Deus, cui transferendus Elias quadraginta dierum ieiunium consecravit et spiritaliter, donec ad caelestia mereretur adscendere, ieiunavit, prophetalem, quaesumus, gratiam dona populis christianis, in qua superemus delectationes carnis et sanguinis. Fac in omnibus et per omnia continentes; fac pacificos; fac praecepta caelestia servantes, quibus et in hoc sacrificio benignus appareas et humiliter te invocantibus propitiatus occurras.