Vere sanctus, vere benedictus dominus noster Iesus Christus filius tuus, qui solus, verbo virtutis cuncta moderans et omnia crucis destina portans, vectes ferreos comminuit portarumque aerearum claustra perfregit, tartara profunda descendit, sedentibus in umbra mortis ignotae lucis claritate resplenduit et sol iustitiae, de tumulo, corpore suscitato, procedens, radiis suis tenebras nostras mirabiliter illustravit.