Vere sanctus, vere benedictus dominus noster Iesus Christus filius tuus, qui sanctae tuae illius virginis arcana possidens, ei et virginitatis pudorem et passionis ruborem tribuisti, dum, et pudica in secreto et invicta in foro, et illic manet, ut te promereatur, et hic vincit, ut a te coronetur.
Annue igitur precibus eius, ut conscientiam nostram pudor possideat nec deserat fortitudo, quo per illud tranquilla maneat, ne contaminetur; per hoc vincere studeat, ut probetur.