Vere sanctus, vere inaestimabiliter gloriosus dominus noster Iesus Christus filius tuus, ob cuius fidem fortissimus athleta tuus Romanus animam posuit et puerulus Theodulus furenti gladio lactentis infantiae collum subiecit.
Propter quod, deus pater, soli tibi debetur honor virtutis et aeternae gloria potestatis, quem et elinguis Romanus voce concelebrat et infantulus Theodulus adorandum piis documentis insinuat.