Hanc igitur oblationem, quam tibi offerimus pro commemoratione depositionis animae famuli et sacerdotis tui illius episcopi, quaesumus, domine, ut placatus accipias et, quem, in corpore constitutum, sedis apostolicae gubernaculo praeesse voluisti, in electorum tuorum numero constitue sacerdotum; diesque nostros in tua pace dispone <atque ab aeterna damnatione nos eripi et in electorum tuorum iube grege numerari. Per Christum dominum nostrum>.