Deus omnipotens et aeterne, quo iuvante, athleta tuus Iulianus mortuum promeruit suscitare ab inferis, invocato nomine Trinitatis, tu pietate solita et offerentium suscipe vota et sopita corda a mortali actu exsuscita. Tribue quoque his sacrificiis largam tuae benedictionis impensionem, quo et vivi revivescant in operibus bonis et defuncti carne suppliciis exuantur aeternis.