Christe domine, in cuius adventu pax est reddita terris, pax collata hominibus bonae voluntatis, concede, quaesumus, ut, qui, per primum adventum ad nos in humanitate veniens, mundum tibi in pace conciliare dignatus es, reconciliatos per te in tua pace praestes iugiter permanere, quatenus in secundo adventu tuo, dum in maiestate et gloria veneris, facias heredes pacis aeternae, quos hic tuae pacis depositum feceris inviolabiliter custodire.