Usuarium A Digital Library and Database for the Study of Latin Liturgical History
in the Middle Ages and Early Modern Period

Conspectus

filter
Origin S/M Week Day Topic M/H Ceremony Rubrics Genre Item P.N.
Corbie martyres plures (vigilia) M2 Mass Propers Missa in vigil… Coll Beatorum martyrum N. et N. natalitia veneranda quaesumus Domine Ecclesia tua devota suscipiat et fiat magnae glorificationis amore devotior. 360
Corbie martyres plures (vigilia) M2 Mass Propers Secr Haec hostia Domine quaesumus emundet nostra delicta et ad venturam festivitatem tantorum martyrum tuorum N. celebrandam subditorum sibi corpora mentesque sanctificet. 360
Corbie martyres plures (vigilia) M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus misericordiae dator et totius bonitatis auctor qui ieiuniis orationibus et eleemosynis peccatorum remedia et virtutum omnium tribuis incrementa te humili devotione precamur ut qui sanctis tuis N. quorum festa praevenimus martyrii dedisti coronam intercessionibus eorum ad haec agenda nobis tribuas indefessam efficaciam. 361
Corbie martyres plures (vigilia) M2 Mass Propers Postcomm Pasce nos Domine tuorum gaudiis ubique sanctorum quia nostrae salutis augmenta sunt quoties illis honor impenditur in quibus tu mirabilis praedicatis. 361
Corbie martyres plures (vigilia) M2 Mass Propers Superpop Protege Domine plebem tuam et quam martyrum tuorum assidua tribuis festivitate devotam tibi semper placitam fieri precibus concede iustorum. 361
Corbie martyres plures (vigilia) M2 Mass Propers Alia. Superpop Sint tibi quaesumus Domine nostri munera grata ieiunii quia tunc eadem in sanctorum tuorum digna commemoratione deferimus si et actus illorum pariter subsequamur. 361
Corbie martyres plures (vigilia) M2 Mass Propers Alia. Superpop Praesta quaesumus omnipotens Deus ut populus tuus ad plenae devotionis affectum beatorum martyrum illorum nataliciis praeparetur et eorum patrocinio promerente plenae capiat securitatis augmentum. 362
Corbie martyres plures (vigilia) M2 Mass Propers Alia. Superpop Deus qui nos annua beatorum martyrum tuorum N. sollemnia frequentare concedis praesta quaesumus ut et devotis eadem mentibus celebremus et eorum intercessionibus adiuvemur. 362
Corbie martyres plures (vigilia) M Office Propers Ad matutinos. Or Deus qui hodiernam diem sanctorum tuorum N. martyrio consecrasti da nobis salutem mentis et corporis ut et illorum passioni sit veneratio ex nostra devotione et nobis auxilium proveniat de eorum sanctissima intercessione 362
Corbie martyres plures M2 Mass Propers In natali plur… Coll Omnipotens sempiterne Deus qui per gloriosa bella certaminis ad immortales triumphos martyres extulisti: da nobis dignam pro eorum commemoratione laetitiam ut quorum memoriam pio amore amplectimur eorum precibus adiuvemur. 362
Corbie martyres plures M2 Mass Propers Secr Munera tibi Domine nostrae devotionis offerimus quae et pro tuorum tibi grata sint honore iustorum et nobis salutaria te miserante reddantur. 363
Corbie martyres plures M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus qui sanctorum martyrum tuorum pia certamina ad copiosam perducis victoriam atque perpetuum eis largiris triumphum ut Ecclesiae tuae semper sint in exemplum praesta nobis quaesumus ut per eorum intercessionem quorum festa celebramus pietatis tuae munera capiamus. 363
Corbie martyres plures M2 Mass Propers BenP Benedicat vobis Dominus beatorum martyrum suorum N. suffragiis et liberet ab adversitatibus cunctis. Amen. Commendet vos eorum intercessio gloriosa quorum in conspectu eius est mors pretiosa. Amen. Ut sicut illi per diversa genera tormentorum caelestis regni sunt sortiti haereditatem ita vos eorum mereamini consortium per bonorum operum exhibitionem. Amen. Quod ipse praestare dignetur. 363
Corbie martyres plures M2 Mass Propers Postcomm Praesta nobis Domine quaesumus ut quae pro martyrum tuorum illorum beata passione peregimus ipsorum nobis fiant intercessione salutaria in quorum nataliciis sunt exsultanter impleta. 364
Corbie martyres plures M2 Mass Propers Alia. Postcomm Omnipotens sempiterne Deus qui in sanctorum tuorum cordibus flammam tuae dilectionis accendis da mentibus nostris eandem fidei caritatisque virtutem ut quorum gaudemus triumphis proficiamus exemplis. 364
Corbie martyres plures M2 Mass Propers Alia. Postcomm Ad defensionem fidelium Domine quaesumus dexteram tuae maiestatis extende et ut perpetua pietatis tuae protectione muniantur intercessio pro his non desit martyrum continuata sanctorum. 364
Corbie martyres plures M2 Mass Propers Alia. Postcomm Omnipotens et misericors Deus fidelium lumen animarum adesto votis sollemnitatis hodiernae et Ecclesiae tuae gaudiis de beatorum martyrum illorum gloria conceptis benignus adspira ut et corda nostra passione sanctorum martyrum igniantur et apud misericordiam tuam eorum iuvemur meritis quorum gaudemus exemplis. 364
Corbie martyres plures M2 Mass Propers Alia. Postcomm Concede quaesumus omnipotens Deus ut sanctorum martyrum tuorum quorum celebramus victorias participemur et praemiis. 365
Corbie confessor unus (vigilia) M2 Mass Propers In vigilia uni… Coll Concede nobis quaesumus omnipotens Deus venturam beati confessoris tui N. sollemnitatem congruo praevenire honore et venientem digna celebrare devotione. 365
Corbie confessor unus (vigilia) M2 Mass Propers Secr Accepta sit tibi Domine nostrae devotionis oblatio et ad sancti confessoris tui N. puriores nos faciat venire festivitatem. 365
Corbie confessor unus (vigilia) M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus et maiestatem tuam suppliciter exorare ut qui beati N. confessoris tui festum sollemnibus ieiuniis et devotis praevenimus officiis illius apud maiestatem tuam et adiuvemur meritis et instruamur exemplis. 365
Corbie confessor unus (vigilia) M2 Mass Propers Postcomm Beati confessoris tui N. Domine suffragiis exoratus percepta nos sacramenti tui virtute defende. 365
Corbie confessor unus (vigilia) M2 Mass Propers Superpop Benedictionis tuae Domine gratiam intercedente beato confessore tuo N. suscipiamus ut cuius praeveniendo gloriam celebramus eius supplicando auxilium sentiamus. 366
Corbie confessor unus (vigilia) V Office Propers Ad vesperos. Or Concede quaesumus omnipotens Deus ut ad meliorem vitam sancti confessoris tui N. exempla nos provocent quatenus cuius sollemnia praevenimus etiam actus imitemur et intercessionibus adiuvemur. 366
Corbie confessor unus (vigilia) V Office Propers Alia. Or Concede quaesumus omnipotens Deus ut sicut confessoris tui N. gloriosa natalitia praevenimus sic ad tua beneficia promerenda maiestatem tuam pro nobis ipse praeveniat 366
Corbie confessor unus (vigilia) M Office Propers Ad matutinos. Or Adesto Domine populo tuo ut beati confessoris tui N. merita praeclara suscipiens ad impetrandam misericordiam tuam semper eius patrociniis adiuvetur et meritis. 366
Corbie confessor unus (vigilia) M Office Propers Alia. Or Absolve quaesumus Domine tuorum delicta populorum et a peccatorum nexibus quae pro nostra fragilitate contraximus intercedente beato confessore tuo N. liberemur 366
Corbie confessor unus M2 Mass Propers Missa in natal… Coll Misericordiam tuam nobis quaesumus Domine interveniente beato N. confessore tuo atque pontifice clementer impende et nobis peccatoribus ipsius propitiare suffragiis. 367
Corbie confessor unus M2 Mass Propers Secr Propitiare Domine quaesumus supplicationibus nostris et interveniente pro nobis sancto illo confessore tuo his sacramentis caelestibus servientes ab omni culpa liberos esse concede ut purificante nos gratia tua iisdem quibus famulamur mysteriis emundemur. 367
Corbie confessor unus M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus et in hac die quam transitu sacro beati confessoris tui N. consecrasti quaesumus ergo clementiam tuam ut des nobis illam sequi doctrinam quam ille et verbo docuit et opere complevit quatenus nos adiuvari apud misericordiam tuam et exemplis eius sentiamus et meritis. 367
Corbie confessor unus M2 Mass Propers Alia praefatio. VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus et te in sanctorum tuorum virtute laudare quibus pro meritis suis beatitudinis praemia contulisti. Quoniam semper in manu tua sunt et non tanget illos tormentum mortis quos te custodiente beatitudinis sinus intercludit ubi perpetua semper exsultatione laetantur ubi etiam beatus confessor tuus N. sociatus exsultat. Petimus ergo ut memor sit miseriarum nostrarum et de tua misericordia nobis impetret beatitudinis suae consortium. 368
Corbie confessor unus M2 Mass Propers BenP Omnipotens Deus det vobis copiam benedictionis qui beatum N. sibi ascivit virtute confessionis. Amen. Et qui illum fecit coruscare miraculis vos exornet bonorum operum incrementis. Amen. Quo eius et exemplis eruditi et intercessione muniti cuius depositionis diem celebratis illi possitis in caelesti regione adiungi. Amen. Quod ipse praestare dignetur. 368
Corbie confessor unus M2 Mass Propers Postcomm Praesta quaesumus omnipotens Deus ut de perceptis muneribus gratias exhibentes intercedente beato N confessore tuo atque pontifice beneficia potiora sumamus. 368
Corbie confessor unus M2 Mass Propers Superpop Aures pietatis tuae quaesumus Domine precibus nostris inclina ut qui peccatorum nostrorum flagellis percutimur intercedente beato confessore tuo N. miserationis tuae gratia liberemur 369
Corbie confessor unus M2 Mass Propers Alia. Superpop Sancti confessoris tui illius nos quaesumus Domine tuere praesidiis ut eius semper intercessionibus adiuvemur. 369
Corbie confessor unus M2 Mass Propers Alia. Superpop Adesto quaesumus Domine precibus nostris quas in sancti N. confessoris tui commemoratione deferimus ut qui nostrae iustitiae fiduciam non habemus eius qui tibi placuit precibus adiuvemur. 369
Corbie confessor unus M2 Mass Propers Alia. Superpop Exsultemus quaesumus Domine Deus noster in sollemnitate beati confessoris tui illius ut eius sacra natalicia celebrantes ad impetrandam misericordiam tuam semper eius patrociniis adiuvemur. 369
Corbie confessor unus M2 Mass Propers Alia. Superpop Omnipotens sempiterne Deus cui cuncta famulantur elementa intercedente pro nobis beato confessore tuo illo exaudi propitius orationem nostram et tribue nobis misericordiam tuam et quaecumque praecipis ut agamus ipse adiuva ut implere possimus. 369
Corbie confessor unus M2 Mass Propers Alia. Superpop Sancti confessoris tui N. tribue nos Domine supplicationibus foveri ut cuius depositionem annuo celebramus obsequio eius apud te intercessionibus et meritis adiuvemur. 370
Corbie confessores plures (vigilia) M2 Mass Propers Missa in vigil… Coll Beatorum confessorum tuorum Domine N. natalitia praeeuntes supplices te rogamus ut quos caelesti gloria sublimasti tuis adesse concedas fidelibus. 370
Corbie confessores plures (vigilia) M2 Mass Propers Secr Sacrificium Domine quod pro beatis confessoribus tuis N. offert nostra devotio eorum meritis augeat nobis te donante suffragium. 370
Corbie confessores plures (vigilia) M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus sanctorum tuorum N. sollemnitatem praevenientes concede propitius ut qui donis tuis ita exstiterunt gloriosi apud te nostris existant nominibus idonei interventores. 370
Corbie confessores plures (vigilia) M2 Mass Propers Postcomm Quaesumus Domine salutaribus repleti mysteriis ut quorum sollemnitatem praeimus eorum orationibus adiuvemur. 370
Corbie confessores plures (vigilia) M2 Mass Propers Superpop Conserva quaesumus Domine familiam tuam et benedictionum tuarum propitius ubertate purifica ut per intercessionem beatorum confessorum tuorum N. et eruditionibus tuis semper multiplicetur et donis. 371
Corbie confessores plures (vigilia) M2 Mass Propers Alia. Superpop Propitiare misericors Deus supplicationibus nostris et populum tuum pervigili protectione custodi ut qui beatorum confessorum tuorum N. sollemnia praevenimus tribuas nobis ex eorum imitatione prospera mundi despicere et nulla eius adversa formidare. 371
Corbie confessores plures (vigilia) M2 Mass Propers Alia. Superpop Deus qui beatos confessores tuos illos sanctorum tuorum meritis coaequasti da nobis in eorum celebritate gaudere ut quorum commemorationem agimus eorum imitatione proficiamus et intercessionibus sublevemur. 371
Corbie confessores plures M2 Mass Propers In natale plur… Coll Praesta Domine quaesumus ut sicut sanctorum tuorum nos natalicia celebranda non deserunt ita iugiter suffragia comitentur. 371
Corbie confessores plures M2 Mass Propers Secr Munera plebis tuae Domine quaesumus beatorum apostolorum fiant grata suffragiis ut pro quorum triumphis tuo nomini deferuntur ipsorum digna perficiantur et meritis. 372
Corbie confessores plures M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus et maiestatem tuam supplici devotione exorare ut beatorum confessorum tuorum N. quorum hodie festa celebramus obtentu mereamur tuum obtinere auxilium. 372
Corbie confessores plures M2 Mass Propers Alia praefatio. VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus et te in tuorum honore sanctorum N. glorificare qui et illis pro certaminis constantia beatitudinem tribuisti sempiternam et infirmitati nostrae talia praestitisti suffragia quae pro eorum meritis possis audire dignanter. 372
Corbie confessores plures M2 Mass Propers BenP Sanctorum suorum confessorum N. meritis vos Dominus faciat benedici et contra adversa omnia eorum intercessione muniri. Amen. Eorum efficiat suffragio felices quorum festivitatis diem celebratis ovantes. Amen. Quo eorum imitantes exempla ad caelestia pervenire possitis promissa. Amen. Quod ipse praestare dignetur. 372
Corbie confessores plures M2 Mass Propers Postcomm Et nataliciis sanctorum Domine et sacramenti munere vegetati quaesumus ut bonis quibus per tuam gratiam nunc fovemur perfruamur aeternis. 373
Corbie confessores plures M2 Mass Propers Superpop Adesto Domine populo tuo cum sanctorum N. patrocinio supplicanti ut quod propria fiducia non praesumit suffragantium meritis consequatur. 373
Corbie confessores plures M2 Mass Propers Alia. Superpop Magnificantes Domine misericordiam tuam suppliciter exoramus ut qui nos sanctorum tuorum frequentibus facis natalitiis interesse perpetuis tribuas interesse consortiis 373
Corbie confessores plures M2 Mass Propers Alia. Superpop Da nobis omnipotens Deus in sanctorum tuorum te semper commemoratione laudare quia refovete curabis quos in honore tuo perseverare concesseris. 373
Corbie confessores plures M2 Mass Propers Alia. Superpop Sanctorum tuorum N. Domine suffragiis imploramus ut a cunctis liberemur offensis. 373
Corbie confessores plures M2 Mass Propers Alia. Superpop Exaudi nos omnipotens et misericors Deus et sanctorum tuorum nos ubique tuere praesidiis. 373
Corbie confessores plures M2 Mass Propers Alia. Superpop Tribue quaesumus Domine sanctos tuos et iugiter orare pro nobis et semper eos clementer digneris audiri. 374
Corbie confessores plures M2 Mass Propers Alia. Superpop Sancti tui quaesumus Domine iugiter nobis a te et veniam postulent et profectum. 374
Corbie virgo una (vigilia) M2 Mass Propers In vigilia vir… Coll Sanctae martyris tuae N. Domine supplicationibus tribue nos foveri ut cuius venerabilem sollemnitatem praevenimus obsequio eius intercessionibus commendemur et meritis. 374
Corbie virgo una (vigilia) M2 Mass Propers Secr Muneribus nostris Domine sanctae N. martyris tuae festa praecedimus praesta quaesumus ut quae peccatorum nostrorum praepediuntur obstaculis illius meritis reddantur accepta. 374
Corbie virgo una (vigilia) M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus et te beatae N. natalitia praeveniendo laudare praedicare et benedicere quam tanto munere sublimasti ut ei conferres et virginitatis coronam et martyrii palmam. Cuius interventus nos quaesumus a nostris mundet delictis et supernorum civium faciat ascisci consortiis 374
Corbie virgo una (vigilia) M2 Mass Propers Alia praefatio. VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus et te beatae N. natalitia praeveniendo laudare praedicare et benedicere quam tanto munere sublimasti ut ei conferres virginitatis coronam et martyrii palmam sicque virtute fidei et decore pudicitiae polleret ut ad caelestia regna virgo pariter et martyr intraret. 374
Corbie virgo una (vigilia) M2 Mass Propers Postcomm Quaesumus omnipotens Deus ut quorum nos tribuis communicare memoriis eorum facias imitatores. 374
Corbie virgo una martyr M2 Mass Propers In natali virg… Coll Deus qui inter cetera potentiae tuae miracula etiam in sexu fragili victoriam martyrii contulisti concede propitius ut cuius natalicia colimus per eius ad te exempla gradiamur. 374
Corbie virgo una martyr M2 Mass Propers Secr In sanctae virginis N. festivitate pretiosa tua Domine mirabilia praedicantes munera votiva deferimus praesta quaesumus ut sicut eius tibi grata sunt merita sic nostrae servitutis accepta reddantur officia 374
Corbie virgo una martyr M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus per Christum Dominum nostrum. Quem beata virgo pariter et martyr N. et diligendo timuit et timendo dilexit illique coniuncta est moriendo cui se consecraverat caste vivendo et pro eo temporalem studuit sustinere poenam ut ab eo perciperet gloriam sempiternam. Quae dum duplicem vult sumere palmam in sacri certaminis agone et de corporis integritate et de fidei puritate laboriosius duxit longa antiqui hostis sustinere tentamenta quam vitam praesentem cito amittere per tormenta. Quoniam cum in martyrio proponantur ea quae terreant in carnis vero delectamentis ea quae mulceant molestius sustinetur hostis occultus quam superatur infestus. Cum ergo in utroque tui sit muneris quod vicit quia nihil valet humana fragilitas nisi tua hanc adiuvet pietas pro nobis quaesumus tuam pietatem exoret quae a te accepit ut vinceret. Et quae Unigeniti tui intrare meruit thalamum intercessione sua inter mundi huius adversa nobis praestet auxilium. 375
Corbie virgo una martyr M2 Mass Propers Alia praefatio. VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus per Christum Dominum nostrum cuius caritatis ardore ista et omnes sanctae virgines a beata Maria exemplum virginitatis accipientes praesentis saeculi voluptates ac delicias contempserunt. Quoniam tuo dono actum est ut postquam Virgo de Virgine prodiit sexus fragilis esset fortis et in quo fuit peccandi facilitas esset vincendi felicitas. Antiquusque hostis qui per antiquam virginem genus humanum se vicisse gloriabatur per sanctas nunc virgines sequaces potius Mariae quam Evae vincatur. Et in eo maior ei confusio crescat quod de eo etiam sexus fragilis iam triumphat. Quapropter immensam pietatem tuam humiliter exposcimus ut per earum intercessionem quae et sexum vicerunt et saeculum tibique placuerunt et virginitatis decore et passionis vigore nos mereamur et invisibilem hostem superare et Unigenito tuo Domino nostro adhaerere. 377
Corbie virgo una martyr M2 Mass Propers BenP Benedicat vobis Dominus qui beatae virgini N. concessit et decorem virginitatis et gloriam passionis. Amen. Et cuius opitulatione illa meruit et sexus fragilitatem et persequentiam rabiem devincere vos possitis et vestrorum corporum illecebras et antiqui hostis machinamenta superare. Amen. Quo sicut illa sexu fragili virile nisa est certamen adire et post certamen de hostibus triumphare ita vos in hac mortalitate viventes valeatis et antiquum hostem devincere et ad regna caelestia pervenire. Amen. Quod ipse praestare. 378
Corbie virgo una martyr M2 Mass Propers BenP Omnipotens Dominus intercedentibus sanctis virginibus suis N. vos dignetur benedicere qui de antiquo hoste non solum per viros verum etiam per feminas voluit triumphare. Amen. Et qui illis voluit centesimi fructus donum decore virginitatis et agone martyrii conferre vos dignetur et vitiorum squaloribus expurgare et virtutum lampadibus exornare. Amen. Quatenus virtutum oleo ita pectorum vestrorum lampades possint repleri ut cum eis caelestis sponsi thalamum valeatis ingredi. Amen. Quod ipse praestare dignetur cuius regnum et imperium. 378
Corbie virgo una martyr M2 Mass Propers Postcomm Auxilientur nobis Domine sumpta mysteria et intercedente beata N martyre tua sempiterna protectione confirment. 379
Corbie virgo una martyr M2 Mass Propers Alia. Postcomm Indulgentiam nobis Domine quaesumus beata N virgo et martyr imploret quae tibi grata semper exstitit et merito castitatis et tuae professione virtutis. 379
Corbie virgo una martyr M2 Mass Propers Alia missa. Coll Deus qui nos hodie sanctae virginis tuae N. annua sollemnitate laetificas: concede propitius ut eius adiuvemur meritis cuius castitatis irradiamur exemplis. 379
Corbie virgo una martyr M2 Mass Propers Secr Grata sit tibi Domine haec oblatio plebis tuae quam tibi offerimus in honorem sanctae illius virginis ut cunctis proficiat ad salutem. 379
Corbie virgo una martyr M2 Mass Propers Postcomm Adiuvent nos quaesumus Domine et haec mysteria sancta quae sumpsimus et beatae N. virginis intercessio veneranda. 379
Corbie virgin Benedictio ves… Or Deus aeternorum bonorum fidelissime promissor et certissime persolutor qui vestimentum salutare et indumentum aeternae iucunditatis tuis fidelibus promisisti clementiam tuam suppliciter exoramus ut haec indumenta humilitatem cordis et contemptum mundi significantia quibus famula tua N. sancto visibiliter est informanda proposito propitius benedicas et beatae castitatis habitum quem te inspirante susceperit te protegente custodiat et quam vestibus venerandae professionis induis temporaliter beata facias immortalitate vestiri. 380
Corbie virgin Item alia. Or Deus bonarum virtutum dator et omnium benedictionum largus infusor exaudi preces nostras et hanc vestem qua famula tua N. pro conservandae castitatis signo se adoperiendam exposcit benedicere et sanctificare digneris. 380
Corbie virgin Benedictio ves… Or Exaudi omnipotens Deus preces nostras et hanc vestem qua famula tua N. se adoperiendam exposcit uberrimae benedictionis imbre perfunde sicut perfudisti oras vestimentorum Aaron benedictione profluente a capite in barbam unguenti. Et sicut benedixisti vestes omnium religiosorum tibi per omnia placentium ita eam benedicere dignare ac praesta clementissime Pater ut supradictae famulae tuae haec sit vestis salubris protectio haec cognitio religionis haec initium sanctitatis haec contra omnia tela inimici robusta defensio ut centesimi muneris opulentia perseveranti continentia ditetur. 381 (190r)
Corbie virgin Benedictio vir… Or Respice Domine propitius super has famulas tuas ut virginitatis sanctae propositum quod te inspirante suscipiunt te gubernante custodiant. 381 (190r)
Corbie virgo M2 Mass Propers Missa in conse… Coll Da quaesumus Domine famulae tuae quam virginitatis honore dignatus es decorare inchoati operis consummatum effectum ut et perfectam tibi offerat plenitudinem et initia sua perducere mereatur ad finem. 383
Corbie virgin Consecratio. Or Deus castorum corporum benignus inhabitator et incorruptarum amator animarum qui humanam substantiam in primis hominibus diabolica fraude vitiatam ita in verbo tuo per quod omnia facta sunt reparas ut eam non solum ad primae originis innocentiam revoces sed etiam ad experientiam quorumdam bonorum quae in novo saeculo sunt habenda perducas et obstrictos adhuc conditione mortalium iam ad similitudinem provehas angelorum respice super hanc famulam tuam N. quae tibi devotionem suam offert a quo et ipsa idem votum assumpsit. Sit in ea Domine per donum Spiritus tui prudens modestia sapiens benignitas gravis lenitas casta libertas ferveat in charitate et nihil extra te diligat laudabiliterque vivat et laudari non appetat te timeat tibi amore serviat tu ei honor tu gaudium tu in moerore solatium tu in ambiguitate consilium tu in iniuria defensio in tribulatione patientia in paupertate abundantia in ieiunio cibus in infirmitate sis medicina per te quem diligere super omnia appetit quod est professa custodiat ut et hostem antiquum devincat et vitiorum squalores expurget quatenus centesimi fructus dono virginitatis decorari virtutumque lampadibus exornari et electarum virginum tuarum consortio te donante mereatur uniri. 382
Corbie virgo M2 Mass Propers Secr Oblatis hostiis Domine quaesumus praesenti famulae tuae perseverantiam perpetuae virginitatis accommoda ut apertis ianuis summi regis adventu cum laetitia mereatur intrare. 383
Corbie virgo M2 Mass Propers Postcomm Respice Domine famulae tuae tibi deditam servitutem ut inter humanae fragilitatis incerta nullis adversitatibus opprimatur quae de tua protectione confidit. 383
Corbie abbess Oratio ad abba… Or Exaudi Domine preces nostras et super hanc famulam tuam N. Spiritum tuae benedictionis emitte ut caelesti munere ditata et tuae gratiam possit maiestatis acquirere et bene vivendi aliis exemplum praebere. 384 (191v)
Corbie nun Oratio ad anci… Or Famulas tuas Domine tuae custodia muniat pietatis ut virginitatis sanctae propositum quod te inspirante susceperunt te protegente illaesum custodiant. 384 (191v)
Corbie abbot Oratio ad abba… Or Concede quaesumus omnipotens Deus et famulum tuum N. quem ad regimen animarum elegimus gratiae tuae dono prosequere ut te largiente cum ipsa tibi nostra electione placeamus. 384 (191v)
Corbie Trin H1 D M2 Mass Propers Hebdomada secu… Coll Deus in te sperantium fortitudo adesto propitius invocationibus nostris et quia sine te nihil potest mortalis infirmitas praesta auxilium gratiae tuae ut in exsequendis mandatis tuis et voluntate tibi et actione placeamus. 385
Corbie Trin H1 D M2 Mass Propers Secr Oblationem nostram quaesumus Domine misericorditer acceptare et sanctificare digneris ut eius sanctificatione nobis salus proveniat et defensio sempiterna. 385
Corbie Trin H1 D M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus qui Ecclesiae tuae filios sicut non cessas erudire ita non desinis adiuvare ut scientiam te miserante recta faciendi et possibilitatem capiant exsequendi. 385
Corbie Trin H2 D M2 Mass Propers BenP Benedicat vobis Dominus et custodiat vos. Amen. Illuminet faciem suam super vos et misereatur vestri. Amen. Convertat vultum suum ad vos et donet vobis pacem. Amen. Quod ipse praestare dignetur cuius regnum et imperium sine fine permanet per omnia saecula saeculorum. Amen. Benedictio Dei Patris et Filii et Spiritus Sancti et pax Domini sit semper vobiscum. Et cum spiritu tuo. 386
Corbie Trin H2 D M2 Mass Propers Postcomm Tantis Domine repleti muneribus praesta quaesumus ut et salutaria dona capiamus et a tua numquam laude cessemus. 386
Corbie Trin H2 D M2 Mass Propers Superpop Fideles tuos Domine benedictio desiderata confirmet quae eos et a tua voluntate numquam faciat discrepare et tuis semper indulgeat beneficiis gratulari. 386
Corbie Trin H3 D M2 Mass Propers Hebdomada tert… Coll Sancti nominis tui Domine timorem pariter et amorem fac nos habere perpetuum quia numquam tua gubernatione destituis quos in soliditate tuae dilectionis instituis. 386
Corbie Trin H3 D M2 Mass Propers Secr Oblatio nos Domine tuo nomini dicando purificet et de die in diem ad caelestis vitae transferat actionem. 387
Corbie Trin H3 D M2 Mass Propers VD Vere dignum et iustum est aequum et salutare nos tibi semper et ubique gratias agere Domine sancte Pater omnipotens aeterne Deus per Christum Dominum nostrum per quem Maiestatem tuam suppliciter exoramus ut ab Ecclesia tua quidquid est noxium tu repellas et quod eidem salutare est largiaris nosque contra superbos spiritus humilitatem tribuas rationabilem custodire cum gratiam tuam clementer nobis impendis nec humani incertos consilii derelinquas sed tua quae falli non potest gubernatione disponas. 387
Corbie Trin H3 D M2 Mass Propers BenP Propitietur Dominus cunctis iniquitatibus vestris et sanet omnes languores vestros. Amen. Redimat de interitu animam vestram et satiet in bonis desiderium vestrum. Amen. Auferat a vobis cor lapideum et det vobis cor carneum. Amen. Quod ipse praestare. 387
Corbie Trin H3 D M2 Mass Propers Postcomm Sumptis muneribus Domine quaesumus ut cum frequentatione mysterii crescat nostrae salutis effectus. 387
Corbie Trin H3 D M2 Mass Propers Superpop Deus qui te rectis ac sinceris manere pectoribus asseris da nobis tua gratia tales exsistere in quibus habitare digneris. 388
Corbie Trin H4 D M2 Mass Propers Hebdomada quar… Coll Deprecationem nostram quaesumus Domine benignus exaudi et quibus supplicandi praestas affectum tribue defensionis auxilium. 388
Corbie Trin H4 D M2 Mass Propers Secr Munera Domine oblata sanctifica ut tui nobis unigeniti corpus et sanguis fiant. 388