Omnipotens sempiterne deus, qui ideo delinquentibus occasionem tribuis corrigendi, ut non sit in eis, quod puniat censura iudicii, ob hoc te, pie pater, exposcimus, ut hoc accipias pro sacrificio laudis, quod famulus tuus ille atteritur virga correptionis; sana eum, quaesumus, domine, ab omnibus infirmitatibus, quo, te medicante, et plenitudinem salutis recipiat et tuis semper sanus iussionibus pareat.