Vere sanctus, vere benedictus dominus noster Iesus Christus filius tuus, qui martyri suo illi et dimicandi virtutem et regnandi tribuit potestatem, quo illi esset consors in regno, pro quo animam tradidisset supplicio, haberetque eum in munere, quem consortem habuisset in passione.
Vere solus ipse est dominus et salvator noster Christus Iesus, qui et sanctis confert praemium et peccatoribus paenitentiae fructum.