Vere sanctus, vere benedictus dominus noster Iesus Christus filius tuus, a quo et abstinentium vita et contritorum remunerantur obsequia, qui est et refectio abstinentium et panis indeficiens angelorum.
Nunc igitur, quia ipse est, per quem datur esca esurientibus, te, deus pater, exposcimus et rogamus, ut per eum nobis concedas et digne tibi soli per ieiunium complacere et dignissime tibi hostiam in nobis abstinentiae immolare.