| Layer | G/A |
|---|---|
| Fulltext | Iamque advenerat vigilia matutina et ecce respiciens Dominus super castra Aegyptiorum per columnam ignis et nubis interfecit exercitum eorum et subvertit rotas curruum ferebanturque in profundum Dixerunt ergo Aegyptii: Fugiamus Israelem: Dominus enim pugnat pro eis contra nos Et ait Dominus ad Moysen: Extende manum tuam super mare ut revertantur aquae ad Aegyptios super currus et equites eorum Cumque extendisset Moyses manum contra mare reversum est primo diluculo ad priorem locum: fugientibusque Aegyptiis occurrerunt aquae et involvit eos Dominus in mediis fluctibus Reversaeque sunt aquae et operuerunt currus et equites cuncti exercitus Pharaonis qui sequentes ingressi fuerant mare: nec unus quidem superfuit ex eis Filii autem Israel perrexerunt per medium sicci maris et aquae eis erant quasi pro muro a dextris et a sinistris: liberavitque Dominus in die illa Israel de manu Aegyptiorum Et viderunt Aegyptios mortuos super littus maris et manum magnam quam exercuerat Dominus contra eos: timuitque populus Dominum et crediderunt Domino et Moysi servo eius Tunc cecinit Moyses et filii Israel carmen hoc Domino et dixerunt |
| Text Source | Ex 14,24–15,1 |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| FR Bayonne 1543, Missal, Missale Baionense | 73 | T | Qu | H6 | S | Proph | M2 | 513 () | ||
| FR Bayonne 1543, Missal, Missale Baionense | 73 | T | Pasc | H7 | S | Vig.Pent | Proph | M2 | 520 (56) |