Deus sanator noster ... patriam coronandos.

CO
2180
Page number
III. 214

Deus, sanator noster et medicus sempiterne, qui Cosmam et Damianum, inconcussos fide, insuperabiles in virtute fecisti, ut per suscepta vulnera vulneribus mederentur humanis, qui ante passionem ex terreno medicamine salutes operati essent in populis, hos, quaesumus, nostris infirmitatibus et custodes et medicos deputa. Per eos sanentur infirma; per eos non recrudescant sanata. Per hos corpora, per hos animae medicinam acquirant. Hii typicis animae aegritudinibus finem, hii patulis celerem impendant aegrimoniis sanitatem; hii putredines vulnerum orationibus desecent, hii manu precationis abdita vulneratorum expurgem. Hii virtutem invalidis, roborem fessis, victum egenis, subventionem viduis, defensionem orphanis, tuitionem largiantur pupillis. Hii miseriis humanis medelam illaturi occurrant, hii pressuris hominum concita levitigatione subveniant. Hii etiam sic nos a peccati morbo servent illaesos, ut ad caelestem perducant patriam coronandos.