Quaesumus, omnipotens deus, moveat pietatem tuam humilis supplicatio et, intercedente sancta dei genitrice Maria simulque omnibus sanctis tuis intervenientibus, da mihi confessionem, quae tibi sit placita; parturi in corde meo inenarrabiles gemitus, qui aures tuas possint pulsare; da mihi mentis intentionem, quam suscipias, perfundens bonitate tua, et in humilitate deprecari, quae te delectet, ut digneris animae meae inserere, ut iugis dilectio mea tu ipse sis; da mihi lacrimas ex toto affectu, ut interna peccatorum possint exsolvere vincula.