Hanc igitur oblationem, quaesumus, domine deus, quam tuae maiestati pro peccatis nostris offerimus, propitius suscipe et produc de oculis nostris lacrimarum flumina, quibus debita flammarum incendia valeant exstingui; diesque nostros in tua <pace disponas atque ab aeterna damnatione nos eripi et in electorum tuorum iubeas grege numerari. Per Christum dominum nostrum>.