Veni, domine, noli tardare, relaxa facinora plebi tuae, conferens omnibus vitae praemium repromissae, ut, sicut incarnatione tua olim reparati sumus, ita quoque te, ad iudicium venientem, placabilem sentiamus. His quoque, te quaesumus, sacrificiis nostris ita sanctificationem tuam infunde, quo ex his sumpturi nullo decidamus in crimine sed, sanctificati, tuum, domine, mereamur adventum impavidi sustinere.