamur e terris: ... | |
| 6575 | Divino magisterio edocti et ... formati audemus dicere ... |
| Divino magisterio edocti et divina institutione formati, audemus dicere: ... | |
| 6576 | Divino magisterio edocti et ... instituti audemus dicere ... |
| Divino magisterio edocti et salutaribus monitis instituti, audemus dicere: ... | |
| 6577 | Domine deus omnipotens ... terris ... |
| Domine deus omnipotens, in quo certatrix Euphemia veraciter credens, nec argumento lapidum nec morsibus laniata est bestiarum, fac nos nec de adversis deici nec de prosperis elevari, quo, discreto aequitatis iudicio gradientes tuaque monita promptissime observantes, sicut illam, in omnibus persecutionibus suis te precantem, exaudisti de caelis, sic nos semper exaudias, ad te proclamantes e terris: ... | |
| 6578 | Domine Iesu Christe ... caelo ... |
| Domine Iesu Christe, cuius in fame pascimur verbo, cuius in siti recreamur alloquio, tu et ieiunium nostrum sanctifica tuae gratiae incremento et vocem nostram exaudi e summo caelo: ... | |
| 6579 | Domine Iesu Christe ... muneremur ... |
| Domine Iesu Christe, qui pro nobis carnem de virgine suscepisti et praecepta nobis tribuisti orandi, tu ea, quae nos, te docente, exposcimus, propitiatus exaudi, ut, qui dies istos incarnationis tuae summa cum veneratione suscipimus, dono sancti spiritus muneremur: ... | |
| 6580 | Domine Iesu Christe ... terris ... |
| Domine Iesu Christe, qui sic virginem matrem honorificasti, quousque assumptionis gratia eam coram te suffragatricem pro nobis effecisti incomparabilem, indigni quaesumus divinitatis tuae clementiam, quatenus per obtentum illius beatissimae genetricis, quam coelibem hodie fecisti in caelestibus regnis, emundati ab universis contagiis, audeamus exclamare et dicere e terris: ... | |
| 6581 | Domine qui Agrii ... adiunge ... |
| Domine, qui Agrii tui carnibus acquisitum tibi populum et mundas et saturas, ne patiaris nos ultra esu draconis pollui, cuius caput pro salute hominum contrivisti, sed tu nos, populum tuum et oves gregis tui, Verbi tui cibo confortante imbue et Agrii tui vestigiis, quae consequamur, adiunge: ... | |
| 6582 | Domine qui magnus ... terris ... |
| Domine, qui magnus dies es angelorum, parvus in die hominum, Verbum deus ante omnia tempora, Verbum caro opportuno in tempore conditus, sub sole conditor solis, da nobis diei huius iri tuis laudibus ecclesiasticae dignitatis sollemnem conventum, ut, qui initium anni talibus primitiis tibimet consecrasti, totius temporis spatium tibi placitis excursibus atque operibus facias immolari, quia, te iubente, oramus e terris: ... | |
| 6583 | Dominum deum nostrum ... participes ... |
| Dominum deum nostrum, fratres carissimi, toto corde deprecemur et humili oratione poscamus, ut festivitatem hanc, quam hodierno die in honorem sancti ac beatissimi illius devotissime celebramus, illustret et nos, consortes sanctis effectos, propositum nostrum vitamque consummet, ut, cui sumus in hac nostra devotione fautores, esse mereamur eidem, donante Christo, participes: ... | |
| 6584 | Dum sacrosancti sacrificii ... dicat ... |
| Dum sacrosancti sacrificii, fratres carissimi, dona tractamus, omnipotenti deo concessa oratione placeamus. Agnoscat pater filii sui verba atque ad aures clementiae suae unita prece concordem populus clamorem attollat et dicat: ... | |
| 6585 | E caelis deus ... iussisti ... |
| E caelis, deus, audi vocem nostram, qui Stephanum martyrem tuum, pro inimicis orantem, audisti de terra quique eius spiritum in confessione tui nominis suscepisti, orationem suscipe, qua a nobis patrem invocati iussisti: ... | |
| 6586 | Ecce carorum fratrum ... dicamus ... |
| Ecce carorum fratrum sacra sollemnia celebrantes, te deum pietatis intentione rogamus, ut, quorum condicione corporum Iberam dedicas terram, eorum precibus in pace omnem, tuo sanguine redemptam, tuearis ecclesiam, quo, eisdem suffragantibus, a te promereamur audiri, a quo praeceptum suscepimus exorandi, ut dicamus: ... | |
| 6587 | Ecce dilectissimi fratres ... recreati per momenta divinis consolemur sermonibus cum ad eum |
| Ecce, dilectissimi fratres, fideli relatu cognovimus beatissimum Saturninum, et gradu pontificalis sacerdotii functum et, a tergo tauri illigatum pedibus, martyrio consecratum. Unde omnipotentem deum, qui ei geminam coronam, sacerdotii scilicet atque martyrii, largitus est, deprecemur, ut vel fides nos apud eum commendet, qui supplicium nullum patimur propter fidem, ut spes non destituat miseros, quos non efficit effusio sanguinis gloriosos, ut, qui <sumus> recreati per momenta, divinis consolemur sermonibus, cum ad eum proclamaverimus: ... |
|
| 6588 | Ecce dilectissimi fratres ... dicentes ... |
| Ecce, dilectissimi fratres, mecum oculos in sublime attollite, hoc a domino specialiter precaturi, ut, qui gratia fidei christianae cor beatae Lupariae dignatus est illustrare repente, nos in hoc momento ab omni criminum labe dignetur efficaciter expurgare, proclamantes ad se e terris atque dicentes: ... | |
| 6589 | Ecce domine redemptor ... illustras ... |
| Ecce, domine, redemptor noster et conditor, hodierno die incumbente festo Cypriani martyris tui copiosius iucundamur et tamen pro ablutione nostrorum criminum suspiramus. Illius quippe gloriosos cineres retinet Africana Carthago sed lingua toto paene claret in mundo. Unde, quia hic vir, etsi loculo teneatur in corpore, beneficiis tamen patet ubique, te rogamus et petimus, ut eius nobis suffragio ea, quae tibi debemus, dimittas, cuius nos doctrinis, ut te oremus, illustras: ... |
|
| 6590 | Ecce Iesu bone ... vestigiis ... |
| Ecce, Iesu bone, qui nos patri tuo per sanguinem tuum reconciliasti, pro nobis patiendo innocens crucem et solus inventus inter mortuos liber, tuum, sicut ipse docuisti, deitatis natura et nostrum adoptionis gratia patrem poscentes, affectu, quo possumus, imploramus, ut, resurgentes a malorum nostrorum sepulcris, a tuis, Christe, non recedamus vestigiis: ... | |
| 6591 | Ecce salvator noster ... inchoemus ... |
| Ecce, salvator noster et domine; qui per paginam veteris instrumenti offerri tibi decimas rerum praecipimur annuales, tibi dierum decimas consecrare conamur, praelargissimam tuae pietatis clementiam implorantes, ut in congressione viae huius instruas nos documentis iustitiae et praeceptionibus legis tuae, quibus instructi, et hodierni diei suscepta sollemnia expleamus et devotissime a crastino instituta ieiunia inchoemus: ... | |
| 6592 | Educ domine de ... terris ... |
| Educ, domine, de carcere animas nostras, qui beatissimum Ioannem Herodiano gladio consecrasti. Detur per eum nobis paenitentiae optio, qui paenitudinis exstitit praedicator. Conservet in fide populos, qui arguit de infidelitate superbos. Deferat ad te confessionem humilium, qui reargutor factus est contemptorum. Quique nuntius exstitit Verbi, gratiam nobis praeroget nuntiati, cum ad te nunc proclamaverimus e terris: ... | |
| 6593 | Emunda domine conscientias ... terris ... |
| Emunda, domine, conscientias nostras fidei catholicae confessione sincera et cordis contritione continua, ut semper a te exaudiamur e caelis, cum pro nostris delictis ad te proclamaverimus e terris: ... | |
| 6594 | Erige nos ante ... mereamur ... |
| Erige nos ante conspectum tuum, omnipotens deus, in quo vivimus, cui sollemnes sumus, cuius beneficio nostra salus est, cuius donum nostra festivitas, cuius munus vita credentium, cuius redemptio resurrectio mortuorum. Adesto sacrificiis, quae docuisti; adesto gaudiis, quae dedisti, qui spem resurrectionis ac redemptionis nostrae filii tui resurrectione signasti. Conserva in nobis inter omnia ac super omnia hoc munus tuum, ut, hunc resurrectionis dominicae diem dignis concinentes carminibus, ad te e terris sic dicere mereamur: ... |
|
| 6595 | Erigite fratres oculos ... dicentes ... |
| Erigite, fratres, oculos ad caelum, petentes a deo perenne auxilium, qui hunc beatissimum Sebastianum martyrem suum, insutum ictibus sagittarum, post exceptum supplicium aeternum convocavit ad regnum. Clamate ad illum et nullo modo detis ei silentium; nam ostendet in nobis indulgentiae pietatem, si pia eum invocaverimus ex voce, proclamantes atque ita dicentes: ... |
|
| 6596 | Erubescimus domine te ... dicamus ... |
| Erubescimus, domine, te patrem vocibus appellare, qui filiorum amisimus dignitatem. Sed, quia paterno affectu nos salvas, cum de propriis delictis non iudicas, ideo, etsi indigni filii, paternae tamen precem fundimus pietati, petentes, ut in hoc nostrae afflictionis tempore nostrum iubeas peccatum omittere, quo, etsi meritis nequimus, saltem affectu cordis te patrem invocemus atque dicamus: ... | |
| 6597 | Ex tuo Christe ... promereamur ... |
| Ex tuo, Christe deus, admonemur praecepto, ut spirituum temptamenta malorum per salubre devincamus, te opitulante, ieiunium. Sed, quia nihil valet fragilitas nostra, si nos non adiuvaverit misericordia tua, rogamus, ut in omne, quod agimus, tua nos misericordia subsequatur et in omne, quod petimus, a te audiri promereamur: ... | |
| 6598 | Exaudi domine supplicantes ... terris ... |
| Exaudi, domine, supplicantes famulos tuos et devotionem eorum benignus assiste, ut misericordiam tuam nec, ab eis exoratus, subtrahas nec, a nobis offensus, avertas sed celeriter te placari emendatione concedas, cum ea, quae dominus noster Iesus Christus filius tuus orare docuit, oraverint e terris: ... | |
| 6599 | Exaudi domine vocem ... dicentes ... |
| Exaudi, domine, vocem precis nostrae et huius ieiunii litationem propitiatus acceptare dignare, quo semper te propitium habeamus, cum te patrem piissimum invocaverimus, ita dicentes: ... | |
| 6600 | Exaudi domine voces ... terris ... |
| Exaudi, domine, voces et populi tui preces non merito poscentium sed sanctorum causa praesentium, cum tibi tuis institutis omnes proclamamus e terris: ... | |
| 6601 | Exaudi omnipotens aeterne ... dicens ... |
| Exaudi, omnipotens aeterne deus, supplicem plebem tuam ob honorem Mariae beatissimae genitricis et ita preces nostras benignus intende, ut cum fiducia dicere mereamur orationem, quam nos dominus noster Iesus Christus filius tuus orare sic docuit, dicens: ... | |
| 6602 | Excellentissimam in hac ... terris ... |
| Excellentissimam in hac nocte tuae, Christe, resurrectionis celebrantes sollemnitatem, in qua ipse novus dies, novo de tumulo surgens, veternosam antiquae noctis caliginem caelestem convertisti in claritatem, te, quibus possumus, lacrimosis rugitibus imploramus, ut, qui nos redemisti pretio tui sanguinis, instituta a te praecepta acceptes nostrae orationis, cum ea, quae nos docuisti, proclamaverimus e terris: ... | |
| 6603 | Eximio eminentiae munere ... terris ... |
| Eximio eminentiae munere immensa tua pietas eminet, Christe, in quo saepe indignis digna largiris, dum et praevenis misericordia nolentes et provehis laureaudos in caelis, quique sanctum tuum Christophorum martyrem, dum, iuxta quod in omnibus mansueta species manet, dissimilis exstaret positione, tanto fidei cremasti ardore, ut, tuo fretus munere, et inimicis eum ostenderis in terrore et victorem illum faceres in passionis agone, praebe nobis, quaesumus, similem te sequendo obtinere amorem, ut, qui nostro ex merito indigni sumus servi vocari, eius suffragio te patrem mereamur adoptive habere, ut libera voce semper ad te clamemus e terris: ... | |
| 6604 | Exsultantes de tuorum ... terris ... |
| Exsultantes de tuorum parvulorum Iusti et Pastoris, deus pater, triumphis, quorum laetantis infantiae aetas, relictis scholae tabulis, ad suscipiendum alacriter pervolavit bravium passionis, tibi creatori nostro et vota cum gaudiis et scelera pandimus cum lamentis, poscentes tuam, piissime, maiestatem, ut, qui illorum innocentiam consecrasti martyrio, nostram miseriam repares innocentiae bono, quo, eorum adiuti suffragiis, ad te proclamare mereamur e terris: ... | |
| 6605 | Fac nos aeterne ... terris ... |
| Fac nos, aeterne deus, ut unusquisque nostrum vas suum in honore et sanctificatione possideat, qui virgines tuas Ius.tam et Rufinam ex conquestu fictilium vasculorum passionis perduxisti ad gloriam, quo emundatis conscientiis ad te proclamemus e terris: ... | |
| 6606 | Fons vitae perennis ... terris ... |
| Fons vitae perennis, Iesu filius dei vivi, in aeternum da nobis aquam vivam; da sitientibus vitam aeternam. Efficiamur, quaesumus, templum tuum, in quo habites in aeternum, ut et ipsi intra nos habeamus regnum tuum. Tu nos, Christe Iesu, exaudi de summis, cum patrem, sicut nos iussisti, exoraverimus e terris: ... | |
| 6607 | Fratres carissimi martyrum ... dicamus ... |
| Fratres carissimi, martyrum parvulorum exempla incitent nos ad virorum fortium acta et, sicut illorum vox sanguinis clamavit ad deum, ita nos unita pietatis voce exclamemus ad caelum et dicamus: ... | |
| 6608 | Gloriosi levitae exemplis ... permittat ... |
| Gloriosi levitae exemplis et beatissimi martyris Stephani magisteriis instituti, aeterno regi et patri deo precem, fratres carissimi, cum omni humilitate fundamus, ut, dato nobis fidei calore vel munere, ad martyrii nos desiderium amoris sui igne succendat eiusque imitatores efficiat, qui non solum pro sui gloria verum etiam pro exemplis eruditionis nostrae passionem sustinuit, et, cui conferre dignatus est in passione virtutem, intercedendi pro nobis tribuat facultatem et orationem, quam praecipere dignatus est, dicere sine cunctatione permittat: ... | |
| 6609 | Gratias tibi agimus ... dicere ... |
| Gratias tibi agimus, omnipotens aeterne deus, et domino Iesu Christo filio tuo, qui nos per sanguinem crucis suae redemit, qui pro delictorum nostrorum indulgentia ad te de cruce clamavit, qui discipulos suos, antequam ad crucis passionem veniret, sic docuit orare et dicere: ... | |
| 6610 | His precibus te ... dicens ... |
| His precibus, te, deus pater omnipotens, deprecamur, quibus nos dominus noster Iesus Christus filius tuus orare praecepit, dicens: ... | |
| 6611 | Iesu esto nobiscum ... dicimus ... |
| Iesu, esto nobiscum in hac via, ne, in hoc mundo tepide nos agentes, aut crapula vel ebrietate corda nostra graventur aut curis huius saeculi dimergantur. Sed potius fac nos ita ieiuniis vel vigiliis dies istos passionis tuae amabiliter praestolare, ut tunc nos placabiles reddat et nunc, cum ea, quae nos docuisti, protulerimus, gratiae nobis donum infundat. Quia, te iubente, dicimus: ... | |
| 6612 | Iesu praeceptor occurre ... terris ... |
| Iesu praeceptor, occurre nobis, ambulantibus viam, cupientibus pervenire ad patriam, ut, praecedente luce tua, ambulemus in viam rectam nec oberremus in tenebram istius noctis horrendam, te in nobis lucente, qui es via, veritas et vita. Da igitur nobis, ut, sicut caecus iste per confessionem verae credulitatis obtinuit donum indultae salutis, ita nos adipiscamur in tuis verbis effectum piae petitionis, cum ea, quae nos docuisti, proclamaverimus e terris: ... |
|
| 6613 | Iesu redemptor piissime ... terris ... |
| Iesu redemptor piissime, cura vulnera nostra stigmate crucis tuae. Hodie nos oratio, quam ipse docuisti, reddat idoneos et cras passio tua efficiat in tuae mortis unione connexos. Hodie, bone Iesu, exaudi nos de caelis, cum ea, quae nos docuisti, proclamaverimus e terris: ... | |
| 6614 | Illis te domine ... docuisti ... |
| Illis te, domine, sancte deus, pater omnipotens, precibus deprecamur, quibus nos per sanctos apostolos tuos orare docuisti: ... | |
| 6615 | In hac tuorum ... dicimus ... |
| In hac tuorum martyrum Servandi et Germani, Christe deus, passionis die laetantes, oblatis tibi victimis veniam te nostris dare flagitamus offensis, poscentes, ut, qui eorum gladii animadversione non terruisti constantiam, nostra, eisdem intervenientibus, et abluas crimina et suscipias postulata. Quia, te iubente, dicimus: ... | |
| 6616 | Inaestimabilem tuae magnificentiae ... mereamur ... |
| Inaestimabilem tuae magnificentiae bonitatem iri hac resurrectionis filii tui sollemnitate cum veneratione deposcimus, domine, sancte pater, aeterne omnipotens deus, cuius bonitatis imago est Christus, per quem nobis tale munus condonare dignatus es, ut nos eius passione ac resurrectione ex servis filios adoptares. Per ipsum te, domine, supplices exoramus, ut nos ab omni infestatione adversarii tutos atque defensos custodias, ut numquam tuum contristemur spiritum sanctum sed ipsum semper habeamus advocatum, ut, officiis misericordiae et humilitatis insistentes, divitias caelestes ab eo in futuro percipere mereamur: ... |
|
| 6617 | Inclinemus deo fratres ... terris ... |
| Inclinemus deo, fratres carissimi, corda nostra cum lacrimis et, confitentes peccata nostra clementissimo conditori, iugi obsecratione clamemus e terris: ... | |
| 6618 | Indigni quidem sumus ... dicimus ... |
| Indigni quidem sumus nomine filiorum, omnipotens deus, sed, iuvante domino nostro Iesu Christo filio tuo, licet trepidantes, tamen oboedientes, humili mente oramus et dicimus: ... | |
| 6619 | Intendite dilectissimi fratres ... dicamus ... |
| Intendite, dilectissimi fratres, sacerdotis Babilae inconvulsae spei virtutem triumque puerorum robustiorem animi fidem quam valentem corporis qualitatem, quos praedictus doctor egregius, gladio continuo percussurus, sacris ulnis congeminando complectit, gratias flebiliter referens creatori, quod eos, quos de manu eius acceperat, coronandos obtulerit illi. Horum igitur exemplum constantiae imitantes, corrigamus mores in melius, caritatem teneamus ad invicem, per dilectionem acceptum ministerium expleamus et ad servitutem dei ceteros inflammemus; operari iustitiam delectemur, noxia fugiamus, spiritu oremus atque dicamus: ... |
|
| 6620 | Intuere deus famulos ... terris ... |
| Intuere, deus, famulos tuos, qui tibi fideliter decimum suarum rerum persolvunt, et, sicut promisisti, horrea eorum impleantur frumento et redundent torcularia vino et oleo, ut non in eis sit morbus neque casus sed cum eis in nobis semper tuus vivat affectus nec desit tuae gratiae virtus, cum ad te nunc proclamaverimus e terris: ... | |
| 6621 | Investigabilis omnium creaturae ... terris ... |
| Investigabilis omnium creaturae occultorum secretissime, munda, quaesumus, nos in huius diei excessu tuae genitricis ab omni noxiorum labe, ut ita demum, nostra purificati conscientia, saltem per eam deportatricem tibimet nostrae paupertatulae deferamus votum, ut quandoque tuum valeamus adipisci regnum atque idcirco hunc catholicum gregem, de tua misericordia fidentem, te patrem valeat iubilo personare in laudem, ut, tuo quamquam indigni eruditi magisterio, patulo ore proclamare possimus e terris: ... | |
| 6622 | Ipsius praeceptum est ... dicentes ... |
| Ipsius praeceptum est, domine, quod agimus, (in) cuius nunc te praesentia postulamus; da sacrificio auctorem suum, ut impleatur fides rei in sublimitate mysterii, ut, sicut veritatem caelestis sacrificii exsequimur, sic veritatem dominici corporis et sanguinis hauriamus, per eundem Christum dominum nostrum dicentes: ... | |
| 6623 | invocato sancto nomine suo ... oramus et dicimus ... |
| ( ... deest incipit ...) invocato sancto nomine suo, iubeat liberari et iam eos nostris precibus adiuvemus, qui, ignorantes adhuc iter verum, a diabolo in erroribus saeculi detinentur, ut omnes agnitione suae maiestatis illuminet per Iesum Christum dominum nostrum, cuius mandata retinentes, oramus et dicimus: ... | |
| 6624 | Libera nos omnipotens ... terris ... |
| Libera nos, omnipotens, ab omni malo vel auctore vel opera malo, ut animos noster ad peccatum nec apetitum facilli sit haec consensum eius. Solum ministerii studeat fieri, per quem desiderant liberare, quo, te iubente, dicimus e terris: ... | |
| 6625 | Malorum nostrorum fratres ... terris ... |
| Malorum nostrorum, fratres carissimi, memores, lacrimosas preces domini dirigamus ad aures, quo, mundati a vitiis, libera ad eum voce proclamemus e terris: ... | |
| 6626 | Memento domine quod ... surgamus ... |
| Memento, domine, quod terra sumus, et adspice contritionem nostri spiritus, ut, qui carnis infirmitate ad terram prosternimur, ad caelos castigatione spiritalis ieiunii sublevemur, et, quia ex nostro est, ut cadamus, ex tuo sit, ut surgamus: ... | |
| 6627 | Memor apud te ... poscit auctoritas. |
| Memor apud te, Christe Iesu, virtutis aeternae et apud me imbecillitatis humanae, vix audeo commemoratione dominicae passionis effari, qui tremebunda non sustinet humanis conscientia, quod libere maiestatis poscit auctoritas ( ... cetera desiderantur ... ) | |
| 6628 | Memores dilectissimi fratres ... intentione ... |
| Memores, dilectissimi fratres, Romani beatissimi interritam fidem et inconcussae spei soliditatem, qua se praedixit paratum sibi incendium nullis modis esse visurum, cor nostrum armis spiritalibus perarmemus et ea, quae a deo postulaverimus, posse nos promereri credamus. Nam idem, qui tunc propitius affuit sui martyris voto, erit procul dubio nostrae confessionis acceptor, ut, qui illi tribuit martyrii palmam, non reiciet nostram in honorem tanti martyris obsequelam. Extendamus ergo cum palmis ad aethera vocem et ea, quae nos ipse instituit orare, proclamemus e terris cum summa meritis intentione: ... |
|
| 6629 | Memores praeceptorum tuorum ... dicimus ... |
| Memores praeceptorum tuorum, domine, oramus et dicimus: ... | |
| 6630a | Minuetur domine in visceribus nostris mundana cupiditas ... terris ... |
| Minuetur, domine, in visceribus nostris mundana, cupiditas et caelestium praemiorum nutriatur magis ac magis caritas, ut in universa, quam Christus dilexit, ecclesia clamemus tibi ex totis praecordiis et cum tremore mentis et corporis dicamus e terris: ... | |
| 6630b | Minuetur domine in visceribus nostris per intercessum ... terris ... |
| Minuetur, domine, in visceribus nostris per intercessum sanctae Marinae virginis et martyris tuae humana, cupiditas et caelestium praemiorum nutriatur magis tua caritas, ut in universa, quam Christus dilexit, ecclesia clamemus omnes ex totis praecordiis et cum tremore mentis et corporis dicamus e terris: ... | |
| 6631 | Miserere nostri fili ... terris ... |
| Miserere nostri, fili David, ne decidamus in via nec laboris subruamur pressura nec sine fructu perveniamus ad patriam, ut, parsimoniae nostrae propitiatus ex victimis, exaudias vocem nostrae confessionis, cum ad te proclamaverimus e terris: ... | |
| 6632 | Munda domine a ... terris ... |
| Munda, domine, a cuncta piaculorum colluvione cor meum et ab omni noxiae contagione purifica, ut, fulgida mentis acie, te oraturus, assistens, sincerissimae dilectionis affectu cum omnibus filiis tuis tibi merear proclamare a terris: ... | |
| 6633 | Munda nos domine ... dicere ... |
| Munda nos, domine, muneribus sacris et salutem nobis conferat ista participatio sanctitatis. His armis dominicis muniamur et salubribus defensaculis circumdemur. Purifica corda et labia nostra, ut mundi corde et corpore mereamur tibi dicere: ... | |
| 6634 | Nate patris ingeniti ... terris ... |
| Nate patris ingeniti, Christe, qui, ab arce sedis aethereae telluris infima petens, inter alma sacrae monita iussionis, quibus nostri sensus obtusionem exacuis, precem etiam, qua delictorum veniam impetremus, ostendis; respice placatus orata, quae docuisti; vota suscipe, quae mandasti; corda sanctifica, quae creasti. Et, quia nemo mortalium in hac flebili peregrinatione sic durat, ut cottidie non delinquat, ita miseris nobis per suffragia patroni praesentis et pietatis tuae praesta gratiam favoris, ut ad te semper exaudiamur e caelis, quo praecipiente, iugiter proclamemus e terris: ... |
|
| 6635 | Non agnoscentes domine ... dicere ... |
| Non agnoscentes, domine, meritum sed praeceptum, quia iubere dignatus es, audemus dicere: ... | |
| 6636 | Non nostro merito ... dicere ... |
| Non nostro merito, omnipotens deus, sed Iesu Christi filii tui oboedientes praecepto, audemus dicere: ... | |
| 6637 | Non nostro praesumentes ... iubemur dicere ... |
| Non nostro praesumentes, domine, merito sed domini nostri Iesu Christi filii tui, quem, ut nos a tenebris et umbra mortis liberaret, misisti, oboedientes imperio, indigni quidem sumus nomine filiorum sed iubemur dicere: ... | |
| 6638 | Non nostro praesumentes ... audemus dicere ... |
| Non nostro praesumentes, pater sancte, merito sed domini nostri Iesu Christi filii tui oboedientes imperio, audemus dicere: ... | |
| 6639 | Non renuas Christe ... serviamus ... |
| Non renuas, Christe deus, contritorum precem, qui esurientium pascis esuriem, nec miseris nobis pietatis deneges opem, qui fons es misericordiae sempiternae, sed refice spiritali pane, quos voluisti filios esse adoptionis tuae; quibusque orandi dedisti praeceptum, da orationis effectum, ut tibi soli et ieiuniis corporibus et spiritu serviamus: ... | |
| 6640 | Non sufficimus tibi ... dicimus ... |
| Non sufficimus tibi gratias agere, domine, sancte pater, omnipotens aeterne deus, pro tantis misericordiae tuae donis, quibus nos vivificas, sanctificas, aeternitati praeparas sed et institutis unigeniti tui Iesu Christi domini ac salvatoris nostri indulgentiam pietatis tuae cum immerito poscendi orare concedis, cuius praecepta recolentes, dicimus: ... | |
| 6641 | Nostis dilectissimi fratres ... terris ... |
| Nostis, dilectissimi fratres, dominum Iesum incarnatum fuisse in terris pro salute humani generis; et ideo petamus ab eo, ut iustificet miseros, qui suos coronavit electos, ut, illis intercedentibus, culpas nostras diluat veternosas, ob quorum triumphos has libaminum offerimus hostias, quo per hanc dominicam orationem et in adventu suo digni eius habeamur in oculis et martyrum suffragiis nostrorum peccatorum absolvamur a vinculis, cum ea, quae nos docuit, proclamaverimus e terris: ... | |
| 6642 | O Iesu bone ... gratulemur ... |
| O Iesu bone, amabilis et admirabilis auctor, suscipe sacrificium servorum tuorum et, qui praestitisti Lazaro, ut, audiens vocem tuam, surgeret e sepulcro, praesta nobis, ut, te auditu capientes interno, resurgamus per gratiam a proprio sceleris nostri profundo, quo vocem piae orationis, qua nos te exorare docuisti in terris, sicut eam nunc coram te fiducialiter prompserimus, ita quoque effectum ipsius petitionis a te percepisse nos gratulemur: ... | |
| 6643 | O Verbum patris ... terris ... |
| O Verbum patris, quod caro factum es, ut habitares iri nobis, praesta nobis, ut, qui te venisse iam credimus et venturum adhuc speramus, ab omni peccatorum eluamur contagione, cum praeceptionis tuae oraculis proclamaverimus e terris: ... | |
| 6644 | Omnes fratres carissimi ... terris ... |
| Omnes, fratres carissimi, qui conditos nos ac redemptos domini pietate gaudemus, orationis dominicae memores, precibus indefessis eiusdem domini misericordiam imploremus, clamantes e terris: ... | |
| 6645 | Omnes qui redemptionis ... terris ... |
| Omnes, qui redemptionis nostrae mysterium colimus, iniquitatum pondera devitemus et, qui abluti sumus vulnere crucis, praedicemus gloriam resurgentis, quo, fide mundatis cordibus nostris, exclamemus e terris: ... | |
| 6646 | Omnipotens aeterne deus ... mereamur ... |
| Omnipotens aeterne deus, qui filium tuum pro nostra redemptione misisti, Verbo editum, virginali utero procreatum, ut carnem indueret et nos de peccatorum vinculis liberaret, poenas crucis pertulit, diversa tormenta sustinuit et nos sua passione salvavit simulque resurrectione redemit miserere igitur nostri, ut orationem, quam nos ipse docere dignatus est, sic dicere mereamur: ... | |
| 6647 | Omnipotens domine qui ... oramus ... |
| Omnipotens domine, qui es auctor felicitatis aeternae, impetrante, quaesumus, sancto tuo Felice, squalorem a nobis nostrae infelicitatis absterge, ut apud te in aeternum cum ipso feliciter gaudeamus, cuius congaudentes felicitati, festa hodie sollemnia celebramus, quia, te praecipiente, oramus: ... | |
| 6648 | Omnipotentem deum fratres ... terris ... |
| Omnipotentem deum, fratres carissimi, deprecemur, ut, propinquante termino saeculi, sollicitiores nos efficiat, memores nominis sui, ut, assumens hostiam, quam ei in hoc fine diei offerimus, severitatem a nobis futuri examinis arceat, quam timemus, quo fiducialiter ad eum praeconio , oris et vocis proclamemus e terris: ... | |
| 6649 | Omnipotentem sempiternum dominum ... permittat ... |
| Omnipotentem sempiternum dominum deprecemur, ut, qui in domini nostri Iesu Christi circumcisione tribuit totius religionis initium perfectionemque constare, det nobis in eius portione censeri, in quo totius salutis humanae perfectio summa consistit, et orationem, quam nos dominus noster edocuit, cum fiducia dicere permittat: ... | |
| 6650 | Omnis conventus dominicae ... terris ... |
| Omnis conventus dominicae plebis, qui ad peragenda paschalis laetitiae sollemnia convenistis, pace illa, qua hodie dudum ianuis clausis intrante domino discipulorum corda firmata sunt, vestrorum etiam abdita pectorum roborentur, quo in peragendis paschalium sacramentorum officiis, pacificati per sanguinem crucis, proclamemus e terris: ... | |
| 6651 | Omnis conventus ecclesiae ... terris ... |
| Omnis conventus ecclesiae, qui tolerantiam et virtutem sanctorum apostolorum et martyrum Simonis et Iudae audistis, mentis oculos mecum in intima ducite et, quid contemptus mundi valeat, pie perpendite. Ecce divitiae dantur et respuuntur; ecce vindicandi de persecutoribus licentia conceditur et contemnitur. Et hinc est, quod daemonibus imperandi facultas et finitur et obtinetur. Non alias namque diabolus vincitur quam, cum mundus cum suis opibus temnitur. Respuamus igitur temporalia, ut, devicto diabolo, praemia possimus perfrui sempiterna et orationem, quam nos docuit habitator in caelis, libere possimus clamare e terris: ... |
|
| 6652 | Orationem dicturi dominicam ... terris ... |
| Orationem dicturi dominicam, fratres carissimi, nihil nostris mentibus cogitatio terrena subripiat nihilque turpe vel lubricum horrendae vanitatis occurrat sed, paenitentes de praeteritis et petentes veniam de futuris, cum timore et fiducia clamemus e terris: ... | |
| 6653 | Orationem dominicam nemo ... dicere ... |
| Orationem dominicam nemo audeat dicere, nisi magisterio edocti regis perpetui. Et, licet sit sermonum compendio breviata, omnium tamen necessariorum petitionem concludit, quam non audemus divina traditione tacere sed cum ingenti timore clamare et dicere: ... | |
| 6654 | Orationem fratres dicturi ... terris ... |
| Orationem, fratres, dicturi dominicam, propter haec votiva primum nos postulare convenit sacrificia, ut divina bonitas, oblatorem simul cum oblatis praeveniens, in benedictione dulcedinis nos quoque sequenter exaudiat, ad se proclamantes e terris: ... | |
| 6655 | Oremus deum dilectissimi ... terris ... |
| Oremus deum, dilectissimi fratres, ut nos efficiat coram se exorabiles, quo puras manus cum conscientiis ad eum levemus, proclamantes e terris: ... | |
| 6656 | Os interminabile patris ... humo ... |
| Os interminabile patris et lingua dulcissimi genitoris, suavitas aeternitatis, in hoc deposito tui vatis lacrimas ac nostra suspiria intende iam mitis. Et, quia merito supernam amisimus patriam, quin imo per condicionem filii dicebamur, proni appetivimus infima; nec est, qui clamandi ad te vocem possit habere liberam. Tu huc ad nos auditum tuae clementiae flecte, qui dudum pro miseris es inflexus ad mortem. Nam quantum praestabis redemptis, qui olim te exhibuisti peremptis? Ob inde, quia ab aevo desperationis frustratu, tuo sumus ad spem reducti oraculo, te habentes apud patrem advocatum, in quo audiri mereamur in caelo, cum ad te orationem, quam docuisti, clamaverimus ex humo: ... |
|
| 6657 | Paraclite spiritus qui ... terris ... |
| Paraclite spiritus, qui cum patre et filio unus in Trinitate permanes deus, nostris hodie illabere sensibus, ut, te postulante pro nobis, cum magna fiducia proclamemus e terris: ... | |
| 6658 | Pietatem dei patris ... mereamur ... |
| Pietatem dei patris poscamus, fratres carissimi, ut praestet nobis, indignis servis suis, corpus hoc domini nostri Iesu Christi filii sui ad remedium animae nostrae percipere et hune sacrosanctum sanguinem eius sine ullo conscientiae reatu libare, quatenus, requiescente in cordibus nostris suae pietatis dilectione, orationem, quam apostolos suos docere dignatus est, dicere mereamur: ... | |
| 6659 | Praeceptionis divinae memores ... caelos ... |
| Praeceptionis divinae memores, dilectissimi fratres, orationem, quam Christus suos patrem docuit semper orare discipulos, nos quoque e terris proclamemus ad caelos: ... | |
| 6660 | Praeceptis salutaribus moniti ... dicere ... |
| Praeceptis salutaribus moniti et divina institutione formati, audemus dicere: ... | |
| 6661 | Praeceptorum domini memores ... terris ... |
| Praeceptorum domini memores, fratres carissimi, orationis dominicae verba dicturi, maiestatem eius deprecemur adclines, ut, peccatorum nostrorum misericorditer obliviscens, dono gratiae suae corpora nostra cordaque sanctificet, quatenus, omnium criminum labe purgati, libera voce dicamus e terris: ... | |
| 6662 | Praeceptum orationis quod ... dicamus ... |
| Praeceptum orationis, quod Christus suis commendavit discipulis, nos, quoque, fratres, cum gemitu cordis exclamemus e terris et dicamus: ... | |
| 6663 | Praesta domine supplicantibus ... terris ... |
| Praesta, domine, supplicantibus nobis, ut per haec piae oblationis libamina fideles animae defunctorum illorum et a tartareis vinculis absolvantur et aeternae quietis amoenitate donentur, quo, et sepultis refrigeria et vivis impetrantes tutelam, ad te semper fiducialiter proclamemus e terris: ... | |
| 6664 | Praesta nobis omnipotens ... proeliantes ... |
| Praesta nobis, omnipotens, beatissimi martyris Vincentii et Laeti testis tui assiduum patrocinium, ut eorum quoque praeclarum assequi mereamur exemplum, ut eo sentiamus impensissime suffragantes, quo sequamur fortissime proeliantes: ... | |
| 6665 | Precamur nunc domine ... dicens ... |
| Precamur nunc, domine deus, ut, quemadmodum filius tuus dominus noster in illa gratiarum actione, mortem nostram suscepturus, auditus est, ita nunc et nos, qui ipsum et vitam eius quaerimus, audiri mereamur in oratione, quam nos paterno alloquio orare docuit, dicens: ... | |
| 6666 | Pretiosam in conspectu ... terris ... |
| Pretiosam in conspectu tuo, domine, mortem sanctorum apostolorum annuis recursibus honorantes, damus gloriam laudi, tuae, quia luminaria pretiosa, a te vero lumine indeficiente succensa, non solum dum leguntur sed dum coluntur, illustrant; atque in universa terra exiit sermo oris eorum, quorum, intercessionibus exoratus, dum suscipis devotionis officium, precum, quaesumus, largiaris effectum. Ob hoc quippe clamamus e terris: ... | |
| 6667 | Quis loquetur potentias ... humana non deserens. Ubique totus ubique mirabilis. Non interceptus carne ut non esses in patre non ereptus adscensione ut non esses in homine. Respice ad orationem plebis tuae sancte domine misericors deus ut in hac die sacrae adscensionis tuae sicut data est tibi gloria in excelsis ita nobis gratia praestetur in terris qui nos orare docuisti et |
| Quis loquetur potentias tuas, domine, aut quis enarrare poterit omnes laudes tuas? Ad humana descendisti, caelestia non relinquens; ad superna regressus <es>, humana non deserens. Ubique totus, ubique mirabilis. Non interceptus carne, ut non esses in patre; non ereptus adscensione, ut non esses in homine. Respice ad orationem plebis tuae, sancte domine, misericors deus, ut in hac die sacrae adscensionis tuae, sicut data est tibi gloria in excelsis, ita nobis gratia praestetur in terris, qui nos orare docuisti et dicere: ... |
|
| 6668 | Quod via ut ... terris ... |
| Quod via ut sequeremur ostendit; quod vita ut loqueremur edocuit; quod veritas ut teneremur instituit; tibi, summe pater, cum tremore cordis proclamemus e terris: ... | |
| 6669 | Recensito dilectissimi fratres ... dicere ... |
| Recensito, dilectissimi fratres, symbolo nostrae credulitatis, Eulaliae virginis intueamur robur fidei vel aetatis, quae inter flammas iam in consummatione suppliciorum unum et verum deum in Trinitate praedicat adorandum. Et ideo accedamus ad eum cum lacrimis, ad quem illa accessit cum consummato supplicio passionis, conquerentes apud eum de infirmitate nostra, qui eius roboravit infantiam; petentes ab en, quod praecepit, ut ipse tribuat, quod promisit; invocantes eum ea pietate intentionis parcendum misero riae nostrae, qua miseratione nos docuit orare semper et dicere: ... |
|
| 6670 | Redemisti primitus domine ... dicimus |
| Redemisti primitus, domine, quos occisi redemptoris sanguis innocens comparavit. Nunc propitius visita, quos anniversaria resurrectionis eius sollemnitas congregavit. Repleamur universi benedictione dulcedinis, liberati de molestia sempiternae formidinis, ut, cum Christo resurgentes, a peccatis omnibus eruamur et futurae vitae gaudia consequamur, quia <te iubente dicimus>: ... |
|
| 6671 | Redemptor noster et ... terris ... |
| Redemptor noster et conditor, cuius in sepulcro caro non vidit corruptionem sed glorificata surrexit, dei patris roborata virtute, tu omnia corruptionum carnalium in nobis vulnera propitiatus interime et gloriosae castitatis cingulo nos adstringe, quo, devictis vitiorum carnalium incentivis, ea, quae nos docuisti, exclamemus e terris: ... | |
| 6672 | Redemptor noster fortissime ... promereamur ... |
| Redemptor noster, fortissime deus, qui inspicis contritionis nostrae affectum, probabile tibi effice hoc ieiunium nostrum, ut, qui te patrem habere dignoscimur, paternitatis affectu a te exaudiri promereamur: ... | |
| 6673 | Respice domine tuorum ... <dicimus |
| Respice, domine, tuorum fidelium multitudinem, quam per adoptionis gratiam filio tuo facere dignatus es coheredem. Erue cunctos de faucibus vorantis gehennae, pro quibus idem redemptor clementissimus tribus diebus latuit in inferioribus terrae. Tolle a nobis mortis durae perniciem et beatae resurrectionis, quam in fine speramus, redde mercedem, quia, te iubente, <dicimus>: ... | |
| 6674 | Rutilat ecce dies ... Eoque inter |
| Rutilat ecce dies, Christe domine Iesu, redemptor bone mundi mirabilis, in quo beatissimus Thomas apostolus tuus, gemina laureatus corona, feliciter meruit scandere regna; qui et verbo praedicationis suae mundo claruit et per effusionem sanguinis, gladio percussus, martyrium consummavit. Per eum nobis subvenias miseris, per quem lumen fidelitatis et credulitatis infundere dignatus es infidelium catervis. Eoque inter ( ... cetera desiderantur ... ) | |
| 6675 | Salutare orandi praeceptum ... dicere ... |
| Salutare orandi praeceptum tuos, magister, bene docuisti discipulos, quorum principatum, te iubente, indeptus est Petrus; ut, reiecto orationis multiloquio, tuum deitatis natura et nostrum adoptionis gratia patrem audeamus invocare et dicere: ... | |
| 6676 | Sanctorum tuorum domine ... proclamaverimus ... |
| Sanctorum tuorum, domine, exoratus suffragiis, absolve miseros a delictis. Da, ut habeant obsequendi praemium, qui devotionis impendunt tuis martyribus famulatum, ut per eos, qui tibi suo in certamine placuerunt, et orandi tribuas votum et orationis commodes clementer effectum, cum ad te ea, quae, filio tuo docente, didicimus, patulo in terris oris officio proclamaverimus: ... | |
| 6677 | Satia nos deus ... terris ... |
| Satia nos, deus, cibo iustitiae, aeternitatis amore, qui Theophilum martyrem tuum ad te converti fecisti ex adspectu delectabilis pomi, quo, sicut, menti eius in tribus malis totidemque rosis sacramentum insinuans Trinitatis, ad culmen eum perfectae fecisti pertingere passionis, supplicio eum glorificans crucis, sic nos, odore caritatis tuae reficiens, et actu fac tibi esse placabiles et corpore fortiores, ut, utraque virtute valentes, post te in odorem unguentorum tuorum curramus et, paternis affectibus imploratum, te erga nos placabilem semper sentiamus, cum ad te proclamaverimus e terris: ... | |
| 6678 | Satia nos domine ... oris ... |
| Satia nos, domine, misericordia tua et ciba nos pane lacrimarum in hac ieiunii nostri aerumna, ut, attritum per abstinentiam, corpus tibi deserviat tibique praeceptionis tuae orationem anima cum lacrimis offerat et sic a te effectum capiat petitionis, sicut te patulo officio invocat oris: ... | |
| 6679 | Satis dulcis est ... audiri ... |
| Satis dulcis est, domine, sollemnitas ieiuniorum, qua vivi homines perducantur ad caelum. Dona ergo nobis, Christe deus, semper illa sectari, per quae a te mereamur facillime audiri: ... | |
| 6680 | Scimus domine quod ... dicere ... |
| Scimus, domine, quod nullus apud te innocens est, quia saepe insidia inimici oves condicionis tuae persequitur. Sed, quia humana fragilitas, quae frequenter dilabitur in culpa, ex suo merito non potest diaboli vitare muscipula, nisi eam tua pietas eripuerit sancta, petimus ergo omnipotentiam tuam, ut protegas nos miseros gratia tua et, maerore anxios vel in angustia positos, liberet nos citius dextera tua, ut libera voce et mente tibi mereamur dicere: ... | |
| 6681 | Septeno nos domine ... terris ... |
| Septeno nos, domine, dono perlustra spiritus, qui septem Macchabaeis fratribus, pro tua lege certantibus, et tolerantiam dedisti, ut vincerent, et coronam effuso illis tribuisti pro sanguine. Sicque nobis, Felicis tui felicitate laetantibus, tribuas, quod rogaris, ut iustificationem per id nostris impertias votis, per quod, te iubente, ad te proclamaverimus e terris: ... |
|
| 6682 | Si facta omnium ... dicere ... |
| Si facta omnium adspicias, domine, nemo est, qui te digne patrem appellet; si conscientias discutias, nemo est, qui reus non sit; si verba metiris, nemo ad loquendum ante te idoneus invenietur. Sed, quia non suffragantur nobis verba, facta vel merita, solam tenemus obsidem vocem domini nostri Iesu Christi, qui nos exorando sic docuit orare et dicere: ... |
|
| 6683 | Sit iugis ad ... terris ... |
| Sit iugis ad deum, fratres carissimi, nostrae humilitatis intentio et pro cottidianis peccatis indefessa precatio, ut, corde creduli et devotione strenui, fidenter clamemus e terris: ... | |
| 6684 | Si nostis fratres ... terris ... |
| Si nostis, fratres carissimi, deum sibi decimas rerum velle offerri, noveritis etiam hos dies de diebus vitae nostrae, de expleto scilicet anno, decimarum loco nos debere deo persolvere. Ideoque, praeteritorum veniam implorantes, simus orationi et ieiunio unanimiter insistentes atque, orationis dominicae memores, cordis simul et oris officio clamemus e terris: ... |
|
| 6685 | Simus ad deum ... terris ... |
| Simus ad deum, fratres carissimi, pro salute nostra solliciti, qui de meritorum nostrorum non sumus felicitate securi. Et, quia omnibus opus est indulgentiam redemptoris, ad sperandam eius misericordiam omnes unanimitate clamemus e terris: ... | |
| 6686 | Sit Christe deus ... terris ... |
| Sit, Christe deus, Iacobus apostolus tuus apud te emundator facinoris nostri, qui carne frater exstitit tibi. Sit pro nostris advocatus piaculis, qui tibi fuit adfinis. Sitque nobis patronus, qui tuus fuit ex advocatione discipulus. Ut praecepta orandi, quae, in terris positus, discipulis ostendisti, hic tuus martyr tibi commendet prece, qui ea a te propria percepit in aure, quo effectum capiamus in his verbis, cum ad patrem proclamaverimus e terris: ... |
|
| 6687 | Sit licet fratres ... terris ... |
| Sit licet, fratres carissimi, peccatorum nostrorum plurima multitudo, non tamen est de domini misericordia diffidendum, si totis ad eum nisibus convertamur. Quia ergo melius cordis humilitate et oris confessione placatur quam victimis, humiliemus nos ante eum omnes et toto mentis affectu clamemus e terris: ... |
|
| 6688 | Sit nobis ad ... dicere ... |
| Sit nobis ad deum, dilectissimi fratres, deprecandi pura devotio et confitendi omnimoda plenitudo. Vestiet enim nos ille vestimento iustitiae, qui sponsam suam Agnetem induit stola claritatis aeternae. Abluat maculas sceleris nostri, qui per eam ab inferis iuvenem suscitavit. Dabit effectum orationis nostrae, si nos devotissime ad se prospexerit clamare et dicere: ... | |
| 6689 | Summe et omnipotens ... dicere ... |
| Summe et omnipotens deus, pater ingenite, qui unigeniti tui in adsumptione carnis adventum reconciliationis nostrae voluisti esse remedium, ut per eum gratiam reciperemus adoptionis, qui, a te ante omnia saecula sine initio ineffabiliter genitus, in natura deitatis exstat aequalis, et efficeremur tui per adoptionem filii, qui servi esse ex nostro merito eramus indigni, dignos, quaesumus, nos effice tantae dignitatis sollemnitate, ut possimus ad te non immerito proclamare et dicere: ... | |
| 6690 | Suscipe omnipotens deus ... dicere ... |
| Suscipe, omnipotens deus, huius preces fidelissimi conventus, qui se tuis cottidie adclinis commendat conspectibus, quo hunc martyrem tuum Pelagium, quem prompta celebrat obsequela, apud te habeat interventorem, cui tu largiri dignatus es martyrii palmam. Rescinde, quaesumus, dura nostrae mentis praecordia et caritatem irriga benedictionis ubertate gratuita, quatenus, te favente, libera nostra tibi serviat vita, quae malae consuetudinis more indesinenter labitur ad illicita. Erue nos de manu insidiantis ac tuis semper serva in castris. Non nos abicias a facie tua, quos consueta bonitate e terris docuisti orare et dicere: ... |
|
| 6691 | Tolle deus gladium ... terris ... |
| Tolle, deus, gladium de manu diaboli persequentis, ut pax tua abundet in sanctis. Non sinatur amplius vulnerare temptator, quibus talia remedia voluit providere salvator, ut in domo pacis inter filios pacis exclamemus e terris: ... | |
| 6692 | Totis sensibus hodiernum ... dicentes ... |
| Totis sensibus hodiernum, domine, sacrificium celebramus, quo nobis ipsius sacrificii sunt nata primordia, per eundem dominum nostrum Iesum Christum, cuius orantes verba recitamus, dicentes: ... | |
| 6693 | Tribue nobis domine ... terris ... |
| Tribue nobis, domine, veritatis apprehendere viam et dimicandi tenere audaciam, ut, qui sanctorum illorum festa excolimus, per sanctos tuos te interpellare valeamus, quo per eos te nobis parcendo ostendas, per quos nobis affectum te rogandi insinuas, ut effectum largiaris e caelis, cum ad te cum gemitu proclamaverimus e terris: ... | |
| 6694 | Unigenite dei filius ... dicamus ... |
| Unigenite dei filius, qui, nos non carne sed corde cupiens circumcidi, omne praeceptum circumcisionis in suscepto homine adimplesti, tu a cordibus nostris omne, quod tibi non militat, gladio verbi tui desecando abscide et virtutibus spiritalium actionum nos clementer accinge, quibus potentialiter roborati, ad te proclamare possimus ea, quae nobis petenda instituisti, ut dicamus: ... | |
| 6695 | Vere haec est ... dicamus ... |
| Vere haec est praeclara illa et admirabilis super aurum et creaturarum aeterna laudatio, quae et magnis magna largitur et parvis interiora conceditur; illos premento divinae gratiae divites retes, nos pro miseratione tua inopes non relinquens; illis quoque, ut regnum obtineant, attribuis nobis, ut salvemur; universa indulgere nos praecipis, ut cum timore tuo dicamus: ... | |
| 6696 | Vide vide deus ... dicentes ... |
| Vide, vide, deus, quibus gravati delictis obruimur qualiterque nobis ipsi cottidie efficimur et causa veneni et poena supplicii, dum et cottidiano carnis nostrae veneno polluimur et de reparatione melioris vitae nullo modo cogitamus. Sed, quia certum est, quod hoc videas, qui semper es clemens et ideo per confessionem nos ad te reddituros exspectas, adeo suggerimus, ut, apostolo tuo Ioanne intercedente, qui, invocato nomine tuo, letale ebibens virus, non solum ipse evasit sed etiam alios, eodem exstinctos poculo, suscitavit, procul a nobis efficias et incentivam carnis nostrae libidinem et virus persuasionis antiquae, ut, fide te colentes, sicut Ioannem apostolum tuum non nocuit oblatum venenum, ita nos non noceat latentium vitiorum virus occultum, proclamantes atque ita dicentes: ... |
|
| 6697 | Videte videte dilectissimi ... terris ... |
| Videte, videte, dilectissimi fratres, mirabilia operum dei, qualiter Eugenia virgo, pro nomine Iesu martyrium sustinens, nec undis subicitur nec ardoribus concrematur. Haec sane fides agebat, pro qua dominus noster praedixit, quod in ea se rogantibus nihil difficile est. Unde hac fide, quae per dilectionem operatur, rogemus pii patris clementiam, ut nostras respiciat lacrimas, diluat culpas, impertiat gratiam et arceat quaeque nobis videntur esse adversa. Si enim rogaverimus eam fiducialiter, spes nobis est, quod exaudiat nostri clamoris vocem, cum ad eum ea, quae, domino Iesu Christo edocente, didicimus, proclamaverimus e terris: ... |
|
| 6698 | Venerabilibus informati praeceptis ... dicimus ... |
| Venerabilibus informati praeceptis, incitati munere pietatis, qui Mariae flentis lacrimas non spernis, Lazaro dignanter cognomentum fratris imponis, ecclesiae suboles appellas ore gratiae coheredes, tibi supplices clamamus et dicimus: ... | |
| 6699 | Venisse te domine ... proclamamus ... |
| Venisse te, domine, pro nostra in terris salute credimus; venturum quoque te ad iudicium sustinemus. Et ideo cum fiducia, quae docuisti, proclamamus: ... | |
| 6700 | Via quae nos ... piissime ... |
| Via, quae nos duxit ad te; veritas, quae nos confirmavit in te; vita, quae nos vivificavit in te, sacro ore constituit, quid petamus a te, piissime: ... | |
| 6701 | Vivi panis alimenta ... dicat ... |
| Vivi panis alimenta et sacri sanguinis dona sumpturi, dominica prece mentes et corda firmemus. Agnoscat altissimus filii sui vocem et verba Christi ad aures paternas concordis populi clamor attollat et dicat: ... | |
| 6702 | Voto alacres et ... e terris |
| Voto alacres et fide ferventes, fratres carissimi, accedamus ad domini mensam et, quibus possumus, studiis spiritalibus celebremus apostoli sui illustrissimum festum. Semotis paululum saecularibus curis, caelestibus dilatemur in gaudiis et domino nostro vota reddamus cum lacrimis et orationibus sanctis. Aderit profecto clemens rogantibus, qui beato apostolo Bartholomaeo concessit imperare daemonibus. Suscipiet contritionem humilium, qui in passione se sequendi apostolo suo dedit exemplum. Nec irrita, licet indigne ministrantium, sacerdotum efficiet munera, qui apostoli sui obsequia se habere ostendit miraculis gratiosa. Dabit sumpturis dignitatem sumendi, qui sancto Bartholomaeo apostolo gratiam conferre dignatus est spiritus sancti. Exaudiet orationem nostram e caelis, qui nos orare sic docuit proclamare e terris: |
|
| 6703 | Ab omni malo ... apostolici luminis circumdati omne aevum criminis cum pompis |
| Ab omni malo nos eripe, omnipotens deus, et praesta, ut, iubar<e> apostolici luminis circumdati, omne aevum criminis cum pompis saeculi respuamus. | |
| 6704 = 98 | Adesto domine fidelibus tuis et ... conserva periculis. (=CO 98) |
| Adesto, domine, fidelibus tuis et, quos caelestibus instituis sacramentis, a terrenis conserva periculis. | |
| 6705 | Domine deus omnipotens ... iste credentium. |
| Domine deus omnipotens, libera nos a malo et in tempore accepto salva nos, ut, sicut in condemnatione filii tui perfidorum piaculum salus omnium fuit, sic per misericordiam tuam communis sit cultus iste credentium. | |
| 6706 | Exerce liberator in ... concina gloriaris. |
| Exerce, liberator, in nobis iuris proprii facultatem, qui Lazaro virtutem, Mariae pietatem, Marthae laborem remuneras; favorem plebis excitas et patris voce concina gloriaris. | |
| 6707 | Libera domine libera ... proiectione defende. |
| Libera, domine, libera nos ab omni malo et a fortissimis adversariis, diabolo et morte ea, quae cunctis fortior est, virtutis et dexterae tuae proiectione defende. | |
| 6708 | Libera domine libera ... opere bono. |
| Libera, domine, libera nos ab omni malo et constitue nos in omni opere bono. | |
| 6709a | Libera nos a ... et veritatis. |
| Libera nos a malis, auctor bonorum omnium deus, libera nos ab omni temptatione, ab omni scandalo, ab omni haeresi, ab omni opere tenebrarum et constitue nos in omni opere bono et da pacem in diebus nostris, auctor pacis et veritatis. | |
| 6709b | Libera nos a ... et caritatis. |
| Libera nos a malis omnibus, auctor bonorum deus, ab omni temptatione, ab omni scandalo, ab omni opere tenebrarum et constitue nos in omni bono et da pacem in diebus nostris, auctor pacis et caritatis. | |
| 6710 | Libera nos a ... imitari valeamus. |
| Libera nos a malis omnibus, misericors deus, et praesta, ut, haec sacrificia tibi offerentes, beatorum martyrum et confessurum tuorum illorum auxiliis adiuvemur et exempla eorum imitari valeamus. | |
| 6711 | Libera nos a ... omne bonum. |
| Libera nos a malis praesentibus et futuris, omnipotens deus, libera nos a periculis, ab infirmitatibus, ab scandalis et praepara nos ad omne bonum. | |
| 6712 | Libera nos a ... proximis remittamus. |
| Libera nos a malis praesentibus et futuris propitiusque concede, ut, quae nobis poscimus relaxari, ipsi quoque proximis remittamus. | |
| 6713 | Libera nos a ... tuum pro nobis crucifixum edimus et sanguinem sanctum tuum pro nobis effusum bibimus. Fiat nobis corpus sanctum tuum in salutem et sanguis sanctus tuus in |
| Libera nos a malo, domine Christe Iesu. Corpus <sanctum> tuum, pro nobis crucifixum, edimus et sanguinem sanctum tuum, pro nobis effusum, bibimus. Fiat nobis corpus sanctum tuum in salutem et sanguis sanctus tuus in remissionem peccatorum. | |
| 6714 | Libera nos a ... sanctificata atque aucta sanctificet corda dum creditur deleat peccata dum sumitur ut hic et in aeternum salvi |
| Libera nos a malo, nostra libertas, quia tibi soli licet augere merita et dimittere peccata. Evacua nos vitiis et reple nos virtutibus, ut <oblatio>, sanctificata atque aucta, sanctificet corda, dum creditur, deleat peccata, dum sumitur, ut hic et in aeternum salvi esse mereamur. | |
| 6715 | Libera nos a ... exsultatione promissa. |
| Libera nos a malo, omnipotens deus, et dominare tu nostri, qui mortis a nobis dominia repulisti, ut tua semper, domine, cogitemus cum alacritate mandata, cum timore iudicia, cum exsultatione promissa. | |
| 6716 | Libera nos a ... aeterna concede. |
| Libera nos a malo, omnipotens deus, et custodi in bono. Evacua nos vitiis et reple virtutibus et bona nobis tam praesentia quam aeterna concede. | |
| 6717 | Libera nos a ... incrementa virtutum. |
| Libera nos a malo, omnipotens deus, et praesta, ut, incisa mole facinorum, sola in no<bi>s proficiant incrementa virtutum. | |
| 6718 | Libera nos a ... defuisse martyrium. |
| Libera nos a malo, omnipotens deus, et tribue nobis supplicibus tuis tam promptum pro Christo tuo ad patiendum animum, ut probemur non nos martyrio sed nobis defuisse martyrium. | |
| 6719 | Libera nos ab ... protectione defende. |
| Libera nos ab omni malo, ab omni delicto, auctor omnium bonorum et conditor deus, et, intercedente beata Maria genitrice tua, contra cottidiani hostis insidias cottidiana nos protectione defende. | |
| 6720 | Libera nos ab ... dum sumitur. |
| Libera nos ab omni malo, omnipotens deus, et, quia tibi soli est praestandi potestas, tribue, ut sollemne hoc sacrificium sanctificet corda nostra, dum creditur, deleat peccata, dum sumitur. | |
| 6721 | Libera nos ab ... proximis remittamus. |
| Libera nos ab omni malo propitiusque concede, ut, quae nobis poscimus relaxari, ipsi quoque proximis remittamus. | |
| 6722 | Libera nos aeterna ... cupiunt possideri. |
| Libera nos, aeterna pietas et vera libertas neque sinas ab inimico capi, qui a te cupiunt possideri. | |
| 6723 | Libera nos domine ... omnium bonorum. |
| Libera nos, domine, ab omni malo et custodi nos iri omni bono, Iesu Christe, auctor omnium bonorum. | |
| 6724 | Libera nos domine ... perturbatione securi. |
| Libera nos, domine, ab omni malo praeterito, praesenti et futuro et, intercedentibus pro nobis beatis apostolis tuis Petro et Paulo, da propitius pacem in diebus nostris, ut, ope misericordiae tuae adiuti, et a peccato simus semper liberi et ab omni perturbatione securi. | |
| 6725 | Libera nos omnipotens ... virtutibus tuis. |
| Libera nos, omnipotens deus, a malis et constitue nos in bonis; evacua nos a vitiis et reple virtutibus tuis. | |
| 6726 | Libera nos omnipotens ... vera libertas. |
| Libera nos, omnipotens deus, ab omni malo, ab omni periculo et custodi nos in omni opere bono, perfecta veritas et vera libertas. | |
| 6727 | Libera nos omnipotens ... ipse largitor. |
| Libera nos, omnipotens deus, ab omnibus malis et praesta, ut natus hac nocte salvator mundi, sicut divinae nobis generationis est auctor, ita et immortalitatis sit ipse largitor. | |
| 6728 | Libera nos quaesumus ... saeculorum. Amen. |
| Libera nos, quaesumus, domine, ab omnibus malis praeteritis, praesentibus et futuris (et), intercedente beata et gloriosa semper(que) virgine dei genitrice Maria et beatis apostolis tuis Petro et Paulo atque Andrea, da propitius pacem in diebus nostris, ut, ope misericordiae tuae adiuti, et a peccato simus semper liberi et ab omni perturbatione securi. Per dominum nostrum Iesum Christum filium tuum, qui tecum vivit et regnat deus in unitate spiritus sancti per omnia saecula saeculorum. Amen. | |
| 6729 = 3263 | Libera nos quaesumus domine ab ... in poenis. (=CO 3263) |
| Libera nos, quaesumus, domine, ab omnibus malis praeteritis, praesentibus et futuris et, intercedentibus sanctis tuis, anima famuli tui illius pro abundantia clementiae tuae pium te sentiat in inferis, quae multorum forsitan tormentorum cruciatus pro iustitiae merito sentit in poenis. | |
| 6730 | Per dominum nostrum ... saeculorum. Amen. |
| Per dominum nostrum Iesum Christum, in quo tibi est, cum quo tibi est honor, laus, gloria, magnificentia, potestas cum spiritu sancto a saeculis et nunc et semper et in omnia saecula saeculorum. Amen. | |
| 6731 | Commixtio consecrati corporis ... gaudium sempiternum. |
| Commixtio consecrati corporis et sanguinis domini nostri Iesu Christi nobis edentibus et sumentibus proficiat ad vitam et gaudium sempiternum. | |
| 6732 | Commixtio corporis et ... vitam perpetuam. |
| Commixtio corporis et sanguinis domini nostri Iesu Christi sit nobis salus in vitam perpetuam. | |
| 6733 | Fiat commixtio et ... vitam aeternam. |
| Fiat commixtio et consecratio corporis et sanguinis domini nostri Iesu Christi accipientibus nobis in vitam aeternam. | |
| 6734 | Fiat haec consecratio ... vitam aeternam. |
| Fiat haec consecratio et commixtio corporis et sanguinis domini nostri Iesu Christi omnibus accipientibus nobis salus in vitam aeternam. | |
| 6735 | Fiat nobis et ... praeparatio salutaris. |
| Fiat nobis et omnibus sumentibus, quaesumus, domine, commixtio et consecratio corporis et sanguinis domini nostri Iesu Christi in remissionem omnium peccatorum, tutamentum quoque mentis et corporis et ad vitam capessendam aeternam praeparatio salutaris. | |
| 6736 | Haec sacrosancta commixtio ... praeparatio salutaris. |
| Haec sacrosancta commixtio corporis et sanguinis domini nostri Iesu Christi fiat (mihi et) omnibus sumentibus salus mentis et corporis et ad vitam capessendam aeternam praeparatio salutaris. | |
| 6737 | Praesta nobis omnipotens ... et corporis. |
| Praesta nobis, omnipotens deus, ut haec communicatio sacri corporis et sanguinis tui non ad iudicium sed ad remedium proficiat mentis et corporis. | |
| 6738 | Pacem mandasti pacem ... pace disponas. |
| Pacem mandasti, pacem dedisti, pacem dereliquisti. Pacem tuam, domine, da nobis de caelo et pacificum hunc diem et ceteros dies vitae nostrae in tua pace disponas. | |
| 6739 | Domine Iesu Christe ... (co)adunare digneris. |
| Domine Iesu Christe, qui dixisti apostolis tuis: “Pacem relinquo vobis, pacem meam do vobis”, ne respicias peccata mea sed fidem ecclesiae tuae eamque secundum voluntatem tuam pacificare et (co)adunare digneris. | |
| 6740 | Acceptare digneris quaesumus ... veniam peccatorum. |
| Acceptare digneris, quaesumus, piissime deus, huius salutaris sacrificii munus oblatum et nobis famulis tuis, intercedente beato confessore tuo Mauro, omnium concede veniam peccatorum. | |
| 6741 | Beati apostoli tui ... constituente doctrina. |
| Beati apostoli tui Iacobi, in cuius hodie festivitate corpore et sanguine tuo nos refecisti, quaesumus, domine, intercessione nos adiuva, ut eius precibus gubernemur, cuius utimur, te constituente, doctrina. | |
| 6742 | Beati confessoris tui ... esse devoti. |
| Beati confessoris tui Materni atque pontificis fac nos, domine, miranda praeconia confiteri, ut, eius adiuti praesidiis, maiestati tuae iugiter mereamur esse devoti. | |
| 6743 | Caelestis mensae dapibus ... mente servemus. |
| Caelestis mensae dapibus recreati, quaesumus, omnipotens deus, ut, intercedente beato Barnaba apostolo tuo, quod fideliter ore percepimus, sincera mente servemus. | |
| 6744 | Concede quaesumus omnipotens ... salutiferam operetur. |
| Concede, quaesumus, omnipotens deus, ut sacramentum corporis et sanguinis domini nostri Iesu Christi, quod ad sanctae Perpetuae laudem percepimus et honorem, in nobis mentis et corporis medicinam salutiferam operetur. | |
| 6745 | Beati Christophori martyris ... intercessione fac nos domine < ... |
| Beati Christophori martyris < ... > intercessione fac nos, domine, < ... > placita postulare et <pos>tulata percipere. | |
| 6746 | Da nobis quaesumus ... veraciter exsequentes. |
| Da nobis, quaesumus, domine, fidei miseratus augmentum, ut, quae sanctos martyres tuos Cosmam et Damianum, usque ad sanguinem retenta, glorificat, nos etiam iustificet, veraciter exsequentes. | |
| 6747 | Dona mensae tuae ... tribuat medicinam. |
| Dona mensae tuae, domine, quae tibi nos famuli tui immolamur, nobis, quaesumus, proficiant et famulae tuae illius compete tribuat medicinam. | |
| 6748 | Deus cuius fidelibus ... timemus avertas. |
| Deus, cuius fidelibus cuncta bona proveniunt, praesta nobis miseris et indignis, ut quod meremur indulgeas, quod timemus avertas. | |
| 6749 | Deus invisibilis et ... sempiterna perducas. |
| Deus invisibilis et inaestimabilis, cuius misericordiae non est numerus, qui secreta medullarum et arcana cordium rimaris, qui omnes actus et cogitationes meas inspicis, qui etiam peccata mea omnium hominum facinoribus graviora esse cognoscis, qui forsitan ab inimicis me pulsare permittis, ut ab iniquitatibus me revoces, te, quamvis indignus, suppliciter exoro, quatenus et mihi patientiae virtutem tribuas eisque quidquid in te et in me deliquere indulgeas, de persecutione etiam mea illos compescas necnon me egenum et indignum ab illorum et omnium inimicorum meorum insidiis eripias, ab omnibus quoque peccatis clementer absolvas et ad gaudia sempiterna perducas. | |
| 6750 | Deus qui ad ... perfrui claritate. |
| Deus, qui ad beati confessoris tui Benedicti magisterium de diversis tuos famulos mundi partibus aggregasti, concede nobis ita in eius exemplorum lumine alacres incedere, ut meritorum quoque ipsius mereamur perfrui claritate. | |
| 6751 | Deus qui beatum ... liberum inter tormenta sec<ur |
| Deus, qui beatum Christophorum martyrem tuum inter vincu<la> liberum, inter tormenta sec<ur>um gratiae tuae ubertate <feci>sti, quaesumus clementiam tuam, ut, merita recolentes, nos, <quod> humiliter poscimus, apud <tuam misericordiam> impetremus. | |
| 6752 | Deus qui inter ... favente mereamur. |
| Deus, qui inter cetera potentiae tuae miracula etiam sexum fragilem virtute rectae intentionis corroboras, praesta, quaesumus, ut exemplo sanctae Helenae christianissimae reginae, cuius studio desideratum Regis nostri lignum retegere dignatus es tectum, ea quae Christi sunt iugiter indagare atque consequi, te favente, mereamur. | |
| 6753 | Deus qui non ... inhaerere mandatis. |
| Deus, qui non vis mortem peccatoris sed ut convertatur et vivat, adiuva me, ut toto corde convertar ad te et tuis merear inhaerere mandatis. | |
| 6754 | Deus qui nos ... moderatissimus rector. |
| Deus, qui nos annua beati Clementis Willibrordi confessoris tui atque pastoris nostri veneranda ordinatione laetificas, concede propitius, ut apud misericordiam tuam pro nostris reatibus supplex interventor exsistat, qui ecclesiae tuae providus exstitit pastor et moderatissimus rector. | |
| 6755 | Deus qui omnes ... et corporis. |
| Deus, qui omnes salvas et neminem vis perire, salva me a laqueo mortis et a poenis inferni et ab omnibus insidiis inimici mentis et corporis. | |
| 6756 | Deus qui sordes ... contemnendo incurrimus. |
| Deus, qui sordes nostrorum peccatorum districte percutis gladio paganorum, preces ecclesiae tuae miseratus intende et concede, ut eorum potestatem tibi serviendo evadamus, quorum feritatem te contemnendo incurrimus. | |
| 6757 | Gratiam tuam quaesumus ... orationibus sublevemur. |
| Gratiam tuam, quaesumus, domine, huius virtute mysterii, intercedente beato Clemente Willibrordo patrono nostro, cordibus nostris clementer infunde et praesta, ut, in cuius veneranda ordinatione percepimus, eius instruamur exemplis, muniamur meritis, orationibus sublevemur. | |
| 6758 | Hanc igitur oblationem ... consequi mereantur. |
| Hanc igitur oblationem, quam tibi offerimus pro famulis et famulabus tuis, ut salutem corporis et animae consequi mereantur. | |
| 6759 | Has oblationes quas ... ad veniam. |
| Has oblationes, quas tibi offerimus, domine, in honore beati Apollinaris martyris tui, cunctis nobis proficiant ad veniam. | |
| 6760 | Hostia domine tuae ... securitate constituat. |
| Hostia, domine, tuae maiestati oblata, christiani nominis inimicos deprimat nosque in perpetuae pacis securitate constituat. | |
| 6761 | Misericordiae tuae domine ... laude cessemus. |
| Misericordiae tuae, domine, in nos dona multiplica, ut, qui primitiarum pascimur sacramentis, a tua numquam laude cessemus. | |
| 6762 | Misericordiam tuam nobis ... devotionem multiplicent. |
| Misericordiam tuam nobis, domine, quaesumus, haec sancta, quae sumpsimus, semper acquirant et famulae tuae illius devotionem multiplicent. | |
| 6763 | Munera nostra quaesumus ... conspectum divinae maiestatis |
| Munera nostra, quaesumus, domine, benigno vultu suscipe et concede, ut beati Clementis Willibrordi confessoris tui atque pastoris nostri[s] precibus salutaria nobis reddantur, pro cuius veneranda ordinatione <in> conspectum divinae maiestatis tuae deferuntur. | |
| 6764 | Omnipotens deus cuius ... adunari praecipias. |
| Omnipotens deus, cuius multitudo miserationum omnem humanam excellit aestimationem, quaesumus immensam clementiam tuam, ut per haec sancta, quae sumpsimus, omnibus inimicis meis, quidquid in me et in te peccati commiserint, misericorditer indulgeas eisque spiritum caritatis infundas, peccata mihi dimittas et post huius vitae terminum in sanctorum tuorum consortio me adunari praecipias. | |
| 6765 | Omnipotens et misericors ... opus |
| Omnipotens et misericors deus, da famulo tuo auxilium gratiae tuae, ut possit pervenire ad viam veritatis et indulgentia[m] pietatis tuae, quam tibi petimus devoto tuo, te donante, pervenire mereatur <ad> opus consummationis perfectum. | |
| 6766 | Praesta quaesumus omnipotens ... intercessione superentur. |
| Praesta, quaesumus, omnipotens et misericors deus, ut omnes fremitus inimicorum meorum, tui auxilii et patientiae clipeo munitus, vincam et illi, qui in me sua conantur feritate affigere, omnium sanctorum tuorum intercessione superentur. | |
| 6767 | Preces nostras quaesumus ... feliciter pervenire. |
| Preces nostras, quaesumus, domine, placatus intende, quibus tibi humiliter supplicamus pro famulis et famulabus tuis illis et illis, ut digneris illis indulgere et ad aeternam beatitudinem <facias> feliciter pervenire. | |
| 6768 | Quos proprii corporis ... futuro securi. |
| Quos proprii corporis et sanguinis communione satiasti, ad te, domine, suspirantes, exaudi, ut, de praeterito errore muniti, ab omni simus futuro securi. | |
| 6769 | Repleti sumus domine ... portio tribuatur. |
| Repleti sumus, domine, et satiati gaudio aeterno nostrae salutis, corpore scilicet et sanguine tuo, pro quibus tibi, domine, uberrimas referimus gratias, [et] obsecrantes, ut post haec bona in aeternum manentibus paradisi nobis vel ultima portio tribuatur. | |
| 6770 | Reprime quaesumus omnipotens ... christianitati concessa. |
| Reprime, quaesumus, omnipotens deus, gentem, in sua feritate confidentem, ut eorum feritati non subiaceant, quos tanta mysteria reparant, atque tui nominis sit gloria pax christianitati concessa. | |
| 6771 | Sumentes perpetuae dona ... inseramur aeternis. |
| Sumentes perpetuae dona salutis, quaesumus, domine deus noster, ut, qui vitalis ligni gloriam celsitudinis veneramur in terris, signo filii tui coruscante in caelis, cum eodem gaudiis inseramur aeternis. | |
| 6772 | Suscipe clementissime pater ... adunari praecipias. |
| Suscipe, clementissime pater, hanc oblationem, quam ego indignus praesumo offerre pro omnibus me persequentibus, quatenus et illorum mentes corrigas, iniustitiam illorum veritati et iustitiae subicias, sufferentiam mihi concedas, malitias illis dimittas meque, omnium malorum sectatorem, de vinculis criminum absolvas et saltem in ultimo electorum tuorum gradu me adunari praecipias. | |
| 6773 | Suscipe nunc pietas ... argumenta deponant. |
| Suscipe nunc, pietas aeterna, nostrae devotionis cum supplicatione libamina, quae et a nostra nos pravitate corrigant et totius argumenta deponant. | |
| 6774 | Veneranda quaesumus domine ... feliciter introducat. |
| Veneranda, quaesumus, domine, intercessio beatae virginis tuae illius, cuius hodierna festivitate laetamur, nostram fragilitatem perpetuo foveat et ad aeternae beatitudinis patriam feliciter introducat. | |
| 6775 | deus qui splendorem ... ] dignatus es revelare quatenus densis errorum tenebris effugatis veritas fulgeat perpetuae claritatis tribue quaesumus ut tantae incarnationis mysterium humiles famuli et fidei integritate colamus et devoto semper |
| deus, qui splendorem gloriae tuae per sacrae uterum virginis in mundi fine [in<gressus>] dignatus es revelare, quatenus, densis errorum tenebris effugatis, veritas fulgeat perpetuae claritatis, tribue, quaesumus, ut tantae incarnationis, mysterium humiles famuli et fidei integritate colamus et devoto semper obsequio frequentemus. | |
| 6776 | Propitiare domine deus ... contagiis vetustatis. |
| Propitiare, domine deus, supplicationibus nostris et tribulantibus, quaesumus, auxilium tuae pietatis concede, ut, de filii tui venientis praesentia consolati, nullis iam polluamur contagiis vetustatis. | |
| 6777 | Unigenitum omnipotens pater ... eius adventum simul<que |
| Unigenitum, omnipotens pater, prophetarum oraculis declaratum, tota nunc gaudet ecclesia in mundum venturum. Sicut pluvia super vellus, oriatur, quaesumus, abundantia pacis <per> eius adventum, simul<que> exsultet terra caelesti rore perfusa, ut redemptori suo laeta valeat offerre splendida vota. | |
| 6778 | Inenarrabilem potentiae tuae ... iuvante perveniat. |
| Inenarrabilem potentiae tuae, deus, virtutem extende et populo supplicanti per filii tui praesentiam defensor accede, ut ad votiva desideria, ipso iuvante, perveniat. | |
| 6779 | Omnipotens deus qui ... praesentiam sustinemus. |
| Omnipotens deus, qui nos praecipis per portam iustitiae transire et iter Christo domino praeparare, concede propitius, ut nullis infirmitatibus fatigemur, qui caelestis medici fulgentem praesentiam sustinemus. | |
| 6780 | Deus qui ad ... praemium libertatis. |
| Deus, qui ad liberandum humanum genus a vetustatis condicione tua clementia procurasti, largire devote exspectantibus gratiam tuae supernae pietatis, ut ad verae perveniamus praemium libertatis. | |
| 6781 | Exaudi preces populi ... pinguissima repleantur. |
| Exaudi preces populi tui, omnipotens deus, et, radiante de caelo iustitia, omnis germinet terra laetitiam, ut in filii tui redemptoris mundi adventum, quaesumus, desiderantes animae nostrae benedictione pinguissima repleantur. | |
| 6782 | Veniam precamur offensis ... percipere indulgentiam. |
| Veniam precamur offensis, caelorum conditor deus, ut, redemptoris nostri sustinentes praesentiam, peccatorum mereamur percipere indulgentiam. | |
| 6783 | Deus qui via ... praemia promereri. |
| Deus, qui via es veritatis et ineffabilis unitas Trinitatis, concede propitius, tua in nobis gratia operante, ut venienti salvatori mereamur cum dignis operibus obviare et beatitudinis praemia promereri. | |
| 6784 | Reple bonis omnipotens ... auxilio gubernata. |
| Reple bonis, omnipotens Deus, terram tuam, redemptoris sui praesentiam cupientem, ut, consolationis aeternae gratia circumdata, plebs tua caelesti permaneat auxilio gubernata. | |
| 6785 | Deus olim divina ... plenitudinem possidere. |
| Deus, olim divina praeconia cecinerunt, in mundum venturum, concede propitius desideranti populo tuo sollemnem redemptoris sui nativitatem suscipere et caelestia ab eo dona consequi benedictionisque plenitudinem possidere. | |
| 6786 | Dirigatur quaesumus domine ... puritate perveniant. |
| Dirigatur, quaesumus, domine, in conspectu tuo nostrae petitionis oratio et ad magnae incarnationis tuae mysterium nostrae servitutis vota, illibata puritate, perveniant. | |
| 6787 | Deus qui salutare ... fraudibus mancipemur. |
| Deus, qui salutare tuum, toris terrae finibus nuntiatum, signis fulgentibus declarasti, tribue, quaesumus, ut, qui nativitatis eius gloriam sollemniter praestolamur, nullis iam inimicorum fraudibus mancipemur. | |
| 6788 | Omnipotens et invisibilis ... praeconiis collaudemus. |
| Omnipotens et invisibilis deus, qui mundi tenebras lucis tuae adventu fugasti, sereno nos, quaesumus, vultu circumspice, ut magnificentiam nativitatis tuae dignis praeconiis collaudemus. | |
| 6789 | Deus qui hominem ... subiacere periculis. |
| Deus, qui hominem, olim perditum et densis vitiorum nebulis obscuratum, gloriosae nativitatis tuae lumine radiasti, concede propitius, ut, quem tantae salutis beneficio munerasti, quaesumus, nullis malorum patiaris subiacere periculis. | |
| 6790 | Omnipotens sempiterne deus ... placatus exaudi. |
| Omnipotens sempiterne deus, caeli terraeque dominator, respice propitius ad orationem familiae tuae et unigenito tuo venienti pia vota solvere cupientem placatus exaudi. | |
| 6791 | Domine aeterne dei ... dominum angelorum. |
| Domine aeterne, dei filius, ante cuius inenarrabile incarnationis mysterium exsultaverunt montes et iucundati sunt colles, concede propitius, ut te in secundo adventu nullo modo formidemus sed, absoluti a vinculis delictorum, redemptorem humani generis sentiamus, quem veraciter confitemur deum et dominum angelorum. | |
| 6792 | Oriatur quaesumus omnipotens ... dominus noster Iesus Christus ut omni noctis obscuritate sublata filios nos esse diei verae lucis |
| Oriatur, quaesumus, omnipotens deus, in cordibus nostris splendor gloriae <tuae>, dominus noster Iesus Christus, ut, omni noctis obscuritate sublata, filios nos esse diei verae lucis manifestet adventus. | |
| 6793 | Tribue quaesumus domine ... saecula saeculorum. |
| Tribue, quaesumus, domine deus, ut devotis mentibus divinum exspectemus adventum, quo sacratissimus virginis partus ex spiritu sancto nobis generet deum, quatenus appareat in hominibus Christus dominus et salvator, qui cum ingenito patre vivit et regnat, nunc et per omnia saecula saeculorum. | |
| 6794 | Clemens et misericors ... praemium sempiternum. |
| Clemens et misericors deus, ad tuorum propitius intende precibus famulorum, ut, qui redemptoris mundi sustinemus adventum, quaesumus, nostrae salutis capiamus praemium sempiternum. | |
| 6795 | Deus turris inexpugnabilis ... conferat sanitatem. |
| Deus, turris inexpugnabilis et civitas fortitudinis nostrae, esto nobis, quaesumus, protectio salutaris et desiderabilis virtus, ut futura nativitas salvatoris generalem laetitiam et plenissimam omnibus conferat sanitatem. | |
| 6796 | Propitiare domine deus ... omnium peccatorum. |
| Propitiare, domine deus, supplicationibus nostris et, suffragante tuae incarnationis adventu, quaesumus, preces nostras dignanter exaudi et veniam tribue omnium peccatorum. | |
| 6797 | Omnipotens sempiterne deus ... in nobis. |
| Omnipotens sempiterne deus, nativitatem Christi filii tui secundum carnem propinquare cernentes, quaesumus, ut nobis indignis famulis misericordiam praestet ipse, qui pro nobis dignatus est ingredi utero sanctae virginis, ut Verbum caro fieret et habitaret in nobis. | |
| 6798 | Deus qui conspicis ... laetitia celebrare. |
| Deus, qui conspicis populum tuum incarnationem dominicam fideliter exspectare, praesta, quaesumus, ut valeamus ad tantae salutis gaudia pervenire et votis sollemnibus alacri semper laetitia celebrare. | |
| 6799 | Ingenti filius patris ... iubeas postulamus. |
| Ingenti filius patris, domine omnipotens, Christe, nostram, quaesumus, dignanter absque macula suscipe carnem, ut et te humanae substantiae participem esse probemus et nos ad caelestia dona ut perducere iubeas postulamus. | |
| 6800 | Largire quaesumus domine famulis tuis fidei et securitatis augmentum ut qui de ventura ... fine percipiant. |
| Largire, quaesumus, domine, famulis tuis fidei et securitatis augmentum, ut, qui de ventura nativitate domini nostri tui filii gloriantur, et adversa mundi, te gubernante, non sentiant et, quae temporaliter celebrare desiderant, sine fine percipiant. | |
| 6801 | Excelsi filius dei ... similis nobis. |
| Excelsi filius dei, humani generis conditor et immaculate salvator, procede iam, quaesumus, de incontaminata virgine pro mundi redemptione, ut sentiamus per eandem nos gratiam liberari a peccatis, per quam ipse fieri dignatus es absque delicto similis nobis. | |
| 6802 | Iam refulgens adventus ... esse participes. |
| Iam refulgens adventus filii tui, quaesumus, omnipotens pater, et laetitiam nobis praesentis exhibeat temporis et aeternae gloriae praestet esse participes. | |
| 6803 | Deus aeterna maiestas ... meruit baiulare. |
| Deus, aeterna maiestas, cuius ineffabile Verbum, angelo deferente, virginitas immaculata suscepit et, domicilium deitatis effecta, sancti spiritus luce repletur, quaesumus, ut fidelem populum ipsa suis orationibus protegat, quae deum et hominem sacris castisque visceribus meruit baiulare. | |
| 6804 | Deus humanae conditor ... consortio sociari. |
| Deus, humanae conditor et redemptor naturae, qui Verbum tuum in utero perpetuae virginitatis carnem assumere voluisti, respice propitius ad preces nostras, ut, unigeniti tui nativitate suscepta, ipsius etiam redemptoris mereamur divino consortio sociari. | |
| 6805 | Deus qui initio ... operibus praeparatus. |
| Deus, qui, initio statim mundi promulgans lucem, densas tenebrarum nebulas dissipasti, quaesumus, ut ipse iam procedat, conditor lucis, sponsus veri thalami, ante saecula quem parasti, ut populus, a vetustatis errore liberatus, in occursum filii tui adveniat, cum dignis operibus praeparatus. | |
| 6806 | Omnipotens sempiterne deus ... laetitia celebrentur. |
| Omnipotens sempiterne deus, qui per incarnationem unigeniti tui mundum tuae maiestati reconciliare dignatus es, tribue, quaesumus, ut nubila peccatorum fugiant a corde sereno et mysteria, dominicae nativitatis luce crescentia, casta semper laetitia celebrentur. | |
| 6807 | Lumen verum quod ... nativitatis praesentiam. |
| Lumen verum, quod ex fonte cordis tui, domine deus noster, salutiferum eructuare dignatus es Verbum, quaesumus, ut, sicut beatae Mariae intemeratae virginis mirabiliter ingressum est uterum, ita nobis concedas, tuis famulis, eius cum gaudio praestolari gloriosae nativitatis praesentiam. | |
| 6808 | Omnipotens sempiterne deus ... exaudire digneris. |
| Omnipotens sempiterne deus, maiestatem tuam supplices deprecamur, ut, refulgente iam dominicae carnis adventu, ad nostras preces aures placidas praebeas et orationes fidelium famulorum exaudire digneris. | |
| 6809 | Deus qui filium ... iubeas postulamus. |
| Deus, qui filium tuum, virginalibus membris receptum, nostrae carnis tunicam indui voluisti, praesta, quaesumus, ut et te humanae substantiae esse participem gaudeamus; et nos ad caelestia dona ut pervenire iubeas postulamus. | |
| 6810 | Deus cuius Verbi ... redemptione procedat. |
| Deus, cuius Verbi aeternitas caeli faciem decoravit et virginis uterum dominicae carnis gloria fecundavit, quaesumus, ut splendor iam novae lucis appareat et salus humani generis de castis visceribus pro mundi redemptione procedat. | |
| 6811 | Deus qui intra ... aeterna salvatio. |
| Deus, qui intra virginalis uteri mansionem ineffabili arte sanctum tibi carnis cubiculum condidisti, procede iam, quaesumus, placabilis et formam redime servi, quam ante saecula promisisti, ut et tibi digna celebretur laudatio et nobis fiat aeterna salvatio. | |
| 6812 | Domine deus iam ... tenebras animarum. |
| Domine deus, iam virginei thalami pulchritudo ornamentis insignibus praeparatur, ut, regalibus nuptiis celebratis, procedat exinde sponsus prae filiis hominum speciosus, qui laetitiam et pacem de sua plenitudine populis omnibus donet et splendore praesentiae suae nostrarum illuminet tenebras animarum. | |
| 6813 | Ineffabile magni decretum ... sollemniter adorare. |
| Ineffabile magni decretum consilii fideles populi humiliter veneremur, quia in virginis partu beatae stupendum videmus miraculum coruscare, dum humanae naturae deitas sociata gemina in Christo fulget substantia, cui caelestia famulantur obsequia et cuncta mundi subiacent elementa, proinde tantae divinitatis (…) nostri salvatoris cunabula cum hymnis et laudibus sollemniter adorare. | |
| 6814 | Deus qui velatus ... regnas deus. |
| Deus, qui velatus corporeo iaces in tegmine et revelatus intacta claustra relinquis in virgine, procede iam, quaesumus, salus mundi, redemptor humani generis, ut, geminam gloriae tuae substantiam adorantes, unius te maiestatis deum integritate fidei collaudemus, qui vivis et regnas, deus. | |
| 6815 | Excelsum te deum ... filios pacis. |
| Excelsum te deum pariter atque humilem hominem Iesum Christum adclines servuli supplices deprecamur, ut pacem, quam adscensurus ad caelos tui caracteris notitia commendasti, dones, augmentes, perficias atque custodias. Atque ita fiat pax in virtute tua et abundantia in turribus tuis, ne officia osculi sint tegmina virus occulti; sed, quia decantantibus angelis pacem tribuisti hominibus bonae voluntatis, in hoc die tui natalis efficias nos nuntios et filios pacis. | |
| 6816 | Deus qui beatos ... in pace. |
| Deus, qui beatos martyres tuos Adrianum atque Nataliam, coniugali foedere copulatos, ad tantam gloriam provexisti, ut et ille patiendi munere et haec locupletaretur obsequendi mercede, praesta nobis, ut, devictis vitiorum carnalium incentivis atque perfecte coram te exhibentes nostrae mysterium servitutis, muneribus ditemur a te pacis aeternae atque dulcedinis, quo ita tibi placabiles simus caritatis ex opere, ut illic post transitum, qua idem sancti requiescunt, iucundemur in pace. | |
| 6817 | Gratias tibi agimus ... aeterna remedia. |
| Gratias tibi agimus, omnipotens deus, per quem panem caelestem et calicem sumimus vitae, petentes clementiam tuam, ut sancta haec, quam percipimus, communio conquirat nobis aeterna remedia. | |
| 6818 | Celebratis atque perfectis ... esse participes. |
| Celebratis atque perfectis divini baptismatis sacramentis, domino caeli et terrae, deo patri omnipotenti, indefessas gratias referamus ipsumque supplices postulemus, uti nos atque omnem familiam suam gloriosae resurrectionis domini nostri Iesu Christi annuat esse participes. | |
| 6819 | Deus cui caeli ... protectione custodias. |
| Deus, cui caeli et terra non sufficiunt, virginis viscera ingressus, templum tibi habitationis dedicare dignatus es, oramus supplices pietatem tuam, ut huius sacramenti mysterio populum tuum pervigili protectione custodias. | |
| 6820 | Deus cuius spiritu ... beneficiis adiuvetur. |
| Deus, cuius spiritu regimur, cuius protectione servamur, praetende nobis misericordiam tuam et exorabilis tuis esto supplicibus, ut in te credentium fides tuis semper beneficiis adiuvetur. | |
| 6821 | Deus qui per ... maneamus conspicui. |
| Deus, qui per adoptionem gratiae lucis nos esse filios voluisti, praesta, quaesumus, ut errorum non involvamur tenebris sed in splendore veritatis semper maneamus conspicui. | |
| 6822 | Deus qui salutem ... debeant invocare. |
| Deus, qui salutem generis humani in Verbi tui incarnatione fundasti, da populis tuis misericordiam, quam deposcunt, ut sciant omnes nationes non esse aliud sanctum quam nomen unigeniti tui sub caelo, quod debeant invocare. | |
| 6823 | Immensae pietatis deus ... esse concede. |
| Immensae pietatis deus, qui latronem per confessionem eadem die de cruce in paradisum transtulisti, transfer a nobis iniquitates nostras et heredes nos caelestium bonorum esse concede. | |
| 6824 | Propitiare domine famulis ... custodia perseverent. |
| Propitiare, domine, famulis tuis et clementer gratiae tuae super eos dona multiplica, ut, spei fideique et caritatis amore ferventes, semper in mandatis tuis vigili custodia perseverent. | |
| 6825 | Redemptor noster aspice ... et pacem. |
| Redemptor noster, aspice, deus, et veni ad liberandum nos de profundo iniquitatis et dona ecclesiae tuae perpetuam tranquillitatem et pacem. | |
| 6826 | Verbi tui nos ... clementer emundet. |
| Verbi tui nos, quaesumus, domine, adventus illuminet et a sordibus peccatorum clementer emundet. | |
| 6827 = 1535 | Deus qui ad caelos adscendens ... dona concedas. (=CO 1535) |
| Deus, qui, ad caelos adscendens, discipulis tuis spiritum sanctum collaturum te dignatus es polliceri, praesta, quaesumus, ut, sicut apostoli tui multifaria doctrinae caelestis munera perceperunt, ita nobis quoque spiritalia dona concedas. | |
| 6828 | Omnipotens sempiterne deus ... per gratiam. |
| Omnipotens sempiterne deus, da populo tuo digne atque sapienter ad confessionem tuae laudis accedere, ut, si qua in nobis sunt sauciata per culpas, sentiamus reparari posse per gratiam. | |
| 6829 | Deus qui beatum ... prophetavit inveniat. |
| Deus, qui beatum baptistam Ioannem tua providentia destinasti, ut perfectam plebem Christo domino praepararet, da, quaesumus, ut familia tua huius intercessione praeconis et a peccatis omnibus exuatur et eum, quem prophetavit, inveniat. |