Tuo iussu, domine, condita sunt universa in caelo et in terra, in mari et in omnibus abyssis. Tibi patriarchae, prophetae, apostoli, martyres, confessores atque omnes sancti gratias agunt. Quod et nos facientes, has hostias spiritales et sincera libamina ut libens exaudias, deprecamur. Te oramus, uti hoc sacrificium tua benedictione benedicas et spiritus sancti tui rore perfundas, ut sit omnibus legitima eucharistia.