Vere sanctus, vere benedictus es tu, filius dei vivi, quia multum es incomparabiliter pius et inaestimabiliter gloriosus. Et ideo tuae pietatis gloriam imploramus et hanc tibi placationis hostiam immolamus, ut nostras nunc orationes exaudias, crimina laxes et omnia peccata dimittas vel, quidquid a te secundum tuam voluntatem exposcimus, velociter clementerque impertias, quatenus nos a malis omnibus eruas et bonis repleri concedas.