Usuarium A Digital Library and Database for the Study of Latin Liturgical History
in the Middle Ages and Early Modern Period

Conspectus

filter
Origin S/M Week Day Topic M/H Ceremony Rubrics Genre Item P.N.
Kornelimünster Qu H3 f4 M2 Mass Propers Feria quarta VD Tuamque misericordiam suppliciter exorare, ut ieiuniorum nostrorum sacrosancta mysteria tuae sint pietati semper accepta. Concedasque, ut quorum corpora abstinentiae observatione macerantur, mentes quoque virtutibus et caelestibus institutis exornentur. Per Christum Dominum nostrum. 514
Kornelimünster Qu H3 f5 M2 Mass Propers Feria quinta VD Et tuam immensam clementiam supplici voto deposcere, ut nos famulos tuos, et ieiunii maceratione castigatos, et ceteris bonorum operum exhibitionibus eruditos, in mandatis tuis facias perseverare sinceros, et ad paschalia festa pervenire inlaesos. Sicque praesentibus subsidiis consolemur quatenus ad aeterna gaudia pertingere mereamur. 514
Kornelimünster Qu H3 f6 M2 Mass Propers Feria sexta VD Qui ad insinuandum humilitatis suae mysterium, fatigatus resedit ad puteum. Qui a muliere Samaritana aquae sibi petiit porrigi potum, qui in ea creaverat fidei donum. Et ita eius sitire dignatus est fidem, ut dum ab ea aquam peteret, in ea ignem divini amoris accenderet. Imploramus itaque tuam immensam clementiam, ut contemnentes tenebrosam profunditatem vitiorum, et relinquentes noxiarum hydriam cupiditatum, et te, qui fons vitae et origo bonitatis es semper sitiamus, et ieiuniorum nostrorum observatione tibi placeamus. Per quem. 515
Kornelimünster Qu H3 S M2 Mass Propers In sabbato VD Qui ieiunii quadragesimalis observationem in Moyse et Elia dedicasti, et <in> unigenito Filio tuo legis et prophetarum nostrorumque omnium Domino exornasti. Tuam igitur immensam bonitatem supplices exposcimus, ut, quod ille iugi ieiuniorum complevit continuatione, nos adimplere valeamus illius adiuti largissima miseratione, et adimplentes ea, quae praecepit, dona percipere mereamur, quae promisit. Per quem. 515
Kornelimünster Qu H4 D M2 Mass Propers Dominica III i… VD Et te creatorem omnium de praeteritis fructibus glorificare, et de venturis suppliciter exorare., ut cum de perceptis non invenimur ingrati, de percipiendis non iudicemur indigni. Sed exhibita toties sollemni devotione ieiunia, cum subsidiis corporalibus profectum quoque capiamus animarum. Per Christum. 515
Kornelimünster Qu H4 f2 M2 Mass Propers Feria secunda VD Et tuam suppliciter misericordiam implorare, ut exercitatio veneranda ieiunii salutaris, nos a peccatorum nostrorum maculis purgatos reddat, et ad supernorum civium societatem perducat., ut et hic devotorum actuum sumamus augmentum, et illic aeternae beatitudinis percipiamus emolumentum. Per Christum. 516
Kornelimünster Qu H4 f3 M2 Mass Propers Feria tertia VD Per mediatorem dei et hominum Iesum Christum Dominum nostrum, qui mediante die festo ascendit in templo docere, qui de caelo descendit mundum ab ignorantiae tenebris liberare. Cuius descensus genus humanum doctrina salutari instruit, mors a perpetua morte redemit, ascensio ad caelestia regna perducit. Per quem te summe Pater poscimus, ut eius institutione edocti, salutaris parsimoniae devotione purificati, ad tua perveniamus promissa securi. Per quem maiestatem. 516
Kornelimünster Qu H4 f4 M2 Mass Propers Feria quarta VD Qui illuminatione suae fidei tenebras expulit mundi, et genus humanum, quod primae matris uterus profuderat caecum, incarnationis suae mysterio reddidit illuminatum. Fecitque filios adoptionis, qui tenebantur vinculis iustae damnationis. Per ipsum te petimus, ut tales in eius inveniamur iustissima examinatione, quales facti sumus in lavacri salutaris Felicissima regeneratione., ut eius incarnationis medicamine imbuti, sacrosancti lavacri ablutione loti, parsimoniae devotione ornati, ad aeterna gaudia perveniamus inlaesi. Per quem maiestatem. 517
Kornelimünster Qu H4 f5 M2 Mass Propers Feria quinta VD Cuius bonitas hominem condidit, iustitia damnavit, misericordia redemit. Te humiliter exoramus, ut, sicut <per> inlicitos appetitus a beata regione decidimus, sic ad aeternam patriam per abstinentiam redeamus. Sicque moderetur tua miseratione nostra fragilitas, ut et transitoriis subsidiis nostra sustentetur mortalitas, et per bonorum operum incrementa, beata acquiratur immortalitas. Per Christum. 517
Kornelimünster Qu H4 f6 M2 Mass Propers Feria sexta VD Qui est dies aeternus, lux indeficiens, claritas sempiterna. Qui, sic sequaces suos in luce praecepit ambulare, ut noctis aeternae valeant caliginem evadere, et ad lucis patriam feliciter pervenire. Qui per humilitatem adsumptae humanitatis Lazarum flevit, per divinitatis potentiam vitae reddidit, genus quoque humanum quadrifida peccatorum mole obrutum ad vitam reducit. Per quem petimus ieiunii observatione a peccatorum nostrorum nexibus solvi, aeternae vitae felicitati reddi, et sanctorum coetibus connumerari. Per quem. 517
Kornelimünster Qu H4 S M2 Mass Propers In sabbato VD Misericordiae dator et totius bonitatis auctor. Qui ieiuniis orationibus et elemosinis, peccatorum remedia, et virtutum omnium tribuis incrementa. Te humili devotione praecamur, ut, qui ad haec agenda saluberrimam dedisti doctrinam, ad complendum indefessam tribuas efficaciam, ut oboedienter tua exsequentes praecepta, feliciter tua capiamus promissa. Per Christum. 518
Kornelimünster Qu H5 D M2 Mass Propers Dominica IIII… VD Maiestatem tuam propensius implorantes, ut quanto magis dies salutiferae festivitatis accedit, tanto devotius ad eius digne celebrandum proficiamus paschale mysterium. Per Christum. 518
Kornelimünster Qu H5 f2 M2 Mass Propers Feria secunda VD Te suppliciter exorantes, ut, sic nostra sanctificentur ieiunia, quo cunctorum nobis peccatorum proveniat indulgentia. Quatenus adpropinquante unigeniti Filii tui passione, bonorum operum tibi placere valeamus exhibitione. Per quem. 518
Kornelimünster Qu H5 f3 M2 Mass Propers Feria tertia VD Et te devotis mentibus supplicare, ut nos interius exteriusque restaures, et parsimonia salutari a peccatorum sordibus purges. Et quos inlecebrosis delectationibus non vis inpediri, spiritalium virtutum facias vigore muniri. Et, sic in rebus transitoriis foveas, ut perpetuis inherere concedas. Per Christum Dominum nostrum. 519
Kornelimünster Qu H5 f4 M2 Mass Propers Feria quarta VD Et te supplici devotione exorare, ut per ieiunia, quae sacris institutis exsequimur, a cunctis reatibus emundari mereamur. Tuamque percipere valeamus propitiationem, qui praeparamur ad celebrandam unigeniti Filii tui passionem. Per quem. 519
Kornelimünster Qu H5 f5 M2 Mass Propers Feria quinta VD Qui, sic nos tribuis sollemne tibi deferre ieiunium, ut indulgentiae tuae speremus nos percipere subsidium, sic nos instituis ad celebranda paschalia festa, ut per haec acquiramus gaudia sempiterna. Per Christum. 519
Kornelimünster Qu H5 f6 M2 Mass Propers Feria sexta VD Cuius nos misericordia praevenit, ut bene agamus, subsequitur ne frustra agamus. Accendit intentionem, qua ad bona opera peragenda inardescamus, tribuit efficaciam qua haec ad perfectum perducere valeamus. Tuam ergo clementiam indefessis vocibus obsecramus, ut nos ieiunii victimis a peccatis mundatos, ad celebrandam unigeniti Filii tui Domini nostri passionem facias esse devotos. Per quem maiestatem. 519
Kornelimünster Qu H5 S M2 Mass Propers In sabbato VD Cuius nos fides excitat, spes erigit, caritas iungit. Cuius miseratio gratuita purificat, quos conscientiae reatus accusat. Te igitur cum interno rugitu deprecamur, ut carnalis alimoniae refrenatione castigati, ad celebrandum paschale mysterium inveniamur idonei. Per Christum. 520
Kornelimünster Qu H6 D M2 Mass Propers Dominica in Ra… VD Per quem nobis indulgentia largitur, et pax per omne saeculum praedicatur, traditur cunctis credentibus disciplina, ut sanctificatos nos possit dies venturus excipere. Et ideo. 520
Kornelimünster Qu H6 f2 M2 Mass Propers Feria secunda VD Cuius nos humanitas colligit, humilitas erigit, traditio absolvit, poena redimit, crux salvificat, sanguis emaculat, caro saginat. Per quem te summe Pater cum ieiuniorum obsequiis obsecramus, ut ad eius celebrandam passionem purificatis mentibus accedamus. Per quem. 520
Kornelimünster Qu H6 f3 M2 Mass Propers Feria tertia VD Cuius salutiferae passionis et gloriosae resurrectionis dies adpropinquare noscuntur. In quibus et antiqui hostis superbia triumphatur, et nostrae redemptionis mysterium celebratur. Unde poscimus tuam immensam clementiam, ut, sicut in eo solo consistit totius nostrae salvationis summa, ita per eum tibi sit ieiuniorum et actuum nostrorum semper victima grata. Per quem. 521
Kornelimünster Qu H6 f4 M2 Mass Propers Feria quarta VD Qui innocens pro impiis voluit pati, et pro sceleratis indebite condemnari. Cuius mors delicta nostra detersit, et resurrectio iustificationem nobis exhibuit. Per quem tuam pietatem supplices exoramus, ut, sic nos hodie a peccatis emacules, ut cras venerabilis caenae dapibus sacies. Hodie acceptes confessionem nostrorum peccaminum, et cras tribuas spiritalium incrementa donorum. Hodie ieiuniorum nostrorum vota suscipias, et cras nos ad sacratissimae caenae convivium introducas. Per quem maiestatem. 521
Kornelimünster Qu H6 f5 M2 Mass Propers Feria quinta i… VD Et clementiam tuam suppliciter obsecrare, ut spiritalis lavacri baptismo renovandis, creaturam chrismatis in sacramentum perfecte salutis vitaeque confirmes, ut sanctificatione unctionis infusa, corruptione primae nativitatis absorba, sanctum uniuscuiusque templum acceptabilis vitae innocens odor redolescat., ut secundum constitutionis tuae sacramentum, regio et sacerdotali propheti quoque honore perfusi, vestimento incorrupti muneris induantur. Per Christum. 521
Kornelimünster Qu H6 f5 M2 Mass Propers Item alia VD Quem in hac nocte inter sacras epulas increpantem mens sibi conscia traditoris ferre non potuit, sed apostolorum relicto consortio sanguinis pretium a iudaeis accepit, ut vitam perderet quam distraxit. Caenavit igitur hodie proditor mortem suam, et cruentis manibus panem de manu salvatoris exiturus accepit., ut saginatum cibo maior poena constringeret, quem nec sacrati cibi collatio ab scelere revocaret. Patitur itaque Dominus noster Iesus Christus Filius tuus cum hoste novissimum participare convivium, a quo se noverat continuo esse tradendum., ut exemplum innocentiae mundo relinqueret, et passionem suam pro saeculi redemptione suppleret. Pascit igitur mitis Deus immitem Iudam, et sustinet pius crudelem convivam. Qui merito laqueo suo periturus erat, quia de magistri sanguine cogitarat. O dominum per omnia patientem, o magnum inter suas epulas mitem. Cibum eius Iudas in ore ferebat, et quibus eum traderet persecutores advocabat. Sed Filius tuus Dominus noster tamquam pia hostia, et immolari se tibi pro nobis patienter permisit, et peccatum, quod mundus commiserat relaxavit. Per quem. 522
Kornelimünster Qu H6 S M2 Mass Propers In Sabbato San… VD Te quidem omni tempore sed in hac potissimum nocte gloriosius conlaudare et praedicare, per Christum Dominum nostrum. Qui inferorum claustra disrumpens, victoriae suae clara vexilla suscepit, et triumphato diabolo victor a mortuis resurrexit. O noctem, quae finem tenebris ponit, et aeternae lucis viam pandit. O noctem, quae videre meruit, et vinci diabolum et resurgere Christum. O noctem in qua tartara spoliantur, sancti ab inferis liberantur, caelestis patriae aditus aperitur. In qua baptismate delictorum turba perimitur, filii lucis oriuntur. Quos exemplo dominicae matris sine corruptione sancta mater ecclesia concipit, sine dolore parit, et cum gaudio ad meliora provehit. Et ideo cum angelis. 523
Kornelimünster Pasc H0 D Resurrectio Domini M2 Mass Propers Dominica in Pa… VD Te quidem omni tempore sed in hac praecipue die laudare, benedicere et praedicare, quod Pascha nostrum immolatus est Christus. Per quem ad aeternam vitam filii lucis oriuntur, fidelibus regni caelestis atria reserantur, et beati lege commercii divinis humana mutantur. Quia nostrorum omnium mors, cruce Christi perempta est, et in resurrectione eius omnium vita resurrexit. Quem in susceptione mortalitatis deum maiestatis agnoscimus, et in divinitatis gloria deum et hominem confitemur. Qui mortem nostram moriendo destruxit, et vitam resurgendo restituit. Et ideo cum angelis. 523
Kornelimünster Pasc H0 f2 M2 Mass Propers Feria secunda VD Et te suppliciter exorare, ut fidelibus tuis dignanter inpendas, quo et paschalia capiant sacramenta, et desideranter exspectent ventura., ut in mysteriis quibus renati sunt permanentes, ad novam vitam his operantibus perducantur. Per Christum. 524
Kornelimünster Pasc H0 f3 M2 Mass Propers Feria tertia VD Qui oblatione sui corporis remotis sacrificiorum carnalium observationibus, seipsum tibi sacram hostiam agnumque inmaculatum summus sacerdos pro salute nostra immolavit. Per quem maiestatem tuam. 524
Kornelimünster Pasc H0 f4 M2 Mass Propers Feria quarta VD Et pietatem tuam indefessis precibus implorare, ut, qui paschalis festivitatis sollemnia colimus, in tua semper sanctificatione vivamus. Quo per temporalis festi observationem, pervenire mereamur ad aeternorum gaudiorum continuationem. Per Christum Dominum nostrum. 524
Kornelimünster Pasc H0 f5 M2 Mass Propers Feria quinta VD Qui nos per paschale mysterium edocuit vetustatem vitae relinquere, et in novitate spiritus ambulare. A quo perpetuae mortis superatur acervitas, et aeternae vitae fidelibus tribuitur integritas. Per quem maiestatem. 525
Kornelimünster Pasc H0 f6 M2 Mass Propers Feria sexta VD Qui secundum promissionis suae incommutabilem veritatem caelestis pontifex factus in aeternum, solus omnium sacerdotum peccati remissione non eguit, sed potius peccatum mundi idem verus agnus abstersit. Per quem. 525
Kornelimünster Pasc H0 S M2 Mass Propers Feria septima VD Per quem supplices exposcimus, ut cuius muneris pignus accepimus, manifesta dona conprehendere valeamus. Et, quae nobis fideliter speranda paschale contulit sacramentum, per resurrectionis eius attingere mereamur ineffabile mysterium. Per quem maiestatem. 525
Kornelimünster Pasc H1 D M2 Mass Propers Dominica octav… VD Et te suppliciter obsecrare, ne nos ad illum sinas redire actum, cui iure dominatur inimicus, sed in hac potius facias absolutione persistere, per quam diabolus exstitit Filio tuo vincente captivus. Et ideo cum angelis. 526
Kornelimünster Pasc H1 D Pascha annotinum M2 Mass Propers In Pascha anno… VD Et redemptionis nostrae festa recolere, quibus humana substantia vinculis praevaricationis exuta, spem resurrectionis per renovatam originis dignitatem assumpsit. Et ideo. 526
Kornelimünster Mar 25 Annuntiatio BMV M2 Mass Propers VIII Kalendas… VD Qui per beatae Mariae Virginis partum Ecclesiae tuae tribuisti celebrare mirabile mysterium, et inenarrabile sacramentum. In qua manet intacta castitas, pudor integer, firma constantia. Quae laetatur, quod virgo concepit, quod caeli dominum castis portavit visceribus, quod virgo edidit partum. O admirandam divinae dispensationis operationem, quae virum non cognovit, et mater est, et post filium virgo est. Duobus enim gavisa est muneribus, miratur, quod virgo peperit, laetatur, quod redemptorem mundi edidit Iesum Christum Dominum nostrum. Per quem maiestatem. 526
Kornelimünster Pasc H2 D Dominica propria M2 Mass Propers Dominica I pos… VD Et immensam bonitatis tuae pietatem humiliter exorare, ut ignorantiam nostrae mortalitatis attendens, ex tua inspiratione nos facias postulare, quod rectum est, et tua clementia tribuas impetrare, quod poscimus. Per Christum. 527
Kornelimünster Apr 13 Euphemia M2 Mass Propers Idibus Aprilis… VD Et in hac sollemnitate tibi laudis hostias immolare, qua beatae Euphemiae martyris tuae passionem venerando recolimus, et tui nominis gloriam debitis praeconiis magnificamus. Per Christum. 527
Kornelimünster Apr 14 Maximus Tiburtius Valerianus M2 Mass Propers XVIII Kalendas… VD Et te in sanctorum martyrum tuorum festivitate laudare, qui semper es mirabilis in tuorum commemoratione sanctorum, et magnae fidei largiris affectum, et tolerantiam tribuis passionum, et antiqui hostis facis superari machinamentum, quo egregii martyres tui ad capiendam supernorum beatitudinem praemiorum, nullis inpediantur retinaculis blandimentorum. Et ideo. 527
Kornelimünster Pasc H3 D Dominica propria M2 Mass Propers Dominica II po… VD Qui de virgine nasci dignatus per passionem et mortem a perpetua nos morte liberavit, et resurrectione sua aeternam nobis vitam contulit. Per quem maiestatem. 528
Kornelimünster Apr 23 Georgius M2 Mass Propers VIII Kalendas… VD Pro cuius nominis veneranda confessione beatus martyr Georgius diversa supplicia sustinuit, et ea devincens, coronam perpetuitatis promeruit. Per quem maiestatem. 528
Kornelimünster Pasc H5 f2 Rogationes M2 Mass Propers VII Kalendas M… VD Et te auctorem et sanctificatorem ieiunii conlaudare, per, quod nos liberas a nostrorum debitis peccatorum. Ergo suscipe ieiunantium preces, atque, ut nos a malis omnibus propitiatus eripias, iniquitates nostras quibus merito affligimur placatus absolve. Per Christum. 528
Kornelimünster Pasc H5 f3 Rogationes M2 Mass Propers IIII dominica… VD Et maiestatem tuam, suppliciter exorare, ut non nostrae malitiae sed indulgentiae tuae praeveniat semper affectus, qui nos a noxiis voluptatibus indesinenter expediat, et a mundanis cladibus dignanter eripiat. Per Christum. 529
Kornelimünster Pasc H5 f4 Rogationes M2 Mass Propers Feria IIII VD Ut quia tui est operis si, quod tibi placitum est aut cogitemus aut agamus, tu nobis semper et intellegendi, quae recta sunt et exsequendi tribuas facultatem. Per Christum. 529
Kornelimünster Pasc H4 D Dominica propria M2 Mass Propers Dominica III p… VD Et tui misericordiam muneris postulare, ut tempora quibus post resurrectionem suam Dominus noster Iesus Christus cum discipulis corporaliter habitavit, sic ipso opitulante pia devotione tractemus, quatenus in his omnium vitiorum sordibus careamus. Per quem. 529
Kornelimünster May 1 Iacobus minor Philippus apostolus M2 Mass Propers Kalendis Maiis… VD Qui Ecclesiam tuam in apostolica soliditate firmasti, de quorum consortio sunt beati Philippus et Iacobus quorum passionis hodie festum veneramur, poscentes ut, sicut eorum doctrinis instituimur, ita exemplis muniamur, et precibus adiuvemur. Per Christum. 530
Kornelimünster May 3 Inventio Crucis M2 Mass Propers V Nonas Maias… VD Qui per passionem crucis mundum redemit, et antiquae arboris amarissimum gustum crucis medicamine indulcavit, mortemque, quae per lignum vetitum venerat, per ligni tropaeum devicit., ut mirabilis suae pietatis dispensatione, qui per ligni gustum a florigera sede discesseramus, per crucis lignum ad paradisi gaudia redeamus. Per quem maiestatem. 530
Kornelimünster Pasc H5 D Dominica propria M2 Mass Propers IIII dominica… VD Et maiestatem tuam indefessis precibus exorare, ut mentes nostras bonis operibus semper informes, quia, sic erimus praeclari muneris prompta sinceritate cultores, si ad meliora iugiter transeuntes, paschale mysterium studeamus habere perpetuum. Per Christum Dominum nostrum. 530
Kornelimünster May 12 Pancratius M2 Mass Propers IIII Idus Maia… VD Quoniam a te constantiam fides, a te virtutem sumit infirmitas. Et quicquid in persecutionibus saevum est, quicquid in morte terribile, nominis tui facis confessione superari. Unde benedicimus te, Domine, in operibus tuis, teque in sanctorum tuorum Nerei, Achillei, et Pancratii provectione laudamus. Per Christum. 531
Kornelimünster Pasc H5 f5 Ascensio Domini M2 Mass Propers In Ascensa Dom… VD Et in hac praecipue die quo Iesus Christus Filius tuus Dominus noster divini consummato fine mysterii, dispositionis antiquae munus explevit., ut scilicet, et diabolum caelestis operis inimicum per hominem quem suggerat elideret, et humanam reduceret ad superna dona substantiam. Et ideo cum angelis. 531
Kornelimünster Pasc H6 D M2 Mass Propers Dominica I pos… VD Qui generi humano nascendo subvenit, cum per mortem passionis mundum devicit, per gloriam resurrectionis vitae aeternae aditum patefecit, et per suam ascensionem ad caelos nobis spem ascendendi donavit. Per quem. 531
Kornelimünster Pasc H6 S Pentecostes (Vigilia) M2 Mass Propers In sabbato Pen… VD Qui sacramentum paschale consummans, quibus per Unigeniti tui consortium filios adoptionis esse tribuisti, per Spiritum Sanctum largiris dona gratiarum, et sui coheredibus redemptoris, iam nunc superne pignus hereditatis inpendis., ut tanto se certius ad eum confidant esse venturos, quanto se sciunt ab eo redemptos, et Sancti Spiritus infusione ditatos. Et ideo cum angelis. 532
Kornelimünster Pent H1 f2 M2 Mass Propers Feria II VD Qui promissum spiritum Paraclitum super discipulos misit, qui principio nascentis Ecclesiae cunctis gentibus inbuendis, et deitatis scientiam inderet, et linguarum diversitatem in unius fidei confessione sociaret. Per quem tuam maiestatem supplices exoramus, ut cuius celebramus adventum, eius multimodae gratiae capiamus effectum. Per quem maiestatem. 532
Kornelimünster Pent H1 f3 M2 Mass Propers Feria III VD Qui Spiritus Sancti infusione replevit corda fidelium, qui sua ammirabili operatione, et sui amoris in eis ignem accenderet, et per diversitatem linguarum, gentes in unitate fidei solidaret. Cuius dono petimus, et inlecebrosas a nobis excludi voluptates, et spiritales in nobis extrui plantarique virtutes. Per quem maiestatem. 532
Kornelimünster Pent QuT f4 M2 Mass Propers Feria quarta VD Per quem discipulis Spiritus Sanctus in terra datur ob dilectionem proximi, et de caelo mittitur, propter dilectionem tui. Cuius infusio, petimus, ut in nobis peccatorum sordes exurat, et tui amoris ignem nutriat, et nos ad amorem fraternitatis accendat. Per quem. 533
Kornelimünster Pent H1 f5 M2 Mass Propers Feria V VD Per quem pietatem tuam suppliciter petimus, ut Spiritus Sanctus corda nostra clementer expurget, et sui luminis irradiatione perlustret., ut in eo, qui gratiarum largitor est recta sapiamus, et de eius consolatione in perpetuum gaudeamus. Per quem maiestatem. 533
Kornelimünster Pent QuT f6 M2 Mass Propers Feria VI VD Et maiestatem tuam suppliciter exorare, ut spiritus Paraclitus ad nos veniat, et nos inhabitando templum suae maiestatis efficiat. Quod cum unigenito Filio tuo clementi respectu semper digneris invisere, et tuae inhabitationis fulgore in perpetuum perlustrare. Per quem. 533
Kornelimünster Pent QuT S M2 Mass Propers In sabbato VD Et tuam omnipotentiam devotis precibus implorare, ut nos Spiritus tui lumen infundat, cuius nos sapientia creat, pietas recreat, et providentia gubernat. Qui cum a tua substantia nullo modo sit diversus, sed tibi et unigenito tuo consubstantialis et coaeternus, diversitate tamen operis replet tuorum corda fidelium. Et ideo cum angelis et archangelis. 534
Kornelimünster Trin H1 D M2 Mass Propers Dominica octav… VD Qui cum unigenito Filio tuo, et sancto spiritu unus es Deus, unus es dominus. Non in unius singularitate personae, sed in unius Trinitate substantiae. Quod enim de tua gloria revelante te credimus, hoc de Filio tuo, hoc de spiritu sancto, sine differentiae discretione sentimus., ut in confessione verae sempiternaeque deitatis, et in personis proprietas, et in essentia unitas, et in maiestate adoretur aequalitas. Quam laudant. 534
Kornelimünster Jun 2 Petrus Marcellinus martyr M2 Mass Propers IIII Nonas iun… VD Apud quem semper est praeclara vita sanctorum quorum nos <mors> pretiosa laetificat, et tuetur. Quapropter martyrum tuorum Marcellini et Petri gloriosa recensentes natalicia, laudes tibi referimus, et magnificentiam tuam supplices exoramus., ut quorum sumus martyria venerantes, beatitudinis mereamur, esse consortes. Per Christum Dominum nostrum. 534
Kornelimünster Trin H2 D M2 Mass Propers Hebdomada II p… VD Qui Ecclesiae tuae filios, sicut non cessas erudire, ita non desinis adiuvare., ut et scientiam te miserante recta faciendi, et possibilitatem capiant exsequendi. Per Christum. 535
Kornelimünster Trin H3 D M2 Mass Propers Hebdomada III… VD Cuius hoc mirificum opus ac salutare mysterium fuit, ut perditi dudum atque prostrati, de diabolo et mortis aculeo ad hanc gloriam vocaremur, qua nunc genus electum sacerdotiumque regale, populus adquisitionis et gens sancta vocaremur. Agentes igitur indefessas gratias, sanctamque munificentiam tuam praedicantes, maiestate tuae haec sacra deferimus, quae nobis ipse salutis nostrae auctor Christus instituit. Per quem. 535
Kornelimünster Pent QuT f4 M2 Mass Propers Mensis IIII fe… VD Quia post illos laetitiae dies quos in honore Domini a mortuis resurgentis, et in caelos ascendentis exegimus, postque perceptum Sancti Spiritus donum necessaria nobis ieiunia sancta provisa sunt., ut pura conversatione viventibus, quae divinitus sunt ecclesiae conlata permaneant. Per Christum. 536
Kornelimünster Trin H4 D M2 Mass Propers Hebdomada IIII… VD Quoniam illa festa remaneant, quibus nostrae mortalitate procuratur immortali commercium, ac temporali vitae subrogatur aeternitas, et de peccati poena, peccata mundantur, mirisque modis conficitur de perditione salvatio, ut status condicionis humanae, qui per felicitatis insolentiam venit ad tristitiam, humilis et molestus ad aeterna gaudia redeat per merorem. Per Christum. 536
Kornelimünster Jun 19 Protasius Gervasius M2 Mass Propers XIII Kalendas… VD Pro cuius nominis confessione beati martyres, Gervasius et Protasius passi, in caelesti regione aeternis perfruuntur gaudiis. Et pro eorum sollemni recordatione ecclesia religiosis exsultat officiis. Per quem maiestatem tuam laudant. 536
Kornelimünster Trin H5 D M2 Mass Propers Hebdomada V po… VD Et omnipotentiam tuam iugiter implorare, ut nobis et praesentis vitae subsidium, et aeternae tribuas praemium sempiternum. Quo, sic mutabilia bona capiamus, <ut per haec ad incommutabilia dona pervenire valeamus>. Sic temporalis laetitiae tempora transeant, ut eis gaudia sempiterna succedant. Per Christum. 537
Kornelimünster Jun 23 Ioannes Baptista (Vigilia) M2 Mass Propers In vigilia san… VD Exhibentes sollemne ieiunium, quo beati Ioannis Baptistae natalicia praevenimus. Cuius genitor dum eum dubitat nasciturum, sermonis amisit officium. Et eo nascente, et sermonis usum, et prophetiae suscepit donum. Cuiusque genetrix senio confecta, sterilitate multata, in eius conceptu non solum sterilitatem amisit, fecunditatem acquisivit, sed etiam Spiritum Sanctum quo matrem Domini et salvatoris agnosceret accepit. Per quem. 537
Kornelimünster Jun 24 Ioannes Baptista M2 Mass Propers In die ad miss… VD Et in die festivitatis hodiernae qua beatus Ioannes exortus est tuam magnificentiam conlaudare, qui vocem matris Domini nondum editus sensit, et adhuc clausus utero adventum salutis humane prophetica exsultatione significavit. Qui et genetricis sterilitatem conceptus abstulit, et Patris linguam natus absolvit, solusque omnium prophetarum redemptorem mundi quem praenuntiavit ostendit, Et, ut sacrae purificationis effectum aquarum natura conciperet, sanctificandis Iordanis fluentis, ipsum baptismo baptismatis lavit auctorem. Et ideo cum angelis. 537
Kornelimünster Jun 26 Ioannes Romanus Paulus martyr M2 Mass Propers VI Kalendas Iu… VD Pro cuius amore gloriosi martyres Ioannes et Paulus, martyrium non sunt cunctati subire, quos in nascendi lege vixit germanitas, in gremio matris Ecclesiae fidei unitas, in passionis acervitate ferenda unius amoris societas. Per quem nos petimus eorum precibus adiuvari, quorum festa noscimur venerari. Per quem maiestatem tuam. 538
Kornelimünster Trin H6 D M2 Mass Propers Hebdomada VI p… VD Maiestatem tuam suppliciter deprecantes, ut opem tuam petentibus dignanter inpendas, et desiderantibus benignus tribuas profuturam. Per Christum. 538
Kornelimünster Jun 29 Petrus apostolus M2 Mass Propers In natale sanc… VD Apud quem cum beatorum apostolorum continuata festivitas, triumphique caelestis perpetua, et aeterna sit celebritas. Nobis tamen eorum festa annuis recursibus tribuis frequentare, ut et illorum passioni sit veneratio ex nostra devotione, et nobis auxilium proveniat de eorum sanctissima intercessione. Per Christum. 538
Kornelimünster Trin H7 D M2 Mass Propers Hebdomada VII… VD Verum aeternumque pontificem, et solum sine peccati macula sacerdotem. Cuius sanguine fidelium corda mundantur. Cuius institutione placationis tibi hostias non solum pro delictis populi, sed etiam pro nostris offensionibus immolamus. Tuam poscentes clementiam, ut omne peccatum, quod carnis fragilitate contraximus, ipso summo pro nobis antestite interveniente solvatur. Per quem maiestatem. 539
Kornelimünster Jul 10 7 fratres M2 Mass Propers VI Idus Iulias… VD Donari nobis suppliciter exorantes, ut, sicut sancti tui mundum in tua virtute vicerunt, ita nos a mundanis erroribus postulent expediri. Per Christum. 539
Kornelimünster Trin H8 D M2 Mass Propers Hebdomada VIII… VD Et tibi vovere contriti sacrificium cordis, tibi libare humiliati victimam pectoris. A quo omne bonum sumimus, omnem iocunditatem haurimus. Precamur itaque, ut tibi conscientia nostra famuletur, et, ut in te de die in diem meliorata proficiat, tuae gratiae intemerata subdatur. Nostris nos, Domine, quaesumus, evacua malis, tuisque reple per omnia bonis., ut percepta gratia quam nostra non exigunt merita, a cunctis adversitatibus liberati, in bonis omnibus confirmati, supernis civibus mereamur coniungi. Per Christum Dominum nostrum. 539
Kornelimünster Jul 11 Benedictus abbas (Translatio) M2 Mass Propers V Idus Iulii n… VD Et gloriam tuam, profusis precibus exorare, ut, qui beati benedicti confessoris tui veneramur festa, te opitulante eius sanctitatis imitari valeamus exempla. Et cuius meritis nequaquam possumus coequari, eius precibus mereamur adiuvari. Per Christum. 540
Kornelimünster Trin H9 D M2 Mass Propers Hebdomada VIII… VD Et tuam misericordiam totis nisibus exorare, ne pro nostra nos iniquitate condemnes, sed pro tua pietate in via recta semper disponas. Nec, sicut meremur delinquentibus irascaris, sed fragilitati nostrae invicta bonitate subvenias. Per Christum. 540
Kornelimünster Trin H10 D M2 Mass Propers Hebdomada X po… VD Et tuam misericordiam exorare, ut te annuente valeamus, quae mala sunt declinare, et, quae bona sunt consequenter explere. Et quia nos fecisti ad tua sacramenta pertinere, tu clementer in nobis eorum munus operare. Per Christum. 541
Kornelimünster Jul 25 Iacobus maior M2 Mass Propers VIII Kalendas… VD Quia licet nobis semper salutem operetur divini celebratio sacramenti, propensius tamen nobis confidimus profuturam, si beati apostoli tui Iacobi intercessionibus adiuvemur. Per Christum. 541
Kornelimünster Jul 30 Abdo Sennis M2 Mass Propers III Kalendas a… VD Et te laudare mirabilem deum in sanctis tuis quos ante constitutionem mundi in aeternam tibi gloriam praeparasti, ut per eos huic mundo veritatis tuae lumen ostenderes. Quos ita spiritu veritatis armasti, ut formidinem mortis per infirmitatem carnis evincerent. De quorum collegio sunt martyres tui Abdon et Sennes, qui in Ecclesiae tuae prato, sicut rosae et lilia floruerunt. Quos Unigeniti tui sanguis in praelio confusionis roseo colore perfudit, et ob praemium passionis niveo liliorum splendore vestivit. Per quem maiestatem. 541
Kornelimünster Trin H11 D M2 Mass Propers Hebdomada XI p… VD Et tibi debitam servitutem per ministerii huius impletionem persolvere, quia non solum peccantibus veniam tribuis, sed etiam praemia petentibus inpertiris. Et, quod perpeti malis operibus promeremur, magnifica pietate depellis, ut nos ad tuae reverentiae cultum, et terrore cogas et amore perducas. Per Christum. 542
Kornelimünster Aug 1 Machabbaei M2 Mass Propers Kalendis Augus… VD Quia licet in omnium sanctorum tuorum tu sis, Domine, protectione mirabilis, in his tamen speciale tuum munus agnoscimus, quos fratres sorte nascendi magnifica praestitisti passione germanos, ut simul esset et veneranda gloria genetricis, et florentissima proles ecclesiae. Et ideo cum. 542
Kornelimünster Aug 6 Sixtus II M2 Mass Propers VIII Idus Augu… VD Et in die festivitatis hodierne qua beatus Sixtus pariter sacerdos et martyr devotum tibi sanguinem exsultanter effudit, qui ad eandem gloriam promerendam doctrinae suae filios incitavit, et quos erudiebat hortatu praeveniebat exemplo. Per Christum. 542
Kornelimünster Trin H12 D M2 Mass Propers Hebdomada XII… VD Cuius primum tuae pietatis inditium est si tibi nos facias toto corde subiectos, et spiritum in nobis tantae devotionis infundas, ut propitius largiaris consequenter auxilium. Per Christum. 543
Kornelimünster Aug 9 Laurentius martyr (Vigilia) M2 Mass Propers V Idus Augusta… VD Et devotis mentibus natale beati martyris tui laurentii praevenire, qui levita simul martyrque venerandus, et proprio claruit gloriosus officio, et memorandae passionis refulsit martyrio. Per Christum. 543
Kornelimünster Aug 10 Laurentius martyr M2 Mass Propers Ad missam in d… VD Et in die sollemnitatis hodiernae qua beatus laurentius hostia sancta viva tibi placens oblatus est. Qui igne accensus tui amoris, constanter ignem sustinuit passionis. Et per inmanitatem tormentorum, pervenit ad societatem civium supernorum. Per Christum. 543
Kornelimünster Aug 11 Tiburtius M2 Mass Propers III Idus Augus… VD Qui dum beati Tiburtii martyris merita gloriosa veneramur, auxilium nobis tuae propitiationis adfore deprecamur. Quoniam credimus nos per eorum intercessionem, qui tibi placuere, peccatorum nostrorum veniam impetrare. Per Christum. 543
Kornelimünster Aug 13 Hippolytus M2 Mass Propers Idibus Augusti… VD Et tuam clementiam votis supplicibus implorare, ut beati Hippolyti intercessio peccatorum nostrorum obtineat veniam, qui per tormenta passionis aeternam pervenit ad gloriam. Per Christum. 544
Kornelimünster Trin H13 D M2 Mass Propers Hebdomada XIII… VD Qui nos castigando sanas, et refovendo benignus erudis. Dum magis vis salvos esse correctos quam perire deiectos. Per Christum. 544
Kornelimünster Aug 14 Eusebius Romanus M2 Mass Propers XVIIII Kalenda… VD Et clementiam tuam pronis mentibus implorare, ut per beati Eusebii confessoris intercessionem salutiferam in nostris mentibus firmes devotionem, concedasque ut, sicut te solum credimus auctorem, et veneramur salvatorem, sic in perpetuum eius interventu habeamus adiutorem. Per Christum. 544
Kornelimünster Aug 15 Assumptio BMV M2 Mass Propers XVIII Kalendas… VD Et te in veneratione sacrarum virginum exsultantibus animis laudare benedicere et praedicare, inter quas intemerata dei genetrix virgo maria, cuius adsumptionis diem celebramus, gloriosa effulsit. Quae et unigenitum tuum Sancti Spiritus obumbratione concepit, et virginitatis gloria permanente huic mundo lumen aeternum effudit, Iesum Christum Dominum nostrum. Per quem. 544
Kornelimünster Aug 17 Laurentius martyr (Octava) M2 Mass Propers XVI Kalendas S… VD Beati Laurentii natalicia repetentes, cui fidem confessionemque ignis passionis ingestus non abstulit, sed eum, ut magis luceret accendit. Quoniam, sicut aurum flammis non uritur sed probatur, sic beatus martyr non consumitur tormentorum incendiis, sed aptatur caelestibus ornamentis. Per Christum. 545
Kornelimünster Aug 17 Laurentius martyr (Octava) M2 Mass Propers Item alia eius… VD Quoniam tanto iocunda sunt, Domine, beati Laurentii martyris crebrius repetita sollemnia, quanto nobis eius sine cessatione praedicanda sunt merita. Per Christum. 545
Kornelimünster Trin H14 D M2 Mass Propers Hebdomada XIII… VD Quia tu in nostra semper faciens infirmitate virtutem, Ecclesiam tuam inter adversa crescere tribuisti., ut cum putaretur oppressa, tunc potius praevaleret exaltata. Dum simul et experientiam fidei declarat afflictio, et victoriosissima semper perseverat, te adiuvante devotio. Per Christum. 545
Kornelimünster Aug 24 Bartholomaeus M2 Mass Propers VIIII Kalendas… VD Qui Ecclesiam tuam sempiterna pietate non deseris, sed per apostolos tuos iugiter erudis et sine fine custodis. Per Christum. 546
Kornelimünster Aug 27 Rufus martyr Capuae M2 Mass Propers VI Kalendas Se… VD Quoniam supplicationibus nostris misericordiam tuam confidimus adfuturam, quam beati rufi poscimus interventu nobis et confessione praestari. Per Christum. 546
Kornelimünster Aug 28 Hermes M2 Mass Propers V Kalendas Sep… VD Quoniam fiducialiter laudes tibi immolamus hostias, quas sancti Hermetis martyris tui precibus tibi esse petimus acceptas. Per Christum. 546
Kornelimünster Aug 28 Augustinus Hipponensis M2 Mass Propers Eodem die nata… VD Qui beatum augustinum confessorem tuum et scientiae documentis replesti, et virtutum ornamentis ditasti. Quem ita multimodo genere pietatis imbuisti, ut ipse tibi et ara et sacrificium, et sacerdos esset, et templum. Per Christum. 546
Kornelimünster Trin H15 D M2 Mass Propers Hebdomada XV p… VD Qui nos de donis bonorum temporalium ad perceptionem provehis aeternorum, et haec tribuis et illa largiris., ut et mansuris iam incipiamus inseri, et praetereuntibus non teneri. Tuum est enim, quod vivimus, quia licet peccati vulnere natura nostra sit vitiata, tui tamen est operis, ut terreni generati ad caelestia renascamur. Per Christum. 546
Kornelimünster Aug 29 Ioannes Baptista (Decollatio) M2 Mass Propers IIII Kalendas… VD Qui praecursorem Filii tui tanto munere ditasti, ut pro veritatis praeconio capite plecteretur. Et, qui Christum aqua baptizaverat, ab ipso in spiritu baptizatus pro eodem proprio sanguine tingueretur. Praeco quippe veritatis, quae Christus est herodem a fraternis thalamis prohibendo, carceris obscuritate detruditur, ubi solius divinitatis tuae lumine frueretur. Deinde capitalem sententiam subiit, et ad inferna dominum praecursurus descendit. Et quem in mundo digito daemonstravit, ad inferos pretiosa morte praecessit. Et ideo. 547
Kornelimünster Sep 1 Priscus Capuensis M2 Mass Propers Kalendis Septe… VD Qui sic tribuis Ecclesiam tuam sanctorum commemoratione proficere, ut eam semper illorum et festivitate laetifices, et exemplo piae conversationis exerceas, grataque tibi supplicatione tuearis. Per Christum. 548
Kornelimünster Trin H16 D M2 Mass Propers Hebdomada XVI… VD Qui aeternitate sacerdotii sui omnes tibi servientes sanctificat sacerdotes, quoniam mortali carne circumdati, ita cotidianis peccatorum remissionibus indigemus, ut non solum pro populo sed etiam pro nobis eiusdem te pontificis sanguis exoret. Per quem. 548