Moeller, Eugenius OSB – Clément, Ioannes Maria – Coppieters ‘t Wallant, Bertrandus: Corpus orationum.
Brepols, Turnhout 1993–2004. (Corpus Christianorum Series Latina 160 A–M)
| 501 | Benedictionem tuam domine ... obsequia exhibuit. |
| Benedictionem tuam, domine, his, tibi oblatis, tribue sacrificiis et praesta, ut beata Maria Magdalena hoc nobis apud te obtineat, quod ab unigenito tuo obtinuit, dum ei mystica obsequia exhibuit. | |
| 502 | Benedictionem tuam domine ... celebritate laetetur. |
| Benedictionem tuam, domine, populo supplicanti benignus accumula, ut et de bona conversatione sui praesulis exsultet et de sacrae festivitatis celebritate laetetur. | |
| 503 | Benedictionem tuam domine ... beneficia largiaris. |
| Benedictionem tuam, domine, populo suppliciter imploranti medicinam tribue mentis et corporis, ut incessabiliter devotis semper tua beneficia largiaris. | |
| 504a | Benedictionem tuam domine populus fidelis accipiat qua corpore salvatus ac mente et congruam ... semper inveniat. |
| Benedictionem tuam, domine, populus fidelis accipiat, qua, corpore salvatus ac mente, et congruam tibi semper exhibeat servitutem et propitiationis tuae beneficia semper inveniat. | |
| 504b | Benedictionem tuam domine populus fidelis accipiat qua corpore salvatus ac mente et gratam ... semper inveniat. |
| Benedictionem tuam, domine, populus fidelis accipiat, qua, corpore salvatus ac mente, et gratam tibi semper exhibeat servitutem et propitiationis tuae beneficia semper inveniat. | |
| 505 | Benedictionem tuam quaesumus ... reddatur accepta. |
| Benedictionem tuam, quaesumus, domine, sacrae plebi copiosa pietate largire, quae per tuam tibi gratiam semper reddatur accepta. | |
| 506a | Benedictionis tuae gratiam ... auxilium sentiamus. |
| Benedictionis tuae gratiam, domine, intercedente beato apostolo tuo illo, suscipiamus, ut, cuius praeveniendo gloriam celebramus, eius supplicando auxilium sentiamus. | |
| 506b | Benedictionis tuae domine ... auxilium sentiamus. |
| Benedictionis tuae, domine, gratiam, intercedente beata Waltpurgae virgine tua, consequamur, ut, cuius venerando gloriam praedicamus, eius in omnibus nostris necessitatibus auxilium sentiamus. | |
| 507 | Benedictionis tuae gratiam ... sollemnitate pontificum. |
| Benedictionis tuae gratiam, domine, plebs christiana suscipiat, ut, sanctorum merita pretiosa concelebrans, honoris tui fructum referat pia sollemnitate pontificum. | |
| 508a | Benedictionis tuae quaesumus ... retulisse cognoscat. |
| Benedictionis tuae, quaesumus, domine, plebs tibi sacra fructus reportet et gaudium, ut, quod in huius festivitatis die corporali servitio exhibuit, spiritaliter se retulisse cognoscat. | |
| 508b | Benedictionis tuae domine ... praesidio consequatur. |
| Benedictionis tuae, domine, plebs tibi devota fructum reportet et gaudium, ut, quod sanctis martyribus tuis Felici, Simplicio, Faustino et Beatrici exhibuit temporali servitio, perenni praesidio consequatur. | |
| 509 | Benedictionum tuarum ubertate ... et donis. |
| Benedictionum tuarum ubertate repleti, quaesumus, domine, ut omnium sanctorum confessorum tuorum intercessione eius semper subsidiis multiplicemur et donis. | |
| 510 | Beneficia tua domine ... gaudeat adiumentis. |
| Beneficia tua, domine, plebs tua reportet, sancti Felicis precatione collata, ut, cuius officiis devota non deest, sumptis gaudeat adiumentis. | |
| 511 | Beneficiis tuis domine ... salubriter assequatur. |
| Beneficiis tuis, domine, quaesumus, populus fidelis semper exsultet, ut, te instruente dispositus, et conversatione tibi placeat et, quae votis expetit, salubriter assequatur. | |
| 512 | Bone redemptor noster ... occurrere laeti. |
| Bone redemptor noster domine, qui, mansuetus mansueti animalis aselli terga insedens, ad passionem redemptionis nostrae spontaneus appropinquans, cum tibi ramis arboreis certatim sternitur via et triumphatricibus palmis cum voce laudis occurritur, quaesumus maiestatem tuam divinam, ut oris nostri confessionem atque corporis in ieiuniis humiliationem libens suscipias et fructum nos viriditatis habere concedas, ut, sicut illi in tua fuerunt obvia cum arboreis virgis egressi, ita nos, te redeunte in secundo adventu, cum palmis victoriae mereamur occurrere laeti. | |
| 513 | Bonitatem tuam domine ... miseratione dimittas. |
| Bonitatem tuam, domine, quam sanctificatricem nostram esse cognoscimus, petimus et rogamus, ut, interveniente sancto tuo illo, caelesti adipe animas nostras repleas et per mysterium corporis et sanguinis, quod sumpsimus et potati sumus, peccata nostra solita miseratione dimittas. | |
| 514 | Bonitatis immensae auctor ... impetrare quietem. |
| Bonitatis immensae auctor et domine, adclines tuam quaesumus pietatem, ut oratio abstinentiae nostrae et viventibus salutem et defunctis valeat impetrare quietem. | |
| 515 | Bonitatis tuae largitatem ... proficiat salutem. |
| Bonitatis tuae largitatem deprecamur, omnipotens deus, ut haec oblatio, quam in honorem sancti Christophori martyris tui offerimus, nobis ad animae corporisque proficiat salutem. | |
| 516 | Bonorum omnium deus ... spiritu nutriatur. |
| Bonorum omnium, deus, auctor atque largitor, fac, quaesumus, ut ecclesiae tuae proles, te instituente succrescens, in novam tui filii creaturam, sancto fovente spiritu, nutriatur. | |
| 517 | Bonorum deus operum ... possis invenias. |
| Bonorum, deus, operum institutor, famulae tuae illius corda purifica, ut nihil in ea, quod punire sed quod coronare possis, invenias. | |
| 518 | Bonorum omnium deus ... gloriam concupiscam. |
| Bonorum omnium, deus, auctor et largitor, qui, ut humanum genus ad confessionem tui nominis provocares, etiam in fragili perfecisti condicione martyrium, praesta, quaesumus, ut ecclesia tua, hoc exemplo commonita, nec pati pro te metuant et caelestis praemii gloriam concupiscam. | |
| 519 | Caelestem nobis praebeant ... cordis expurgent. |
| Caelestem nobis praebeant haec mysteria, quaesumus, domine, medicinam et vitia nostri cordis expurgent. | |
| 520 | Caelesti alimonia vegetati ... iugiter adhaerere. |
| Caelesti alimonia vegetati, quaesumus, omnipotens deus, ut, sanctarum virginum tuarum Katherinae et Margaretae, et beatae Mariae Magdalenae meritis intercedentibus, et tibi casto corpore servire et tuae dilectioni valeamus iugiter adhaerere. | |
| 521 | Caelesti benedictione misericors ... protege propitius. |
| Caelesti benedictione, misericors deus, populum tuum praesentem confirma et, quem magno ac speciali patrono, beato scilicet Willibrordo consessore tuo atque pontifice, decorasti, eius semper praesenti suffragio ab omni adversitate protege propitius. | |
| 522 | Caelesti benedictione omnipotens ... gloria gaudere. |
| Caelesti benedictione, omnipotens pater, populum tuum sanctifica et, beati Martini confessoris tui atque pontificis festivitate gaudentem, per intercessionem eiusdem protectoris nostri fac nos in aeterna cum sanctis tuis gloria gaudere. | |
| 523 | Caelesti cibo potuque ... remuneratione percenseat. |
| Caelesti cibo potuque roborati, omnipotenti deo laudes et gratias, fratres carissimi, referamus, poscentes, ut nos, quos dignos habuit participatione corporis et sanguinis domini nostri Iesu Christi unigeniti sui, dignos etiam caelesti remuneratione percenseat. | |
| 524 | Caelesti lumine quaesumus ... percipiamus effectu. |
| Caelesti lumine, quaesumus, domine, semper et ubique nos praeveni, ut mysterium, cuius nos participes esse voluisti, et puro cernamus intuitu et digno percipiamus effectu. | |
| 525 | Caelesti munere satiati ... opera renovemur. |
| Caelesti munere satiati, misericors deus, gratias agimus et precamur, ut, qui nova beneficia per beatum Geraldum te operari gaudemus, ipso supplicante, per hoc caeleste munus ad pietatis opera renovemur. | |
| 526 | Caelesti munere satiati ... nos adiuves. |
| Caelesti munere satiati, quaesumus, domine deus noster, ut beati Rufi martyris tui meritis ubique nos adiuves. | |
| 527a | Caelesti munere satiati ... deprecatione sanctificent. |
| Caelesti munere satiati, quaesumus, domine deus noster, ut haec nos dona martyrum tuorum deprecatione sanctificent. | |
| 527b | Caelesti munere saginati ... beata sanctificet. |
| Caelesti munere saginati, quaesumus, domine deus noster, ut haec nobis dona martyrum tuorum supplicatio beata sanctificet. | |
| 528 | Caelesti munere satiati ... praestolemur occursum. |
| Caelesti munere satiati, quaesumus, omnipotens deus; tua nos proiectione custodi et castimoniae pacem mentibus nostris atque corporibus, intercedente sancta Maria, propitiatus indulge, ut, veniente sponso filio tuo unigenito, accensis lampadibus eius digni praestolemur occursum. ( recensio altera ) Caelesti munere satiatos, omnipotens deus, tua nos protectione custodi, ut castimoniam et pacem mentibus nostris atque corporibus, intercedente sancta Maria, propitiatus indulgeas et, veniente sponso filio tuo unigenito, accensis lampadibus eius digni praestolemur occursum. |
|
| 529 | Caelesti participatione domine ... fiat sacramentum. |
| Caelesti participatione, domine, recreati, suppliciter exoramus, ut, sicuti sanctorum Kiliani et sociorum eius festa celebrare gaudemus, ita, eorum suffragantibus meritis, nobis salutare fiat sacramentum. | |
| 530 | Caelesti refectam mysterio ... largiente consequamur. |
| Caelesti refectam mysterio, tuere, quaesumus, domine, familiam tuam, ut, intercedente beata Agatha virgine tua et martyre, salutis aeternae remedia, quae, te adspirante, requirimus, te largiente, consequamur. | |
| 531 | Caelesti saturari dape ... caritatis divinae. |
| Caelesti saturari dape cupientibus occurre, omnipotens deus, qui, beatissimo Tirso tuo gentili adhuc misertus, inter ceteras, quas pro tuo nomine sustulit, poenas, paratum supplicium plumbi in adversarios eius oratione ipsius martyris retrorsisti. Propter quod flebilibus te, deus, rugitibus imploramus, ut per hunc martyrem, a quo praedicti metalli supplicium detorsisti, detergas massam totius nostri peccati atque, te opitulante, qui illatam sibi poenam in se persequentes eiecit, ministret sibi obsequentibus tutelam patrocinii indisrupti, ut per eum famulantes obtineant veniam, per quem persequentium est devicta audacia et, per quem infidelitas poenali consumpta est igne, per eum crudelitas flamma ardeat caritatis divinae. | |
| 532a | Caelestia domine sumpsimus ... conferant medicinam. |
| Caelestia, domine, sumpsimus sacramenta; praesta, quaesumus, ut, interveniente beato confessore tuo illo, cuius sollemnia recurrimus, nobis conferant medicinam. | |
| 532b | Caelestia sacramenta sumpsimus ... conferant medicinam. |
| Caelestia sacramenta sumpsimus, domine; praesta, quaesumus, ut, intervenientibus beatis consessoribus tuis illis, quorum sollemnia recurrimus, nobis perpetuam conferant medicinam. | |
| 533 | Caelestia dona capientibus ... remedium providisti. |
| Caelestia dona capientibus, quaesumus, domine, non ad iudicium provenire patiaris, quod fidelibus tuis ad remedium providisti. | |
| 534 | Caelestibus deliciis satiati ... sociemur convivio. |
| Caelestibus deliciis satiati, te, domine, deprecamur, ut gloriosi patris nostri Iudoci suffragio paradisi sociemur convivio. | |
| 535 | Caelestibus domine donis ... donare digneris. |
| Caelestibus, domine, donis satiatos, quaesumus, ut et voluntate pie recteque vivendi et virtute atque efficacia perficiendi nos iugiter donare digneris. | |
| 536 | Caelestibus domine pasti ... vivimus appetamus. |
| Caelestibus, domine, pasti deliciis, quaesumus, ut semper eadem, per quae veraciter vivimus, appetamus. | |
| 537 | Caelestibus domine refecti ... celebramus triumphum. |
| Caelestibus, domine, refecti muneribus, supplices deprecamur, ut beati Marci evangelistae et martyris tui protegamur auxiliis, cuius devotis mentibus celebramus triumphum. | |
| 538 | Caelestibus domine quaesumus ... foveantur auxilio. |
| Caelestibus, domine, quaesumus, praesidiis muniantur, qui in tua protectione confidunt, ut, te solo praesule gloriantes, tuo semper foveantur auxilio. | |
| 539 | Caelestibus donis quaesumus ... et gloriam. |
| Caelestibus donis, quaesumus, domine, da nobis libera mente servire, ut munera, quae deferimus pro famulo tuo illo, et medelam nobis operentur et gloriam. | |
| 540 | Caelestibus epulis recreati ... custodiente servemus. |
| Caelestibus epulis recreati, quaesumus, omnipotens deus, ut intercedente beato Alexio confessore tuo, salutare mysterium quod, te largiente, percepimus, te custodiente, servemus. | |
| 541 | Caelestibus pasti dapibus ... sociari gaudiis. |
| Caelestibus pasti dapibus, supplices te rogamus, omnipotens deus, quatenus per gloriosa almi patris Botulfi merita aeternis nos iubeas sociari gaudiis. | |
| 542 | Caelestibus refecti mysteriis ... permaneat sacramenti. |
| Caelestibus refecti mysteriis, quaesumus, domine deus noster, ut, intercedente beata illa, virtus accepti in nobis permaneat sacramenti. | |
| 543 | Caelestibus refecti sacramentis ... protegamur auxiliis. |
| Caelestibus refecti sacramentis et gaudiis, supplices, domine, te rogamus, ut, quorum gloriamur triumphis, protegamur auxiliis. | |
| 544 | Caelestibus refecti sacramentis ... salvationis augmentum. |
| Caelestibus refecti sacramentis et gaudiis, supplices te rogamus, omnipotens deus, ut ea, quae in veneratione beati patricii confessoris tui atque pontificis tuae obtulimus maiestati, in nostrae proficiant salvationis augmentum. | |
| 545 | Caelestibus refecti sacramentis ... inundatione pluviarum. |
| Caelestibus refecti sacramentis, quaesumus, domine, ut terram, quam nostris videmus iniquitatibus tabescentem, congruentium facias irrigari inundatione pluviarum. | |
| 546 | Caelestibus refectis sacramentis ... et precibus. |
| Caelestibus refectis sacramentis, aeterne deus, et beati Felicis martyris tui annuis sollemnibus gratulatis, praesta nobis famulis tuis, ut, cuius sollemnia colimus, eius semper meritis apud te muniamur et precibus. | |
| 547 | Caelestibus sacramentis et ... et pacem. |
| Caelestibus sacramentis et divinis epulis vegetati, quaesumus, domine, ut, intercedente beata Anna, quam matrem matris tui filii confitemur, ad aeternam mereamur pertingere consolationem et pacem. | |
| 548 | Caelestibus sacramentis refecti ... profectum salutis. |
| Caelestibus sacramentis refecti, maiestatem tuam altaribus tuis, domine, deprecamur inclinati ut, quae in sollemnitate beatae Cuthbergae laetanter percepimus, auxilio eius intercessionis nobis proficiant ad utriusque profectum salutis. | |
| 549 | Caelestibus satiati sacramentis ... capere largiora. |
| Caelestibus satiati sacramentis, clementissime deus, tuam deposcimus munificentiam, ut per interventum sanctae virginis Aetheldrethae aeternae beatitudinis beneficia possimus capere largiora. | |
| 550 | Caelestibus sumptis mysteriis ... caelestis perducamur. |
| Caelestibus sumptis mysteriis, supplices te, pater omnipotens, imploramus, ut, interveniente beato Gaugerico confessore tuo atque pontifice, ad refectionem vitae caelestis perducamur. | |
| 551 | Caelestis alimoniae vegetati ... hodierna conceptio. |
| Caelestis alimoniae vegetati libamine, quaesumus, domine deus noster, ut nos semper gloriosae virginis Mariae continua foveat protectio, cuius nostrae salutis causa exstitit hodierna conceptio. | |
| 552 | Caelestis domine alimoniae ... proficiant incrementa. |
| Caelestis, domine, alimoniae refecti sacramento, quaesumus, ut, intercedentibus sanctis virginibus ac martyribus tuis, quae pro illarum celebramus gloria, ad nostrae salutis proficiant incrementa. | |
| 553 | Caelestis domine mysterii ... mereatur adipisci. |
| Caelestis, domine, mysterii perceptione munitos, tales nos, quaesumus, beati confessoris tui Germani precibus effice, ut, quod ille deferentibus indeptus est angelis, nostra quoque fragilitas mereatur adipisci. | |
| 554a | Caelestis doni benedictione percepta supplices te deus omnipotens deprecamur ut hoc idem nobis semper ... et salutis. |
| Caelestis doni benedictione percepta, supplices te, deus omnipotens, deprecamur, ut hoc idem nobis semper et sacramenti causa sit et salutis. | |
| 554b | Caelestis doni benedictione percepta supplices te deus omnipotens deprecamur ut hoc idem et sacramenti ... et salutis. |
| Caelestis doni benedictione percepta, supplices te, deus omnipotens, deprecamur, ut hoc idem et sacramenti causa sit et salutis. | |
| 554c | Caelestis doni benedictione percepta supplices te domine deprecamur ut hoc idem nobis semper et ... et salutis. |
| Caelestis doni benedictione percepta, supplices te, domine, deprecamur, ut hoc idem nobis semper et sacramenti causa sit et salutis. | |
| 554d | Caelestis doni benedictione percepta supplices te deus omnipotens deprecamur ut hoc idem et ... et salutis. |
| Caelestis doni benedictione percepta, supplices te, deus omnipotens, deprecamur, ut hoc idem et sacramenti nobis causa sit et salutis. | |
| 554e | Caelestis doni benedictione percepta supplices te deus omnipotens deprecamur ut hoc idem nobis et ... et salutis. |
| Caelestis doni benedictione percepta, supplices te, deus omnipotens, deprecamur, ut hoc idem nobis et sacramenti causa sit et salutis. | |
| 555 | Caelestis doni sacramentis ... provenire sentiamus. |
| Caelestis doni sacramentis praeparatione nostra perceptis, suppliciter te, domine, deprecamur, ut intercessione beati confessoris tui atque pontificis Nicolai, cuius sollemnia celebramus, eadem nobis ad corporis et animae medelam provenire sentiamus. | |
| 556 | Caelestis gratiae largitor ... condonare digneris. |
| Caelestis gratiae largitor, omnipotens deus, individua Trinitas, te in spiritalibus laetitiae adoramus obsequiis, qui sanctorum tuorum mentibus et insinuas omne, quod cupiunt, et tribuis omne, quod poscunt, cum, in martyrii certamine constituti, acquisierunt de supplicio gloriam, de morte victoriam, se sibi negantes, ne tibi, deus, postmodum negarentur, Iulianus interea et socii eius, animas suas promptissima devotione perdentes, ut eas in aeternum, te restituente, recipiant. Etenim separare eos a caritate Christi nec mors nec vita praevaluit, qui, ad illustris pugnae certamen sublimati, fallacias et minas mundi fortissima congressione vicerunt, vilissimamque iudicantes huius temporis vitam, pro testamentis dominicis pretiosas animas tradiderunt. Oramus ergo, inclite deus, ut eorum illustribus meritis nobis ob facinora peccatorum veniam condonare digneris. | |
| 557 | Caelestis hic panis ... irrisione defendat. |
| Caelestis hic panis, quem sumpsimus, domine, et nobis indulgentiam tribuat et famulum tuum illum ab antiqui hostis irrisione defendat. | |
| 558 | Caelestis mensae quaesumus ... et pascat. |
| Caelestis mensae, quaesumus, domine, sacrosancta libatio corda nostra purget semper et pascat. | |
| 559 | Caelestis mensae refectio ... corroboret voluntatem. |
| Caelestis mensae refectio, domine, interveniente beatae dei genitricis Mariae merito sanctique Petri principis apostolorum necnon et tuorum Benedicti, Martini, Swithuni confessorum omniumque sanctorum suffragio, aeternam mihi conferat sanitatem et misericordia tua sacerdotum tuorum piam in omnibus, quaeso, corroboret voluntatem. | |
| 560 | Caelestis participatio domine ... coronet aeterna. |
| Caelestis participatio, domine, sacramenti animabus patris et matris meae requiem et lucem obtineat perpetuam meque cum illis gratia tua coronet aeterna. | |
| 561 | Caelestis refecti muneris ... mereamur delictorum. |
| Caelestis refecti muneris dono, quaesumus immensam clementiam tuam, omnipotens et misericors deus, ut, intercedentibus pro nobis meritis celeberrimi martyris tui Genesii, acceptabile sit tibi, quod obtulimus, et nostrorum veniam consequi mereamur delictorum. | |
| 562 | Caelestis vitae munere ... aeternitatis auxilium. |
| Caelestis vitae munere vegetati, quaesumus, domine, ut, quod est nobis in praesenti vita mysterium, fiat aeternitatis auxilium. | |
| 563 | Caelestis vitae munus ... exaudiri mereatur. |
| Caelestis vitae munus accipientes, quaesumus, omnipotens deus; quod pro famula tua illa deprecati sumus, clementer a tua pietate exaudiri mereatur. | |
| 564 | Caelestium munerum libamine ... ducatu perducant. |
| Caelestium munerum libamine satiati, quaesumus, domine, quatenus haec dona beatorum martyrum Gereonis, Victoris, Cassii atque Florentii sociorumque eorum deprecatione nos sanctificent et ad perfectum tuae perennitatis bravium tuo medicinali ducatu perducant. | |
| 565 | Caelestium sacramentorum participes ... mereamur aeternam. |
| Caelestium sacramentorum participes effecti, quaesumus, domine deus noster, ut, intercedente beato Udalrico confessore tuo atque pontifice, et peccatorum nostrorum indulgentiam et vitam consequi mereamur aeternam. | |
| 566 | Caelestium sacramentorum refecti ... protegamur auxilio. |
| Caelestium sacramentorum refecti libamine et praesentis festivitatis gaudio saginati, supplices deprecamur, ut, cuius congratulamur tripudio, eius semper protegamur auxilio. | |
| 567 | Caelestium vitae aeternae ... propitiatus exaudiat. |
| Caelestium vitae aeternae adoremus dominum, fratres carissimi, suppliciter deprecantes, ut populum suum semper ubique custodiat, protegat atque defendat; principes mitiget, potestates gubernet, iudices regat, nocentes reprimat, hostes repellat, laborantibus opem tribuat, oppressos liberet, vinctos dimittat, captivos revocet, lapsos restituat, contritos foveat, languidos curet, cunctis misericordia subveniat pius et misericors deus preces nostras propitiatus exaudiat. | |
| 568 | Caelorum atque terrarum ... tua potiamur. |
| Caelorum atque terrarum conditor et gubernator, omnipotens deus, precanti populo tua succurre pietate et praesta, ut, qui in honorem sanctae Brigidae praesentem diei huius gerimus sollemnitatem, per ipsius suffragia perenni misericordia tua potiamur. | |
| 569 | Carmina precum nostrarum ... manum (sic). |
| Carmina precum nostrarum reseratis auribus tuis perfice, domine deus, ut, quidquid ex tua pietate postulaverimus, candor lucis aeternae, deus ex deo totus, tuae semper. Igitur, trine deus, culpas offensionis, in qua cadit totum genus humanum et misericorditer lapsis ad surgendum porrige manum (sic). | |
| 570a | Celebratis domine quae ... exsultanter impleta. |
| Celebratis, domine, quae pro apostolorum tuorum beata passione peregimus, ipsorum, quaesumus, nobis fiant intercessione salutaria, in quorum nataliciis sunt exsultanter impleta. | |
| 570b | Celebrantes quae pro martyrum ... sunt exsultanter impleta. |
| Celebrantes, quae pro martyrum tuorum illorum beata passione peregimus, ipsorum nobis, quaesumus, fiant intercessione salutaria, in quorum nataliciis sunt exsultanter impleta. | |
| 570c | Celebrantes quae pro beatorum ... sunt exsultanter impleta. |
| Celebrantes, quae pro beatorum martyrum tuorum Felicis et Fortunati beata passione peragimus, ipsorum nobis, quaesumus, fiat intercessione salutaris, in quorum nataliciis sunt exsultanter impleta. | |
| 570d | Celebrantes quae pro ... exsultanter expleta. |
| Celebrantes, quae pro martyrum tuorum Saviniani et Potentiani beata sollemnitate peregimus, ipsorum, quaesumus, fiant intercessione salutaria, in quorum nataliciis sunt exsultanter expleta. | |
| 570e | Celebrantes quae apostoli ... sunt percepta. |
| Celebrantes, quae apostoli tui illius beata passione, domine, peregimus, ipsius nobis, quaesumus, fiant intercessione salutaria, in cuius natalicio sunt percepta. | |
| 571 | Christe cuius magnitudo ... tui sollemnitate. |
| Christe, cuius magnitudo potentiae Vincentii martyris tui corpus, quod vesano Datiani furore fuerat marinis proiectum in fluctibus, undis advehentibus honorandum revocavit littoribus, tu nos, eodem martyre suffragante, a procelloso istius saeculi profundo manu pietatis in supernis attolle, ut, qui, inimico impellente, in hoc mare, excrescentibus delictis, cecidimus, per caritatem, quae est coopertio peccatorum, ad portum, salutis quandoque perveniamus, laetaturi cum omnibus invicem, quos dilectio tua iungit in hac praesenti martyris tui sollemnitate. | |
| 572 | Christe cuius virtus ... passionis honorat. |
| Christe, cuius virtus atque potentia tantum in apostolo tuo Iacobo emicuit, ut in nomine tuo emissis ad se daemoniorum catervis potentialiter meruerit imperare, tu ecclesiam tuam ab adversantium impugnatione defende, ut, virtute spiritus exsuperando adversa, illius doctrinam opere compleat, cuius hodie exemplum piae passionis honorat. | |
| 573 | Christe dei filius ... consortio beatorum. |
| Christe dei filius, cuius incarnatio reparavit mundum cuiusque nomen angelica est voce denuntiatum, tu offerentium nomina illic adscribe, quo ipse praecessisti in corpore, ut, quos adventus primi gratia redemisti, in secundi adventus examinatione nulla exurantur poena supplicii sicque nunc pro defunctorum fidelium quiete exaudiamur, quo, te opitulante, aeterno cum illis pariter fruamur consortio beatorum. | |
| 574 | Christe dei filius ... sacratissimam cenam. |
| Christe dei filius, quem olim ob hodiernae sollemnitatis festum turba multiplex Hebraeorum, cum ramis et palmis ovantibus animis, susceperunt, concede nobis, ut, sicut illi praesentia tua gavisi sunt, ita haec sacrificia pietatis tuae sanctificentur obtutu, quo, ex his libantes, ita per veram fidem ratamque dilectionem vivam tibi praeparemur in hostiam, ut securi accedamus ad tuae passionis sacratissimam cenam. | |
| 575 | Christe dei filius ... connexi manere. |
| Christe dei filius, qui dissidium pacis, quod inter angelos et homines obiecerat nequam ille spiritus pravitatis, tuae incarnationis mysterio restaurasti, ut illi angeli, numquam dilapsi, reformatos per te ad gratiam homines conservos agnoscerent, quos extorres pridem per culpam sentirent; et, qui se adorare prius non prohibebant, postmodum, ne fieret, prolato clamore recusabant. Tanto itaque beneficio redempti, quaesumus, ne amplius in pristino lapsu decepti cadamus, sed renovationem baptismi ita fidei conservemus et opere, ut sanctorum angelorum tuorum societate semper studeamus connexi manere. |
|
| 576 | Christe dei filius ... est potiamur. |
| Christe dei filius, qui exanime beatae virginis corpus niveo candore vestisti, dignare nos vestire iustitiae stolis et operibus sanctitatis, ut per haec, quae tibi offerimus, munera sic niveo alternae dilectionis vestiamur amictu, ut aeternae pacis lumine cum ea, quae te professa est, potiamur. | |
| 577 | Christe dei filius ... proximis caritatem. |
| Christe dei filius, qui martyrem tuum Cucufatem, inter ignes saeculi positum, plus supernis ignibus cremas, ut admotos illi persecutorum ignes subicias, fac in nobis ignem illum inexstinguibili succensione flammescere, quem venisti in terram mittere et quem voluisti ardere, quo eius accensione ita interiora nostra exaestuent, ut et te, ex toto corde diligere et veram servare possimus cum proximis caritatem. | |
| 578 | Christe dei filius ... spiritibus sepultorum. |
| Christe dei filius, qui non vindicta pasceris sed purae mentis confessione placaris, offerentium fac tibi acceptabile votum et defunctis dona consortium beatorum, quo in huius confessoris tui illius commemoratione et confessiones a te acceptentur viventium et requies concedatur spiritibus sepultorum. | |
| 579 | Christe dei filius ... criminibus mereamur. |
| Christe dei filius, qui, obseratis seris ad discipulos intrans, aeterna eos pace confirmas, praebe in his sollemnitatibus obsequenti catervae et simultatis vitium fugere et caritatis verae concordiam veraciter retinere, quo, tui discipuli per dilectionem effecti, illis peracta paschae sollemnia sacrificiis honoremus, quibus ipsi purificari a nostris criminibus mereamur. | |
| 580 | Christe dei filius ... ubertate multimoda. |
| Christe dei filius, qui per angelum tuum destinato munere coronarum Valeriani, Tiburtii atque Caeciliae corda corroboras ad credendum, ut hoc et illis esset et castimoniae signum et tuae dulcedinis incrementum, rogamus te, ut ad instar illorum ita pax tua in nobis semper habitet, quo et faeculente carnis valeamus pellere incentiva et dulcedinis tuae renovari ubertate multimoda. | |
| 581 | Christe dei filius ... nostrae redemptionis. |
| Christe dei filius, qui per sanguinem crucis tuae omnia, quae sunt in caelis sive in terra pacificasti, tu nobis, exspectantibus propinquam paschae tuae sollemnitatem, donum pacis et caritatis attribue, ut, vestibulo induti alternae dulcedinis, pretium sumamus nostrae redemptionis. | |
| 582 | Christe dei filius ... pectora nostra. |
| Christe dei filius, qui, per totum mundum discreta praedicantium praesidia mittens, hos nostris partibus destinasti doctores, Torquatum videlicet, Secundum, Indaletium, Tisefontem, Euphrasium, Caecilium et Aesicium, quorum ignitis praedicationum iaculis error perfidiae, Hispaniarum partibus illapsus, abscederet, exceptionis nostrae suscipe votum et hos nobis praepara in solatium, quos patronos sibi plebs vernula confitetur, ut, quorum praedicatione fidei flamma nostris terris invecta est, eorum obtentu et cuncta repellantur incommoda et expiata coram te maneant pectora nostra. | |
| 583 | Christe dei filius ... hospitium praeparemus. |
| Christe dei filius, qui spiritum sanctum in speciem ignis super discipulos emisisti, quo variis linguis loquerentur magnalia dei, dignare hoc igne nostrarum mentium frigus expellere et torpentia ieiunantium corda in dilectione tui et proximi excitare. In nobis scandala pellat, qui in illis doctrinae cumulavit eloquia; quique eos linguis fecit eloqui, nobis in nos fervorem adveniens multiplicet caritatis, quo omnes, qui adventus sui gratia innovari nos cupimus, placidum eidem in nostris cordibus caritatis hospitium praeparemus. | |
| 584 | Christe dei filius ... perpetuum mereamur. |
| Christe dei filius, qui, stigmata passionis tuae praeclaro munere dilatando, diversa nationum genera unitati ecclesiae tuae consocias aggregendo, inter quos beatum Christophorum alienigenae gentis et speciei et fidei tuae gratia ditas et nominis gloria decoras et passionis ornamento glorificas, fac nos, quaesumus, ita unitati sanctae ecclesiae tuae coniunctos exsistere, ut numquam ab eius discedamus societate sed sic caritatis tuae munere in ea perpetim colligemur, ut fide et opere tibi placere in perpetuum mereamur. | |
| 585 | Christe dei filius ... beatitudinis locus. |
| Christe dei filius, quo docente didicimus non in solo pane vivere sed in omni verbo, quod tuo procedit ex ore, praesta nobis, ut, qui, magisterium tuum sequentes, praesentis quadragesimae initia hodierno die incipimus festivis consecrare in canticis, optata remedia a te impetrare possimus tam viventibus quam defunctis, quo et nobis serviendi tibi concedatur cum affectu effectus et illis a te praestetur aeternae beatitudinis locus. | |
| 586 | Christe deus ac ... cottidianis proficiat. |
| Christe deus ac domine noster, quaesumus, ut ita a te hoc nostrum sanctificetur ieiunium, quo et peccata diffugiant et vita nostra ad meliora successibus cottidianis proficiat. | |
| 587 | Christe deus cuius ... hodie accedamus. |
| Christe deus, cuius nos redemptos morte gaudemus et sanguine liberatos, castigatis ieiunio animabus atque corporibus pacis tuae dono largire, quo, proximante passionis tuae celebritate, sic dilectionis perfectionem ad invicem teneamus, qualiter ad mensam tuam absque ullo reatu hodie accedamus. | |
| 588 | Christe deus fortis ... expleat angelorum. |
| Christe, deus fortis atque mirabilis, te poscimus, te rogamus, ut, qui victricem animam Cucufatis martyris tui inter crepitantes craticulae flammas non es passus exstingui, has tibi oblatas hostias placabili vultu iubeas intueri, quo ita in nobis sentiamus placabilem fieri tuae serenitatis adspectum, ut, quod fidelium vota praesumunt, impensio expleat angelorum. | |
| 589 | Christe deus omnium ... confusione perveniamus. |
| Christe deus, omnium gratiarum largitor, qui primum ac summum Tolosanae civitatis sanctum Saturninum sacerdotem instituisti, ad cuius praedicationem atque virtutem ita ora daemonum siluerunt, ut se consulentium cultoribus suis obstrusa veluti absentia probarentur, tu ora nostra praeconio verae praedicationis accinge et vitiorum insolentium simultates a nostris pectoribus abice, ut ita pacis nutrimento coalescamus ad invicem, quo, dum ea, quae praedicamus sermonibus, opere impleverimus, ad te, qui es retributor iustissimus, sine confusione perveniamus. | |
| 590 | Christe deus qui ... spiritum sanctum. |
| Christe deus, qui, ascendendo in caelis, praesentiam corporalem tuis subtraxisti discipulis, permitte nobis, ut te spiritu diligamus, quem in carne nunc videre nequimus et tamen ad iudicium fideliter exspectamus. Crea in nobis cor novum et spiritum rectum, ut, qui iam ascensionis tuae celebravimus festum, promissum a te mereamur suscipere spiritum sanctum. | |
| 591 | Christe deus qui ... effici membra. |
| Christe deus, qui inter iniquos suspendi passus es, crucis sustinendo iniuriam, dato nobis perfectae vitae tolerantiam, ut caritate illa, qua ipse, mundum diligens, pro eodem mortem subisti, inveniamur ipsi, te opitulante, perfecti sicque passionis tuae exemplo illata toleremus scandala, ut, sanguine crucis tuae omnia pacificante, capitis nostri mereamur effici membra. | |
| 592 | Christe domine attributor ... aeternam salvationem. |
| Christe domine, attributor perennalis gratiae et collator, qui, virginum tuarum Christetis et Callistae paenitentiam per gloriosam famulam tuam Dorotheam suscipiens, igne eas examinando glorificas, dum ipsa crematione torrentis ignis iam paene perditas eis restaurares coronas, supplicum tuorum precibus benignus intendens, et paenitentium intuere lamenta et offerentium sanctifica holocausta, quo et per paenitentiam nos tibi facias complacere et per honestos mores tibi coniungere, ut, per quam praedictarum virginum tuarum paenitentiam dignatus fuisti suscipere, per eam, pius collator, et viventibus et defunctis destines aeternam salvationem. | |
| 593 | Christe domine crucifer ... opitulante servemus. |
| Christe domine, crucifer gloriose, qui constantiam beati Andreae apostoli, propter gloriam tui nominis crucifixi, ita confortasti in praelio, ut extolleres in triumpho, exaudi hunc coetum supplicem ac praesentem et praesta ut, qui hoc tempore eius sollemnitati debitum faenus exsolvimus, futuris temporibus modum vitae castissimae, ipso opitulante, servemus. | |
| 594 | Christe domine dei ... digneris reconciliare. |
| Christe domine, dei atque hominum mediator, qui per sanguinem crucis tuae cuncta, quae in caelis et quae in terris sunt, pacificare dignatus es, hoc per tropaeum passionis tuae tua pietas egit, quod et in initio tuae secundum carnem nativitatis angelus nuntiavit omnisque caelestis exercitus proclamavit: “Gloria semper deo in excelsis et in terra pax hominibus bonae voluntatis”. Hoc et post triumphum crucis tua placabilitas suis haec commendavit discipulis et donavit, ut in hoc omnibus tui ministri apparerent, si perfectam pacis concordiam invicem custodirent. Praesta igitur, domine, ut hii, qui vexillum crucis tuae in frontibus gestant, puram atque sinceram cum fratribus retineant caritatem et nos in osculo sancto digneris reconciliare. |
|
| 595 | Christe domine in ... inviolabiliter custodire. |
| Christe domine, in cuius adventu pax est reddita terris, pax collata hominibus bonae voluntatis, concede, quaesumus, ut, qui, per primum adventum ad nos in humanitate veniens, mundum tibi in pace conciliare dignatus es, reconciliatos per te in tua pace praestes iugiter permanere, quatenus in secundo adventu tuo, dum in maiestate et gloria veneris, facias heredes pacis aeternae, quos hic tuae pacis depositum feceris inviolabiliter custodire. | |
| 596 | Christe domine qui ... non repugnet. |
| Christe domine, qui et tuo vesci corpore et tuum corpus effici vis fideles, fac nos in remissionem peccatorum esse, quod sumpsimus, atque ita se animae nostrae divina alimonia, per benedictionem tuam facta, permisceant, ut caro, spiritui subdita et in conspectum pacificum subiugata, obtemperet, non repugnet. | |
| 597 | Christe domine qui ... placatus exaudias. |
| Christe domine, qui te exinanisti, ut nos adimpleres, qui humiliasti te, ut nos exaltares, ut, qui eras ante virginem, esses ex virgine ex deo patre natus, deus ante saecula, hodie homo nascereris ob saecula, te oramus et petimus, ut preces nostras placatus exaudias. | |
| 598 | Christe aeterna salvatio ... societate condigni. |
| Christe, aeterna salvatio et salutis integerrima plenitudo, pro quo ancilla tua ea desecta parte corporis cruciatur, qua infantibus succus lactis ingeritur, facito nos, ut, ubera suggentes matris ecclesiae, numquam praecidamur ab invicem, quo, alternae caritatis lacte potati, aeternorum simus civium societate condigni. | |
| 599 | Christe filius dei ... inter fratres. |
| Christe filius dei, qui, elevatus in cruce, discipulum matri matremque discipulo commendans, passionis nostrae calicem ebibens consummasti, tu nos placabilis efficito tibi, ut tam oblationes quam oblatores ita respiciendo sanctifices, sanctificando vivifices vivificandoque tibi ipse commendes, quo Ioannem apostolum tuum dilectio tua fecit honorabilem inter fratres. | |
| 600 | Christe filius dei ... piissimo muneremur. |
| Christe filius dei, quo nascente pax acclamata est ab angelis, tu ieiunia nostra sanctifica bono pacis, quo et utraque virtute fulgeamus et pro utriusque a te piissimo muneremur. | |
| 601 | Christe filius dei ... munere potiantur. |
| Christe, filius dei vivi, cuius virtutem mulier illa samaritana praenoscere meruit, cuius fidem casto corde suscepit cuiusque nomen, abiens in civitatem, celebre nuntiavit, da nobis, ut ea veritate nomen nostrum aeternis adscribatur in paginis, qua veritate nomen gloriae tuae ob miraculum deitatis admirabile factum est Samariae in populis. Praesta etiam, sancte deus, ut omnes, qui fideli intentione fatemur et credimus nomen tuae sanctissimae Trinitatis, numquam aeternis mancipemur suppliciis, quique in eadem, qua a te percepimus, fide vocati sunt, nullis flammarum adustionibus crucientur, sed concede eis, ut, sicut in hac vita inconcusse statum verae fidei tenuerunt, ita illius vitae gaudiis aeterno munere potiantur. | |
| 602 | Christe filius dei ... pereamus exspectes. |
| Christe, filius dei vivi, qui, apostolum tuum Petrum ita confessione iustificans, revelasse illi patrem tuum hanc ipsam tuam intellegentiam esse docuisti, cum, alia atque alia de te hominibus incerta opinione narrantibus, ille te, non secundum carnem et sanguinem metiendo, in veritate intelligeret, crederet, praedicaret, huius te intercessione supplices deprecamur, ut in desiderio nos ad te veniendi positos fides modica, mundo turbante, non subruat sed auxiliatricem dexteram ad liberandos nos, priusquam ad dubietatem, valida tentatione deducti, mergi forsitan incipiamus, extendas ac, si, propter fragilitatem nostram quod titubamus, increpites, non tamen, propter iniquitatem nostram ut pereamus, exspectes. | |
| 603 | Christe finis legis ... tuae placabili. |
| Christe, finis legis ad iustitiam omni credenti et bonorum omnium limes, qui ex circumcisione praeputioque venientibus lapis effectus es angularis, olim mysterio figurante, cum Iacob capiti unctus est, suppositus lapis, quem et Abraham in se uno ostendit, cum alios ex circumcisione, alios ex fide sua venire portendit, quatenus ex utraque gente unam in se faceret plebem, te quaesumus, te rogamus, ut, pro quibus praecepta legis implesti, ut absolveres, praeceptorum tuorum efficias effectores, ut, in pace tua acquisiti, pace potiamur maiestatis tuae placabili. | |
| 604 | Christe Iesu auctor ... in pagina. |
| Christe Iesu, auctor formationis omnimodae, haec nomina, quae coram tuo sunt altario recitata, caelesti mereantur praenotari in pagina. | |
| 605 | Christe Iesu cuius ... ardentiori succendant. |
| Christe Iesu, cuius doctrina in templum mediante die festo admirabilis visa est, fac nos in doctrinis tuis iugi meditatione manere atque ea semper ex ipsis memoriae nostrae commendabilia esse, quae et ad amorem nos fraternum absque ullius simultatis vitio pertrahant et in tui dilectionis desiderio ardentiori succendant. | |
| 606 | Christe Iesu domine ... vel defunctis. |
| Christe Iesu domine et salvator, cuius nomen fragrantissimus odor in universo adspargitur mundo, da nobis, devicto saeculo, municipatu frui sidereo, ut illic nostrorum nominum praescriptio fiat, quo martyr noster tecum iam gloriosus exsultat, quique prece martyris persecutorem destruxisti cum idolis, obtentu eius sacrificium hoc placabilis suscipe pro viventibus vel defunctis. | |
| 607 | Christe Iesu filius ... feliciter veniamus. |
| Christe Iesu, filius dei patris, qui nos sanguine tuo redemisti, fons pacis exsistis et origo purae dilectionis, praebe nobis indignis famulis tuis hanc, a te acceptam, cum omnibus hominibus servare pacem, dum vivimus, ut ad te, qui es auctor perfectae caritatis, quandoque feliciter veniamus. | |
| 608 | Christe Iesu qui ... et defendas. |
| Christe Iesu, qui es claritas angelorum, salus et gloria in te credentium animarum, interventu Thomae apostoli et martyris tui sit, quaesumus, nobis a te collata munditia cordis et corporis, ut tuis ubique pareamus praeceptis, et, sicut eum Indorum apostolum dedisti ad construendum spiritale aedificium, ita, eodem suffragante, cordibus nostris augeas fundamentum fidei. Non enim hic sanctus tuus utique missus tale opus erexit, ubi labentis saeculi frueretur luxuria sed ubi credentium animarum iugiter conquererentur lucra. Haec, ut ruinosa vetustas saeculi terrenis lateribus erectum quandoque dirueret palatium, sed caelesti in regno ex lapidibus pretiosis tibi credentibus peregit habitaculum feliciter sine fine mansurum. Huius ergo intercessione nobis pro miseris ipse placatus accipiens, sit, te favente, modesta regibus clementia, pontificali culmine finctis vita sanctis virtutibus fecunda, omnium sacerdotum actio sanctorum angelorum excubiis circumsaepta, levitarum et monachorum toga caritatis et castitatis decore ornata. Rutilet etiam in virginibus pudicitia sacra, sit continentibus puritas defaecata et laicis omnibus beatae vitae honestas clarissima. Sicque redemptam tuo sanguine plebem omnibus bonis propitius repleas, ut a cunctis incommodis pius eruas et defendas. |
|
| 609 | Christe Iesu qui ... gaudia indefessa. |
| Christe Iesu, qui es resurrectio mortuorum et vita, omnibus nobis subveniat misericordia tua et, sicut occultis consiliis tuis Lazarum quadriduanum revocasti ad vitam, ita quoque miserationibus consuetis et vivis morum correctionem attribuas post ruinam et defunctis aeternae mansionis gaudia indefessa. | |
| 610 | Christe Iesu qui ... sunt ostensa. |
| Christe Iesu, qui, virginali nasciturus de utero, praecursorem tuum Ioannem senili fecisti exoriri ex alvo, quem lucernam ardentem tuo constituisti in templo, fac nos lucere in ecclesia tua ardore fidei et instructione docendi, caritatis opere et humilitatis perfectione, orationis studio et castimoniae documento. Sicque nunc has oblationes offerentis populi fidelis accepta, ut cunctis congrua largiaris remedia; per eum et spiritale gaudium vivis et poenarum evasionem conferendo defunctis, per quem tibi in cordibus incredulorum et via est praeparata et indultae gratiae primordia sunt ostensa. | |
| 611 | Christe omnipotens deus ... repraesentes innoxios. |
| Christe, omnipotens deus, qui beatum Clementem antistitem, propter nomen tuum in altitudine maris paganorum tempestate dimersum, ut in certamine probasti bellorum, ita post bellum, patefactis arenis, educis gloriosum, quaesumus pietatem tuam, ut nos, a concupiscentiae procellis erutos, paternae gloriae repraesentes innoxios. | |
| 612 | Christe qui ad ... dignatus es. |
| Christe, qui, ad humana veniens humilis, deus in sidere declararis, illabere sensibus nostris, quo ecclesia tua, quae apparationis tuae festum hodierna die ovando concelebrat, in pace tua iugi tempore solidata consistat, ut et hic opera caritatis instanti devotione retentet et ad te remuneratura perveniat gaudens, qui olim ad liberationem eius per admirabile sidus apparere dignatus es. | |
| 613 | Christe qui es ... transigere mereamur. |
| Christe, qui es alpha et omega, initium et finis, tu benedicito his sacrificiis, ob principium praesentis anni tibi oblatis, et ita offerentium vocabula in libro vitae conscribens, ut defunctis requiem praestes, quo omnes, qui initia huius anni cum tripudio laudationis attollimus, reliquum excursum eius in tua servitute transigere mereamur. | |
| 614 | Christe qui es ... dulcedinem copulemur. |
| Christe, qui es origo et auctor purae dilectionis, pacem tuam, quaesumus, permisce parsimoniis nostris, quo tibi et per ieiunium obsequamur et per dulcedinem copulemur. | |
| 615 | Christe qui incursionem ... illecebris vitiorum. |
| Christe, qui incursionem malorum spirituum superari posse per ieiunium docuisti, tu a carne nostra et petulantiam libidinis pelle et gulae libitum refrenando compesce, ut corpus nostrum tibi per abstinentiam subiciatur, quod per ingluviem mancipatum est illecebris vitiorum. | |
| 616 | Christe qui moriens ... populis christianis. |
| Christe, qui moriens peremisti imperium mortis et resurgens spem resurrectionis praebuisti indignis, praesta nobis, ut haec oblatio offerentium et mortificationem nostrorum operetur facinorum et a criminibus resurgendi nobis praeparet commeatum. Sit huius litatione gaudium in caelis, securitas in terris, indulgentia vivis, requies defunctis, ut in hoc die, quo ipse victor redisti ab inferis, plenissimum amorem crucis impertias populis christianis. | |
| 617 | Christe qui pro ... pariant medicinam. |
| Christe, qui pro nobis deo patri in sacrificium es oblatus, qui, sanguine tuo terrena caelestibus socians, resurrectione tua nos doces sperare superna, his sacrificiis propitiatus illabere hisque benedicturus descende. Sint haec, quae tibi offerimus, libamina ita plenitudine benedictionis tuae referta, ut resurrectionis tuae festa celebrantibus optatam pariant medicinam. | |
| 618 | Christe redemptio nostra ... praestare defunctis. |
| Christe, redemptio nostra, qui olim noctem istam tuae resurrectionis illuminasti potentia, precamur, ut in hac, qua ipse vivus surrexisti a mortuis, et expiationem criminum vivis et requiem iubeas praestare defunctis. | |
| 619 | Christe redemptor nostrae ... copiam adipiscant. |
| Christe, redemptor nostrae mortalitatis, qui, caelestibus aquis emissis, Romanum tuum olim liberasti a flammis, immitte nunc super hoc sacrificium imbres tuae benedictionis, ut, qui ex eo libaverint, et peccatis careant ei virtutum spiritalium copiam adipiscant. | |
| 620 | Christe requies certa ... hostias immolemus. |
| Christe, requies certa laborum et fessarum relevatio animarum, qui septimo hoc die et, creata perficiendo, quiescis et, humana redimendo, in quiete sepulchri corporaliter degis, facito nos, ut, qui tuae mortis ac resurrectionis in hoc die tibi sacrificium exhibemus, servitutis operam respuamus. Repelle, quaesumus, a nobis fermentum malitiae et per caritatis opera in nostris cordibus requiesce, quo in hoc sabbatum sarcinam criminum non portemus sed in otio sanctae pacis paschales tibi hostias immolemus. |
|
| 621 | Christe verbum summi ... societate connexi. |
| Christe, verbum summi patris, qui caro factus es, ut habitares in nobis, illabere sensibus nostris, quo omnes, qui tuae incarnationis mysterio sumus redempti, perpetua maneamus pacis societate connexi. | |
| 622 | Christianam quaesumus domine ... dignanter absolve. |
| Christianam, quaesumus, domine, respice plebem et, quam aeternis dignatus es renovare mysteriis, a temporalibus culpis dignanter absolve. | |
| 623 | Christum dominum deprecemur ... in templo. |
| Christum dominum deprecemur, quem adorant magi. Prophetarum vaticinia complentur; veniunt ex oriente legati, fides gentium declaratur; circumciditur octava die circumcisionis inventor; ad templum ducitur offerendus, qui est adorandus in templo. | |
| 624 | Cibati pane vitae ... servare dignetur. |
| Cibati pane vitae et salutari poculo propinati, fratres carissimi, agamus gratias omnipotenti deo patri, obsecrantes misericordiam eius, ut hoc sanctum benedictionis suae donum, quod in nominis sui honorem percepimus, illaesum atque inviolatum in nobis semper servare dignetur. | |
| 625 | Cibi salutaris ac ... perpetuum gaudeamus. |
| Cibi salutaris ac poculi dona libantes, quaesumus, domine, ut, qui paschale mysterium sumpsimus, prodesse nobis in perpetuum gaudeamus. | |
| 626 | Cibo caelesti saginati ... effici mereamur. |
| Cibo caelesti saginati et poculo aeterni calicis recreati, fratres carissimi, domino deo nostro laudes et gratias indesinenter agamus, petentes, ut, qui sacrosanctum corpus domini Iesu Christi spiritaliter sumpsimus, exuti a carnalibus vitiis, spiritales effici mereamur. | |
| 627 | Clamantibus nobis ad ... concedatur aeterna. |
| Clamantibus nobis ad te, domine, miserere; moveat misericordiam tuam vox fidelis et flebilis atque illa, de qua totum speramus, pietas non reputet quod offendimus, dum respicit quod rogamus, et, cum grandis sit miseria esse nos reos, maior tibi sit clementia non esse nos miseros, tuo supplices egemus auxilio. Ante te et criminis nostri mala ponimus et dolores a te precando misericordiam, quam peccando repulimus, exspectamus. Praestetur his de indulgentia tua, quod rogaris accipere, quos agnoscis fiduciam de sua iustitia non habere, quo, viventium oblatione suscepta, requies a te defunctis concedatur aeterna. | |
| 628 | Clamantium ad te ... tribulatione succurre. |
| Clamantium ad te, quaesumus, domine, preces dignanter exaudi et, sicut Ninivitis, in afflictione positis, pepercisti, ita et nobis, in praesenti tribulatione succurre. | |
| 629 | Clarum nobis domine ... pausationis quietem. |
| Clarum nobis, domine, post resurrectionem filii tui maius solito lumine aethereum iubar elatum et, perpetuae illius noctis horrore discusso, temporalium licet diem, cum aeterna iam luce radiantem, testificata virtutum tuarum gloria, celebramus. Tu ergo, omnipotens deus, pater domini nostri, orantis populi tui in caelum vota surgentia placidus ac serenus acceptans, munimina tribue, spei dona concede. Offerentibus quoque tribue pacem et defunctis aeternae pausationis quietem. | |
| 630 | Clemens et clementissime ... omnium peccatorum. |
| Clemens et clementissime deus, qui per Clementem romuleum episcopum plurimos tuae divinitati congregas aggeres martyrum et multimodam catervam accumulas confessurum, dona pro tua miseratione spiritibus fidelium requiem defunctorum et nobis omnibus exoptatam remissionem omnium peccatorum. | |
| 631 | Clemens et clementissime ... gaudium sempiternum. |
| Clemens et clementissime domine deus, qui pacem tuam per Clementem episcopum cordibus radicasti fidelium, pace tua, qua ipse es, salvare intendas afflictas reliquias christianorum, ut, quia, veram pacem pacifici praedicando, durissimum et censuale a diversis nationibus sufferimus iugum, per te, qui vera et firmissima pax es, pervenire mereamur ad paradisi gaudium sempiternum. | |
| 632 | Clemens omnipotens et ... salvatione reddamus. |
| Clemens, omnipotens et misericors deus, duritiam nostri cordis averte, qua nec verbera multiplicata metuimus nec tantis mysteriis collata dona sentimus, et tua nobis inspiratione concede, ut et delictis veniam postulemus et gratias pro nostra salvatione reddamus. | |
| 633 | Clementia tua domine ... nos purifica. |
| Clementia tua, domine, munera nostra dignanter respiciat et beati Hieronymi confessoris tui et sacerdotis deprecatione per eadem nos purifica. | |
| 634 | Clementiam tuam domine ... voluntate comitetur. |
| Clementiam tuam, domine, deprecamur, ut his oblationibus plebis, quas in honorem beatissimi Germani antistitis et confessoris offerimus, signatum diem hodiernae sollemnitatis celebremus cum inconcussa fidei libertate, quam ille constanti mente defendit, precantes, ut robur patientiae eius nobiscum, si non opere, saltem voluntate comitetur. | |
| 635a | Clementiam tuam domine ... dilectione capiamus. |
| Clementiam tuam, domine, suppliciter exoramus, ut paschalis muneris sacramentum, quod fide recolimus et spe desideramus intenti, perpetua dilectione capiamus. | |
| 635b | Clementiam tuam domine ... dilectionem capiamus. |
| Clementiam tuam, domine, suppliciter exoramus, ut, quod paschalis muneris sacramentum fide recolimus et spe desideramus intenti, per tuam dilectionem capiamus. | |
| 635c | Clementiam tuam domine ... tui capiamus. |
| Clementiam tuam, domine, suppliciter exoramus, ut paschalis muneris sacramentum, quod fide recolimus et spe desideramus intenti, perpetua tua dilectione cum omnibus sanctis tuis in resurrectione domini nostri Iesu Christi filii tui capiamus. | |
| 636 | Clementiam tuam quaesumus ... valeamus aeternam. |
| Clementiam tuam quaesumus, omnipotens deus, ut, intercedente pro nobis beato Apollinare martyre tuo atque pontifice, veniam omnium consequi mereamur peccaminum et vitam capere valeamus aeternam. | |
| 637 | Clementiam tuam supplices ... pervenire concedas. |
| Clementiam tuam supplices exoramus, omnipotens deus, ut populum tuum, quem sacro baptismate renovare dignatus es, per haec paschalia munera ad aeternae vitae gaudia pervenire concedas. | |
| 638 | Clementissime aeterne omnipotens ... loca beata. |
| Clementissime, aeterne, omnipotens domine, cunctarumque creaturarum creator, te benedicimus teque collaudamus pro martyrum tuorum illorum triumphis, quibus, pro tuo nomine certantibus, dedisti immortalitatis coronam. Eorum ergo impetratu preces nostras suscipiat tua larga clementia et, his orantibus, concedas nobis veniam, qui tuis electis omnibus parasti loca beata. | |
| 639 | Clementissime Christe impenetrabili ... in caelis. |
| Clementissime Christe, impenetrabili maiestati tuae tremebundus assisto, dum multifarie obnoxia in me et accusantia crimina recognosco; debita altaribus tuis indignus sacrificia tuo conspectui offerre praesumo, qui ante tuae maiestatis praesentiam iaceo, corpore, mente cordeque pollutus; habes in te tuum antidotum, Christe, qui sanare, bone medice, vulnera nosti; conscriptum, quaeso, contra me, arbiter alme, dele chirographum, ne ultor in me suum peccati ultra valeat exigere nummum, et hoc a tua clementia indigno ore menteque deposco, ut sereno familiam tuam, sacra tuo nomini officia praeparantem, digneris aspicere vultu, ne per me indignum eorum salutis pereat pretium, pro quibus dignatus es, tuum sanctum fundendo sanguinem, esse redemptio sed tua nos semper et ubique protectione conserva, ut, quos pretioso sanguine redemisti in terris, aeterna facias cum sanctis tuis gloria munerari in caelis. | |
| 640 | Clementissime conditor qui ... est ianitor. |
| Clementissime conditor, qui tanta caritate succendisti discipulum, ut, se de nave iactato, ad te celer festinaret pede nudo per pelagus et, videns hanc dilectionem, claves ei daret siderum, voces inspice suggerentium ut, quicumque ex praecepto iunguntur ad osculum, livore pectoris excluso, illuc per gratiam ducantur, quo caeli Petrus est ianitor. | |
| 641 | Clementissime creaturarum omnium ... evasisse suppliciis. |
| Clementissime creaturarum omnium deus, pro cuius nomine beatissimi Xystus atque Laurentius martyres viriliter certaverunt et diverso moriendi genere coronati sunt, cum et Xystus tuo domitas iugo cervices carnificis gladio perempturus exhibuit et Laurentius, combustum in craticula corpus suum versari praecipiens, spiritum vitae inter flammas efflavit, te quaesumus, te rogamus, ut horum precibus corpus nostrum tentationum flammis non ardeat, cor divinis flatibus concalescat sicque Xystus ex accepto sacerdotali privilegio ligata criminum nostrorum vincula resolvat ac defunctorum nexus orationis favore disrumpat, ut, ministerii sui curam cunctis Laurentio impendente, et vivi piaculis et sepulti se noverint evasisse suppliciis. | |
| 642 | Clementissime deus qui ... dilectione constringas. |
| Clementissime deus, qui in pacis unitate laetaris, scilicet qui auctor es pacis et pax ab angelicis conclamatus es choris, concede per huius intercessionem athletae, ut ipsius dilectionis vinculo, quo discipulos, ad caelos remeans, conglobasti, ipso nos almifico nexu in tua et proximi dilectione constringas. | |
| 643 | Clementissime domine clementiam ... obtinere beatitudinem. |
| Clementissime domine, clementiam tuam simpliciter imploramus, ut, sancto primoque martyre tuo Stephano interveniente pro nobis, et praesentis vitae felicitatem et futurae mereamur obtinere beatitudinem. | |
| 644 | Clementissime et sanctissime ... dimittas peccata. |
| Clementissime et sanctissime domine, sanctifica haec munera, impuris manibus tibi delibata, per quae et offerentium suscipias vota et ex his sumentium cuncta dimittas peccata. | |
| 645 | Clementissimo et per ... laetabundi attolli. |
| Clementissimo et per te Clementi tuo, domine, lacrimosas fundimus preces, ut suo intercessu a te, deus, qui sine initio clemens et pius es, quos iubes, clementes in bonis actibus efficias. Praestetur ecclesiae tuae pax indeficiens, bonitas affluens, clementia regens, pietas benefaciens, protectio exuberans, lenitas mulcens, patrocinium defendens, mansuetudo corripiens, tranquillitas iustificans, visitatio salvans, misericordia subveniens et consueta subventio, nobis miseris parcens, quo mereamur, repulsis adversariis, tibi domino deservire et ad tuam clementiam quandoque iustificati laetabundi attolli. |
|
| 646 | Cognoscimus domine tuae ... uberioribus prosequaris. |
| Cognoscimus, domine, tuae circa nos clementiae largitatem et ideo fiducialius imploramus ut, quos pascere non desistis immeritos, et digne tibi servire perficias et donis uberioribus prosequaris. | |
| 647 | Commemoramus domine passionem ... peragere sacramenta. |
| Commemoramus, domine, passionem Iesu Christi domini nostri, qui, se tibi per crucis destinam in verum sacrificium offerens, confractis avernis obicibus, cum glorificata carne tertia die rediens a mortuis vivus, suis postmodum apparuit discipulis gloriosus. Et ideo per eius te mortem poscimus et rogamus, ut his sacrificiis ita propitius illabi iubeas, quo omnes, pro quibus offertur, et fermento malitiae careant et novitate spiritus paschalium gaudiorum mereantur peragere sacramenta. | |
| 648 | Commemorantes ergo redemptoris ... maiestatis acceptare. |
| Commemorantes ergo redemptoris nostri praecepta simulque passionem et in caelum ascensionem, offerimus tibi, deus pater omnipotens, haec dona et munera et fidelium tuorum sacrificia illibata, quae benedicere et sanctificare digneris et in conspectu tuae maiestatis acceptare. | |
| 649 | Commenda tibi deus ... inimicitiis abolitis. |
| Commenda tibi, deus pater, sacrificium singulare, in quo tantum te confidimus nobis posse placari, precantes, ut, sicut unicum dilectum filium tuum singulariter propitiationem fecisti pro peccatis nostris, ita specialiter sicut filiis nobis miserearis, cunctis offensionum nostrarum inimicitiis abolitis. | |
| 650 | Comple domine vota ... speramus habeamus. |
| Comple, domine, vota supplicum, exaudi gemitus peccatorum, osculetur nos ab osculo oris sui pacis magister et conditor, ut in nobis, hoc recipientibus holocaustum, pacem, quam speramus, habeamus. | |
| 651 | Compleas in nobis ... pignore salutari. |
| Compleas in nobis, domine Iesu, salvator mundi, de te in aeterna societate, quod hic donasti nobis in sacramenti tui pignore salutari. | |
| 652 | Complentes domine sacrificiorum ... clementer eripias. |
| Complentes, domine, sacrificiorum hodie sollemnia ac missarum adimplentes officia, agentes tibi gratias, petimus ac rogamus, ut nos quoque a malis omnibus clementer eripias. | |
| 653 | Complentes igitur atque ... sumentibus medicina. |
| Complentes igitur atque servantes praecepta unigeniti tui, precamur, omnipotens pater, ut his creaturis, superpositis altario tuo, spiritum sanctificationis infundas, ut, per transfusionem caelestis atque invisibilis sacramenti panis hic, transmutatus in carnem, et calix, transformatus in sanguinem, sit offerentibus gratia et sumentibus medicina. | |
| 654 | Completis nostrae redemptionis ... sine fine. |
| Completis nostrae redemptionis et tuae gratiae documentis, referentes tibi gratias, benedicimus te, domine Iesu Christe fili dei vivi, qui sanas vulnera peccatorum nostrorum, qui ad vitam reparas nostrum occasum, qui spem beatae resurrectionis dedisti nobis in consolationis pignore spiritum sanctum, qui dabis aeternam mansionem in regione vivorum. Dum ergo illa resurgendi tempus adducit, hic nos dignare in diei consolare labore, in mundi non perire pernicie et in transitu nostro ad te venire in tuae dilectionis dulcedine et in tua laude atque benedictione tecum persistere sine fine. |
|
| 655 | Comprime domine quaesumus ... insimulare confuta. |
| Comprime, domine, quaesumus, os iniqua loquentium et eos, qui nos moliuntur insimulare, confuta. | |
| 656a | Comprime domine quaesumus ... da quietem. |
| Comprime, domine, quaesumus, noxios semper incursus et salutarem temporibus nostris propitius da quietem. | |
| 656b | Comprime domine noxios ... consequi mereamur. |
| Comprime, domine, noxios semper incursus et salutarem quietem propitius dona temporibus, ut, qui nostris offensis crebrius fatigamur et merito nostrae iniquitatis affligimur, per huius litationem sacrificii pietatis tuae gratiam consequi mereamur. | |
| 657 | Concede credentibus misericors ... plebs absolvatur. |
| Concede credentibus, misericors deus, salvum nobis de Christi passione remedium, ut humanae fragilitatis praeteritae culpae laqueis aeterno suffragio plebs absolvatur. | |
| 658 | Concede domine electis ... membra numerentur. |
| Concede, domine, electis nostris, ut, sanctis edocti mysteriis, et renoventur fonte baptismatis et inter ecclesiae tuae membra numerentur. | |
| 659 | Concede domine populo ... fac adesse. |
| Concede, domine, populo tuo veniam peccatorum et religionis augmentum atque, ut ei tua dona multiplices, sanctorum martyrum tuorum patrocinia fac adesse. | |
| 660 | Concede domine quaesumus ... non negabis. |
| Concede, domine, quaesumus, morum nos correctione relevari, quia, cum haec dona contuleris, cuncta nobis utilia non negabis. | |
| 661 | Concede domine tuis ... a poenis. |
| Concede, domine, tuis, pro delicto supplicantibus, famulis veniae proventum, qui ob passionis praemium coronam beato Vincentio contulisti. Tribue, quaesumus, nostris eius intercessione medelam ulceribus, cuius vulneribus mirifice carnificem superasti. Exstingue sancti spiritus rore nostrorum incentiva vitiorum, qui iusti fide ignitas iuste sartagines glaciasti. Depelle fidei munere nostrae infidelitatis caliginem, qui profundi carceris noctem ob sancti merita caelesti iubare radiasti. Et, quia athletae tui, domine, corpus exanime ferarum ferocitas, te obsistente, vorare non valuit, nobis, tua protectione defensis, nulla saltem suggestio inimici vestigium infigat delicti. Pelagus, Christe, tui testis factus feretrum, eum, te iuvante, revexit ad littus; supplicum tuorum cursus vitae, te opitulante, redeat ad salutem. Illum immaculatae conscientiae meritum et, fidei virtute consummata passione, religio, te praesule, perduxit ad caelum; nos confessio flebilis, te miserante, eripiat ab inferno, ut per hoc sacrificium, quod tibi, in honorem praedicti martyris tui dedicandum, offerimus, cum martyribus tuae retributionis effulserit gloria, eorum suffragio evasisse se peccatores gaudeant securi a poenis. |
|
| 662 | Concede fidelibus tuis ... operibus perducantur. |
| Concede fidelibus tuis, quaesumus, domine, et sine cessatione capere paschalia sacramenta et desideranter exspectare ventura, ut, in mysteriis, quibus renovati sunt, permanentes, ad novam vitam his operibus perducantur. | |
| 663 | Concede misericors deus ... iniquitatibus resurgamus. |
| Concede, misericors deus, fragilitati nostrae praesidium, ut, qui sanctae dei genitricis requiem celebramus, intercessionis eius auxilio a nostris iniquitatibus resurgamus. | |
| 664 | Concede misericors deus ... indesinenter obtineat. |
| Concede, misericors deus, ut devotus tibi populus semper exsistat et de tua clementia, quod ei prosit, indesinenter obtineat. | |
| 665 | Concede misericors deus ... tempore sentiamus. |
| Concede, misericors deus, ut, quod paschalibus exsequimur institutis, fructiferum nobis omni tempore sentiamus. | |
| 666 | Concede misericors deus ... benignus auxilium. |
| Concede, misericors deus, ut, sicut nos tribuis sollemne tibi deferre ieiunium, sic nobis indulgentiae tuae praebeas benignus auxilium. | |
| 667 | Concede nobis clementissime ... inimici superare. |
| Concede nobis, clementissime pater, huius virtute sacramenti, quod devote percepimus, et intercessione beati Armagilli confessoris tui periculosa carnis desideria ac latentis insidias inimici superare. | |
| 668a | Concede nobis domine deus ... habeamus mentium puritatem. |
| Concede nobis, domine deus noster, ut, celebraturi sancta tua, non solum observantiam corporalem sed, quod est potius, habeamus mentium puritatem. | |
| 668b | Concede nobis domine quaesumus ... habeamus mentium puritatem. |
| Concede nobis, domine, quaesumus, ut, celebraturi sancta mysteria, non solum abstinentiam corporalem sed, quod est potius, habeamus mentium puritatem. | |
| 669 | Concede nobis domine ... diligamus affectu. |
| Concede nobis, domine deus noster, ut et te tota mente veneremur et omnes homines rationabili diligamus affectu. | |
| 670 | Concede nobis domine ... actibus enitescant. |
| Concede nobis, domine, exemplo Euphemiae virginis tuae, ut, tela nequissimi spiritus superantes, aeternorum civium simus participatione felices, quo, sicut praedictae virginis facies ac sociorum eius, verberatae alapis, albescebant, sic nostrae, te ad iudicium veniente, ex bonis actibus enitescant. | |
| 671 | Concede nobis domine ... exsultare victoria. |
| Concede nobis, domine, gratiam tuam in beati Laurentii martyris celebritate multiplicem, ut de tanti agone certaminis discat populus christianus et firma solidari patientia et pia exsultare victoria. | |
| 672 | Concede nobis domine ... tuae illustres. |
| Concede nobis, domine, interventu apostoli tui Thomae, et remissionem peccaminum et bonae vitae inspirare nobis peragere cursum, ut et sacrificia in huius sollemnitate passionis acceptos et sumentibus ea sanctificationis gratia tuae illustres. | |
| 673 | Concede nobis domine ... muniamur auxiliis. |
| Concede nobis, domine, praesidia militiae Christianae sanctis inchoare ieiuniis, ut, contra spiritales nequitias pugnaturi, continentiae muniamur auxiliis. | |
| 674 | Concede nobis domine ... competentibus exsequamur. |
| Concede nobis, domine, quaesumus, gratiam tuam, per quam boni esse possimus, et praesta, ut eandem studiis competentibus exsequamur. | |
| 675a | Concede nobis domine ... propitiatio potestatis. |
| Concede nobis, domine, quaesumus, ut haec hostia salutaris et nostrorum fiat purgatio delictorum et tuae propitiatio potestatis. | |
| 675b | Concede nobis domine ... propitiatio maiestatis. |
| Concede nobis, domine deus, ut haec hostia salutaris et nostrorum fiat purgatio delictorum et tuae propitiatio maiestatis. | |
| 676a | Concede nobis domine ... medicatione curetur. |
| Concede nobis, domine, quaesumus, ut sancta tua tibi placito corde sumamus et, quidquid in nostra mente vitiosum est, ipsius doni medicatione curetur. | |
| 676b | Concede nobis domine ... sacramenta quae sumpsimus quidquid in nostra mente vitiosum est ipsius medicationis |
| Concede nobis, domine, quaesumus, ut <per> sacramenta, quae sumpsimus, quidquid in nostra mente vitiosum est, ipsius medicationis dono curetur. | |
| 676c | Concede nobis domine ... sacramenta quae sumpsimus quidquid in nostra mente vulneratum est ipsius miserationis |
| Concede nobis, domine, quaesumus, ut <per> sacramenta, quae sumpsimus, quidquid in nostra mente vulneratum est, ipsius miserationis dono curetur. | |
| 677 | Concede nobis domine ... nocebit obreptio. |
| Concede nobis, domine, veniam delictorum et eos, qui nos impugnare moliuntur, expugna, quia, sub tuo munimine constitutis, nulla diaboli nocebit obreptio. | |
| 678 | Concede nobis domine ... dulcedinis habeamus. |
| Concede nobis, domine, ut, qui sanctis altaribus tuis primitias offerimus frugum, per pacis bonum et caritatis affectum habeas acceptum, ut, cum nostra nosque tibi offerimus, primitias ipsi in nobis tuae indesinenter dulcedinis habeamus. | |
| 679 | Concede nobis haec ... redemptionis exseritur. |
| Concede nobis haec, quaesumus, domine, frequentare mysteria, quia, quoties huius hostiae commemoratio celebratur, opus nostrae redemptionis exseritur. | |
| 680 | Concede nobis indignis ... per oblationem tui tibi placere mereamur in vera caritate qui es fidelis omnibus invocantibus te |
| Concede nobis indignis famulis tuis, mitissime deus, <ut> per oblationem tui tibi placere mereamur in vera caritate, qui es fidelis omnibus invocantibus te in veritate. | |
| 681 | Concede nobis misericors ... participatione salvari. |
| Concede nobis, misericors deus, et digne tuis servire semper altaribus et eorum perpetua participatione salvari. | |
| 682 | Concede nobis misericors ... amare iustitiam. |
| Concede nobis, misericors deus, et studia perversa deponere et sanctam semper amare iustitiam. | |
| 683 | Concede nobis misericors ... precibus assequamur. |
| Concede nobis, misericors deus, ut, quod imbecillitas nostra pro suo modulo non valet impetrare, sancti Laurentii precibus assequamur. | |
| 684 | Concede nobis misericors ... substantiam Trinitatis. |
| Concede nobis, misericors deus, ut, sicut nomine patris et filii divini generis intellegimus veritatem, sic in spiritu sancto totius cognoscamus substantiam Trinitatis. | |
| 685 | Concede nobis omnipotens ... protectione muniri. |
| Concede nobis, omnipotens deus, et in his, quae tibi placent, fixam tenere constantiam et tua semper protectione muniri. | |
| 686 | Concede nobis omnipotens ... mereamur aeternam. |
| Concede nobis, omnipotens deus, intercedente beato Lamberto martyre tuo atque pontifice, cuius annuam sollemnitatem celebramus, ut descendat hic benedictio tua super sacrificium nostrum in transformatione spiritus tui sancti, ut haec benedicendo benedicas, sanctificando sanctifices, ut, quicumque ex utraque benedictione sumpserimus, aeternitatis praemium et vitam consequi mereamur aeternam. | |
| 687 | Concede nobis omnipotens ... referre suffragiis. |
| Concede nobis, omnipotens deus, sanctae martyris Euphemiae et exsultare meritis et beneficia referre suffragiis. | |
| 688 | Concede nobis omnipotens ... meliora correctis. |
| Concede nobis, omnipotens deus, ut, ab improbis voluntatibus recedentes, praeceptorum tuorum rectitudinem subsequamur et, qui deviis etiam desiderata concedis, praestes meliora correctis. | |
| 689 | Concede nobis omnipotens ... tribuat famulatum. |
| Concede nobis, omnipotens deus, ut beati Silvestri confessoris tui atque pontificis honoranda celebritas tibi placitum tribuat famulatum. | |
| 690 | Concede nobis omnipotens ... rationabilia exsequamur. |
| Concede nobis, omnipotens deus, ut, despectis falsitatibus iniquorum, quae animae nostrae conveniunt, rationabilia exsequamur. | |
| 691 | Concede nobis omnipotens ... vivificemur acceptis. |
| Concede nobis, omnipotens deus, ut his muneribus, quae pro sanctorum martyrum Gervasii et Protasii honore deferimus, et te placemus exhibitis et nos vivificemur acceptis. | |
| 692 | Concede nobis omnipotens ... salutis acquirant. |
| Concede nobis, omnipotens deus, ut intercessione beati Pelagii martyris tui haec munera sancta, quae sumpsimus, et praesens animarum nobis medicamen conferant et praemium aeternae salutis acquirant. | |
| 693 | Concede nobis omnipotens ... conversatione sectemur. |
| Concede nobis, omnipotens deus, ut per annua quadragesimalis exercitia sacramenti et ad intellegendum Christi proficiamus arcanum et effectus eius digna conversatione sectemur. | |
| 694 | Concede nobis omnipotens ... effici mereamur. |
| Concede nobis, omnipotens deus, ut, qui diem consecrationis huius templi annua celebritate recolimus, ipsi quoque per sanctificationem tui spiritus tibi habitaculum effici mereamur. | |
| 695 | Concede nobis omnipotens ... fieri particeps. |
| Concede nobis, omnipotens deus, ut, sacramenti dominici nobis operante virtute, ipsius aeternitatis mereamur esse consortes, qui mortalitatis nostrae dignatus est fieri particeps. | |
| 696 | Concede nobis omnipotens ... cordibus oriatur. |
| Concede nobis, omnipotens deus, ut salutare tuum nova caelorum luce mirabili, quod ad salutem mundi hodierna festivitate processit, nostris semper innovandis cordibus oriatur. | |
| 697 | Concede nobis omnipotens ... gratiam consequamur. |
| Concede nobis, omnipotens deus, ut, sicut in passione sua dominus noster Iesus Christus diversa utrisque intulit stipendia meritorum, ita, ablato a nobis vetustatis errore, resurrectionis eius gratiam consequamur. | |
| 698 | Concede nobis omnipotens ... mereamur aeterna. |
| Concede nobis, omnipotens deus, ut, sicut temporali cena tuae passionis reficimur, ita satiari mereamur aeterna. | |
| 699 | Concede nobis quaesumus ... felicitatis praemium. |
| Concede nobis, quaesumus, omnipotens et misericors deus, per sancti Swithuni meritum nostrorum remissionem peccaminum et per gloriosi eiusdem praesulis interventum supernae felicitatis praemium. | |
| 700 | Concede nobis omnipotens ... tueatur adversitatibus. |
| Concede nobis, omnipotens et misericors deus, ut haec nostra sit salutifera oblatio et, intercedente beato Germano consessore tuo atque episcopo, a nostris reatibus liberet et a cunctis tueatur adversitatibus. | |
| 701 | Concede nobis omnipotens ... satisfactione corrigantur. |
| Concede nobis, omnipotens et mitissime deus, apud quem nulla est iniquitas, ut, qui huius sanctuarii tui possessionem diripiendo invadunt, celeri satisfactione corrigantur. | |
| 702 | Concede nobis quaesumus ... vita complacuit. |
| Concede nobis, quaesumus, domine, alacribus animis beati confessoris tui Benedicti sollemnia praevenire, cuius diversis decorata virtutibus tibi vita complacuit. | |
| 703 | Concede nobis quaesumus ... mandatis promptiores. |
| Concede nobis, quaesumus, domine, veniam peccatorum et religionis augmentum atque, ut in nobis tua dona multiplices, tuis fac mandatis promptiores. | |
| 704 | Concede nobis quaesumus ... celebrare devotione. |
| Concede nobis, quaesumus, omnipotens deus, venturam beati apostoli tui illius sollemnitatem congruo praevenire honore et venientem digna celebrare devotione. | |
| 705 | Concede nobis quaesumus ... vitae felicitatem. |
| Concede nobis, quaesumus, omnipotens et misericors deus, ut, sicut per beatos apostolos tuos Petrum et Paulum christianam suscepimus fidem, ita per ipsos etiam percipiamus aeternae vitae felicitatem. | |
| 706 | Concede nos famulos ... perfrui laetitia. |
| Concede nos famulos tuos, quaesumus, domine deus, perpetua mentis et corporis sanitate gaudere et gloriosa beatae Mariae semper virginis intercessione a praesenti liberari tristitia et futura perfrui laetitia. | |
| 707 | Concede nos famulos ... erui periculis. |
| Concede nos famulos tuos, quaesumus, domine, in beati Benedicti confessoris tui gaudentes sollemnitate, et ab omnibus absolvi peccatis et cunctis erui periculis. | |
| 708 | Concede omnipotens deus ... reddatur acceptus. |
| Concede, omnipotens deus, his salutaribus sacrificiis placatus ut famulus tuus ille ad peragendum regalis dignitatis officium inveniatur semper idoneus et caelestis patriae gaudiis reddatur acceptus. | |
| 709 | Concede omnipotens deus ... esse devoti. |
| Concede, omnipotens deus, ut et gaudiorum plenitudinem consequamur et maiestati tuae propensius <possimus> esse devoti. | |
| 710a | Concede quaesumus domine beatos ... te constituente principibus. |
| Concede, quaesumus, domine, beatos apostolos tuos intervenire pro nobis; ita enim nos salvari posse confidimus, si eorum precibus ecclesia gubernetur, quibus utitur, te constituente, principibus. | |
| 710b | Concede quaesumus domine ... constituente principe. |
| Concede, quaesumus, domine, beatum apostolum tuum Petrum intervenire pro nobis; ita enim nos salvari posse confidimus, si eius precibus ecclesia gubernetur, quo utitur, te constituente, principe. | |
| 710c | Concede quaesumus domine apostolos ... te constituente principibus. |
| Concede, quaesumus, domine, apostolos tuos intervenire pro nobis, quia tunc nos salvari posse confidimus, si eorum precibus tua gubernetur ecclesia, quibus utitur, te constituente, principibus. | |
| 710d | Concede quaesumus domine ... constituente doctrina. |
| Concede, quaesumus, domine, apostolum tuum Thomam intervenire pro nobis, cuius diem celebramus translationis, quia tunc nos salvari posse confidimus, si eius precibus tua gubernetur ecclesia, cuius utitur, te constituente, doctrina. | |
| 711 | Concede quaesumus domine ... praeparemur aeternis. |
| Concede, quaesumus, domine, beati sacerdotis et confessoris tui illius nos deprecatione muniri, ut et temporaliter his patrociniis foveamur et spiritaliter praeparemur aeternis. | |
| 712 | Concede quaesumus domine ... regione vivorum. |
| Concede, quaesumus, domine deus noster, ut animae famulorum famularumque tuarum, quorum quarumque commemorationem speciali devotione agimus et pro quibus orare iussi et debitores sumus, atque omnium benefactorum nostrorum ac omnium consanguineorum et familiarium nostrorum cunctorumque fidelium in sinibus sanctorum tuorum requiescant moxque, ex mortuis resuscitati, tibi placeant in regione vivorum. | |
| 713a | Concede quaesumus domine deus ... tuorum nobis intercessio consequatur. |
| Concede, quaesumus, domine deus noster, ut inter adversa, quae peccatorum debitis sustinemus, quod fiducia nostra non obtinet, martyrum tuorum nobis intercessio consequatur. | |
| 713b | Concede quaesumus domine deus ... illius nobis intercessio consequatur. |
| Concede, quaesumus, domine deus noster, ut inter adversa, quae peccatis sustinemus, quod fiducia nostra non obtinet, apostoli tui illius nobis intercessio consequatur. | |
| 713c | Concede quaesumus domine ... Sebastiani intercessio consequatur. |
| Concede, quaesumus, domine deus noster, ut inter adversa, quae pro delictorum debito sustinemus, quod fiducia nostra non obtinet, beati martyris tui Sebastiani intercessio consequatur. | |
| 714 | Concede quaesumus domine ... perennitatis acquirant. |
| Concede, quaesumus, domine deus noster, ut mysteria sancta, quae sumpsimus, intercedente beato Romano confessore tuo atque pontifice, et gratiam nobis devotionis obtineant et effectum beatae perennitatis acquirant. | |
| 715a | Concede quaesumus domine deus noster ut per tua semper sacramenta vivamus ... inhaerere mysteriis. |
| Concede, quaesumus, domine deus noster, ut per tua semper sacramenta vivamus, quia protegere non desistis, quos tuis semper indulseris inhaerere mysteriis. | |
| 715b | Concede quaesumus domine deus noster ut per tua semper quae sumpsimus ... inhaerere mysteriis. |
| Concede, quaesumus, domine deus noster, ut per tua semper, quae sumpsimus, sacramenta vivamus, quia suffragiis sacerdotis et martyris tui Leudegarii protegere non desistis, quos tuis semper indulseris inhaerere mysteriis. | |
| 716 | Concede quaesumus domine ... incursione defendat. |
| Concede, quaesumus, domine deus noster, ut, qui ad destructionem diaboli et remissionem natus est hodie peccatorum, et a culparum subreptione nos expiet et ab hostium incursione defendat. | |
| 717 | Concede quaesumus domine ... pastore percipiat. |
| Concede, quaesumus, domine, famulo tuo episcopo nostro, ut praedicando et exercendo, quae recta sunt, exemplo bonorum operum animas suorum instruat subditorum et aeternae remunerationis mercedem a te piissimo pastore percipiat. | |
| 718 | Concede quaesumus domine ... effectibus apprehendant. |
| Concede, quaesumus, domine, fidelibus tuis digne sancti Gregorii pontificis tui celebrare mysteria, ut eius, quae fideliter exsequuntur, et hic experiantur auxilia et aeternis effectibus apprehendant. | |
| 719a | Concede quaesumus domine ... celeri largitate percipiat. |
| Concede, quaesumus, domine, populo tuo veniam peccatorum et, quod meritis non praesumit, indulgentiae tuae celeri largitate percipiat. | |
| 719b | Concede quaesumus domine ... tuae largitate percipiat. |
| Concede, quaesumus, domine, famulo tuo illi suorum per haec sacramenta veniam delictorum et, quod meritis non praesumit, indulgentiae tuae largitate percipiat. | |
| 720 | Concede quaesumus domine ... largire praesidia. |
| Concede, quaesumus, domine, populo tuo veniam peccatorum et religionis augmentum atque, ut ei tua dona multiplices, sanctorum martyrum tuorum Protasii et Gervasii patrocinia fac adesse et largire praesidia. | |
| 721 | Concede quaesumus domine ... causa laetitiae. |
| Concede, quaesumus, domine, semper nos per haec mysteria paschalia gratulari, ut continua nostrae reparationis operatio perpetua nobis fiat causa laetitiae. | |
| 722 | Concede quaesumus domine ... suppliciter imploremus. |
| Concede, quaesumus, domine, ut ad preces tuas corda nostra flectamus et, esse tibi possibilia cuncta fidentes, non de elementorum profutura nobis speremus effectu sed de tua virtute suppliciter imploremus. | |
| 723 | Concede quaesumus domine ... perennitatis acquirat. |
| Concede, quaesumus, domine, ut oculis tuae maiestatis munus oblatum et gratiam nobis devotionis obtineat et effectum beatae perennitatis acquirat. | |
| 724 | Concede quaesumus domine ... et mente. |
| Concede, quaesumus, domine, ut perceptum novi sacramenti mysterium et corpore sentiamus et mente. | |
| 725 | Concede quaesumus domine ... merita celebrentur. |
| Concede, quaesumus, domine, ut, sicut famulus tuus ille oblatis optavit muneribus, beatorum martyrum tuorum illorum hic semper merita celebrentur. | |
| 726 | Concede quaesumus misericors ... vitam acquirat. |
| Concede, quaesumus, misericors deus, ut, intercedente beato Ricardo consessore tuo atque pontifice, tuae maiestati munus oblatum et gratiam nobis bene vivendi obtineat et gloriam sempiternam post hanc vitam acquirat. | |
| 727 | Concede quaesumus misericors ... nobis augmentum. |
| Concede, quaesumus, misericors deus, ut sancti martyris tui Adriani veneranda festivitas salutaris auxilii praestet nobis augmentum. | |
| 728a | Concede quaesumus omnipotens deus ad eorum gaudia ... sollemnitate gaudere. |
| Concede, quaesumus, omnipotens deus, ad eorum gaudia aeterna pertingere, de quorum nos virtute tribuis annua sollemnitate gaudere. | |
| 728b | Concede quaesumus omnipotens deus ad beatae Mariae ... sollemnitate gaudere. |
| Concede, quaesumus, omnipotens deus, ad beatae Mariae semper virginis gaudia aeterna pertingere, de cuius nos veneranda assumptione tribuis annua sollemnitate gaudere. | |
| 729 | Concede quaesumus omnipotens ... consequi ministerium. |
| Concede, quaesumus, omnipotens deus, animabus famulorum atque sacerdotum tuorum illorum felicitatis aeternae consortium, quibus donasti sacri altaris tui consequi ministerium. | |
| 730 | Concede quaesumus omnipotens ... suscipere devotione. |
| Concede, quaesumus, omnipotens deus, beati apostoli tui Barnabae sollemnitatem honore congruo celebrare et digna suscipere devotione. | |
| 731 | Concede quaesumus omnipotens ... respirare concede. |
| Concede, quaesumus, omnipotens deus, famulo tuo illi consolationis auxilium et, diuturnis calamitatibus laborantem, propitius respirare concede. | |
| 732 | Concede quaesumus omnipotens ... et meritis. |
| Concede, quaesumus, omnipotens deus, fidelibus tuis, beati Benedicti confessoris tui festa celebrantibus, cunctorum veniam peccatorum, ut, qui exsultantibus animis eius claritati congaudent, ipso apud te interveniente, consocientur et meritis. | |
| 733 | Concede quaesumus omnipotens ... exsultatione suscipiat. |
| Concede, quaesumus, omnipotens deus, fragilitati nostrae sufficientiam competentem, ut suae reparationis effectum et pia conversatione recenseat et cum exsultatione suscipiat. | |
| 734 | Concede quaesumus omnipotens ... animas praeparemus. |
| Concede, quaesumus, omnipotens deus, hanc gratiam plebi tuae adventum unigeniti tui cum summa vigilantia exspectare, ut, sicut ipse auctor nostrae salutis docuit, velut fulgentes lampadas in eius occursum nostras animas praeparemus. | |
| 735 | Concede quaesumus omnipotens ... pandente patefecit. |
| Concede, quaesumus, omnipotens deus, illius nos lucis consortes effici, quam tuus hodie filius in sui transfiguratione corporis, tua eum paternitate pandente, patefecit. | |
| 736 | Concede quaesumus omnipotens ... celerrime eruamur. |
| Concede, quaesumus, omnipotens deus, per merita et intercessionem beati illius, ut, qui merito nostrae iniquitatis affligimur, munere tuae pietatis per unigenitum tuum a saevis barbaris celerrime eruamur. | |
| 737 | Concede quaesumus omnipotens ... transire consortium. |
| Concede, quaesumus, omnipotens deus, sacramenta, quae sumpsimus in honore beatae Mariae virginis matris, immaculato corde servare, ut, nunc festa eius colentes, post excessum huius vitae ad ipsius mereamur transire consortium. | |
| 738 | Concede quaesumus omnipotens ... mereamur accipere. |
| Concede, quaesumus, omnipotens deus, spiritum nos sanctum votis promereri sedulis, quatenus eius gratia ab omnibus liberemur temptationibus et peccatorum nostrorum indulgentiam mereamur accipere. | |
| 739 | Concede quaesumus omnipotens ... actus imitemur. |
| Concede, quaesumus, omnipotens deus, ut ad meliorem vitam sanctorum tuorum exempla nos provocent, quatenus, quorum sollemnia agimus, etiam actus imitemur. | |
| 740 | Concede quaesumus omnipotens ... fideliter ministravit. |
| Concede, quaesumus, omnipotens deus, ut anima famuli tui illius abbatis atque sacerdotis per haec sancta mysteria in tuo conspectu semper clara consistat, quae fideliter ministravit. | |
| 741 | Concede quaesumus omnipotens ... laudibus honoremus. |
| Concede, quaesumus, omnipotens deus, ut beata virgo Marcellina suis pro nobis apud tuam misericordiam meritis obtineat, quo ipsius gloriosum excessum dignis ad tuam magnificentiam laudibus honoremus. | |
| 742 | Concede quaesumus omnipotens ... pervenire donasti. |
| Concede, quaesumus, omnipotens deus [ut] beati Birini confessoris tui nos ubique intercessionibus adiuvari, cuius nos doctrinis ad agnitionem tui nominis pervenire donasti. | |
| 743 | Concede quaesumus omnipotens ... in caelis. |
| Concede, quaesumus, omnipotens deus, ut beati Martini confessoris tui frequentata sollemnitas ad perpetuam populo tuo proficiat salutem et, quem saepius veneramur in terris, semper habeamus patronum in caelis. | |
| 744 | Concede quaesumus omnipotens ... fecunditate laetetur. |
| Concede, quaesumus, omnipotens deus, ut ecclesia tua et in suorum firmitate membrorum et in nova semper fecunditate laetetur. | |
| 745 | Concede quaesumus omnipotens ... adipisci mereatur. |
| Concede, quaesumus, omnipotens deus, ut familia tua, in hoc praesenti monasterio congregata, sine ullius murmurationis periculo in servitio sancti nominis tui secura possit exsistere et miserationum tuarum largitatem cum pace et concordia adipisci mereatur. | |
| 746a | Concede quaesumus omnipotens ... vivendo teneamus. |
| Concede, quaesumus, omnipotens deus, ut festa paschalia, quae venerando colimus, etiam vivendo teneamus. | |
| 746b | Concede quaesumus omnipotens ... moribus exsequamur. |
| Concede, quaesumus, omnipotens deus, ut festa paschalia, quae devotione colimus, moribus exsequamur. | |
| 747 | Concede quaesumus omnipotens ... suffragiis adiuvemur. |
| Concede, quaesumus, omnipotens deus, ut hac festivitate beatae martyris tuae Caeciliae, qua ad caelestia meruit evocari praemia, coniunctis sibi Tiburtio et Valeriano, sicut credimus et speramus, eorum suffragiis adiuvemur. | |
| 748 | Concede quaesumus omnipotens ... gratiae sentiamus. |
| Concede, quaesumus, omnipotens deus, ut huius perceptione sacramenti ita nostrae fragilitatis vitia expurgentur, quatenus per spiritum sanctum repromissum in nobis donum tuae gratiae sentiamus. | |
| 749 | Concede quaesumus omnipotens ... et muniat. |
| Concede, quaesumus, omnipotens deus, ut huius sacrificii munus oblatum fragilitatem nostram ab omni malo purget semper et muniat. | |
| 750 | Concede quaesumus omnipotens ... reddat acceptos. |
| Concede, quaesumus, omnipotens deus, ut ieiuniorum nobis sancta devotio et purificationem tribuat et maiestati tuae nos reddat acceptos. | |
| 751 | Concede quaesumus omnipotens ... actibus praesentemur. |
| Concede, quaesumus, omnipotens deus, ut in adventu filii tui domini nostri Iesu Christi cum omnibus sanctis placitis tibi actibus praesentemur. | |
| 752a | Concede quaesumus omnipotens Deus ut intercessio ... patrocinia sentiamus. |
| Concede, quaesumus, omnipotens deus, ut intercessio nos dei genitricis Mariae et omnium sanctorum ubique laetificet, ut, dum eorum merita recolimus, patrocinia sentiamus. ( recensio brevis ) Concede, quaesumus, omnipotens deus, ut intercessio nos sanctae dei genitricis Mariae sanctorumque omnium apostolorum, martyrum, consessorum, virginum et omnium electorum tuorum ubique laetificet, ut, dum eorum merita recolimus, patrocinia sentiamus. ( recensio media ) Concede, quaesumus, omnipotens deus, ut intercessio nos sanctae dei genitricis Mariae sanctarumque omnium caelestium virtutum et beatorum patriarcharum, prophetarum, apostolorum, martyrum, confessorum atque virginum et omnium electorum tuorum ubique laetificet, ut, dum eorum merita recolimus, patrocinia sentiamus. ( recensio longa ) |
|
| 752b | Concede quaesumus omnipotens ... patrocinia sentiamus. |
| Concede, quaesumus, omnipotens deus, ut sancta dei genitrix sanctique tui apostoli et omnes martyres, confessores ac virgines perfectique tui nos ubique laetificent, ut, dum eorum merita recolimus, patrocinia sentiamus. | |
| 753 | Concede quaesumus omnipotens ... temporibus laetiores. |
| Concede, quaesumus, omnipotens deus, ut magnae festivitatis ventura sollemnia prospero celebremus effectu pariterque reddamur et intenti caelestibus disciplinis et de nostris temporibus laetiores. | |
| 754a | Concede quaesumus omnipotens ... mentibus perseveret. |
| Concede, quaesumus, omnipotens deus, ut paschalis perceptio sacramenti continua in nostris mentibus perseveret. | |
| 754b | Concede quaesumus omnipotens ... continua perseveret. |
| Concede, quaesumus, omnipotens deus, ut paschalis perfectio sacramenti mentibus nostris continua perseveret. | |
| 755 | Concede quaesumus omnipotens ... sentiat liberatum. |
| Concede, quaesumus, omnipotens deus, ut per has oblationes, quas tibi offerimus pro anima famuli et sacerdotis tui illius, ante conspectum gratiae tuae semper exsultet, ut, qui tuis mysteriis fideliter ministravit, his oblationibus, te miserante, se sentiat liberatum. | |
| 756 | Concede quaesumus omnipotens ... educatione sectemur. |
| Concede, quaesumus, omnipotens deus, ut proxima ventura sollemnia ( ... lac. ... ) itaque, quaesumus, tibi, pater, acceptam et ad investigandam proximam Christi nativitatem ( ... lac. ... ) ipsius educatione sectemur. | |
| 757 | Concede quaesumus omnipotens ... subsidia capiamus. |
| Concede, quaesumus, omnipotens deus, ut, qui beatae Barnabae apostoli tui sollemnia colimus, eius meritis et precibus pietatis tuae subsidia capiamus. | |
| 758 | Concede quaesumus omnipotens ... intercessione muniamur. |
| Concede, quaesumus, omnipotens deus, ut, qui beati Ioannis baptistae sollemnia colimus, eius apud te intercessione muniamur. | |
| 759 | Concede quaesumus omnipotens ... instruamur exemplis. |
| Concede, quaesumus, omnipotens deus, ut, qui beati martyris tui illius sollemnia colimus, cuius gaudemus natalitiis, instruamur exemplis. | |
| 760 | Concede quaesumus omnipotens ... consolatione respiremus. |
| Concede, quaesumus, omnipotens deus, ut, qui ex merito nostrae actionis affligimur, tuae gratiae consolatione respiremus. | |
| 761 | Concede quaesumus omnipotens ... aeterna mereamur. |
| Concede, quaesumus, omnipotens deus, ut, qui festa paschalia venerando egimus, per haec contingere ad gaudia aeterna mereamur. | |
| 762 | Concede quaesumus omnipotens ... caelestibus habitemus. |
| Concede, quaesumus, omnipotens deus, ut, qui hodierna die unigenitum tuum ad caelos ascendisse credimus, ipsi quoque mente in caelestibus habitemus. | |
| 763 | Concede quaesumus omnipotens ... tuum sentiamus. |
| Concede, quaesumus, omnipotens deus, ut, qui in sancti Iohannis baptistae et martyris tui passione dona sacramenti percepimus, eius interventu auxilium tuum sentiamus. | |
| 764 | Concede quaesumus omnipotens ... sanctificatione vivamus. |
| Concede, quaesumus, omnipotens deus, ut, qui paschalis festivitatis sollemnia colimus, in tua semper sanctificatione vivamus. | |
| 765 | Concede quaesumus omnipotens ... festa liberemur. |
| Concede, quaesumus, omnipotens deus, ut, qui peccatorum nostrorum pondere premimur, a cunctis malis imminentibus per haec paschalia festa liberemur. | |
| 766 | Concede quaesumus omnipotens ... patrocinio sublevemur. |
| Concede, quaesumus, omnipotens deus, ut, qui peccatorum nostrorum pondere premimur, beati dominici confessoris tui patrocinio sublevemur. | |
| 767 | Concede quaesumus omnipotens ... mente serviamus. |
| Concede, quaesumus, omnipotens deus, ut, qui protectionis tuae gratiam quaerimus, liberati a malis omnibus, secura tibi mente serviamus. | |
| 768 | Concede quaesumus omnipotens ... animae resurgamus. |
| Concede, quaesumus, omnipotens deus, ut, qui resurrectionis dominicae sollemnia colimus, innovatione tui spiritus a morte animae resurgamus. | |
| 769a | Concede quaesumus omnipotens deus ut qui sollemnitatem ... vitae sitiamus. |
| Concede, quaesumus, omnipotens deus, ut, qui sollemnitatem doni spiritus sancti colimus, caelestibus desideriis accensi, fontem vitae sitiamus. | |
| 769b | Concede quaesumus omnipotens deus ut qui festa ... vitae sitiamus. |
| Concede, quaesumus, omnipotens deus, ut, qui festa paschalia agimus, caelestibus desideriis accensi, fontem vitae sitiamus. | |
| 770 | Concede quaesumus omnipotens ... mereamur participes. |
| Concede, quaesumus, omnipotens deus, ut, qui triumphum laudabilem beati levitae et martyris Iuliani recolimus, dignam ipsius imitationem sectando, gaudiorum eius effici mereamur participes. | |
| 771 | Concede quaesumus omnipotens ... nativitate liberemur. |
| Concede, quaesumus, omnipotens deus, ut, qui sub peccati iugo ex vetusta servitute deprimimur, exspectata unigeniti filii tui nova nativitate liberemur. | |
| 772 | Concede quaesumus omnipotens ... laude laetemur. |
| Concede, quaesumus, omnipotens deus, ut sancta dei genitrix sanctique tui apostoli, martyres, confessores, virgines atque omnes sancti, quorum iri ista continentur ecclesia patrocinia, nos ubique adiuvent, quatenus hic in illorum praesenti suffragio tranquilla pace in tua laude laetemur. | |
| 773 | Concede quaesumus omnipotens ... sollemnitate laetamur. |
| Concede, quaesumus, omnipotens deus, ut sanctorum martyrum tuorum illorum intercessionibus adiuvemur, pro quorum sollemnitate laetamur. | |
| 774 | Concede quaesumus omnipotens ... et praemiis. |
| Concede, quaesumus, omnipotens deus, ut sanctorum martyrum tuorum, quorum celebramus victorias, participemur et praemiis. | |
| 775 | Concede quaesumus omnipotens ... ipsi praeveniant. |
| Concede, quaesumus, omnipotens deus, ut, sicut apostolorum tuorum illorum gloriosa natalicia praevenimus, sic ad tua beneficia promerenda maiestatem tuam pro nobis ipsi praeveniant. | |
| 776 | Concede quaesumus omnipotens ... pacifico perfrui. |
| Concede, quaesumus, omnipotens deus, ut, sicut nos paschalibus gaudiis fecisti temporaliter gratulari, sic nos in aeterna beatitudine cum omnibus sanctis facias intuitu pacifico perfrui. | |
| 777 | Concede quaesumus omnipotens ... proficere sentiamus. |
| Concede, quaesumus, omnipotens deus, ut tua mysteria, quae in omnium sanctorum martyrum tuorum commemoratione percepimus, eorum intercessione nobis ad salutem proficere sentiamus. | |
| 778a | Concede quaesumus omnipotens ... servitus tenet. |
| Concede, quaesumus, omnipotens deus, ut unigeniti tui nova per, carnem nativitas liberet, quos sub peccati iugo vetusta servitus tenet. | |
| 778b | Concede quaesumus omnipotens ... nativitas liberet. |
| Concede, quaesumus, omnipotens deus, ut, quos sub peccati iugo vetusta servitus tenet, eos unigeniti tui nova per carnem nativitas liberet. | |
| 779 | Concede quaesumus omnipotens ... remediis transtulisti. |
| Concede, quaesumus, omnipotens deus, ut, veterem cum suis rationibus hominem deponentes, illius conversatione vivamus, ad cuius nos substantiam paschalibus remediis transtulisti. | |
| 780 | Concede quaesumus omnipotens ... laqueos evadamus. |
| Concede, quaesumus, omnipotens deus, ut, viam tuam devota mente currentes, subripientium delictorum laqueos evadamus. | |
| 781 | Concede quaesumus omnipotens ... aeternam salutem. |
| Concede, quaesumus, omnipotens et misericors deus, ut beata Euphemia, quae virginitatis pariter et martyrii promeruit palmam, intercessionibus suis et praesentis vitae remedia nobis conserat et aeternam salutem. | |
| 782 | Concede quaesumus omnipotens ... esse participes. |
| Concede, quaesumus, omnipotens et misericors deus, ut, qui venerandam gloriosissimi pontificis et confessoris tui Syri depositionem annuis frequentamus excubiis, dignam ipsius imitationem sectando, gaudiorum eius mereamur esse participes. | |
| 783 | Concede quaesumus omnipotens ... humeris portare. |
| Concede, quaesumus, omnipotens et misericors deus, ut, qui beati Christophori martyris tui memoriam agimus, eius piis meritis et intercessionibus a morte perpetua, subitanea peste, fame, timore, paupertate et ab omnibus insidiis inimicorum nostrorum liberemur in terris, per te, Iesu Christe, salvator mundi, rex gloriae, quem idem Christophorus meruit in suis humeris portare. | |
| 784 | Concede quaesumus omnipotens ... pervenire mereamur. |
| Concede, quaesumus, omnipotens et misericors deus, ut sancta virgo virginum Maria omnesque ordines angelorum atque omnes sancti et electi tui nos semper et ubique adiuvent, ut, quorum suffragia pariter poscimus, eorum iugiter precibus ab omni adversitate liberari remissionemque omnium peccatorum consequi et ad tuam misericordiam pervenire mereamur. | |
| 785 | Concede quaesumus rex ... et muniat. |
| Concede, quaesumus, rex aeterne, ut huius sacrificii munus interventu sancti Sigismundi regis et martyris tui fragilitatem nostram ab omni adversitate semper protegat et muniat. | |
| 786 | Conciliet nobis misericordiam ... et saluti. |
| Conciliet nobis misericordiam tuam, domine, munus oblatum nostraeque simul protectioni proficiat et saluti. | |
| 787 | Concordator discordiae et ... in futuro. |
| Concordator discordiae et origo societatis aeternae, indivisa Trinitas, deus, qui Sisenii infidelitatem, ab ecclesiae unitate disiunctam, per sanctum Clementem antistitem et subdis catholicae fidei et innectis perpetuae caritati, exaudi preces nostras illamque nobis pacem tribue, quam quondam, aetherem ascensurus, apostolis reliquisti, ut, qui praesentium labiorum impressione illigati fuerint osculo, tua custodia pacifici permaneant in futuro. | |
| 788 | Concurrat domine quaesumus ... benignus exoret. |
| Concurrat, domine, quaesumus, populus tuus et, toto tibi corde subiectus, obtineat, ut, ab omni perturbatione securus, et salvationis suae gaudia promptus exerceat et pro regenerandis benignus exoret. | |
| 789 | Concurrentes ad te ... consequi mereamur. |
| Concurrentes ad te, clementissime pater, omnipotens aeterne deus, in celebritate beatae martyris tuae Iustinae, praesta, quaesumus, ut eius semper gubernemur effectu et peccatorum nostrorum veniam consequi mereamur. | |
| 790 | Conditor et redemptor ... omnimoda plenitudo. |
| Conditor et redemptor humani generis, Christe filius dei patris, concede nobis famulis tuis, ut hodie tam viventibus quam defunctis criminum donetur remissio, qualiter cras omnibus in commune sit exsultationis omnimoda plenitudo. | |
| 791 | Conditor et redemptor ... aeternam salutem. |
| Conditor et redemptor humani generis, Christe filius dei, qui capiti virginis tuae, quod iam erat caelesti rore perfusum, magnam contulisti gratiam capillorum, quo suis videretur ad honorem crinibus tecta, quae propriis fuerat ad contumeliam vestimentis exuta, tu pius offerentium accipe vota, defunctis requiem praesta et cunctos in commune eiusdem virginis prece fac pervenire ad aeternam salutem. | |
| 792 | Conferat nobis domine ... significata veneremur et in nobis potius |
| Conferat nobis, domine, sancti Ioannis utrumque sollemnitas, ut magnifica sacramenta, quae sumpsimus, <et> significata veneremur et in nobis potius edita gaudeamus. | |
| 793 | Confessoris tui illius ... glorificandos attollas. |
| Confessoris tui illius, domine, memoriam facientes, qui te inter adversa confiteri non destitit, actu placuit, oratione quaesivit, perfectione invenit, te quaesumus, te rogamus, ut his victimis, tibi ob honorem eius oblatis, clementer illabi iubeas et ex his sumentibus peccata dimittas atque confessionis gratia glorificandos attollas. | |
| 794 | Confirma domine famulos ... mysteria transtulisti. |
| Confirma, domine, famulos tuos, quos ex aqua et spiritu sancto propitius redemisti, ut, veterem hominem cum suis actionibus deponentes, in ipsius conversatione vivamus, ad cuius substantiam per haec paschalia mysteria transtulisti. | |
| 795 | Confirma domine quaesumus ... dilectione sinceri. |
| Confirma, domine, quaesumus, tuorum corda filiorum et gratiae tuae virtute corrobora, ut et in tua sint supplicatione devoti et mutua dilectione sinceri. | |
| 796 | Confirma hoc deus ... conferre dignare. |
| Confirma hoc, deus, quod operatus es in nobis et custodi gratiam, quam nobis conferre dignatus es tuorum intercessione sanctorum et donum tuae misericordiae famulae tuae conferre dignare. | |
| 797a | Confitebimur tibi domine ... suavitatis accipias. |
| Confitebimur tibi, domine, confitebimur tibi et credimus pro nostro scelere te mortis corporee subdidisse supplicio et, pro omnium salute prostrato mortis interitu, triumphantibus angelis, caelestis patris mysticam ad mansionem reversum persolide; te petimus et rogamus, ut oblata in conspectu tuo nostrae servitutis libamina ipse tibi acceptabilia facias et accepta, discurrente sancto angelo tuo, nobis sanctificata dividas, ut, dum corda nostra corporis et sanguinis tui communicatione purificas, petitiones nostras in odorem suavitatis accipias. | |
| 797b | Confitemur domine confitemur ... suavitatis accipias. |
| Confitemur, domine, confitemur et credimus pro nostro scelere te et corporaliter mortis subisse supplicium et pro omnium salute, prostrato mortis interitu, triumphantibus angelis, caelestem patris, ex qua veneras, ad mansionem reversum. Propter quod te, deus omnipotens, rogamus et petimus, ut oblata in conspectu tuo nostrae libamina ipse tibi acceptabilia facias et accepta, discurrente sancto angelo tuo, nobis sanctificata distribuas, ut, dum corda nostra corporis et sanguinis filii tui domini nostri commixtione purificas, petitiones nostras in odorem suavitatis accipias. | |
| 798 | Confitemur nomini tuo ... interpellare mereamur. |
| Confitemur nomini tuo, domine, gemino cordis et vocis obsequio, celebrantes gratiam tuam pro triumphis martyris tui Genesii, qui, perficiens in infirmitate virtutem, aeternam vitam prius lavacro sanguinis quam regenerationis accepit, non adoptatus baptismate sed assumptus, non admiscendus neophytorum turbis sed consortiis angelorum. Huius igitur intercessionibus exaudi nos et adesto, domine, benedicturus his oblationibus nostris, ut te, quem in sanctis tuis colimus, per sanctos tuos interpellare mereamur. | |
| 799 | Congregati in unum ... et benedicat. |
| Congregati in unum in hoc celeberrimo martyris tui Zoili die, fide sincera, spe firma, caritate non ficta intenti, cum omni sobrietate deo patri clementissimo laudes et gratias agamus, orantes eius maiestatem, ut animum convertat ad nos, orationes quoque nostras semper hic et ubique sancti tui precibus exaudire dignetur, ab occultis nostris mundet nos et ab alienis quoque parcat servis suis, det ecclesiae sanctae catholicae per eius patrocinium firmitatem, qua hic per universum mundum est constituta, hanc augeat fide et in pace confirmet, liberet eam ab omni haerese et ab omni scandalo tueatur, sacerdotes suos induat iustitiam, quos speculatores domus Israel constituit, omnem clerum omnemque populum suum in pace custodiat et benedicat. | |
| 800a | Conscientias nostras quaesumus omnipotens deus cottidie visitando purifica ut veniente domino ... inveniat mansionem. |
| Conscientias nostras, quaesumus, omnipotens deus, cottidie visitando purifica, ut, veniente domino filio tuo, paratam sibi in nobis inveniat mansionem. | |
| 800b | Conscientias nostras quaesumus omnipotens deus cottidie visitando purifica ut veniente filio ... inveniat mansionem. |
| Conscientias nostras, quaesumus, omnipotens deus, cottidie visitando purifica, ut, veniente filio tuo domino nostro, paratam sibi in nobis inveniat mansionem. | |
| 800c | Conscientias nostras quaesumus omnipotens deus cottidie visitando purifica ut veniens filius ... inveniat mansionem. |
| Conscientias nostras, quaesumus, omnipotens deus, cottidie visitando purifica, ut, veniens, filius tuus dominus noster paratam sibi in nobis inveniat mansionem. | |
| 800d | Conscientias nostras quaesumus domine visitando purifica ut veniente filio tuo domino ... inveniat mansionem. |
| Conscientias nostras, quaesumus, domine, visitando purifica, ut, veniente filio tuo domino nostro, paratam sibi in nobis inveniat mansionem. | |
| 800e | Conscientias nostras quaesumus domine visitando purifica ut veniens filius tuus dominus ... inveniat mansionem. |
| Conscientias nostras, quaesumus, domine, visitando purifica, ut, veniens, filius tuus dominus noster paratam sibi in nobis inveniat mansionem. | |
| 800f | Conscientias nostras quaesumus domine visitando purifica ut veniens Iesus Christus filius ... inveniat mansionem. |
| Conscientias nostras, quaesumus, domine, visitando purifica, ut, veniens, Iesus Christus filius tuus dominus noster paratam sibi in nobis inveniat mansionem. | |
| 801 | Consecra quaesumus domine ... salvationis instituas. |
| Consecra, quaesumus, domine, quae de terrenis fructibus nomini tuo dicanda mandasti, ut et gratam tibi nostram facias servitutem et sacramentum nobis perpetuae salvationis instituas. | |
| 802 | Consecratum hunc diem ... ex mercede. |
| Consecratum hunc diem, Iesu redemptor noster, mentio tui martyris Saturnini copiosius innovat, in quo tanti viri, dum patrocinia quaerimus, translati corporis memoriam dedicamus. Huius proinde meritis largam nostris temporibus commoda pacem et obsequentis populi devotionem perpetuae caritatis remunera ex mercede. | |
| 803 | Consecuti gratiam muneris ... spiritaliter sentiamus. |
| Consecuti gratiam muneris sacri, supplices, domine, te rogamus ut, implorantibus pro nobis sanctis martyribus tuis, divinae virtutis effectum, quem corporaliter sumpsimus, spiritaliter sentiamus. | |
| 804 | Consequatur domine quaesumus ... assumat aeterna. |
| Consequatur domine, quaesumus, tuae benedictionis auxilium, quod supplex poscit ecclesia; percipiat indulgentiam, bonis operibus instruatur, temporalium necessitatum consolatione respiret, ad gaudia sempiterna perveniat et assumat aeterna. | |
| 805 | Conserva deus in ... sanctificationis impendas. |
| Conserva, deus, in nobis tuae misericordiae donum, qui in Iacobo et meritorum et nominis beneficium gratiae conservasti collatum, cum non immerito cognominatus est iustus, qui iustitiae operibus habebatur idoneus. Et ideo te rogamus et petimus, ut in hac sollemnitate passionis eius hoc sacrificium serenus aspicias, sanctifices et pietate solita benedicas sumentibusque ex eo donum sanctificationis impendas. | |
| 806 | Conserva domine familiam ... dona propitius. |
| Conserva, domine, familiam tuam, bonis semper operibus eruditam, et sic praesentibus consolare subsidiis, ut ad superna perducas dona propitius. | |
| 807 | Conserva domine in ... ovibus collocemur. |
| Conserva, domine, in pace tua, quos redemisti effusi sanguinis unda; libera ab scandalo, pro quibus pependisti in ligno; efficito caritatis opere dignos, quos tibi, praeeunte gratia, adoptasti in filios, ut, quotquot resurrectionis tuae victorias celebramus, ultimo iudicii tempore resurgentes, coronandi a dextris tuis cum ovibus collocemur. | |
| 808 | Conserva domine populum ... et corporis. |
| Conserva, domine, populum tuum et, quem salutaribus praesidiis non desinis adiuvare, perpetuis tribue gaudere beneficiis et mentis et corporis. | |
| 809 | Conserva domine populum ... gaudere remediis. |
| Conserva, domine, populum tuum et, quem sanctorum tuorum praesidiis non desinis adiuvare, perpetuis tribue gaudere remediis. | |
| 810 | Conserva domine populum ... mereamur caelestis. |
| Conserva, domine, populum tuum sub umbra protectionis tuae per invocationem nominis sancti et summi pontificis tui Cuthberti, ut illius adiuvemur exemplis et nos esse participes regni mereamur caelestis. | |
| 811 | Conserva domine quaesumus ... et donis. |
| Conserva, domine, quaesumus, familiam tuam et benedictionum tuarum propitius ubertate purifica, ut eruditionibus tuis multiplicetur et donis. | |
| 812a | Conserva in nobis domine munus tuum et quod te ... et pacem. |
| Conserva in nobis, domine, munus tuum et, quod, te donante, pro sollemnitate beati martyris tui Laurentii percepimus, et salutem nobis praestet et pacem. | |
| 812b | Conserva in nobis domine munus tuum quod te ... et pacem. |
| Conserva in nobis, domine, munus tuum, quod, te donante, pro sollemnitate beati Laurentii levitae percepimus, ut et salutem nobis praestet et pacem. | |
| 812c | Conserva quaesumus domine ... et pacem. |
| Conserva, quaesumus, domine, munus tuum in nobis, ut, quod, te donante, pro beati Laurentii martyris tui sollemnitate percepimus, et salutem nobis operetur et pacem. | |
| 812d | Conserva domine munus ... et pacem. |
| Conserva, domine, munus tuum in nobis, ut, quod, te donante, pro sollemnitate beati Laurentii martyris tui percepimus, et salutem nobis operetur et pacem. | |
| 813 | Conserva in nobis ... sordibus emundemur. |
| Conserva in nobis, omnipotens deus, tanti pignoris sacramentum, ut, qui annua revolutione celebramus in passione domini nostri veneranda mysteria, ab omnibus peccatorum sordibus emundemur. | |
| 814 | Conserva in nobis ... facias documento. |
| Conserva in nobis, quaesumus, domine, misericordiam tuam et, quos ab erroris liberasti caligine, veritatis tuae firmius inhaerere facias documento. | |
| 815 | Conserva populum tuum ... dona percipiat. |
| Conserva populum tuum, deus, et tuo nomini fac devotum, ut, divinis subiectus officiis, et temporalis vitae pariter et aeternae dona percipiat. | |
| 816 | Conserva quaesumus domine ... adversitate custodi. |
| Conserva, quaesumus, domine deus, longaeva prosperitate populo tuo rectorem, quem dedisti, et nobis famulis tuis tuae caritatis spiritum infunde et populum christianum potentiae tuae dextera ab omni adversitate custodi. | |
| 817 | Conserva quaesumus domine ... sint repleti. |
| Conserva, quaesumus, domine, filiorum tuorum tibi subditam servitutem, ut, intervenientibus sanctis, tua redemptione sint digni, tua semper gratia sint repleti. | |
| 818 | Conserva quaesumus domine ... gaudere remediis. |
| Conserva, quaesumus, domine, plebem tuam per merita beati Botulphi confessoris tui atque abbatis, et, quam sacramentorum tuorum admirabili dulcedine reficis, perpetuis tribue gaudere remediis. | |
| 819 | Conserva quaesumus domine ... mente deserviat. |
| Conserva, quaesumus, domine, populum tuum et ab omnibus, quas meretur, adversitatibus redde securum, ut, tranquillitate percepta, devota tibi mente deserviat. | |
| 820 | Conserva quaesumus domine ... gaudeat institutis. |
| Conserva, quaesumus, domine, populum tuum et gratiae tuae in eo dona multiplica, ut, ab omnibus liber offensis, et temporalibus non destituatur auxiliis et sempiternis gaudeat institutis. | |
| 821a | Conserva quaesumus domine populum ... consortes fieri caelestium gaudiorum. |
| Conserva, quaesumus, domine, populum tuum, intercessione beati Bricii confessoris tui atque pontificis in tuo amore confisum, ut mereamur, ipso intercedente, consortes fieri caelestium gaudiorum. | |
| 821b | Conserva quaesumus domine populum ... participes fieri caelestium gaudiorum. |
| Conserva, quaesumus, domine, populum tuum, in tua misericordia confisum, et intercessione beatorum Maximi et Philiberti confessorum tuorum mereamur cum illis participes fieri caelestium gaudiorum. | |
| 822 | Conserva quaesumus omnipotens ... mereamur illaesi. |
| Conserva, quaesumus, omnipotens deus, vitam nostram immaculatam et incremento cunctarum virtutum, ut, interveniente beatissimo apostolo tuo Petro, et tua misericordia universorum veniam percipiamus delictorum et ad patriam tuae repromissionis aeternam quandoque pervenire mereamur illaesi. | |
| 823a | Conservent nos quaesumus ... tribuant nobis. |
| Conservent nos, quaesumus, domine, munera tua et aeternam vitam tribuant nobis. | |
| 823b | Conservent nos domine ... conferant supplicantibus. |
| Conservent nos, domine, quaesumus, munera tua et, intercedente beato Marco confessore tuo atque pontifice, vitam nobis aeternam conferant supplicantibus. | |
| 824 | Conspirantes domine contra ... falsitas veritati. |
| Conspirantes, domine, contra tuae plenitudinis firmamentum dexterae tuae virtute prosterne, ut iustitiae non dominetur iniquitas sed subdatur semper falsitas veritati. | |
| 825 | Consummati ac refecti ... illaesa communio. |
| Consummati ac refecti cibo caelesti, eucharistiae mysterio in substantiam gloriosae immortalitatis admixti, agamus deo patri omnipotenti gratias, quod terrenae nos originis atque naturae sacramenti sui dono in caelestem vivificaverit demutationem, ut, per alimoniam corporis et sanguinis Iesu Christi consecratos, ad incrementum immortalitatis eveheret, cuius muneris apud nos maneat illaesa communio. | |
| 826 | Contere quaesumus domine ... et pacem. |
| Contere, quaesumus, domine, hostes populi tui et delicta nostra, quorum merito nobis dominantur, emunda, ut, cum tibi placitam puritatem mentibus nostris infuderis, largiaris et pacem. | |
| 827 | Contriti spiritus tibi ... multiplices incrementa. |
| Contriti spiritus tibi, deus, hostiam immolantes internae precis, te supplicatione rogamus, ut sic ieiunia nostra tibi acceptabilia fiant, qualiter pacis et caritatis in nobis multiplices incrementa. | |
| 828 | Contueri tuam Christe ... arcana perlustres. |
| Contueri tuam, Christe, cupientes praesentiam, qui, humana non deserens, appetisti superna, petimus et rogamus, ut, qui pignus assumptae carnis intulisti in caelos, consolationem nobis sancti spiritus largiaris, cuius nunc praesentia et apposita haec tibi oblata sanctifices et nostrorum cordium arcana perlustres. | |
| 829 | Convaluisti domine Iesu ... pueri tui. |
| Convaluisti, domine Iesu Christe, in gratia et incredulis gentibus sedula testatione claruisti. Te annuntians, beatissimus doctor ille Ioannes, tam incomparabilis sanctitate quam singularis magisterii assertor, fontem lavacri sitientibus dabat, sed esse venturum te procul dubio nuntiabat. Ille descenderat aquis, corpora purgaturus; sperabaris tu, domine, animas corporum redempturus. Ex huius enim voce cognovimus unigenitum te, domine, in corporis forma et carne conspicuum, de quo nobis dixit, “Ecce agnus dei, ecce, qui tollit peccatum mundi”. Hic est enim, cui et nomen, antequam conciperetur, dedisti, quem et spiritu sancto, priusquam nasceretur, implesti, qui et sterilitatem matris, conceptus, abstersit et patris linguam, natus, absolvit. Oramus ergo te, domine, ut hanc oblationem nostram respicere et benedicere digneris, sicut benedicere dignatus es munus Abel iusti pueri tui. |
|
| 830a | Converte nos deus ... institue disciplinis. |
| Converte nos, deus salutaris noster, et, ut nobis ieiunium corporale proficiat, mentes nostras caelestibus institue disciplinis. | |
| 830b | Converte nos deus ... instrue disciplinis. |
| Converte nos, deus salutaris noster, et, ut nobis ieiunium quadragesimale proficiat, mentes nostras caelestibus instrue disciplinis. | |
| 831 | Converte nos domine ... correctio salutaris. |
| Converte nos, domine, tuae propitiationis auxilio, ut castigatio, peccatoribus convenienter adhibita, fiat correctio salutaris. | |
| 832 | Convertere domine ad ... vita iudicium. |
| Convertere, domine, ad preces familiae tuae, quas pro tuo honore per eum deferimus, per cuius confessionem et mortem te praedicatum incredulis sine cunctatione cognovimus. Ideoque clementia patientiae tuae ita nostris adsit petitionibus, ut nostris per eum patiatur se imprecati orationibus. Quidquid enim per eum speratur, a te, domine, exspectatur. Ipse nobis de te, quod in se redundat, exhibeat; ipse ad te preces nostras portitor deferat; ipse nobis placabilitatem tuam intercessor obtineat. Te autem, alme Vincenti, vernule martyr, cuncta cohors alumna lacrimabili prece circumdat; te huius catervae toga submissa flagitat mente. Universis de te pluralis devotio singulisque in se diversa necessitudo est. Alius ovans vota persolvit; alius plorans maestitudinis quaestus exponit. Tua sanctitas et vota suscipiat et taediosis succurrat. Beatitudo enim tua omnibus anxiis remedia te faenerare compellit, obtinendi namque pro singulis apud dominum Iesum Christum et nostrum est fidere sine cunctatione opem ferre, quod posceris, et tuum est libenter praestare, quod imploraris. Tuo freti intercessu recurrant ad paenitentiam lapsi, ad indulgentiam rei, ad laetitiam maesti, ad medelam languidi, ad caespites exsules, ad portum tranquillitatis naufragi, regiones ad proprias peregrini, ad redemptionem captivi, ad sospitatem cives, ad quietem hospites. Tuo obtentu iugis adhaereat regibus clementia, potestatibus patientia, militibus modestia. Tuo interventu adsuescant avari misericordiam, luxuriosi continentiam, petulantes pudicitiam. Tuo suffragio perfruantur caeci corde fidei lucem, Hebraei catholicam fidem, erectionem oppressi, solutionem vincti, correctionem devii, salutem inconvulsibilem furiosi. Tuo adiuti auxilio, ambiant teneantque clerici sanctitatem, monachi custodiam, religiosi castimoniam, perfectissimam laici honestatem. Teque intercedente, perfectum habeat sapientia intellectum, terra proventum, anima lucrum, vita iudicium. |
|
| 833 | Convertere domine cor ... conferat praemium. |
| Convertere, domine, cor nostrum in bonis operibus tuis et, quidquid pro fragilitate excedimus, tu indulge propitius. Plenitudinem indulgentiae concede et defunctis requiem tribue. Intercessu quoque sanctorum tuorum occurrat nobis miserationis tuae suffragium et remissio peccatorum conferat praemium. | |
| 834a | Copiosa beneficia quaesumus ... redemptionis inveniat. |
| Copiosa beneficia, quaesumus, domine, christianus populus assequatur, ut, qui in honorem sanctorum sacrandis tibi liminibus devotus occurrit, et vitae subsidia praesentis accipiat et gratiam sempiternae redemptionis inveniat. | |
| 834b | Copiosa protectionis tuae ... benedictionis inveniat. |
| Copiosa protectionis tuae beneficia, quaesumus, domine deus, familia tua consequatur, ut, quae sacris tibi liminibus devota consistit, intercessione beati illius atque omnium sanctorum, et vitae praesentis subsidio gratuletur et gratiam aeternae benedictionis inveniat. | |
| 835 | Cor populi tui ... magnificari deposcimus. |
| Cor populi tui, quaesumus, domine, converte propitius, ut ab his muneribus non recedant, quibus maiestatem tuam magnificari deposcimus. | |
| 836 | Coram altario tuo ... indultae beatitudinis. |
| Coram altario tuo, domine, et fidelium deferuntur vota et ieiuniorum obsequia. Propter quod te humili prece rogamus, ut huius ieiunii litatione ita acceptentur a te obsequia familiae tuae, qualiter et universitas fidelium tuis remuneretur ex donis et defunctorum animae amoenitate foveantur indultae beatitudinis. | |
| 837a | Corda nostra quaesumus domine venturae ... claritatis aeternae. |
| Corda nostra, quaesumus, domine, venturae festivitatis splendor illustret, quo (et) mundi huius tenebris carere valeamus et perveniamus ad patriam claritatis aeternae. | |
| 837b | Corda nostra quaesumus domine sanctus ... claritatis aeternae. |
| Corda nostra, quaesumus, domine, sanctus splendor tuae incarnationis, nativitatis, passionis, resurrectionis, ascensionis et adventus spiritus sancti clementi respectu illustret, quo mundi huius tenebris carere valeamus et, ipso ducente, per veniamus ad patriam claritatis aeternae. | |
| 838 | Cordibus nostris domine ... deputemur aeternis. |
| Cordibus nostris, domine, benignus infunde ut, peccata nostra castigatione voluntaria cohibentes, temporaliter potius maceremur, quam suppliciis deputemur aeternis. | |
| 839 | Cordibus nostris quaesumus ... retrahamus excessu. |
| Cordibus nostris, quaesumus, domine, benignus infunde ut, sicut ab escis corporalibus temperamur, ita sensus quoque nostros a noxio retrahamus excessu. | |
| 840 | Cordibus nostris quaesumus ... abba Bertinus. |
| Cordibus nostris, quaesumus, domine, caelestis gloriae inspira desiderium et praesta, ut in dextris illuc feramus manipulos iustitiae, ubi tecum sidus aureum sanctus coruscat abba Bertinus. | |
| 841 | Corpora mentesque nostras ... et protegamur. |
| Corpora mentesque nostras, omnipotens deus, dignanter emunda, ut, tua benedictione firmati, ab unigenito tuo domino nostro, quem exspectamus, veniente semper illuminemur et protegamur. | |
| 842a | Corpore et sanguine ... consolationem mereamur. |
| Corpore et sanguine tuo, domine, satiati, quaesumus, ut pro nostris semper peccatis nobis compunctionem cordis et luctum fluminaque multa lacrimarum largioris, quatenus caelestem in futuro consolationem mereamur. | |
| 842b | Corpore et sanguine ... accipere merear. |
| Corpore et sanguine filii tui satiatus, domine, quaeso, ut pro meis peccatis compunctionem mentis et corporis atque flumina lacrimarum mihi peccatori largiaris, quatenus hic et in futuro caelestem consolationem accipere merear. | |
| 843 | Corpore tuo sacro ... videre mereamur. |
| Corpore tuo sacro et sanguine pretioso satiati, te, domine, deprecamur, ut, sicut, ex mortuis resurgendo, carissimae matris tuae maerorem in gaudium et planctum in iubilum commutasti, sic et nos te, pro nobis temporaliter mortuum, cum ea lugere facias, ut, in aeternum viventem, laeti videre mereamur. | |
| 844 | Corporis et sanguinis ... in aeternum. |
| Corporis et sanguinis Iesu domini et redemptoris nostri communione percepta, tuam, omnipotens pater, precamur clementiam, ut intercessione sanctarum virginum tuarum ab omni angustia liberare digneris clerum ac populum, tibi subiectum, et ad regnum perducere, fidelibus tuis praeparatum in aeternum. | |
| 845 | Corporis et sanguinis ... effectibus largiatur. |
| Corporis et sanguinis sacrosancti, domine, quaesumus, gratia nos sumpta vivificet et, quod mysticis actionibus pollicetur, aeternis effectibus largiatur. | |
| 846 | Corporis et sanguinis ... perducat convivium. |
| Corporis et sanguinis tui, domine Iesu Christe, venerabile sacramentum, dilecti tui Blasii opitulantibus meritis, nos ad caelestis mensae perducat convivium. | |
| 847a | Corporis sacri et pretiosi sanguinis repleti libamine quaesumus deus ... redemptione capiamus. |
| Corporis sacri et pretiosi sanguinis repleti libamine, quaesumus, deus noster; quod pia devotione gerimus, certa redemptione capiamus. | |
| 847b | Corporis sacri et pretiosi sanguinis repleti libamine quaesumus domine ... redemptione capiamus. |
| Corporis sacri et pretiosi sanguinis repleti libamine, quaesumus, domine deus noster, ut, quod pia devotione gerimus, certa redemptione capiamus. | |
| 848 | Corporis sacri et ... muniendo custodias. |
| Corporis sacri et pretiosi sanguinis repleti libamine, quaesumus, domine deus noster, uti gratiae tuae munus, quod immeritis contulisti, intercedente beato Petro apostolo tuo, propitius muniendo custodias. | |
| 849 | Corporis sacri et ... gloriam consequatur. |
| Corporis sacri et pretiosi sanguinis repleti libamine, quaesumus, omnipotens deus, ut per haec sancta mysteria anima famuli tui illius aeternae beatitudinis gloriam consequatur. | |
| 850a | Corpus tuum domine ... intraverunt sacramenta. |
| Corpus tuum, domine, quod accepimus, et calicem tuum, quem potavimus, haereat in visceribus nostris; praesta, deus omnipotens, ut non remaneat macula, ubi pura et sancta intraverunt sacramenta. | |
| 850b | Corpus tuum domine ... sanguinis tui. |
| Corpus tuum, domine, quod accepi, et sanctus calix tuus, quem potavi, adhaereat, obsecro, in visceribus animae meae et praesta, ut in me non remaneat macula peccati, in quem pura et sancta introierunt sacramenta corporis et sanguinis tui. | |
| 851 | Corripe nos domine ... perdere nos. |
| Corripe nos, domine, in misericordia et non in furore, qui et corripiendo parcis et parcendo remittis, qui et flagellando non perdis et miserando convertis, ut et correptione tua corrigamur et indulgentia consolemur, ut et disciplina erudiamur et medicina curemur, ut et verbere castigemur et pietate sanemur. Placeat ergo tibi, domine, liberare nos; placeat corrigere, non perdere nos. | |
| 852 | Cottidiani domine quaesumus ... salutis augmentum. |
| Cottidiani, domine, quaesumus, munere sacramenti perpetuae nobis tribue salutis augmentum. | |
| 853 | Creator et conditor ... gloriae regno. |
| Creator et conditor omnium, deus, qui per summum sacerdotem atque pontificem filium tuum dominum nostrum Iesum Christum sacerdotale culmen et pontificale sceptrum super servum tuum beatum Ambrosium hodierno die et tempore consecrasti, consecrationis nostrae initia, eo intercedente, sanctifica et plebem tuam benedicere dignare de caelesti tuae gloriae regno. | |
| 854 | Creator populi tui ... restaurata custodiant. |
| Creator populi tui, deus, atque reparator, tuere supplices, tuere misericordiam postulantes, ut, satisfactione pro se intercedente sanctorum illorum, et instituta bona recipiant et restaurata custodiant. | |
| 855 | Creaturarum omnium auctor ... voce lauderis. |
| Creaturarum omnium auctor, deus et domine, qui universa per coaeternum tibi filium, cooperante sancto spiritu, condidisti, da populis tuis scire, quod praecipis, custodire, quod praestas, ut et tua inspiratione credaris et.nostra semper voce lauderis. | |
| 856 | Credentes domine universa ... vitam aeternam. |
| Credentes, domine, universa mirabilia domini nostri Iesu Christi filii tui atque incarnationis suae et divinitatis potentiam confitentes, ipsisque laudibus exsultamus tibique sacrificium laudis offerimus, rogantes clementiam tuam, summa Trinitas deus et infinita maiestas, ut haec oblatio, quam in sancto altario tuo deferimus pro nostrorum expiatione facinorum, sit tuis oculis placita, sit accepta; simulque effice, illo sancto spiritu superveniente, septiformis benedicta, quae ubique deus manifestat in eis, ut, te benedicente, si quis ex ea libaverit, te largiente, et in hoc saeculo percipiat medicinam et in futuro consequatur vitam aeternam. | |
| 857 | Credimus domine adventum ... effusus est. |
| Credimus, domine, adventum tuum, recolimus passionem tuam. Corpus tuum in peccatorum nostrorum remissionem confractum, sanguis sanctus tuus in pretium nostrae redemptionis effusus est. | |
| 858a | Credimus domine credimus ... perfrui mereamur. |
| Credimus, domine, credimus in hac confractione corporis et effusione tui sanguinis nos esse redemptos; confidimus etiam, ut, quod spe hic interim iam tenemus, in aeternum perfrui mereamur. | |
| 858b | Credimus domine credimus ... fructibus perfruamur. |
| Credimus, domine, credimus in hac confractione corporis et effusione sanguinis nos esse redemptos et confidimus sacramenti huius assumptione munitos, ut, quod spe interim hic tenemus, mansuri in caelestibus, veris fructibus perfruamur. | |
| 859 | Credimus domine Iesu ... non repugnet. |
| Credimus, domine Iesu Christe, quia et tuo vescimur corpore et tuum corpus effici vis fideles. Fac nobis in remissionem peccatorum esse, quod sumpserimus, ut caro, spiritui subdita et in concessu pacifico subiugata, obtemperet, non repugnet. | |
| 860 | Credimus te domine ... regione vivorum. |
| Credimus te, domine Iesu Christe, omnium esse virtutem. Rogamus te, domine piissime, ut precem nostram iubeas exaudiri propitius, omnibus, in te credentibus, peccata iubeas dimitti et huius sacrificii munera per manus angeli tui iubeas sanctificari. Defunctis quoque illis vel omnibus, qui, credentes te, ab hac discesserunt luce, locum tribue electorum in regione vivorum. | |
| 861 | Credimus domine Iesu ... cum veneris. |
| Credimus, domine Iesu Christe, unigenito a patre, divinitati tuae, credimus corporeae assumptioni, credimus passioni, applaudemus redeunti ab inferis, prostrata morte, invictissime, maiestati, rogantes te per ipsius diei magna et mirabilia sacramenta, ut, sicut nos resurrectio tua non habet dubios, ita nos nostra per misericordiam tuam habeat absolutos et eo modo exsultemus te fuisse regressum, quomodo non ambigimus rediturum sicque nos sine poena iubeas manere, dum venis, ut ad veniam facias pervenire, cum veneris. | |
| 862 | Credimus domine sancte ... redemptoris nostri. |
| Credimus, domine, sancte pater, aeterne omnipotens deus, Iesum Christum filium tuum dominum nostrum pro nostra salute incarnatum fuisse et in substantia deitatis tibi semper esse aequalem, per quem te petimus et rogamus, ut accepta habeas et benedicas haec munera et sanctifica illibata, quae tibi offerimus pro tua ecclesia sancta catholica, quam pacificare digneris, per universum orbem terrarum diffusam. Memorare etiam, quaesumus, domine, famulorum tuorum, quorum oblationem benedictam, ratam rationabilemque facere digneris, quae est imago et similitudo corporis et sanguinis Iesu Christi filii tui domini ac redemptoris nostri. |
|
| 863a | Credimus facimus et ... gloria tua. |
| Credimus, facimus et intellegimus, quae docuisti, domine deus noster, confitentes unum deum patrem, a quo sunt omnia, et unum dominum nostrum Iesum Christum, per quem sunt omnia, et unum spiritum, in quo sunt omnia, deprecantes copiosissimam misericordiam tuam, omnipotens deus pater, per principium, quod in tempore ex virgine nasci dignatus est, qui adfuit tecum, antequam mundum faceres in principio, ut, exaudias preces nostras et unicum paracliti tui pignus, qui ex te inseparabiliter descendit et filio, quem non ad mensuram hominis peccati dedisti et quem in columbae specie in eodem manere voluisti, illabi et descendere, sanctificaturus haec, quae tibi offerimus, iubeas, quae in corporis et sanguinis domini nostri filii tui similitudinem a solis ortu et occasu offerri tibi ecclesiam tuam catholicam praecepisti, ut conformem efficiat claritatem eius, ut, gustantes, quam suavis est dominus, satiemur mane misericordia tua, dum apparuerit manifestata gloria tua. | |
| 863b | Credimus facimus intellegimus ... gloria tua. |
| Credimus, facimus, intellegimus, domine deus noster, quae docuisti, confitentes unum deum patrem, ex quo sunt omnia, et unum dominum nostrum Iesum Christum, per quem sunt vera, et unum spiritum sanctum, in quo sunt clara, deprecantes copiosissimam misericordiam tuam, omnipotens deus, per principium, quod in tempore ex virgine nasci dignatus est, qui adfuit tecum, etiam antequam mundum faceres in principio, ut exaudias preces nostras, et unicum paracliti tui pignus, qui ex te inseparabiliter procedit et filio, quem non ad mensuram hominis peccati dedisti et quem in columbae specie in eodem manere voluisti, illabi et descendere, haec, quae tibi offerimus, sanctificaturus, iubeas in corporis et sanguinis filii tui similitudinem a solis ortu et occasu offerri tibi tuam catholicam ecclesiam praecipisti, ut conformem efficias claritatis eius, ut, si quis nostrum hunc, qui de caelo descendit, manducaverit panem et biberit eius novi testamenti calicem, efficiatur in eo fons aquae salientis in vitam aeternam. Obtineat etiam in eo virtutem ad repellenda omnia, quae inimicus suggesserit, ut donet superbis humilitatem, virginibus coronam, castis perseverantiam, lapsis veniam, superbis disciplinam, stultis sapientiam, sapientibus, ne extollantur, castum timorem; Petri lacrimas sic effundant post culpam, ut omnibus dextera tua sublevatura miserearis post ruinam, ut, gustantes, quam suavis es, domine, satiemur mane misericordia tua, cum apparueris et cum manifestata nobis fuerit gloria tua. | |
| 864 | Credimus pariter et ... quaesumus ipso intercedente hoc tui corporis sanguinisque mysterium spiritus tui rore sanctificatum ad nostrarum remedium |
| Credimus pariter et fatemur ac purae credulitatis impulsu tacere non sinimur te dominum redemptoremque nostrum pro nobis miseris in cruce fuisse suspensum, descendisse etiam in infernum, ut nos, resurgens, elevares ad caelum, reliquisse etiam nobis exemplum, ut, te sequentes dominum, passiones toleremus in mundo. Quo exemplo beatus Andreas discipulus tuus ac martyr et apostolus informatus, crucis pro te supplicium devota mente portavit. Fac <nos>, quaesumus, ipso intercedente, hoc tui corporis sanguinisque mysterium, spiritus tui rore sanctificatum, ad nostrarum remedium sumere animarum. | |
| 865 | Crescat domine semper ... festivitas augeatur. |
| Crescat, domine, semper in nobis sanctae iucunditatis affectus et beatae Agnes virginis atque martyris tuae veneranda festivitas augeatur. | |
| 866 | Cuius nos praecepti ... omnia munda. |
| Cuius nos praecepti tenaces, et iussa meminimus et gesta memoramus, omnipotens pater; tu, de caelis tuis propitius favens, hoc sacrificium nostrum indulgentissima pietate prosequere, ut per sanctorum tuorum illorum obtentu et maiestatis tuae plenitudo ad sanctificationem huius hostiae de tuis sedibus sanctis descendat et nostrorum pectorum intima per holocaustum reddat per omnia munda. | |
| 867 | Cum gaudio et ... patrocinia coniungamus ut indulgentiam criminum et delictorum veniam |
| Cum gaudio et exsultatione, dilectissimi fratres, dominum prosequamur atque insuper nobis beatissimorum patriarcharum, prophetarum, apostolorum et martyrum omniumque sanctorum suffragia <sive> patrocinia coniungamus, ut indulgentiam criminum et delictorum veniam consequi mereamur. | |
| 868 | Cum sanctorum tuorum ... facias servitutem. |
| Cum sanctorum tuorum, domine, supplicationibus imploramus, ut sacris muneribus offerendis gratam tibi nostri ministerii facias servitutem. | |
| 869 | Cum tibi omnipotens ... criminum manifestam. |
| Cum tibi, omnipotens pater, omne, quod in nobis vel creatoris ope vel munere redemptoris rationale potest esse et vividum, iugi inservire famulatu rerum magnitudine provocetur, hodierno praesertim vel die vel tempore, ut affectiosius aliquid, cum nihil egeas, tuae bonitati votis ac studiis offerre possimus, faenerare dignare, quod conveniat reddidisse, quia maioris multo est gratiae reformasse perditum quam fecisse futurum. Ut enim crearemur vel non crearemur, non praecesserat culpa iudicem, non praevenerat materia creatorem. At vero, ut, offensus, postmodum ad misericordiam veritatis et vas, peccatorum praecipitatione confractum, tuis denuo manibus redderes solidatum, quid nisi infinitus pietate, immensus misericordia, inenarrabilis bonitate in omni progenie et generatione praedicandus es et colendus? Unde precamur, ut, quibus condicionis et redemptionis praerogasti beneficia, tribuas indulgentiam criminum manifestam. |
|
| 870 | Cuncta credimus domine ... consortium angelorum. |
| Cuncta credimus, domine, quae instituisti nobis, ut servaremur. Idcirco petimus, ut, qui in hoc tempore resurrectionis tuae adsumus, mereamur in futuro consortium angelorum. | |
| 871 | Cuncta domine quaesumus ... mentibus celebremus. |
| Cuncta, domine, quaesumus, his muneribus a nobis semper diabolica figmenta seclude, ut nostri redemptoris exordia purificatis mentibus celebremus. | |
| 872 | Cuncta famuli tui ... requies tribuatur. |
| Cuncta famuli tui illius, quaesumus, domine, per hanc oblationem purgentur delicta, ut, qui tuae dispositionis flagello in hac atteritur vita, in futuro ei requies tribuatur. | |
| 873 | Cunctas domine semper ... mente curramus. |
| Cunctas, domine, semper a nobis iniquitates repelle, ut ad viam salutis aeternae secura mente curramus. | |
| 874 | Custodi domine populum ... fac devotum. |
| Custodi, domine, populum tuum et, ut eidem perpetuam misericordiam largiaris, tuo semper nomini fac devotum. | |
| 875 | Custodi domine quaesumus ... salutaria dirigatur. |
| Custodi, domine, quaesumus, ecclesiam tuam propitiatione perpetua et, quia sine te labitur humana mortalitas, tuis semper auxiliis et abstrahatur a noxiis et ad salutaria dirigatur. | |
| 876 | Custodi intra nos ... viribus muniamur. |
| Custodi intra nos, domine, gloriae tuae munus, ut adversus omnia praesentis saeculi mala sanctae eucharistiae, quam percepimus, viribus muniamur. | |
| 877 | Custodi nos domine ... quod praecipis. |
| Custodi nos, domine, in tuo servitio constitutos, et, quibus famulatum esse vis sincerum, propitius largire quod praecipis. | |
| 878 | Custodi nos domine ... benignus absolve. |
| Custodi nos, domine, quaesumus, ne in vitiis proruamus, et, quia his carere non possumus, intervenientibus semper apostolis tuis, conscientiam nostram benignus absolve. | |
| 879a | Custodi nos omnipotens ... aliena peccata. |
| Custodi nos, omnipotens deus, ut, tua dextera gubernante, nec nostra nobis praevaleant nec aliena peccata. | |
| 879b | Custodi me quaesumus ... aliena peccata. |
| Custodi me, quaesumus, domine, famulum tuum, ut, tua dextera gubernante, nec mea mihi praevaleant nec aliena peccata. | |
| 880 | Custodi nos quaesumus ... excita voluntates. |
| Custodi nos, quaesumus, domine, sanctorum tuorum natalicia frequentantes, et, ad salutifera mandatorum tuorum exsequenda praecepta, nostras semper excita voluntates. | |
| 881 | Da aeternae consolationis ... perficiant voluntate. |
| Da, aeternae consolationis pater, per huius sancti tui illius preces populo tuo pacem et salutem, ut tuis tota dilectione inhaereant praeceptis et, quae tibi placita sunt, tota perficiant voluntate. | |
| 882 | Da auxilium domine ... precibus consequantur. |
| Da auxilium, domine, quaesumus, maiestati tuae potestatique subiectis et, quidquid suis meritis non praesumunt, sanctorum tuorum precibus consequantur. | |
| 883 | Da cordibus ecclesiae ... munere novitatem. |
| Da cordibus ecclesiae tuae, domine, quaesumus, desideria terrenae condicionis abscidere et caelestis vitae spiritum sensibus eius largus infunde nec praevaleat auctor ille qui perdidit, sed vincat potius qui redemit, ut, a vetustate legis mundata, proficiat et ad aeternam perveniat tuo munere novitatem. | |
| 884 | Da domine famulo ... exempla secutus. |
| Da, domine, famulo tuo illi sperata suffragia obtinere, ut, qui tuos pauperes vel tuas ecclesias memoravit, sanctorum omnium simul et beati martyris tui Laurentii mereatur consortia, cuius nunc est exempla secutus. | |
| 885 | Da domine quaeso ... accipere merear. |
| Da, domine, quaeso, meorum mihi veniam peccatorum, quatenus, quidquid carnali delectatione vel animi mei cogitatione atque vana huius saeculi ambitione contra tuorum rectitudinem praeceptorum perfeci, in hac praesenti vita veniam accipere merear. | |
| 886a | Da ecclesiae tuae ... liberam caritatem. |
| Da ecclesiae tuae, domine, non superbe sapere sed in tibi placita humilitate proficere, ut, proterva despiciens et matura quaeque desiderans, exerceat liberam caritatem. | |
| 886b | Da ecclesiae tuae ... exerceat caritate. |
| Da ecclesiae tuae, domine, quaesumus, sancto vito intercedente, superbe non sapere sed tibi placita humilitate proficere, ut, proterva despiciens, quaecumque matura sunt, libera exerceat caritate. | |
| 887 | Da famulis tuis ... pervenire mereantur. |
| Da famulis tuis, deus, indulgentiam peccatorum, consolationem vitae gubernationemque perpetuam, qua, tibi fideliter servientes, ad tuam iugiter misericordiam pervenire mereantur. | |
| 888 | Da famulis tuis ... esse devotos. |
| Da famulis tuis, domine, abundantiam protectionis et gratiae; da salutem mentis et corporis; da continere prosperitatis augmenta et tibi semper fac esse devotos. | |
| 889a | Da famulis tuis quaesumus domine in tua fide ... integritate vellantur. |
| Da famulis tuis, quaesumus, domine, in tua fide et sinceritate constantiam, ut, in caritate divina firmati, nullis temptationibus ab eius integritate vellantur. | |
| 889b | Da famulis et ... integritate vellantur. |
| Da famulis et famulabus tuis, quaesumus, domine, in tua fide et sinceritate constantiam, ut, in caritate divina firmati, nullis temptationibus ab eius integritate vellantur. | |
| 889c | Da famulis tuis quaesumus domine omnibus episcopis abbatibus ... integritate vellantur. |
| Da famulis tuis, quaesumus, domine, omnibus episcopis, abbatibus, canonicis, monachis sive regibus et gubernatoribus atque consanguineis nostris et his, qui se in nostris commendaverunt orationibus et suas nobis largiti sunt eleemosynae, seu etiam ceteris fidelibus utriusque sexus in tua fide et sinceritate constantiam, ut, in caritate divina firmati, nullis temptationibus ab eius integritate vellantur. | |
| 889d | Da quaesumus domine ... orare promisimus seu qui confessi sunt mihi omnes in tua fide et sinceritate constantiam ut in caritate divina firmati nullis temptationibus a tua |
| Da, quaesumus, domine, famulis et famulabus tuis omnibus commenditis meis vel omnibus benefactoribus meis et, quorum vel quarum nomina apud nos scripta sunt et quorum debitores exsistimus vel <quibus> orare promisimus seu qui confessi sunt mihi omnes, in tua fide et sinceritate constantiam, ut, in caritate divina firmati, nullis temptationibus a tua integritate evellantur. | |
| 890 | Da mihi domine ... exsolvere vincula. |
| Da mihi, domine, peccatori confessionem, quae tibi sit placita. Parturi in corde meo inenarrabiles gemitus, qui aures tuas possint pulsare. Da mihi mentis intentionem, qua suscipiam probam voluntatem tuam et praesta in humilitate mea deprecari, quae te audire delectat, ut praestes. Ipse animae meae insere, ut iugis delectatio eius ipse sis. Da mihi lacrimas ex toto affectu internas, quae peccatorum meorum possint exsolvere vincula. | |
| 891a | Da misericors deus ut haec ... tueatur adversis. |
| Da, misericors deus, ut haec salutaris oblatio et a propriis nos reatibus indesinenter expediat et ab omnibus tueatur adversis. | |
| 891b | Da misericors deus ut omnium ... tueatur adversis. |
| Da, misericors deus, ut omnium sanctarum virginum tuarum intercessio nos ab omnibus tueatur adversis. | |
| 892 | Da misericors deus ... veraciter portionem. |
| Da, misericors deus, ut in resurrectione domini nostri Iesu Christi inveniamus et nos veraciter portionem. | |
| 893 | Da misericors deus ... fideliter sentiamus. |
| Da, misericors deus, ut, quod in tui filii passione mundus exercuit, salutare nobis fideliter sentiamus. | |
| 894 | Da nobis deus ... vinculis praemunitos. |
| Da nobis, deus noster, in custodiendam pacem virginis et martyris tuae illius intercessu donum tuumque praeceptum custodire et sic te in omnibus sequi, pacis tuae vinculis praemunitos. | |
| 895a | Da nobis domine ... gaudemus triumphis. |
| Da nobis, domine, continua omnium sanctorum veneratione salutem et pacem, ut eorum protegamur subsidiis, quorum gaudemus triumphis. | |
| 895b | Da nobis quaesumus ... protegamur subsidiis. |
| Da nobis, quaesumus, domine, sanctorum martyrum tuorum Eustachii sociorumque eius intercessione laetitiam et pacem, ut, quorum gaudemus triumphis, protegamur subsidiis. | |
| 896 | Da nobis domine ... dignetur veneratoribus. |
| Da nobis, domine deus, beati Stephani protomartyris intercessione adiuvari, ut, qui pro suis exoravit lapidatoribus, pro suis intercedere dignetur veneratoribus. | |
| 897 | Da nobis domine ... percipiamus remissionem. |
| Da nobis, domine deus noster, beati martyris tui Quintini praesentem sollemnitatem ita pia venerari devotione, ut eius intercessione optatam peccatorum percipiamus remissionem. | |
| 898 | Da nobis domine ... frequentemus obsequiis. |
| Da nobis, domine deus noster, sanctorum martyrum palmas incessabili devotione venerari, ut, quos digna mente non possumus celebrare, humilibus saltem frequentemus obsequiis. | |
| 899 | Da nobis domine ... devotione laetetur. |
| Da nobis, domine deus noster, ut et mundi cursus pacifico nobis tuo ordine dirigatur et ecclesia tua tranquilla devotione laetetur. | |
| 900 | Da nobis domine ... hanc sequentes. |
| Da nobis, domine, fidei tuae miseratus augmentum, ut, quae sanctos martyres tuos, usque ad sanguinem retenta, glorificat, nos etiam iustificet, veraciter hanc sequentes. | |
| 901 | Da nobis domine ... inhaerere mansuris. |
| Da nobis, domine, non terrena sapere sed amare caelestia et, inter praetereuntia constitutos, iam nunc inhaerere mansuris. | |
| 902 | Da nobis domine ... ad medelam. |
| Da nobis, domine, quaesumus, ambire, quae recta sunt, et vitare, quae noxia, ut sancta, quae capimus, non ad iudicium nobis sed proficiant potius ad medelam. | |
| 903 | Da nobis domine ... misericordia gloriantes. |
| Da nobis, domine, quaesumus, in te tota mente confidere, quoniam, sicut superbis, in sua virtute praesumentibus, semper obsistis, ita non deseris in tua misericordia gloriantes. | |
| 904a | Da nobis domine quaesumus ipsius ... et potamur. |
| Da nobis, domine, quaesumus, ipsius recensita nativitate vegetari, cuius caelesti mysterio pascimur et potamur. | |
| 904b | Da nobis domine quaesumus unigeniti ... et potamur. |
| Da nobis, domine, quaesumus, unigeniti filii tui recensita nativitate respirare, cuius caelesti mysterio pascimur et potamur. | |
| 905 | Da nobis domine ... et salvent. |
| Da nobis, domine, quaesumus, paschalia gaudia, ut, quae laetanter exsequimur, perpetua virtute nos tueantur et salvent. | |
| 906 | Da nobis domine ... serviens augeatur. |
| Da nobis, domine, quaesumus, perseverantem in tua voluntate famulatum, ut in diebus nostris et merito et numero populus, tibi serviens, augeatur. | |
| 907 | Da nobis domine ... dignanter infunde. |
| Da nobis, domine, quaesumus, pluviam salutarem et aridam terrae faciem fluentis caelestibus dignanter infunde. | |
| 908 | Da nobis domine ... facias abundare. |
| Da nobis, domine, quaesumus, regnum tuum iustitiamque semper inquirere ut, quibus indigere nos perspicis, clementer facias abundare. | |
| 909 | Da nobis domine ... postulata sumamus. |
| Da nobis, domine, quaesumus, ut, in tua gratia veraciter confidentes, et, quae te digna sunt, postulemus et iugiter postulata sumamus. | |
| 910 | Da nobis domine ... facilius assequamur. |
| Da nobis, domine, rationabilem, quaesumus, actionem, ut, te solum sincera mente venerantes, et fiducialius, quae tua sunt, postulemus et facilius assequamur. | |
| 911 | Da nobis domine ... propitius intuere. |
| Da nobis, domine, tuae pietatis effectum et, commendantibus sanctis tuis, etiam nostra munera propitius intuere. | |
| 912 | Da nobis domine ... transitum coronemur. |
| Da nobis, domine, ut amicos in te et inimicos pro te veraciter valeamus diligere, qui praesenti martyri tuo Stephano dedisti, ut te pro suorum inimicorum expiatione rogaret; quo eius exemplo, dum hic in pace copiosius abundamus, cum eo post transitum coronemur. | |
| 913 | Da nobis domine ... esse consortem. |
| Da nobis, domine, ut animam famuli et sacerdotis tui illius, quam de saeculi educis laborioso certamine, sanctorum tuorum coetui tribuas esse consortem. | |
| 914 | Da nobis domine ... gloriae mancipetur. |
| Da nobis, domine, ut, sicut publicani precibus et confessione placatus es, ita et huic famulo tuo illi placare digneris et precibus eius benignus adspires ut, in confessione flebili permanens, expiatione perpetua clementiam tuam celeriter exoret, sanctisque altaribus et sacramentis restitutus, rursus caelesti gloriae mancipetur. | |
| 915 | Da nobis haec ... redemptionis exseritur. |
| Da nobis haec, quaesumus, domine, frequentare mysteria, quia, quoties hostiae tibi placitae commemoratio celebratur, opus nostrae redemptionis exseritur. | |
| 916 | Da nobis mentem ... prosperum ministrabis. |
| Da nobis mentem, domine, quae tibi sit placita, quia talibus iugiter, quidquid est prosperum, ministrabis. | |
| 917 | Da nobis misericordiam ... resurrectionis exspectent. |
| Da nobis misericordiam tuam, quaesumus, domine, ut animae famulorum tuorum illorum, ab omnibus vitiis expiatam cum tua protectione securae, diem futurae resurrectionis exspectent. | |
| 918 | Da nobis misericors ... praedicatores efficiant. |
| Da nobis, misericors deus, ut sancta tua, quae sumpsimus, nos in tua voluntate confirment et veritatis ubique praedicatores efficiant. | |
| 919 | Da nobis misericors ... mente sumamus. |
| Da nobis, misericors deus, ut sancta tua, quibus incessanter explemur, sinceris tractemus obsequiis et fideli semper mente sumamus. | |
| 920a | Da nobis observantiam ... conversatione placeamus. |
| Da nobis observantiam, domine, legitima devotione perfectam, ut cum refrenatione carnalis alimoniae sancta tibi conversatione placeamus. | |
| 920b | Da nobis domine ... conversatione placeamus. |
| Da nobis, domine, quaesumus, observantiam legitima devotione perfectam, ut cum refrenatione carnalis alimoniae sancta tibi conversatione placeamus. | |
| 921 | Da nobis omnipotens ... in caelis. |
| Da nobis, omnipotens deus, beati archangeli Michaelis eotenus honore proficere, ut, cuius in terris gloriam praedicamus, eius precibus adiuvemur in caelis. | |
| 922 | Da nobis omnipotens ... perseverare concesseris. |
| Da nobis, omnipotens deus, in sanctorum tuorum te semper commemoratione laudare, quia refovete curabis, quos in honore tuo perseverare concesseris. | |
| 923 | Da nobis omnipotens ... salutis implere. |
| Da nobis, omnipotens deus, remedia condicionis humanae et sincero tractare servitio et cum profectu salutis implere. | |
| 924 | Da nobis omnipotens ... semper attollat. |
| Da nobis, omnipotens deus, ut, afflicta per abstinentiam carne, mente tibi et spiritu mereamur placere, ut parsimonia nostrae carnis incentiva exstinguat et fervor spiritalis e terris nos ad caelestia semper attollat. | |
| 925a | Da nobis omnipotens ... et salutem. |
| Da nobis, omnipotens deus, ut beati Laurentii martyris tui veneranda sollemnitas et devotionem nobis augeat et salutem. | |
| 925b | Da quaesumus omnipotens deus ut beati Laurentii ... et salutem. |
| Da, quaesumus, omnipotens deus, ut beati Laurentii martyris tui, quam praevenimus, veneranda sollemnitas et devotionem nobis augeat et salutem. | |
| 925c | Da quaesumus omnipotens deus ut beati Silvestri ... et salutem. |
| Da, quaesumus, omnipotens deus, ut beati Silvestri confessoris tui atque pontificis veneranda sollemnitas et devotionem nobis augeat et salutem. | |
| 926 | Da nobis omnipotens ... interventione confidimus. |
| Da nobis, omnipotens deus, ut eorum semper festa sectemur, quorum digna pro nobis interventione confidimus. | |
| 927 | Da nobis omnipotens ... sempiterna gaudentes. |
| Da nobis, omnipotens deus, ut, sicut adoranda filii tui natalicia praevenimus, sic eius munera capiamus sempiterna, gaudentes. | |
| 928 | Da nobis omnipotens ... veraciter imitemur. |
| Da nobis, omnipotens et misericors deus, ut, sanctorum tuorum natalicia celebrantes, quorum praedicamus triumphos, eorum fidem veraciter imitemur. | |
| 929 | Da nobis quaesumus ... confessione calcavit. |
| Da nobis, quaesumus, domine, beatae martyris tuae Agnes confidenter honorare infantiam, quae, in puellari consistens aetate, mortem pro tua confessione calcavit. | |
| 930 | Da nobis quaesumus domine beati ... devotione sectemur. |
| Da nobis, quaesumus, domine, beati apostoli tui Thomae sollemnitatibus gloriari, ut eius semper et patrociniis sublevemur et fidem congrua devotione sectemur. | |
| 931 | Da nobis quaesumus ... regni caelestis. |
| Da nobis, quaesumus, domine, beati Iusti confessoris tui atque pontificis semper adiuvari meritis, ut mereamur cum eo consortes fieri regni caelestis. | |
| 932a | Da nobis quaesumus domine de tribulatione laetitiam ut qui diu pro nostris peccatis affligimur intervenientibus ... misericordia respiremus. |
| Da nobis, quaesumus, domine, de tribulatione laetitiam, ut, qui diu pro nostris peccatis affligimur, intervenientibus sanctis tuis, celerius in tua misericordia respiremus. | |
| 932b | Da nobis quaesumus domine de tribulatione laetitiam ut qui diu pro peccatis nostris affligimur intercedentibus ... misericordia respiremus. |
| Da nobis, quaesumus, domine, de tribulatione laetitiam, ut, qui diu pro peccatis nostris affligimur, intercedentibus sanctis tuis, clementer in tua misericordia respiremus. | |
| 932c | Da nobis quaesumus domine de tribulatione laetitiam ut qui diu pro nostris peccatis affligimur intercedente ... misericordia respiremus. |
| Da nobis, quaesumus, domine, de tribulatione laetitiam, ut, qui diu pro nostris peccatis affligimur, intercedente beato illo martyre tuo, in tua misericordia respiremus. | |
| 933 | Da nobis quaesumus ... salutis impendas. |
| Da nobis, quaesumus, domine deus noster, beati apostoli tui Andreae, intercessionibus sublevari, ut, per quos ecclesiae tuae superni muneris rudimenta donasti, per eos subsidia perpetuae salutis impendas. | |
| 934 | Da nobis quaesumus ... serviamus auctori. |
| Da nobis, quaesumus, domine deus noster, in tua semper devotione gaudere, quia perpetua est et plena felicitas, si bonorum omnium iugiter serviamus auctori. | |
| 935a | Da nobis quaesumus domine deus noster ut qui nativitatem domini nostri Iesu Christi nos ... pertinere consortium. |
| Da nobis, quaesumus, domine deus noster, ut, qui nativitatem domini nostri Iesu Christi nos frequentare gaudemus, dignis conversationibus ad eius mereamur pertinere consortium. | |
| 935b | Da nobis quaesumus domine deus noster ut qui nativitatem domini nostri Iesu Christi digne ... pertinere consortium. |
| Da nobis, quaesumus, domine deus noster, ut, qui nativitatem domini nostri Iesu Christi digne mysteriis frequentare gaudemus, ad eius mereamur pertinere consortium. | |
| 936 | Da nobis quaesumus ... designatur humanitas. |
| Da nobis, quaesumus, domine, digne celebrare mysterium, quo in nostri salvatoris infantia miraculis coruscantibus declaratur et corporalibus incrementis manifesta designatur humanitas. | |
| 937 | Da nobis quaesumus ... cuncta succedant. |
| Da nobis, quaesumus, domine, firmitatem religionis et pacis, ut, quanto tibi devotius famulamur, tanto diebus nostris prosperius cuncta succedant. | |
| 938 | Da nobis quaesumus ... corporis liberari. |
| Da nobis, quaesumus, domine, gloriosa natalicia beati Albani martyris tui digne praevenire et eius patrocinio ab omni adversitate mentis et corporis liberari. | |
| 939 | Da nobis quaesumus ... persecutoribus exorare. |
| Da nobis, quaesumus, domine, imitari, quod colimus, ut discamus et inimicos diligere, quia eius natalicia celebramus, qui novit etiam pro persecutoribus exorare. | |
| 940 | Da nobis quaesumus ... muneribus aptiores. |
| Da nobis, quaesumus, domine, per gratiam spiritus sancti novam tui Paracliti spiritalis observantiae disciplinam, ut mentes nostrae, sacro purgatae ieiunio, cunctis reddantur eius muneribus aptiores. | |
| 941 | Da nobis quaesumus ... semper inveniamus. |
| Da nobis, quaesumus, domine, piae supplicationis effectum et pestilentiam famemque propitiatus averte, ut et congruam tibi exhibeamus servitutem et propitiationis tuae beneficia semper inveniamus. | |
| 942 | Da nobis quaesumus ... miserante cessare. |
| Da nobis, quaesumus, domine, piae supplicationis effectum et pestilentiam famemque propitiatus averte, ut mortalium corda cognoscant et, te indignante, talia flagella procedere et, te miserante, cessare. | |
| 943 | Da nobis quaesumus ... propitius intuere. |
| Da nobis, quaesumus, domine, purae devotionis affectum et sanctorum martyrum tuorum Basilidis, Cyrini, Naboris et Nazarii intercessionibus etiam nostra munera propitius intuere. | |
| 944 | Da nobis quaesumus ... proveniat subditorum. |
| Da nobis, quaesumus, domine, sanctae regimen disciplinae, ut per tuam gratiam et moderatio gubernantium et oboedientia proveniat subditorum. | |
| 945 | Da nobis quaesumus domine sanctorum ... devotione sectemur. |
| Da nobis, quaesumus, domine, sanctorum martyrum passionibus gloriari, ut eorum semper et patrociniis confidamus et fidem congrua devotione sectemur. | |
| 946a | Da nobis quaesumus domine ... celebrantes tuam gloriam praedicemus. |
| Da nobis, quaesumus, domine, semper haec tibi vota deferre, quibus, sanctorum tuorum natalicia celebrantes, tuam gloriam praedicemus. | |
| 946b | Da nobis quaesumus domine ... laude tuam gloriam praedicemus. |
| Da nobis, quaesumus, domine, semper haec tibi vota gratanter persolvere, quibus sancti confessoris tui Damasi depositionem recolimus, et praesta, ut in eius semper laude tuam gloriam praedicemus. | |
| 947 | Da nobis quaesumus ... speranda poscamus. |
| Da nobis, quaesumus, domine, tua digne tractare mysteria, ut et miserationibus tuis congruo respondeamus obsequio et fiducialius speranda poscamus. | |
| 948 | Da nobis quaesumus ... aeterna possideat. |
| Da nobis, quaesumus, domine, ut animam famuli tui illius in numero fidelium tuorum lux aeterna possideat. | |
| 949 | Da nobis quaesumus ... tuitione laetemur. |
| Da nobis, quaesumus, domine, ut cum martyrum sollemnitate sanctorum perpetua tuitione laetemur. | |
| 950 | Da nobis quaesumus ... suscepimus auctorem. |
| Da nobis, quaesumus, misericors deus, ipsius superveniente festivitate vegetari, cuius integra virginitate salutis nostrae suscepimus auctorem. Da nobis, quaesumus, omnipotens deus, ipsius supervenientis festivitatis gaudia venerari, de cuius integra virginitate salutis nostrae suscepimus auctorem. ( recensio Mateus ) |
|
| 951 | Da nobis quaesumus ... effice promptiorem. |
| Da nobis, quaesumus, omnipotens deus, boni operis incrementa percipere et, quem tempore provehis, sacris mysteriis effice promptiorem. | |
| 952 | Da nobis quaesumus ... beata Felicitas. |
| Da nobis, quaesumus, omnipotens deus, perpetuae felicitatlis esse participes, qua cum septem filiis suis fruitur beata Felicitas. | |
| 953 | Da nobis quaesumus ... citius invenire. |
| Da nobis, quaesumus, omnipotens deus, et aeternae promissionis gaudia quaerere et quaesita citius invenire. | |
| 954 | Da nobis quaesumus ... gratiam sentiamus. |
| Da nobis, quaesumus, omnipotens deus, in te semper gloriari et concede, ut, qui beatae Hedwigis merita devote recolimus, ipsius adiuti precibus, tuam gratiam sentiamus. | |
| 955 | Da nobis quaesumus ... corda levare. |
| Da nobis, quaesumus, omnipotens deus, ita beati Pelagii martyris tui novam post antiquos martyres coronam hodierna festivitate recolere, ut, ipso patrocinante, ad caelestia desideranda valeamus corda levare. | |
| 956 | Da nobis quaesumus ... muniamur auxilio. |
| Da nobis, quaesumus, omnipotens deus, ut nativitate domini nostri Iesu Christi, cuius sollemnia veneramur, eius semper muniamur auxilio. | |
| 957 | Da nobis quaesumus ... praemium sacerdotis. |
| Da nobis, quaesumus, omnipotens deus, ut, per gratiam tuam nosmetipsos, sicut te dignum est, exhibentes, tuis fidelibus ministremus rectae conversationis exemplum et populi tui salvatio sempiterna fiat praemium sacerdotis. | |
| 958 | Da nobis quaesumus ... nobis acquirant. |
| Da nobis, quaesumus, omnipotens deus, ut, [qui] beati Pantaleonis martyris tui natalicia [colimus], caelestibus mysteriis celebrata, pro nostra infirmitate propitiationis tuae medelam nobis acquirant. | |
| 959 | Da nobis quaesumus ... colimus sic eius suffragiis caelesti munere participemur |
| Da nobis, quaesumus, omnipotens deus, ut, sicut veneranda beati Audomari confessoris tui atque pontificis <sollemnia> colimus, sic eius suffragiis caelesti munere participemur et meritis. | |
| 960 | Da nobis quaesumus ... incendia superare. |
| Da nobis, quaesumus, omnipotens deus, vitiorum nostrorum flammas exstinguere, qui beato Laurentio tribuisti tormentorum suorum incendia superare. | |
| 961 | Da nobis quaesumus ... semper exsistam. |
| Da nobis, quaesumus, omnipotens et misericors deus et sempiterne pater, ut nativitatis domini nostri Iesu Christi sollemnia, quae praesentibus officiis praevenimus, sic nova sint nobis, ut continuata permaneant, sic perpetua perseverent, ut pro sui miraculo nova semper exsistam. | |
| 962 | Da nostrae summe ... voluntate sectemur. |
| Da, nostrae summe condicionis reparator, ut et semper declinemus a malis et omne, quod bonum est, prompta voluntate sectemur. | |
| 963 | Da plebi tuae ... adversitatibus atteratur. |
| Da plebi tuae, domine, piae semper devotionis effectum, ut, quae prava sunt, respuens, sancta conversatione firmetur et, a peccatis libera, nullis adversitatibus atteratur. | |
| 964a | Da populo tuo ... munere ponantur. |
| Da populo tuo, domine, quaesumus, spiritum veritatis et pacis, ut et te tota mente cognoscant et, quae tibi sunt placita, toto corde sectantes, bonorum tuorum semper munere ponantur. | |
| 964b | Da populo tuo ... corde sectetur. |
| Da populo tuo, quaesumus, domine, spiritum veritatis et pacis, ut et te tota mente cognoscat et, quae tibi sunt placita, toto corde sectetur. | |
| 964c | Da quaesumus domine ... corde sectetur. |
| Da, quaesumus, domine, populo tuo spiritum veritatis et pacis, ut et te per adventum unigeniti tui tota mente cognoscat et, quae tibi sunt placita, toto corde sectetur. | |
| 964d | Da quaesumus domine ... devotione exerceat. |
| Da, quaesumus, domine, populo tuo spiritum veritatis et pacis, ut te tota mente cognoscat et, quae tibi placita sunt, pia devotione exerceat. | |
| 965 | Da quaesumus clementissime ... iugiter perseverent. |
| Da, quaesumus, clementissime pater, indulgentiam famulis et famulabus tuis, qui nobis propria confessi sunt peccata, et concede eis, ut in praeceptis tuis iugiter perseverent. | |
| 966 | Da quaesumus clementissime ... proficiat sempiternam. |
| Da, quaesumus, clementissime pater, per huius sacramenti mysterium meorum mihi veniam peccatorum, ut non ad iudicium sed ad indulgentiam huius presbyteratus ordo mihi proficiat sempiternam. | |
| 967 | Da quaesumus domine ... praecipis exhibere. |
| Da, quaesumus, domine deus noster, gratiae tuae, donis et iustificari nos semper et instrui, quos cottidianum tibi sacrificium praecipis exhibere. | |
| 968 | Da quaesumus domine ... concede perpetuam. |
| Da, quaesumus, domine deus noster, omnibus fidelibus tuis, rem publicam gubernantibus, recta semper meditari et agere eisque feliciter ad vitam pervenire concede perpetuam. | |
| 969a | Da quaesumus domine ... laetemur adspectu. |
| Da, quaesumus, domine deus noster, ut, sicut tuorum commemoratione sanctorum temporali gratulamur officio, ita perpetuo laetemur adspectu. | |
| 969b | Da nobis quaesumus ... laetemur adspectu. |
| Da nobis, quaesumus, domine deus noster, ut, sicut in commemoratione beati apostoli tui Iacobi temporali gratulamur officio, ita cum ipso in tui vultus delectatione perpetuo laetemur adspectu. | |
| 970 | Da quaesumus domine ... gratiam reformentur. |
| Da, quaesumus, domine, electis nostris digne atque sapienter ad confessionem tuae laudis accedere, ut dignitati pristinae, quam originali transgressione perdiderant, per tuam gratiam reformentur. | |
| 971 | Da quaesumus domine ... oboedientia subditorum. |
| Da, quaesumus, domine, familiae tuae cum suis pacem habere rectoribus, ut, quorum honore congaudent, de eorum sancta conversatione laetentur tuaque gratia tribuatur et moderatio gubernantium et oboedientia subditorum. | |
| 972 | Da quaesumus domine ... ad finem. |
| Da, quaesumus, domine, famulae tuae, quam virginitatis honore dignatus es decorare, inchoati operis consummatum effectum, ut et perfectam tibi offerat plenitudinem et initia sua perducere mereatur ad finem. | |
| 973 | Da quaesumus domine ... auxiliante sectari. |
| Da, quaesumus, domine, famulis tuis omnibus videlicet consanguineis nostris et his, qui se in nostris orationibus commendaverunt et quorum eleemosynas accepimus, seu cunctis fidelibus tuis iugiter inhaerere mandatis et, quae recta sunt, te auxiliante, sectari. | |
| 974 | Da quaesumus domine ... pervenire mereatur. |
| Da, quaesumus, domine, famulo tuo illi remissionem omnium peccatorum et praesta, ut tuo semper munere gubernetur et ad gaudia aeternae redemptionis, te ducente, pervenire mereatur. | |
| 975 | Da quaesumus domine ... vitae stipendia. |
| Da, quaesumus, domine, famulo tuo illi sperata suffragia obtinere, ut, qui fidelibus tuis sua largitus est, dona, beati Laurentii martyris tui mereatur consortia, cuius exemplo praebet nobis gratanter vitae stipendia. | |
| 976 | Da quaesumus domine ... supplicatione muniri. |
| Da, quaesumus, domine, fidelibus populis sanctorum tuorum semper veneratione laetari et eorum perpetua supplicatione muniri. | |
| 977 | Da quaesumus domine ... copiis impleantur. |
| Da, quaesumus, domine, fidelibus tuis beneficiis gratulari, suppliciter imploratis, ut, qui ieiuniis te venerantur exhibitis, bonorum tuorum copiis impleantur. | |
| 978 | Da quaesumus domine ... operibus perducantur. |
| Da, quaesumus, domine, fidelibus tuis et sine cessatione capere paschalia sacramenta et desideranter exspectare ventura, ut, in mysteriis, quibus renati sunt, permanentes, ad novam vitam his operibus perducantur. | |
| 979 | Da quaesumus domine ... laudabili nomine. |
| Da, quaesumus, domine, fidelibus tuis fortes in fide et bono persistere opere, qui beato Bartholomaeo apostolo (tuo) tantam tribuisti constantiam, ut etiam vivus decoriari sufferret pro tuo laudabili nomine. | |
| 980 | Da quaesumus domine ... praesidiis adiuvantur. |
| Da, quaesumus, domine, fidelibus tuis hunc caritatis affectum, ut, sanctorum tuorum celebritate ferventes, nullis implicentur erroribus, nullis adversitatibus affligantur; salutaribus proficiant institutis, qui talibus praesidiis adiuvantur. | |
| 981 | Da quaesumus domine ... proficiat animarum. |
| Da, quaesumus, domine, fidelibus tuis ieiuniis paschalibus convenienter aptari, ut, suscepta sollemniter, castigatio corporalis cunctis ad fructum proficiat animarum. | |
| 982 | Da quaesumus domine ... officio digniores. |
| Da, quaesumus, domine, fidelibus tuis in sacra semper actione persistere, ut, qui tua miseratione sunt digni, fiant pietatis officio digniores. | |
| 983 | Da quaesumus domine ... voluntate devotus. |
| Da, quaesumus, domine, hanc mentem populo tuo, ut, qui ad te placandum necessitate concurrit, maiestati tuae fiat etiam voluntate devotus. | |
| 984 | Da quaesumus domine ... in caelo. |
| Da, quaesumus, domine, hanc praesenti familiae tuae gratiam, ut, qui beati martyris tui et levitae Stephani inventionem annuo veneratur obsequio, eo suffragante, te misericordem invenire mereatur in caelo. | |
| 985 | Da quaesumus domine ... abutamur antiquis. |
| Da, quaesumus, domine, lumen intellegentiae parvulis tuis, ut, pro veteris gratia sacramenti praesentis sacrificii gratia succedente, sic gloriemur novis, ut non abutamur antiquis. | |
| 986 | Da quaesumus domine ... transeat animarum. |
| Da, quaesumus, domine, nostris effectum ieiuniis salutarem, ut castigatio carnis assumpta ad nostrarum vegetationem transeat animarum. | |
| 987 | Da quaesumus domine ... beneficia consequantur. |
| Da, quaesumus, domine, per haec sancta, quae sumpsimus, populo tuo salutem mentis et corporis et, intercedente beata Katherina virgine et martyre tua, in cuius honore laetamur, perpetuis consolationibus tuorum reple corda fidelium, ut, divina proiectione relevati, et pia tibi devotione complaceant et tua semper beneficia consequantur. | |
| 988 | Da quaesumus domine ... quod frequentant. |
| Da, quaesumus, domine, populis christianis et, quod profitentur, agnoscere et caeleste munus diligere, quod frequentant. | |
| 989 | Da quaesumus domine ... corde prosterni. |
| Da, quaesumus, domine, populo tuo a diabolicis, quibus renuntiavit, laqueis abstinere et toto tibi corde prosterni. | |
| 990 | Da quaesumus domine ... corde sectari. |
| Da, quaesumus, domine, populo tuo diabolica vitare contagia et te solum dominum puro corde sectari. | |
| 991 | Da quaesumus domine ... profutura perficias. |
| Da, quaesumus, domine, populo tuo et mentem, qua tibi devotus exsistat, et intellectum, quo iusta deposcat, et propitiationem tuam, qua pie desiderantibus, quae sint profutura, perficias. | |
| 992 | Da quaesumus domine ... gaudiis inserantur. |
| Da, quaesumus, domine, populo tuo inviolabilem fidei firmitatem, ut, qui unigenitum tuum, in tua tecum gloria sempiternum, in veritate nostri corporis natum de matre virgine confitentur, et a praesentibus liberentur adversis et mansuris gaudiis inserantur. | |
| 993a | Da quaesumus domine ... mereatur protectione defendi. |
| Da, quaesumus, domine, populo tuo salutem mentis et corporis, ut, bonis operibus inhaerendo, tuae semper virtutis mereatur protectione defendi. | |
| 993b | Da quaesumus domine ... tua protectione defendi. |
| Da, quaesumus, domine, populo tuo salutem mentis et corporis, ut, interventu beati Sebastiani martyris tui, bonis operibus inhaerendo, tuo semper munere et suorum meritorum interventione a peste epidemiae et ab omni tribulatione mereamur tua protectione defendi. | |
| 994 | Da quaesumus domine ... mente devotos. |
| Da, quaesumus, domine, populum tuum ad te toto corde converti, quia – quos defendis, etiam delinquentes – maiore pietate tueris, sincera tibi mente devotos. | |
| 995 | Da quaesumus domine ... facias pervenire. |
| Da, quaesumus, domine, rex aeterne cunctorum, ut sacro nos purificatos ieiunio sinceris quoque mentibus ad tua sancta ventura facias pervenire. | |
| 996 | Da quaesumus domine ... virtute defendi. |
| Da, quaesumus, domine, sanitatem populo tuo mentis et corporis, da vitare, quod nocet, et amare, quod salvet, da, ut, bonis operibus inhaerendo, et benedici a te mereatur et tua semper virtute defendi. | |
| 997 | Da quaesumus domine ... munere glorietur. |
| Da, quaesumus, domine, ut anima famulae tuae, sacris mysteriis expiata, salvationis tuae perpetuo munere glorietur. | |
| 998 | Da quaesumus domine ... nec pietas. |
| Da, quaesumus, domine, ut et fideles tui diligant praesules suos et ab eis mutuo diligamur, atque, ut in his perpetuo perseverent, praesta, ut in utrisque nec iustitia desit nec pietas. | |
| 999a | Da quaesumus domine ... hostibus fortiores. |
| Da, quaesumus, domine, ut ieiunando robore satiemur et abstinendo cunctis efficiamur hostibus fortiores. | |
| 999b | Da nobis omnipotens ... hostibus fortiores. |
| Da nobis, omnipotens deus, ut, ieiunando a corporalibus escis, spiritu vegetati, satiemur robore et, abstinendo ab alimoniis pariterque delictis, cunctis proficiamur in virtute hostibus fortiores. | |
| 999c | Da nobis quaesumus ... hostibus fortiores. |
| Da nobis, quaesumus, omnipotens deus, ut ieiunando tua gratia satiemur et abstinendo cunctis efficiamur hostibus fortiores. | |
| 1000 | Da quaesumus domine ... medicina sumentibus. |
| Da, quaesumus, domine, ut tanti mysterii munus indultum non condemnatio sed sit medicina sumentibus. |