| Layer | L |
|---|---|
| Fulltext | Laudes Christo redempti voce modulemur supplici Omnis in hac die rerum natura iubilet Personet immensas filio Dei gratias Iam nostri concives caelestis sanctuarii milites Ordines noveni in nostra vos adunate gaudia Hymnite nunc superi pariter resonate inferi Et omnis in Domini spiritus gratuletur enesi Qui nominis causa Deus homo nascitur et fragili carne se deitas occulens probra sustinuit patiens Virtutibus signis ut Deus emicuit et corporis nostri necessitate fruens verus terrigena claruit Ab hoste tentatus non est agnitus neque divinitas patuit Ars artem delusit donec veteris nodum piaculi secuit In ara crucis hostiam se pro nobis Christus obtulit Deo patri morte sua nostra mortificans crimina Iam victor Christus baratro populato mortis principe vinculato ab inferis pompa regreditur nobili Haec est dies quae illuxit post turbida regni Aethiopum tempora Christus in qua resurrexit ultra victurus Cum carne quam sumpsit de Maria virgine Qui ovem cum gaudio patri Quam perdiderat humero revexit suo |
| Text Source | AH 53:45 – Notker Balbulus |