| Layer | L |
|---|---|
| Fulltext | Personarum trinitatem et naturae unitatem in primo principio Collaudemus et credamus et sincere diligamus pulso mentis vitio Pater verbum ab aeterno eructavit de interno cordis secretario Verbum dixit coaequale qualis pater verbum tale pater est in filio Duo quidem sunt coniuncti sed disiunctim et disiuncti sed coniunctim res est ineffabilis Ut personae distinguuntur in natura coniunguntur cum sint unum res inenarrabilis Nasci quidem a parente non est idem cum gignente sed diversa natio Et ex Deo natus Deus probat quod sint unus Deus haec est vera ratio Conspirant duo tertium non aliud sed alium amorem suavissimum Procedit sanctus spiritus ab utroque paraclitus flamen pneuma dulcissimum Naturalis identitas personarum diversitas in tribus ab ecclesia Praedicatur et creditur veneratur et colitur nostra fides et gloria Ex ipso manant omnia per ipsum fiunt omnia in ipso manent omnia Ipsi decus et gloria ipsi laus et potentia dicant omnes alleluia |
| Text Source | AH 37:35 |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| ES Calahorra 1554, Missal, Missale Calagurritanum et Calciatense | 66 | T | Trin | H1 | D | Trin | Seq | M2 | 149 () |