Christe, qui pro nobis deo patri in sacrificium es oblatus, qui, sanguine tuo terrena caelestibus socians, resurrectione tua nos doces sperare superna, his sacrificiis propitiatus illabere hisque benedicturus descende. Sint haec, quae tibi offerimus, libamina ita plenitudine benedictionis tuae referta, ut resurrectionis tuae festa celebrantibus optatam pariant medicinam.