Vere sanctus, vere benedictus dominus noster Iesus Christus filius tuus, quem praedictus martyr adiit fide, quaesivit ex opere, adsecutus est passione, qui, dum ob sui lavacrum Rhodani se purgaturum ingereret undis, in baptizando se officio functus est sacerdotis. Hic igitur te, deus pater, pro nobis obtineat, cum rogaverit, qui donum fidei, priusquam te postularet, accepit.