Credimus te, domine Iesu Christe, omnium esse virtutem. Rogamus te, domine piissime, ut precem nostram iubeas exaudiri propitius, omnibus, in te credentibus, peccata iubeas dimitti et huius sacrificii munera per manus angeli tui iubeas sanctificari. Defunctis quoque illis vel omnibus, qui, credentes te, ab hac discesserunt luce, locum tribue electorum in regione vivorum.