Omnipotens sempiterne deus, qui nos humilitatis formam exemplis unigeniti tui docuisti, ut, quod ille ieiuniorum continuatione complevit, nos per dierum partes et intervalla virium imitemur, da, quaesumus, nostrae fragilitati firmitatem, da infirmis conatibus effectum, ut, exclusis cogitationum carnalium suadelis, placabile tibi contriti cordis holocaustum in odorem suavitatis valeamus offerre.