Deus, qui ecclesiam tuam sponsam vocare dignatus es, ut, quae haberet gratiam per fidei devotionem, haberet etiam ex nomine pietatem, da, ut omnis haec plebs, nomini tuo serviens, huius vocabuli consortio digna esse mereatur et ecclesia tua, in templo, cuius natalis est hodie, tibi collecta, te timeat, te diligat, te sequatur, ut, dum iugiter per vestigia tua graditur, ad caelestia promissa, te ducente, pervenire mereatur.