Deus, qui sanctam diei huius sollemnitatem venerabilem nobis pro depositione beatae Radegundis ecclesiae tuae consecrasti, suscipe propitius, ipsa interveniente, orationem nostram et tribue nobis per haec sancta mysteria, quae sumpsimus, misericordiam tuam, ut, his suffragantibus libaminibus, simul cum sanctae Radegundis praesidiis, ab omnibus vitae huius periculis liberemur.