Deus, humani generis conditor et redemptor, qui ineffabili pietatis munere martyrum tuorum gloriosa certamina potentissimus largitor remuneras, praesta, quaesumus, ecclesiae tuae, quae sanctorum martyrum tuorum Nazarii et Celsi laetatur triumphis, et a peccatorum servari contagiis et, quod illi te confitendo meruerunt percipere, hoc populus tuus eorum consequi mereatur suffragiis.