O domine Iesu Christe, poscentium attende propitius precem, lamentantium intende clamorem, lugentium iam cerne discrimen. Mitescant in latera cladis iacula, quibus vastetur nostra merita terra. Intende pietatem, abroga ultionem, suspende iram, intende clementiam; conterritis fave, humiliatis assiste; non punias per iudicium reos, non in ira arguas humiliatos.