The Digital Collection of Sources

Corpus Orationum

Moeller, Eugenius OSB – Clément, Ioannes Maria – Coppieters ‘t Wallant, Bertrandus: Corpus orationum.
Brepols, Turnhout 1993–2004. (Corpus Christianorum Series Latina 160 A–M)

1001	Da quaesumus ecclesiae ... incursione turbetur.
	Da, quaesumus, ecclesiae tuae, misericors deus, ut, sancto spiritu congregata, hostili nullatenus incursione turbetur.
1002	Da quaesumus misericors ... iugiter operetur.
	Da, quaesumus, misericors deus, ut mysticis ecclesia tua beati baptistae Ioannis exordiis et sacris erudita praeconiis, ad iram venturi iudicii declinandam, dignos salutis fructus iugiter operetur.
1003	Da quaesumus misericors ... adversitatibus liberemur.
	Da, quaesumus, misericors deus, ut, qui beatae Marthae filii tui hospitae festivitatem colimus, eius meritis a cunctis adversitatibus liberemur.
1004a	Da quaesumus nobis ... honorare primordia.
	Da, quaesumus, nobis, omnipotens deus, ieiuniorum magnifici sacramenti et digne semper tractare mysteria et competenter honorare primordia.
1004b	Da nobis quaesumus ... praecordiis celebrare.
	Da nobis, quaesumus, omnipotens deus, ieiuniorum magnifica sacramenta et dignis semper tractare mysteriis et puris pacificisque praecordiis celebrare.
1005	Da quaesumus omnipotens ... deleri facinora.
	Da, quaesumus, omnipotens deus, beatissimi sacerdotis et martyris tui Apollinaris meritis immensae nos tuae pietatis misericordiam consequi, quatenus, eius intervenientibus precibus, nostra queant deleri facinora.
1006	Da quaesumus omnipotens ... possidere caeleste.
	Da, quaesumus, omnipotens deus, cunctae familiae tuae hanc voluntatem Christo filio tuo domino nostro venienti, operibus iustis aptos, occurrere, ut, eius dexterae sociati, regnum mereantur possidere caeleste.
1007	Da quaesumus omnipotens ... discipulis intimasti.
	Da, quaesumus, omnipotens deus, aeternae vitae refectis muneribus, ei nos concorporari in caelestibus, quem tuum dilectum filium, in monte transformatum, ipsumque audiendum esse electis discipulis intimasti.
1008	Da quaesumus omnipotens ... principiumque praecessit.
	Da, quaesumus, omnipotens deus, illuc subsequi tuorum membra fidelium, quo caput nostrum principiumque praecessit.
1009	Da quaesumus omnipotens ... materna docuisti.
	Da, quaesumus, omnipotens deus, intra sanctae ecclesiae uterum constitutos, eo nos spiritu ab iniquitate nostra iustificari, quo beatum Ioannem intra viscera materna docuisti.
1010	Da quaesumus omnipotens ... pravitatibus obstinatos.
	Da, quaesumus, omnipotens deus, sic nos tuam veniam promereri, ut nostros corrigamus excessus, sic fatentibus relaxare delictum, ut coerceamus in suis pravitatibus obstinatos.
1011	Da quaesumus omnipotens ... praecurramus officiis.
	Da, quaesumus, omnipotens deus, ut abstinentiam, nostrae restaurationis exordiis competentem, dignis praecurramus officiis.
1012	Da quaesumus omnipotens ... ubique defendat.
	Da, quaesumus, omnipotens deus, ut beati Christophori martyris tui intercessio nos adiuvet eiusque suffragiis pietatis tuae clementia nos ubique defendat.
1013	Da quaesumus omnipotens ... precibus iuvemur.
	Da, quaesumus, omnipotens deus, ut, beati protomartyris tui Stephani post nativitatem domini nostri Iesu Christi sollemnia recensentes, et meritis ipsius protegamur et precibus iuvemur.
1014	Da quaesumus omnipotens ... consummatione beati apostoli tui illius et sanctorum martyrum tuorum illorum gloriam tua plebs
	Da, quaesumus, omnipotens deus, divino munere satiati, ut, sicut famulus tuus ille pro suae animae requie deputavit, ita in huius <sanctae basilicae> consummatione beati apostoli tui illius et sanctorum martyrum tuorum illorum gloriam tua plebs devota veneretur.
1015	Da quaesumus omnipotens ... mereatur aeterna.
	Da, quaesumus, omnipotens deus, ut ecclesia tua, et sacramentis refecta salutaribus et beati Pauli apostoli fulta supplicationibus, sic praesentia dona percipiat, ut capere mereatur aeterna.
1016	Da quaesumus omnipotens ... fecunditate laetetur.
	Da, quaesumus, omnipotens deus, ut ecclesia tua et suorum firmitate membrorum et nova semper fecunditate laetetur.
1017	Da quaesumus omnipotens ... ingrediatur aeterna.
	Da, quaesumus, omnipotens deus, ut famulus tuus, cui ecclesiasticae curae talenta tradidisti, cum multiplici laboris fructu gaudia domini sui ingrediatur aeterna.
1018	Da quaesumus omnipotens ... gloriae pervenire.
	Da, quaesumus, omnipotens deus, ut haec famula tua, quae pro spe retributionis promissi muneris se domino desiderat consecrari, plena fide animoque permaneat; tribue ei pro operibus gloriam, pro pudore reverentiam, pro pudicitia sanctitatem, ut ad meritum possit gloriae pervenire.
1019	Da quaesumus omnipotens ... recta sunt.
	Da, quaesumus, omnipotens deus, ut huius oblationis effectus et tibi non placita refutare et praestet nobis amare, quae recta sunt.
1020	Da quaesumus omnipotens ... et praesulis.
	Da, quaesumus, omnipotens deus, ut in tua spe et caritate sincera sacrificium, tibi placitum, deferamus et plebis et praesulis.
1021	Da quaesumus omnipotens ... munimine protegamur.
	Da, quaesumus, omnipotens deus, ut intercessione beatae virginis tuae illius et a praesentibus liberemur periculis et tuo semper munimine protegamur.
1022a	Da quaesumus omnipotens ... firmemur. (D)
	Da, quaesumus, omnipotens deus, ut mysteriorum virtute sanctorum vita nostra firmetur. (A) Da, quaesumus, omnipotens deus, ut mysteriorum virtute sanctorum Gervasii et Protasii vita nostra firmetur. (B) Da, quaesumus, omnipotens deus, ut, mysteriorum virtute satiati, sanctorum Gervasii et Protasii intercessione vita nostra firmetur. (C) Da, quaesumus, omnipotens deus, ut, mysteriorum tuorum virtute satiati, sanctorum Gervasii et Protasii intercessione firmemur. (D)
1022b	Da quaesumus omnipotens ... nostra firmetur.
	Da, quaesumus, omnipotens deus, ut mysteriorum virtute satiati, vita nostra firmetur.
1023a	Da quaesumus omnipotens deus ... semper mereamur caelestibus propinquare.
	Da, quaesumus, omnipotens deus, ut, quae divina sunt, iugiter ambientes, donis semper mereamur caelestibus propinquare.
1023b	Da quaesumus omnipotens deus ... donis mereamur caelestibus propinquare.
	Da, quaesumus, omnipotens deus, ut, quae divina sunt, iugiter exsequentes, donis mereamur caelestibus propinquare.
1024	Da quaesumus omnipotens ... patrocinia sentiamus.
	Da, quaesumus, omnipotens deus, ut, qui beatae Anastasiae martyris tuae sollemnia colimus, eius apud te patrocinia sentiamus.
1025	Da quaesumus omnipotens ... intercessionibus adiuvemur.
	Da, quaesumus, omnipotens deus, ut, qui beati Marcelli confessoris tui atque pontificis sollemnia colimus, eius apud te intercessionibus adiuvemur.
1026	Da quaesumus omnipotens ... beatus Felix donis tuis exstitit gloriosus apud te nostris exsistat nominibus
	Da, quaesumus, omnipotens deus, ut, qui<a> beatus Felix donis tuis exstitit gloriosus, apud te nostris exsistat nominibus idoneus interventor.
1027	Da quaesumus omnipotens ... passione respiremus.
	Da, quaesumus, omnipotens deus, ut, qui in tot adversis ex nostra infirmitate deficimus, intercedente unigeniti filii tui passione respiremus.
1028	Da quaesumus omnipotens ... pietate gaudeamus.
	Da, quaesumus, omnipotens deus, ut, qui, infirmitatis nostrae conscii, de tua virtute confidimus, sub tua semper pietate gaudeamus.
1029	Da quaesumus omnipotens ... in mente.
	Da, quaesumus, omnipotens deus, ut, qui nova incarnati verbi tui luce perfundimur, hoc in nostro resplendeat opere, quod per fidem fulget in mente.
1030	Da quaesumus omnipotens ... operentur effectum.
	Da, quaesumus, omnipotens deus, ut reatum nostrum munera sacra purificent et recte vivendi nobis operentur effectum.
1031	Da quaesumus omnipotens ... facias pervenire.
	Da, quaesumus, omnipotens deus, ut, sacro nos purificante ieiunio, sinceris mentibus ad sancta ventura facias pervenire.
1032a	Da quaesumus omnipotens deus ut sanctae Caeciliae ... proficiamus exemplo.
	Da, quaesumus, omnipotens deus, ut sanctae Caeciliae martyris et annua sollemnitate laetemur et tantae fidei proficiamus exemplo.
1032b	Da quaesumus omnipotens deus ut qui beatae Priscae ... proficiamus exemplo.
	Da, quaesumus, omnipotens deus, ut, qui beatae Priscae martyris tuae natalicia colimus, et annua sollemnitate laetemur et tantae fidei proficiamus exemplo.
1033	Da quaesumus omnipotens ... veneranda translatio.
	Da, quaesumus, omnipotens deus, ut sancti confessoris tui Iudoci nos ubique conservet oratio, cuius hanc festivitatem consecrat veneranda translatio.
1034	Da quaesumus omnipotens ... ubique praesentiam.
	Da, quaesumus, omnipotens deus, ut, sicut per cuncta mundi spatia martyrum tuorum facis victorias propagari, sic, te auxiliante, nobis eorum sentiamus ubique praesentiam.
1035	Da quaesumus omnipotens ... semper emundet.
	Da, quaesumus, omnipotens deus, ut, sicut beatus Ioannes baptista adstruxit, agnus ille tuus, qui praesentibus mysteriis declaratus est, peccata nostra semper emundet.
1036	Da quaesumus omnipotens ... veraciter confidamus.
	Da, quaesumus, omnipotens deus, ut toto tibi corde famulemur, quia nulla nobis praevalebit hostilitas, si in te, domine, veraciter confidamus.
1037	Da quaesumus omnipotens ... fidei veneremur.
	Da, quaesumus, omnipotens deus, ut triumphum beati Laurentii martyris tui, quem, despectis ignibus, consummavit in terris, perpetua caelorum luce conspicuum, digno fervore fidei veneremur.
1038	Da quaesumus omnipotens ... confessione constantes.
	Da, quaesumus, omnipotens deus, ut venerabilis Leodegarius sacerdos et martyr et sacris nos exerceat institutis et pia semper faciat confessione constantes.
1039	Da salutem domine ... beneficia consequantur.
	Da salutem, domine, populo tuo mentis et corporis et perpetuis consolationibus tuorum reple corda fidelium, ut, interius exteriusque relevati, et pia tibi devotione complaceant et tua semper beneficia consequantur.
1040	Da tuorum quaesumus ... veneremur affectu.
	Da, tuorum, quaesumus, domine, habitator aeterne sanctorum, ut beati apostoli tui Andreae pretiosa natalicia non solum ministerio corporali sed etiam et mentis veneremur affectu.
1041	Da universis famulis ... glorificatione gaudere.
	Da universis famulis tuis, quaesumus, domine, plenius atque perfectius omnia paschalis festivitatis introire mysteria, ut incunctanter pia corda cognoscant, quantum debeant de confirmata in Christo credentium glorificatione gaudere.
1042	Da veniam domine ... protegatur auxilio.
	Da veniam, domine deus, per haec sancta mysteria animae famuli tui illius, ut occursu non terreatur malo sed tuo semper protegatur auxilio.
1043	Da veniam domine ... pravitate defende.
	Da veniam, domine, peccatis nostris et medicinalibus sacrificiis expiatos ab omni pravitate defende.
1044	Damus tibi domine ... beatitudini sociares.
	Damus tibi, domine noster Iesu Christe, gloriam et honorem, in paterna aequalitate et in sancti spiritus unitate manenti, qui nos tam potentialiter redemisti, ut et in sanguine tuo a cunctis peccatis elueres et in resurrectionis tuae consortio aeternae beatitudini sociares.
1045	De multitudine misericordiae ... effice promptiorem.
	De multitudine misericordiae tuae, domine, populum tibi protege confitentem et, corporaliter gubernatum, piae mentis affectu tuis muneribus assequendis effice promptiorem.
1046	De profundis clamantium ... aeterna perducas.
	De profundis clamantium ad te, deus, preces et hostias dignanter exaudi et suscipe, ut nos de profundo iniquitatis eripias et ad gaudia aeterna perducas.
1047	De supernis angelorum ... hereditatis perpetuae.
	De supernis angelorum sedibus, clementissime deus, ad praesentis hostiae oblationem respice et, tuo antistite Paulino interveniente, nobis praesentis vitae tranquillitatem tribue et gloriam hereditatis perpetuae.
1048a	Debitas omnipotens sempiterne ... huic veniam.
	Debitas, omnipotens sempiterne deus, referimus gratias Iesu Christo domino nostro, in cuius similitudinem beatissimus Saturninus, dum offert victimam, ipse fit victima, dum sacerdotium electus agit, martyrium devotus implevit, ut per eminentiam iustitiae atque victoriae et testis fieret et antistes; in quo proficiens, fidei latitudo, dum cathedram suscipit sanctitatis, coronam rapuit passionis. Ita maiestatem tuam, domine, supplices exoramus, ut, qui ci tantam pro nomine tuo praestitisti tolerantiam, per eius intercessionem tribuas pro delictis plebi huic veniam.
1048b	Debitas tibi domine ... subire martyrium.
	Debitas tibi, domine aeterne, referimus gratias et Iesu Christo filio tuo domino nostro, in cuius similitudine beatissimus Saturninus, dum offert victimam, ipse est victima, dumque sacerdotium electus agit, martyrium devotus implevit, ut per eminentiam iustitiae atque victoriae antistes et testis fieret. In quo proficiens, fidei latitudo, dum cathedram suscepit sanctitatis, coronam rapuit passionis. Probus ad officium, improbus ad triumphum, dum ungitur, consectans, dum occiditur consecratur; prius fidem praedicans sermone, post sanguine; doctor ad altarium, victor ad regnum; erexit ad laudem, quos erudiit ad salutem; ambulans vere de virtutibus in virtutem, ut, qui conversatione contulerat intellectum, conferat in consummatione suffragium. Obtineat igitur, deus summe, apud te dari miseris indulgentiam post delictum, qui meruit post sacerdotium subire martyrium.
1049a	Debitum nostrae reddimus ... laudis offerimus.
	Debitum nostrae reddimus servitutis, suppliciter exorantes, ut suffragiis eius in nobis tua munera tuearis, pro cuius honoranda confessione hostiam tibi laudis offerimus.
1049b	Debitum domine nostrae ... hostias immolamus.
	Debitum, domine, nostrae reddimus servitutis, suppliciter exorantes, ut suffragiis beati apostoli Thomae in nobis tua munera tuearis, cuius honorando confessionem laudis tibi hostias immolamus.
1049c	Debitum tibi domine ... hostias immolamus.
	Debitum tibi, domine, nostrae reddimus servitutis obsequium, suppliciter deprecantes, ut, beatae virginis Marcellinae suffragantibus meritis, plebis tuae dona sanctifices, quia pro eius honorabili inter sanctas virgines confessione laudis tibi hostias immolamus.
1050	Deduc domine famulos ... gratiam sempiternam.
	Deduc, domine, famulos tuos in via tua et ambulent in virtute tua; non aberrent in malis neque claudicent a semitis tuis, ut, hac oblatione pro eis suscepta, et vivis tua perveniat gratia et sepultis conferat gratiam sempiternam.
1051	Defende domine familiam ... supplicant potestates.
	Defende, domine, familiam tuam et, toto tibi corde prostratam, ab hostium tuere formidine, nec bona tua difficulter inveniant, pro quibus et sancti tui et angelicae tibi supplicant potestates.
1052	Defende domine plebem ... consolationis effectum.
	Defende, domine, plebem tuam, in sola tuae misericordiae venia confidentem, et, intervenientibus sanctis tuis, quidquid eidem debetur pro castigatione delicti, transeat ad consolationis effectum.
1053	Defende quaesumus beato ... clementer insidiis.
	Defende, quaesumus, beato illo intercedente, domine deus, istam ab omni adversitate familiam et, tibi toto corde prostratam, ab hostium propitius tuere clementer insidiis.
1054	Defensio tua domine ... dona perveniant.
	Defensio tua, domine, quaesumus, adsit humilibus et iugiter protegat in tua misericordia confidentes, ut, necessariis, quibus indiget humana condicio, competenter adiuti, ad immortalitatis dona perveniant.
1055	Deferentes altaribus tuis ... ut sit rationabile obsequium nostrum et fiat haec oblatio in remissionem peccatorum per viscera misericordiae caritatis divinae faciasque hanc hostiam vivam placentem tibi sanctam ac benedictam. Referatur in sacrificio iustitiae ex quo in excelsis suavitatis odor adscendat et holocaustum igne fidei ardens per membra populi dividendum [quod] omnium sanctorum nobis patrocinia acquirat et per eorum fortissimas preces firmamenta auxilii
	Deferentes altaribus tuis, domine, oblationum vota, non merita, precamur multarum misericordiarum gloriam tuam, ut illam, quae se omnibus offert, si sit qui eam mereatur accipere, pietatis tuae bonitatem <ostendas>, ut sit rationabile obsequium nostrum et fiat haec oblatio in remissionem peccatorum per viscera misericordiae caritatis divinae faciasque hanc hostiam vivam placentem tibi, sanctam ac benedictam. Referatur in sacrificio iustitiae, ex quo in excelsis suavitatis odor adscendat et holocaustum, igne fidei ardens, per membra populi dividendum, [quod] omnium sanctorum nobis patrocinia acquirat et per eorum fortissimas preces firmamenta auxilii caelestis obtineat.
1056	Deficiant in nobis ... operentur effectum.
	Deficiant in nobis haec sancta, domine, caeleste commercium et mysticae virtutis operentur effectum.
1057	dei patris omnipotentis ... dignetur aeternum.
	dei patris omnipotentis misericordiam, fratres carissimi, unanimes postulemus, ut, quemadmodum gloriosam martyrem suam illam invictae passionis fulgore purpureo decoravit, ita, eadem interveniente, nobis fructum et meritum exhibere dignetur aeternum.
1058	Dele quaesumus domine ... filii vacuisti.
	Dele, quaesumus, domine, conscriptum peccati lege chirographum, quod in nobis paschali mysterio per resurrectionem tui filii vacuisti.
1059	Delicias domine mirabiles ... copiosius saginamur.
	Delicias, domine, mirabiles mensae caelestis ambimus quibus ieiunando copiosius saginamur.
1060	Deliciis salutaribus quos ... iniuriam sustinere.
	Deliciis salutaribus quos refecisti, domine, beato Leodegario intercedente, aeternae famis et sitis numquam permittas iniuriam sustinere.
1061	Delicta domine quaesumus ... vegetata subsistat.
	Delicta, domine, quaesumus, miseratus absolve et aquarum subsidia praebe caelestium, quibus terrena condicio vegetata subsistat.
1062	Delicta nostra domine ... miseratione custodi.
	Delicta nostra, domine, quibus adversa dominantur, absterge et tua nos ubique miseratione custodi.
1063	Deprecamur immensam maiestatem ... clemens succurras.
	Deprecamur immensam maiestatem tuam, omnipotens deus, ut hanc oblationem, quam pro famulo tuo in conspectu pietatis tuae offerimus, benignus accipias et eum benedicere et conservare atque exaudire digneris et necessitatibus eius tam in corpore quam in anima clemens succurras.
1064	Deprecamur maiestatem tuam ... semitam veritatis.
	Deprecamur maiestatem tuam, omnipotens deus, ut famulum tuum illum benedicere et conservare digneris pacemque perpetuam ei cum omnibus tribuas, ut, sectans quae pacis sunt, ambulare mereatur per semitam veritatis.
1065	Deprecatio domine beatissimi ... gratificet libamina.
	Deprecatio, domine, beatissimi Cuthberti, qui se ipsum fecit hostiam vivam, nos et haec tibi gratificet libamina.
1066	Deprecatio nostra quaesumus ... auxilio protegatur.
	Deprecatio nostra, quaesumus, omnipotens deus, ante conspectum maiestatis tuae appareat, quam pro famulo tuo illo in honorem sanctorum tuorum cum oblatione pro peccatis eius offerimus; vota perfice; petitiones eius ascendant ad aures clementiae tuae et descendat super eum benedictio tua, ut sub umbra alarum tuarum auxilio protegatur.
1067	Deprecationem nostram quaesumus ... defensionis auxilium.
	Deprecationem nostram, quaesumus, domine, benignus exaudi et, quibus supplicandi praestas affectum, tribue defensionis auxilium.
1068	Deprime quaesumus domine ... sanguine redemptae.
	Deprime, quaesumus, domine deus, iura tyrannorum tibi adversantium, ut discant te fore protectorem ecclesiae tuae tuo pretioso sanguine redemptae.
1069	Descendat domine de ... sanctificata sumantur.
	Descendat, domine, de sedibus tuis benedictio tua, qua et nostri ieiunii oblatio sanctificetur et, te haec libamina benedicente, a nobis sanctificata sumantur.
1070	Descendat domine in ... pro delictis.
	Descendat, domine, in his sacrificiis tuae benedictionis coaeternus et cooperator paraclitus spiritus, ut oblationem, quam tibi de tua terra fructificante porrigimus, caelesti permutatione, te sanctificante, sumamus, ut, translata fruge in corpore, calice in cruore, proficiat meritis, quod obtulimus pro delictis.
1071	Descendat precamur omnipotens ... invicta custodiat.
	Descendat, precamur, omnipotens deus, super haec, quae tibi offerimus, verbum tuum sanctum, descendat inaestimabilis gloriae tuae spiritus, descendat antiquae indulgentiae tuae donum, ut fiat oblatio haec hostia spiritalis, in odorem suavitatis accepta; etiam nos famulos tuos per sanguinem Christi tua manus dextera invicta custodiat.
1072	Descendat quaesumus domine ... dignanter emundet.
	Descendat, quaesumus, domine deus noster, spiritus sanctus tuus super hoc altare, qui et populi tui dona sanctificet et sumentium corda dignanter emundet.
1073	Desiderantes Christe deus ... calicem passionis.
	Desiderantes, Christe deus, ad tuae passionis gaudia pervenire, supplices quaesumus tuam pietatem, ut, nostrorum ieiuniorum devotionem accipiens, ab omni nos peccato purifices, quo, a nobis ira odii simulationibusque remotis, tuae mereamur absque confusione sumere calicem passionis.
1074	Deum creatorem et ... per huius signi patibulum eiusdem protectione perducat
	Deum, creatorem et redemptorem nostrum, qui in carne, quam sumpsit de virgine, pro totius mundi salute admirabilis hostia immolatus est in crucis altare et propter expellendum venenum, quod in Adam fuerat suasione serpentis infusum, pretiosi sanguinis porrexit antidotum, ut criminis antiqui peccatum tam novo sacrificio purgaretur et mors, quae processit gustando de scientiae ligno, moreretur per lignum, supplices deprecamur, ut, qui nos, quos eripuit de inferno, <redemit> per huius signi patibulum, eiusdem protectione perducat ad regnum.
1075a	Deum cui acceptiora ... largiente suscipiat.
	Deum, cui acceptiora sunt vota fidelium quam munera, fratres carissimi, supplices deprecemur, ut hanc oblationem famuli sui illius dignanter accipiat; tribuat ei magna. , pro parvis, pro temporalibus praemia sempiterna; det ei auxilium seu praesidium gratiae suae, ut, quod humiliter implorat, domino largiente, suscipiat.
1075b	Deus cui accepta ... largiente suscipiam.
	Deus, cui accepta sunt vota fidelium, suppliciter exoro, ut vota mea dignanter accipias; tribue mihi, quaeso, magna pro parvis, caelestia pro terrenis, pro temporalibus praemia sempiterna; da mihi auxilium tuum et praesidium, ut, quod deprecor, obtineam et, quod humiliter imploro, te largiente, suscipiam.
1076a	Deum cui acceptiora ... impetraverit agnoscat.
	Deum, cui acceptiora sunt vota quam munera, fratres carissimi, exoremus, ut votum servi sui illius dignanter accipiat; tribuat ei divitias gratiae suae; ab omnibus periculis eum liberari iubeat, tueatur ac defendat, protegat et confortet diebus ac noctibus, horis atque momentis; det ei auxilii sui praesidium iuxta evangelicam vocem, ut, quod precatur, obtineat, et, quod impetraverit, agnoscat.
1076b	Deus cui acceptiora ... impetraverit agnoscat.
	Deus, cui acceptiora sunt vota quam munera, te suppliciter deprecamur, ut votum servi tui illius dignanter accipias; tribuas ei divitias gratiae tuae; ab omnibus periculis eum liberari iubeas, tuearis ac defendas, protegas et confortes, diebus ac noctibus, horis atque momentis; des ei auxilii tui praesidium iuxta evangelicam vocem, ut, quod precatur, obtineat et, quod impetraverit, agnoscat.
1077	Deum cuius cultui ... esse mereamur.
	Deum, cuius cultui deputatur, quidquid sanctis eius honoris impenditur, intenta oratione poscimus, ut hunc diem, quem sancti et praecipui viri Martini episcopi illustrat excessio, celebrem nobis et posteris indulgeat tribuatque, ut, cuius veneratores sumus, et imitatores esse mereamur.
1078	Deum ineffabilis potentiae ... bonitatis immensae fratres carissimi deprecemur ut sacerdotes clerum ac populum suum visitet et tueatur illuminet totam plebem suam illa qua redemit pietate <et
	Deum ineffabilis potentiae <et> bonitatis immensae, fratres carissimi, deprecemur, ut sacerdotes, clerum ac populum suum visitet et tueatur; illuminet totam plebem suam illa, qua redemit, pietate <et> sua miseratione conservet.
1079	Deum patrem omnipotentem ... Iesum Christum.
	Deum patrem omnipotentem, fratres carissimi, supplices exoramus, pro fide ecclesiarum, pro concordia sacerdotum, pro gratia ministrorum, pro pace temporum, pro quiete principum, pro mansuetudine iudicum, pro integritate virginum, pro caritate continentium, pro consolatione orphanorum, pro sanitate languentium, pro reparatione lapsorum, pro redemptione captivorum, pro sanitate navigantium, pro absolutione vitiorum, pro conservatione errantium, pro indulgentia paenitentium, pro salubritate aerum, pro fecunditate terrarum, pro requie defunctorum per advocatum spei nostrae, dominum nostrum Iesum Christum.
1080	Deum qui beato ... credit ecclesia.
	Deum, qui beato Petro tantam potestatem discipulo contulit, ut, si ipse ligaverit, non sit alter, qui solverit, et, quae in terra solverit, item caelo soluta sint, precibus imploremus, ut, eductis a tartaro defunctorum spiritibus, non praevaleant sepultis inferni portae per crimina, quas per apostoli fide vinci credit ecclesia.
1081	Deum qui nos ... deprecemur fratres carissimi et hoc die celeberrimo ipsorum et universorum prosequentium gaudia populorum concordi oratione poscamus ut qui primitivum filium et unicum matris in martyrii consummatione suscepit ipse haec sacrificia in hoc die insigne sollemnitatis placatus accipiat et sicut idem beatus vir seu mater eius cum apostolis et martyribus associati simul gaudent in caelo ita nos famulos suos eruat ab inferno. Dubium enim non est quin sit martyr in caelo qui fuit confessor in saeculo. Ipse ad te preces nostras petitor deferat ipse nobis placabilitatem tuam
	Deum, qui nos sanctorum Quirici et Iulittae <sollemnitate laetificat>, deprecemur, fratres carissimi, et hoc die celeberrimo ipsorum et universorum prosequentium gaudia populorum concordi oratione poscamus, ut, qui primitivum filium et unicum matris in martyrii consummatione suscepit, ipse haec sacrificia in hoc die insigne sollemnitatis placatus accipiat, et, sicut idem beatus vir seu mater eius, cum apostolis et martyribus associati, simul gaudent in caelo, ita nos famulos suos eruat ab inferno. Dubium enim non est, quin sit martyr in caelo, qui fuit confessor in saeculo. Ipse ad te preces nostras petitor deferat, ipse nobis placabilitatem tuam intercessor obtineat.
1082	Deum qui pro ... benedicere dignetur.
	Deum, qui pro ruina totius mundi unicum filium suum, assumpta ex carne virginis veri hominis forma, mittere dignatus est, fratres carissimi, suppliciter exoremus, ut, sicut in hac resurrectione eiusdem nos a morte perpetua cum illo resuscitavit, ita pietatis suae dono, ab omnibus nos inimici tutans insidiis, illaesos faciat in matris ecclesiae gremio residere et, conscientiae integritate de regeneratione gaudentes, aeternae primitivorum ecclesiae, quemadmodum devotione ad praesens, ita et remuneratione associet in aeternum, et haec munera plebis suae benedicere dignetur.
1083	Deum qui sanctae ... remunerare dignetur.
	Deum, qui sanctae famulae suae Eulaliae gloriosam et immarcescibilem coronam martyrii contulit, fratres carissimi, supplices deprecemur, ut, praestante divina misericordia, ipsius precibus obtineamus veniam, qui gloriam non meremur. Caris etiam nostris, qui nos in somno pacis praecesserunt, perennis aevi beatitudinem et perpetuae lucis gratiam remunerare dignetur.
1084	Deum qui sanctificavit ... indulgentiam peccatorum.
	Deum, qui sanctificavit Iordanis fluenta, benedixit coniugia nuptialium, fratres carissimi, deprecemur, ut, cuius miracula annuis recolimus vicibus, sola eius gratia mereamur indulgentiam peccatorum.
1085	Deus a quo ... eadem faciamus.
	Deus, a quo bona cuncta procedunt, largire supplicibus, ut cogitemus, te inspirante, quae recta sunt, et, te gubernante, eadem faciamus.
1086a	Deus a quo ... gratiam largiatur.
	Deus, a quo et Iudas reatus sui poenam et confessionis suae latro praemium sumpsit, concede nobis tuae propitiationis effectum, ut, sicut passione sua Christus dominus noster diversa utrisque intulit stipendia meritorum, ita nobis, ablato vetustatis errore, resurrectionis suae gratiam largiatur.
1086b	Deus a quo ... veniam consequamur.
	Deus, a quo Iudas proditor reatus sui poenam suscepit et latro confessionis suae praemium sumpsit, concede nobis piae petitionis effectum, ut misericordiae tuae veniam consequamur.
1087a	Deus a quo ... tribue miseratus optatam.
	Deus, a quo inspiratur humanis cordibus omne quod bonum est, sicut animae famuli tui paenitentiam velle donasti, sic indulgentiam tribue miseratus optatam.
1087b	Deus a quo ... tribuas miseratus optatam.
	Deus, a quo speratur humano corpori omne quod bonum est, tribue per haec sancta, quaesumus, ut, sicut animae famuli tui illius paenitentiam velle donasti, sic indulgentiam tribuas miseratus optatam.
1088a	Deus a quo ... tua protectione tranquilla.
	Deus, a quo sancta desideria, recta consilia et iusta sunt opera, da servis tuis illam, quam mundus dare non potest, pacem, ut et corda mandatis tuis dedita et, hostium sublata formidine, tempora sint tua protectione tranquilla.
1088b	Deus a quo ... sint protectione tranquilla.
	Deus, a quo sancta desideria et iusta sunt opera, da famulis tuis illam, quam dare mundus non potest, perpetuam pacem, ut et corda mandatis tuis dedita et tempora, hostium sublata formidine, tua sint protectione tranquilla.
1089	Deus a quo ... requiem sempiternam.
	Deus, a quo speratur omne bonum, tribue, quaesumus, ut haec sacramenta, quae sumpsimus, nobis proficiant ad salutem et animabus, quae singulares non habent apud te intercessores, pro quibus tuam deprecamur clementiam, prosint ad peccatorum indulgentiam et requiem sempiternam.
1090	Deus Abraham Deus ... remissionem omnium nostrorum criminum. Credimus domine quod haec nobis indefessa credulitate
	Deus Abraham, Deus Isaac, Deus Iacob, Deus et pater domini nostri Iesu Christi, tu, de caelis tuis propitius affavens, hoc sacrificium nostrum indulgentissima pietate prosequere. Descendat, domine, plenitudo maiestatis, divinitatis, pietatis, virtutis, benedictionis et gloriae tuae super hunc panem et super hunc calicem et fiat nobis legitima eucharistia in transformatione corporis et sanguinis domini, ut quicumque et quotiescumque ex hoc pane et ex hoc calice libaverimus, sumamus nobis monimentum fidei, sinceram dilectionem, tranquillam spem resurrectionis atque immortalitatis aeternae in tuo filiique tui ac spiritus sancti nomine, in communione omnium sanctorum, <et> remissionem omnium nostrorum criminum. Credimus, domine, quod haec nobis, indefessa credulitate poscentibus, praestabis.
1091	Deus abstinentiae Deus ... benignitate infunde.
	Deus abstinentiae, Deus castimoniae, qui libenter ieiunantium humilitate placaris et humiliantium se precibus benignus inflecteris, exaudi preces nostras in hac hodierna die, qua quadragesimale inchoamus ieiunium, et, diversarum temptationum, quibus gravamur, tempestate discussa, continentiam nobis a vitiis tua benignitate infunde.
1092	Deus ad quem ... captare victoriam.
	Deus, ad quem digne laudandum angelica natura non sufficit nec humana, pro impensis fragilitati nostrae immensis beneficiis maiestati tuae votis omnibus gratias agimus, qui, cum servi simus peccati, resuscepti adoptionis amplectimur filii et, cum simus mortis socii pro sceleribus damnandi, pie castigati solita misericordia reerigimur consolandi, tribue, quaesumus, ut, quos creasti ad aeternitatis gloriam, a noxiis liberans, te incessabiliter laudando facias de hoste captare victoriam.
1093	Deus aeterne atque ... sanctificata sumamus.
	Deus aeterne atque misericors, maiestatem tuam supplices imploramus, ut vivat in nobis atque permaneat tuorum dilectio mandatorum, quo, abstinentiae purificatione idonei, et praecepta in omnibus impleamus et haec libamina, a te sanctificata, sumamus.
1094	Deus aeterne cui ... tabernacula introducas.
	Deus aeterne, cui beatissima Dorothea virgo praevios conquisitionis suae manipulos destinavit, cum Christetem et Callixtem sorores ante se in passione praemiserat et sic ipsa, gladio consecrata, successerit, tu, de tuis sanctis sedibus benedictionem his holocaustis impertiens, concede supplicibus tuis, ut haec oblatio praevia sanctificationem sumentibus conferat, quo exemplo virginis tuae ita nostrorum actuum placitos tibi fructus ante nostrum obitum pius ipse suscipias, ut nos sequentes in aeterna tabernacula introducas.
1095	Deus aeterne cuius ... conscientia properemus.
	Deus aeterne, cuius gratia protecta, virgo Eulalia inter flammas non erubuit confiteri, quod ex flamma tui amoris haurire promeruit, tu nos eius precatu inter mundi huius flammarum procellosa discrimina protege et tuae pacis multiplici incremento adimple, quo hic bene vivamus et ad te de hac vita remuneraturi secura conscientia properemus.
1096	Deus aeterne Deus ... meorum absolvar.
	Deus aeterne, Deus caeli terraeque creator et rector, qui mundum universum propria dicione gubernas quique aulam intemeratae virginis Mariae pro instauratione generis humani penetrare voluisti, concede propitius, ut intercessione eiusdem beatae gloriosaeque Mariae et ab universis expediat periculis et a cunctis vinculis peccatorum meorum absolvar.
1097	Deus aeterne quaesumus ... cognoscere veritatem.
	Deus aeterne, quaesumus et rogamus, ut famula tua Caecilia apud te exaudiri mereatur pro coetu omni christiano, quae suo exaudita est pro sponso, ut per eam tam vivi quam defuncti levamen obtineant indulgentiae, per quam sponsus eius fidei tuae meruit cognoscere veritatem.
1098	Deus aeterne quem ... in patria.
	Deus aeterne, quem in veritate fidei sitiunt animae nostrae, sitientem velut terram, servi tui illius animam caelestis roris perfusione refrigera, quo, tristis loci habitatione mutata, supernae regionis mereatur iucundari in patria.
1099	Deus aeterne domine ... me digneris.
	Deus aeterne, domine Iesu, qui tuo pretioso sanguine nos redemisti, te suppliciter deprecor, ut, quem corpore et sanguine tuo satiasti, plus numquam, quam mea fragilitas sustinere potest, temptari permittas, etiamsi aliquid diabolus suggesserit, me consensum praebere pro tua pietate non patiaris, et a carnis petulantia seu lascivia vel immunditia atque ab omnibus vitiis insidiisque sive astutiis inimicorum custodire et liberare me digneris.
1100	Deus aeterni triumphator ... dignanter adscribi.
	Deus, aeterni triumphator imperii, familiam tuam propitius respice, martyrium regis celebrantem Edwardi, et praesta, ut, sicut illum munere glorificate dignaris caelesti, ita nos eius obtentu aeternae felicitati facias dignanter adscribi.
1101	Deus amator castitatis ... habere propitium.
	Deus, amator castitatis, quem tota devotione beata virgo Mildretha dilexit in terris, concede, quaesumus, ut, eius sanctis intercedentibus meritis, te semper hic et in aevum mereamur habere propitium.
1102	Deus amplius ineffabilis ... facias conlaetari.
	Deus, amplius ineffabilis quam inaestimabilis, concede nobis, unde te aestimemus, quantum de te natura humana sufficit, ut enarrare possimus. Adspira placatus votis et sacrificiis omnium et, qui in die crucis et passionis tuae sanctorum quiescentium de sepulchris corpora suscitasti, non permittas ab inferno inferiori fidelium animas detineri sed in tuorum requie electorum facias conlaetari.
1103	Deus antiqua exspectatio ... proficiat caritati.
	Deus, antiqua exspectatio gentium, qui oracula prophetarum in luce evangelii posuisti, qui, languores nostros curaturus, caelestis medicus advenisti, nam quis te posset agnoscere, nisi ipse voluisses agnosci, tribue, quaesumus, ut communicatio praesentis osculi perpetuae proficiat caritati.
1104	Deus apostolorum Deus ... proficiat salutem.
	Deus apostolorum, Deus martyrum, Deus confessorum, Deus virginum, Deus omnium electorum, te suppliciter exoramus, ut hanc hostiam sanctam in honorem sancti Sampsonis episcopi sanctificare et benedicere digneris et ante conspectum maiestatis tuae tam ad corporum sanitatem quam ad animarum proficiat salutem.
1105	Deus apud quem ... ad gratiam.
	Deus, apud quem beati martyris Quirici continuata festivitas et aeterna celebritas et caelestis triumphi perpetuus est natalis, nos tamen, beatae confessionis initia recolentes, frequenti tribue devotione venerari, ut celebrior honor impensus sacratissime nobis prosit ad gratiam.
1106	Deus apud quem ... humilitatis clament.
	Deus, apud quem est misericordia copiosa, effice nos tibi vasa mundissima et spiritalibus deliciis refice infirmitatem nostram, ut corda nostra te semper esuriant atque sitiant et vota nostrae humilitatis clament.
1107	Deus auctor mundi ... consequatur auxilium.
	Deus, auctor mundi et conditor, qui hodiernae festivitatis diem beati Ambrosii sacerdotis electione consecrasti, praesta populo tuo, ut, cuius annua celebritate devotis resultat obsequiis, eius suffragiis tuae pietatis consequatur auxilium.
1108	Deus auctor omnium ... hostia immolaris.
	Deus, auctor omnium et conditor creaturarum, qui et circumcisionem ex fide et praeputium per fidem iustificare dignatus es, tu ecclesiam tuam, quae, ex circumcisione vel praeputio veniens, in te solidata consistit, litatione hostiae huius et vitiis facito circumcidi et spiritali laetitia innovari, benedicens et nobis famulis tuis et his sacrificiis, tibi oblatis, qui, solus pro cunctis factus hostia, immolaris.
1109	Deus auctor omnium ... salubriter prosit.
	Deus, auctor omnium iustorum honorum, dator cunctarum dignitatum et piorum gratissimus conservator imperiorum, respice super famulum tuum illum et praesta, ut, quibus dono tuo imperat, eis, tua opitulatione fultus, salubriter prosit.
1110	Deus auctor pacis ... arma timeamus.
	Deus, auctor pacis et amator, quem nosse, vivere, cui servire, regnare est, protege ab omnibus impugnationibus supplices tuos, ut, qui in defensione tua fidimus, nullius hostilitatis arma timeamus.
1111	Deus auctor sincerae ... sensibus uniamur.
	Deus, auctor sincerae devotionis et pacis, da, quaesumus, ut et maiestatem tuam convenienter hoc munere veneremur et sacri participatione mysterii fideliter sensibus uniamur.
1112	Deus bonarum actionum ... iubeas praesignari.
	Deus, bonarum actionum et inspirator et doctor, qui, voluptate per inediam ieiunii corporalis restricta, agnitionem tuam nostris cordibus tribuis, da nobis fidei, spei et caritatis augmentum, ut per sanctificationem ieiunii tuum in nobis sit templum, quod praemium fiat aeternum, et nomina, quae vocabulorum sunt pro aetatibus memorata, aeternitatis titulo iubeas praesignari.
1113	Deus bonitatis auctor ... confessorem tuum Antonium velut quoddam sanctificationis tuae hauritorium bona tua quibus adimplere
	Deus, bonitatis auctor et bonorum omnium dispensator, qui temporalia bona per misericordiam tuam etiam non merentibus donas et aeterna per iustitiam tuam non nisi merentibus recompensas, ista deputans beneficio, illa iudicio, ne aut largitatem suam divina benignitas minoraret, si a praesentibus donis sequestrarentur ingrati, aut sollicitudinem placendi incuriositas humana neglegeret, si ad futura praemia admitterentur indigni ... Unde nos, domine, ad huius sapientiae tuae fontem currimus, de quo <per> confessorem tuum Antonium, velut quoddam sanctificationis tuae hauritorium, bona tua, quibus adimplere cupimus, hauriamus.
1114	Deus bonorum omnium ... sequamur praecepta.
	Deus, bonorum omnium copia et sanctorum indeficiens caritas, praesta nobis omnibus in bona voluntate concordiam, ut tua semper pacifici sequamur praecepta.
1115	Deus bonorum omnium ... gaudiis admisceri.
	Deus, bonorum omnium distributor, da nobis beati Raphaelis angeli praesidiis ita fulciri, ut praesentis vitae excursum cum ipsius praesidio illaesi valeamus peragere ac perpetuis gaudiis admisceri.
1116	Deus caelestium terrestrium ... mortuis consequantur.
	Deus caelestium, terrestrium et infernorum, qui superna contines et inferna moderaris, adesto oranti et deprecanti maiestatem tuam populo tuo et da, ut haec piae oblationis officia et beatitudinem vivis et remissionem mortuis consequantur.
1117	Deus caritatis et ... saecula saeculorum.
	Deus caritatis et pacis, qui pro salute generis humani crucis patibulum sustulisti et sanguinem tuum pro redemptione nostra fudisti, preces nostras placatus et benignus suscipe et hoc sacrificium, quod gratiae tuae offero, sereno vultu digneris respicere et misericordiam tuam mihi concedas, ut, cum de corpore me exire iusseris, pars iniqua in me non habeat potestatem sed angelus tuus inter sanctos et electos tuos me collocet, ubi lux permanet et vita regnat in saecula saeculorum.
1118	Deus caritatis indultor ... consequi mereamur.
	Deus, caritatis indultor, Deus, indulgentiae munerator, qui sancto martyri tuo Stephano in passione largitus es, ut imbrem lapidum clementer exciperet et pro lapidantibus supplicaret, pietatem tuam, domine, subnixis precibus exoramus, ut, dum martyris tui passionem recolimus, per intercessionem ipsius pacis securitatem cum peccatorum nostrorum venia consequi mereamur.
1119	Deus castitatis amator ... largiente percipiat.
	Deus, castitatis amator et continentiae conservator, supplicationem nostram benignus exaudi et hanc famulam tuam illam propitius intuere et, quae pro timore tuo continentiae pudicitiam vovit, tuo auxilio conservetur, ut sexagesimum fructum continentiae et vitam aeternam, te largiente, percipiat.
1120	Deus conditor et ... avidius praestolemur.
	Deus, conditor et reparator vitae humanae, repara in nobis, quod lassatur ex nobis nec tamen reparari potest a nobis. Da igitur, ut, qui ad horum medietatem dierum, te annuente, pervenimus, ad paschalis gaudii dies, te propitiante, celerius accedamus. Reficiamur, quaesumus, bone Deus, pane lacrimarum in hac ieiunii via, ut, deponentes veteris hominis indumenta, expiati, mereamur sacrosanctum pervenire ad pascha. Crea in nobis desiderium visionis tuae, quo excellente in cordibus nostris, et praesentibus non terreamur laboribus et beatae spei praemia avidius praestolemur.
1121	Deus conditor mundi ... exsultatione laetemur.
	Deus, conditor mundi, sub cuius arbitrio omnium saeculorum ordo decurrit, adesto propitius invocationibus nostris et tranquillitatem pacis praesentibus concede temporibus, ut in laudibus misericordiae tuae incessabili exsultatione laetemur.
1122	Deus conditor pacis ... tua muniamur.
	Deus, conditor pacis et fons luminis, exaudi pias petitiones nostras et praesta, ut, disrupto odii fomite, pace tua muniamur.
1123	Deus confitentium te ... societate laetetur.
	Deus, confitentium te portio defunctorum, preces nostras, quas in famuli tui Silvestri episcopi depositione deferimus, propitius assume, ut, qui nomini tuo ministerium fidele dependit, perpetua sanctorum tuorum societate laetetur.
1124	Deus consolationis et ... regno vivorum.
	Deus, consolationis et pacis, respice, quaesumus, ad precem familiae tuae et concede, ut animae famulorum famularumque tuarum, quae ab Adam usque in hodiernum diem de hac luce migraverunt quique, baptizati et confessi, in fide catholica perseveraverunt et de suis rebus ecclesias dei ditaverunt et de quorum eleemosynis sumus consolati, in sinibus Abrahae, Isaac et Iacob feliciter requiescant moxque, et a mortuis resuscitati, tibi placeant in regno vivorum.
1125	Deus continentiae Deus ... misericordiae consequamur.
	Deus continentiae, Deus caritatis et pacis, qui precibus humiliantium se inflecteris, miserere nostri, exaudi nos et, diversarum turbinum tempestate remota, pacem nobis tuae serenitatis impertias, quam, si peccatorum nostrorum nimietate perdidimus, per indulgentiam tuae misericordiae consequamur.
1126	Deus cui acceptissimum ... intercessione mereantur.
	Deus, cui acceptissimum ac iucundissimum sacrificium est sanctorum tuorum fides atque devotio, adesto familiae tuae, tibi supplici misericordiam tuam per sanctorum tuorum Acaunensium suffragia postulanti, et da, ut, qui te peccatorum suorum errore laeserunt, placere tibi sanctorum tuorum intercessione mereantur.
1127	Deus cui beata ... percipere mereamur.
	Deus, cui beata Caecilia ita castitatis devotione complacuit, ut coniugem suum Valerianum adfinemque eius Tiburtium tibi fecerit consecrari – nam, et angelo deferente micantium odoriferas florum coronas, palmam martyrii perceperunt –, quaesumus, ut, ea intercedente pro nobis, beneficia tui muneris percipere mereamur.
1128	Deus cui beatae ... continentiae percipiamus.
	Deus, cui beatae Mariae singularis virginitas atque humilitas singulariter placuit, concede nobis, quaesumus, ut, qui dei genitricem hanc meruimus confiteri, per ipsam et humilitatis gratiam et donum continentiae percipiamus.
1129	Deus cui beatus ... celebrat sollemnem.
	Deus, cui beatus Romanus pontifex ita, sanctitatis gratia decoratus, complacuit, ut tuorum consortium in caelis promereretur sanctorum, da, quaesumus, ecclesiae tuae eius interventu perpetuam consequi laetitiam, cuius depositionis diem gratulando celebrat sollemnem.
1130	Deus cui cor ... gloriae perfruamur.
	Deus, cui cor mundum et corpus placet intactum cuique puritas mentis et sinceritas non displicet carnis, subiuga, quaesumus, per abstinentiae rigorem animae carnem atque per affectum timoris et dilectionis animam tibi adsocia, ut tu solus domineris in omnia nobis, qui conditor noster, esse agnosceris. Posside ergo et redime nos, domine, ut, qui hoc ieiunium studiose agimus, te tribuente, satietate incorruptibili tuae gloriae perfruamur.
1131	Deus cui cunctae ... semper infundas.
	Deus, cui cunctae oboediunt creaturae et omnia verbo tuo fecisti in sapientia, supplices quaesumus ineffabilem misericordiam tuam, ut, quos per lignum sanctae crucis filii tui pio cruore es dignatus redimere, tu, qui es lignum vitae paradisique reparator, omnibus, in te credentibus, dira serpentis venena exstinguas et per gratiam spiritus sancti poculum salutis semper infundas.
1132a	Deus cui et ... protectione conserva.
	Deus, cui et martyrum fides et veneranda sanctorum vita complacuit quique gradientem apostolum Petrum in elemento liquido confirmasti, nos quoque, saeculi turbine fluctuantes, dexterae tuae protectione conserva.
1132b	Deus cui martyrum ... proiectione conserva.
	Deus, cui martyrum fides et veneranda vita complacuit quique gradientem beatissimum Mames in elemento utique confirmasti, petimus pietatem tuam, ut nos, in huius saeculi turbine fluctuantes, dexterae tuae proiectione conserva.
1133a	Deus cui hodierna ... securi videamus.
	Deus, cui hodierna die unigenitus tuus in nostra carne, quam assumpsit, pro nobis in templo est praesentatus, praesta, ut, quem redemptorem nostrum laeti suscipimus, venientem quoque iudicem securi videamus.
1133b	Deus cui hodierna ... esse participes.
	Deus, cui hodierna die unigenitum tuum secundum instituta legalia in templo praesentatum agnovimus, concede nobis, quaesumus, in templo gloriae tuae aeternis coram eo gaudiis esse participes.
1134	Deus cui militare ... quam rogamus.
	Deus, cui militare consuevit abstinentia corporalis, ut expugnetur nequitia spiritalis, supereminentem nostris cordibus infunde dulcedinem, qua beatae vitae desiderent mansionem. Nulla ieiunantibus iracundiae repentinae amaritudo subripiat nullaque cogitationum noxiarum conscientia remaneat. Memor esto sacrificii, quod offerimus, et concede propitius misericordiam, quam rogamus.
1135	Deus cui omne ... laudare mereamur.
	Deus, cui omne cor patet et omnis voluntas loquitur et nullum latet secretum, purifica per infusionem sancti spiritus cogitationes cordis nostri, ut perfecte te diligere et digne laudare mereamur.
1136	Deus cui omnium ... peccata deleri.
	Deus, cui, omnium sacrificiorum varietate finita, hostiam nunc offerimus singularem, adesto votis, tua inspiratione conceptis, ut in te sperantium et desideria iubeas perfici et peccata deleri.
1137	Deus cui posse ... pondere sublevemur.
	Deus, cui posse maximum, scire verissimum et optimum velle in sanctorum splendoribus relucet, praesta, ut, qui nostrorum actuum levitate graviter premimur, gratia beati Ioannis confessoris interveniente, tui vigoris brachio, splendoris radio et amoris pondere sublevemur.
1138	Deus cui proprium ... consequi merear.
	Deus, cui proprium est ablutionem criminum dare et veniam praestare peccantibus, te suppliciter deprecor, ut mihi indigno misericordiam tuam clementer impendas, ut, qui, contemnendo, praeceptorum tuorum praevaricator exstiti, confitendo, peccatorum meorum veniam consequi merear.
1139	Deus cui proprium ... pervenire mereantur.
	Deus, cui proprium est misereri et preces exaudire supplicantium, propitiare animabus famulorum famularumque tuarum, ut, te miserante, a peccatorum vinculis absolutae, ad aeternae beatitudinis requiem pervenire mereantur.
1140a	Deus cui proprium ... largiaris gaudiorum.
	Deus, cui proprium est misereri semper et parcere, maiestatem tuam suppliciter deprecor, ut mihi famulo tuo precibus beatae dei genitricis Mariae veniam meorum largiri digneris peccatorum et famulis ac famulabus tuis, qui mihi consanguinitatis, familiaritatis, subiectionis, confessionis et dilectionis vinculo connectuntur, vivis et defunctis, quorum et quarum nomina tibi vivunt, pro quibus tuam misericordiam exoro, interventu omnium supernorum civium cunctarum propitius indulgentiam culparum et plenitudinem aeternorum largiaris gaudiorum.
1140b	Deus cui proprium ... facias gaudiorum.
	Deus, cui proprium est misereri semper et parcere, maiestatem tuam suppliciter deprecor, ut mihi veniam largiri digneris peccatorum et, contra hostium visibilium et invisibilium insidias tua proiectione munitum, ad plenitudinem me aeternorum pervenire facias gaudiorum.
1141	Deus cui proprium ... ad vitam.
	Deus, cui proprium est misereri semper et parcere, propitiare animae famuli tui illius et omnia eius peccata dimitte, ut, mortis vinculis absoluta, transire mereatur ad vitam.
1142	Deus cui proprium ... clementer indulge.
	Deus, cui proprium est misereri semper et parcere, propitius esto mihi peccatori et, quidquid iniquitatis vel peccati ego miser neglegenter commisi, tu pie, supplex obsecro, clementer indulge.
1143	Deus cui proprium ... pietatis absolvat.
	Deus, cui proprium est misereri semper et parcere, suscipe deprecationem nostram et, quos delictorum catena constringit, miseratio tuae pietatis absolvat.
1144	Deus cui proprium ... aeterna possideat.
	Deus, cui proprium est misereri semper et parcere, te supplices deprecamur pro anima famuli tui illius, quam hodie de hoc saeculo migrare iussisti, ut non tradas eam in manus inimici nec obliviscaris in finem, sed iubeas eam a sanctis angelis suscipi et ad patriam paradisi perduci, ut, dum in te speravit et credidit, non poenas inferni sustineat sed gaudia aeterna possideat.
1145	Deus cui soli ... adscripta retineat.
	Deus, cui soli cognitus est numerus electorum, in superna felicitate locandus, tribue, quaesumus, ut universorum, quos in oratione commendatos suscepimus, sive omnium fidelium nomina beatae praedestinationis liber adscripta retineat.
1146a	Deus cui soli ... parte numeretur.
	Deus, cui soli competit medicinam praestare post mortem, praesta, quaesumus, ut anima famuli tui illius, terrenis exuta contagiis, in tuae redemptionis parte numeretur.
1146b	Deus cui soli ... societatibus aggregentur.
	Deus, cui soli competit medicinam praestare post mortem, tribue, quaesumus, ut animae famulorum famularumque tuarum, ab omnibus exutae peccatis, in electorum tuorum societatibus aggregentur.
1147	Deus cui soli ... tempore dele.
	Deus, cui soli est elisos erigere et peccata deflentium condonare, clementer populi tui suspiria inspice et crimina nostra ieiuniorum tempore dele.
1148	Deus cui summum ... proficiat caritati.
	Deus, cui summum sacrificium est concordans anima, cui holocaustum pinguissimum est placita et pura conscientia, concede nobis, quaesumus, ut coniunctio labiorum copula, efficiatur animarum et ministerium osculi perpetuae proficiat caritati.
1149	Deus cui transferendus ... propitiatus occurras.
	Deus, cui transferendus Elias quadraginta dierum ieiunium consecravit et spiritaliter, donec ad caelestia mereretur adscendere, ieiunavit, prophetalem, quaesumus, gratiam dona populis christianis, in qua superemus delectationes carnis et sanguinis. Fac in omnibus et per omnia continentes; fac pacificos; fac praecepta caelestia servantes, quibus et in hoc sacrificio benignus appareas et humiliter te invocantibus propitiatus occurras.
1150	Deus cuius adorandae ... ereptus exsultet.
	Deus, cuius adorandae potentia maiestatis flammae saevientis incendium sanctis tribus pueris in splendore demutatum est animarum, ecclesiae tuae similibus adesto remediis, ut de gravioribus mundi huius adversitatibus propitiatione caelesti populus tuus ereptus exsultet.
1151	Deus cuius amorem ... conversatione sectemur.
	Deus, cuius amorem piissimi confessores et martyres tui Ferreolus et Ferrucio cruore asserunt et morte confirmant, qui, dum tibi tam libenter, sumptum a te, vitae munus impendunt, neminem non pro vita mori testantur, concede, ut fidem, quam, cordibus nostris proprio inscriptam, sanguine, reliquerunt, vitae meritis excolamus et, quod in eis admiramur, imitemur, quod colimus, diligamus, quod laude prosequimur, conversatione sectemur.
1152	Deus cuius arbitrio ... tua laetemur.
	Deus, cuius arbitrio omnium saeculorum ordo decurrit, adesto propitius invocationibus nostris et pacem tuam nostris concede temporibus, ut de tuis laudibus in gloria tua laetemur.
1153a	Deus cuius arbitrio ... nobis dona conserva.
	Deus, cuius arbitrio omnium saeculorum ordo decurrit, respice propitius ad nostrae tempus aetatis et, ut tibi servitus nostra complaceat, tua in nobis dona conserva.
1153b	Deus cuius arbitrio ... misericorditer dona conserva.
	Deus, cuius arbitrio omnium saeculorum ordo decurrit, respice propitius ad me famulum tuum, quem ad ordinem presbyterii promovere dignatus es, et, ut tibi mea servitus complaceat, tua in me misericorditer dona conserva.
1153c	Deus cuius arbitrio ... dona concedas.
	Deus, cuius arbitrio omnium saeculorum ordo decurrit, respice propitius ad nostri temporis aetatem, ut tibi servitus nostra complaceat et misericordiae tuae in nobis dona concedas.
1154	Deus cuius bonitatis ... et regno.
	Deus, cuius bonitatis nullus est numerus, quia semper misericordia tibi est causa miserendi, exaudi nos, pro illius famuli tui anima supplicantes, ut illum gratia tua, sicut donavit baptismo, ita donet et regno.
1155	Deus cuius caritatis ... auxilio muniamur.
	Deus, cuius caritatis ardore beatus Laurentius edaces incendiis flammas, contempto persecutore, devicit, concede propitius, ut omnes, qui martyrii eius merita veneramur, protectionis tuae auxilio muniamur.
1156	Deus cuius claritatis ... obtineamus aeternam.
	Deus, cuius claritatis fulgore beatus Michael archangelus tuus praecellit agminibus angelorum, praesta, quaesumus, ut, sicut ille tuo dono principatum meruit possidere caelestem, ita nos, eius precibus adiuti, vitam obtineamus aeternam.
1157	Deus cuius clementia ... fruamur gaudiis.
	Deus, cuius clementia sanctae Sexburgae animam in hac ymera splendidam ad poli vexit regiam, concede nobis, eius suffultis precibus, huius vitae post obitum accipere denarium, sanctisque iuncti angelis, caeli fruamur gaudiis.
1158a	Deus cuius dextera ... gratiam consequamur.
	Deus, cuius dextera Petrum apostolum, ambulantem in fluctibus, ne mergeretur, erexit et coapostolum eius Paulum, tertio naufragantem, de profundo pelagi liberavit, concede propitius, ut amborum meritis aeternam Trinitatis gratiam consequamur.
1158b	Deus cuius dextera ... gloriam consequamur.
	Deus, cuius dextera beatum Petrum, ambulantem in fluctibus, ne mergeretur, erexit et coapostolum eius Paulum, tertio naufragantem, de profundo pelagi liberavit, exaudi nos propitius et concede, ut amborum meritis aeternitatis gloriam consequamur.
1159	Deus cuius dilectionem ... pervenire possimus.
	Deus, cuius dilectionem beata Barbara omni terreno amori anteposuit, praesta, quaesumus, ut, cuius martyrii triumphum hodierna die recolimus, eius suffragiis ad caelestia regna pervenire possimus.
1160	Deus cuius est ... tempestate bellorum.
	Deus, cuius est regnum omnium saeculorum, praetende, quaesumus, famulo tuo illi et omni exercitui eius arma caelestia, ut pax ecclesiarum nulla turbetur tempestate bellorum.
1161	Deus cuius excellentia ... esse mereamur.
	Deus, cuius excellentia beatus Neotus abbas gloriosis miraculorum signis eximie effulsit, da, quaesumus, ut, cuius sollemnia suppliciter veneramur, ipsius beatitudinis consortes esse mereamur.
1162	Deus cuius eximia ... eximium praecessit.
	Deus, cuius eximia dulcedo beatum Dunstanum pontificem gloriose exornavit, concede clementer, quaesumus, adstanti familiae, ut grex devotus sequatur, quo caput eximium praecessit.
1163	Deus cuius filium ... proprium quem
	Deus, cuius filium Maria virgo salvatorem edidit mundo nec tamen per partum eius humanitatis nomen amisit intemeratae castitatis, tribue, quaesumus, ut ipsa pro nobis intercedat <apud> proprium, quem genuit, filium.
1164	Deus cuius filius ... eius adventus.
	Deus, cuius filius generi humano nascendo subvenit, cum per mortem passionis mundum devicit, per gloriam resurrectionis vitae aeternae aditum patefecit et per suam ascensionem ad caelos nobis spem adscendendi donavit sanctique spiritus infusione fidelium corda replevit, concede, quaesumus, per haec sacramenta, quae sumpsimus, ut nos, culpis omnibus emundatos, inveniat secundus eius adventus.
1165	Deus cuius filius ... et nobis.
	Deus, cuius filius, in alta caelorum potenter adscendens, captivitatem nostram sua duxit virtute captivam, tribue, quaesumus, ut dona, quae suis participibus contulit, largiat et nobis.
1166	Deus cuius filius ... perfrui mereamur.
	Deus, cuius filius per tropheum crucis mundum redimere dignatus est, concede propitius, ut, qui de redemptione laetamur, aeternis gaudiis perfrui mereamur.
1167a	Deus cuius gratia beati ... operetur in nobis.
	Deus, cuius gratia beati Wandregesili confessoris tui atque abbatis vita exstitit laudabilis, ipsius interventu, quod tibi placitum est, pietas tua operetur in nobis.
1167b	Deus cuius gratia ... nobis operetur.
	Deus, cuius gratia beatus Alexius confessor exstitit admirabilis, ipsius interventu munus oblatum, quod tibi placitum sit, semper in nobis operetur.
1167c	Deus cuius gratia beatus ... operetur in nobis.
	Deus, cuius, gratia beatus Wilfridus <confessor tuus atque pontifex exstitit admirabilis, ipsius interventu, quod tibi placitum est, pietas tua operetur in nobis.>
1168	Deus cuius hodierna ... vita fateatur.
	Deus, cuius hodierna die praeconium Innocentes martyres non loquendo sed moriendo confessi sunt, omnia in nobis vitiorum mala munifica, ut fidem tuam, quam lingua nostra loquitur, etiam moribus vita fateatur.
1169	Deus cuius ineffabilis ... mereamur admitti.
	Deus, cuius ineffabilis est clementia, profunda pietas, infinita miseratio, inaestimabilis magnitudo, qui sic irasceris, ut corrigas, castigas, ut revoces, corripis, ut emendes, invitas, ut diligas, flagellas, ut parcas, preces populi tui libenter amplectere et propitius intuere et, quoniam, quid mereamur vel quid patiamur, agnoscis, per te nobis tribue, quod rogaris, ut, ab omnibus temptationibus inimici, quibus adversus animam nostram illius sine cessatione grassatur invidia, virtutis tuae dextera liberati, in regnum tuum mereamur admitti.
1170	Deus cuius miseratione ... fine laetentur.
	Deus, cuius miseratione animae fidelium requiescunt, famulis tuis illis et illis vel omnibus, hic quiescentibus, da propitius veniam peccatorum, ut, a cunctis reatibus absoluti, sine fine laetentur.
1171	Deus cuius miseratione ... prece defensa.
	Deus, cuius miseratione delinquentes mutantur ad veniam, iusti transferuntur ad palmam, qui, infusus corde beati Hilarii antistitis, quasi de tuo templo fidei responsa dedisti, concede propitius, ut, qui tunc inclitum confessorem fecisti caesarem non timere, eius intercessione ab spiritali hoste plebem protegas obsecrantem, ut, cuius sollemnitate tripudiat, eius sit fida prece defensa.
1172	Deus cuius misericordia ... vindicet pugnatorum.
	Deus, cuius misericordia per utrumque sexum per omnem currit aetatem, ita plurimum infantibus affectum paternae pietatis indulgens, ut parvulos nec ab Aegypto teneri sineres, nec ab evangelio prohiberi, dum et in lege cum patribus evaderent mundum et in gratia cum perfectis vocarentur ad regnum atque institutione doctrinae innocentia expers mali forma induceretur exempli, dona nobis famulis tuis, ut, malitiae viribus defaecatis, in usum concupiscentiae carnalis invalidi, docibilem servemus disciplinis spiritalibus voluntatem, quo mens, nec rigida nec superba, sic sit blanda, ne facilis, sic innocens, ne impudens, sic humilis, ne imbecillis, quatenus maturo discretionis iudicio sic sufficiat probare, quod placeat, ut affectare nesciat, quod delinquat, atque ita salubrem sumat temperantiam, moderante consilio, ut et simplicitatem imitetur infantium et fortitudinem vindicet pugnatorum.
1173	Deus cuius misericordia ... veniam promereri.
	Deus, cuius misericordia caelestium quoque virtutum indigent potestates et in cuius conspectu nullus est hominum absque sorde et poena peccati, delicta populi tui, quaesumus, averte propitiatus, ut, quos propriae conscientiae reatus accusat, bonitatis tuae patientia faciat veniam promereri.
1174	Deus cuius misericordia ... et favorem.
	Deus, cuius misericordia praecurrente salvamur, respice propitius ad tanti sollemnia praecursoris, ut sacrificium, quod, natalicio eius munere gratulantes, offerimus, et indulgentiam nobis obtineat et favorem.
1175	Deus cuius misericordiae ... piissime largiendo.
	Deus, cuius misericordiae non est numerus, cui soli competit medicinam praestare post mortem, qui es vita viventium, spes morientium et salus omnium, in te sperantium, qui terram hereditatis tuae, per peccata filiorum Esau pollutam, pretioso sanguine tuo dignatus es consecrare, tu animam famuli tui illius per huius virtutem sacramenti a peccatis omnibus exuas et a poenis, quas pro his meretur, eripias et populum incredulum ac rebellem per gratiam tuam facias peculiarem, illis omnibus, qui in tua misericordia confidunt, manum auxilii tui piissime largiendo.
1176	Deus cuius misericordiae ... futura disponas.
	Deus, cuius misericordiae non est numerus et bonitatis infinitus est thesaurus, piissimae maiestati tuae pro collatis donis gratias agimus, tuam semper clementiam exorantes, ut, qui petentibus postulata concedis, eosdem non deserens, ad praemia futura disponas.
1177	Deus cuius misericordiae ... societatem concede.
	Deus, cuius misericordiae non est numerus, suscipe pro anima famuli tui illius episcopi preces nostras et lucis ei laetitiaeque in regione sanctorum tuorum societatem concede.
1178	Deus cuius misericordiae ... tribue peccatorum.
	Deus, cuius misericordiae non est numerus, suscipe propitius preces humilitatis nostrae et animabus, quibus tui nominis dedisti confessionem, per haec sacramenta salutis nostrae cunctorum remissionem tribue peccatorum.
1179	Deus cuius munere ... alimenta percipiat.
	Deus, cuius munere honoranda baptismatis sunt impleta mysteria, concede populo tuo, originalis delicti errore mundato, post sacratissimum fontem terram tuae promissionis intrare, ut dulcia sacramentorum tuorum iam nunc alimenta percipiat.
1180	Deus cuius mysteriis ... experiamur aeterna.
	Deus, cuius mysteriis mundamur et pascimur, praesta, ut eadem sic temporaliter celebremus, ut nobis experiamur aeterna.
1181	Deus cuius nativitatem ... martyrem coronavit.
	Deus, cuius nativitatem filii tui domini nostri gloriosa festivitas et Mariae partum et Eugeniae triumphum Hodie quippe Maria Christum genuit, hodie Eugenia ad Christum vadit; hodie illa generat, ad quem ista festinat; hodie Christus in mundo venit, hodie virginem in caelo Christus suscipit; hodie nascendo virginem matrem fecit, qui hodie perficiendo martyrem coronavit.
1182	Deus cuius nomen ... indulgentiae sempiternae.
	Deus, cuius nomen magnum est atque mirabile, tu et nomina offerentium in libro vitae adscribe et defunctorum animas aeternae quietis amoenitatibus refove, quo, abstinentiae nostrae suscipiens precem, omnibus in commune a te concedatur donum indulgentiae sempiternae.
1183	Deus cuius occulto ... deserviat fecundetur.
	Deus, cuius occulto consilio ideo Elisabeth sterilis uterus exstitit, ut quandoque angelica potius voce fecundaretur, concede propitius ut, sicut illa in iudaico populo praecursorem domini peperit, ita famula tua illa in filio, qui ad credulitatem tibi huius populi pure deserviat, fecundetur.
1184	Deus cuius occulto ... reputa perpetuum.
	Deus, cuius occulto iudicio permittente, beatus Edwardus indignae mortis pertulit iniuriam, ut, sic purgatus, transiret ad gloriam, ipsius precibus purga nos ab occultis et manifestis peccetis nostris et, quidquid sub tuo iudicio ab adversariis sustinemus, ad praemium nobis reputa perpetuum.
1185	Deus cuius opera ... gaudere promissis.
	Deus, cuius opera plena sunt misericordia et iustitia, sicut in sancto tuo Edwardo agnoscimus, ipso opitulante, iustifica nos in tuis praeceptis et de tuis fac gaudere promissis.
1186	Deus cuius operatio ... impetrare quietem.
	Deus, cuius operatio non habet laborem, misericordia donat quietem salusque parturit salutem atque inimicam deo procul effugat voluntatem, sana nos et sanabimur, salva nos et salvi erimus, ut sabbatum nostrum, spiritali benedictione sanctificatum, paschalibus cognoscatur gaudiis esse perfectum, quo, mortis ac resurrectionis tuae laetitia functi, et viventium salutem et defunctorum a te mereamur impetrare quietem.
1187	Deus cuius per ... mortuos suscitare.
	Deus, cuius per summum antistitem et confessorem tuum Martinum fulgoris tui lumen effulsit, illius hodie felicem transmigrationem celebrantes, clementiam tuam supplices exoramus, ut ecclesiam tuam, conversantem in tribulatione, digneris defendere, cui a te satis larga pietate concessum est etiam mortuos suscitare.
1188	Deus cuius providentia ... profutura concedas.
	Deus, cuius providentia in sui dispositione non fallitur, te supplices exoramus, ut noxia cuncta submoveas et omnia nobis profutura concedas.
1189	Deus cuius regnum ... regna praecellant.
	Deus, cuius regnum, regnum est omnium saeculorum, supplicationes nostras clementer exaudi et romanorum regum tibi subditum protege principatum, ut, in tua virtute fidentes, et tibi placeant et super omnia regna praecellant.
1190	Deus cuius regnum ... hostibus fortiores.
	Deus, cuius regnum nulla saecula praevenerunt, nulla concludunt tempora, supplicationes nostras clementer exaudi et romanorum regum tibi subditum protege principatum, ut, in tua virtute fidentes, omnibus sint hostibus fortiores.
1191	Deus cuius solum ... confessi sunt.
	Deus, cuius solum potestate hominem nec mors tollit, quia tibi et ipsa subiecta est, Deus, apud quem bonus gaudebit se vitam invenisse post mortem, malus dolebit se mortem invenisse post vitam, dum et hunc affecturus sit cruciatus legis et illum refecturus sit transitus temporalis, te pro requie fidelium defunctorum illorum praesentium immolatione obsecramus libaminum, ut eos a quocumque reatu, in quo, carnali crimine decepti, incurrerunt, fides, qua te agnoverunt, crediderunt, rogaverunt, a laqueis diaboli liberet et hoc sacrificium a mortalibus culpis reos mortalitatis excuset. Ac si eos pro modo animadversionis sententia vindicantis obnoxiet et quod praeceptum tuum, occupati mundi erroribus, non impleverunt, hoc saltem eis, misericordia parcente, aeternum subveniat ad remedium, quo te in veritate deum unum in Trinitate confessi sunt.
1192	Deus cuius spiritu ... servire mereantur.
	Deus, cuius spiritu totum corpus ecclesiae multiplicatur et regitur, conserva in nova familiae tuae progenie sanctificationis gratiam, quam dedisti, ut, corpore et mente renovati, in unitate fidei ferventes, tibi domino servire mereantur.
1193	Deus cuius sponsa ... nostros languores.
	Deus, cuius sponsa sanctimonialis Austreberta de horto paradisi malum punicum misit infirmae sorori, da, ut haec eucharistia dulcis super omnia pomorum genera pro tantae virginis honore sanet omnes nostros languores.
1194	Deus cuius tam ... non carere.
	Deus, cuius tam immensa est bonitas quam potestas, praesta, quod iustis polliceris accipere, quod reis minaris evadere; veraciter te credere, rationabiliter confiteri, salubriter conversari, si quies adrideat, te colere, si temptatio ingruat, non negare, temporariae vitae necessariis abundare, aeternis gaudiis non carere.
1195	Deus cuius tanta ... devotione proficiat.
	Deus, cuius tanta est excellentia pietatis, ut, uno peccatore converso, maximum gaudium facias in caelis haberi, respice in exiguam populi portionem, ut, omni vexatione depulsa, hereditas tua in numero augeatur et devotione proficiat.
1196	Deus cuius unigenitus ... securi videamus.
	Deus, cuius unigenitus, de virgine nasci dignatus, per passionem et mortem a perpetua nos morte liberavit et resurrectione sua aeternam vitam nobis contulit atque, adscendens super omnes caelos sedensque ad dexteram tuam, pro missum spiritum sanctum in filios adoptionis effudit, praesta, quaesumus, ut, qui haec fideliter credimus, venientem quoque iudicem securi videamus.
1197	Deus cuius unigenitus ... reformari mereamur.
	Deus, cuius unigenitus in substantia nostrae carnis apparuit, praesta, quaesumus, ut per eum, quem similem nobis foris agnovimus, intus reformari mereamur.
1198	Deus cuius universae ... puritate conspicui.
	Deus, cuius universae viae misericordia est semper et veritas, operis tui dona prosequere et, quod possibilitas non habet fragilitatis humanae, tuis beneficiis miseratus impende, ut caelestibus mysteriis servientes et fidei integritate fundati et mentis luceant puritate conspicui.
1199a	Deus cuius virtute beatissimus ... inimici insidias superare.
	Deus, cuius virtute beatissimus Victor carcerum squalores horrificos et dira tyranni superavit tormenta, praesta, quaesumus, eiusdem intervenientibus meritis, universas nos inimici insidias superare.
1199b	Deus cuius virtute sanctus ... inimici insidias superare.
	Deus, cuius virtute sanctus martyr Christophorus diversa superavit tormenta, fac nos, quaesumus, eius intervenientibus meritis, universas inimici insidias superare.
1200	Deus cuius virtute ... spiritus vivificari.
	Deus, cuius virtute beatus Benedictus exstincta fecit pueri membra reviviscere, praesta, quaesumus, nos eius meritis per afflatum tui spiritus vivificari.
1201	Deus de cuius ... deferamus obsequium.
	Deus, de cuius gratiae rore descendit, ut ad mysteria tua purgatis sensibus accedamus, praesta, quaesumus, ut in eorum traditione sollemniter honoranda, competens deferamus obsequium.
1202	Deus dei filius ... exaudias postulantes.
	Deus dei filius, cuius nomen mirificum per ora praedicantium dilatatur, da nobis Torquati tui precibus et comitum eius, ut in odorem unguentorum post te usquequaque curramus, qualiter, obliviscentes ea, quae retro sunt, sic ad supernae vocationis bravium procurramus, ut de nominibus nostris, caelesti pagina adnotatis, perenni gaudio exsultemus, id nobis specialiter tribuens, ut pro defunctis omnibus nos exaudias postulantes.
1203	Deus dei filius ... saeculis sempiternis.
	Deus dei filius, in cuius nominis confessione martyris nostri membra et flammas superant et tormenta, da nobis in caritate tua corda gestare flammantia, ut, caloris tui flammigero igne succensi, nec peccati nos rubigo depretiet nec tepentis animi confessio decoloret, quin potius, reformati in gratiam, quam nostris perdidimus meritis, habeamus tecum partem in saeculis sempiternis.
1204	Deus desperantium salus ... miserante corona.
	Deus, desperantium salus, errantium via et peccantium medicina, qui beatissimas virgines Christetem et Callixtem, quas virus hostis antiqui a proposito submoverat, Christi tui praedicamentis simul ac precibus famulae tuae Dorotheae ad cultum christianae fidei revocasti, pietas tua a nobis ita peccandi casum pellat ac peccandi causas removeat, ut desperationis laqueos nec incurramus, defluentes per vitia, nec intingamus, oberrantes per ignorantiam, quo, sicut illae post lapsum promotae sunt ad martyrii palmam, ita nobis post crimina donetur, te miserante, corona.
1205	Deus dierum temporumque ... cura pastoris.
	Deus, dierum temporumque nostrorum potens et benigne moderator, collatis in me per gratiam tuam propitiare muneribus et in hunc affectum dirige cor plebis et praesulis, ut nec pastori oboedientia gregis nec gregi desit cura pastoris.
1206a	Deus ecclesiae tuae ... magisterio praedicari.
	Deus, ecclesiae tuae redemptor atque perfector, fac, quaesumus, ut apostolorum precibus paschalis sacramenti dona capiamus, quorum nobis ea tribuisti magisterio praedicari.
1206b	Deus ecclesiae tuae ... voluisti praedicari.
	Deus, ecclesiae tuae redemptor atque perfector, da, ut apostolorum tuorum Philippi et Iacobi precibus paschalis sacramenti dona capiamus, quorum nobis magisterio ea voluisti praedicari.
1207	Deus electorum corona ... possimus adunari.
	Deus, electorum corona pontificum et gloriosa victoria certantium, qui beatum Aelphegum et dignitate pontificatus et martyrii palma decorasti, concede propitius ita nos apud te eius intercessionibus adiuvari, ut ei in aeterna beatitudine possimus adunari.
1208	Deus et temporalis ... possimus excludi.
	Deus, et temporalis vitae auctor et aeternae, miserere supplicum, in tua protectione fidentium, ut, per virtutem brachii tui omnibus, qui nobis adversantur, devictis, nec a terrenis nec a caelestibus possimus excludi.
1209	Deus fidelis qui ... ab alto.
	Deus fidelis, qui fidelia promissa confirmas, dum vocatas gentes ex fide iustificas, tu cognitionem nobis individuae tribue Trinitatis, ut pacifici conversemur inter filios unitatis, quo, istius sanctae confessionis sacrificio potenter oblato, visitationem tuam iugiter mereamur ab alto.
1210	Deus fidelium lumen ... luminis claritatem.
	Deus, fidelium lumen animarum, adesto supplicationibus nostris et da omnibus, quorum corpora hic requiescunt, refrigerii sedem, quietis beatitudinem, luminis claritatem.
1211	Deus fidelium receptor ... desideravit obtineat.
	Deus, fidelium receptor animarum, praesta, quaesumus, ut famulus tuus ille et in perpetua luce quiescat et, quod de hoc loco desideravit, obtineat.
1212	Deus fidelium redemptor ... aeterna possideat.
	Deus, fidelium redemptor animarum, praesta, quaesumus, ut anima famuli tui illius in perpetua luce quiescat et inter electos tuos gaudia aeterna possideat.
1213a	Deus fidelium remunerator animarum ... festivitatem precibus indulgentiam consequamur.
	Deus, fidelium remunerator animarum, praesta, ut beati Marcelli confessoris tui atque pontificis, cuius venerandam celebramus festivitatem, precibus indulgentiam consequamur.
1213b	Deus fidelium remunerator ... venerandam celebramus sollemnitatem [precibus eius]
	Deus, fidelium remunerator animarum, praesta, ut per haec sancta, quae sumpsimus, et per preces beati Zoilli confessoris tui, cui<us> venerandam celebramus sollemnitatem, [precibus eius] indulgentiam consequamur.
1213c	Deus fidelium remunerator animarum ... tibi precibus indulgentiam consequamur.
	Deus, fidelium remunerator animarum, praesta, ut celebritate praesenti sancti confessoris tui et episcopi illius sit nobis veneranda sollemnitas et placitorum tibi precibus indulgentiam consequamur.
1213d	Deus fidelium remunerator ... eius indulgentiam consequamur.
	Deus, fidelium remunerator animarum, qui hunc diem beati Apollinaris sacerdotis tui martyrio consecrasti, tribue, quaesumus, nobis famulis tuis, ut, cuius venerandam celebramus festivitatem, precibus eius indulgentiam consequamur.
1214	Deus fidelium remunerator ... celebramus festivitatem.
	Deus, fidelium remunerator animarum, praesta, ut beati Willibrordi confessoris tui et pontificis intercessione populus tuus fidelis indulgentiam suorum peccatorum consequi mereatur, cuius venerandam hodierna die celebramus festivitatem.
1215	Deus fons bonitatis ... inveniar iustificatus.
	Deus, fons bonitatis et pietatis origo, qui peccantem non statim iudicas sed ad paenitentiam miseratus exspectas, te quaeso, ut facinorum meorum squalores abstergas et me ad peragendum iniunctum officium dignum efficias, ut, qui altaris tui ministerium suscepi indignus, perago trepidus, ad id peragendum reddat strenuus et inter eos, qui tibi placuerunt, inveniar iustificatus.
1216	Deus fons pacis ... societate laudemus.
	Deus, fons pacis atque origo purae dilectionis, fac nos, ut te in tympano veraciter laudemus et choro, ut, qui te per attritae carnis abstinentiam in tympano personamus, per concordiam alternae dilectionis in choro una voce cum societate laudemus.
1217	Deus formator humanae ... habemus auxilium.
	Deus, formator humanae reformatorque naturae, fac cor nostrum immaculatum, ut non confundamur nostro merito, qui semper in tuo habemus auxilium.
1218	Deus generis institutor ... mereatur aeterna.
	Deus, generis institutor et reparator humani, praesta, quaesumus, ut plebs tua, et sacramentis instructa salutaribus et fulta praesidiis, sic praesentia dona percipiat, ut capere mereatur aeterna.
1219	Deus gloriae cui ... sanctificatione laetitiam.
	Deus gloriae, cui complacuit in unigenito tuo omnem plenitudinem habitare, omnes principatus et potestates exuere atque in eo reconciliare omnia, in quo condideras universa, adspice festivas subditae congregationis excubias, accipe preces paschalibus supplicationibus votivas et, qui dedisti nobis dominicae resurrectionis temporum revolutione victoriam, da nobis ipsius festivitatis operum sanctificatione laetitiam.
1220	Deus gratiae dator ... suffragio perducamur.
	Deus, gratiae dator et gloriae, tuae nobis propitius sinum aperi pietatis et praesta, ut, qui manentem civitatem hic non habemus, ad futuram, quam quaerimus, beatae Hedwigis interveniente suffragio, perducamur.
1221	Deus humanae salutis ... remedia providisti.
	Deus, humanae salutis operator, da nobis exercere ieiunia congruenter, quibus nostrae substantiae sempiterna remedia providisti.
1222	Deus humanarum mentium ... gentibus exaltatum.
	Deus, humanarum mentium lux aeterna, tu paternis iniquitatibus obscuratos illumina, ut restauret gratuita gratia, quidquid perdidit vitiata natura, ut, qui in nobis aliquando tenebrae fuimus, in te semper lucidi esse possimus. Nulla nobis amplius delictorum nebula dominetur, nulla nox iniquitatis, te in nobis iugiter lucente, nascatur. Esto famulis tuis perpetuus dies, in quo ambulantes non erremus ulterius sed proficiamus in melius, viam Christi dilatato corde currentes et vestigia salvatoris cum eo qui caecus natus est amplectentes. Haec est enim victima salutaris, haec oblatio sacrificii singularis; adorare unigenitum tuum, in veritate nostri corporis natum, et, spreta malignantium synagoga, cognoscere te, in gentibus exaltatum.
1223	Deus humani generis ... inspirante sectemur.
	Deus, humani generis conditor et redemptor, da, quaesumus, ut reparationis nostrae collata subsidia, te iugiter inspirante, sectemur.
1224	Deus humani generis ... mereatur suffragiis.
	Deus, humani generis conditor et redemptor, qui ineffabili pietatis munere martyrum tuorum gloriosa certamina potentissimus largitor remuneras, praesta, quaesumus, ecclesiae tuae, quae sanctorum martyrum tuorum Nazarii et Celsi laetatur triumphis, et a peccatorum servari contagiis et, quod illi te confitendo meruerunt percipere, hoc populus tuus eorum consequi mereatur suffragiis.
1225a	Deus humilium consolator et fidelium fortitudo propitius esto supplicibus ut humana ... ad veniam.
	Deus, humilium consolator, et fidelium fortitudo, propitius esto supplicibus, ut humana fragilitas, quae per se proclivis est ad labendum, per te semper muniatur ad standum et, quae per se prona est ad offensam, per te semper reparetur ad veniam.
1225b	Deus humilium consolator et fidelium fortitudo propitius esto supplicibus et da ... ad veniam.
	Deus, humilium consolator, et fidelium fortitudo, propitius esto supplicibus et da, ut humana fragilitas, quae per se proclivis est ad labem, per te semper reparetur ad veniam.
1225c	Deus humilium consolator ... ad standum.
	Deus, humilium consolator et fortitudo fragilium, propitius tuis adesto supplicibus, ut humana fragilitas, quae per se declivis est ad cadendum, per te semper in studio caritatis muniatur ad standum.
1226a	Deus humilium visitator ... nobis sentiamus adventum.
	Deus, humilium visitator, qui nos fraterna dilectione consolaris, praetende societati nostrae gratiam tuam, ut per eos, in quibus habitas, tuum in nobis sentiamus adventum.
1226b	Deus humilium visitator ... adesse sentiamus adventum.
	Deus, humilium visitator, qui nos sancti spiritus illustratione consolaris, praetende super hunc famulum tuum illum gratiam tuam, ut per eum tuum in nobis adesse sentiamus adventum.
1227	Deus illuminator gentium ... misericorditer absolvamur.
	Deus, illuminator gentium, qui per spiritus sancti gratiam almam tuam virginem Otiliam a nativa oculorum caecitate dignatus es liberare, praesta, quaesumus, ut, apud tuam misericordiam ipsa suffragante, absolvas taetras nostri cordis caligines, ut pura tibi mente serviamus et a peccatis nostris misericorditer absolvamur.
1228	Deus illuminator omnium ... mentibus adspirasti.
	Deus, illuminator omnium gentium, da populis tuis perpetua pace gaudere et illud lumen splendidum infunde cordibus nostris, quod trium magorum mentibus adspirasti.
1229	Deus immortalis atque ... beatitudinis plenitudo.
	Deus immortalis atque aeterne, tu votis offerentium propitiatus occurre, ut sacrificii huius litatione sic ieiunii nostri acceptetur precatio, qualiter quiescentibus defunctis donetur beatitudinis plenitudo.
1230	Deus in cuius ... mentibus contemplari.
	Deus, in cuius baptismate paterna vox intonuit et spiritus sanctus in specie columbae apparuit, da nobis tanti sacramenti mysterium et dignis sensibus venerari et puris mentibus contemplari.
1231	Deus in cuius ... devota concessit.
	Deus, in cuius conspectu mors est pretiosa sanctorum, tribue, ut nobis fidelis vita conferat, quidquid illis mors devota concessit.
1232	Deus in cuius ... habere praesentem.
	Deus, in cuius conspectu sanctus Michael gloriosus assistit, praesta, quaesumus, ut ibi pro populo tuo exorare dignetur, ubi gratiam tuam semper meretur habere praesentem.
1233	Deus in cuius ... es
	Deus, in cuius dextera salus nostra est, praesta, ut ad te non ore tantum sed corde vigilemus; timorem tui nominis nostris immitte visceribus et amorem infunde pectoribus, quia, si dederis te timendum, da<re pot>es et amandum.
1234	Deus in cuius ... optabilem sanitatem.
	Deus, in cuius libro sunt vocabula notata mortalium, concede nobis omnibus veniam delictorum et praesta, quaesumus, ut famulum tuum illum infirmum, quem immensus languor excruciat, tua miseratio reparet ad medelam et, si ei ambitio piaculi adduxit dolorem, adducat etiam confessio salutis optabilem sanitatem.
1235	Deus in cuius ... regna praecellant.
	Deus, in cuius manu corda sunt regum, inclina ad preces humilitatis nostrae aures misericordiae tuae et principibus nostris famulis tuis illis regimen tuae appone sapientiae, ut, haustis de tuo fonte consiliis, et tibi placeant et super omnia regna praecellant.
1236	Deus in cuius ... requies impetretur.
	Deus, in cuius manu est et humiliare superbos et allevare contritos, tu contritionis nostrae ieiunium inspice et offerentium vota placabili bonitate sustolle, quo et nobis piaminum venia concedatur et in pace dominica quiescentibus per hoc sacrificium requies impetretur.
1237	Deus in cuius ... ad veniam.
	Deus, in cuius manu sunt corda regum, qui es humilium consolator et fidelium fortitudo et protector in te sperantium, da regi nostro illi et reginae nostrae illi populoque christiano triumphum virtutis tuae scienter excolere, ut per te semper reparentur ad veniam.
1238	Deus in cuius ... felicem consequamur.
	Deus, in cuius passione secundum Simeonis prophetiam dulcissimam animam gloriosae virginis et matris Mariae doloris gladius pertransivit, concede propitius, ut, qui transfixionem eius et passionem venerando recolimus, gloriosis meritis et precibus omnium sanctorum, cruci fideliter assistentium, intercedentibus, passionis tuae effectum felicem consequamur.
1239	Deus in cuius ... quae redemit.
	Deus, in cuius praecipuis mirabilibus est humana reparatio, solve opera diaboli et mortifera peccati vincula disrumpe, ut, destructa malignitate, quae nocuit, vincat misericordia, quae redemit.
1240a	Deus in quo est ... hanc meditemur in terris.
	Deus, in quo est omnium iustorum requies et pax certa sanctorum, tribue nobis pacificas hostias tibi digne offerre, ut perfectionem pacis, qua tui sancti iam fruuntur in caelis, nos iugiter hanc meditemur in terris.
1240b	Deus in quo est ... iugiter meditemur in terris.
	Deus, in quo est omnium iustorum requies et pax certa sanctorum, dona nobis, quaesumus, in tua firmiter caritate laetari, ut perfectionem pacis, qua tui iam sancti fruuntur in caelis, hanc nos iugiter meditemur in terris.
1241	Deus in quo ... defendat insidiis.
	Deus, in quo totius salvationis summa consistit, exaudi preces, quas nos indigni tibi suppliciter fundimus, et mitte sanctum angelum tuum de caelis, qui hanc congregationem et hunc locum ab omnibus antiqui hostis defendat insidiis.
1242	Deus in quo ... fiducialius appetamus.
	Deus, in quo vivimus, movemur et sumus, pluviam nobis tribue congruentem, ut, praesentibus subsidiis sufficienter adiuti, sempiterna fiducialius appetamus.
1243	Deus in te ... satisfactione laetari.
	Deus, in te sperantium fortitudo, a quo est perversorurn correctio, respice, quaesumus, super homines iniquos, servis tuis adversantes, et, ne iram tuae indignationis incurrant, fac nos de eorum tibi placita satisfactione laetari.
1244	Deus in te ... largiter impartiaris.
	Deus, in te sperantium fortitudo, adesto propitius, intercedente beato Iob cum omnibus sanctis tuis, invocationibus nostris, ut, sicut post ulceris pessimi variorumque flagellorum pressuras duplicia pro omnibus amissis reddidisti, ita nobis misericordiam tuam largiter impartiaris.
1245	Deus in te ... actione placeamus.
	Deus, in te sperantium fortitudo, adesto propitius invocationibus nostris et, quia sine te nihil potest mortalis infirmitas, praesta auxilium gratiae tuae, ut in exsequendis mandatis tuis et voluntate tibi et actione placeamus.
1246	Deus in te ... pace gaudere.
	Deus, in te sperantium fortitudo, conserva in populis tuis, quod es dignatus operam, potentis misericordiae tuae ostende virtutem, ut, qui superba impetimur hostiurn feritate, tua mereamur pace gaudere.
1247	Deus in te ... tuta libertas.
	Deus, in te sperantium misericors eruditor, ab omni nos consortio pravitatis absolve nec ullis nos iniquitatum vinculis patiaris adstringi, ut, unde nobis est tota pietas, inde sit tuta libertas.
1248	Deus in te ... arma praevaleant.
	Deus, in te sperantium salus et servientium fortitudo, suscipe propitius preces nostras et romani imperii adesto rectoribus, ut, tuis consiliis inspirati, tua opitulatione muniti, adversa omnia resistere sibi arma praevaleant.
1249	Deus in te ... efficiantur victores.
	Deus, in te sperantium salus et tibi servientium fortitudo, suscipe propitius preces nostras et da famulo tuo illi regi et cuncto exercitui eius regimen tuae sapientiae, ut, haustis pio de fonte consiliis, et tibi placeant et de omnibus suis adversariis efficiantur victores.
1250	Deus indulgentiae Deus ... aeterna perducas.
	Deus indulgentiae, Deus totius consolationis, te supplices deprecamur, ut famulum tuum illum a cunctis peccatorum suorum nexibus et ab his, quibus captus tenetur, inimicorum suorum vinculis, intercedente beata dei genitrice Maria et beatis apostolis tuis Petro et Paulo atque Ioanne, benignus absolvas, emendatumque, paterna pietate suscipias et ad gaudia aeterna perducas.
1251	Deus indulgentiarum domine ... luminis claritatem.
	Deus, indulgentiarum domine, da famulo tuo illi, cuius anniversarium depositionis diem commemoramus, refrigerii sedem, quietis beatitudinem, luminis claritatem.
1252	Deus ineffabilis misericordiae ... superando exstinguere.
	Deus ineffabilis misericordiae, qui beatissimum regem Edmundum tribuisti pro tuo nomine inimicum moriendo vincere, concede propitius familiae tuae, ut, eo interveniente, mereatur in se antiqui hostis incitamenta superando exstinguere.
1253	Deus ineffabilis misericordiae ... virgo peperit.
	Deus, ineffabilis misericordiae, qui primae mulieris piacula per virginem Mariam expianda sanxisti, da nobis, quaesumus, conceptionis eius sollemnia digne venerari, quae unigenitum tuum virgo concepit et virgo peperit.
1254	Deus ineffabilis rerum ... divinitus pervenire.
	Deus, ineffabilis rerum conditor universarum, qui famulis tuis annuam hodiernae festivitatis laetitiam in veneranda almae virginis tuae praecluis Aetheldrythae tribuisti commemoratione, quaesumus, ut, eadem interveniente, vitiorum incentiva queamus nociva superare et ad te summum bonum, qui vera lux es, callis ac pietas, divinitus pervenire.
1255	Deus inenarrabilis gloriae ... impetrent consortium.
	Deus inenarrabilis gloriae et pietatis immensae, qui sanctos tuos ante mundi constitutionem in aeterna tibi gloria praeparasti, suscipe propitius preces et munera, quae in honorem et venerationem dei genitricis Mariae sanctorumque apostolorum, martyrum, confessurum ac virginum omniumque electorum tuorum in conspectu pietatis tuae humiliter deferimus, et praesta, ut apud maiestatem tuam et remissionem peccatorum et beatitudinis suae nobis impetrent consortium.
1256a	Deus infinitae misericordiae ... benedictione laetemur.
	Deus infinitae misericordiae et bonitatis immensae, propitiare iniquitatibus nostris et omnibus animarum nostrarum medere languoribus, ut, peccatorum nostrorum remissione percepta, semper in tua benedictione laetemur.
1256b	Deus infinitae misericordiae ... indulgentia laetetur.
	Deus infinitae misericordiae et bonitatis immensae, propitiare peccatis famuli tui illius et omnibus animae eius medere languoribus, ut, miserationum tuarum remissione percepta, in tua indulgentia laetetur.
1257	Deus infinitae misericordiae ... consequantur effectu.
	Deus infinitae misericordiae et maiestatis immensae, quem nec spatia locorum nec intervalla temporum ab his, quos tueris, abiungunt, adesto famulis tuis, in te ubique fidentibus, et per omnem, quam ituri sunt, viam dux eis et comes esse dignare; nihil illis adversitatis noceat, nihil difficultatis obsistat; cuncta eis salubria, cuncta sint prospera et sub ope dexterae tuae, quidquid iusto expetierint desiderio, celeri consequantur effectu.
1258	Deus infinitae misericordiae ... consequi valeamus.
	Deus infinitae misericordiae et maiestatis immensae, qui beatum Achatium eum decem milibus contubernalibus suis crucis patibulum subire fecisti, tribue, quaesumus, ut eius sacris petitionibus fructum crucis in nobis consequi valeamus.
1259	Deus infirmitatis humanae ... repraesentari mereantur.
	Deus, infirmitatis humanae singulare praesidium, auxilii tui super infirmos nostros ostende virtutem, ut, ope misericordiae tuae adiuti, ecclesiae tuae sanctae repraesentari mereantur.
1260a	Deus innocentiae restitutor ... luce discedant.
	Deus, innocentiae restitutor et amator, dirige ad te tuorum corda famulorum, ut, quos de infidelitatis tenebris liberasti, numquam a tuae veritatis luce discedant.
1260b	Deus et reparator ... luce discedant.
	Deus, et reparator innocentiae et amator, dirige ad te tuorum corda servorum, ut, de infidelitatis tenebris liberati, numquam a tuae virtutis luce discedant.
1261	Deus innocentiae restitutor ... opere efficaces.
	Deus, innocentiae restitutor et amator, dirige ad te tuorum corda servorum, ut, spiritus tui fervore concepto, et in fide inveniantur stabiles et in opere efficaces.
1262	Deus iustitiae Deus ... te tibi.
	Deus iustitiae, Deus misericordiae, Deus immortalitatis et vitae, Deus splendoris et gratiae, quaesumus te et oramus, ut, divinis muneribus recreati, in illa beatitudine servemur a te tibi.
1263	Deus lactantium fides ... potiantur dulcedine.
	Deus, lactantium fides, spes infantium, caritas puerorum, qui per innocentium tuorum Iusti et Pastoris laudem cunctos provocas ad salutem, infunde in nobis, quaesumus, puritatem laetantis infantiae, ut, dum sensu iustitiae parvulis adaequamur, in illa remuneratione fidelium pariter gloriemur, sicque eorum interventu his hostiis benedicito, ut ex his sumentes et peccaminum eluantur labe et purae confessionis potiantur dulcedine.
1264	Deus largitor pacis ... temptationibus liberemur.
	Deus, largitor pacis et amator caritatis, da servis tuis veram cum tua voluntate concordiam, ut ab omnibus, quae nos pulsant, temptationibus liberemur.
1265	Deus lumen indeficiens ... adscribe gaudiorum.
	Deus, lumen indeficiens sanctorum, tuorum nos, quaesumus, attolle beneficiis donorum atque, consecuta abolitione peccatorum, sancti interventu Machuti caelestium infulis adscribe gaudiorum.
1266	Deus misericordiae Deus ... pro missa.
	Deus misericordiae, Deus pietatis, Deus indulgentiae, indulge, quaeso, et miserere famulo tuo illi, ut delictorum, quae tibi ex ore aperuit, nulla in eo macula reservetur in terris sed per paenitentiae luctum ad tua mereatur pervenire pro missa.
1267a	Deus misericordiae Deus ... merear accipere.
	Deus misericordiae, Deus pietatis, Deus indulgentiae, indulge, quaeso, et miserere mei; sacrificium quoque, quod pietatis tuae gratia humiliter offero, benigne digneris suscipere et peccata, quae labentibus vitiis contraxi, pius et propitius ac miseratus indulgeas et locum paenitentiae ac flumina lacrimarum, concessa venia, a te merear accipere.
1267b	Deus misericordiae Deus ... custodiri iubeas.
	Deus misericordiae, Deus pietatis, Deus indulgentiae, peccaminum indulge, quaesumus, et miserere nostri; hoc sacrificium, quod pietatis tuae gratia in commemorationem martyrum et confessorum tuorum illorum humiliter pro peccatis nostris offerimus, benigne dignare suscipere, ut peccata, quae labentibus vitiis nostris contraximus et egimus, per ipsorum merita et intercessionem pius ac propitius et miseratus, praeterita et praesentia, indulgeas, et, ut futura non committamus, in omnibus, te obsecramus nos custodiri iubeas.
1268	Deus misericordiae sempiternae ... sint redempti.
	Deus misericordiae sempiternae, qui in ipso paschalis festi recursu fidem sacratae tibi plebis accendis, auge gratiam, quam dedisti, ut digna omnes intellegentia comprehendant, quo lavacro abluti, quo spiritu regenerati, quo sanguine sint redempti.
1269	Deus misericors rex ... dirige voluntates.
	Deus misericors, rex aeterne, da servituti nostrae prosperum cursum, et, ut tibi in populi tui devotione placeamus, tu sancto praeside gregi et ad tuorum observantiam mandatorum tu omnium dirige voluntates.
1270a	Deus mundi auctor ... consequatur auxilium.
	Deus, mundi auctor et conditor, qui hodiernae festivitatis diem beati Ambrosii sacerdotii electione consecrasti, praesta populo tuo, ut, cuius annua celebritate devotis resultat obsequiis, eius suffragiis tuae pietatis consequatur auxilium.
1270b	Deus mundi auctor ... consequamur auxilium.
	Deus, mundi auctor et conditor, qui hodiernae festivitatis diem beati Arnulfi confessoris tui atque pontificis migratione consecrasti, praesta, quaesumus, ut, cuius annua celebritate devotis exsultamus obsequiis, eius suffragiis tuae pietatis consequamur auxilium.
1271	Deus mundi creator ... sanctificatione firmetur.
	Deus, mundi creator et rector, ad humilitatis meae preces placatus attende et me famulum tuum, quem nullis suffragantibus meritis sed immensa largitate clementiae caelestibus mysteriis servire tribuisti, dignum sacris altaribus fac ministrum, ut, quod mea celebrandum voce depromitur, tua potius sanctificatione firmetur.
1272	Deus mundi creator ... ira desistat.
	Deus, mundi creator et rector, apud quem totum providentia geritur, totum ratione subsistit, praesta, quaesumus, ut et nos discedamus a vitiis et tua tandem ira desistat.
1273a	Deus mundi creator et rector qui beatos apostolos Simonem et ... caritatis augmentum.
	Deus, mundi creator et rector, qui beatos apostolos Simonem et Iudam atque martyrem tuum Fidelem nominis tui gloria consecrasti, exaudi populum tuum, cum sanctorum tuorum tibi patrociniis supplicantem, ut pacis dono proficiat ad fidei et caritatis augmentum.
1273b	Deus mundi creator et rector qui beatos apostolos tuos ineffabili ... caritatis augmentum.
	Deus, mundi creator et rector, qui beatos apostolos tuos ineffabili gloria decorasti, exaudi populum tuum, eorum doctrinis imbutum, ut per eos proficiat ad fidei et caritatis augmentum.
1274a	Deus mundi creator ... incendiis liberemur.
	Deus, mundi creator et rector, qui hunc diem in levitae tui Laurentii martyrio consecrasti, concede propitius, ut omnes, qui martyrii eius merita veneramur, intercessionibus eius ab aeternis gehennae incendiis liberemur.
1274b	Deus omnipotens mundi ... lapidibus liberemur.
	Deus omnipotens, mundi creator et redemptor, qui hunc diem in levitae Stephani inventione consecrasti, concede propitius ut, qui martyrii eius merita veneramur, intercessionibus eius ab aeternis ignitis lapidibus liberemur.
1275	Deus mysteriorum caelestium ... benedictione sanctifica.
	Deus, mysteriorum caelestium et virtutum omnium eminentissimus inspirator, nostras, quaesumus, preces exaudi et odoratam fissi corticis lacrimam, quae felicis virgae profluendo sudorem sacerdotali nos opimat unguento, acceptabilem tuis praesta mysteriis et concessa clemens benedictione sanctifica.
1276	Deus nostrum refugium ... confitentes tibi.
	Deus, nostrum refugium in laboribus, virtus in infirmitatibus, adiutorium in tribulationibus, solamen in fletibus, parce, domine, parce populo tuo, ne tradas bestiis animas confitentes tibi.
1277	Deus omnipotens Deus ... implere digneris.
	Deus omnipotens, Deus misericors, Deus clemens, qui indulgentiam tuam nulla temporum lege concludis, suscipe preces et hostias, quas tibi pro indulgentia famuli tui illius deferimus, ut et peccatorum ei veniam misericors largiaris et cordis eius recta desideria implere digneris.
1278	Deus omnipotens et ... exuantur aeternis.
	Deus omnipotens et aeterne, quo iuvante, athleta tuus Iulianus mortuum promeruit suscitare ab inferis, invocato nomine Trinitatis, tu pietate solita et offerentium suscipe vota et sopita corda a mortali actu exsuscita. Tribue quoque his sacrificiis largam tuae benedictionis impensionem, quo et vivi revivescant in operibus bonis et defuncti carne suppliciis exuantur aeternis.
1279a	Deus omnipotens et ... munere praerogetur.
	Deus omnipotens et clemens, qui solus das pluviam super terram, solus mittis aquas sub inferiora caelorum, dona servis tuis beneficium pluviale, ut, quod nostra facinora suspenderunt, tuo munere praerogetur.
1279b	Omnipotens deus qui solus aquas ... munere prorogetur.
	Omnipotens deus, qui solus aquas emittis e caelis, dona servis tuis beneficium pluviae salutaris, ut, quod facinore nostro suspenditur, tuo iam gratuito munere prorogetur.
1280	Deus omnipotens exaudi ... incorrupta transmitte.
	Deus omnipotens, exaudi populum tuum, hac die ad gloriam resurrectionis domini nostri Iesu Christi filii tui in tuo nomine congregatum, et, maiestatem tuam suppliciter exorantem, dirige ex praesenti festivitate in laetitiam sempiternam atque ex hac hodiernae sollemnitatis exsultatione ad gaudia incorrupta transmitte.
1281	Deus omnipotens qui ... impertias sanctitatem.
	Deus omnipotens, qui ad salvandum partis nostrae conventum septem misisti specula sacerdotum, eisdem intercedentibus, quorum sacratissimae memoriae tuo recitantur altario, spiritum sanctum de tuis sanctis sedibus mitte, quo et oblatis hostiis sanctificationem et nostris pectoribus profusissimam impertias sanctitatem.
1282	Deus omnipotens qui ... attollere gloriosum.
	Deus omnipotens, qui, angelicam humanamque naturam creans, aliud praesciendo iudicii reprobatione condemnas, aliud praedestinando veritatis assumptione glorificas, tribue nobis te per redemptionis humanae sacramentum habere propitium et per societatem felicitatis angelicae perpetuis laudibus attollere gloriosum.
1283	Deus omnipotens qui ... percipere sacramentum.
	Deus omnipotens, qui, creando cuncta, virtutem praetendis et, redimendo homines, immensam miserationem ostendis, da nobis et redemptorem habere propitium et redemptionis nostrae digne percipere sacramentum.
1284	Deus omnipotens qui ... atque compone.
	Deus omnipotens, qui docuisti omnia humilitatis bono et caritatis studio posse servari, respice ad membra ecclesiae tuae atque ea, quae emulatione discreta aut indignatione vitiata sunt, in pace revoca atque compone.
1285	Deus omnipotens qui ... requiem sempiternam.
	Deus omnipotens, qui nos indignos famulos tuos cum sacerdotibus tuis factura manuum tuarum ad hanc congregationem sociasti et sacris mysteriis tuis confortare dignatus nes, corpore refectos et sanguine domini nostri Iesu Christi, praesta nobis petentibus famulis tuis, per quem nostra exstincta sunt mala merita, porrige manum tuam nobis lapsis, aperi nobis ianuam regni tui, per quam possimus introire in requiem sempiternam.
1286	Deus omnipotentiae ac ... passione victoriam.
	Deus omnipotentiae ac benignitatis, Deus misericordiae atque pietatis, qui Bethlehemiticae plebi ac dominicae civitati pro temporalibus aerumnis gaudia aeterna tribuisti, ut Rachel sancta, plorans filios suos, quae praeferebat ex dolore luctum, nollet ex consolatione solatium, quia, licet videretur de praesenti infantium amissione conterrita, erat tamen beata ac de martyrum perpetuitate secura, da cunctis, domine, in hoc loco consistentibus, et universae plebi istius loci, ut sic habeant ex sanctae vitae conversatione palmam, sicut habuerunt parvuli ex passione victoriam.
1287	Deus omnium fidelium ... perveniat sempiternam.
	Deus, omnium fidelium pastor et rector, famulum tuum illum, quem ecclesiae tuae praeesse voluisti, propitius respice; da ei, quaesumus, verbo et exemplo, quibus praeest, proficere, ut ad vitam una cum grege sibi credito perveniat sempiternam.
1288	Deus omnium fortitudo ... celebrare possimus.
	Deus, omnium fortitudo sanctorum, qui illis ad hanc gloriam veniendi copiosum munus gratiae contulisti, nostris, quaesumus, veniam concede peccatis, ut eorum sollemnia digne celebrare possimus.
1289	Deus omnium misericordiarum ... misericordia erigamur.
	Deus, omnium misericordiarum ac totius bonitatis auctor, qui peccatorum remedia ieiuniis, orationibus et eleemosynis demonstrasti, respice propitius in hanc humilitatis nostrae confessionem, ut, qui inclinamur conscientia nostra, tua semper misericordia erigamur.
1290	Deus omnium pie ... sanctificata custodias.
	Deus, omnium pie ieiunantium spes, salus, gloria, praesta, ut imposita altaribus tuis munera, quae pro nostris nostrorumque peccatis studio piae devotionis offerimus, propitius et benignus aspicias, benedicendo benedicas et nobis sanctificata custodias.
1291	Deus omnium regnorum ... gaudia repromissa.
	Deus, omnium regnorum gubernator et rector, qui famulis tuis annua beati Botulfi abbatis largiris sollemniter celebrare festa, nostrorum, quaesumus, dele clementius peccaminum vulnera, ut a te mereamur percipere gaudia repromissa.
1292	Deus omnium regnorum ... in caelis.
	Deus, omnium regnorum institutor et rector, qui hodiernam nobis diem beati regis et martyris tui Ethelberti martyrio tribuis esse sollemnem, praesta, quaesumus, ut, cuius sollemniis gratulamur in terris, ipsius suffragiis sublevemur in caelis.
1293	Deus pacis caritatisque ... potenter eripe.
	Deus, pacis caritatisque amator et custos, da omnibus inimicis nostris pacem caritatemque veram, cunctorum eis remissionem tribuens peccatorum, nosque ab eorum insidiis potenter eripe.
1294	Deus pacis conditor ... consequi mereamur.
	Deus, pacis conditor, Deus, caritatis indultor, da nobis placidus pacem tuam et praesta, ut, dum sanctorum tuorum apostolorum Petri et Pauli festa celebramus, per eorum intercessionem pacis securitatem cum peccatorum venia consequi mereamur.
1295	Deus pacis conditor ... sese convertant.
	Deus, pacis conditor et caritatis individuae attributor, praesta, quaesumus, omnes vinculo caritatis adstringi et concordiae benignitate coniungi, ut et pacifici pacis perseverantiam teneant et discordes dono tuae misericordiae ad caritatem sese convertant.
1296	Deus pater domini ... mortuos suscitavit.
	Deus, pater domini nostri Iesu Christi, qui es universorum lumen aeternum, exaudi nos, supplicantes pro famulo tuo illo, quem dominus noster Iesus Christus creavit et in hoc mundo illuminavit et vitam praestavit et ipse de tua pietate numquam desperavit; mitte sanctos angelos tuos Michael, Gabriel et Raphael, qui expellant hanc ipsam temptationem diaboli ab hac imagine et plasmatura tua, quem tu, domine, ad honorem et gloriam nominis tui formare dignatus es. Da, immunde spiritus, honorem deo patri omnipotenti, cui omne genu se humiliat caelestium, terrestrium et infernorum; ipse te expellat de hoc famulo suo, qui per virtutem suam caecos illuminavit, paralyticos curavit, mortuos suscitavit.
1297	Deus pater omnipotens ... bonus ac mitis es qui dominum nostrum Iesum Christum hac sede laetitiae cum ergo is adscensurus est in caelum pacem suam <fecisti
	Deus pater omnipotens, <qui> bonus ac mitis es, qui dominum nostrum Iesum Christum hac sede laetitiae, cum ergo is adscensurus est in caelum, pacem suam <fecisti> dare nobis, pacem suam relinquere servis suis, respice, domine; sanctae ecclesiae tuae catholicae signum pacis impone; fiat in veritate, quod dedicatur et quod titulo impletur; pacem teneant sacerdotes, pacem habeant divites, pacem habeant pauperes, pace[m] gaudeant locupletes, pace[m] mitescant barbarae nationes, pacem videant liberi, pacem sentiant servi, pacem cogitent reges, pacem faciant principes; pacem tuam, omnipotens, da nobis, <quam> per intercessionem beatissimi Ioannis baptistae mereamur accipere.
1298	Deus pater omnipotens ... eum custodias.
	Deus, pater omnipotens, qui es verus sanctus et sanctorum omnium protector, tibi pio domino devotis mentibus hostias laudis offerimus pro commemoratione omnium sanctorum tuorum et suppliciter pro famulo tuo illo precamur, ut ei, domine, indulgentiam tribuas omnium peccatorum suorum et, ne iterum ad voluntatem peccandi redeat, propitius eum custodias.
1299	Deus pater omnipotens ... longanimitate perfecti.
	Deus pater omnipotens, qui super baptizatum unigenitum tuum in aquis Iordanis spiritum sanctum in columbae specie ostendisti atque per ipsius sancti spiritus donum cor martyris ac virginis tuae Columbae tanto ardore tuae dulcedinis inflammasti, ut usque ad consummationem meruerit pervenire martyrii, effice nos, quaesumus, columbarum simplicitate puros, malitia parvulos et prudentia serpentium circumspectos, quo, sicut haec virgo et, simplicitate abundans, professa est se credere Christum et prospectu scientiae inter adversantes non negavit professum, sic nos, eius prece introrsus vivificati, et vitam ducamus simplicem et ita simus spiritali vigilantia praemuniti, quo et circumspectione prudentiae habeamur idonei et vitae sanctae longanimitate perfecti.
1300	Deus pater omnipotens ... mortis secundae.
	Deus pater omnipotens, qui tanta caritate mundum dilexisti, ut pro eo unigenitum tuum volueris crucifigi, pretioso nos filii tui sanguine redemptos ita opulentos caritatis fructibus effice, ut per hoc et in resurrectione prima habeamus partem et potestatem non timeamus mortis secundae.
1301	Deus pater omnipotens ... perpetuae sanctitatis.
	Deus pater omnipotens, qui unigenitum tuum, non habentem peccatum, pro nobis peccatum fecisti, cum pro delicto totius mundi eum tibi offerri in verum sacrificium voluisti, tu hoc sacrificium propitiatus benedicendum assume et caelestis sanctificationis adspargito largitate, quo, ex hoc sumentes, redemptionis nostrae in his diebus celebrantes mysterium, et operibus sepeliamur mortiferis et actibus resurgamus perpetuae sanctitatis.
1302	Deus pater omnipotens ... labiis osculari.
	Deus, pater omnipotens, tuae pietatis ac si indigni, misericordiam deprecamur, ut universos pacificos esse facias, quos in sancta ecclesia, ut te deprecentur, invitas; concordiae in se alimenta nutriant et iurgiorum incrementa succidam vel, qui se affectant osculis, puro semper corde complectant atque etiam illi studeant esse pacifici, qui se non videntur labiis osculari.
1303	Deus pater omnipotens ... coniunctio animorum.
	Deus pater omnipotens, verus pastor fidelium animarum, concede famulis tuis, in hoc praesenti monasterio sancti Bonifatii martyris tui sub regula beati Benedicti constitutis, in tuo amore caritatem et pacem, ut, quibus, in unum congregatis, iudicata aut indicata est communio facultatum, sit etiam, te miserante, sancta coniunctio animorum.
1304	Deus pater orphanorum ... defendit potestas.
	Deus, pater orphanorum iudexque viduarum, lacrimas ecclesiae tuae miseratus intende illamque tua misericorditer eripiat maiestas, quam nulla terrena defendit potestas.
1305	Deus pax et ... oratio nostra.
	Deus, pax et caritas, te deprecamur, sancte pater, omnipotens aeterne Deus, libera nos ab omni temptatione, adiuva nos in omni certamine, consolare in omni tribulatione, da nobis patientiam in adversis, da nobis, ut te puro corde adoremus, tibi munda conscientia psallamus, tibi tota virtute serviamus. Te benedicimus, Trinitas sancta, tibi gratias agimus; te per singulos dies laudamus, te deprecamur, abba pater; suavis sit tibi laudatio nostra sitque acceptabilis oratio nostra.
1306	Deus penetrator mentium ... non bibamus.
	Deus, penetrator mentium, renum perscrutator, cogitationum cognitor, animarum conservator, praesta, ut rectum in nobis spiritum tuum corpus efficiat, apta caritati tuae viscera nostra tuus sanguis inveniat, et, qui ad caelos hodie adscendisti post passionis vulnera et resurrectionis gloriam, praesta nobis, ut pietatis tuae calicem hauriamus et irae calicem non bibamus.
1307	Deus per cuius ... cordibus teneamus.
	Deus, per cuius os prolatum est, quod pacem omnibus dares et pacis statuta relinqueres, infunde in cordibus nostris pacis studium et piae voluntatis affectum, ut, vitiorum omnium labe purgati, pacem, quam labiis oris prosequimur, immaculatis cordibus teneamus.
1308	Deus per cuius ... opere teneamus.
	Deus, per cuius providentiam nec praeteritorum momenta deficiunt nec ulla superest exspectatio futurorum, tribue permanentem peractae, quam recolimus, sollemnitatis effectum, ut, quod recordatione percurrimus, semper in opere teneamus.
1309	Deus per quem ... rubiginem peccatorum.
	Deus, per quem fides ignem non sentit et infidelitas sine igne exuritur, qui beatis martyribus tuis Christophoro et Cucufato, flamma sancti spiritus succensis, superare tribuisti suorum incendia tormentorum, concede propitius per eorum intercessionem, ut nos famulos non exurat flamma vitiorum sed dilectionis tuae amor nostrorum excoquat rubiginem peccatorum.
1310a	Deus per quem ... vera libertas.
	Deus, per quem nobis et redemptio venit et praestatur adoptio, respice in opera misericordiae tuae, ut in Christo renatis et aeterna tribuatur hereditas et vera libertas.
1310b	Deus per quem ... mysteriis susceperunt.
	Deus, per quem nobis redemptio praestatur et adoptio, erige ad te tuorum corda credentium, ut omnes, regenerati sacro baptismate, apprehendant mente, quod mysteriis susceperunt.
1310c	Omnipotens sempiterne deus ... vera libertas.
	Omnipotens sempiterne deus, per quem nobis redemptio praestatur et adoptio, respice in opera pietatis tuae et, quae dignatus es conferre, conserva, ut in Christo renatis aeterna tribuatur hereditas et vera libertas.
1311	Deus perennis gloriae ... meruit introire.
	Deus, perennis gloriae rex et dator piissime, dignare praesentis diei gaudia tuo munere illustrare, in quo beatissimus pontifex Dunstanus aeternae lucis gaudia meruit introire.
1312	Deus perennis pax ... suavitate dulcescat.
	Deus, perennis pax, cuius electum munus pacis est praemium quique pacificos esse tuos filios docuisti, infunde nobis dulcedinem pacis, ut omne, quod discordiae est, funditus evanescat et omne, quod pacis est, aeterna in nobis suavitate dulcescat.
1313	Deus perennis salus ... esse mereantur.
	Deus, perennis salus, beatitudo inaestimabilis, da, quaesumus, omnibus tuis, ut, qui sancta ac beata sumpserunt, et sancti iugiter et beati esse mereantur.
1314	Deus piissime et ... precamur tribue.
	Deus piissime et misericordissime, qui, quos diligis, corripis et, quos recipis, ad emendationem flagellas, inclina, domine, aurem tuam et exaudi preces nostras et famulo tuo illi per mysterii tui perceptionem et longioris vitae tempora et tam animae quam corporis sanitatem, precamur, tribue.
1315	Deus pro cuius ... consequantur effectum.
	Deus, pro cuius ecclesia gloriosus pontifex Thomas gladiis impiorum occubuit, praesta, quaesumus, ut omnes, qui eius implorant auxilium, petitionis suae salutarem consequantur effectum.
1316	Deus pro cuius ... in futuro.
	Deus, pro cuius sacro nomine beatus Germanus antistes tuus desideravit persecutionem pati propter iustitiam, ut, etsi martyrium non perferret, fide tamen pertenderet nec timeret odiis hominum et maledictionibus subiacere, dummodo copiosam mercedem consequeretur in caelo et ad illas beatitudines evangelicas perveniret, te per huius interventum precamur, ut pacem, quam, te iubente, dilexit in saeculo, perpetualiter ecclesiae possidendam tribuas in futuro.
1317	Deus pro cuius ... patriae
	Deus, pro cuius sanctissimi nominis honore beata Apollonia virgo et martyr amaram et horribilem excussionem dentium sustinuit, praesta, quaesumus, ut omnes, qui eius sollemnitatem frequentant, a taetro dolore dentium immunos custodias et post praesentis saeculi aerumnas ad aeterna<e> patriae vitam perducas.
1318	Deus provisor omnium ... patrocinia sentiamus.
	Deus, provisor omnium bonorum, rector et custos sanctorum, qui beatum Lambertum, contemplativa dulcedine suffultum, ad martyrii palmam producere dignatus es, concede propitius, ut, cuius hodie festa percolimus, ipsius apud te patrocinia sentiamus.
1319	Deus quem diligere ... quo tendimus.
	Deus, quem diligere et amare iustitia est, ineffabilis gratiae tuae in nobis dona multiplica, ut, qui fecisti nos morte filii tui sperare, quod credimus, facias nos, eodem resurgente, pervenire, quo tendimus.
1320a	Deus quem docente ... debitam servitutem.
	Deus, quem, docente spiritu sancto, paterno nomine invocare praesumimus, crea in nobis fidelium corda filiorum, ut ad promissam hereditatem aggredi valeamus per debitam servitutem.
1320b	Deus a quo ... noster ...”
	Deus, a quo docente nos spiritu paterno tuo sancto, te nomine invocare praesumimus, crea in nobis fidelium corda filiorum, ut promissam hereditatem mereamur ingredi, per debitam servitutem clamantes e terris: “pater noster ...”
1321	Deus quem esurimus ... felicitate sustollat.
	Deus, quem esurimus et sitimus, tua, quaesumus, satiemur dulcedine, ut hoc sacrificium, quod tibi cum ieiunii contritione offerimus, in praesenti vita nos a delictis mundos efficiat et aeterna post cum sanctis omnibus felicitate sustollat.
1322	Deus quem iniustitia ... et veniam.
	Deus, quem iniustitia nostra incessanter offendit, da nobis rectae conversationis effectum, per quem consequamur et veniam.
1323	Deus quem nulla ... nexibus liberemur.
	Deus, quem nulla potest conscientia inculpabilis invenire, concede nobis tuae pietatis auxilium, ut, ope tuae miserationis adiuti, a peccatorum nostrorum nexibus liberemur.
1324	Deus quem omni ... habeat iugitatem.
	Deus, quem omni tempore colere et laudare sine intermissione debemus, dona, ut, quatenus perpetem serviendi curam per neglegentiam non implemus, saltem dominicorum dierum festivitatem diligentius excolamus. Cedat cura saeculi; pereat causa peccati; convalescat potentia fidei; vigeat gratia sacramenti. Sibi horno praestet, quod tibi soli debet, ut, dum dominicorum dierum iucunditate perfruitur, intolerabilium occupationum onere non prematur. Anima, dominantibus sibi vitiis, voluptatis suae lassa servitio, in tristitia refectionem inveniat et, quae libertatis suae arbitrio patitur, quod laborat, pietatis tuae beneficio pareat, ut quiescat. Negotium bonis, otium malis ponat. Sint excubiae precum feriae peccatorum. Salubriore se animus commutatione distendat, ut in eo se reficiat, si ad meliora convertat, et bonorum actuum saltem habeat vicem, si non habeat iugitatem.
1325	Deus quem omnia ... meritoque reddamus.
	Deus, quem omnia opera benedicunt, quem caeli glorificant, angelorum multitudo collaudat, quaesumus te, ut, sicut tres pueros de camino ignis incendii, non solum illaesos sed etiam in tuis laudibus conclamantes, liberasti, ita nos, peccatorum nexibus obvolutos, velut de voragine ignis eripias, ut, dum te, deum patrem, benedictione laudamus, criminum flammas operumque carnalium incendia superantes, hymnum, tibi debitum, iure meritoque reddamus.
1326	Deus qui absque ... conferas veritatem.
	Deus, qui absque ulla temporis mutabilitate cuncta disponis et ad melioranda perducis, quae eligis esse mutanda, respice super hanc basilicam, in honorem beati illius nomini tuo dedicatam, ut, vetustate iudaici erroris expulsa, huic loco sancti spiritus novitatem et ecclesiae conferas veritatem.
1327	Deus qui ad ... auctore promissa.
	Deus, qui ad aeternam vitam in Christi resurrectione nos reparas, da populo tuo fidei speique constantiam, ut non dubitemus implenda, quae te novimus auctore promissa.
1328	Deus qui ad ... iudicaturus adveniat.
	Deus, qui ad aeternam vitam in Christi resurrectione nos reparas, erige nos ad consedentem in dextera tua nostrae salutis auctorem, ut, qui propter nos iudicandus advenit, pro nobis iudicaturus adveniat.
1329	Deus qui ad ... immortalitate vestiri.
	Deus, qui ad aeternam vitam in Christi resurrectione nos reparas, imple pietatis tuae ineffabile sacramentum, ut, cum in maiestate sua salvator noster advenerit, quos fecisti baptismo regenerari, facias beata immortalitate vestiri.
1330	Deus qui ad ... esse devotos.
	Deus, qui ad animarum medelam ieiunii devotione castigari corpora praecepisti, concede nobis propitius et mente et corpore semper tibi esse devotos.
1331	Deus qui ad ... famulando calcare.
	Deus, qui ad beati Benedicti confessoris tui imperium oboedientem discipulum super undas ambulare fecisti, fac nos, quaesumus, mundanos fluctus tibi semper devote famulando calcare.
1332	Deus qui ad ... plenitudinem gaudiorum.
	Deus, qui ad caeleste regnum non nisi renatis per aquam et spiritum sanctum pandis introitum, multiplica super animam famuli tui illius misericordiam tuam et, cui donasti celerem et incontaminatum transitum post baptismi sacramentum, da ei et aeternorum plenitudinem gaudiorum.
1333	Deus qui ad ... fraudentur promissis.
	Deus, qui ad caeleste regnum non nisi renatis ex aqua et spiritu sancto pandis introitum, auge semper super famulos tuos gratiae tuae dona, ut, qui ab omnibus sunt purgati peccatis, a nullis fraudentur promissis.
1334	Deus qui ad ... caelestibus inveniri.
	Deus, qui ad celebrandum nobis honorabile praesentis diei festum in beati martyris et levitae Stephani inventione tribuisti, te suppliciter exoramus, ut, ipso intercedente, mereamur in caelestibus inveniri.
1335	Deus qui ad ... consortium pervenire.
	Deus, qui ad celebrandum sanctorum tuorum merita facis ecclesiam tuam variis coruscare miraculis, concede nobis famulis tuis, ut beati Ricardi confessoris tui atque pontificis intercessione, ad eorum valeamus consortium pervenire.
1336	Deus qui ad ... ornamenta constituas.
	Deus, qui ad cultum tuum pro salute credentium loci istius amplitudinem consecrasti, ubi cottidiana invocatione nominis tui caelestis consolatio non deesset, quaesumus pietatem tuam, ut memoria, quae sacris infertur altaribus, devotis mentibus ad remedium praeparetur animarum et supplicem familiam tuam quae tibi in templo gloriae tuae sacrificium laudis gratulantibus immolat votis, in illa sancta Ierusalem inter electa caelestis regiae ornamenta constituas.
1337	Deus qui ad ... vivere mereamur.
	Deus, qui ad declaranda tuae miracula maiestatis post resurrectionem a mortuis hodie in caelos, apostolis adstantibus, adscendisti, concede nobis tuae pietatis auxilium, ut secundum tuam promissionem et tu nobiscum semper in terris et nos tecum in caelo vivere mereamur.
1338	Deus qui ad ... eius obtentum.
	Deus, qui ad decorandam ecclesiam tuam beatissimum Laudum pontificem sanctitatis qualitate laudabilem esse fecisti, da nobis divini adipisci laetitiam, ut, cuius gloriosum sollemniter celebramus transitum, aeternae vitae praemia per eius obtentum.
1339	Deus qui ad ... s regnum aeternum tuus comparavit
	Deus, qui ad decorem ecclesiae tuae sanctum Swithunum praesulem miraculis fecisti glorianter rutilare, ipsius pro meritis nobis peccatorum detur remissio et totius bonae voluntatis infusio nosque post hanc vitam suscipiat paradisus, ubi no<bi>s regnum aeternum tuus comparavit sanguis pretiosus.
1340a	Deus qui ad ... possis audire.
	Deus, qui ad deprecandum te conscientiae nostrae perspicis non sufficere facultatem, cunctos martyres tuos fac orare pro nobis, quos digne possis audire.
1340b	Deus qui ad ... actibus supplicare.
	Deus, qui ad deprecandum te nostrae conscientiae perspicis non sufficere facultatem, cunctos martyres et confessores tuos fac pro nobis exorare, qui tibi digne possint pro nostris actibus supplicare.
1341	Deus qui ad ... levare possimus.
	Deus, qui ad hoc nobis dignatus es donare ieiunium, ut abstinentia et castigatione carnali in fide inveniamur stabiles, in operibus efficaces, ieiunia nostra suscipiens, da nobis, ut sine disceptationis impuritate in dilectione sinceri manus nostras ad te puras levare possimus.
1342	Deus qui ad ... praemia largiaris.
	Deus, qui ad honorem nominis tui templi fabricam construere voluisti, praesta, quaesumus, ut, in hoc orationis domicilio congregatos, pietatem tuam precantes, cunctos exaudias, vota suscipias et praemia largiaris.
1343	Deus qui ad ... habere perpetuam.
	Deus, qui ad laudem beatissimae Mariae virginis matris tuae eius ecclesiam per demonstrationem nivis fundari voluisti, concede nobis famulis tuis, huiusmodi festum recolentibus, vitam habere perpetuam.
1344	Deus qui ad ... nostram proveniant.
	Deus, qui ad laudis tui hostias immolandas hodie beatum Ambrosium sacro baptismate purificasti, concede propitius, ut, eo pro nobis interveniente, et haec tibi grata sint munera et ad sanctificationem nostram proveniant.
1345	Deus qui ad ... correptione laetemur.
	Deus, qui ad mutandam aeris qualitatem operis caelum nubibus et paras terrae pluviam, aperi fontem benignitatis tuae et terram squalidam et ariditatem pulveream laeto imbre fecunda, ut recepisse nos veniam peccatorum, cessante iam correptione, laetemur.
1346	Deus qui ad ... valeamus exsistere.
	Deus, qui ad regendos tuae acquisitionis populos beatum Dunstanum pontificem eligere voluisti, da, quaesumus, ita nos sempiternam gloriam celebrare, ut per eum populus tibi acquisitus valeamus exsistere.
1347	Deus qui ad ... nomini gratias.
	Deus, qui ad vitam ducis et confidentes in te paterna proiectione custodis, quaesumus, ut praesenti famulo tuo, a nobis egredienti, angelicum tribuas comitatum, ut, eius auxilio protectus, nullius mali concutiatur formidine, nullo comprimatur adversitatis angore, nullius irruentis inimici molestetur insidiis sed, spatiis necessarii itineris prospero gressu peractis, propriisque locis feliciter restitutus, universos reperiat sospites ac debitas exsolvat tuo nomini gratias.
1348	Deus qui adhuc ... signaculo gloriemur.
	Deus, qui, adhuc in annis teneris constitutam, gloriosam virginem Barbaram sanctissimo passionis tuae mysterio consecrasti, tribue, quaesumus, ut, qui eius sollemnitate gaudemus, iucundissimo imaginis tuae signaculo gloriemur.
1349	Deus qui admirabili ... conservari concedas.
	Deus, qui admirabili providentia omnia disponis, te suppliciter exoramus, ut Terram, quam unigenitus tuus proprio sanguine consecravit, de manibus inimicorum crucis eripias et eam in christiana religione in dei nomine conservari concedas.
1350	Deus qui adoptionis ... susceperunt sacramentis.
	Deus, qui adoptionis tuae subolem peccatorum remissione genuisti, da, ut cuncti fideles tui veraciter apprehendant, quae praesentibus susceperunt sacramentis.
1351	Deus qui aeternae ... informamur exemplis.
	Deus, qui aeternae gloriae participem concessisti fieri beatissimum Maurum levitam atque abbatem, concede nobis propitius, ipso intercedente, aditum regni caelestis, cuius ad bene vivendum informamur exemplis.
1352	Deus qui angelicam ... perducere digneris.
	Deus, qui angelicam dignitatem ad tuae maiestatis ministerium mirabiliter ordinas?i, eorum, quaesumus, praesidio nos in mundanis regere periculis et ad portum aeternae quietis perducere digneris.
1353	Deus qui angelico ... liberare digneris.
	Deus, qui angelico ministerio beatum Petrum apostolum a vinculis carceris liberasti, eius intercedentibus meritis, ab omni nos, quaesumus, tribulatione liberare digneris.
1354	Deus qui animae ... precibus sublevemur.
	Deus, qui animae famuli tui Gregorii aeternae beatitudinis praemia contulisti, concede propitius, ut, qui peccatorum nostrorum pondere premimur, eius apud te precibus sublevemur.
1355	Deus qui anxietatem ... precibus obtinere.
	Deus, qui, anxietatem sterilium pie respiciens, in eis fecunditatem etiam in sua desperatione mirabiliter operaris, concede propitius, ut famula tua illa de percipienda subole, quod per se non valet, servi tui Gregorii mereatur precibus obtinere.
1356	Deus qui apostoli ... laudibus frequentamus.
	Deus, qui apostoli tui Bartholomaei corpus, arca eius contra fluctus gestante, ex India in Liparim pro salute Italorum transire voluisti, concede, quaesumus, ut illius patrocinio tueamur, cuius reliquias laudibus frequentamus.
1357	Deus qui apostoli ... in caelis.
	Deus, qui apostoli tui beatissimi Petri sedis cathedram consecrasti, super hanc eiusque petram ecclesiam tuam ita aedificare dignatus es, ut adversus eam portae inferi minime praevalerent, maiestatem tuam supplices deprecamur, ut meritis et precibus, cui claves regni caelorum dedisti, memor fidelissimae promissionis, quaecumque a nobis commissa vincula peccatorum ligata sunt, ipse praecipias, ut sint soluta in caelis.
1358	Deus qui apostolis ... intercessores exsistant.
	Deus, qui apostolis tuis, quorum hodie sollemnitate gaudemus, in sorte sanctificationis electis, clariora nomina tu dedisti, cum et ille Petrus diceretur, hic Paulus, ille indito sibi vocabulo usus est, hic mutato, eorum nobis oratione ac favore concede, ut, a naturae utero segregati, vim carnis et sanguinis superantes facta habeamus fidelium, qui nomina tuorum accepimus filiorum, ut in nobis et spiritalis addatur ambitus et carnalis mutetur affectus, quibus mereamur sacerdotalium possidere instrumenta virtutum, qui permittimur officia electorum agere sacerdotum. Has quoque catholicorum oblationes velut de captura et manu Petri pulmentarium tibi, Christe, gratifica et quasi ex ore Pauli, cui loqui dignatus es, benedictione ditifica. Omnibus eorum interventu salutaris laetitiae causa praestetur cunctosque necessaria ad deum conversione vertendos ille pascat semper, hic doceat, cum aequalis gratiae vicario munere et ille sic docere possit et iste sic pascere. Pro spiritibus etiam defunctorum, quorum nomina ore prolata sunt recitantium, utrique pro culpis apud te intercessores exsistant.
1359	Deus qui apostolis ... et pacem.
	Deus, qui apostolis tuis sanctum dedisti spiritum, concede plebi tuae petitionis effectum, ut, quibus dedisti fidem, largiaris et pacem.
1360	Deus qui apostolos ... nostrorum remissionem.
	Deus, qui apostolos tuos Petrum et Paulum atque Andream glorioso coronasti martyrio, da nobis eorum obtentu, ut, ad eorum memoriam concurrentes, obtinere mereamur omnium peccatorum nostrorum remissionem.
1361	Deus qui apostolum ... fiant accepta.
	Deus, qui apostolum tuum Paulum, insolentem contra christiani nominis pietatem, caelesti voce cum terrore perculsum, hodierna die vocationis eius tum mente cum nomine commutasti, quem prius persecutorem metuebat ecclesia et nunc caelestium mandatorum laetatur se habere doctorem quemque ideo foris caecasti, ut introrsum videntem faceres, cuique post tenebras incredulitatis ablatas ad evocandas gentes divinae legis scientiam contulisti sed et, tertio naufragantem, pro fide, quam expugnaverat, iam devotum, in elemento liquido fecisti vitare discrimen, sic et nobis, quaesumus, eius et mutationem et fidem colentibus, post caecitatem peccatorum fac te videre in caelis, qui illuminasti Paulum in terris, et munera praesentia libens accipe, quae apostoli tui precibus tibi fiant accepta.
1362	Deus qui a<d>scendisti ... scendisti in altum captivam ducens captivitatem da dona hominibus pacis aeternae ut qui te humanis obtutibus ad caelos adscendens corporaliter subtraxisti in nostris cordibus digneris
	Deus, qui a<d>scendisti in altum, captivam ducens captivitatem, da dona hominibus pacis aeternae, ut, qui te humanis obtutibus, ad caelos adscendens, corporaliter subtraxisti, in nostris cordibus digneris propitiatus infundi.
1363	Deus qui assumptum ... gratiae sacramentum.
	Deus, qui assumptum hominem evecturus ad caelos, inter praecipua mandatorum tuorum mysteria concordissimam pacem tuis sanctis reliquisti apostolis, suscipe illata sacro altario munera in hostiam pacificam, largiente tua gratia reputanda, nobisque tuis famulis tuis tribue sectari per exterioris hominis osculum interioris hominis indisruptum pacis et gratiae sacramentum.
1364	Deus qui auctor ... omnia copulari.
	Deus, qui auctor es pacis et purae dilectionis amator, fac nos ita ab invicem diligi, ut tibi mereamur per omnia copulari.
1365	Deus qui auctor ... consecratus martyrio.
	Deus, qui auctor felicitatis aeternae es, Felicis sancti tui obtentu serenus accepta offerentis populi votum et cunctis tribue remedium postulatum sicque per illum pius opitulator assiste precibus nostris, ut defunctorum spiritus beatorum consortiis consoleris, quo, illo interveniente, feliciter vivamus in saeculo, qui nomine Felix et merito felici est pro te consecratus martyrio.
1366a	Deus qui beatae ... pervenire valeamus.
	Deus, qui beatae Annae tantam gratiam conferre dignatus es, ut beatam Mariam matrem tuam in utero suo portare meruerit, da nobis per intercessionem matris et filiae tuae propitiationis abundantiam, ut, quarum commemorationem pio amore amplectimur, earum precibus ad caelestem Ierusalem pervenire valeamus.
1366b	Deus qui beatae ... suffragia sentiamus.
	Deus, qui beatae Annae tantam gratiam donare dignatus es, ut Mariam matrem tuam in utero suo portare mereretur, da nobis per eius intercessionem tuae propitiationis abundantiam, ut, cuius sollemnia celebramus, eius apud te suffragia sentiamus.
1367	Deus qui beatae ... in caelo.
	Deus, qui beatae Edburgae virginis tuae animam aeterna gaudia hodie introire fecisti, concede propitius, ut, cuius in terris indigemus suffragiis, eius auxilium inveniamus in caelo.
1368	Deus qui beatae ... transferat angelorum.
	Deus, qui beatae Genovefae virginis excellentiam multiplici virtutum gloria declarasti, concede nobis, quaesumus, ut, quae per gratiam tuam hodierna die in membris humanis ignis horrendi consumpsit incendium, nos quoque, a gehennae incendiis liberatos, ad gaudia transferat angelorum.
1369	Deus qui beatae ... caelestem gloriam consequamur.
	Deus, qui beatae Luciae pro gemina virginitatis et martyrii victoria binam laureolam tua gratia contulisti, da, quaesumus, ut, de carne, mundo et diabolo triumphantes, caelestem gloriam consequamur.
1370	Deus qui beatae ... precibus adiuvemur.
	Deus, qui beatae Mariae Magdalenae paenitentiam ita tibi placitam gratamque fecisti, ut non solum ei peccata dimitteres verum etiam singulari tui amoris gratia cordis eius intima perlustrares, da nobis tuae propitiationis abundantiam, ut cuius sollemnitate laetemur, eius apud tuam misericordiam precibus adiuvemur.
1371	Deus qui beatae ... mortuis resurgentem.
	Deus, qui beatae Mariae Magdalenae mentem tanto tuae dilectionis ardore inflammasti, ut Iesu Christo filio tuo non solum viventi verum etiam mortuo obsequia humanitatis impendere sincero festinaret affectu, concede propitius, ut apud misericordiam tuam pro nostris reatibus intercedat, quae eundem filium tuum dominum nostrum prima omnium meruit videre a mortuis resurgentem.
1372	Deus qui beatae ... pervenire mereamur.
	Deus, qui beatae Mariae Magdalenae mentem tanto unigeniti filii tui amoris igne succendisti, ut, etiam discipulis a monumento discedentibus, ipsa indefessa perseveraret, quousque, quem ardens quaerebat, invenire mereretur, eius pia interventione infunde cordibus nostris tui amoris affectum, ut te in omnibus et super omnia diligentes, ad promissa tuae visionis gaudia pervenire mereamur.
1373	Deus qui beatae ... frequentatione veneratur.
	Deus, qui beatae Mariae virginis conceptionem angelico vaticinio parentibus praedixisti, praesta huic praesenti familiae tuae eiusdem praesidiis muniri, cuius conceptionis sacra sollemnia congrua frequentatione veneratur.
1374	Deus qui beatae ... praecidamur aculeis.
	Deus, qui beatae martyris membra, tuae caritatis amplexibus indivisae coniuncta, nec serra praecidi nec bestiarum dentibus passus es laniari, concede, ea te pro nobis interpellante, ut sic indivisae bono utamur pacis, ne quibuslibet inimicitiae ab invicem praecidamur aculeis.
1375	Deus qui beatae ... caelis gloriam consequamur.
	Deus, qui beatae Perpetuae uterum glorioso martyre Nazario tua gratia fecundasti, da, quaesumus, ut, eius meritis adiuti, sincera fide et sanctis operibus fecundamur et perpetuam in caelis gloriam consequamur.
1376	Deus qui beatae ... adversitate defendi.
	Deus, qui beatae Petronillae virginis tuae animam in caelestibus collocasti, fac nos eius interventu a peccatorum nostrorum nexibus solvi et ab omni semper adversitate defendi.
1377	Deus qui beatae ... gaudia pervenire.
	Deus, qui beatae virginis tuae Scholasticae animam ad ostendendam innocentiae viam in columbae specie caelum penetrare fecisti, concede nobis ipsius meritis ita innocenter vivere, ut ad eadem mereamur gaudia pervenire.
1378	Deus qui beatae ... vincere valeamus.
	Deus, qui beatae virgini et martyri tuae Euphemiae, pro tuo nomine dimicanti, fidem et constantiam praebuisti, concede nobis supplicantibus, ut, sicut illa horrenda vicit augmenta poenarum, ita et nos saevissimi hostis vitia, te auxiliante, vincere valeamus.
1379	Deus qui beatam ... recedat exemplis.
	Deus, qui beatam ancillam tuam Radegundem, in fragili sexu constitutam, sanctificasti vocatione misericordiae et assumpsisti hodierno quondam die felici consummatione, per ipsius merita suscipe propitius preces nostras et praesta, ut, sicut tecum est illa meritis, ita a nobis non recedat exemplis.
1380	Deus qui beatam ... semper gaudere.
	Deus, qui beatam illam, virtute fidei et decore pudicitiae pollentem, caelestia virginem et martyrem fecisti intrare, eius intercessionis opere tribue nos semper gaudere.
1381	Deus qui beatam ... es carnem.
	Deus, qui beatam Annam dilectissimae genitricis tuae matrem egregiam hodierna die ad caelestis vitae sublevasti gaudia, fac nos, quaesumus, gloriosis eius meritis ad aeternam pertingere beatitudinem, ex cuius puerperio salutari pro salute mundi humanam assumere dignatus es carnem.
1382	Deus qui beatam ... gaudia consequamur.
	Deus, qui beatam Annam matrem genitricis tuae fieri voluisti, praesta, quaesumus, ut apud te meritis utriusque matris et filiae caelestia gaudia consequamur.
1383	Deus qui beatam ... extremo examine.
	Deus, qui beatam Annam olim sterilem miraculose fecundasti, praesta, quaesumus, ut meritis tam sanctae feminae et cunctorum de ipsius cognatione sanctorum dirigamur hic prospere ac tandem cum beatis omnibus salvemur in extremo examine.
1384a	Deus qui beatam ... pervenire mereamur.
	Deus, qui beatam Margaretam virginem hodierna die ad caelos per martyrii palmam venire fecisti, concede propitius ut, eius exempla sequentes, ad te pervenire mereamur.
1384b	Deus qui beatam ... valeamus superare.
	Deus, qui beatam virginem Margaretam ad caelos per martyrii palmam pervenire fecisti, concede propitius, ut, sicut illa, te adiuvante, tyrannicam meruit saevitiam triumphare, ita nos, ipsa intercedente, visibilium et invisibilium hostium insidias valeamus superare.
1385	Deus qui beatam ... praesidio fulciamur.
	Deus, qui, beatam Margaritam ornasti virginitate et coronasti martyrio, praesta, quaesumus, ut, qui commemorationis eius festa percolimus, eius apud te praesidio fulciamur.
1386	Deus qui beatam ... convenienter adipisci.
	Deus, qui beatam virginem et martyrem tuam Wenefredam post capitis abscisionem tua, potentia redivivam fieri praecepisti, fac nos, quaesumus, ea interveniente, vitae praesentis pariter et futurae subsidia convenienter adipisci.
1387	Deus qui beatam ... lavacri salutaris.
	Deus, qui beatam virginem et matrem Mariam in conceptu et in partu consecrasti et Ionam prophetam de ventre ceti potenti virtute liberasti, tuam famulam gravidam protege et visita eam in salutari tuo, ut proles, in illa contenta, feliciter in lucem prodeat et perveniat ad gratiam lavacri salutaris.
1388	Deus qui beatam ... pectoris offeramus.
	Deus, qui beatam virginem Mariani tibi iri templo praesentari et spiritu sancto erudiri sanxisti, da nobis sic sancti spiritus instrui disciplinis, ut dignum tibi munus devoti pectoris offeramus.
1389	Deus qui beatas ... gaudere valeamus.
	Deus, qui beatas Mariam Iacobi et Mariam Salome gloriosissimas tuae matris Mariae sorores ad resurrectionis tuae denuntiationem elegisti et hodierna die tecum in caelis gloriose collocasti, tribue, quaesumus, ut, a peccatorum morte resuscitati et earum intercessione suffulti, in aeterna gloria cum ipsis perenniter gaudere valeamus.
1390	Deus qui beatas ... tantae dignitatis.
	Deus, qui beatas Mariam Iacobi et Mariam Salome merite et carne ita sublimasti, ut ex eodem, quo unigeniti tui genitrix, prodirent utero ac plurium virtutum refulgerent exemplo, fac nos earum, quaesumus, ubique gaudere suffragiis, quas praerogativa honorasti tantae dignitatis.
1391	Deus qui beati ... gaudia reformari.
	Deus, qui beati confessoris tui Benedicti meritis prolapsum ab imo lacus gurgite ferrum remeare fecisti, praesta, quaesumus, ipsius nos interventu de lacu miseriae eripi et ad supernae hereditatis gaudia reformari.
1392	Deus qui beati ... sanare dignare.
	Deus, qui beati Edwardi martyris tui meritis mederis languentium turmis, eius precatu, quaesumus, nostras conscientias a noxia valetudine sanare dignare.
1393	Deus qui beati ... satiare digneris.
	Deus, qui beati Hieronymi mentem gratiae tuae munere inspirasti et per eum divinarum scripturarum sacramentis tuorum fidelium mentes instruxisti, eius, quaesumus, interventu nos aeternae dulcedinis tuae fonte satiare digneris.
1394	Deus qui beati ... suffragiis accedamus.
	Deus, qui beati Ioannis evangelistae praeconiis principii sempiterni secreta reserasti, da, quaesumus, ut ad intellegentiam Verbi eius, per quem nobis resplendet, suffragiis accedamus.
1395a	Deus qui beati ... et meritis.
	Deus, qui beati Petri apostoli dignitatem ubique facis esse gloriosam, praesta, quaesumus, ut et doctrina semper ipsius foveamur et meritis.
1395b	Deus qui beatorum ... et meritis.
	Deus, qui beatorum apostolorum tuorum Petri et Pauli dignitatem ubique gloriosam tua gratia perfecisti, tribue nobis, quaesumus, ut et doctrinis eorum semper muniamur et meritis.
1396	Deus qui beati ... in caelis.
	Deus, qui beati praesulis tui Dunstani spiritum luce hodierna regni caelestis provehis ad gaudia, concede, quaesumus, nobis supplicibus, ut, quem doctorem tui nominis habuimus in terris, semper habere mereamur intercessorem in caelis.
1397	Deus qui beatissimae ... gaudia mereamur.
	Deus, qui beatissimae virginis tuae Eulaliae animam in specie columbae niveae caelum, cunctis cernentibus, penetrare fecisti, concede nobis famulis tuis, ut, qui eius festivitatem veneramur, meritis ipsius intercedentibus, ad superna pervenire gaudia mereamur.
1398	Deus qui beatissimam ... devotione congaudent.
	Deus, qui beatissimam virginem Barbaram, roseo martyrii cruore perfusam, hodie in thalamo regni tui collocasti, concede propitius, ut per eam suorum apud te delictorum veniam obtineant, qui eius sempiternae claritati humillima devotione congaudent.
1399	Deus qui beatissimam ... periculis eruamur.
	Deus, qui beatissimam virginem Mariam post animae infusionem per copiosum gratiae munus mirabiliter ab omni peccati macula mundasti et in sanctitatis puritate postea confirmasti, praesta, quaesumus, ut, qui in honorem suae sanctificationis congregamur, eius intercessionibus a te de instantibus periculis eruamur.
1400	Deus qui beatissimi ... meruit recreari.
	Deus, qui beatissimi levitae tui Laurentii fidem nec igne subrui nec avaritia fecisti corrumpi, cum et inter flammas invictus et inter nummos exsisteret a cupiditate intactus, perspicuam tuae maiestatis potentiam imploramus, ut fidem, qua tibi credimus, in nobis adaugeas, caritatis opes impendas, cupiditates interimas, simultatum faces exstinguas, quo nec avaritia devicti nec odiis ad te veniamus illaesi, illo caritatis tuae rore novandi, quo idem martyr tuus, decoctus igne, meruit recreari.
1401	Deus qui beatissimi ... s eo apud te suffragante petulantiae divinis flatibus incentiva exstingue ut super nos ita stillent guttae tui amoris quo mereamur fructum capere
	Deus, qui beatissimi martyris tui Romani precibus ita adfuisti, ut paratum ad supplicium suum ignem sic caelestium exstingueres pluviarum ex gurgite, ne locus flammae ullo modo videretur accensae, tu in no<bi>s, eo apud te suffragante, petulantiae divinis flatibus incentiva exstingue, ut super nos ita stillent guttae tui amoris, quo mereamur fructum capere aeternae felicitatis.
1402	Deus qui beatissimos ... individui caritate.
	Deus, qui beatissimos martyres Vincentium, Sabinam atque Christetam et germanitatis et passionis unione individuos fore constituisti, ut, qui uno erant germine proditi, unius quoque essent passionis gloria consummandi, tuis nostras auribus ingerimus voces, omni te cordis intentione rogantes, ut, etsi simus dividui corpore, te opitulante, habeamur individui caritate.
1403	Deus qui beatissimum ... finem victoriam.
	Deus, qui beatissimum Benedictum electum tuum, abstractum a mundi turbinibus, tibi soli militare iussisti, tribue, quaesumus, huic famulo tuo illi, sub eiusdem magisterio ad tuum servitium festinanti, perseverationis instantiam et persecutionis usque in finem victoriam.
1404	Deus qui beatissimum ... in terris.
	Deus, qui beatissimum Felicem martyrem tuum ita sancti spiritus calore flammasti, ut contemptu rerum praesentium te sequeretur et promissionis tuae donis caelestibus ditaretur, qui, in genitali solo tepescente persecutionis flamma, dum miles tuus, in quo pro tuo nomine certaretur, inquireret et inexardescentem declinare a civitate in civitatem sciret, zelo tui amoris armatus, non ad otium se elegit abscondere sed in acie, ubi certamen ageretur, immittere. His itaque patriae cedens, ponti freta transcurrens, te, qui ubique totus es, quaerens, Gerundam usque pervenit, in qua, ut bonus negotiator, pretiosam margaritam, quam, distractis omnibus, comparaverat, cunctis fideliter ponebat, per quam et fortes in fide construeret et dubios fidei fideliter reformaret, non formidando de praesentibus poenis sed properando congaudens praemiis de aeternis. Unde precamur te, omnipotens Deus, ut eius suffragio nos tuearis de caelis, cuius martyrium cultu tuo celebramus in terris.
1405	Deus qui beatissimum ... abundantia pacis.
	Deus, qui beatissimum Iacobum apostolum tuum, a pharisaeis ex alto praecipitatum, valentem efficis et robustum, cum fides tua, quae inter undas evexerat Petrum, hunc ex alto salvaret elapsum, tu ecclesiam tuam inter procellosas commotionum saecularium undas pius gubernator tuere et cottidianae gubernationis amminiculo ad portum salutis eam facito pervenire, quo, hic liberata a malorum pressuris, ad te perveniat in abundantia pacis.
1406	Deus qui beatissimum ... praemium sempiternum.
	Deus, qui beatissimum Iudocum confessorem tuum aeternitatis gloria sublimasti, concede nobis famulis tuis, eius festa celebrantibus, cunctorum veniam delictorum et aeternae beatitudinis praemium sempiternum.
1407	Deus qui beato ... erudiamur exemplis.
	Deus, qui beato Alexio confessori tuo tribuisti, ut et nova mundum arte deluderet et de hoste generis humani mirabiliter triumpharet, concede propitius, ut eius muniamur auxiliis, cuius salutiferis erudiamur exemplis.
1408	Deus qui beato ... relaxari peccata.
	Deus, qui beato archangelo tuo Michaeli tantam gratiam contulisti, ut serpentem antiquum hostem humani generis perpetua victoria de caelo in terram proficeret, exaudi propitius orationem nostram et concede, ut eius intercessionibus nostra iubeas relaxari peccata.
1409	Deus qui beato ... consequantur beneficia.
	Deus, qui beato confessori tuo Iudoco excellentis gloriae contulisti coronam, concede, ut omnes, qui meritorum eius venerantur insignia, tua ubique consequantur beneficia.
1410	Deus qui beato ... studia valeamus.
	Deus, qui beato Mauro sacerdoti et martyri tuo virtutem atque victoriam tribuisti, praesta, quaesumus, ut, dum eius merita veneramur, imitari studia valeamus.
1411	Deus qui beato ... nexibus liberemur.
	Deus, qui beato apostolo tuo Petro, collatis clavibus regni caelestis, animas ligandi atque solvendi pontificium tradidisti, concede, ut intercessionis eius auxilio a peccatorum nostrorum nexibus liberemur.
1412	Deus qui beato ... flamma vitiorum.
	Deus, qui beato Cucufati martyri tuo, flamma tui spiritus succenso, superare tribuisti suorum incendia tormentorum, concede propitius per eius intercessionem, ut nos famulos tuos non exurat flamma vitiorum.
1413	Deus qui beato ... illustrare digneris.
	Deus, qui beato Felici, detento in vinculis, in specie corusci visus es iuvenis, mentes nostras ut gratia tui luminis quaesumus illustrare digneris.
1414	Deus qui beato ... absolvas peccatis.
	Deus, qui beato Iusto talem fortitudinem tribuisti, ut in puerili corpusculo gloriosum pro tuo amore subiret martyrium, concede propitius, ut, ipsius intercedentibus meritis, ab omnibus nos absolvas peccatis.
1415	Deus qui beato ... docemur exemplo.
	Deus, qui beato levitae Stephano lapidantibus veniam poscere tribuisti, quaesumus, ut bona pro malis reddere tuo possimus auxilio, quod primi martyris docemur exemplo.
1416	Deus qui beato ... luce vestiri.
	Deus, qui beato Martino confessori tuo tantam gloriam etiam ante lavacrum contulisti, ut veste, quam pauperi tribuerat, tuum filium indutum cerneret et laudem sui operis ab ipso audiret, praesta, quaesumus, eius nos meritis a peccatis omnibus exui et beatae immortalitatis luce vestiri.
1417	Deus qui beato ... mereamur famulari.
	Deus, qui beato martyri tuo Felici, ut persequentium rabiem vinceret, tantam contulisti constantiam, eius ope quaesumus suffragari, quo tibi digne semper mereamur famulari.
1418	Deus qui beato ... adesse digneris.
	Deus, qui beato martyri tuo Georgio aeternam iri caelis coronam victoriae contulisti, et nobis, adstantibus ante conspectum maiestatis tuae, propitius adesse digneris.
1419	Deus qui beato ... caelestia sublimari.
	Deus, qui beato Victori martyri tuo ex hoste humani generis victoriam tribuisti, concede nobis et exemplo ipsius muniri et precibus ad praemia caelestia sublimari.
1420	Deus qui beatos ... intercessionibus sublevemur.
	Deus, qui beatos confessores tuos illos sanctorum tuorum meritis coaequasti, da nobis in eorum celebritate gaudere, ut, quorum commemorationem agimus, eorum imitatione proficiamus et intercessionibus sublevemur.
1421	Deus qui beatum ... optabilem laetitiam.
	Deus, qui beatum Aegidium confessorem tuum atque abbatem misericordem fecisti pro peccatis hominum, da nobis ipsius interventu peccatorum nostrorum veniam et aeternae beatitudinis optabilem laetitiam.
1422	Deus qui beatum ... regna pervenire.
	Deus, qui beatum Alexandrum martyrem tuum idolam Maximiani, calce percutientem mensam, eiicere praecepisti, ita per eius intercessionem nos facias omnes inimici insidias vincere et ad caelestia regna pervenire.
1423	Deus qui beatum ... felicitate laetari.
	Deus, qui beatum Alphegum pontificem tuum sacerdotii dignitate et palma martyrii decorasti, concede propitius ita nos apud te eius intercessionibus adiuvari, ut cum eo possimus in aeterna felicitate laetari.
1424	Deus qui beatum ... promereri consortium.
	Deus, qui beatum Ambrosium confessorem tuum atque pontificem et claritate fidei et meritorum adornasti virtute, concede mentibus nostris eius, quam docuit, fidei firmitatem et, ipso intercedente, aeternae gloriae promereri consortium.
1425	Deus qui beatum ... exstitit gloriosus.
	Deus, qui beatum archipraesulem Alfegum, die hodierna dira passione occubentem, perennem transtulisti ad gloriam, praesta, quaesumus, ut illius adiuvemur orationibus, qui tui nominis praedicator exstitit gloriosus.
1426	Deus qui beatum ... feliciter pervenire.
	Deus, qui beatum Armagillum confessorem tuum, onere carnis deposito, in caeli palatio hodierna die collocasti, tribue, quaesumus, ut, eo ductore, valeamus ad optatam caelestem patriam feliciter pervenire.
1427	Deus qui beatum ... mentibus deservire.
	Deus, qui beatum Arnulfum confessorem tuum atque pontificem doctorem praecipuum catholicaeque fidei praedicatorem eligere dignatus es, praesta, quaesumus, ut, ipso pro nobis intercedente, peccatorum nostrorum mereamur exui malis et tibi domino sinceris mentibus deservire.
1428	Deus qui beatum ... exercere valeamus.
	Deus, qui beatum Athanasium confessorem tuum atque pontificem ecclesiae tuae tribuisti doctorem, praesta, quaesumus, ut, quod ille, divino afflatu inspiratus, docuit, et sinceriter intellegere et efficaciter exercere valeamus.
1429	Deus qui beatum ... oratione fulciri.
	Deus, qui beatum Augustinum ecclesiae tuae in exponendis scripturae sacrae mysteriis doctorem optimum et electum antistitem providisti, da nobis, eius semper et doctrinis instrui et oratione fulciri.
1430a	Deus qui beatum ... gaudia praemiorum.
	Deus, qui beatum Augustinum pontificem primum doctorem populo concessisti Anglorum, ipsius interventu nobis tribue veniam peccatorum et cum ipso caelestium gaudia praemiorum.
1430b	Deus qui beatum ... sentiamus in caelis.
	Deus, qui beatum Augustinum pontificem primum doctorem populo concessisti Anglorum, tribue nobis, quaesumus, ut, cuius merita praedicamus in terris, eius suffragia apud te sentiamus in caelis.
1431	Deus qui beatum ... festivitate triumphum.
	Deus, qui beatum Barnabam in praedicatione tuis apostolis sociasti, tribue, quaesumus, ad eius nos pervenire consortium, cuius celebramus praesenti festivitate triumphum.
1432	Deus qui beatum ... te commendetur.
	Deus, qui beatum Benedictum confessorem tuum in terris vita laudabili decorasti et iri caelis aeterna gloria sublimasti, eius, quaesumus, suffragantibus meritis, vita nostra apud te commendetur.
1433	Deus qui beatum ... intercessione liberemur.
	Deus, qui beatum Blasium ita in petra fidei solidasti, ut nullo tormentorum genere posset superari, concede nobis propitius, ut a cunctis animae et corporis molestiis eius pia intercessione liberemur.
1434	Deus qui beatum ... felicitate cohaerere.
	Deus, qui beatum Britium gloriosissimo magistro suo Martino in pontificatum succedere fecisti, ipsius meritis fac nos omnipotentiae tuae placere sibique in lucis perpetuae felicitate cohaerere.
1435	Deus qui beatum ... mereamur in caelis.
	Deus, qui beatum Byrinum confessorem tuum atque pontificem praesenti familiae tuae praedicatorem salutis aeternae misisti, tribue, quaesumus, ut, qui eius corporali vicinitate fovere gaudemus in terris, ipsius meritis et precibus apud misericordiam tuam adiuvari mereamur in caelis.
1436	Deus qui beatum ... gaudia perveniamus.
	Deus, qui beatum confessorem tuum David atque pontificem, angelo nuntiante, patricio prophetante, triginta annis, antequam nasceretur, praedixisti, quaesumus, ut, cuius memoriam recolimus, eius intercessione ad aeterna gaudia perveniamus.
1437	Deus qui beatum ... cum sanctis.
	Deus, qui beatum confessorem tuum Furseum tui nominis sanctissimi praedicatorem effecisti devotum, concede propitius, ut eius interventione praeclara in caelestibus mereamur adscribi cum sanctis.
1438	Deus qui beatum ... transire perennia.
	Deus, qui beatum Dunstanum pontificem ad regna transtulisti caelestia, da nobis per gloriosa eius merita ad gaudia transire perennia.
1439	Deus qui beatum ... caelestia transferamur.
	Deus, qui beatum Edmundum confessorem tuum atque pontificem a suppliciis ad gaudia transtulisti, tribue, quaesumus, ut, qui translationem eius veneramur in terris, per eius patrocinium ad caelestia transferamur.
1440	Deus qui beatum ... devote celebramus.
	Deus, qui beatum Edwardum regem Anglorum, iniuste occisum, pie iustificas et miris signis mundanis declaras, concede propitius ut, eius apud te precibus sublevemur, cuius diem passionis devote celebramus.
1441	Deus qui beatum ... perfrui mereamur.
	Deus, qui beatum Erasmum martyrem tuum atque pontificem, a tormentis ereptum, angelico pane satiasti, tribue nobis, quaesumus, ut eius meritis et precibus ab hostibus animae et corporis triumphare valeamus et aeterna dulcedine perfrui mereamur.
1442	Deus qui beatum ... habere intercessorem.
	Deus, qui beatum Ethelwoldum pontificem sanctorum tuorum meritis aequalem gloriosis ostendis miraculis, praesta, quaesumus, ut, quem nobis in terris donasti doctorem, in caelo facias habere intercessorem.
1443	Deus qui beatum ... sempiternum gaudium.
	Deus, qui beatum Eustachium in temptationibus probasti et, probatum, coronasti, ipsius sociorumque eius meritis in omnibus temptationibus tuum nobis praesta auxilium et sempiternum gaudium.
1444	Deus qui beatum ... imitemur exempla.
	Deus, qui beatum Gregorium pontificem sanctorum tuorum meritis coaequasti, concede propitius, ut, qui commemorationis eius festa percolimus, vitae quoque imitemur exempla.
1445	Deus qui beatum ... gratiae consequamur.
	Deus, qui beatum Grimbaldum sanctitatis gratia decorasti, ipsius meritis fac nos bonis operibus abundare et concede, ut, cuius annuam celebritatem devotis exsultamus officiis, eius suffragiis dona tuae gratiae consequamur.
1446	Deus qui beatum ... virtutes illustrent.
	Deus, qui beatum Hugonem confessorem tuum atque pontificem eminentia meritorum et claritate signorum excellenter ornasti, concede propitius, ut eius exempla nos provocent et virtutes illustrent.
1447	Deus qui beatum ... venerabilem passionem.
	Deus, qui beatum Ianuarium sacerdotem et martyrem tuum et socios eius iri tribulationibus probasti, in angustiis dilatasti, in persecutionibus glorificasti, da nobis eorum meritis tenere constantiam, imitari vitam, praedicare cum laetitia eorum venerabilem passionem.
1448	Deus qui beatum ... mereamur impetrare.
	Deus, qui beatum illum confessorem tuum atque abbatem sanctitatis gratia decorasti, ipsius meritis fac nos bonis operibus abundare, ut a te summo bono omne, quod expedit, mereamur impetrare.
1449	Deus qui beatum ... gloriae repleamur.
	Deus, qui beatum Ioachim prae omnibus sanctis tuis in unigeniti filii tui incarnati avum, a quo purissima illius mater et virgo digne generaretur, elegisti, concede propitius, ut, cuius festa debito honore veneramur, eius interventu hic tuae gratiae et tandem donis gloriae repleamur.
1450	Deus qui beatum ... tuae acceptum.
	Deus, qui beatum Iulianum confessorem tuum hospitalitatis gratia insignem esse fecisti, tribue, quaesumus, eius meritis et precibus, ut hodie et cottidie invenire possimus hospitium, quod nostrae fragilitati sit congruum et sanctitati tuae acceptum.
1451	Deus qui beatum ... et futurae.
	Deus, qui beatum Iustum, aetate parvulum, magnum fide atque virtute fecisti, tribue, quaesumus, ut, sincera tibi mente devoti, et praesentis vitae remediis gaudeamus et futurae.
1452	Deus qui beatum ... suffragia sentiamus.
	Deus, qui beatum Kentigernum confessorem tuum atque pontificem ecclesiae tuae doctorem pariter et rectorem mirifice praesignasti, praesta, quaesumus, ut, cuius venerandam sollemnitatem celebramus, ipsius semper suffragia sentiamus.
1453	Deus qui beatum ... absolvi mereamur.
	Deus, qui beatum Laurentium archipraesulem populo tuo praedicatorem salutis aeternae misisti, tribue, quaesumus, ut, qui eius hodie sollemnia celebramus, ipsius meritis et precibus a peccatorum nostrorum nexibus absolvi mereamur.
1454	Deus qui beatum ... claritate illustra.
	Deus, qui beatum Leothardum pontificem apostolicis aequasti luminaribus, ipso intercedente, corda nostra, quaesumus, misericordiae tuae claritate illustra.
1455	Deus qui beatum ... adipisci mereamur.
	Deus, qui beatum martyrem tuum Leudegarium in agone probasti et, probatum, in dolore sustentasti, quem hodierna die in caelestibus gaudiis recipere dignatus es, praesta nobis famulis tuis, ut, qui gloriam non meremur, indulgentiam peccatorum, ipso interveniente, adipisci mereamur.
1456	Deus qui beatum ... fieri mereamur.
	Deus, qui beatum Leufredum confessorem tuum atque abbatem eximiae sanctitatis gratia decorasti, concede propitius, ut, cuius sollemnia veneramur, ipso interveniente, eius gloriae participes fieri mereamur.
1457	Deus qui beatum ... esse consortes.
	Deus, qui beatum Ludovicum confessorem tuum de terreno ac temporali regno ad caelestis et aeterni regni gloriam transtulisti, eius, quaesumus, meritis et intercessione regis regum Iesu Christi filii tui nos coheredes efficias et eiusdem regni tribuas esse consortes.
1458	Deus qui beatum ... oratione defendi.
	Deus, qui beatum Marcum evangelistam tuum evangelicae praedicationis gratia sublimasti, tribue, quaesumus, eius nos semper et eruditione proficere et oratione defendi.
1459	Deus qui beatum ... viscera sentiamus.
	Deus, qui beatum Matthiam apostolorum tuorum collegio sociasti, tribue, quaesumus, ut eius interventione tuae circa nos pietatis semper viscera sentiamus.
1460	Deus qui beatum ... non fraudemur.
	Deus, qui beatum Mauricium confessorem tuum atque pontificem ecclesiae tuae voluisti praeesse doctorem, praesta, quaesumus, ut, cuius natalicia colimus, spe futuri gaudii non fraudemur.
1461	Deus qui beatum ... consequi dona.
	Deus, qui beatum Mauritium cum suis commilitonibus tyrannicis praeceptis resistendo fortiter fecisti victores, eorum nobis, quaesumus, meritis concede contra omnia antiqui hostis tentamenta viriliter dimicare, ut inter eos mereamur caelestia consequi dona.
1462	Deus qui beatum ... tribuas defensorem.
	Deus, qui beatum Michaelem archangelum electionis tuae populis constituisti principem, praesta, quaesumus, ut, quem nobis dedisti salutis ducem, contra adversa omnia tribuas defensorem.
1463	Deus qui beatum Nicolaum ... gehennae incendiis liberemur.
	Deus, qui beatum Nicolaum pontificem tuum innumeris decorasti miraculis, tribue nobis, quaesumus, ut eius meritis et precibus a gehennae incendiis liberemur.
1464	Deus qui beatum ... digne imitemur.
	Deus, qui beatum Norbertum confessorem tuum atque pontificem vitae sanctimonia clarificasti, dono praedicationis verbi tui illustrasti et stupendorum miraculorum operatione fecundasti, da nobis, quaesumus, ut, quae docuit, memoria teneamus et, quae fecit, tua ineffabili misericordia et eius interventione digne imitemur.
1465	Deus qui beatum ... semper accendas.
	Deus, qui beatum Pantaleonem martyrem tuum inter vincula liberum, inter tormenta securum gratiae tuae ubertate fecisti, quaesumus clementiam tuam, ut in nobis flammas corporalium passionum misericordiae tuae imbre restringas et rorem beatae caritatis semper accendas.
1466	Deus qui beatum ... praemia consequamur.
	Deus, qui beatum patricium Hiberniae apostolum, signis multimodis decoratum, ad caelestem gloriam transtulisti, praesta, quaesumus, ut, eius meritis et precibus adiuti, aeternae beatitudinis praemia consequamur.
1467a	Deus qui beatum ... propitiatus exclude.
	Deus, qui beatum Petrum apostolum, a vinculis absolutum, illaesum abire fecisti, nostrorum, quaesumus, absolve vincula peccatorum et omnia mala a nobis propitiatus exclude.
1467b	Deus qui beatum ... abire concede.
	Deus, qui beatum Petrum, a vinculis absolutum, illaesum abire fecisti, famuli tui vincula cunctamque miseriam solve et eum ipsius meritis illaesum abire concede.
1468	Deus qui beatum ... mereamur associari.
	Deus, qui beatum Pieranum confessorem tuum atque pontificem virtutum titulis et miraculorum decorasti insigniis, concede propitius ita nos eius meritis adiuvari, ut ei in aeterna beatitudine mereamur associari.
1469	Deus qui beatum ... pervenire caelestia.
	Deus, qui beatum Raphaelem archangelum Tobiae famulo tuo properanti praevium direxisti et inter huius vitae ac viae varietates atque discrimina donasti custodem, da, quaesumus, ut eiusdem protegamur auxilio, quatenus et vitae praesentis vitemus pericula et ad gaudia valeamus pervenire caelestia.
1470	Deus qui beatum ... possimus in caelis.
	Deus, qui beatum regem Edwardum confessorem tuum aeternitatis gloria coronasti, fac nos, quaesumus, ita eum venerari in terris, ut cum eo regnare possimus in caelis.
1471	Deus qui beatum ... pignore gratulamur.
	Deus, qui beatum Satyrum tui nominis confessorem mirabiliter effecisti, praesta, quaesumus, ut eum pro nobis iugiter apud te interventorem sentiamus, de cuius hic mirifico pignore gratulamur.
1472a	Deus qui beatum Sebastianum ... eius adversa formidare.
	Deus, qui beatum Sebastianum martyrem tuum virtute constantiae in passione roborasti, ex eius nobis imitatione tribue pro amore tuo prospera mundi despicere et nulla eius adversa formidare.
1472b	Deus qui beatum Dionysium ... eius adversa formidare.
	Deus, qui beatum Dionysium martyrem tuum virtute constantiae in passione roborasti quique illi ad praedicandum gentibus gloriam tuam Rusticum et Eleutherium sociare dignatus es, tribue nobis, quaesumus, ex eorum imitatione pro amore tuo prospera mundi despicere et nulla eius adversa formidare.
1473	Deus qui beatum ... commendet oratio.
	Deus, qui beatum Severinum famulum tuum ignotae gentis virum nobis mirabilem praestitisti, da, quaesumus, ut eius apud te et iusta merita et sancta nos semper commendet oratio.
1474	Deus qui beatum ... muniamur adversis.
	Deus, qui beatum Sigismundum regem utroque diademate cum desiderata corona martyrii honorare dignatus es et eius reliquias ex profundo gurgite ad celebrandum fidelibus revelasti, tribue, quaesumus, ut, qui eius merita in terra veneramur, ipsius intercessionibus ab omnibus semper muniamur adversis.
1475	Deus qui beatum Terrenanum ... gehennae incendiis liberemur.
	Deus, qui beatum Terrenanum Pictorum archipraesulem tua providentia sublimasti, ut Pictos, in tenebris suae gentilitatis errantes, ad verum tuae divinitatis lumen perduceret, tribue nobis, quaesumus, ut eius gloriosis precibus et meritis a praesentis vitae periculis et a gehennae incendiis liberemur.
1476	Deus qui beatum ... in terris.
	Deus, qui beatum Thomam archipraesulem et Angliae primatem in gremio sanctae matris ecclesiae martyrii palma consecrasti, tribue nobis, quaesumus, ut eius meritis et precibus adiuvemur in caelis, cuius veneranda passione gloriamur in terris.
1477	Deus qui beatum ... beneficia capiamus.
	Deus, qui beatum Yvonem confessorem tuum piis operibus, signis et virtutibus in ecclesia tua clarere fecisti, praesta, quaesumus, ut eius meritis et precibus tua beneficia capiamus.
1478	Deus qui bona ... perfectione gaudere.
	Deus, qui bona cuncta et inchoas benignus et perficis, da nobis, sicut de initiis tuae gratiae gloriamur, ita de perfectione gaudere.
1479a	Deus qui bonis ... copiosa praeveniat.
	Deus, qui bonis tuis infantium quoque tui nescia sacramenti corda praecedis, tribue, quaesumus, ut, nostrae conscientiae fiduciam non habentes, indulgentia semper copiosa praeveniat.
1479b	Deus qui donis ... copiosa praeveniat.
	Deus, qui donis tuis infantium quoque tui nescia sacramenti corda praecedis, tribue, quaesumus, ut, qui nostrae conscientiae fiduciam non habemus, indulgentia semper copiosa praeveniat.
1480	Deus qui caelestia ... esca proficiat.
	Deus, qui caelestia famulis tuis dona largiris, custodi in nobis gratiam, quam dedisti. Vigeat in sensibus nostris munus infusum mentesque nostras cum corporis sospitate spiritalis esca proficiat.
1481	Deus qui caelestis ... aliena promissis.
	Deus, qui caelestis regni non nisi renatis pandis introitum, auge super animam famuli tui illius gratiae tuae dona, ut, quae ab omnibus est purgata peccatis, a nullis sit aliena promissis.
1482	Deus qui candidatam ... certanti coronam.
	Deus, qui candidatam tuam illam virginitate pariter et martyrio in fonte vivi certaminis abluisti, ut, confessionis gloria roseo sui sanguinis decore ornata, spem caneret victoriae et mundum, in suis dormientem peccatis, ad confessionem tui nominis excitaret, da eius patrocinio peccatis nostris indulgentiam, qui dedisti certanti coronam.
1483	Deus qui caritatis ... dilectione perficiant.
	Deus, qui caritatis dona per gratiam sancti spiritus tuorum cordibus fidelium infudisti, da famulis tuis, pro quibus tuam deprecamur clementiam, salutem mentis et corporis, ut te tota virtute diligant et, quae tibi sunt placita, tota dilectione perficiant.
1484	Deus qui caritatis ... supplicationibus consequantur.
	Deus, qui caritatis dona per gratiam sancti spiritus tuorum cordibus fidelium infundis, famulo tuo illi omnibusque iri corpore seu extra corpus viventibus, qui ei carnis affectu et spiritu coniuncti vel dando aut confitendo ob timorem nominis tui commissi sunt, quorum numerus et nomina tibi universitatis domino nota sunt, da, quaesumus, remissionem omnium peccatorum, ut indulgentiam, quam semper optaverunt, piis supplicationibus consequantur.
1485	Deus qui caritatis ... cottidiana confoveat.
	Deus, qui caritatis es auctor et purae pacis ac dilectionis amator, suscipe offerentium oblationes et infirmorum omnium christianorum sana languores, quo, te medicante, et plenitudinem salutis recipiant et tuis semper sani iussionibus pareant. Id denique obnoxius, quaeso, ut omnes metu territos, inopia afflictos, tribulatione vexatos, morbis obrutos, suppliciis deditos, debitis obligatos vel quolibet maerore constrictos, cunctos indulgentia tuae pietatis absolvat, morum emendatio relevet et miseratio cottidiana confoveat.
1486	Deus qui concedis ... gloria praesentari.
	Deus, qui concedis obtentu beati Antonii confessoris tui morbidum ignem exstingui et membris aegris refrigeria praestari, fac nos, ipsius meritis a gehennae incendiis liberatos, integros mente et corpore, tibi feliciter in gloria praesentari.
1487	Deus qui confessorem ... largire beatam.
	Deus, qui confessorem tuum Martinum, eremi secreta sectantem, populis dedisti pastorem, ut de his plebes edoceret in publico, quae, te colloquente, didicerat in secreto, has hostias, ob sollemnitatem coronae eius oblatas, gratiae tuae respectu sanctificans, et sacrificantibus veniam et sepultis requiem largire beatam.
1488	Deus qui confessorem ... contagione delicti.
	Deus, qui confessorem tuum Martinum et meritorum et honoris corona ditasti, has oblatas hostias spiritu benedictionis tuae ditifica et oblatores vel, pro quibus offeruntur, perlustra gratia consueta, ut in hac die tui confessoris, qua idem commissi gregis curam suscepit, nos expiemur a contagione delicti.
1489	Deus qui consessorum ... ad veniam.
	Deus, qui consessorum remuneras fidem et confitendi tibi praeparas voluntatem, oblatas tibi in hoc festo confessoris tui illius hostias intuere, ut, qui, eius memoriam facientes, nostra tibi confitemur delicta, confessoris tui obtentu perducamur ad veniam.
1490	Deus qui confitentium ... claruit dignitate.
	Deus, qui confitentium es corona, dissidentium perime iurgia, dans omnibus nobis ita pacis tuae repleri ex munere, sicut confessor tuus ille confessionis claruit dignitate.
1491a	Deus qui confitentium ... sustineant detrimentum.
	Deus, qui confitentium tibi corda purificas et accusantes se conscientias ab omni vinculo iniquitatis absolvis, da indulgentiam reis et medicinam tribue vulnerans, ut, percepta remissione omnium peccatorum, in sacramentis tuis sincera deinceps devotione permaneant et nullum redemptionis aeternae sustineant detrimentum.
1491b	Deus qui confitentium ... mentibus serviamus.
	Deus, qui confitentium tibi corda purificas et accusantem se conscientiam ab omni vinculo iniquitatis absolvis, da indulgentiam reis et medicinam tribue vulneratis, ut, exclusa dominatione peccati, liberis tibi mentibus serviamus.
1492	Deus qui confitentium ... dona concede.
	Deus, qui confitentium tibi redemptor es animarum, quarum piscator beatus Petrus apostolus atque ovium pastor tua praeceptione cognoscitur, annue misericors precibus nostris et populo tuo pietatis tuae dona concede.
1493	Deus qui conspicis ... protectione custodi.
	Deus, qui conspicis familiam tuam omni humana virtute destitui, paschali interveniente festivitate, tui eam brachii protectione custodi.
1494	Deus qui conspicis ... in mente.
	Deus, qui conspicis omni nos virtute destitui, interius exteriusque custodi, ut et ab omnibus adversitatibus muniamur in corpore et a pravis cogitationibus mundemur in mente.
1495	Deus qui conspicis ... visitatione consolemur.
	Deus, qui conspicis, quia ex nostra pravitate affligimur, concede propitius, ut ex tua visitatione consolemur.
1496	Deus qui conspicis ... protectione muniamur.
	Deus, qui conspicis, quia ex nulla nostra actione confidimus, concede propitius, ut contra adversa omnia doctoris gentium protectione muniamur.
1497a	Deus qui conspicis quia ex nulla nostra virtute subsistimus concede propitius ut intercessione ... adversa muniamur.
	Deus, qui conspicis, quia ex nulla nostra virtute subsistimus, concede propitius, ut intercessione beati Xysti martyris tui atque pontificis contra omnia adversa muniamur.
1497b	Deus qui conspicis quia ex nulla nostra virtute subsistimus concede propitius ut interventu ... adversa muniamur.
	Deus, qui conspicis, quia ex nulla nostra virtute subsistimus, concede propitius, ut interventu beatae dei genitricis Mariae omniumque caelestium virtutum, patriarcharum, prophetarum, apostolorum, martyrum, confessorum, virginum quoque et omnium electorum contra omnia adversa muniamur.
1498	Deus qui conspicis ... protectione gaudeamus.
	Deus, qui conspicis, quia in tua pietate confidimus, concede propitius, ut de caelesti semper protectione gaudeamus.
1499	Deus qui conspicis ... nostra laetifica.
	Deus, qui conspicis, quia nos undique mala nostra contristant, per praecursorem gaudii corda nostra laetifica.
1500	Deus qui conspicis ... nos protegat.
	Deus, qui conspicis, quia nos undique mala nostra perturbant, praesta, quaesumus, ut beati Ioannis apostoli tui intercessio gloriosa nos protegat.