Communicantes et diem sacratissimum celebrantes, quo traditus est dominus noster Iesus Christus, – Tu nos, domine, participes filii tui, tu consortes regni tui, tu incolas paradisi, tu angelorum comites esse iussisti, si tamen illaesa et intemerata fide caelestis militiae sacramenta servemus. Aut quid desperare de tua misericordia possumus, qui tantum munus accepimus, ut talem tibi hostiam offerre mereremur, corpus scilicet et sanguinem domini nostri Iesu Christi, qui se pro mundi redemptione piae illi ac venerandae tradidit passioni, qui, formam sacrificii salutis perennis instituens, hostiam se primus obtulit et primus docuit offerri? – sed ...