Vere sanctus, vere benedictus dominus noster Iesus Christus filius tuus, qui appetitum gulae ieiunii austeritate mulctavit, qui pro nobis innocens pati voluit, qui olim redemit venditos et salvare nunc non desinit multimoda pietate redemptos.
Te igitur, deus, rogamus, ut ille sit inediae nostrae resectio, qui est acceptae fidei plenitudo. Ille nos ieiunus foveat, qui humiles spiritu salvat. Ille nos tibi, pater, conciliet, qui nostras iniquitates suo portavit in corpore.