Moeller, Eugenius OSB – Clément, Ioannes Maria – Coppieters ‘t Wallant, Bertrandus: Corpus orationum.
Brepols, Turnhout 1993–2004. (Corpus Christianorum Series Latina 160 A–M)
| 5001 | Refecti domine pane ... nutriamur aeternam. |
| Refecti, domine, pane caelesti, ad vitam, quaesumus, nutriamur aeternam. | |
| 5002 | Refecti domine sacrae ... consolationis muneribus. |
| Refecti, domine, sacrae participationis dapibus, deposcimus, ut sancti Aegidii confessoris tui precibus semper satiemur divinae consolationis muneribus. | |
| 5003 | Refecti esca caelesti ... gratias referamus. |
| Refecti esca caelesti, poculo domini recreati, deo patri omnipotenti laudes et gratias referamus. | |
| 5004 | Refecti et renovati ... indesinenter maneamus. |
| Refecti et renovati sacro caelestis alimoniae pabulo, immensam clementiam tuam flagitamus, domine deus noster, ut, qui visitationis festa peragimus, in Iesu Christi et Mariae laudibus indesinenter maneamus. | |
| 5005 | Refecti fratres remedio ... exsultare felices. |
| Refecti, fratres, remedio, incomparabiliter animas et corpora nostra medicante, oremus suppliciter deum ac dominum nostrum, ut, quos iucundare dignatus est in factura sua spe certos ac fide stabiles, in operibus manuum suarum iubeat perpetuo exsultare felices. | |
| 5006a | Refecti mensae caelestis ... nos adversitate defendas. |
| Refecti mensae caelestis collatione, quaesumus, domine, ut, beato Bricio pontifice intercedente, ab omni nos adversitate defendas. | |
| 5006b | Refecti mensae caelestis ... semper adversitate defendas. |
| Refecti mensae caelestis collatione, quaesumus, domine deus noster, ut intercessione beati Laudi confessoris tui atque pontificis, cuius veneramur sollemnia, ab omni nos semper adversitate defendas. | |
| 5007 | Refecti pane vitae ... imminentibus eruamur. |
| Refecti pane vitae, supplices te rogamus, omnipotens deus, ut beati Iuvenalis confessoris tui et episcopi interventione a cunctis malis imminentibus eruamur. | |
| 5008 | Refecti participatione muneris ... sentiamus effectum. |
| Refecti participatione muneris sacri, quaesumus, domine deus noster, ut, cuius exsequimur cultum, sentiamus effectum. | |
| 5009 | Refecti quaesumus domine ... pietate castiga. |
| Refecti, quaesumus, domine, donis tuis, te supplices exoramus, ut, converso fratre nostro illo ad viam iustitiae, fontem lacrimarum in eo concutias et, ne ultra lugenda committat, eum paterna pietate castiga. | |
| 5010 | Refecti sacra participatione ... claritatis portionem. |
| Refecti sacra participatione spiritalis mensae, maiestatem tuam deprecamur, omnipotens deus, quatenus per gloriosam ac venerabilem Eormenhildam virginem, cuius caelestem recolimus nativitatem, concedas nobis omnem praesentis vitae opportunitatem et supernae claritatis portionem. | |
| 5011 | Refecti spiritali cibo ... iubeat collocari. |
| Refecti spiritali cibo et caelesti poculo reparati, omnipotentem deum, fratres carissimi, deprecemur, ut, qui nos corporis sui participatione et sanguinis effusione redemit, in requiem sempiternam iubeat collocari. | |
| 5012 | Refecti tuis sacramentis ... et mente. |
| Refecti tuis sacramentis, omnipotens deus, quaesumus, ut omnium sanctarum virginum tuarum intercessione et corpore tibi placeamus et mente. | |
| 5013 | Refecti vitalibus alimentis ... nutriamur aeternam. |
| Refecti vitalibus alimentis, quaesumus, domine, ad vitam nutriamur aeternam. | |
| 5014 | Refecti vitalibus alimentis ... munere consequamur. |
| Refecti vitalibus alimentis, quaesumus, domine deus noster, (ut), quod tempore nostrae mortalitatis exsequimur, immortalitatis tuae munere consequamur. | |
| 5015 | Refecti vitalibus alimoniis ... mente capiamus. |
| Refecti vitalibus alimoniis, quaesumus, domine deus noster, ut, intercedente beato Marco evangelista tuo, quod ore sumpsimus, pura mente capiamus. | |
| 5016 | Refectio tua domine ... dilectionem succendat. |
| Refectio tua, domine, restrictis corporibus in spiritu contribulato gustatur et, ideo prostrati ieiunii paenitentia, supplices exoramus, misericordia sola petentes, quod opere non meremur, ut sentiamus in spiritu dilectionis tuae pabulum suave, quod corda nostra, ab epulis vacantia, ad proximi dilectionem succendat. | |
| 5017 | Refectionis aeternae pasti ... praestent remedium. |
| Refectionis aeternae pasti dulcedine, quaesumus, domine deus noster, ut, intercedente beato Swithuno confessore tuo, quae in eius sumpsimus sollemnitate, non iudicium nobis sed perenne praestent remedium. | |
| 5018 | Refectos domine mensae ... adversitate defende |
| Refectos, domine, mensae caelestis collatione, beati Hilarii <pontificis intercessione ab omni nos adversitate defende>. | |
| 5019 | Refectos domine vitalis ... pervenire concede. |
| Refectos, domine, vitalis alimoniae sacramentis, sancti confessoris tui Ethelwoldi episcopi gloriosa nos intercessione protege et ad aeternum caelestis mensae convivium pervenire concede. | |
| 5020 | Referat domine populus ... intercessione securus. |
| Referat, domine, populus christianus, quos pia devotione praesumpsit, sanctae gratulationis effectus, ut beati apostoli tui Andreae simul fiat et veneratione iucundus et intercessione securus. | |
| 5021 | Refice nos mannae ... dextera gloriari. |
| Refice nos mannae spiritalis alimento, opulentissime largitor, omnipotens deus, ut, intercedentibus beatis martyribus tuis Petro et Marcellino, in sensu manuum tuarum directi, mereamur in monte, tua acquisito dextera, gloriari. | |
| 5022 | Refice quaesumus domine ... gaudiis interesse. |
| Refice, quaesumus, domine, populum tuum spiritalibus alimentis et, quorum tribuis sollemnia celebrare, fac eorum gaudiis interesse. | |
| 5023 | Rege domine populum ... gaudeat institutis. |
| Rege, domine, populum tuum et gratiae tuae in eo dona multiplica, ut, ab omnibus liber offensis, et temporalibus non destituatur auxiliis et sempiternis gaudeat institutis. | |
| 5024 | Rege domine quaesumus ... concede voluntates. |
| Rege, domine, quaesumus, tuorum corda fidelium et, ut bona tua, te largiente, percipiant, ipsorum primitus bonas esse concede voluntates. | |
| 5025 | Rege nostras domine ... subdantur alienis. |
| Rege nostras, domine, propitius voluntates, ut nec propriis iniquitatibus implicentur nec subdantur alienis. | |
| 5026 | Remedii sempiterni munera ... exhibere perficias. |
| Remedii sempiterni munera, domine, laetantes offerimus, suppliciter exorantes, ut eadem nos et digne venerari et pro salvandis congruenter exhibere perficias. | |
| 5027 | Reminiscentes martyrum tuorum ... p<raeparatur |
| Reminiscentes martyrum tuorum, domine, quorum diversis passionum triumphis universa per orbem terrarum decoratur ecclesia, indefessam per eosdem de immensa sanctificatione tua poscimus opem, ut, quod eis ad meritorum cumulum a <te> p<raeparatur>, nobis ad indulgentiam criminum, ipsis patrocinantibus, tribuatur. | |
| 5028 | Reminiscere miserationum tuarum ... paschale mysterium. |
| Reminiscere miserationum tuarum, domine, et famulos tuos aeterna protectione sanctifica, pro quibus Christus filius tuus per suum cruorem nobis instituit paschale mysterium. | |
| 5029 | Remotis obumbrationibus carnalium ... est praemium. |
| Remotis obumbrationibus carnalium victimarum, spiritalem tibi, summe pater, hostiam supplici servitute deferimus, quae miro ineffabilique mysterio et immolatur semper et eadem semper offertur pariterque et devotorum munus et remunerantis est praemium. | |
| 5030 | Remunerator omnium bonorum ... sordium liberemur. |
| Remunerator omnium bonorum, deus, dele nostrorum scelera peccatorum, ut, mente et corpore purificati, tibi placeamus aeterno deo regi, ut caritatis praemium consequamur et ab omnibus nequitiis sordium liberemur. | |
| 5031 | Renova Iesu domine ... acceptabiles habeantur. |
| Renova, Iesu domine, animas nostras ubertate dulcedinis et abundantia alternae caritatis, ut ieiunium nostrum sic beneficio dilectionis litetur, qualiter omnes petitiones nostrae coram te acceptabiles habeantur. | |
| 5032 | Renovatos domine fontis ... copiam praemiorum. |
| Renovatos, domine, fontis ac spiritus tui potentia iri hereditarium populum clementer adnumera, ut, qui a multitudine purgati sunt criminum, invisibilium etiam mereantur copiam praemiorum. | |
| 5033 | Reparet nos quaesumus ... salutis inducat. |
| Reparet nos, quaesumus, domine, semper et innovet tuae providentia pietatis, quae fragilitatem nostram et inter mundi tempestates protegat et gubernet et in portum perpetuae salutis inducat. | |
| 5034 | Repelle domine quaesumus ... iucunditatibus celebremus. |
| Repelle, domine, quaesumus, a nobis sacrilegas voluntates et tribue, ut divina mysteria castis iucunditatibus celebremus. | |
| 5035 | Reple cor nostrum ... feliciter mereamur. |
| Reple cor nostrum, domine, laetitia, qui nobis dare dignatus es sacri corporis tui eucharistiam, ut, qui escarum perceptione reficimur, spiritalibus beneficiis adimpleri feliciter mereamur. | |
| 5036 | Reple quaesumus domine ... operante salventur. |
| Reple, quaesumus, domine, famulos tuos tua sacra benedictione et, qui te factorem et conditorem ad eos renovandos dominum nostrum Iesum Christum advenisse confidunt, te auctore iugiter operante, salventur. | |
| 5037 | Repleamur domine gratia ... mentibus sentiamus. |
| Repleamur, domine, gratia muneris sacri et, quae gustu corporeo dulci veneratione contingimus, dulciora mentibus sentiamus. | |
| 5038a | Repleantur consolationibus tuis ... aeterna desiderent. |
| Repleantur consolationibus tuis, domine, quaesumus, tuorum corda fidelium pariterque et de ecclesiae praesulum et de suo referant gaudia votiva profectu ac, temporalibus solatiis incitati, promptius aeterna desiderent. | |
| 5038b | Repleantur consolationibus tuis ... referant actionem. |
| Repleantur consolationibus tuis, domine, quaesumus, tuorum corda fidelium pariterque etiam et de ecclesiae praesule et de suorum votorum plenitudine gratiarum referant actionem. | |
| 5039 | Repleatur os nostrum ... spiritalibus donis. |
| Repleatur os nostrum laude tua, domine, et cor nostrum gratia martyris tui Iuliani, ut et vox nostra tuis resultet praeconiis et anima repleatur spiritalibus donis. | |
| 5040 | Repleti alimonia caelesti ... triumphare iussisti. |
| Repleti alimonia caelesti et spiritali poculo recreati, quaesumus, omnipotens deus, ut ab hoste maligno defendas, quos per lignum sanctae crucis filii tui, arma iustitiae pro salute mundi, triumphare iussisti. | |
| 5041 | Repleti alimonia caelesti ... orationibus adiuvemur. |
| Repleti alimonia caelesti, quaesumus, domine, ut beati Aldelmi confessoris tui atque pontificis, in cuius translatione haec sollemnia sacro exhibuimus officio, muniamur meritis et orationibus adiuvemur. | |
| 5042 | Repleti alimonia caelesti ... consequi mereamur. |
| Repleti alimonia caelesti, quaesumus, domine, ut, intercedente beato Hieronymo confessore tuo, misericordiae tuae gratiam consequi mereamur. | |
| 5043a | Repleti benedictione caelesti ... sentiamus auxilio. |
| Repleti benedictione caelesti, suppliciter imploramus, ut, quae fragili celebramus officio, per beatos apostolos tuos nobis prodesse sentiamus auxilio. | |
| 5043b | Repleti domine benedictione ... sentiamus auxilio. |
| Repleti, domine, benedictione caelesti, suppliciter imploramus, ut, quod fragili celebramus officio, sanctorum archangelorum nobis prodesse sentiamus auxilio. | |
| 5044a | Repleti cibo spiritalis ... consortes efficias. |
| Repleti cibo spiritalis alimoniae, supplices te deprecamur, omnipotens deus, ut huius participatione mysterii doceas nos terrena despicere et amare caelestia atque, omni nexu mortiferae cupiditatis exutos, regno perpetuae libertatis consortes efficias. | |
| 5044b | Repleti cibo spiritalis ... amare caelestia. |
| Repleti cibo spiritalis alimoniae, supplices te, domine, deprecamur, ut huius participatione mysterii doceas nos terrena despicere et amare caelestia. | |
| 5045 | Repleti domine alimonia ... satisfactionem obtinere. |
| Repleti, domine, alimonia caelesti et spirituali poculo recreati, quaesumus, clementiam tuam, omnipotens deus, ut intercessio beati Eligii episcopi ad conterendas potestates adversariorum nos in dei proiectione et securitate constituat, ut omnia diri serpentis venena valeat exstinguere et nostram apud te satisfactionem obtinere. | |
| 5046 | Repleti domine apostolorum ... deprecantibus consequamur. |
| Repleti, domine, apostolorum celebritate tuorum, quaesumus, ut te semper in eorum commemoratione laudemus et tuam nobis misericordiam, iisdem semper deprecantibus, consequamur. | |
| 5047 | Repleti domine benedictione ... proficiat sempiternam. |
| Repleti, domine, benedictione caelesti, maiestatem tuam suppliciter deprecamur, ut beati archangeli tui Michaelis intercessionibus ad vitam nobis proficiat sempiternam. | |
| 5048a | Repleti domine benedictione caelesti sanctorum ... salubriter sentiamus. |
| Repleti, domine, benedictione caelesti, sanctorum tuorum concede suffragiis, ut, quae humiliter gerimus, salubriter sentiamus. | |
| 5048b | Repleti domine benedictione caelesti quaesumus ... salubriter sentiamus. |
| Repleti, domine, benedictione caelesti, quaesumus clementiam tuam, ut, intercedente beato Hermete martyre tuo, quae humiliter gerimus, salubriter sentiamus. | |
| 5049 | Repleti domine caelesti ... benignus attollis. |
| Repleti, domine, caelesti mysterio et benedictionibus suffragantium, gratias agimus nomini tuo, qui nos et salutari munere comitaris et sanctorum patrociniis benignus attollis. | |
| 5050 | Repleti domine caelestibus ... optata praesidia. |
| Repleti, domine, caelestibus sacramentis, quaesumus clementiam tuam, ut beati Germani confessoris tui, cuius.sollemnia celebramus, sentiamus optata praesidia. | |
| 5051 | Repleti domine corporis ... mereamur percipere. |
| Repleti, domine, corporis et sanguinis tui pretioso libamine, quaesumus, ut indulgentiam peccatorum nostrorum precibus sancti Narcissi mereamur percipere. | |
| 5052 | Repleti domine donis ... experiamur auxiliis. |
| Repleti, domine, donis tuis in tuorum festivitate sanctorum, praesta, ut haec sancta mysteria, quae celebramus votis, experiamur auxiliis. | |
| 5053a | Repleti domine eucharistia caelesti ... sentiamus optata praesidia. |
| Repleti, domine, eucharistia caelesti, quaesumus, ut sanctus Germanus confessor tuus atque pontifex piis nos intercessionibus tueatur, quatenus, cuius sollemnia recensemus, sentiamus optata praesidia. | |
| 5053b | Repleti domine eucharistia sacra ... sentiamus optata praesidia. |
| Repleti, domine, eucharistia sacra, sancti Germani confessoris tui atque pontificis pia nos intercessio, quaesumus, relevet a vitiis, ut, cuius sollemnia recensemus, sentiamus optata praesidia. | |
| 5054 | Repleti domine martyris ... deprecante consequamur. |
| Repleti, domine, martyris tui celebritate Christophori, quaesumus, ut et te semper in eius commemoratione laudemus et tuam misericordiam, ipso deprecante, consequamur. | |
| 5055 | Repleti domine muneribus ... effusione signavit. |
| Repleti, domine, muneribus hostiae salutaris, illius, quaesumus, orationibus adiuvemur, qui hanc, pro nobis singulariter immolandam, et verbo docuit et proprii sanguinis effusione signavit. | |
| 5056a | Repleti domine muneribus sacris ... gratiarum semper actione maneamus. |
| Repleti, domine, muneribus sacris, da, quaesumus, ut in gratiarum semper actione maneamus. | |
| 5056b | Repleti domine muneribus sacris ... tuarum semper actione maneamus. |
| Repleti, domine, muneribus sacris, quaesumus, ut, intercedentibus sanctis tuis, in gratiarum tuarum semper actione maneamus. | |
| 5057 | Repleti domine muneribus ... pietatem succurrere. |
| Repleti, domine, muneribus sacris, supplices te deprecamur, ut per invocationem nominis tui ab hoc famulo tuo vexato inimicus confusus abscedat et in omnibus eius insidiis facias caelestem pietatem succurrere. | |
| 5058 | Repleti domine munificentiae ... tibi referimus. |
| Repleti, domine, munificentiae gratiae tuae benedictione copiosa, et pro nostrae servitutis obsequiis et pro celebritate sanctorum, caelestia dona sumentes, gratias tibi referimus. | |
| 5059 | Repleti domine participatione ... gubernatione comiteris. |
| Repleti, domine, participatione caelesti, supplices te rogamus, ut, quos divino munere non relinquis, perpetua gubernatione comiteris. | |
| 5060 | Repleti domine sacramenti ... patrocinia sentiamus. |
| Repleti, domine, sacramenti participatione, quaesumus, ut sancti David confessoris tui atque pontificis meritis, cuius gloriosam celebramus festivitatem, ineffabilis misericordiae tuae patrocinia sentiamus. | |
| 5061 | Repleti domine sacri ... mentibus sentiamus. |
| Repleti, domine, sacri muneris gratia, supplices exoramus, ut, quae gustu corporeo dulci veneratione contigimus, dulciora mentibus sentiamus. | |
| 5062 | Repleti domine sacramento ... regna perducas. |
| Repleti, domine, sacramento corporis et sanguinis unigeniti tui, quaesumus, ut beatae Mariae Magdalenae meritis nos ab adversitatibus cunctis eripias et ad caelestia regna perducas. | |
| 5063 | Repleti gustu gratiae ... tibi referimus. |
| Repleti gustu gratiae tuae et caelestis mensae dulcedine vegetati, gratias tibi referimus. | |
| 5064 | Repleti libamine spiritualis ... remunerationis sempiternitatem. |
| Repleti libamine spiritualis mensae, tuam imploramus omnipotentiam, misericors domine, quatenus per gloriosa castae virginis Ethelburgae merita, cuius caelestem celebramus nativitatem, tribuas nobis indeficientem caelestis remunerationis sempiternitatem. | |
| 5065 | Repleti muneribus sacris ... constanter tolerare. |
| Repleti muneribus sacris, quaesumus, domine deus noster, ut, interveniente beato Thoma martyre tuo atque pontifice, mereamur mandatis tuis perseveranter intendere et incursus persequentium constanter tolerare. | |
| 5066 | Repleti muneribus sacris ... meritis adiuvemur. |
| Repleti muneribus sacris, quaesumus, omnipotens deus, ut, in cuius haec commemoratione percepimus, eius semper meritis adiuvemur. | |
| 5067 | Repleti muneribus tuis ... celebramus sollemnia. |
| Repleti muneribus tuis, quaesumus, omnipotens deus, ut eius nos tribuas sequi exempla, cuius gloriosa celebramus sollemnia. | |
| 5068 | Repleti substantia reparationis ... inhaerere caelestibus. |
| Repleti substantia reparationis et vitae, quaesumus, domine deus noster, ut per ea, qua[e] nobis munera dignaris praebere caelestia, per ha[e]c eadem tribuas nos inhaerere caelestibus. | |
| 5069 | Repleti sumus domine ... incessabiliter ambiamus. |
| Repleti sumus, domine, donorum participatione caelestium; praesta, quaesumus, ut eadem et sumamus iugiter et incessabiliter ambiamus. | |
| 5070 | Repleti sumus domine ... munere relevati. |
| Repleti sumus, domine, misericordia tua et benedictione sanctorum et securitatis munere relevati. | |
| 5071 | Repleti sumus domine ... et precibus. |
| Repleti sumus, domine, munere sollemnitatis optatae, qua beati Xysti et celebritate iuvemur et precibus. | |
| 5072 | Repleti sumus domine ... muniamur auxilio. |
| Repleti sumus, domine, muneribus tuis; tribue, quaesumus, ut et eorum mundemur effectu et muniamur auxilio. | |
| 5073 | Repleti sumus domine ... et sumimus. |
| Repleti sumus, domine, sacramentis et gaudiis, quae in sanctorum tuorum celebritatibus et frequentamus et sumimus. | |
| 5074a | Repleti vitalibus alimoniis ... efficaciter consequamur. |
| Repleti vitalibus alimoniis et divinis reparati mysteriis, supplices te rogamus, omnipotens deus, ut beatae Mariae semper virginis, cuius laetabunda celebramus gaudia, pia interventione, quod fideliter petimus, efficaciter consequamur. | |
| 5074b | Repleti vitalibus alimoniis ... civium supernorum. |
| Repleti vitalibus alimoniis et divinis reparati mysteriis, supplices te rogamus, omnipotens deus, ut beatae Mariae semper virginis, cuius venerandam colimus conceptionem, pia interventione, coniungi mereamur gaudiis civium supernorum. | |
| 5074c | Repleti vitalibus alimoniis ... immanium dominatione. |
| Repleti vitalibus alimoniis et divinis reparari mysteriis, supplices rogamus, omnipotens deus, beatae Mariae semper virginis, cuius venerandam colimus conceptionem, pia interventione a squalorum erui immanium dominatione. | |
| 5075a | Repletos domine eucharistia ... optata praesidia. |
| Repletos, domine, eucharistia, sancti Germani confessoris tui atque pontificis pia nos intercessio prosequatur, ut, cuius sollemnia recensemus, sentiamus optata praesidia. | |
| 5075b | Repletos quaesumus domine ... optata praesidia. |
| Repletos, quaesumus, domine, substantia caelesti, sancti Germani confessoris tui et episcopi nos intercessio tueatur, ut, cuius sollemnia celebramus, sentiamus optata praesidia. | |
| 5076 | Respice ad hanc ... spiritus sancti. |
| Respice ad hanc oblationem, omnipotens deus, quam tibi offerimus in honorem nominis tui pro salute regum et exercitus eorum et omnium circumadstantium, et praesta, ut, qui ex ea sumpserint, accipiant sanitatem mentis, integritatem corporis, tutelam salutis, intellectum sensus Christi, securitatem spei, corroborationem fidei, aeternitatem spiritus sancti. | |
| 5077 | Respice clementissime pater ... cunctis proficiat |
| Respice, clementissime pater, hostiam, quam ego indignus tuus famulus et sacerdos offerre praesumo coram sancto altario tuo tam pro me quam pro fratribus et sororibus nostris seu etiam et omnibus benefactoribus nostris, quorum eleemosynas erogandas suscepimus et quorum nomina ad memorandum conscripsimus et quorum hic super sancto altario tuo recensita fuerint, quam etiam defunctorum et omnium christianorum, <ut> cunctis proficiat ad salutem. | |
| 5078 | Respice deus omnipotens ... adiuvante percipiat. |
| Respice, deus omnipotens, ad precem familiae tuae, quae a misericordia tua sinceritatis officium et studium caritatis obtinere desiderat atque muneris tui donum, te adiuvante, percipiat. | |
| 5079 | Respice domine ad ... intercessor exsistat. |
| Respice, domine, ad haec munera, quae, te sanctificante, sacramus, et, sicut beatus Ioannes baptista factus est praecursor et praeparator viae domini nostri Iesu Christi, ita et pro nostris infirmitatibus, te protegente, intercessor exsistat. | |
| 5080 | Respice domine familiae ... nominis perseveret. |
| Respice, domine, familiae tuae preces et opem tribue suppliciter imploranti, ut congruis subsidiis in confessione tui nominis perseveret. | |
| 5081 | Respice domine familiam ... maceratione castigat. |
| Respice, domine, familiam tuam et praesta, ut apud te mens nostra tuo desiderio fulgeat, quae se carnis maceratione castigat. | |
| 5082 | Respice domine famulum ... medicina salvatum(-am). |
| Respice, domine, famulum tuum illum, in infirmitate sui corporis laborantem, et animam refove, quam creasti, ut, castigationibus emundatus(-a), continuo se sentiat tua medicina salvatum(-am). | |
| 5083 | Respice domine munera ... ad salutem. |
| Respice, domine, munera populi tui sanctorum festivitate votiva et tuae testificatio veritatis nobis proficiat ad salutem. | |
| 5084 | Respice domine munera ... intercessione perpetua. |
| Respice, domine, munera, quae in sanctorum tuorum commemoratione deferimus, ut, quorum honore sunt grata, eorum nobis fiant intercessione perpetua. | |
| 5085 | Respice domine munera ... sumenda concede. |
| Respice, domine, munera supplicantis ecclesiae et saluti credentium perpetua sanctificatione sumenda concede. | |
| 5086 | Respice domine mysterii ... puritate perveniant. |
| Respice, domine, mysterii tui consortium; episcopos in pace confirma, presbyteros duplici honore sublima, diaconos evangeliorum splendore clarifica, lectores meditatione legis exerce, exorcistas spiritus sancti virtute corrobora, ostiarios vigiliarum comple sollertia, virgines quoque nutri ac viduas et pupillos atque omnem plebis huius humilium tibi gregem ovilis sanctae claude custodia et desideria eorum ad te cum electis sacrificii istius puritate perveniant. | |
| 5087 | Respice domine nostrae ... fiant salutaria. |
| Respice, domine, nostrae servitutis munera, quae in apostolorum tuorum omnium commemoratione tuae pietati deferimus, et praesta, ut eorum intercessione nobis fiant salutaria. | |
| 5088 | Respice domine oblationes ... martyrio tradiderunt. |
| Respice, domine, oblationes fidelium, ut tibi gratae sint in tuorum passione sanctorum, qui, germano amore te diligentes, sua corpora martyrio tradiderunt. | |
| 5089 | Respice domine propitius ... semper exsistant. |
| Respice, domine, propitius ad munera, quae sacramus, ut et tibi grata sint et nobis salutaria semper exsistant. | |
| 5090 | Respice domine propitius ... absolve peccatis. |
| Respice, domine, propitius ad plebem tuam et, quam divinis tribuis proficere sacramentis, ab omnibus absolve peccatis. | |
| 5091 | Respice domine propitius ... mereatur implere. |
| Respice, domine, propitius, familiam tuam et perpetuam largire misericordiam supplicanti, ut, sine qua nihil potest a te dignum prorsus efficere, per eam salutaria tua praecepta mereatur implere. | |
| 5092 | Respice domine propitius ... pietatis attolle. |
| Respice, domine, propitius plebem tuam et, toto tibi corde subiectam, praesidiis invictae pietatis attolle. | |
| 5093 | Respice domine propitius ... et aeternis. |
| Respice, domine, propitius populum tuum atque ad tuam misericordiam pertinentes et temporalibus sustenta beneficiis et aeternis. | |
| 5094 | Respice domine propitius ... fructificare perpetuam. |
| Respice, domine, propitius sacra mysteria, quae gerimus, et, quod ad nostra evacuanda praeiudicia misericors providisti, vitam nobis tribue fructificare perpetuam. | |
| 5095a | Respice domine propitius ... gubernante custodiant. |
| Respice, domine, propitius super has famulas tuas, ut virginitatis sanctae propositum, quod, te inspirante, suscipiunt, te gubernante, custodiant. | |
| 5095b | Respice domine propitius ... gubernante custodiamus. |
| Respice, domine, propitius ad hostiam nostrae servitutis, tuo conspectui immolandam, ut professionis sanctae propositum, quod, te inspirante, suscepimus, te gubernante, custodiamus. | |
| 5096 | Respice domine quaesumus ... mente servire. |
| Respice, domine, quaesumus, afflictionem populi tui et, ab omnibus necessitatibus liberatum, secura tribue tibi mente servire. | |
| 5097 | Respice domine quaesumus ... vitae liberemur. |
| Respice, domine, quaesumus, afflictionem populi tui et, quos iustitia corripis, misericordia consolari dignare, ut, te custode servati, ab omnibus periculis huius vitae liberemur. | |
| 5098 | Respice domine quaesumus ... propitiatus afflictis. |
| Respice, domine, quaesumus, pietatis tuae subsidium postulantes; da indulgentiam reis, ut nobis subvenias propitiatus, afflictis. | |
| 5099 | Respice domine quaesumus ... invisibiliter apprehendant. |
| Respice, domine, quaesumus, plebem tuam, de sanctae Caeciliae martyris glorificatione gratulantem, et beneplacitum fieri tribue sacratarum tibi mentium famulatum, ut, qui in sanctis tuis te honorare non desinunt, perpetua donorum tuorum largitate potiantur et, quod visibiliter exsequuntur, invisibiliter apprehendant. | |
| 5100 | Respice domine quaesumus ... pietate fiduciam. |
| Respice, domine, quaesumus, populum, supplicantem misericordiam tuam, ac dispone praesidiis, ut te in omnibus rectore gratuletur, quia non habet nisi in tua tantum pietate fiduciam. | |
| 5101 | Respice domine quaesumus ... ad veniam. |
| Respice, domine, quaesumus, populum tuum, ad tua sacramenta currentem in praesenti festivitate sancti confessoris tui atque pontificis Medardi, ut, quod in honorem tui nominis detulerunt, cunctis proficiat ad veniam. | |
| 5102 | Respice domine quaesumus ... benignus auxilio. |
| Respice, domine, quaesumus, super famulos tuos et, in tua misericordia confidentes, caelesti protege benignus auxilio. | |
| 5103 | Respice domine quaesumus ... exime peccatis. |
| Respice, domine, quaesumus, super haec, quae tibi offerimus, et beati Iuliani pontificis meritis nos ab omnibus exime peccatis. | |
| 5104 | Respice domine quaesumus ... subire tormentum. |
| Respice, domine, quaesumus, super hanc familiam tuam, pro qua dominus noster Iesus Christus non dubitavit manibus tradi nocentium et crucis subire tormentum. | |
| 5105 | Respice domine super ... et defendi. |
| Respice, domine, super has hostias nostras, quas nomini tuo sacrandas offerimus, – et beati Apollinaris martyris tui atque pontificis prosequatur oratio, per quam nos expiari facias et defendi. | |
| 5106 | Respice igitur clementissime ... eroganda supplicantibus. |
| Respice igitur, clementissime pater, filii instituta, ecclesiae mysteria, credentibus munera, a supplicantibus oblata et eroganda supplicantibus. | |
| 5107 | Respice in me ... actione persistam. |
| Respice in me, patiens et immensae misericordiae deus, qui indulgentiam tuam nulla temporum lege concludis sed pulsantibus misericordiae tuae ianuam aperis, et da mihi, peccata mea paenitenti, compunctionis lacrimas, quibus incendia meorum valeam exstingere peccatorum, ut, dono clementiae tuae mundatus, in gratiarum tuarum semper actione persistam. | |
| 5108 | Respice nos omnipotens ... propitiatus absolve. |
| Respice nos, omnipotens et misericors deus, et ab omnibus tribulationibus propitiatus absolve. | |
| 5109 | Respice nos omnipotens ... lumen infunde. |
| Respice nos, omnipotens et misericors deus, et mentibus clementer humanis, nascente Christo, summae veritatis lumen infunde. | |
| 5110 | Respice nos rerum ... corde servire. |
| Respice nos, rerum omnium deus creator et rector, et, ut tuae propitiationis sentiamus effectum, toto nos tribue tibi corde servire. | |
| 5111 | Respice omnipotens deus ... solvatur lingua. |
| Respice, omnipotens deus, propitius super me famulum tuum et omnes iniquitates meas dele, ut cicatricum iniquitatum mearum signa non appareant ultra in carne mea sed, ablutis vitiis et carnis petulantia, in laudibus tuis ex plenitudine cordis mea solvatur lingua. | |
| 5112a | Respice propitius domine ... protectione confidit. |
| Respice propitius, domine, ad deditam tibi tui populi servitutem, ut inter humanae fragilitatis incerta nullis adversitatibus opprimatur, qui de tua protectione confidit. | |
| 5112b | Respice domine famulae ... protectione confidit. |
| Respice, domine, famulae tuae tibi deditam servitutem, ut inter humanae fragilitatis incerta nullis adversitatibus opprimatur, quae de tua protectione confidit. | |
| 5113 | Respice propitius domine ... copiosa praevincat. |
| Respice propitius, domine, quaesumus, afflictionem populi tui et ne ad perdendum peccata nostra praevaleant sed ad salvandum nos tua potius misericordia copiosa praevincat. | |
| 5114 | Respice propitius domine ... offensionibus immolamus. |
| Respice propitius, domine, super haec munera, quae et pro sanctorum tuorum commemoratione deferimus et pro nostris offensionibus immolamus. | |
| 5115 | Respice quaesumus domine ... impetrare valeamus. |
| Respice, quaesumus, domine, ad preces famuli tui illius, qui se tibi peccasse corde et mente graviter confitetur; praesta, ut per oblationem tui corporis et sanguinis, quam tibi pro ipso offerimus, ei veniam impetrare valeamus. | |
| 5116 | Respice quaesumus domine ... piae cognitionis. |
| Respice, quaesumus, domine, et peccatorum nostrorum tenebras averte, ut, quos exercet devotio sollemnitatis, illustrent gaudia piae cognitionis. | |
| 5117 | Respice quaesumus domine ... salubria consistant. |
| Respice, quaesumus, domine, munera, quae in sancti Piati martyris tui sollemnitate deferimus, ut, cuius grata sunt meritis, eius nobis intercessione salubria consistant. | |
| 5118 | Respice quaesumus domine ... meritis immolantur. |
| Respice, quaesumus, domine, munera, quae pro beati Andreae apostoli tui commemoratione deferimus, suppliciter exorantes, ut eius interventionibus adiuvemur, pro cuius meritis immolantur. | |
| 5119a | Respice quaesumus domine ... fragilitati subsidium. |
| Respice, quaesumus, domine, nostram propitius servitutem, ut, quod offerimus, sit tibi munus acceptum, sit nostrae fragilitati subsidium. | |
| 5119b | Respice quaesumus domine ... subsidium sempiternum. |
| Respice, quaesumus, domine, nostram propitius servitutem et haec oblatio nostra sit tibi munus acceptum, sit fragilitati nostrae subsidium sempiternum. | |
| 5120 | Respice quaesumus domine ... nos dignanter absolve. |
| Respice, quaesumus, domine, oblationem nostram et omnium sanctorum consessorum tuorum precibus ab omnibus culpis nos dignanter absolve. | |
| 5121 | Respice quaesumus domine ... culpis dignanter absolve. |
| Respice, quaesumus, domine, populum tuum et, quem aeternis dignatus es renovare mysteriis, a temporalibus culpis dignanter absolve. | |
| 5122 | Respice quaesumus domine ... operante firmetur. |
| Respice, quaesumus, domine, preces nostras et his muneribus praesentiam tuae maiestatis intersere, ut, quod nostro servitio geritur, te potius operante, firmetur. | |
| 5123 | Respice quaesumus domine ... benignus assume. |
| Respice, quaesumus, domine, propitius ad humilitatis nostrae simplicem servitutem et, intercedente beato Ioanne confessore tuo atque pontifice, cuius translationem celebramus, hostias, quas in honorem eius sacris altaribus immolamus, benignus assume. | |
| 5124 | Respice quaesumus omnipotens ... mentibus exsequamur. |
| Respice, quaesumus, omnipotens et misericors deus, munera, quae pro veneratione beati Matthaei apostoli tui et evangelistae tuae offerimus maiestati, et praesta, ut, cuius sollemnia his sacrificiis praevenimus, eius suffragantibus meritis, quae tibi sunt placita, digno affectu ac devotis mentibus exsequamur. | |
| 5125 | Respice subditam tibi ... actione gratiarum |
| Respice subditam tibi, domine, familiam tuam et, cuius exaudire preces in maerore dignatus es, <in> actione gratiarum propensius intuere. | |
| 5126 | Respiciat quaesumus clementia ... fiducialiter loquantur. |
| Respiciat, quaesumus, clementia tua, domine Iesu, munera servorum tuorum et gratiam tuae miserationis illis impende, ut, quae recta sunt in oculis tuis, veraciter intellegant et fiducialiter loquantur. | |
| 5127 | Resurgente Christo resolutis ... oboedientes efficias. |
| Resurgente Christo, resolutis inferni doloribus, etiam nos, deus pater omnipotens, solutis peccatorum delectationibus, resurgere concede propitius, ut mortificationis nostrae sacrificium tibi principaliter offeramus. Reconciliet te, quaesumus, domine, pro peccatoribus sanguis iusti et humilitas domini nostri. Haec est hostia, quae pependit in ligno; haec est caro, quae resurrexit de sepulcro. Quod pro nobis obtulit sacerdos noster in veritate, hoc conferimus in panis et vini suavitate. Cognosce, precamur, omnipotens deus, victimam, qua intercedente placatus es, et suscipe in adoptionem, quibus pater per gratiam factus es. Sit quoque, domine, sanctificatio et benedictio tua defensio et mundatio nostra, ut et peccatorum nobis veniam tribuas et praeceptis tuis semper oboedientes efficias. |
|
| 5128 | Resurrectione domini nostri ... cum ipso. |
| Resurrectione domini nostri Iesu Christi laetantes eiusque corporis et sanguinis mysterium celebrantes, gratias referimus nomini tuo, omnipotens deus pater, et petimus, ut ita mortificemur ac consepeliamur cum crucifixo tuo, ut credamus et sentiamus nos vivere etiam simul cum ipso. | |
| 5129 | Resuscita nos domine ... veniamus beatae. |
| Resuscita nos, domine, a concupiscentiarum nostrarum sepulcris, qui, devicto diabolo, resurrexisti triumphator a mortuis. Non in nobis patiaris perire bonorum tuorum notitiam, quam dedisti, qui in salute perditos excitasti; Constitue inter nos et inconvertibilem diabolum odium perfectum, non quo nobis nocere, te propitiante, praevaleat sed quo, agnitione tuae veritatis illuminatos, supplantare ulterius valeat. Eumque ita, malorum eius crescente fastigio, relinquamus, ne umquam ad vomitum nostrarum sordium redeamus. Illoque virtutis tuae vigore expulso, ineradicabilem mentibus nostris dilectionis tuae infunde dulcedinem, donec ad satietatem plenitudinis veniamus beatae. | |
| 5130 | Rex noster et ... criminum impetremus. |
| Rex noster et domine, qui ex ore Theoduli infantuli martyris tui fecisti in laudem, dum linguam eius concessisti esse disertam per donum gratiae, qui adhuc plene fari non poterat per aetatem, da in ore nostro et sapientiae canticum et petitionis effectum, ut, qui in hoc die martyris tui Romani has tibi hostias immolamus, tam viventibus quam defunctis indulgentiam criminum impetremus. | |
| 5131 | Rogamus etiam domine ... vitae merita consequatur aeterna ibique eum statuere digneris ubi est omnium beatitudo iustorum et cum dies ille iudicii advenerit inter sanctos et electos tuos eum |
| Rogamus etiam, domine, pro anima famuli tui illius, quem in pace dominica assumere dignatus es, ut locum refrigerii teneat <et> vitae merita consequatur aeterna ibique eum statuere digneris, ubi est omnium beatitudo iustorum, et, cum dies ille iudicii advenerit, inter sanctos et electos tuos eum facias suscitare. | |
| 5132 | Sacra domine mensa ... ad vitam. |
| Sacra domine, mensa nos vegetet et perpetuam pascat ad vitam. | |
| 5133 | Sacrae festivitatis nobis ... patrociniis adiuvemur. |
| Sacrae festivitatis nobis, quaesumus, domine, dona multiplica, ut, cum salutis nostrae vota recolimus, et eorum, qui tibi sunt placiti, patrociniis adiuvemur. | |
| 5134a | Sacrae nobis quaesumus ... praestet auxilium. |
| Sacrae nobis, quaesumus, domine, mensae libatio et piae conversationis augmentum et tuae propitiationis continuum praestet auxilium. | |
| 5134b | Sacrae nobis quaesumus ... praestent auxilium. |
| Sacrae nobis, quaesumus, domine, observationis ieiunia et piae conversationis augmentum et tuae propitiationis continuum praestent auxilium. | |
| 5135 | Sacramenta caelestia quae ... sunt percepta. |
| Sacramenta caelestia, quae pro beati Barnabae apostoli tui passione, domine, tuae obtulimus maiestati, ipsius nobis, quaesumus, fiant intercessione salutaria, in cuius natalicia sunt percepta. | |
| 5136 | Sacramenta domine deus ... servire concedant. |
| Sacramenta, domine deus, quae sumpsimus, beato Martino confessore tuo intercedente, ab omni nos adversitate defendant et perpetua prosperitate tibi deo soli servire concedant. | |
| 5137 | Sacramenta domine quae ... tuo servitio. |
| Sacramenta, domine, quae percepimus, ad aeternam nobis prosint redemptionem et sanctarum Perpetuae et Felicitatis interventio corroboret nos in tuo servitio. | |
| 5138 | Sacramenta domine quae ... exsultanter impleta. |
| Sacramenta, domine, quae pro martyrum tuorum illorum beata passione percepimus, ipsorum nobis, quaesumus, fiant intercessione salutaria, in quorum nataliciis sunt exsultanter impleta. | |
| 5139 | Sacramenta nos quaesumus ... periculo defende. |
| Sacramenta nos, quaesumus, domine, tua sancta sumentes, et ab omni propitius iniquitate et periculo defende. | |
| 5140 | Sacramenta praesentia quaesumus ... pius absolve. |
| Sacramenta praesentia, quaesumus, domine, intercedente sancto Lamberto, benigne sanctifica nosque a peccatorum nostrorum nexibus ipsius meritis pius absolve. | |
| 5141 | Sacramenta quae indigni ... perducat caelestia. |
| Sacramenta, quae indigni sumpsimus, domine, nobis mentis et corporis fiant remedia et sancti pontificis tui Dunstani intercessio nos ad gaudia perducat caelestia. | |
| 5142 | Sacramenta quae sumpsimus ... iugiter immolavit. |
| Sacramenta, quae sumpsimus, domine, beatae Mariae semper virginis intercessione nos salvent, quae devotione sui cordis piissimi acceptabile tibi sacrificium iugiter immolavit. | |
| 5143a | Sacramenta quae sumpsimus ... mente recepta. |
| Sacramenta, quae sumpsimus, domine, beati Stephani protomartyris tui intercessione nobis, quaesumus, fiant salutaria, in cuius sacratissimi corporis inventione sunt supplici mente recepta. | |
| 5143b | Sacramenta quae sumpsimus ... sunt impleta. |
| Sacramenta, quae sumpsimus, domine, beati illius martyris tui atque pontificis intercessione nobis fiant salutaria, in cuius commemoratione sunt impleta. | |
| 5144 | Sacramenta quae sumpsimus ... quibus donasti baptismi sacramentum in regione sanctorum iubeas dari consortium <regni caelestis |
| Sacramenta, quae sumpsimus, domine, per intercessionem sanctorum apostolorum, martyrum et consessorum vel virginum tuarum, quorum natalicia celebramus, nobis proficiant ad salutem et famulis vel famulabus tuis, quorum commemorationem agimus, tribue refrigerium sempiternum <et>, quibus donasti baptismi sacramentum, in regione sanctorum iubeas dari consortium <regni caelestis> et plenitudinem gaudiorum. | |
| 5145a | Sacramenta quae sumpsimus quaesumus ... corporalibus tueantur auxiliis. |
| Sacramenta, quae sumpsimus, quaesumus, domine, et spiritalibus nos expient alimentis et corporalibus tueantur auxiliis. | |
| 5145b | Sacramenta quae sumpsimus domine ... corporalibus tueantur auxiliis. |
| Sacramenta, quae sumpsimus, domine deus noster, et spiritalibus nos repleant alimentis et corporalibus tueantur auxiliis. | |
| 5146 | Sacramenta quaesumus domine ... potenter custodi. |
| Sacramenta, quaesumus, domine, quae sumpsimus, intercedentibus sanctis tuis Georgio, Blasio, Erasmo, Pantaleone, Vito, Christophoro, Dionysio, Cyriaco, Achatio, Eustachio, Aegidio, Catherina, Margaretha et Barbara, nobis prosint adveniam et, quorum petitionem clementer exaudisti, eorum intervenientibus meritis, in cunctis necessitatibus nostris nos refove miseratus auxilio et ab omni adversitate nos potenter custodi. | |
| 5147 | Sacramenta salutis nostrae ... obtulimus maiestati. |
| Sacramenta salutis nostrae suscipientes, concede, quaesumus, omnipotens deus, ut beati Martini nos ubique oratio adiuvet, in cuius veneratione haec tuae obtulimus maiestati. | |
| 5148 | Sacramenta salutis nostrae ... provocemur exemplis. |
| Sacramenta salutis nostrae suscipientes, tuam, mitissime deus, misericordiam imploramus, ut, quorum gratulamur triumphis, provocemur exemplis. | |
| 5149a | Sacramenta sumpta quaesumus ... conversationis pericula. |
| Sacramenta sumpta, quaesumus, domine, nostra detergant piacula et per sancti Augustini supplicationem adiuvent nos recte incedere inter mundanae conversationis pericula. | |
| 5149b | Sacramenta tua domine ... vitae pericula. |
| Sacramenta tua, domine, nostra extergant piacula sanctique Augustini oratio nos adiuvet recte incedere inter omnia huius vitae pericula. | |
| 5150 | Sacramenta tua domine ... nos defendant. |
| Sacramenta tua, domine, quae indigni percepimus, et crimina nostra detergant et, sancto intercedente Birino, ab omni malo nos defendant. | |
| 5151 | Sacramenti caelestis perceptio ... dignos efficiat. |
| Sacramenti caelestis perceptio nos, quaesumus, domine, purificet et, intercedente beata dei genitrice semperque virgine Maria, ad aeternae felicitatis dona obtinenda dignos efficiat. | |
| 5152 | Sacramenti tui domine ... potenter efficiat. |
| Sacramenti tui, domine, divina libatio penetra(bi)lia nostri cordis infundat et sui participes potenter efficiat. | |
| 5153 | Sacramenti tui domine ... proficere sentiamus. |
| Sacramenti tui, domine, munus, quod, tua gratia largiente, percepimus, omnium sanctorum meritis intervenientibus, nobis ad aeternum remedium proficere sentiamus. | |
| 5154 | Sacramenti tui domine ... praeparet adscribendos. |
| Sacramenti tui, domine, quaesumus, sumpta benedictio corpora nostra mentesque sanctificet et perpetuae misericordiae nos praeparet adscribendos. | |
| 5155 | Sacramenti tui domine ... et salutis. |
| Sacramenti tui, domine, veneranda perceptio ab omnibus hos tueatur adversis et beati Eusebii confessoris tui precibus nobis indulgentiae semper sit causa et salutis. | |
| 5156 | Sacramenti tui domine ... virtute defendat. |
| Sacramenti tui, domine, veneranda perceptio et mystico nos mundet effectu et perpetua virtute defendat. | |
| 5157a | Sacramenti tui quaesumus ... et medelam. |
| Sacramenti tui, quaesumus, domine, participatio salutaris et purificationem nobis praebeat et medelam. | |
| 5157b | Sacramenti quaesumus domine ... et medelam. |
| Sacramenti, quaesumus, domine, participatio salutaris et tui exsecutio praecepti purificationem nobis praebeat et medelam. | |
| 5158 | Sacramenti tui munere ... perfruamur aeternis. |
| Sacramenti tui munere vegetati, quaesumus, ut intercessione beati Thomae apostoli tui bonis, quibus nunc per tuam gratiam fovemur, perfruamur aeternis. | |
| 5159 | Sacramentis domine et ... recordationibus exhibentur. |
| Sacramentis, domine, et gaudiis optata celebritate expletis, quaesumus, ut eorum precibus adiuvemur, quorum recordationibus exhibentur. | |
| 5160 | Sacramentis domine muniamur ... caelestibus protegamur. |
| Sacramentis, domine, muniamur acceptis et sanctorum tuorum Marcelli et Apulei contra omnes nequitias irruentes armis caelestibus protegamur. | |
| 5161 | Sacramentis domine refecti ... domus orationis. |
| Sacramentis, domine, refecti salutaribus, gratias tibi referimus; reple, quaesumus, hoc templum tuae gloria maiestatis, ut in honorem nominis tui fiat populo tuo domus orationis. | |
| 5162 | Sacramentis refecti caelestibus ... potenter infundat. |
| Sacramentis refecti caelestibus, praesta, quaesumus, domine, ut a nostris mentibus carnales amoveat spiritus sanctus affectus et spiritalia nobis dona potenter infundat. | |
| 5163 | Sacramentis tuis domine ... aeternis perfruamur. |
| Sacramentis tuis, domine, repleti, quaesumus, ut sanctorum confessurum tuorum atque pontificum illorum, quorum sollemnia agimus, adiuti precibus, tuis muneribus, quibus in praesenti fovemur, aeternis perfruamur. | |
| 5164 | Sacramentis tuis quaesumus ... et saluti. |
| Sacramentis tuis, quaesumus, domine, intende placatus, ut, intercedentibus sanctis martyribus tuis, devotioni nostrae proficiant et saluti. | |
| 5165a | Sacramentorum tuorum benedictione ... periculis exuamur. |
| Sacramentorum tuorum benedictione satiati, quaesumus, domine, ut per haec semper emundemur a vitiis et periculis exuamur. | |
| 5165b | Sacramentorum tuorum benedictione ... a vitiis. |
| Sacramentorum tuorum benedictione satiati, quaesumus, domine, ut per haec semper mundemur a vitiis. | |
| 5165c | Sacramentorum tuorum domine ... vitiis emundemur. |
| Sacramentorum tuorum, domine, benedictione satiati et beatorum martyrum tuorum Fabiani et Sebastiani gloriosa confessione muniti, te suppliciter exposcimus, ut per haec a cunctis vitiis emundemur. | |
| 5166 | Sacramentorum tuorum domine ... luce confirmet. |
| Sacramentorum tuorum, domine, communio sumpta nos salvet et in tuae veritatis luce confirmet. | |
| 5167 | Sacramentorum tuorum domine ... imitari constantiam. |
| Sacramentorum tuorum, domine, participatione laetantes, suppliciter exoramus, ut, quorum merita celebrare condonas, eorum nos facias imitari constantiam. | |
| 5168 | Sacramentorum tuorum domine ... consequi mereamur. |
| Sacramentorum tuorum, domine, participes effecti, imploramus clementiam tuam, ut, beatae Caeciliae virginis tuae et martyris interventu peccatorum nostrorum veniam consequi mereamur. | |
| 5169 | Sacramentorum tuorum domine ... pervenire mereamur. |
| Sacramentorum tuorum, domine, munere vegetati, tuam supplices deprecamur clementiam, ut, quorum sollemnia praesentialiter agimus, eorum meritis ad aeterna gaudia pervenire mereamur. | |
| 5170 | Sacramentorum tuorum perceptio ... nobis operetur. |
| Sacramentorum tuorum perceptio, quaesumus, domine, interveniente beato Apollinare martyre tuo, salutem mentis et corporis nobis operetur. | |
| 5171 | Sacramentorum tuorum quaesumus ... obtineat praemium. |
| Sacramentorum tuorum, quaesumus, domine, perceptio et beatae Christinae virginis et martyris tuae intercessio vitae praesentis subsidium et aeternae vitae nobis obtineat praemium. | |
| 5172 | Sacramentum absconditum a ... videre mereamur. |
| Sacramentum absconditum a saeculis in deo, quod Gabriel archangelus de Maria virgine nasciturum edocuit et pro nostra salutari refectione nunc admirabili sacramento relatum vera fide percepimus, quaesumus, domine deus noster, ut, intercedente beata dei genitrice Maria et Gabriele archangelo, cum principatibus et potestatibus in caelestibus revelata eundem facie videre mereamur. | |
| 5173 | Sacrandum tibi domine ... mentibus imploramus. |
| Sacrandum tibi, domine, munus offerimus, quo, beati Andreae sollemnia recolentes, purificationem quoque nostris mentibus imploramus. | |
| 5174 | Sacrarum virginum excolentes ... indulgentiam largiaris. |
| Sacrarum virginum excolentes sollemnia, haec tibi, domine, offerimus holocausta, tuam postulantes clementiam, ut, qui, saeptus virginum choris, inter lilia pascis, super haec libamina spiritum tuae dirigas sanctitatis, ut, quod a nobis ob honorem virginum tuarum acceperis, hoc nobis sumendum ad nostrorum criminum indulgentiam largiaris. | |
| 5175 | Sacrata deo pro ... iugisque clementia. |
| Sacrata deo pro se suisque deferentibus dona sanctorumque martyrum invocantibus suffragia adsit virtus immensa iugisque clementia. | |
| 5176 | Sacratam mysteriis caelestibus ... sanctorum suorum interventu atque suffragio nostrae devotionis obsequia accepta |
| Sacratam mysteriis caelestibus sedem in natali beatissimorum martyrum ad obsequium sacrae sollemnitatis ingressi, laudemus dominum in sanctis eius eumque in beatissimorum confessurum ac testium honorem veneremur, agentes ei gratias pro omnium nostrorum salute atque tutela, indefessam eius misericordiam deprecantes, ut spiritibus carorum nostrorum opem misericordiae caelestis impertiat et nobis, adversus insidias diaboli in huius mundi agone certantibus, divinae maiestatis suae praesidia largiatur <et> sanctorum suorum interventu atque suffragio nostrae devotionis obsequia accepta ferre dignetur. | |
| 5177 | Sacratissimam domine beatae ... effici gloriae. |
| Sacratissimam, domine, beatae Mariae Magdalenae, qua caelos subiit, celebritatem recensentes, supplices imploramus clementiam tuam, ut, qui eius devotionis recolimus insignia, ipsius mereamur compotes effici gloriae. | |
| 5178 | Sacratissimum domine quaesumus ... misericordiam consequamur. |
| Sacratissimum, domine, quaesumus, sancti martyris tui Symphoriani diem annua sollemnitate venerantes, ab omni creatura tremendo, ab omni humilitate venerando, misericordiam tuam deprecamur, ut, sicut ille toto voto martyrium, te adiuvante, gaudens suscepit, ita nos temporalia gaudia voluntatem et aeternam misericordiam consequamur. | |
| 5179 | Sacri altaris participatione ... suffragiis sentiamus. |
| Sacri altaris participatione refecti, tuam, domine, misericordiam suppliciter exoramus, ut, qui haec in beatae Fidis virginis et martyris tuae veneratione percepimus, eius nos confoveri suffragiis sentiamus. | |
| 5180 | Sacri corporis domini ... praemium sempiternum. |
| Sacri corporis domini nostri repleti libamine et pretioso inebriati sanguine, quaesumus, domine deus noster, ut per intercessionem sancti praesulis Erkenwaldi tribuas nobis nostrorum absolutionem peccaminum et aeternae beatitudinis praemium sempiternum. | |
| 5181 | Sacri corporis et ... solatium exhibendo. |
| Sacri corporis et pretiosi sanguinis tui libamen sumentes, quaesumus clementiam tuam, ut, intercedente beato propheta tuo Daniele, per hospitium in te nos manere facias recte vivendo et te in nobis manifestes semper solatium exhibendo. | |
| 5182 | Sacri corporis et ... redemptione capiamus. |
| Sacri corporis et sanguinis pretiosi renovati libamine, quaesumus, domine, clementiam tuam, ut, quod frequenti devotione gerimus, certa redemptione capiamus. | |
| 5183 | Sacri libaminis nos ... acta gaudentes. |
| Sacri libaminis nos, quaesumus, domine deus noster, intercessione sanctorum martyrum tuorum Timothei et Apollinaris effice participes, quorum patrocinia recolimus acta gaudentes. | |
| 5184 | Sacri nos domine ... societ sempiternis. |
| Sacri nos, domine, muneris operatio mundet et foveat, renovet et donis societ sempiternis. | |
| 5185 | Sacrificia domine ob ... acceptabilis mereatur. |
| Sacrificia, domine, ob beatae dei genitricis semperque virginis Mariae honorem deferimus; praesta, quaesumus, ut eius intercessione tibi fieri hostia acceptabilis mereatur. | |
| 5186a | Sacrificia domine paschalibus ... renascitur et nutritur. |
| Sacrificia, domine, paschalibus gaudiis immolamus, quibus ecclesia tua mirabiliter renascitur et nutritur. | |
| 5186b | Sacrificia domine paschalibus ... pascitur et nutritur. |
| Sacrificia, domine, paschalibus gaudiis immolamus, quibus ecclesia tua mirabiliter pascitur et nutritur. | |
| 5186c | Sacrificia domine paschalibus ... nascitur et nutritur. |
| Sacrificia, domine, paschalibus gaudiis immolamus, quibus ecclesia mirabiliter et nascitur et nutritur. | |
| 5187a | Sacrificia domine propensius ista nos ... instituta ieiuniis. |
| Sacrificia, domine, propensius ista nos salvent, quae medicinalibus sunt instituta ieiuniis. | |
| 5187b | Sacrificia domine propensius ista restaurent ... instituta ieiuniis. |
| Sacrificia, domine, propensius ista restaurent, quae medicinalibus sunt instituta ieiuniis. | |
| 5188 | Sacrificia domine tibi ... sentire perficiant. |
| Sacrificia, domine, tibi cum ecclesiae precibus immolanda, quaesumus, corda nostra purificent et indulgentiae tuae nobis dona concilient et de adversis prospera sentire perficiant. | |
| 5189 | Sacrificia domine tibi ... inveniri mereamur. |
| Sacrificia, domine, tibi laudis offerimus, beati apostoli tui Matthiae sollemnia recolentes, ut in eius sortis collegio, gratia tua opitulante, purificatis mentibus inveniri mereamur. | |
| 5190 | Sacrificia domine tuis ... corda succendit. |
| Sacrificia, domine, tuis oblata conspectibus, ignis ille divinus absumat, qui discipulorum Christi tui per sanctum spiritum corda succendit. | |
| 5191 | Sacrificia haec domine ... tibi efficiantur. |
| Sacrificia haec, domine, ad salutem nostram tibi grata reddantur et, sancto Iudoco interveniente, corda nostra holocausta idonea tibi efficiantur. | |
| 5192 | Sacrificia ista tibi ... esse mereamur. |
| Sacrificia ista, tibi vero aeternoque pontifici, domine, oblata, tu sanctifica et, sanctis tuis exorantibus, ita nos fac haec tractare mysteria, ut ipsi tibi et templum et hostia esse mereamur. | |
| 5193 | Sacrificia nos domine ... imbuant institutis. |
| Sacrificia nos, domine, celebranda purificent et caelestibus imbuant institutis. | |
| 5194 | Sacrificia nos domine ... dent vigorem. |
| Sacrificia nos, domine, immaculata purificent et mentibus nostris supernae gratiae dent vigorem. | |
| 5195 | Sacrificia quae offerimus ... consequi mereantur. |
| Sacrificia, quae offerimus pro salute famulorum famularumque tuarum illarum, accepta tibi sint, omnipotens deus, ut omnium delictorum suorum veniam consequi mereantur. | |
| 5196 | Sacrificia quae sumpsimus ... salutarem effectum. |
| Sacrificia, quae sumpsimus, domine Iesu Christe, transfixionem matris tuae et virginis devote celebrantes, nobis impetrent apud tuam clementiam omnis boni salutarem effectum. | |
| 5197 | Sacrificia quae sumpsimus ... proiectione confirment. |
| Sacrificia, quae sumpsimus, domine, pro sollemnitate sancti pontificis tui Nicolai, sempiterna nos proiectione confirment. | |
| 5198 | Sacrificia tibi domine ... merita sic nostrae servitutis accepta |
| Sacrificia tibi, domine, veneranda probati martyris tui Leudegarii passione suppliciter immolamus, ut eius orationibus placeant, pro cuius meritis offeruntur; praesta, quaesumus, ut, sicut eius tibi grata <sunt> merita, sic nostrae servitutis accepta reddantur officia. | |
| 5199 | Sacrificia tua domine ... obtineant sempiterna. |
| Sacrificia tua, domine, quaesumus, corda nostra purificent et, intercedente sancto levita Stephano, remedia nobis obtineant sempiterna. | |
| 5200 | Sacrificii praesentis quaeso ... suscepi indignus. |
| Sacrificii praesentis, quaeso, domine, oblatio mea expurget facinora, per quod totius mundi voluisti relaxari peccata, illiusque frequentatione efficiat dignus, quod, ut frequentarem, suscepi indignus. | |
| 5201 | Sacrificii praesentis oblationem ... suscipi mereamur. |
| Sacrificii praesentis oblationem, quaesumus, domine, beati regis Edwardi pia commendet intercessio, ut, in cuius veneratione suscipitur, ipso interveniente, gaudia aeterna suscipi mereamur. | |
| 5202 | Sacrificii tui domine ... remedia promereri. |
| Sacrificii tui, domine, servimus effectibus; et nos expiari et tua nos confidimus remedia promereri. | |
| 5203 | Sacrificii tui nos ... commendet oratio. |
| Sacrificii tui nos, domine, ab omni malo defendat perceptio et beati Bedae confessoris tui atque presbyteri nos tibi iugiter commendet oratio. | |
| 5204 | Sacrificiis domine placatus ... clementer impende. |
| Sacrificiis, domine, placatus oblatis, opem tuam nostris temporibus clementer impende. | |
| 5205 | Sacrificiis praesentibus domine ... et saluti. |
| Sacrificiis praesentibus, domine, quaesumus, intende placatus, ut et devotioni nostrae proficiant et saluti. | |
| 5206 | Sacrificiis quaesumus domine ... liberemur insidiis. |
| Sacrificiis, quaesumus, domine, placare oblatis et, supplicante pro nobis beato praesule et martyre tuo Blasio, per haec ab omnibus inimicorum nostrorum liberemur insidiis. | |
| 5207 | Sacrificiis quaesumus domine ... exsecutio mandatorum. |
| Sacrificiis, quaesumus, domine, salutaribus his diebus aptemur propensius, quibus illud est mysterium celebrandum, cui servit omnis exsecutio mandatorum. | |
| 5208a | Sacrificium deferimus de ... uberiusque sumamus. |
| Sacrificium deferimus de perceptione tuorum, domine, praestitorum, ut percipienda securius uberiusque sumamus. | |
| 5208b | Sacrificium laudis de ... veriusque sumamus. |
| Sacrificium laudis de perceptione tuorum, domine, deferimus praesidiorum, quaesumus, ut percipienda securius veriusque sumamus. | |
| 5209 | Sacrificium domine celebramus ... desideramus aeternum. |
| Sacrificium, domine, celebramus, quod ita nobis debet esse perpetuum, sicut nos eius opere fieri iugiter desideramus aeternum. | |
| 5210 | Sacrificium domine hoc ... concede medicinam. |
| Sacrificium, domine, hoc, quod tibi offerimus, placatus intende et famulum tuum illum, ex adversa valitudine corporis sui laborantem, placatus respice et visita in salutari tuo et caelestis gratiae concede medicinam. | |
| 5211 | Sacrificium domine observantiae ... tribuat facultatem). |
| Sacrificium, domine, observantiae paschalis exserimus; praesta, quaesumus, ut tibi et mentes nostras reddat acceptas (et continentiae promptioris nobis tribuat facultatem). | |
| 5212 | Sacrificium domine pro ... caelestia consurgamus. |
| Sacrificium, domine, pro filii tui supplices venerabili nunc adscensione deferimus; praesta, quaesumus, ut et nos per ipsum his commerciis sacrosanctis ad caelestia consurgamus. | |
| 5213 | Sacrificium [domine] quadragesimalis ... voluptatibus temperemus. |
| Sacrificium, [domine], quadragesimalis initii sollemniter immolamus, te, domine, deprecantes, ut cum epularum restrictione carnalium a noxiis quoque voluptatibus temperemus. | |
| 5214 | Sacrificium domine quaesumus ... praeclara subiungitur. |
| Sacrificium, domine, quaesumus, nostrum ipsa tibi sit actione placabile, cui praesenti mysterio dominicae passionis, de cuius est germine procreata, beati Cypriani sacerdotis et martyris mors praeclara subiungitur. | |
| 5215 | Sacrificium domine quod ... vinculis absolve. |
| Sacrificium, domine, quod ad laudem et honorem nominis tui deferimus, intercedentibus meritis beatae Barbarae virginis et martyris tuae, placatus suscipe et suis sanctissimis precibus a nostrorum peccatorum nos vinculis absolve. | |
| 5216 | Sacrificium domine quod ... suffragator efficiat. |
| Sacrificium, domine, quod desideranter offerimus, gratum tibi beatus ille suffragator efficiat. | |
| 5217a | Sacrificium domine quod immolamus intende ... securitate constituat. |
| Sacrificium, domine, quod immolamus, intende, ut ab omni nos exuat bellorum nequitia et in tuae protectionis securitate constituat. | |
| 5217b | Sacrificium domine quod ... securum effice. |
| Sacrificium, domine, quod immolamus, propitiatus intende, ut ab omni nos bellorum exuat nequitia et in tuae protectionis securitate constituat, et famulum tuum regem nostrum, coniugem prolemque ac populum sibi commissum et a peccatis absolve et ab hostium visibilium vel invisibilium insidiis tutum atque securum effice. | |
| 5217c | Sacrificium domine quod immolamus placatus ... securitate constituat. |
| Sacrificium, domine, quod immolamus, placatus intende, ut ab omni nos exuat bellorum nequitia et per vexillum sanctae crucis filii tui ad conterendas potestatis adversariorum insidias nos in tuae protectionis securitate constituat. | |
| 5218a | Sacrificium domine quod pro sanctis ... donante suffragium. |
| Sacrificium, domine, quod pro sanctis martyribus Gervasio et Protasio praevenit nostra devotio, eorum merito nobis augeat, te donante, suffragium. | |
| 5218b | Sacrificium domine quod pro sancti ... donante suffragium. |
| Sacrificium, domine, quod pro sancti illius confessoris tui atque abbatis sollemnitate deferimus, tibi, quaesumus, fiat acceptum et, eius intervenientibus meritis, nobis augeat, te donante, suffragium. | |
| 5219 | Sacrificium domine quod ... proficiat prosperitatem. |
| Sacrificium, domine, quod tuae offerimus maiestati, propitius respice et concede, ut his, pro quibus hoc tibi offertur, tam ad praesentem quam etiam ad futuram proficiat prosperitatem. | |
| 5220 | Sacrificium laudis in ... praemium assequendum. |
| Sacrificium laudis in honorem et gloriam tui sancti nominis praeclarae, domine, tuae offerimus maiestati pro commemoratione et reverentia sancti Cucufatis martyris tui, qui nullis illecebris corporalium voluptatum, nullis promissis blandimentorum fallacium, nullo genere tormentorum a tua potuit separari dilectione. Quapropter, te reclamando, effici tibi meruit sacrificium laudis. Cuius pretiosa oratio, quaesumus, per haec sacrosancta nostrae redemptionis commercia nobis peccatorum omnium obtineat veniam et sempiternae gloriae praemium assequendum. | |
| 5221 | Sacrificium nostrae paenitudinis ... convivium festinemus. |
| Sacrificium nostrae paenitudinis, ieiunantes, domine, tibi persolvimus, obsecrantes, ut, eius virtute muniti, semper ad caeleste convivium festinemus. | |
| 5222 | Sacrificium nostrae salutis ... dignos efficiat. |
| Sacrificium nostrae salutis in honorem beatissimae virginis Mariae tibi, Christe, immolantes, supplices deprecamur, ut veneranda eius compassio, quam recolimus, nos meritorum suorum suique filii misericorditer dignos efficiat. | |
| 5223 | Sacrificium nostrum quaesumus ... ab aeternis. |
| Sacrificium nostrum, quaesumus, domine, benignus intende, quo, sicut beati Anthonii precibus cruciatus temporales sanare non desinis, ita erui misericorditer impetremus ab aeternis. | |
| 5224 | Sacrificium nostrum tibi ... efficiatur acceptum. |
| Sacrificium nostrum, tibi, domine, quaesumus, beati Andreae precatio sancta conciliet, ut, cuius honore sollemniter exhibetur, meritis efficiatur acceptum. | |
| 5225 | Sacrificium nostrum tibi ... exoptata remissio. |
| Sacrificium nostrum tibi, domine, quaesumus, sancti patris nostri Ethelwoldi episcopi commendet oratio, ut nobis, eo suffragante, fiat maiestatis tuae propitiatio et peccatorum nostrorum exoptata remissio. | |
| 5226 | Sacrificium oblatum quaesumus ... defertur obsequio. |
| Sacrificium oblatum, quaesumus, domine, intercessio beatae virginis tuae Waldpurgae tuae maiestati reddat acceptum, pro cuius veneranda commemoratione tibi devoto defertur obsequio. | |
| 5227 | Sacrificium quod tibi ... obtineat effectum. |
| Sacrificium, quod tibi, domine, sanctorum martyrum tuorum illorum natalicia praecurrentes, offerimus, quaesumus, ut eorum meritis nostrarum apud te supplicationum obtineat effectum. | |
| 5228 | Sacrificium quod tuae ... tribuat solatium. |
| Sacrificium, quod tuae, domine deus, obtulimus pietati, nobis ad veniam nostrorum proficiat peccatorum et tuae miserationis semper tribuat solatium. | |
| 5229 | Sacrificium quod tuae ... felicitatem concede. |
| Sacrificium quod tuae offerimus maiestati, clementissime deus, placatus suscipe et per merita beatae Petronillae gloriosae virginis tuae praesentis vitae subsidium et futurae felicitatem concede. | |
| 5230 | Sacrificium quod tuae ... caelestis felicitatem. |
| Sacrificium, quod tuae offerimus omnipotentiae, deus clementissime, gratanter suscipe et per merita sacrae virginis Sexburgae, cuius annuam celebramus sollemnitatem, concede nobis huius vitae iugem et caelestis felicitatem. | |
| 5231a | Sacrificium salutis nostrae tibi domine ... celebrare mysterium. |
| Sacrificium salutis nostrae tibi, domine deus noster, offerentes, quaesumus, ut concedas nobis purificatis mentibus semper tuae pietatis celebrare mysterium. | |
| 5231b | Sacrificium salutis nostrae tibi offerentes ... celebrare mysterium. |
| Sacrificium salutis nostrae tibi offerentes, concede nobis, domine deus, purificatis mentibus saepius tuae pietatis celebrare mysterium. | |
| 5232 | Sacrificium tibi domine ... reddat acceptos. |
| Sacrificium tibi, domine, celebrandum, placatus intende, quod et nos a vitiis nostrae condicionis emundet et tuo nomini reddat acceptos. | |
| 5233 | Sacrificium tibi domine ... prosit aeternam. |
| Sacrificium tibi, domine, fidelium tuorum votis oblatum, serenus admitte, ut, quod dilecto martyri tuo Stephano hodiernam inventionis suae contulit gloriam, nobis ad redemptionem prosit aeternam. | |
| 5234 | Sacrificium tibi domine ... intercessionibus assequamur. |
| Sacrificium tibi, domine, laudis offerimus pro sancti celebritate Clementis, ut propitiationem tuam, quam nostris operibus non meremur, pii suffragatoris intercessionibus assequamur. | |
| 5235a | Sacrificium tibi domine laudis offerimus in venerabilium commemoratione ... ad salutem. |
| Sacrificium tibi, domine, laudis offerimus in venerabilium commemoratione sanctorum; da, quaesumus, ut, quod illis contulit gloriam, nobis prosit ad salutem. | |
| 5235b | Sacrificium laudis tibi ... ad salutem. |
| Sacrificium laudis tibi, domine, offerimus in tuorum commemoratione sanctorum; da, quaesumus, ut, quod illis contulit gloriam, nobis prosit ad salutem. | |
| 5235c | Sacrificium tibi domine laudis offerimus in tuorum commemoratione ... ad salutem. |
| Sacrificium tibi, domine, laudis offerimus in tuorum commemoratione sanctorum; da, quaesumus, ut, quod illis contulit gloriam, nobis prosit ad salutem. | |
| 5236 | Sacrificium tibi domine ... festivitate debemus. |
| Sacrificium tibi, domine, nostrae servitutis offerimus, quod ad honorem nominis tui in sanctae martyris Euphemiae festivitate debemus. | |
| 5237 | Sacrificium tibi domine ... celebramus sollemnia. |
| Sacrificium tibi, domine, placationis et laudis offerimus, suppliciter exorantes, ut beati confessoris et martyris tui Aelfegi continua nos adiuvent suffragia, cuius annua celebramus sollemnia. | |
| 5238 | Sacrificium tibi domine ... et assequi. |
| Sacrificium tibi, domine, placationis in hac beatissimi Stephani levitae sollemnitate deferimus, cuius nos precibus haec redemptionis nostrae suffragia et intellegere, quaesumus, concedas et assequi. | |
| 5239 | Sacrificium tibi domine ... gloriam frequentamus. |
| Sacrificium tibi, domine, pro sanctorum martyrum nataliciis immolamus, ut, quorum gaudemus praesidiis, gloriam frequentamus. | |
| 5240 | Sacris altaribus assistentes ... remedium salutare. |
| Sacris altaribus assistentes nos, domine, quaesumus, spiritus sancti luce perfunde, ut, quod tibi in honorem beati regis Edwardi devote offerimus, nobis, ipso interveniente, fiat remedium salutare. | |
| 5241 | Sacris altaribus domine ... provenire deposcat. |
| Sacris altaribus, domine, hostias superpositas sanctus Benedictus, quaesumus, in salutem nobis provenire deposcat. | |
| 5242 | Sacris caelestibus domine ... semper aptari. |
| Sacris caelestibus, domine, vitia nostra purgentur, ut muneribus tuis possimus semper aptari. | |
| 5243 | Sacris domine muneribus ... relevare digneris. |
| Sacris, domine, muneribus vegetati, quaesumus, ut famulum tuum illum, in infirmitate laborantem, spe suturae beatitudinis relevare digneris. | |
| 5244 | Sacris domine mysteriis ... et gratiam. |
| Sacris, domine, mysteriis expiati, et veniam consequamur et gratiam. | |
| 5245 | Sacris domine repleti ... actione maneamus. |
| Sacris, domine, repleti muneribus, quaesumus, ut, intercedente pro nobis beatissimo praesule tuo Syro, in gratiarum semper actione maneamus. | |
| 5246 | Sacris muneribus domine ... iugiter repleas. |
| Sacris muneribus, domine, perceptis, quaesumus, ut nos eorum virtute et a vitiis omnibus expies et donis tuae gratiae iugiter repleas. | |
| 5247 | Sacris muneribus sumptis ... felicitate gratulari. |
| Sacris muneribus sumptis, tuam, domine, misericordiam humiliter exoramus, ut, beati Damasi confessoris tui intercessione muniti, sempiterna mereamur felicitate gratulari. | |
| 5248 | Sacris nos domine ... nos perfice. |
| Sacris nos, domine, quaesumus, servitiis fac intentos et, ut sine ulla tibi offensionis macula famulemur, quales esse praecipis, ipse nos perfice. | |
| 5249 | Sacris reparati mysteriis ... actionibus celebramus. |
| Sacris reparati mysteriis, suppliciter exoramus, ut, intervenientibus sanctis tuis, apprehendamus rebus, quod actionibus celebramus. | |
| 5250 | Sacro munere satiati ... adscisci collegio. |
| Sacro munere satiati, quaesumus, omnipotens deus, ut, interveniente beato Symphoriano martyre tuo, omnes nos sanctorum tuorum iubeas adscisci collegio. | |
| 5251 | Sacro munere satiati ... sentiamus augmentum. |
| Sacro munere satiati, supplices (te), domine, deprecamur, ut, quod debitae servitutis celebramus officio, salvationis tuae sentiamus augmentum. | |
| 5252 | Sacro munere satiati ... faciem videamus. |
| Sacro munere satiati, te, domine, suppliciter deprecamur, ut, quem nunc sub sacramento coepta fide cognoscimus, intercedente beato David confessore tuo atque pontifice, clara visione in caelis facie ad faciem videamus. | |
| 5253 | Sacro munere vegetatos ... commendet oratio. |
| Sacro munere vegetatos, sanctorum martyrum Cornelii et Cypriani natalicia nos tibi, domine, quaesumus, commendet oratio. | |
| 5254 | Sacrosancta domine sumentes ... protegendo impertiant. |
| Sacrosancta, domine, sumentes mysteria, amissam, quaesumus, nobis reconcilient gratiam atque munus patientiae in illatis omnibus semper et ubique protegendo impertiant. | |
| 5255 | Sacrosancta mysteria quae ... intentionem promoveant. |
| Sacrosancta mysteria, quae sumpsimus, domine, ad honorem complacentissimi nominis filii tui domini nostri Iesu Christi devotis praecordiis recolentes, quaesumus, ut incrementa spiritualis exsultationis nobis accumulent et affectum nostrum ad hoc salutiferum nobis nomen Iesu iugiter imprimendum accendant et ad iubilandum in Iesu salutari nostro dulcissimo totius mentis intentionem promoveant. | |
| 5256a | Sacrosancti corporis et ... participem efficiant. |
| Sacrosancti corporis et sanguinis domini nostri Iesu Christi refectione vegetati, supplices te rogamus, omnipotens deus, ut haec salutaria sacramenta famulum tuum illum precibus sanctae dei genitricis Mariae ab omni vinculo iniquitatis absolvant et, quidquid in eius mente vitiosum est, eorum medicationis dono curetur; fidei quoque spei caritatisque gemmis ornatum, aeternae felicitatis participem efficiant. | |
| 5256b | Sacrosancti corporis et ... dono curetur. |
| Sacrosancti corporis et sanguinis domini nostri Iesu Christi refectione vegetatus, supplex te rogo, omnipotens deus, ut haec salutaria sacramenta me ab omni vinculo iniquitatis absolvant et, quidquid in mea mente vitiosum est, eorum medicationis dono curetur. | |
| 5257a | Sacrosancti corporis et ... incursione cunctorum. |
| Sacrosancti corporis et sanguinis domini nostri Iesu Christi refectione vegetati, supplices te rogamus, omnipotens deus, ut hoc remedio singulari ab omnium peccatorum nos contagione purifices et a periculorum munias incursione cunctorum. | |
| 5257b | Sacrosancti corporis et ... contagione purificet. |
| Sacrosancti corporis et sanguinis domini nostri Iesu Christi refectione vegetati, supplices te rogamus, omnipotens deus, ut hoc remedium singulare ab omnium peccatorum nos contagione purificet. | |
| 5257c | Sacrosancti corporis et ... incursione periculorum. |
| Sacrosancti corporis et sanguinis domini nostri Iesu Christi refectione vegetati, supplices te rogamus, omnipotens deus, ut hoc remedio singulari et salutari famulum tuum regem nostrum, coniugem et prolem populumque sibi subiectum et ab omnium purifices contagione peccatorum et a cunctorum munias incursione periculorum. | |
| 5258 | Sacrosancti corporis et ... adversis muniamur. |
| Sacrosancti corporis et sanguinis filii tui perceptione vegetati, supplices exoramus, pater omnipotens, ut intercessione beatae Honorinae virginis et martyris tuae per haec sacrosancta mysteria ab omnibus adversis muniamur. | |
| 5259 | Sacrosancto corpore et ... securi perveniamus. |
| Sacrosancto corpore et sanguine satiati, quaesumus, misericors deus, ut haec sacramenta, quae ad innovationem vitae percepimus, ita ad usum salutis indesinenter obtineamus, ut ad remunerationem beatitudinis ex hoc securi perveniamus. | |
| 5260 | Salutarem nobis edidit ... iugiter gloriemur. |
| Salutarem nobis edidit hodierna die beatus Cyprianus sacerdos [et martyr] in tua, domine, virtute laetitiam; praesta, quaesumus, ut, et conversationis eius insignia praedicando, et intercessione tibi placita iugiter gloriemur. | |
| 5261 | Salutarem omnipotens pater ... tuae perducas. |
| Salutarem, omnipotens pater, hostiam immolantes, imploramus clementiam tuam, ut, genitricis filii tui supplicatione placatus, per eam nos et a peccatis absolvas et ad visionem gloriae tuae perducas. | |
| 5262 | Salutari cibo et ... corda communiat. |
| Salutari cibo et divino munere saginati ac participes dominici corporis et sanguinis effecti, deo nostro cum laude gratias referamus, rogantes, ut cibus iste et potus, quem sumpsimus, omnes a nobis diaboli repellat insidias, fidem augeat, spiritum innovet, actus corrigat, corda communiat. | |
| 5263 | Salutari ieiunio competentes ... officiis praeparemur. |
| Salutari ieiunio competentes, domine, hostias immolamus; praesta, ut ad nativitatem panis aeterni his officiis praeparemur. | |
| 5264 | Salutari refecti mysterio ... servitute gratulari. |
| Salutari refecti mysterio, quaesumus, omnipotens deus, ut, qui hunc diem in beati Pauli apostoli tui conversione honorabilem haberi voluisti, nos quoque, conversos a vitiis, in tua semper facias servitute gratulari. | |
| 5265 | Salutari sacrificio domine ... munus acquiritur. |
| Salutari sacrificio, domine, populus tuus semper exsultet, quo et debitus honor sacris martyribus exhibetur et sanctificationis tuae munus acquiritur. | |
| 5266a | Salutari tuo domine ... renovemur effectu. |
| Salutari tuo, domine, satiati, supplices deprecamur, ut, cuius laetamur gustu, renovemur effectu. | |
| 5266b | Salutari munere domine ... reparemur effectu. |
| Salutari munere, domine, satiati, supplices deprecamur, ut, cuius laetamur gustu, reparemur effectu. | |
| 5266c | Salutari tuo munere ... renovemur effectu. |
| Salutari tuo munere, domine, satiati, supplices te deprecamur, ut, cuius laetamur gustu, renovemur effectu. | |
| 5266d | Salutaris tui domine munere satiati supplices exoramus ut cuius laetamur ... renovemur effectu. |
| Salutaris tui, domine, munere satiati, supplices exoramus, ut, cuius laetamur gustu, renovemur effectu. | |
| 5266e | Salutaris tui domine munere satiati supplices deprecamur ut cuius laetamur ... renovemur effectu. |
| Salutaris tui, domine, munere satiati, supplices deprecamur, ut, cuius laetamur gustu, renovemur effectu. | |
| 5266f | Salutaris tui domine munere satiati supplices exoramus ut sicut in ... renovemur effectu. |
| Salutaris tui, domine, munere satiati, supplices exoramus, ut, sicut in sanctorum martyrum tuorum illorum laetamur gustu, renovemur effectu. | |
| 5267 | Salutaris alimoniae participatione ... sollemnitate gaudere. |
| Salutaris alimoniae participatione refectos, beatorum martyrum tuorum Viti et Modesti atque Crescentiae nos, domine, quaesumus, ubique defensione custodi, quorum hodie voluisti nos temporali sollemnitate gaudere. | |
| 5268 | Salutaris hostiae munus ... consequi mereamur. |
| Salutaris hostiae munus, divinis sacrandum mysteriis, beata Maria Magdalena patrocinante, nostrorum, quaesumus, domine, exurat rubiginem vitiorum, ut illius compunctionis gratiam et pietatis opera consequi mereamur. | |
| 5269 | Salutaris hostiae munus ... percipiamus suffragia. |
| Salutaris hostiae munus sacrandum, quaesumus, domine, beatus Thomas pontifex et martyr nobis ad salutem fore deposcat, ut et conversationis eius experiamur insignia et intercessionis eius percipiamus suffragia. | |
| 5270 | Salutaris hostiae participatione ... facias sempiternum. |
| Salutaris hostiae participatione recreati, quaesumus, omnipotens deus, ut eius potentia singulari nos ipsos tibi holocaustum facias sempiternum. | |
| 5271 | Salutaris hostiae participatione ... intercedente beato Petro apostolo tuo perduc nos ad patriae |
| Salutaris hostiae participatione refectus, misericordiam tuam supplex imploro, domine deus, ut me famulum tuum, quem sanctae Exoniensi ecclesiae praeesse voluisti, et agnos tuos, quos, tibi ex universali ecclesia specialius electos, mihi nutriendos commisisti, non sinas ullis adversitatibus fatigari; da nobis, domine, inexpugnabilem verae fidei firmitatem <et>, intercedente beato Petro apostolo tuo, perduc nos ad patriae caelestis hereditatem. | |
| 5272 | Salutaris tui domine ... gubernari patrocinio. |
| Salutaris tui, domine, mysterio satiati, supplices imploramus clementiam tuam, ut pro nobis eius non desit oratio, cuius nos donasti gubernari patrocinio. | |
| 5273 | Salutaris viae initium ... novimus institutum. |
| Salutaris viae initium hodiernae sollemnitatis sacrificio cupientibus consecrari occurrat, deus pater, unigenitus filius tuus, qui olim callidi temptatoris astutiam, trimoda se suasione illicientem, sacri oris alloquio reprobavit ac perculit. Ipse a nobis virulenta temptationum semina pellat; ipse consensum malarum suggestionum a nobis detrudat; ipse ariditatis nostrae inediam divinis pastibus foveat. Protegat nos contra huius temptatoris insidias lorica iustitiae et galea salutis aeternae. Exhibens de caelorum sedibus fragilitati nostrae fortitudinem cibi perennis, quo, ex hoc validius roborati, indictum a crastino abstinentiae tempus incipientes, petulantiae carnalis libitus in nobis decidant, ira diffugiat, voracitas pereat, temulentiae vitium evanescat. Secedant doli, corpora salus habeat, animas vis divina. Utraque servent in opere ieiunii pacem, in actu virtutem et in voto constantiam, in effectu actuum disciplinam, quo, spiritaliter suscipientes praedictae abstinentiae tempus, per eum nobis salubriter efficiatur pervium, per quem id ad expiationem novimus institutum. |
|
| 5274 | Salutaris victimae oblationem ... magnificare mereamur. |
| Salutaris victimae oblationem tibi, deus pater omnipotens, immolamus, suppliciter deprecantes, ut, sicut intemeratae virginis Mariae viscera Iesu Christi filii tui gloria illustrasti, quod te in spiritu magnificaret, ita penetralia cordis nostri spiritus sancti digneris suavitate perfundere, quatenus, sacro delibuti charismate, veniam consequi peccatorum teque nunc et semper piis mentibus magnificare mereamur. | |
| 5275 | Salutiferam hostiam atque ... supernae felicitatis. |
| Salutiferam hostiam atque maximam sollemnitatem exhibentes, munificentiam tuam, domine, tuae maiestatis humillima prece deposcimus, ut, suffragante beato Maximo confessore tuo, qui tuis semper obtemperavit monitis, nos pervenire facias ad tranquillitatem supernae felicitatis. | |
| 5276 | Salutis aeternae sacramenta ... proficere sentiamus. |
| Salutis aeternae sacramenta, quae in commemoratione passionis et resurrectionis Christi domini filii sumpsimus, quaesumus, omnipotens deus, ut, tua gratia largiente, nobis ad perpetuam redemptionem proficere sentiamus. | |
| 5277 | Salutis nostrae compendium ... munimine caritatis. |
| Salutis nostrae compendium expetentes, omnipotens deus, precamur, ut, qui beatissimum athletam tuum Tirsum, sectoribus trahentibus, serram in duabus partibus non permisisti secari, nulla nos facias ad invicem malitiae simultate discindi, quo, sicut, novem paene exemptis horis, nec capillus motus est a sectoribus de capite martyris, sic, per omne tempus vitae nostrae nullis permoti scandalis, saepti semper maneamus munimine caritatis. | |
| 5278 | Salutis nostrae laeti ... paradisi possidere. |
| Salutis nostrae laeti libantes mysteria, concede nobis, quaesumus omnipotens deus, ut per haec sancta merita beatae Brigidae virginis tuae mereamur habere subsidium vitae praesentis et gaudia caelestis paradisi possidere. | |
| 5279 | Salutis nostrae laeti ... custodiat protectio. |
| Salutis nostrae laeti libantes mysteria, praesta, quaesumus, omnipotens deus, ut beati Melliti pontificis tui nos adiuvet oratio et tua nos semper custodiat protectio. | |
| 5280 | Salutis nostrae muneribus ... in caelis. |
| Salutis nostrae muneribus sollemniter suffulti, tuae, deus, immensae pietatis exoramus clementiam, ut, de cuius obitu gloriamur in terris, de eius pia intercessione gratulemur in caelis. | |
| 5281 | Salva me domine ... miserere mei. |
| Salva me, domine deus, rex aeternae gloriae, qui solus es potens salvam; da mihi per huius sacramenti perceptionem velle et operari et perficere, quae tibi placent et mihi expediunt, et, intercedente sancta dei genitrice Maria simulque omnibus sanctis intervenientibus tuis, da in omni perturbatione et tribulatione auxilium et in omni temptatione virtutem mihi tribue; de praeteritis malis da veniam et de praesentibus emendationem ac continentiam et de futuris iugiter largiri digneris custodiam; fac me prius, domine, quam moriar, plenissime consequi misericordiam tuam et ne ante dies meos finiri sinas, quam peccata dimittas, sed, sicut tu vis et scis, domine, miserere mei. | |
| 5282 | Salva quaesumus domine ... continuata succurrat. |
| Salva, quaesumus, domine, plebem tuam et benedictionis sanctae super eam effunde clementiam, ut inter condicionis humanae et diabolicae fraudis incursus indulgentia tua laboranti continuata succurrat. | |
| 5283 | salvator mundi verbum ... vitae aeternae. |
| salvator mundi, verbum patris aeterni, qui post acceptam fidem mulieris, rogatus a Samaritanis, biduum apud eos facis, ut in illorum duorum figura dierum mystice commendaretur duorum numerus praeceptorum, caritas videlicet dei et proximi, munda cor nostrum omni crimine omnique ignorantiae caecitate, qualiter, mundissimam tibi in cordibus nostris praeparans mansionem, tribuas nobis, quod illis tribuisti; proximi dilectionem veraciter retinere, per quam possimus pervenire ad te, et tuam omnimodo nosse dilectionem, cum qua perveniamus ad gaudia vitae aeternae. | |
| 5284 | salvator noster Christe ... habeamur idonei. |
| salvator noster Christe deus, cuius ex proximitate passionis gaudemus cuiusque redeunte annua resurrectionis celebritate erigimur, tu carnem nostram, ieiunio attritam, mole culparum emacula, tu spiritum, qui te ardenter concupivit, sanctifica; lucem oculis praesta, munditiam corpori animaeque accommoda, quo, omnium virtutum dignitatem vestiti, ad videndum tuae passionis gloriam habeamur idonei. | |
| 5285 | salvator noster salva ... requiem praestes. |
| salvator noster, salva nos solita pietate, qualiter per hoc sacrificium et inediam nostram miserando sustentes et, impetrantibus nobis, defunctis fidelibus requiem praestes. | |
| 5286 | Sana nos domine ... praesta delictis. |
| Sana nos, domine deus noster, et, ne iniquitatum nostrarum infirmitas sempiternam afferat nobis mortem, sana nos, domine, et omnes infirmos ac redime de interitu vitam nostram, ut, sanata de culpa, sit tranquilla per gratiam; effunde medicinam aegrotis et veniam praesta delictis. | |
| 5287 | Sana quaesumus domine ... adunari consortio. |
| Sana, quaesumus, domine, vulnera famuli tui illius, aegritudines eius perime, peccata dimitte et hanc oblationem, quam tibi pro eo offerimus, benignus suscipe et sic eum flagella in hoc saeculo, ut post transitum sanctorum mereatur adunari consortio. | |
| 5288 | Sancta mysteria nos ... sempiternae felicitatis. |
| Sancta mysteria nos, quaesumus, domine, et sacratissimae virginis Mildrethae intercessio veneranda a cunctis defendant periculis et ad gloriam perducant sempiternae felicitatis. | |
| 5289 | Sancta nos quaesumus ... conferat sempiterna. |
| Sancta nos, quaesumus, domine, sacramenti caelestis participatio et ab hostis callidi tueatur incursu et, sancto intercedente Floriano, animarum nobis remedia conferat sempiterna. | |
| 5290 | Sancta tua domine ... desideramus expleri. |
| Sancta tua, domine, beati Laurentii martyris pretiosa passione, quam praeimus, nos renovent, quibus et iugiter satiamur et semper desideramus expleri. | |
| 5291 | Sancta tua domine ... sollemnitate gaudere. |
| Sancta tua, domine, illa nos sua interventione laetificet et pia faciat sollemnitate gaudere. | |
| 5292 | Sancta tua domine ... felicitate epulari. |
| Sancta tua, domine, percipientes, tuam devote misericordiam exoramus, ut, beatae et sanctae Eadburgae virginis intercessione muniti, sempiterna mereamur felicitate epulari. | |
| 5293 | Sancta tua domine ... adversitate custodiant. |
| Sancta tua, domine, pro beati illius martyris tui passione celebrata, nos muniant et ab omni semper adversitate custodiant. | |
| 5294 | Sancta tua domine ... amaritudine tueantur. |
| Sancta tua, domine, quae fideliter sumpsimus, sancto intercedente Aldelmo, et caelestium desideriorum nos nutriant dulcedine et ab hostium formidine et aeternae mortis amaritudine tueantur. | |
| 5295 | Sancta tua domine ... conferant gaudia. |
| Sancta tua, domine, quae sumpsimus, nobis omnibusque, qui memoriam nostri in orationibus suis habent et qui se indignis precibus nostris commendaverunt, seu illis, quorum quarumque eleemosynas suscepimus aut pro quibus deprecandi debitores sumus, aeterna conferant gaudia. | |
| 5296 | Sancta tua nobis ... praestat innocuos. |
| Sancta tua nobis, domine, quaesumus, intervenientibus, qui tibi placuere, proficiant ad salutem nec reatus mortalitatis reddat indignos, quos tua redemptio praestat innocuos. | |
| 5297a | Sancta tua nos ... vigore confirment. |
| Sancta tua nos, domine, quaesumus, et a peccatis exuant et caelestis vitae vigore confirment. | |
| 5297b | Sancta tua nos ... regna perducant. |
| Sancta tua nos, domine, quaesumus, sanctae Praxedis virginis tuae meritis suffragantibus, et a peccatis omnibus exuant et ad caelestia regna perducant. | |
| 5298 | Sancta tua nos ... renovando vivificent. |
| Sancta tua nos, domine, quaesumus, et vivificando renovent et renovando vivificent. | |
| 5299 | Sancta tua nos ... consortium perducant. |
| Sancta tua nos, domine, sumpta purificent et, beato martyre tuo ac rege Edwardo intercedente, ad perpetuae beatitudinis consortium perducant. | |
| 5300 | Sancta tua nos ... praeparent expiatos. |
| Sancta tua nos, domine, sumpta vivificent et misericordiae sempiternae praeparent expiatos. | |
| 5301 | Sancta tua percipientibus ... larga protectio. |
| Sancta tua percipientibus, domine, quaesumus, salus et mentium praestetur et corporum, ut doni tui fiat nobis et benedictio copiosa et larga protectio. | |
| 5302 | Sancta tua quae ... conferant firmitatem. |
| Sancta tua, quae sumpsimus, domine, et dilectionis tuae nobis incrementum et fidei conferant firmitatem. | |
| 5303a | Sancta tua quae ... sanctitate custodiant. |
| Sancta tua, quae sumpsimus, domine, nos sua virtute tueantur et, intercedente beato Cuthberto consessore tuo atque pontifice, cuius vita gloriosa effulsit, in pace nos et sanctitate custodiant. | |
| 5303b | Sancta tua domine ... sanctitate dirigatur. |
| Sancta tua, domine, quae sumpsimus, nos sua virtute semper tueantur et, beato interveniente Cuthberto, cuius vita tota exstitit miranda, vita nostra in pace et sanctitate dirigatur. | |
| 5304 | Sanctae Caeciliae festa ... incrementa perpetuae. |
| Sanctae Caeciliae festa recolentes, preces offerimus, hostias immolamus; praesta, domine, quaesumus, ut cum praesidio temporali et vitae nobis praebeant incrementa perpetuae. | |
| 5305 | Sanctae Christinae virginis ... perducant gaudia. |
| Sanctae Christinae virginis et martyris tuae, domine, suffragia ad aeternae sollemnitatis nos perducant gaudia. | |
| 5306 | Sanctae dei genitricis ... vitam aeternam. |
| Sanctae dei genitricis Mariae ac beatorum angelorum et archangelorum omniumque supernarum virtutum sed et sanctorum patriarcharum et prophetarum necnon et beatorum apostolorum, martyrum, confessurum, virginum et omnium electorum tuorum intercessione, quaeso, omnipotens deus, ut mihi famulo tuo praeteritarum omnium culparum indulgentiam tribuas, et, ne eadem aut similia admittam, tuae protectionis cautelam custodiamque adhibe omnibusque, mihi consanguinitate vel familiaritate coniunctis, gratiae tuae misericordiam in omnibus saeculi huius adversitatibus propitiatus impende, quatenus, a cunctis periculis malisque liberati, aeternae beatitudinis gaudia mereantur perfrui, omnemque populum christianum ab omni adversitate et pravitate defende et animabus omnium fidelium defunctorum remissionem cunctorum tribue peccatorum et vitam aeternam. | |
| 5307 | Sanctae dei genitricis ... digneris propitius. |
| Sanctae dei genitricis Mariae ac beatorum apostolorum, martyrum, consessorum, virginum atque omnium sanctorum tuorum, quaesumus, omnipotens deus, nos famulos tuos intercessionibus protege pariterque nobis familiaritate atque consanguinitate coniunctos et omnem populum christianum ab omni pravitate defende; commissum etiam nobis ad regendum gregem custodi et animabus famulorum famularumque tuarum illorum et illarum et cunctorum fidelium defunctorum requiem tribue benignus sempiternam et sanctorum coetibus consociare digneris propitius. | |
| 5308 | Sanctae dei genitricis ... sempiterna concede. |
| Sanctae dei genitricis Mariae atque omnium sanctorum tuorum, quaesumus, domine, supplicatione placatus, et veniam nobis tribue et remedia sempiterna concede. | |
| 5309 | Sanctae dei genitricis ... requiem sempiternam. |
| Sanctae dei genitricis Mariae et beatarum omnium caelestium virtutum sanctorumque patriarcharum, prophetarum, apostolorum, martyrum, consessorum, virginum atque omnium simul sanctorum, quaesumus, omnipotens deus, meritis ac precibus placatus, tribue nobis misericordiam tuam et da populo tuo inviolabilem fidei firmitatem et pacem; repelle a nobis hostem, famem et pestem et omnem immunditiam; da nobis in tua virtute constantiam et fortitudinem; immitte hostibus nostris formidinem et invalitudinem; retribue omnibus nobis, bona facientibus, vitae aeternae beatitudinem; da inimicis nostris et persequentibus nos recognitionem et indulgentiam; concede defunctis nostris et omnibus in Christo quiescentibus remissionem omnium peccatorum et requiem sempiternam. | |
| 5310 | Sanctae immortalitatis alimonia ... patriae caelestis. |
| Sanctae immortalitatis alimonia recreati, quaesumus, domine deus noster, ut, sancti Iuliani confessoris tui atque pontificis intervenientibus meritis, transferamur ad vitam, sine fine mansuram, patriae caelestis. | |
| 5311 | Sanctae Luciae martyris ... salutaria sentiamus. |
| Sanctae Luciae martyris tuae nos, domine, precatio tibi grata conciliet, ut haec sancta, quae sumpsimus, salutaria sentiamus. | |
| 5312 | Sanctae martyris tuae ... et futurum. |
| Sanctae martyris tuae Christinae merita nos, domine, pretiosa tueantur, in quibus, tuae maiestatis opera praedicantes, et praesens capiamus adiutorium et futurum. | |
| 5313a | Sanctae nos martyris ... non desistat. |
| Sanctae nos martyris Euphemiae precatio tibi, domine, grata comitetur et tuam nobis indulgentiam poscere non desistat. | |
| 5313b | Sanctae Brigidae virginis ... non desistat. |
| Sanctae Brigidae virginis tuae, domine, quaesumus, precatio tibi grata nos adiuvet et tuam nobis indulgentiam poscere non desistat. | |
| 5314 | Sanctae nos quaesumus ... cessatione praesidium. |
| Sanctae nos, quaesumus, domine, Praxedis martyris tuae precatio tibi grata confoveat et tuum nobis postulet sine cessatione praesidium. | |
| 5315 | Sanctae Sabinae virginis ... complacuit passione. |
| Sanctae Sabinae virginis et martyris tuae nos, quaesumus, domine deus noster, meritis precibusque tuere, quae tibi gloriosa confessionis tuae complacuit passione. | |
| 5316 | Sanctae Teclae virginis ... clementer emunda. |
| Sanctae Teclae virginis et martyris tuae, domine, quaesumus, deprecatione munera nostra Sanctifica et ab omnibus contagiis humanae pravitatis per ea nos clementer emunda. | |
| 5317 | Sanctarum virginum ac ... fiant accepta. |
| Sanctarum virginum ac martyrum tuarum illarum, quaesumus, domine, precibus et meritis devotio nostra tibi complaceat et obsequia munerum nostrorum earum oratione fiant accepta. | |
| 5318 | Sanctarum virginum tuarum ... perfruamur aeternis. |
| Sanctarum virginum tuarum festivitate et sacramenti divini munere vegetati, quaesumus, domine, ut, sicut bonis tuis per tuam gratiam temporaliter fovemur, ita perfruamur aeternis. | |
| 5319 | Sancte domine cuius ... pudicam reverentiam. |
| Sancte domine, cuius munere universa in nobis prosperitas est, tribue famulis tuis in saeculo fiduciam, in pace laetitiam, in victu abundantiam, in fide perseverantiam, in castitate munditiam, in religione scientiam atque in timore domini sanctam et pudicam reverentiam. | |
| 5320 | Sancte domine qui ... his proventum. |
| Sancte domine, qui apostolum tuum Petrum, ad domum Cornelii centurionis accersitum, ne gentilem hominem quasi immundum pollutumque respueret, figuraliter monuisti, cum in visione sopore modico quiescenti vas quoddam, universorum animalium commixtione completum, quatuor initiis ab excelsa caeli parte depositum, mactandi et comedendi lege praeponeres eumque, velut contaminationis edulium recusantem, immundum dicere, quod tu creaveras, vetuisses, significans scilicet ex omnibus nationibus ecclesiae tuae conversam plebem, apostolis praedicantibus cibum futurum, quam tu, a quatuor mundi partibus quatuor evangeliis invitatam, in uno fidei receptaculo congregasti, hanc, quaesumus, mundam in oculis tuis statue dignamque Sanctis altaribus effice. Atque ita oblationes eius suscipe in sacrificium tuum et hostiam reputa, ut ipsa tibi sacrificium, ipsa sit hostia. Beatorum quoque angelorum, patriarcharum, prophetarum, apostolorum, martyrum omniumque Sanctorum, qui de ecclesiae corpore gloriosa Christi membra facti sunt, suffragiis, rogantibus nobis, requiem fidelium spiritibus tribue defunctorum, ut facta per caros suos commemoratio illis refrigerium conferat, his proventum. | |
| 5321 | Sancte domine qui ... caelestis operetur. |
| Sancte domine, qui, repudiatis carnalibus victimis, ritum hunc sacrificii spiritalis, per Melchisedech praefiguratum, per unigenitum tuum apostolis traditum, per apostolos toto orbe diffusum, invalescere et in aeternam tuorum salutem mystica sanctificatione ( lacuna ) voluisti, tua in his felicibus creaturis gratia tuum spiritum tuamque infunde virtutem, ut earum plenam consecrationem non vox aut lingua mortalis sed inspiratio caelestis operetur. | |
| 5322 | Sancte domine semper ... ris famulorum orationem familiae tuae per diversa ecclesiae membra dispersam totius soliditatis prosperitate concorpora et quod precantium sollicitudine fuit varium fiat donante tuae misericordiae |
| Sancte domine, semper tuis exorabilis, ne umquam pias tuorum preces fidelium aspernanter intue<a>ris famulorum, orationem familiae tuae, per diversa ecclesiae membra dispersam, totius soliditatis prosperitate concorpora et, quod precantium sollicitudine fuit varium, fiat, donante tuae misericordiae liberalitate, perfectum. | |
| 5323 | Sancte omnipotens aeterne ... in sanctificationem. |
| Sancte omnipotens aeterne deus, tu nos convertens vivifica et, quos error gentilitatis involvit, agnitionis tuae munus absolvat, ut, aculeo mortis exstincto, aeternis vivificemur oraculis, ut, sicut per infirmitatem carnis servivimus iniustitiae et iniquitati, ita, nunc liberati a peccatis, serviamus iustitiae in sanctificationem. | |
| 5324 | Sancti Ambrosii nos ... interveniente praestetur. |
| Sancti Ambrosii nos, domine, iugiter prosequatur oratio, ut, quod petitio nostra non impetrat, ipso pro nobis interveniente, praestetur. | |
| 5325 | Sancti apostoli tui ... confovemur exemplis. |
| Sancti apostoli tui Barnabae nos, quaesumus, domine, sollemnitas tueatur, quia tanto fiducialius tuo nomini supplicamus, quanto frequentius apostolorum confovemur exemplis. | |
| 5326 | Sancti Basilii confessoris ... perpetuum salutare. |
| Sancti Basilii confessoris tui atque pontificis supplicatione munus oblatum, domine, quaesumus, fiat nobis in perpetuum salutare. | |
| 5327 | Sancti Bricii confessoris ... beneficia consequamur. |
| Sancti Bricii confessoris tui atque pontificis, domine, quaesumus, annua sollemnitas pietati tuae nos reddat acceptos, ut per haec piae oblationis officia saeculi praesentis miserias evadamus et gratiae tuae beneficia consequamur. | |
| 5328 | Sancti Bricii confessoris ... et gratiam. |
| Sancti Bricii confessoris tui atque pontificis, quaesumus, domine, veneranda sollemnitas tuae pietati sacrificium nostrum reddat acceptum, ut per hanc salutarem hostiam et veniam consequamur et gratiam. | |
| 5329 | Sancti confessoris tui ... intercessionibus adiuvemur. |
| Sancti confessoris tui illius nos, quaesumus, domine, tuere praesidiis, ut eius semper intercessionibus adiuvemur. | |
| 5330 | Sancti Cornelii et ... nos foveant. |
| Sancti Cornelii et Cypriani suffragiis nobis, domine, consuetis dependant et pari semper intercessione nos foveant. | |
| 5331 | Sancti Ethelwoldi confessoris ... meritis adiuvemur. |
| Sancti Ethelwoldi confessoris tui atque pontificis tribue nos, quaesumus, precibus sublevari, ut, cuius sacram depositionis diem annua sollemnitate colimus, eius apud te intercessionibus et meritis adiuvemur. | |
| 5332 | Sancti Felicis domine ... meruit honorari. |
| Sancti Felicis, domine, confessio recensita conferat nobis piae devotionis augmentum, qui, in confessione tui nominis perseverans, meruit honorari. | |
| 5333 | Sancti Hilarii tibi ... depositione immolanda. |
| Sancti Hilarii tibi precibus, domine, quaesumus, grata reddatur oblatio, pro cuius est depositione immolanda. | |
| 5334 | Sancti illius martyris ... veneranda refulget. |
| Sancti illius martyris tui, domine, nos oratio sancta conciliet, quae sacris virtutibus veneranda refulget. | |
| 5335 | Sancti Ioannis baptistae ... fieri mereatur. |
| Sancti Ioannis baptistae honorabilem nativitatem muneribus, o piissime domine, geminatis in octava ecclesia tua die devotissime consequitur; praesta solita clementia tua, ut, ipso pro ea interveniente, id munus salutare sibi penes te fieri mereatur. | |
| 5336 | Sancti Ioannis Chrysostomi ... semper implorent. |
| Sancti Ioannis Chrysostomi confessoris tui atque pontificis nos, domine, merita prosequamur tuamque indulgentiam nobis semper implorent. | |
| 5337 | Sancti Ioannis natalicia ... et salutis. |
| Sancti Ioannis natalicia celebrantes, supplices te, domine, deprecamur, ut hoc idem nobis semper et indulgentiae causa sit et salutis. | |
| 5338 | Sancti Lamberti martyris ... muniamur suffragio. |
| Sancti Lamberti martyris tui atque pontificis, domine, nos tibi, quaesumus, commendet oratio, ut, sicut hunc diem eius gloriosa decorat passio, ita nos ipsius semper muniamur suffragio. | |
| 5339a | Sancti Laurentii nos ... oratione donetur. |
| Sancti Laurentii nos, domine, precatio iusta tueatur et, quod nostra conscientia non praesumit, eius nobis, qui tibi placuit, oratione donetur. | |
| 5339b | Sancti nos domine ... oratione donetur. |
| Sancti nos, domine, martyris tui atque pontificis illius precatio sancta per haec sacramenta, quae sumpsimus, tueatur et, quod nostra conscientia non praesumit, eius nobis, qui tibi placuit, oratione donetur. | |
| 5340 | Sancti Laurentii nos ... beata conciliet. |
| Sancti Laurentii nos, domine, sollemnitas repetita tueatur et misericordiae tuae intercessio beata conciliet. | |
| 5341 | Sancti Marcelli confessoris ... dona conciliet. |
| Sancti Marcelli confessoris tui atque pontificis, quaesumus, domine, annua sollemnitas pietati tuae nos reddat acceptos; per haec piae oblationis officia et illum beata retributio comitetur et nobis gratiae tuae dona conciliet. | |
| 5342 | Sancti martyres domine ... esse felices. |
| Sancti martyres, domine, quaesumus, et nominibus suis nobis suffragentur et precibus, ut et Clemens tuus sapienter clementiam sequi et tibi sacrata Felicitas nos poscat veraciter esse felices. | |
| 5343a | Sancti martyris Agapiti ... praestet augmentum. |
| Sancti martyris Agapiti, domine, quaesumus, veneranda festivitas salutaris auxilii nobis praestet augmentum. | |
| 5343b | Sancti Ioannis baptistae ... praestet effectum. |
| Sancti Ioannis baptistae et martyris tui, domine, quaesumus, veneranda festivitas salutaris auxilii nobis praestet effectum. | |
| 5344 | Sancti martyris Agapiti ... et futurum. |
| Sancti martyris Agapiti merita nos, domine, pretiosa tueantur, in quibus, tuae maiestatis opera praedicantes, et praesens capiamus adiutorium et futurum. | |
| 5345 | Sancti martyris tui ... meruit dignitatem. |
| Sancti martyris tui, domine, Bonifatii sollemnitas repetita conferat nobis piae devotionis augmentum, qui, in confessione tui nominis perseverans, cum palma victoriae caelestis gloriae meruit dignitatem. | |
| 5346 | Sancti nominis tui ... dilectionis instituis. |
| Sancti nominis tui, domine, timorem pariter et amorem fac nos habere perpetuum, quia numquam tua gubernatione destituis, quos in soliditate tuae dilectionis instituis. | |
| 5347a | Sancti nos domine ... actione perfrui. |
| Sancti nos, domine, quaesumus, Ioannis baptistae oratio et assequi faciat semper mente, quae gerimus, et debitae servitutis actione perfrui. | |
| 5347b | Sancti nos quaesumus domine baptistae ... actione sectari. |
| Sancti nos, quaesumus, domine, baptistae Ioannis oratio et assequi faciat semper mente, quae gerimus, et debitae servitutis actione sectari. | |
| 5347c | Sancti nos quaesumus domine Theodori ... actione sectari. |
| Sancti nos, quaesumus, domine, Theodori martyris oratio et assequi faciat semper mente, quae gerimus, et debitae servitutis actione sectari. | |
| 5348 | Sancti nos quaesumus ... intercessionis attollant. |
| Sancti nos, quaesumus, domine, Hermetis natalicia votiva laetificent et suae beneficiis intercessionis attollant. | |
| 5349 | Sancti sacerdotis tui ... fideliter imitemur. |
| Sancti sacerdotis tui Martini hodie translationem celebrantibus, tribue nobis, quaesumus, domine, ut, sicut eius commemorationem devotissime colimus, ita et opus fideliter imitemur. | |
| 5350 | Sancti Simeonis intercessione ... salutare proveniat. |
| Sancti Simeonis intercessione et famulorum tuorum munus, domine, reddatur acceptum et cunctis salutare proveniat. | |
| 5351a | Sancti spiritus domine ... ubertate secundet. |
| Sancti spiritus, domine, corda nostra mundet infusio et sui roris ubertate secundet. | |
| 5351b | Sancti spiritus domine ... adspersione secundet. |
| Sancti spiritus, domine, corda nostra mundet infusio et sui roris intima adspersione secundet. | |
| 5352 | Sancti spiritus gratia ... abundanter reficiat. |
| Sancti spiritus gratia, quaesumus, domine, corda nostra illuminet et perfectae caritatis dulcedine abundanter reficiat. | |
| 5353 | Sancti spiritus quaesumus ... potenter exstinguat. |
| Sancti spiritus, quaesumus, domine, gratia cor nostrum clementer expurget et per huius mysterii sacramentum in nobis carnalium delectationum flammas potenter exstinguat. | |
| 5354 | Sancti tui domine ... et futurae. |
| Sancti tui, domine, quaesumus, tuam misericordiam deprecentur, ut sacramenta, quae sumpsimus, et praesentis vitae nobis remedia conferant et futurae. | |
| 5355 | Sancti tui nos ... postulent expediri. |
| Sancti tui nos, domine, Abdon et Sennen piis orationibus prosequamur et ab huius vitae periculis iugiter postulent expediri. | |
| 5356 | Sancti tui nos ... intercessionibus confovemur. |
| Sancti tui nos, quaesumus, domine, illius apostoli, quam praevenimus, sollemnitas tueatur, quia tanto fiducialius tuo nomini supplicamus, quanto frequentius apostolorum intercessionibus confovemur. | |
| 5357 | Sancti tui nos ... patrocinia sentiamus. |
| Sancti tui nos, quaesumus, domine, ubique laetificent, ut, dum eorum merita recolimus, patrocinia sentiamus. | |
| 5358 | Sancti tui quaesumus ... et profectum. |
| Sancti tui, quaesumus, domine, iugiter nobis a te et veniam postulent et profectum. | |
| 5359 | Sancti viri memoriam ... peccatis expurges. |
| Sancti viri memoriam facientes, cuius ossibus translationis honore virentibus animam efficit passio gloriosam, te, deus pater, rogamus, ut, oblatis his hostiis sanctificationem impertiens, credentem tibi populum a peccatis expurges. | |
| 5360 | Sancti Xysti domine ... ubique suffragiis. |
| Sancti Xysti, domine, frequentata sollemnitas et de sacerdotalibus nos instruat, te miserante, doctrinis et de gloria martyrii foveat ubique suffragiis. | |
| 5361 | Sancti Zenonis sacerdotis ... viam sectemur. |
| Sancti Zenonis sacerdotis et confessoris tui, domine, veneranda hodiernae festivitatis die illuminati, congratulantes, laetamur; concede propitius, dignis eius precibus exoratus, ut, spiritalis alimoniae iucunditate refecti, salutis, quam docuit, imitando viam sectemur. | |
| 5362 | Sanctifica deus initia ... explere possimus. |
| Sanctifica, deus, initia abstinentiae nostrae et confessionum nostrarum accipe puritatem, quo per eam et criminibus careamus et constitutum tempus salutaris ieiunii explere possimus. | |
| 5363 | Sanctifica deus oblatoris ... iugibus famuletur. |
| Sanctifica, deus, oblatoris servi tui illius tibi haec sacrificia delibata, donans ei, ut, remissionem suorum accipiens criminum, indesinenter tibi votis iugibus famuletur. | |
| 5364 | Sanctifica deus pater ... nos gratulemur. |
| Sanctifica, deus pater, oblatam tibi a nobis, hanc hostiam vivam eamque, sereno vultu respiciendo, perlustra, ut, mox de ea libaverimus, caro nostra vel anima ita spiritali abstinentia perornetur, ut ne ulterius illecta gulae voraginibus supprimatur, sicque, spiritalis parsimoniae rigore praevalidi, hos beatae quadragesimae dies in votis fidelibus inchoemus, ut cum fructu bonorum operum eos explesse nos gratulemur. | |
| 5365 | Sanctifica deus quod ... perenniter potiamur. |
| Sanctifica, deus, quod offerimus, et tribue propitius, quod rogamus, ut, qui passionem martyris tui illius venerabiliter annua vice excolimus, suffragio eius perenniter potiamur. | |
| 5366 | Sanctifica domine haec ... sine fine. |
| Sanctifica, domine, haec tibi sacrificia illibata et sumentium corda pietate solita a malis omnibus placatus emunda, ut merear tibi domino incessanter sine offensione servire et aeternae vitae hereditatem percipere sine fine. | |
| 5367 | Sanctifica domine hanc ... nutantia beatorum. |
| Sanctifica, domine, hanc nostrae oblationis hostiam puram, quam tibi in honorem martyris tui Sebastiani offerimus dedicandam, ut, quotquot ex ea libaverimus, illo repleamur documento virtutum, quo per hunc martyrem confortata sunt in fide corda nutantia beatorum. | |
| 5368 | Sanctifica domine hoc ... languidi medicinam. |
| Sanctifica, domine, hoc sacrificium, pro infirmorum tibi relevatione libatum, quo per hoc obtineant et validi gratiam et languidi medicinam. | |
| 5369 | Sanctifica domine ministerium ... omnibus Sanctis regnare ubi angeli gaudent ubi archangeli et martyres exsultant ubi salvatorum milia et beata Maria cum beatarum exercitu virginum atque omnes sancti in |
| Sanctifica, domine, ministerium, exhilara ministrantem, illustra templum, orna altarium, ordina populum, cura morbum, dona remedium, proba votum, ut omnes, de diabolica astutia liberati, non insidiantem timeant sed curantem. Quia tu es benedictus, deus, qui iustificas, ducis ad infernum et reducis. Tu, domine, libera nos de diaboli insectatione, ut ante conspectum tuum possimus mundati adstare et in aeternum tecum <et> omnibus sanctis regnare, ubi angeli gaudent, ubi archangeli et martyres exsultant, ubi salvatorum milia et beata Maria cum beatarum exercitu virginum atque omnes Sancti in gloria laetantur. | |
| 5370 | Sanctifica domine muneris ... fore concede. |
| Sanctifica, domine, muneris oblati libamina et beatae dei genitricis saluberrima interventione nobis salutaria fore concede. | |
| 5371 | Sanctifica domine oblata ... remunerari mercede. |
| Sanctifica, domine, oblata tibi ab infimis, qui solus glorificaris in sanctis, ut, in tanti viri sollemnitate ante altare tuum adstantes, illo repleamur caritatis tuae ardore, quo idem vir plenus non solum mortem pro te capitalem praeoptavit suscipere sed ipsum quoque, qui se percussurus esset, voluntaria maluit remunerari mercede. | |
| 5372 | Sanctifica domine oblatae ... propitiatus sanctifices. |
| Sanctifica, domine, oblatae hostiae munus et votis fidelium adesto propitius, ut et, quae offeruntur, acceptes et offerentes propitiatus sanctifices. | |
| 5373a | Sanctifica domine quaesumus ... largire culparum. |
| Sanctifica, domine, quaesumus, nostra ieiunia et cunctarum nobis indulgentiam propitius largire culparum. | |
| 5373b | Sanctifica quaesumus domine nostra ... indulgentiam largire culparum. |
| Sanctifica, quaesumus, domine, nostra ieiunia et cunctarum nobis propitius indulgentiam largire culparum. | |
| 5373c | Sanctifica domine quaesumus ... placatus culparum. |
| Sanctifica, domine, quaesumus, nostra propitius ieiunia et cunctarum nobis indulgentiam largire placatus culparum. | |
| 5373d | Sanctifica quaesumus domine ieiunia ... indulgentiam largire culparum. |
| Sanctifica, quaesumus, domine, ieiunia nostra et cunctarum nobis indulgentiam largire culparum. | |
| 5374 | Sanctifica domine quod ... ecclesia tua. |
| Sanctifica, domine, quod offerimus, et obtentu sancti tui Matthaei apostoli et evangelistae vel martyris suscipe sacrificium, quod tibi litamus, tribuens et benedictionem oblatis et meritum sumpturis. Iustificetur, o Iesu bone, qui indignus praesumit, et eidem tua gratia largiatur ad custodiam, qui utcumque dignus et humilis venit. Perceptione tui corporis et sanguinis uterque iam melius atque sanctius vivat. Ille, ut coepit esse dignus, quin immo melius stabiliter maneat; iste a lapsibus, hoc sumptu correctus, velociter surgat et iam omnino non concidat. Ille habeat stabilitatem bene vivendi; iste per dignam conversionem inveniat aditus ad te redeundi. Defleat iste per paenitentiam malum, quod gessit; custodiat ille vel augeat bonum, quod hactenus tenuit. Iste, quod non habet, recipiat; ille, quod habet, numquam penitus perdat. Iste surgat; ille non cadat. Ille caveat lapsus; iste post lapsum tibi serviendi irreflexibiles arripiat cursus. Ut, dum utrisque corporis tui et sanguinis inhaeserit medicina, et tibi contraria pietas tua correxerit universa et hic tuta permaneat et ad te post sine macula et ruga perveniat omnis ecclesia tua. |
|
| 5375 | Sanctifica domine quod ... sacrificium laudis. |
| Sanctifica, domine, quod per manus nostras tibi cum abstinentiae contritione litamus, ut benedictionis tuae foveamur ex donis, qui maiestati tuae cum ieiunii contritione offerimus hoc sacrificium laudis. | |
| 5376 | Sanctifica nos quaesumus ... tribue facultatem. |
| Sanctifica nos, quaesumus, domine, his muneribus offerendis et paschalis observantiae sufficientem nobis tribue facultatem. | |
| 5377 | Sanctifica quaesumus domine ... munus aeternum. |
| Sanctifica, quaesumus, domine deus, per tui sancti nominis invocationem huius oblationis hostiam et per eam nosmetipsos tibi perfice munus aeternum. | |
| 5378 | Sanctifica quaesumus domine ... reficiantur aeternae. |
| Sanctifica, quaesumus, domine, haec fidelium omnium vitalia sacramenta et praesta, ut per ea, interveniente beata dei genitrice Maria cum omnibus sanctis tuis, animae famulorum famularumque tuarum, parentum et benefactorum nostrorum, ab omnibus vitiis expiatae, pabulo vitae reficiantur aeternae. | |
| 5379 | Sanctifica quaesumus domine ... ex caelestibus. |
| Sanctifica, quaesumus, domine, hanc oblationem, quam ad honorem sanctissimi patroni nostri Dubricii maiestati tuae offerimus, et concede, ut nos in ministratione tanti mysterii ita digni effici mereamur, per quod deinceps non retrahamur ex caelestibus. | |
| 5380 | Sanctifica quaesumus domine ... salutis augmentationem. |
| Sanctifica, quaesumus, domine, hanc oblationem, quam tuae pietati in celebritate beati Bricii confessoris tui atque pontificis offerimus, suppliciter obsecrantes, ut, quod tuae maiestati oblatum est in eius commemorationem, nobis proveniat in salutis augmentationem. | |
| 5381 | Sanctifica quaesumus domine ... ubique dirigatur. |
| Sanctifica, quaesumus, domine, oblata munera, quae in venerationem sancti antistitis tui Nicolai offeruntur, ut per ea vita nostra inter adversa et prospera ubique dirigatur. | |
| 5382 | Sanctifica quaesumus domine ... infunde benedictionem. |
| Sanctifica, quaesumus, domine, per beatae virginis Austrebertae intercessionem hanc, quam tibi offerimus supplices, oblationem et, ut nobis Christi filii tui corpus et sanguis fiat, tuam desuper infunde benedictionem. | |
| 5383 | Sanctifica quaesumus omnipotens ... concede sempiternum. |
| Sanctifica, quaesumus, omnipotens deus, per tui sanctissimi nominis invocationem huius muneris oblationem et, sanctae Etheldrithae virginis tuae intervenientibus meritis, ad nostrae prosperitatis adminiculum pervenire concede sempiternum. | |
| 5384 | Sanctifica redemptor mundi ... est egressa. |
| Sanctifica, redemptor mundi, praesentis munera sacrificii et beatae matris Annae precibus eadem nobis effice salutaria, de cuius uteri palatio mater tua aula virgineae puritatis est egressa. | |
| 5385 | Sanctifica summe deus ... dulcedinis ubertatem. |
| Sanctifica, summe deus, haec libamina, quae tibi offerimus voluntate devota, ut hodie perceptione sui sumentibus exhibeant omnium criminum expiationem et cras mundatis cordibus praeparent exundantem tuae dulcedinis ubertatem. | |
| 5386 | Sanctifica tu omnipotens ... beneficiis copiosa. |
| Sanctifica tu, omnipotens deus, ea, quae a te ordinata sunt; placabilitate dignatus, libens suscipe, quod offerimus, et clemens indulge ei, quod litamus; sanctorum tuorum nos gloriosa merita, ne in poenam veniamus, excusent; defunctorum fidelium animae, quae beatitudine gaudent, nobis opitulentur; quae consolatione indigent, ecclesiae precibus absolvantur eorumque oblatio, quorum ante altare tuum nomina recitantur, ita sit in tuis oculis placita, ut illis sit in beneficiis copiosa. | |
| 5387a | Sanctificata ieiunio tuorum ... benignus auditum. |
| Sanctificata ieiunio, tuorum corda filiorum, deus habitator, illustra et, quibus praestas devotionis affectum, praebe, supplicantibus, pium benignus auditum. | |
| 5387b | Sanctifica<ta> hoc ieiunio ... hoc ieiunio tuorum corda fidelium deus miserator illustra et quibus devotionis praestas affectum praebe supplicantibus pium |
| Sanctifica<ta> hoc ieiunio, tuorum corda fidelium, deus miserator, illustra et, quibus devotionis praestas affectum, praebe, supplicantibus, pium benignus auditum. | |
| 5387c | Sanctificato hoc ieiunio ... benignus auditum. |
| Sanctificato hoc ieiunio, deus, tuorum corda fidelium, miserator, illustra et, quibus devotionis praestas affectum, praebe supplicantibus pium benignus auditum. | |
| 5388 | Sanctificati divino mysterio ... miseratus eripias. |
| Sanctificati divino mysterio, maiestatem tuam, domine, suppliciter deprecamur et petimus, ut famulos tuos, quos donis facis caelestibus interesse, per lignum sanctae crucis et a peccatis abstrahas et a periculis cunctis miseratus eripias. | |
| 5389a | Sanctificati domine salutari mysterio ... nos donasti patrocinio gubernari. |
| Sanctificati, domine, salutari mysterio, quaesumus, ut pro nobis eorum non desit oratio, quorum nos donasti patrocinio gubernari. | |
| 5389b | Sanctificati domine salutari mysterio ... (nos) donasti patrocinio gubernari. |
| Sanctificati, domine, salutari mysterio, quaesumus, ut pro nobis eius non desit oratio, cuius (nos) donasti patrocinio gubernari. | |
| 5390 | Sanctificationem domus tuae ... sorte participes. |
| Sanctificationem domus tuae, domine, suppliciter recolentes benignus exaudi et, sanctorum tuorum nos sacra dedicatione laetantes, in eorum nos facias, quaesumus, sorte participes. | |
| 5391 | Sanctificationem tuam nobis ... dona perducat. |
| Sanctificationem tuam nobis, domine, his mysteriis placatus, operare, quae nos et a terrenis purget vitiis et ad caelestia dona perducat. | |
| 5392 | Sanctificationibus tuis omnipotens ... aeterna proveniant. |
| Sanctificationibus tuis, omnipotens deus, et vitia nostra curentur et remedia nobis aeterna proveniant. | |
| 5393 | Sanctificent nos domine ... tribuant facultatem. |
| Sanctificent nos, domine, sumpta mysteria et paschalis observantiae sufficientem nobis tribuant facultatem. | |
| 5394 | Sanctificet nos domine ... promissionibus reddat acceptos. |
| Sanctificet nos, domine, qua pasti sumus, mensa caelestis et, a cunctis erroribus expiatos, supernis promissionibus reddat acceptos. | |
| 5395a | Sanctificet nos domine quaesumus ... Euphemiae tibi reddat acceptos. |
| Sanctificet nos, domine, quaesumus, tui perceptio sacramenti et intercessio beatae martyris Euphemiae tibi reddat acceptos. | |
| 5395b | Sanctificet nos domine quaesumus ... sanctorum tibi reddat acceptos. |
| Sanctificet nos, domine, quaesumus, tui perceptio sacramenti et intercessione sanctorum tibi reddat acceptos. | |
| 5396 | Sanctificet nos quaesumus ... et expavit. |
| Sanctificet nos, quaesumus, domine deus, hoc sanctum et immaculatum sacrificium vespertinum, quod unigenitus filius tuus in cruce obtulit pro salute mundi oblationem novam, qua totus mundus contremuit et expavit. | |
| 5397 | Sanctificet nos quaesumus ... faciat aggregari. |
| Sanctificet nos, quaesumus, domine deus, huius sacri perceptio sacramenti et gloriosa sancti intercessio Swithuni angelorum coetibus faciat aggregari. | |
| 5398 | Sanctificet nos quaesumus ... coheredes efficiat. |
| Sanctificet nos, quaesumus, domine, et muniat, intercedente beata Maria Magdalena, divini muneris sacra libatio et caelestium virtutum coheredes efficiat. | |
| 5399 | Sanctificet nos rector ... aeterna gaudia. |
| Sanctificet nos, rector omnium deus, hodiernae festivitatis oblatio, quam tibi offerimus pro reverentia crucis, ut muniat nos ad aeterna gaudia. | |
| 5400 | Sanctificetur quaesumus domine ... capiamus aeternam. |
| Sanctificetur, quaesumus, domine, haec oblata in honorem tui nominis victima, ut, libantes ex ea, hereditatem capiamus aeternam. | |
| 5401 | Sanctificetur quaesumus domine ... ad salutem. |
| Sanctificetur, quaesumus, domine deus, huius nostrae oblationis munus, tua cooperante sapientia, ut tibi placere possit ad laudem et nobis proficere ad salutem. | |
| 5402a | Sanctis intervenientibus domine ... praesidia devotorum. |
| Sanctis intervenientibus, domine, tibi servitus nostra complaceat et obsequia munerum fiant praesidia devotorum. | |
| 5402b | Sancto Sebastiano interveniente ... praesidia devotorum. |
| Sancto Sebastiano interveniente, domine, tibi servitus nostra complaceat et obsequia munerum fiant praesidia devotorum. | |
| 5402c | Sancti Eusebii confessoris ... praesidium devotorum. |
| Sancti Eusebii confessoris tui interventu, domine, tibi servitus nostra complaceat et oblatio praesentium munerum fiat praesidium devotorum. | |
| 5403 | Sanctissimi martyris tui ... festivitate immolanda. |
| Sanctissimi martyris tui Christophori tibi precibus, domine, quaesumus, haec grata reddatur oblatio, in cuius est festivitate immolanda. | |
| 5404 | Sanctissimi sacerdotis et ... oblata sanctifica. |
| Sanctissimi sacerdotis et confessoris tui Syri, quaesumus, domine, precibus placatus, haec munera, tibi in honorem eius oblata, sanctifica. | |
| 5405 | Sancto Menna martyre ... mereamur esse. |
| Sancto Menna martyre tuo interveniente, ita digne fac nos, quaesumus, domine, haec mysteria tractare, ut tibi vero aeternoque pontifici templum et hostia placabilis mereamur esse. | |
| 5406 | Sanctorum confessurum et ... festivitate immolanda |
| Sanctorum confessurum et episcoporum Wulsini et Swithuni precibus tibi, domine, quaesumus, nostra grata reddatur oblatio, <pro quorum est festivitate immolanda>. | |
| 5407 | Sanctorum confessurum nos ... intercessio tueatur. |
| Sanctorum confessurum nos, domine, quaesumus, foveat pretiosa confessio et pia iugiter intercessio tueatur. | |
| 5408 | Sanctorum consessorum tuorum ... oratio veneranda. |
| Sanctorum consessorum tuorum nos, quaesumus, domine, merita tueantur et eorum commendet oratio veneranda. | |
| 5409 | Sanctorum Cyrini Naboris ... devotionis (ac)crescat. |
| Sanctorum Cyrini, Naboris et Nazarii, quaesumus, domine, natalicia nobis vota resplendeant et, quod illis contulit excellentiam sempiternam, fructibus nostrae devotionis (ac)crescat. | |
| 5410 | Sanctorum decus remunerator ... hostias referamus. |
| Sanctorum decus, remunerator iustorum, deus, qui super omnes et per omnia et in omnibus nobis es, cui sacrificium est cor contritum et oratio purum incensum, tribue nobis per intercessionem beatissimi Pauli apostoli sanctificationem cordis, fervorem spiritus, corporis puritatem, ut, mortificatis terrenis vitiis, immaculati spiritu et corpore nostro, tibi semper laudis hostias referamus. | |
| 5411a | Sanctorum domine martyrum ... annuo frequentamus obsequio eorum et intercessionibus commendemur |
| Sanctorum, domine, martyrum tuorum supplicationibus tribue nos foveri, ut, quorum venerabilem <diem> annuo frequentamus obsequio, eorum et intercessionibus commendemur et meritis. | |
| 5411b | Sanctae martyris tuae ... et meritis. |
| Sanctae martyris tuae Caeciliae, domine, supplicationibus tribue nos foveri, ut, cuius venerabilem sollemnitatem praevenimus obsequio, eius intercessionibus commendemur et meritis. | |
| 5411c | Sancti domine confessoris ... meritis commendemur. |
| Sancti, domine, confessoris tui illius tribue nos supplicationibus foveri, ut, cuius depositionem annuo celebramus obsequio, eius apud te intercessionibus et meritis commendemur. | |
| 5412 | Sanctorum domine sancta ... esse confidimus. |
| Sanctorum, domine, sancta deferimus, quae, cum in omnium iustorum tibi commemoratione sint placita, multo magis in angelicae veneratione substantiae grata tuis adspectibus esse confidimus. | |
| 5413 | Sanctorum Felicis et ... sit gratum. |
| Sanctorum Felicis et Adaucti natalicia recensentes, munus offerimus, quod eorum tibi, domine, quaesumus, intercessione sit gratum. | |
| 5414 | Sanctorum martyrum tuorum ... veniam impetremus. |
| Sanctorum martyrum tuorum atque pontificum illius et illius gloriosa merita venerantes, haec, domine, munera tuae maiestati offerimus, obsecrantes, ut, illis reverentiam exhibendo, nobis veniam impetremus. | |
| 5415 | Sanctorum Gervasii et ... liberemur offensis. |
| Sanctorum Gervasii et Protasii suffragiis imploramus, ut a cunctis, domine, liberemur offensis. | |
| 5416 | Sanctorum martyrum Kiliani ... adesse fidelibus. |
| Sanctorum martyrum Kiliani sociorumque eius, domine, natalicia praedicantes, supplices te deprecamur et petimus, ut, quos caelesti gloria sublimasti, tuis semper facias adesse fidelibus. | |
| 5417 | Sanctorum martyrum nos ... dignanter exoret. |
| Sanctorum martyrum nos, domine, Gervasii et Protasii confessio beata communiat et fragilitati(s) nostrae subsidium dignanter exoret. | |
| 5418 | Sanctorum martyrum tuorum ... sempiterna concede. |
| Sanctorum martyrum tuorum, domine, supplicatione placatus, et veniam nobis tribue peccatorum et remedia sempiterna concede. | |
| 5419 | Sanctorum martyrum tuorum ... iuste gaudere. |
| Sanctorum martyrum tuorum nos, domine, quaesumus, quatuor coronatorum pia apud te intercessio iuvet et sua faciat sollemnitate iuste gaudere. | |
| 5420 | Sanctorum memoratis nominibus ... requiem dona. |
| Sanctorum memoratis nominibus, supplex te, domine, rogo, ut eorum meritis omnibus peccatis meis propitiatus esse digneris salvumque facias me et omnes, quos dedisti mihi, ut nemo ex eis pereat, vel, quaecumque contulisti, alia sine laesione conserva, teque potius iugiter prosperante, universa de sedibus tuis mea eliminentur plaga, omnis auferatur infirmitas, cuncta propellatur egestas, pestis et interitus proturbentur, temptationes diabolicae fugiant, scandala et adversitates omnium procul abscedant; ingrediatur autem ad nos gratia tuae benedictionis et pacis, ut sit in tabernaculis meis securitas et requies, salus et vita, veritas et laetitia, iucunda felicitas; tuaque fortitudine mea sustentetur fragilitas, prolongetur vita, roboretur iuventus omnique milita praedamnata, beata vita properet; hanc autem oblationem libens sanctifica et defunctis omnibus requiem dona. | |
| 5421 | Sanctorum omnium deum ... sereno vultu |
| Sanctorum omnium deum patrem omnipotentem deprecemur, ut oblationes famulorum ac famularum suarum placido <ac> sereno vultu respicere dignetur. | |
| 5422a | Sanctorum omnium gloriosa confessione ... tuae dapibus saginemur. |
| Sanctorum omnium gloriosa confessione, deus, tribue nobis timorem nominis tui, quod etiam initium sapientiae praedixisti, ut per haec sancta, quae sumpsimus, tuorum admixti conciliis, misericordiae tuae dapibus saginemur. | |
| 5422b | Sanctorum omnium gloriosa confessio ... tuae dapibus saginemur. |
| Sanctorum omnium gloriosa confessio, deus, tribuat nobis, quaesumus, ut per haec sancta, quae sumpsimus, tuorum admixti conciliis, misericordiae tuae dapibus saginemur. | |
| 5423 | Sanctorum omnium gloriosa ... voluptatum contemptus. |
| Sanctorum omnium gloriosa protectio, deus, qui beato martyri tuo Symphoriano auxilium non negasti et per iniqua mortis ludibria ad hanc gloriam vocare dignatus es, praesta, ut similis nos fides martyri copulet, quos tempus passionis in stadio non reliquit, ac, sicut illum iter durum et scrupulosum per aerumnas passionum paradiso collocavit, ita nos praesentium voluptatum contemptus. | |
| 5424a | Sanctorum precibus domine ... remedia capiamus. |
| Sanctorum precibus, domine, confidentes, quaesumus; per ea, quae sumpsimus, aeterna remedia capiamus. | |
| 5424b | Sanctorum tuorum domine ... remedia capiamus. |
| Sanctorum tuorum, domine, precibus confidentes, quaesumus, ut per ea, quae sumpsimus, aeterna remedia capiamus. | |
| 5424c | Sanctorum precibus confidentes ... remedia capiamus. |
| Sanctorum precibus confidentes, quaesumus, domine, ut per ea, quae sumpsimus, aeterna remedia capiamus. | |
| 5424d | Sanctorum Sotheris precibus ... remedia capiamus. |
| Sanctorum Sotheris precibus confidentes, quaesumus, domine, ut per ea, quae sumpsimus, aeterna remedia capiamus. | |
| 5425 | Sanctorum trium regum ... donante perducat. |
| Sanctorum trium regum et magorum tuorum, Gaspar, Melchior et Balthassar, quaesumus, domine, intercessio gloriosa nos protegat ubique et adiuvet ac per haec sancta, quae sumpsimus, sacramenta a peccatorum nostrorum vinculis nos absolvat et ab omnibus inimicis tueatur semper et muniat et ad tuam praesentiam, te donante, perducat. | |
| 5426 | Sanctorum tuorum domine ... sempiternae quietis. |
| Sanctorum tuorum, domine, communicantes memoriae, patriarcharum prophetarumque tuorum non sumus immemores. Ipsis enim praenuntiantibus, adventus tuus claruit mundo. Memoramus etiam apostolos tuos, qui adventum tuum, a prophetis patriarchisque praedictum, oculis suis cernere meruerunt. Facimus quoque et tuorum martyrum sanctorum mentionem, qui, te dominum redemptorem iam venisse confessi, ad mortem usque sunt certati pro veritate. Fidelium praeterea tuorum, in hac adhuc peregrinatione degentium, nomina recensemus, poscentes, ut eorum vitae cursum ea perfectione consummes, qua sanctos tuos apud te in caelesti habitaculo locatos perfectosque iam retines. Non obliviscimur quoque defunctos naturae nostrae ac fidei socios, sed precamur te dominum amplissimae pietatis, ut eis refrigeria tribuas sempiternae quietis. | |
| 5427a | Sanctorum tuorum domine ... venia non repellamur. |
| Sanctorum tuorum, domine, festa celebrantibus, nobis opem misericordiae tribue, ut, qui coronam martyrum non meremur, saltem a venia non repellamur. | |
| 5427b | Sanctorum tuorum domine ... saltem non repellamur. |
| Sanctorum tuorum, domine, Albani, Paulini et Nicetii episcopi cum nongentis octoginta novem, quorum festa celebramus, intercessione opem misericordiae tuae tribue, ut, qui coronam martyrii tui non meremur, a venia saltem non repellamur. | |
| 5428 | Sanctorum tuorum domine ... precibus mereamur. |
| Sanctorum tuorum, domine, intercessio misericordiae tuae munera nostra commendet, ut, quae nostris meritis obtinere non possumus, ipsorum assequi precibus mereamur. | |
| 5429 | Sanctorum tuorum domine intercessione placatus ... salvatione capiamus. |
| Sanctorum tuorum, domine, intercessione placatus, praesta, quaesumus, ut, quae temporali celebramus actione, perpetua salvatione capiamus. | |
| 5429bis = 5429 | Sanctorum tuorum domine intercessione placatus ... salvatione capiamus. (=CO 5429) |
| Sanctorum tuorum, domine, intercessione placatus, praesta, quaesumus, ut, quae temporali celebramus actione, perpetua salvatione capiamus. | |
| 5430 | Sanctorum tuorum domine ... semper imploret. |
| Sanctorum tuorum, domine, Nerei et Achillei tibi grata confessio et munera nostra commendet et tuam nobis indulgentiam semper imploret. | |
| 5431a | Sanctorum tuorum domine ... postulatione donetur. |
| Sanctorum tuorum, domine, precibus adiuvemur et, quod possibilitas nostra non obtinet, eorum nobis postulatione donetur. | |
| 5431b | Sanctorum martyrum tuorum ... oratione donetur. |
| Sanctorum martyrum tuorum illorum nos, quaesumus, domine, precibus adiuvemur, ut, quod nostra possibilitas non obtinet, eorum nobis, qui ante te iusti inventi sunt, oratione donetur. | |
| 5432 | Sanctorum tuorum domine ... magnificentiam collaudamus. |
| Sanctorum tuorum, domine, victorias recolentes, sacramenta veneranda percepimus, quae praestent nobis, quaesumus, eorum meritis indulgentiam, in quorum dormitione tuam magnificentiam collaudamus. | |
| 5433 | Sanctorum tuorum domine ... quiete laetifices. |
| Sanctorum tuorum, domine, vocabulis recensitis, offerentium quoque votis ac dormientium spiritibus memoratis, abundantissimam tuae pietatis clementiam postulamus, ut, sanctis praemia promissa restituens, offerentibus fructum bonae voluntatis accumules et defunctorum spiritibus aeterni refrigerii quiete laetifices. | |
| 5434 | Sanctorum tuorum intercessione ... et merito. |
| Sanctorum tuorum intercessione miseris esto, domine, refugium singulare, quorum pro nobis et honore placeris et merito. | |
| 5435 | Sanctorum tuorum intercessionibus ... digneris consortio. |
| Sanctorum tuorum intercessionibus, quaesumus, domine, et nos protege et famulis et famulabus tuis, quorum commemorationem agimus vel quorum eleemosynas recepimus, seu etiam his, qui nobis familiaritate iuncti sunt, misericordiam tuam ubique praetende, ut, ab omnibus impugnationibus defensi, tua opitulatione salventur, et animas famulorum famularumque tuarum, omnium videlicet fidelium catholicorum orthodoxorum, quorum commemorationem agimus et quorum corpora in hoc monasterio requiescunt vel quorum nomina ante Sanctum altare tuum scripta adesse videntur, electorum tuorum iungere digneris consortio. | |
| 5436a | Sanctorum tuorum nobis ... semper obtineat. |
| Sanctorum tuorum nobis, domine, pia non desit oratio, quae et munera nostra conciliet et tuam nobis indulgentiam semper obtineat. | |
| 5436b | Sancti confessoris tui ... semper obtineat. |
| Sancti confessoris tui Augustini nobis, domine, pia non desit oratio, quae et munera nostra conciliet et tuam nobis indulgentiam semper obtineat. | |
| 5437 | Sanctorum tuorum nos ... precibus adiuvemur. |
| Sanctorum tuorum nos, domine, continua sollemnitate comitare, ut, qui nostris meritis impedimur, eorum, qui tibi placuerunt, precibus adiuvemur. | |
| 5438 | Sanctorum tuorum nos ... indulgentiam largiaris. |
| Sanctorum tuorum nos, domine, Cyrici et Iulittae matris eius sociorumque eorum memoriam venerantes, quaesumus, ut, qui illis victoriae coronam contulisti, nobis eorum meritis delictorum indulgentiam largiaris. | |
| 5439 | Sanctorum (tuorum) nos ... amore ferventes. |
| Sanctorum (tuorum) nos, domine, Marcelli et Apulei beata merita prosequamur et tuo semper faciant amore ferventes. | |
| 5440 | Sanctorum tuorum nos ... benedictionibus confovemur. |
| Sanctorum tuorum nos, domine, Marci et Marcelliani natalicia tueantur, quia tanto fiducialius tuo nomini supplicamus, quanto frequentius martyrum benedictionibus confovemur. | |
| 5441 | Sanctorum tuorum nos ... et meritis. |
| Sanctorum tuorum nos, domine, patrocinia collata non deserant, quae fragilitatem nostram et precibus tueantur et meritis. | |
| 5442a | Sanctorum tuorum nos ... placatione commendent. |
| Sanctorum tuorum nos, quaesumus, domine, semper festa laetificent et maiestati tuae perpetua placatione commendent. | |
| 5442b | Sanctorum tuorum Coronatorum ... placatione commendent. |
| Sanctorum tuorum Coronatorum, quaesumus, domine, semper nos festa laetificent et maiestati tuae perpetua placatione commendent. | |
| 5442c | Sanctorum tuorum quaesumus ... placatione confirment. |
| Sanctorum tuorum, quaesumus, domine, semper nos festa laetificent et maiestati tuae perpetua placatione confirment. | |
| 5443 | Sanctorum tuorum quaesumus ... meruerunt martyrio. |
| Sanctorum tuorum, quaesumus, domine, innumerabilium martyrum Caesaraugustanorum pia pro nobis non desit oratio, qui, pro nomine unigeniti filii tui mortem non timentes, inclito decorari meruerunt martyrio. | |
| 5444 | Sanctorum tuorum quaesumus ... defende praesidiis. |
| Sanctorum tuorum, quaesumus, domine, quorum nos assiduis festivitatibus consolaris, defende praesidiis. | |
| 5445 | Sanctus domine Gorgonius ... sollemnitate gaudere. |
| Sanctus, domine, Gorgonius sua nos intercessione laetificet et pia faciat sollemnitate gaudere. | |
| 5446 | Satiasti domine familiam ... sollemnia celebramus. |
| Satiasti, domine, familiam tuam muneribus sacris; eius, quaesumus, semper interventione nos refove, cuius sollemnia celebramus. | |
| 5447 | Satiasti nos domine ... placere mereamur. |
| Satiasti nos, domine, in hac sollemnitate sancti Sampsonis confessoris tui atque pontificis muneribus sacris; te quaesumus, ut ecclesiae tuae pacem, fidem, spem et caritatem multiplicare digneris, per quas tibi in ecclesia tua placere mereamur. | |
| 5448 | Satiati atque redempti ... assuetis iustificationibus. |
| Satiati atque redempti Agni tui dapibus, aeterne omnipotens deus, concede nobis, ut, sicut ille, apostolo comestus, integer perseverat et vivus, ita nos, mortificati a colluvionibus, in tuis semper revivescere mereamur assuetis iustificationibus. | |
| 5449a | Satiati caelestibus donis omnipotens ... resurrectione facias praesentari. |
| Satiati caelestibus donis, omnipotens deus, praesta, quaesumus, ut spiritum famuli tui illius, a corporis nexibus absolutum, in prima resurrectione facias praesentari. | |
| 5449b | Satiati caelestibus donis quaesumus ... resurrectione facias praesentari. |
| Satiati caelestibus donis, quaesumus, omnipotens deus, ut animam famuli tui, a nexibus corporis absolutam, in sanctorum tuorum resurrectione facias praesentari. | |
| 5450 | Satiati domine de ... feliciter perducas. |
| Satiati, domine, de tuis muneribus, maiestatem tuam supplices exoramus, ut, intercedente beato Sampsone confessore tuo atque pontifice, spe fide et caritate nos iugiter repleas et ad regna caelestia feliciter perducas. | |
| 5451 | Satiati domine muneribus ... commemoratione gaudemus. |
| Satiati, domine, muneribus sacris, beatorum confessurum tuorum Audoeni, Martini, Nicolai, Aegidii, Gregorii, Leonardi, quaesumus, semper interventione nos refove, quorum commemoratione gaudemus. | |
| 5452 | Satiati domine muneribus ... ad veniam. |
| Satiati, domine, muneribus sacris, quaesumus clementiam tuam, ut beatae illius electae tuae intercessione nobis prosint ad veniam. | |
| 5453 | Satiati domine muneribus ... liberemur adversis. |
| Satiati, domine, muneribus sacris, te quaesumus, ut beati Birini intercessione a cunctis semper liberemur adversis. | |
| 5454 | Satiati domine quaesumus ... sollemnia celebramus. |
| Satiati, domine, quaesumus, muneribus sacris, eius nos precibus ubique protege, cuius festa sollemnia celebramus. | |
| 5455 | Satiati et inebriati ... sumpsimus sacramentis. |
| Satiati et inebriati caelestibus alimentis, fac nos, quaesumus, domine, aeterna fruitione consequi, quae mysticis sumpsimus sacramentis. | |
| 5456 | Satiati munere salutari ... vitae participes. |
| Satiati munere salutari, tuam, domine, misericordiam deprecamur, ut hoc eodem sacramento, quo nos temporaliter vegetas, efficias perpetuae vitae participes. | |
| 5457 | Satiati participatione caelesti ... perpetua deprecamur. |
| Satiati participatione caelesti, et gratias tibi referimus, domine deus noster, et, ut nobis fiat perpetua, deprecamur. | |
| 5458 | Satiati sumus domine ... percepisse confidimus. |
| Satiati sumus, domine, muneribus sacris, quae tanto nobis uberius credimus profutura, quanto sanctius haec, meritis intercedentibus martyrum, nos percepisse confidimus. | |
| 5459 | Satiatis domine munerum ... saecula censeamur. |
| Satiatis, domine, munerum tuorum donis, auxilium gratiae tuae, rogatus, impende et auribus tuae pietatis nostras miserando preces benignus exaudi, ut, meritis sancti praesulis Aidani et intercessione adiuti, in electorum tuorum numero aeterna in saecula censeamur. | |
| 5460 | Satiatus corpore ac ... inimici potestatem. |
| Satiatus corpore ac sanguine domini nostri Iesu Christi, gratias tibi ago, domine, sancte pater, omnipotens aeterne deus, petens divinam clementiam tuam, ut haec communicatio non sit mihi ad condemnationem sed ad reparationem mentis, ad tutelam fidei, ad evacuandam omnem inimici potestatem. | |
| 5461 | Satisfaciat tibi domine ... compensatione percipiat. |
| Satisfaciat tibi, domine, quaesumus, pro anima famuli tui illius sacrificii praesentis oblatio; et peccatorum veniam, quam quaesivit, inveniat et, quod officio vocis implere non potuit, desideratae paenitentiae compensatione percipiat. | |
| 5462 | Scindentes corda nostra ... detrudatur exusta. |
| Scindentes corda nostra et non vestimenta, tuam, deus summe, imploramus clementiam, ut, qui hoc die in hoc loco convenimus deflere mala, quae gessimus, caelestis flammae igniculo concrememur, quo, dum vis caritatis tuae in nostris cordibus exaestuat, peccati a nobis potentia detrudatur exusta. | |
| 5463 | Semper domine sanctorum ... iugiter sentiamus. |
| Semper, domine, sanctorum martyrum Cyrini, Naboris et Nazarii sollemnia celebramus et eorum patrocinia iugiter sentiamus. | |
| 5464 | Semper domine quaesumus ... incessanter accipiat. |
| Semper, domine, quaesumus, fac populum tuum sanctorum martyrum patrocinio gratulari, ut beneficia tua, quae propriis obsecrationibus obtinere non sufficit, iustorum tuorum suffragiis incessanter accipiat. | |
| 5465 | Semper nos domine ... reddat obsequio. |
| Semper nos, domine, martyrum tuorum Nerei et Achillei foveat, quaesumus, beata sollemnitas et tuo dignos reddat obsequio. | |
| 5466 | Semper nos domine ... dona conciliet. |
| Semper nos, domine, quaesumus, continentia salutaris erudiat, quae et nos, ieiunio intentos, efficiat puriores et tua nobis dona conciliet. | |
| 5467 | Sempiterna Trinitas deus ... gratuletur ecclesia. |
| Sempiterna Trinitas, deus, cuius potentia est prosternere fortia et elevare humilia, in his sacris caeremoniis clementiam tuam suppliciter deprecamur, ut omni ecclesiae tuae praestes auxilium, et, sicut liberasti filios Israel de manibus Aegyptiorum, ita libera populum tuum christianum de oppressione paganorum et da victoriam servis tuis, quatenus ecclesiae tuae status erigatur in sublime et perfidi deiiciantur ad infima, ut christiani gaudeant de hereditate tua et in omnibus, tua protegente dextera, semper catholica gratuletur ecclesia. | |
| 5468 | Sempiternae pietatis tuae ... cognoscaris indignis. |
| Sempiternae pietatis tuae abundantiam, domine, supplices imploramus, ut, nos beneficiis, quibus non meremur, anticipans, benefacere cognoscaris indignis. | |
| 5469 | Sempiternum dominum infinitum ... defensione tueatur. |
| Sempiternum dominum, infinitum, ingenitum, immortalem, devotae mentis desiderium, cordis habitatorem deprecemur, ut ecclesiam sanctam catholicam perpetua defensione tueatur. | |
| 5470 | Sensibus nostris quaesumus ... providentia gubernamur. |
| Sensibus nostris, quaesumus, domine, lumen sanctum tuum benignus infunde, ut tibi semper simus devoti, cuius sapientia creati sumus et providentia gubernamur. | |
| 5471 | Sentiamus domine quaesumus ... plenitudine gloriemur. |
| Sentiamus, domine, quaesumus, tui perceptione sacramenti subsidium mentis et corporis, ut, in utroque salvati, (de) caelestis remedii plenitudine gloriemur. | |
| 5472 | Serena pietate intende ... affore concede. |
| Serena pietate intende oblata, quaesumus, omnipotens deus, libamina et obtentu beatissimi Neoti confessoris tui atque abbatis praesenti familiae tuae ad prosperitatem vitae futurae affore concede. | |
| 5473 | Si ante oculos ... qui rogarent. |
| Si ante oculos tuos, domine, culpas, quas facimus, et plagas, quas excipimus, conferamus, minus est, quod patimur, maius est, quod meremur. Peccati poenam sentimus et peccandi pertinaciam non vitamus. In flagellis tuis fragilitas nostra frangitur et iniquitas non mutatur. Mens aegrota torquetur et cervix dura non flectitur. Vita in dolore suspirat et in opere non emendat. Si exspectas, non corrigimur; si vindicas, non duramus. Confitemur in corruptione, quod laesimus; obliviscimur in visitatione, quod flevimus. Si impressis manum, facienda promittimus; si suspenderis gladium, promissa non facimus. Si ferias, clamamus, ut parcas; si parcis, iterum te provocamus, ut ferias. Si angustiae venient, tempus petimus paenitendi; si misericordia subveniat, abutimur patientia, quae pepercit. Adhuc plaga illata vix praeterit et iam non recolet mens ingrata, quod pertulit. Si citius exaudias, ex misericordia insolescimus; si tardius, ex impatientia murmuramus. Te, domine, volumus servare, quod feceris, et nos non timemus observare, quod iusseris. Habes, domine, confitentes reos; parce, quia pius es. Novimus, quod, nisi dimittas, recte nos punias, sed apud te multa miseratio et propitiatio perabundans. Praesta sine merito, quod rogamus, qui fecisti ex nihilo, qui rogarent. |
|
| 5474 | Si dignanter domine ... martyris tuearis. |
| Si dignanter, domine, repetitas tibi preces in numero revolutae supplicationis admittis, in huius tamen celeberrima martyris tui Zoili festivitate praesta, domine, ut des sacerdotibus gloriam, clericis palmam, regibus catholicis assiduitatem, litigantibus finem, fluctuantibus quietem, nudis tegumentum, esurientibus panem, sitientibus potum, dubitantibus fidem, virginibus honorem, pupillis tuitionem, viduis castitatem, defunctis requiem, m, quidquid totius orbis dominus palmo mentis amplecteris, excelso etiam virtutis tuae brachio intercessu tui martyris tuearis. | |
| 5475 | Si iniquitates nostras ... praestat immeritis. |
| Si iniquitates nostras observaveris, domine, quis, sustinebit? – Precamur ergo clementiam tuam, ut, ubi nulla fiducia suppetit actionum, gratia tua copiosa resplendeat, et? cum delicta remittit indignis et cum beneficia praestat immeritis. | |
| 5476 | Si nos domine ... ad requiem. |
| Si nos, domine, in oratione nostra mali operis facta, non premerent, difficilem obtinendi viam preces, quas fundimus, non haberent. Sed necesse est impossibile esse, quid, petitur, quibus sit contemptibile, quod iubetur. Nam tibi iniquitas abrogat, quod praestare tua deitas non laborat. Votorum nostrorum studia vincunt negotia meritorum. Non habent efficax desiderium, qui sit pervicax ad reatum, dumque res, peccato plena, nos cruciat, non habet fides, opere vacua, quod exspectat; quae, etsi sit confessa, quod crederet, non tamen operata est, quod placeret. Sic nempe agitur, ut, dum non observat instituta, quod didicit, non accipiet improvida, quod poposcit. Da igitur, domine, ut, dum in honorem martyrum tuorum illorum sacro altario hostiam immolamus, nobis proficiat ad salutem et defunctis fidelibus ad requiem. |
|
| 5477 | Si vis potens ... donare sanctorum. |
| Si vis, potens es mundare, domine, et, quam vox iniquitatis nostrae non obtinet, tuorum nobis precibus veniam donare sanctorum. | |
| 5478 | Sic nos quaesumus ... et sequamur. |
| Sic nos, quaesumus, domine, beati Ioannis apostoli tui et evangelistae sollemnia tuis fac celebrare mysteriis, ut, quae praedicavit, et credamus pariter et sequamur. | |
| 5479 | Sicut ad munera ... votiva sollemnia. |
| Sicut ad munera Abel, domine deus, vultu placito respexisti, ita, quaesumus, haec sacrificia sint tibi placita, ut beati Apollinaris martyris tui atque pontificis digne peragamus votiva sollemnia. | |
| 5480 | Sicut beati illius ... sint placabilia. |
| Sicut beati illius confessoris, domine, atque pontificis merita tibi sunt acceptabilia, ita, eo obtinente, sacrificia nostra tibi sint placabilia. | |
| 5481 | Sicut beatum Laudum ... sanctifica hostiam. |
| Sicut beatum Laudum confessorem tuum atque pontificem, domine, ad aeternam gloriam transtulisti, sic ipsius meritis, quaesumus, ad salutem nostram hanc praesentem sanctifica hostiam. | |
| 5482 | Sicut beatus Eustachius ... tibi efficiant. |
| Sicut beatus Eustachius cum sociis suis, domine, in caelesti claritate purus rutilat, sic sancta, quae sumpsimus, illis intercedentibus, puros nos tibi efficiant. | |
| 5483 | Sicut dedisti domine ... salutis aeternae. |
| Sicut dedisti, domine deus, manna in deserto gratuito munere immeritis et ingratis, ita precibus beati martyris tui Apollinaris tribue acquisitis cibum salutis aeternae. | |
| 5484 | Sicut gloriam divinae ... salvationis impendant. |
| Sicut gloriam divinae potentiae munera, pro sanctis oblata, testantur, sic nobis effectum, domine, tuae salvationis impendant. | |
| 5485 | Sicut in beati ... interventor exoret. |
| Sicut in beati martyris tui Albani veneratione te mirabilem praedicamus, sic, domine, clementiam tuam per haec piae placationis officia pro nobis ipse pius interventor exoret. | |
| 5486 | Sint tibi domine ... delictorum consequamur. |
| Sint tibi, domine, quaesumus, nostrae munera grata devotionis, quae in sanctorum confessurum tuorum Medardi et Gildardi pontificum digna sollemnitate deferimus; quaesumus, ut precibus illorum veniam delictorum consequamur. | |
| 5487 | Sint tibi omnipotens ... vitae perpetuae. |
| Sint tibi, omnipotens deus, grata nostrae servitutis obsequia et haec sancta, quae sumpsimus, intercedente beato Edmundo rege et martyre (tuo), prosint nobis ad capescenda praemia vitae perpetuae. | |
| 5488 | Sint tibi placita ... deferuntur obtineat. |
| Sint tibi placita, domine, populi tui votiva sacrificia et, quod fragilitas nostra non impetrat, eorum supplicatio, pro quorum gloria deferuntur, obtineat. | |
| 5489 | Sint tibi quaesumus ... pariter subsequamur. |
| Sint tibi, quaesumus, domine, nostri munera grata ieiunii, quia tunc eadem in sanctorum tuorum digna commemoratione deferimus, si et actus illorum pariter subsequamur. | |
| 5490 | Sit domine beatus ... copiosius audiatur. |
| Sit, domine, beatus Ioannes evangelista nostrae fragilitatis adiutor, ut, pro nobis tibi supplicans, copiosius audiatur. | |
| 5491 | Sit domine quaesumus ... annuente vincantur. |
| Sit, domine, quaesumus, beatus Benedictus custos actuum nostrorum, ut mala opera ac desideria maligna, quae nostra fragilitas superare non potest, eius pia intercessione, tua benignitate annuente, vincantur. | |
| 5492 | Sit nobis domine ... curare languores. |
| Sit nobis, domine, intercedente beato Cucufate martyre tuo, reparatio mentis et corporis, quod sancti altaris tui benedictione percepimus, et per hanc medicinam sanctorum suorum nos faciat esse consortes, qui infirmitatis nostrae venit curare languores. | |
| 5493 | Sit nobis domine ... praestet aeternam. |
| Sit nobis, domine, quaesumus, cibus sacer potusque salutaris, qui et temporalem vitam muniat et praestet aeternam. | |
| 5494 | Sit nobis domine ... desideria compleantur. |
| Sit nobis, domine, reparatio mentis et corporis caeleste mysterium, cuius operatione precamur, ut vitia nostra purgentur et, intercedentibus sanctis martyribus tuis, iusta desideria compleantur. | |
| 5495 | Sit nobis domine ... sentiamus effectum. |
| Sit nobis, domine, reparatio mentis et corporis caeleste mysterium et, cuius exsequimur actionem, sentiamus effectum. | |
| 5496 | Sit nobis domine ... meritis imploratur. |
| Sit nobis, domine, sacramenti tui certa salvatio, quae cum beatorum martyrum tuorum Cosmae et Damiani meritis imploratur. | |
| 5497 | Sit nobis quaesumus ... participatione munimur. |
| Sit nobis, quaesumus, domine, medicina mentis et corporis, quod de sancti altaris tui benedictione percepimus, ut nullis adversitatibus premamur, qui tanti remedii participatione munimur. | |
| 5498 | Sit nomini tuo ... iugiter exigendum. |
| Sit nomini tuo, domine, hoc sacrificium, cum exhibetur, acceptum, ut efficiatur iugiter exigendum. | |
| 5499 | Sit plebi tuae ... affluenter accipiat. |
| Sit plebi tuae, domine, continuata defensio divini participatio sacramenti, ut carnalibus vitiis non teneatur obnoxia, ut spiritali delectatione sit libera, ut maiestati tuae plena sit devotione subiecta, ut salvationem mentis et corporis et incessabiliter expetat et affluenter accipiat. | |
| 5500 | Sit tibi domine ... proficiat saluti. |
| Sit tibi, domine, nostrae devotionis oblatio acceptabilis, ut beato Vitale martyre tuo intercedente, et tuae placeat maiestati et nostrae proficiat saluti. |