Origin S/M Week Day Topic M/H Ceremony Rubrics Genre Item P.N.
Trento Office ordinary Alia Or Exaudi nos, misericors Deus, et mentibus nostris gratiae tuae lumen ostende. 315
Trento Office ordinary Orationes vesp… Or Vox nostra te, Domine, semper deprecetur et ad aures tuae pietatis ascendat. 315
Trento Office ordinary Alia Or Praesta, quaesumus, omnipotens Deus, ut liberis tibi mentibus serviamus. 315
Trento Office ordinary Alia Or Ut tuam, Domine, misericordiam consequamur, fac nos tibi toto corde esse devotos. 315
Trento Office ordinary Alia Or Suscipe, Domine, preces nostras, et clamantium ad te pia corda propitius intende. 315
Trento Office ordinary Alia Or Cunctas, Domine, semper a nobis iniquitates repelle, ut ad viam salutis aeternae secura mente curramus. 316
Trento Office ordinary Alia Or Redemptor noster aspice Deus, et tibi nos iugiter servire concede. 316
Trento Office ordinary Alia Or Deus caeli terraeque dominator, auxilium nobis tuae defensionis benignus inpende. 316
Trento Office ordinary Alia Or Praesta, quaesumus, misericors Deus, ut tibi placita mente serviamus. 316
Trento Office ordinary Alia Or Purificet nos indulgentia tua, Deus, et ab omni semper iniquitate custodiat. 316
Trento Office ordinary Alia Or Adesto nobis, misericors Deus, et tua circa nos propitiatus dona custodi. 316
Trento Office ordinary Alia Or A cunctis iniquitatibus nostris exue nos, Domine, et in tua fac pace gaudere. 316
Trento Office ordinary Alia Or Vincula, Domine, quaesumus, humane pravitatis abrumpe, ut ad confitendum nomen tuum libera mente curramus. 316
Trento Office ordinary Alia Or Tua nos, Domine, quaesumus, gratia benedicat et ad vitam perducat aeternam. 316
Trento Office ordinary Alia Or Vide, Domine, infirmitates nostras et celeri nobis pietate succurre. 317
Trento Office ordinary Alia Or Fac nos, Domine, quaesumus, mala nostra toto corde respuere, ut bona tua capere valeamus. 317
Trento Office ordinary Alia Or Esto nobis propitius, Deus, ut tua nos misericordia subsequatur. 317
Trento Office ordinary Alia Or Praeveniat nos, quaesumus, Domine, misericordia tua, et voces nostras clementiae tuae i propitiationis anticipet. 317
Trento Office ordinary Alia Or Celeri nobis, quaesumus, Domine, pietate succurre, ut devotio supplicantium ad gratiarum transeat actionem. 317
Trento Office ordinary Alia Or Delicta nostra, Domine, quibus adversa nobis dominantur, absterge et tua nos ubique miseratione custodi. 317
Trento Office ordinary Alia Or Absolve, Domine, quaesumus, nostrorum vincula peccatorum, et quicquid pro eis meremur averte. 317
Trento Office ordinary Alia Or Ascendant ad te, Domine, preces nostrae, et ab Ecclesia tua cunctam repelle nequitiam. 317
Trento Office ordinary Alia Or Clamantes ad te, Deus, dignanter exaudi, ut nos de profundo iniquitatis eripias et ad gaudia aeterna perducas. 318
Trento Office ordinary Alia Or Concede nobis, quaesumus, Domine, veniam delictorum, et eos, qui nos impugnare moliuntur expugna. 318
Trento Office ordinary Alia Or Tua nos, Domine, quaesumus, gratia semper et praeveniat et sequatur, ac bonis operibus praestet iugiter esse intentos. 318
Trento Office ordinary Alia Or Respice nos, misericors Deus, et nomini tuo perfice veraciter obsequentes. 318
Trento Office ordinary Alia Or Tuere nos, superne moderator, et fragilitatem nostram tuis defende praesidiis. 318
Trento Office ordinary Alia Or Ut a nostris excessibus, Domine, temperemur, tua nos praecepta concede iugiter operari. 318
Trento Office ordinary Alia Or Aufer a nobis, quaesumus, nostras,Domine, pravitates, ut non indignationem tuam sed indulgentiam sentiamus. 318
Trento Office ordinary Alia Or Ut cunctis nos, Domine, foveas adiumentis, tuis apta propitius disciplinis. 318
Trento Office ordinary Alia Or Oculi nostri ad te, Domine, semper intendant, ut auxilium tuum et misericordiam sentiamus. 319
Trento Office ordinary Alia Or Peccata nostra, Domine, quaesumus, memor humanae condicionis absolve, et quicquid eorum retributione meremur averte. 319
Trento Office ordinary Alia Or Porrige nobis, Deus, dexteram tuam et auxilium nobis supernae virtutis inpende. 319
Trento Office ordinary Alia Or Exaudi nos, Deus salutaris noster, et Ecclesiam tuam inter mundi turbidines fluctuantem clementi gubernatione moderare. 319
Trento Office ordinary Alia Or Intende, quaesumus, Domine, supplices tuos, et pariter nobis indulgentiam tribue benignus et gaudium. 319
Trento Office ordinary Alia Or Respice nos, omnipotens et misericors Deus, et ab omnibus tribulationibus propitiatus absolve. 319
Trento Office ordinary Alia Or Iniquitates nostras ne respicias, Deus, sed sola nobis misericordia tua prosit indignis. 319
Trento Office ordinary Alia Or Fac nos, Domine, Deus noster, tuis oboedire mandatis, quia tunc nobis prospera cuncta proveniunt, si te totius vitae sequamur auctorem. 319
Trento pro episcopo M2 Mass Propers Benedictio epi… Coll Adesto supplicationibus nostris, omnipotens Deus, et, quod humilitatis nostrae gerendum est ministerio, tuae virtutis impleatur effectu. 319
Trento bishop Alia Or Propitiare, Domine, supplicationibus nostris, et inclinato super hunc famulum tuum cornu gratiae sacerdotalis, benedictionis tuae in eo effunde virtutem. 320
Trento bishop Consecratio Or Deus honorum omnium, Deus omnium dignitatum, quae gloriae tuae sacratis famulantur ordinibus; Deus, qui Moysen, famulum tuum secreti familiaris affatu, inter cetera caelestis documenta culturae de habitu quoque indumenti sacerdotalis instituens, electum Aaron mystico amictu vestiri inter sacra iussisti, ut intellegentiae sensum de exemplis priorum caperet secutura posteritas, ne eruditio doctrine tuae ulli deesset aetati, cum et apud veteres reverentiam ipsa significationum species obtineret, et apud nos certiora essent experimenta rerum quam enigmata figurarum. Illius namque sacerdotii anterioris habitus nostrae mentis ornatus est, et pontificalem gloriam non iam nobis honor commendat vestium sed splendor animarum, quia et illa, quae tunc carnalibus blandiebantur optutibus, ea potius, quae in ipsis erant, intellegenda poscebant. Et idcirco huic famulo tuo, quem ad summi sacerdotii ministerium elegisti, hanc, quaesumus, Domine, gratiam largiaris, ut quicquid illa velamina in fulgore auri, in nitore gemmarum, in multis modis operis varietate signabant, hoc in eius moribus actibusque clarescat. Comple in sacerdote tuo mysterii tui summam, et ornamentis totius glorificationis instructum caelestis unguenti flore sanctifica. Hoc, Domine, copiose in eius caput influat, hoc in oris subiecta decurrat, hoc in totius corporis extrema descendat:, ut tui spiritus virtus et interiora eius repleat et exteriora circumtegat. Abundet in eo constantiam fidei, puritas dilectionis, sinceritas pacis. Tribuas ei cathedram episcopalem ad regendam Ecclesiam tuam et plebem universam. Sis ei auctoritas, sis ei firmitas, sis potestas. Multiplices super eum benedictionem et gratiam tuam, ut ad exorandam misericordiam tuam tuo munere semper idoneus, tua gratia possit esse devotus. 320
Trento pro episcopo M2 Mass Propers Secreta Secr Haec hostia, Domine, quaesumus, emundet nostra delicta, et sacrificium celebrandum subditorum tibi corpora mentesque sanctificet. 320
Trento pro episcopo M2 Mass Propers Infracan Hanc igitur oblationem servitutis nostrae, sed et cunctae familiae tuae, quam tibi offerimus etiam pro famulo tuo illo, quem ad episcopatus ordinem promovere dignatus es, quaesumus, Domine, ut placatus accipias et propitius in eo tua dona custodias, ut, quod divino munere consecutus est, divinis effectibus exsequatur: diesque nostros. 321
Trento pro episcopo M2 Mass Propers Ad complendum Postcomm Haec nos communio, Domine, purget a crimine, et caelestis remedii faciat esse consortes. 321
Trento ordinations Orationes ad o… Or Oremus, dilectissimi, Deum Patrem omnipotentem, ut super hunc famulum suum, quem ad presbyterii munus elegit, caelestia dona multiplicet. 321
Trento ordinations Alia Or Exaudi nos, quaesumus, Domine, Deus noster, et super hunc i famulum tuum benedictionem Sancti Spiritus et gratiae sacerdotalis effunde virtutem, ut quem tuae pietatis aspectibus offerimus consecrandum, perpetua muneris tui largitate prosequaris. 321
Trento ordinations Consecratio Or Domine, sancte Pater, omnipotens aeterne Deus, honorum auctor et distributor omnium dignitatum, per quem proficiunt universa, per quem cuncta firmantur amplificatis semper in melius naturae rationalis incrementis per ordinem congrua ratione dispositum: unde et sacerdotales gradus atque officia levitarum sacramentis mysticis instituta creverunt, ut cum pontifices summos regendis populis praefecisses, ad eorum societatis et operis adiumen-tum sequentis ordinis viros et secundae dignitatis eligeres. Sic in heremo per i septuaginta virorum prudentium mentem Moysi spiritum propagasti, quibus ille adiutoribus usus in populo innumeras multitudines facile gubernavit. Sicut in Eleazaro et Ithamar paternae plenitudinis abundantiam transfudisti, ut ad hostias salutares et frequentiores officii sacramenta ministerium sufficeret sacerdotum. Hac providentia, Domine, apostolis Filii tui doctores fidei comites addidisti, quibus illi orbem totum secundis praedicatoribus impleverunt. Quapropter infirmitati quoque nostrae, Domine, haec adiumenta largire, qui quanto magis fragiliores sumus, tanto his pluribus indigemus. Da, quaesumus, pater, in hunc famulum tuum presbyterii dignitatem; innova in visceribus eius spiritum sanctitatis; acceptum a te, Deus, secundi meriti munus optineat censuramque I morum exemplo suae conversationis insinuet. Sit probus cooperator ordinis nostri; eluceat in eo totius forma iustitiae, ut bonam rationem dispensationis sibi creditae redditurus aeternae beatitudinis praemia consequatur. 321
Trento ordinations Orationes ad o… Or Oremus, dilectissimi, Deum Patrem omnipotentem, ut super hunc famulum suum, quem in sacrum ordinem dignatur assumere, benedictionis suae gratiam clementer effundat eique donum consecrationis indulgeat, per, quod eum ad premia aeterna perducat. 322
Trento ordinations Alia Or Exaudi, Domine, preces nostras, et super hunc famulum tuum spiritum tuae benedictionis emitte, ut caelesti munere ditatus et tuae gratiam possit maiestatis acquirere et bene vivendi aliis exemplum praebere. 322
Trento ordinations Consecratio Or Adesto, quaesumus, omnipotens Deus, honorum dator, ordinum distributor, officiorum dispensator:, qui in te manens innovas omnia et cuncta disponis per verbum virtutem sapientiamque tuam Iesum Christum, Filium tuum Dominum nostrum, sempiterna providentia praeparas et singulis quibusque temporibus aptanda dispensas: cuius corpus Ecclesiam tuam caelestium gratiarum varietate distinctam suorumque conexam discretione membrorum, per legem mirabilem totius conpagis unitam in augmentum templi tui crescere dilatarique largiris. Sacri muneris servitutem trinis gradibus ministrorum nomine tuo militare constituens, electis ab initio Levi filiis, qui mysticis operationibus domus tuae fidelibus excubiis permanentes i hereditatem benedictionis aeternae sorte perpetua possiderent. Super hunc quoque famulum tuum, quaesumus, Domine, placatus intende, quem tuis sacrariis serviturum in officium diaconii suppliciter dedicamus. Et nos quidem tamquam homines divini sensus et summae rationis ignari huius vitam, quantum possumus, aestimamus. Te autem, Domine, ea, quae nobis sunt ignota non transeunt, te occulta non fallunt; tu cognitor secretorum, tu scrutator es cordium, tu eis vitam caelesti poteris examinare iudicio, quo semper praevales, et commissa purgare et ea, quae sunt agenda concedere. Emitte in eum, Domine, quaesumus, Spiritum Sanctum, quo in opus ministerii fideliter exsequendi septiformis gratiae munere roboretur. Abundet in eo totius forma virtutis, auctoritas modesta, pudor constans, innocentiae puritas et spiritalis observatio disciplinae. In moribus eius praecepta tua fulgeant, ut suae castitatis exemplo imitationem sancta plebs acquirat, et bonum conscientiae testimonium proferens in Christo firmus et stabilis perseveret, dignisque successibus de inferiori gradu per gratiam tuam capere potiora mereatur. 322
Trento in natale papae M2 Mass Propers Oratio in nata… Coll Deus, qui licet sis magnus in magnis, mirabilia tamen gloriosius operaris in minimis: concede mihi indigno famulo tuo sacris convenienter servire mysteriis, ut quem conscientiae reatus accusat, in omnibus tua misericordia protegat. 323
Trento in natale papae M2 Mass Propers Alia Coll Deus, qui populis tuis indulgentia consulis et amore dominaris, da spiritum sapientiae, quibus dedisti regimen disciplinae, ut de profectu sanctarum ovium fiant gaudia aeterna pastorum. 324
Trento in natale papae M2 Mass Propers Super oblata Secr Hostias tibi, Domine, laudis exolvo suppliciter implorans, ut, quod inmerito contulisti, intercedente beato Petro apostolo tuo propitius exsequaris. 324
Trento in natale papae M2 Mass Propers Praefatio VD Ut quia in manu tua dies nostri vitaque consistit, sicut honorem nobis indignis largiris ministerii, sic quoque tribuas rationabilis obsequii propitius incrementum, et tua dona in nobis custodias, ut eius suffragiis apud te semper reddar acceptus, cuius me vice hodie Ecclesiae tuae praeesse voluisti. 324
Trento in natale papae M2 Mass Propers Ad complendum Postcomm Corporis sacri et pretiosi sanguinis repleti libamine, quaesumus, Domine, Deus noster, ut[i] gratiae tuae munus, quod nobis inmeritis contulisti, intercedente beato Petro apostolo tuo propitius muniendo custodias. 324
Trento in ordinatione presbyteri M2 Mass Propers In ordinatione… Or Deus, qui digne tibi servientium nos imitare desideras famulatum, da nobis caritatis tuae flamina ardere succensos, ut antestitum priorum, qui tibi placuerunt, mereamur consortia optinere. 324
Trento in ordinatione presbyteri M2 Mass Propers Secreta Secr Aufer a nobis, Domine, spiritum superbiae, cui resistis, ut sacrificia nostra tibi sint semper accepta. 325
Trento in ordinatione presbyteri M2 Mass Propers Praefatio VD Qui dissimulatis peccatis humanae fragilitatis nobis indignis sacerdotalem confers dignitatem: da nobis, quaesumus, ut ad sacrosancti mysterii immolanda sacrificia cum beneplacitis mentibus facias introire; quia tu solus sine operibus aptis iustificas peccatores, tu gratiam praestas benignus ingratis, tu ea, quae retro sunt oblivisci concedis, et ad priora promissa clementissima gubernatione perducis. Et ideo cum angelis. 325
Trento in ordinatione presbyteri M2 Mass Propers Infracan Hanc igitur oblationem servitutis nostrae, quam tibi offerimus in die hodiernae sollemnitatis, quo nobis indignis sacerdotalem infulam tribuisti, quaesumus, Domine, ut placatus accipias: et tua pietate conserva, quod es operatus in nobis: diesque nostros. 325
Trento in ordinatione presbyteri M2 Mass Propers Ad complendum Postcomm Corporis sacri et pretiosi sanguinis repleti libamine, quaesumus, Domine, Deus noster, ut gratiae tuae munus, quod nobis inmeritis contulisti, intercedente beato illo propitius muniendo custodias. 325
Trento in ordinatione diaconi M2 Mass Propers Oratio in ordi… Coll Ad preces nostras, quaesumus, Domine, propitiatus intende, ut levitae tui sacris altaribus servientes et fidei veritate fundati et mente sint spiritali conspicui. 325
Trento in ordinatione diaconi M2 Mass Propers Secreta Secr Suscipe, quaesumus, Domine, hostias famuli tui et levitae tui N., quibus mente tuo nomini devota, et a terrenis contagiis expiari et caelestibus contulisti propinquare consortiis. 326
Trento in ordinatione diaconi M2 Mass Propers Ad complendum Postcomm Praesta, quaesumus, omnipotens Deus, ut nostrae gaudeamus provectionis augmento et congruo sacramenti caelestis obsequio. 326
Trento ordinations Oratio pro ade… Or Deus, cuius omnis potestas et dignitas, da famulo tuo N. prosperum suae dignitatis effectum, in qua te semper timeat tibique iugiter placere contendat. 326
Trento abbot Oratio ad abba… Or Concede, quaesumus, omnipotens Deus, ut famulum tuum N., quem ad regimen animarum i elegimus, gratiae tuae dono prosequaris, ut te largiente cum ipsa tibi nostra electione placeamus. 326
Trento monk Oratio pro ren… Or Praesta, Domine, quaesumus, famulis tuis renuntiantibus saecularibus pompis gratiae tuae vias aperiri, qui dispecto diabulo confugiunt sub titulo Christi. Iube venientes ad te sereno vultu suscipere, ne de eis inimicus valeat triumphare. Tribue eis brachium infatigabile auxilii tui, mentes eorum fidei lurica circumda, et felice muro vallati mundum se gaudeant evasisse. 326
Trento monk Oratio in mona… Or Deus, qui renuntiantibus saeculo mansionem paras in caelo, dilata sanctae huius congregationis habitaculum temporale caelestibus bonis, ut fraternae teneantur conpagine caritatis, unanimes continentiae praecepta custodiant, sobrii simplices et quieti gratis sibi datam gratiam fuisse cognoscant, concordet illorum vita cum nomine, professio sentiatur in opere. 327
Trento monk Oratio monacho… Or Tu famulis tuis, quaesumus, Domine, bonos mores placatus institue; tu in eis, quod tibi placitum sit, dignanter infunde, ut et digni sint et tua valeant beneficia promereri. 327
Trento ordinations Oratio ad cler… Or Praesta, quaesumus, omnipotens Deus, ut huic famulo tuo illo, qui ad deponendam comam capitis sui propter amorem Christi Filii <tui> festinat, dones Spiritum Sanctum, qui habitum religionis in eo perpetuum custodiat et a mundi impedimento vel saeculari desiderio cor eius defendat, et, sicut inmutatur in vultu, ita manus dexterae tuae in eum virtutes tribuat et ab omni caecitate humana oculos i aperiat et lumen aeternae gratiae concedat. 327
Trento tonsure Oratio ad capi… Or Omnipotens sempiterne Deus, respice propitius super hunc famulum tuum illum, quem ad novam capillos tondendi gratiam vocare dignatus es, tribuens ei remissionem omnium peccatorum atque caelestium donorum consortem esse concede. 328
Trento beard Oratio ad barb… Or Deus, cuius spiritu creatura omnis incrementi adulta congaudet, exaudi preces nostras super hunc famulum tuum N. iuvenalis aetatis decore laetantem, et primis auspiciis ad tondentem; exaudi, Domine, ut in omnibus protectionis tuae munitus auxilio caelestem benedictionem accipiat, et praesentis vitae praesidiis gaudeat et aeternae. 328
Trento deaconess Oratio ad diac… Or Exaudi, Domine, preces nostras, et super hanc famulam tuam illam spiritum tuae benedictionis emitte, ut caelesti munere ditata et tuae gratiam possit maiestatis acquirere et bene vivendi aliis exemplum praebere. 328
Trento nun Oratio ad anci… Or Famulas tuas, Domine, tua custodia muniat pietatis, ut virginitatis sanctae propositum, quod te inspirante susceperunt, te protegente inlaesum custodiant. 328
Trento pro regibus M2 Mass Propers Oratio pro reg… Or Deus regnorum omnium et Christiani maxime protector imperii, da servo tuo regi illi triumphum virtutis tuae scienter excolere, ut cuius constitutione est princeps, eius semper munere sit protectus. 329
Trento pro regibus M2 Mass Propers Coll Deus, in cuius manu corda sunt regum, inclina ad preces humilitatis nostrae aures misericordiae tuae et famulo tuo illi regimen tuae adpone sapientiae, ut haustis de tuo fonte consiliis et tibi placeat et super omnia regna praecellat. 329
Trento pro regibus M2 Mass Propers Secreta Secr Suscipe, Domine, preces et hostias Ecclesiae tuae pro salute famuli tui illius supplicantis, et in protectione fidelium populorum antiqua brachii tui operare miracula, ut superatis pacis inimicis secura tibi deserviat Christianorum libertas. 329
Trento pro regibus M2 Mass Propers Ad complendum Postcomm Deus, qui praedicando aeterni regni evangelio Romanum imperium praeparasti, praetende famulo tuo illo arma caelestia, ut pax ecclesiarum, te donante semper renovetur et crescat. 329
Trento in tempore belli M2 Mass Propers Oratio <in> te… Coll Omnipotens et misericors Deus, a bellorum nos, quaesumus, turbine fac quietos, quia bona nobis cuncta praestabis, si pacem dederis et mentis et corporis. 330
Trento in tempore belli M2 Mass Propers Secreta Secr Sacrificium, Domine, quod immolamus, intende placatus, ut ab omni nos exuat bellorum nequitia et in tuae protectionis securitate constituat. 330
Trento in tempore belli M2 Mass Propers Ad complendum Postcomm Omnipotens Deus, Christiani nominis inimicos virtute, quaesumus, tuae comprimae maiestatis, ut populus tuus et fidei integritate laetetur et temporum tranquillitate semper exsultet. 330
Trento pro sponso et sponsa M2 Mass Propers Oratio ad spon… Coll Exaudi nos, omnipotens et misericors Deus, ut, quod nostro ministratur officio, tua benedictione potius impleatur. 330
Trento pro sponso et sponsa M2 Mass Propers Secreta Secr Suscipe, quaesumus, Domine, pro sacra conubii lege munus oblatum, et cuius largitor es operis esto dispositor. 331
Trento pro sponso et sponsa M2 Mass Propers Praefatio VD Qui foedera nuptiarum blando concordiae iugo et insolubili pacis vinculo nexuisti, ut ad operationem filiorum sanctorum conubiorum fecunditas pudica servaretur. Tua enim, Domine, providentia, tua gratia utrumque dispensat, ut, quod generatio mundi edidit ad ornatum, regeneratio ad ecclesiae perducat augmentum. 331
Trento pro sponso et sponsa M2 Mass Propers Infracan Hanc igitur oblationem famulorum tuorum, quam tibi offerunt pro famula tua, quam perducere dignatus es ad statum mensurae et ad diem nuptiarum, pro qua maiestati tuae supplices fundimus preces, ut eam propitius cum viro suo copulare digneris, quaesumus, Domine, ut placatus. 331
Trento matrimony Ante quam dica… Or Propitiare, Domine, supplicationibus nostris, et institutis tuis, quibus propagationem humani generis ordinasti, benignus adsiste, ut, quod te auctore iungitur, <te auxiliante servetur. > Per Dominum. 331
Trento matrimony Benedictio Or Deus, qui potestate virtutis tuae de nihilo cuncta fecisti, qui dispositis universitatis exordiis homini ad imaginem Dei facto ideo inseparabilem mulieris adiutorium condidisti, ut femineo corpori de virili dares carne principium, docens, quod ex uno placuisset institui numquam liceret disiungi. Deus, qui tam excellenti mysterio coniugalem copulam consecrasti, ut Christi et ecclesiae sacramentum praesignares in foedere nuptiarum. Deus per quem mulier iungitur viro, et societas principaliter ordinata ea benedictione donatur, quae sola nec per originalis peccati poenam nec per diluvii est ablata sententiam. Respice propitius super hanc famulam tuam, quae maritali iungenda est consortio: tua se expetit protectione muniri. Sit in ea ^ iugum dilectionis et pacis, fidelis et casta nubat in Christo imitatrixque sanctarum permaneat feminarum: sit amabilis, ut Rachel viro, sapiens, ut Rebecca, longaeva et fidelis, ut Sarra. Nihil in ea ex actibus suis ille auctor praevaricationis usurpet; nexa fidei mandatisque permaneat, uni toro iuncta, contactus inlicitos fugiat; muniat infirmitatem suam robore disciplinae. Sit verecundia gravis, pudore venerabilis, doctrinis caelestibus erudita; sit foecunda in sobole, sit probata et innocens; et ad beatorum requiem atque ad caelestia regna perveniat; et videat filios filiorum suorum usque in tertiam et quartam progeniem, et ad optatam perveniat senectutem. 331
Trento matrimony W Pax Domini sit semper vobiscum. 331
Trento pro sponso et sponsa M2 Mass Propers Ad complendum Postcomm Quaesumus, omnipotens Deus, instituta providentiae tuae pio amore comitare, ut quos legitima societate conectis, longaeva pace custodias. 332
Trento widow Benedictio vid… Or Da, quaesumus, omnipotens Deus, ut haec famula tua, quae pro spe retributionis promissi muneris se desiderat consecrari, plena fide animoque permaneat. Tribue ei pro operibus gloriam, pro pudore reverentiam, pro pudicitia sanctitatem, ut ad meritum aeternae beatitudinis possit pervenire. 332
Trento pilgrimage Oratio pro his… Or Exaudi nos, Domine, et iter famuli tui illius inter vitae huius pericula tuo semper regatur auxilio. 333
Trento weather Oratio pro plu… Or Terram tuam, Domine, quam videmus nostris iniquitatibus tabescentem caelestibus aquis infunde atque inriga beneficiis gratiae tuae. 333
Trento weather Alia Or Da nobis, Domine, quaesumus, pluviam salutarem, et aridam terrae faciem fluentis caelestibus dignanter infunde. 333
Trento weather Alia Or Omnipotens sempiterne Deus, qui salvas omnes et neminem vis perire, aperi fontem benignitatis tuae et terram aridam aquis fluentibus dignanter infunde. 333
Trento weather Oratio quando… Or Domine Deus, qui in ministerio aquarum salutis tuae nobis sacramenta sanxisti, exaudi orationem populi tui, et iube terrores inundantium cessare pluviarum flagellumque huius elementi ad effectum tui converte mysterii, ut, qui se regenerantibus aquis gaudent renatos, gaudeant his castigantibus esse correctos. 333
Trento weather Alia Or Quaesumus, omnipotens Deus, clementiam tuam, ut inundandam cohibeas imbrium et hilaritatem tui vultus nobis impertire digneris. 333
Trento agriculture Oratio in area Or Multiplica, Domine, in. hac area frumenti tua dona repleta, et, sicut fidelibus tuis tricesimum atque sexagesimum vel centesimum fructum donare consuisti, ita et famulo tuo illi praesenti tempore uberius tua dona largire. 334
Trento health of animals Oratio pro pes… Or Deus, qui laboribus hominum etiam de mutis animalibus solacia subrogasti, supplices te rogamus, ut sine quibus non habetur humana condicio, nostris facias usibus non perire. 334
Trento contagion Oratio de mort… Or Deus, qui non mortem sed penitentiam desideras peccatorum, populum tuum, quaesumus, ad te converte propitius, ut dum tibi devotus extiterit, iracundiae tuae ab eo flagella amoveas. 334
Trento contagion Alia Or Populum tuum, quaesumus, omnipotens Deus, ab ira tua ad te confugientem paterna recipe pietate, ut, qui tuae maiestatis flagella formidant, de tua mereantur venia gratulari. 334
Trento contagion Alia Or Exaudi nos, Deus salutaris noster, et, intercedente beato martyre tuo illo populum tuum et ab iracundiae tuae terroribus libera et misericordiae tuae fac largitate securum. 334