Tibi soli, Christe domine, a nobis gloria ei honor gratiarumque actio datur, qui fecisti parvulos per ignotam temporis mortem pervenire ad aeternitatis beatae hereditatem, qui glorificatus es melius in eorum sanguinis voce quam in aetatis professione, apud quem non est quaesita cognitio rationis, in quibus coronata est materia parvitatis. Tribue proinde nobis, illis intervenientibus, et deesse, in quo male sumus, et adesse, in quo semper bene tecum vivamus.