Sanctae dei genitricis Mariae ac beatorum apostolorum, martyrum, consessorum, virginum atque omnium sanctorum tuorum, quaesumus, omnipotens deus, nos famulos tuos intercessionibus protege pariterque nobis familiaritate atque consanguinitate coniunctos et omnem populum christianum ab omni pravitate defende; commissum etiam nobis ad regendum gregem custodi et animabus famulorum famularumque tuarum illorum et illarum et cunctorum fidelium defunctorum requiem tribue benignus sempiternam et sanctorum coetibus consociare digneris propitius.