Deus, auctor omnium et conditor creaturarum, qui et circumcisionem ex fide et praeputium per fidem iustificare dignatus es, tu ecclesiam tuam, quae, ex circumcisione vel praeputio veniens, in te solidata consistit, litatione hostiae huius et vitiis facito circumcidi et spiritali laetitia innovari, benedicens et nobis famulis tuis et his sacrificiis, tibi oblatis, qui, solus pro cunctis factus hostia, immolaris.