| ordinations |
Ostiarius cum ordinatur, postquam ab archidiacono… |
F |
Sic age quasi redditurus Deo rationem pro his rebus quaeque istis clavibus recluduntur. |
145 |
| ordinations |
Et tradit ei diaconus ostium ecclesiae. |
Rub |
|
145 |
| ordinations/1 |
Benedictio hostiarii |
Or |
Domine sancte Pater omnipotens aeterne Deus benedicere digneris hos famulos tuos ill. hostiarios ut inter ianitores ecclesiae parent obsequia et inter electos tuos partem tuae mereantur habere mercedis. |
145 |
| ordinations/2 |
Benedictio lectoris |
Or |
Domine sancte Pater omnipotens aeterne Deus benedicere digneris famulos tuos hos ill. in officio lectorum ut assiduitate lectionum distincti atque ordinati quorum modulis spiritali devotione grata resultet ecclesia. |
145 |
| ordinations/3 |
Benedictio exorcistae |
Or |
Domine sancte Pater omnipotens aeterne Deus benedicere digneris famulos tuos ill. in officio exorcistarum ut per impositionem manuum et oris officium eos eligere digneris ut imperium habeant spirituum immundorum coercendi et probabiles sint medici ecclesiae gratiae curationum virtute confirmati. |
146 |
| ordinations/4 |
Benedictio acolythi |
Or |
Domine sancte Pater omnipotens aeterne Deus qui per Iesum Christum Filium tuum in hunc mundum lumen claritatis misisti qui in cruce passionis suae atque triumpho sanguinem et aquam dignatus est fundere et per apostolos suos in hoc saeculo lumen gratiae spiritalis emisit benedicere digneris hos famulos tuos ill. in officio acolythorum ut ad accen(den)dum claritatis ecclesiae tuae lumen et ad suggerendum vinum et aquam ad conficiendum sanguinis tui mysterium ad offerendum eucharistiam sanctis altaribus tuis fideliter subministrent. Accende Domine eorum mentes et corda ad amorem tui eosque caelestis gratia miserationis et virtute confirma. |
146 |
| ordinations/5 |
Benedictio subdiaconi |
Or |
Domine sancte Pater omnipotens aeterne Deus benedicere digneris famulos tuos hos quos ad subdiaconatus officium eligere dignatus es ut eos sacrario tuo sancto strenuos sollicitosque caelesti militia instituas ut sanctis altaribus fideliter subministrent. Et requiescat super eos spiritus sapientiae et intellectus spiritus consilii et fortitudinis spiritus scientiae et pietatis. Repleas eos spiritu timoris tui ut eos ministerio divino confirmes ut oboedientes in factis atque dictis tuam gratiam consequantur. |
147 |
| ordinations/1 |
Oratio ad diaconum ordinandum |
Pf |
Oremus dilectissimi Deum Patrem omnipotentem ut super hos famulos suos quos in sacro ordine dignatus est assumere benedictionis suae gratiam clementer effundat eisque donum consecrationis indulgeat per quod eos ad praemia aeterna perducat. |
147 |
| ordinations/6 |
Alia |
Or |
Exaudi Domine preces nostras et super hos famulos tuos spiritum tuae benedictionis emitte ut caelesti munere ditati et tuae gratiam possint maiestatis acquirere et bene vivendi aliis exemplum praebere. |
147 |
| ordinations/7 |
Consecratio eiusdem |
Or |
Adesto quaesumus omnipotens Deus honorum dator ordinum distributor officiorumque dispositor qui in te manens innovas omnia et cuncta disponens per verbum virtutem sapientiamque tuam Iesum Christum Filium tuum Dominum nostrum sempiterna providentia praeparas et singulis quibusque temporibus aptanda quaeque dispensas cuius corpus Ecclesiam tuam caelestium gratiarum varietate suorumque conexam distinctione membrorum per legem mirabilem totius compaginis unitam in augmentum templi tui crescere dilatarique largiris sacri muneris servitutem trinis gradibus ministrorum nomini tuo ministrare constituens electis ab initio Levi filiis qui mysticis operationibus domus tuae fidelibus excubiis permanentes hereditatem benedictionis aeternae sorte perpetua possiderent. Super hos famulos tuos quaesumus Domine placatus intende quos tuis sacrariis servituros in officium diaconii suppliciter dedicamus. Et nos quidem tamquam homines divini sensus et summae rationis ignari horum vitam quantum possumus aestimamus. Te autem Domine ea quae nobis sunt ignota non transeunt te occulta non fallunt tu cognitor secretorum tu scrutator es cordium tu eorum vitam caelesti poteris examinare iudicio quo semper praevales et amissa purgare et ea quae sunt agenda concedere. Emitte in eos Domine quaesumus Spiritum Sanctum quo in opus ministerii fideliter exsequendi septiformis gratiae munere roborentur. Abundet in eis totius forma virtutis auctoritas modestiae pudor constans innocentiae puritas et spiritalis observatio disciplinae. In moribus eorum praecepta tua fulgeant ut suae castitatis exemplo imitationem sanctae plebes acquirant et bonae conscientiae testimonium proferentes in Christo firmi et stabiles perseverent dignisque successibus de inferiori gradu per gratiam tuam capere poti ora mereantur. |
148 |
| ordinations/2 |
Ad presbyterum ordinandum |
Pf |
Oremus dilectissimi Deum Patrem omnipotentem ut super hos famulos suos quos ad presbyterii munus elegit caelestia dona multiplicet. |
149 |
| ordinations/8 |
Alia |
Or |
Exaudi nos Domine Deus noster et super hos famulos tuos benedictionem Sancti Spiritus et gratiae sacerdotalis effunde <virtutem> ut quos tuae pietatis affectibus offerimus consecrandos perpetui muneris tui largitatem consequantur. |
149 |
| ordinations/9 |
Consecratio |
Or |
Domine sancte Pater omnipotens aeterne Deus honorum auctor et distributor omnium dignitatum per quem proficiunt universa per quem cuncta firmantur amplificatis semper in melius naturae incrementis per ordinem congrua ratione dispositum unde et sacerdotales gradus atque officia levitarum sacramentis mysticis instituta creverunt. ut cum pontifices summos regendis populis praefecisses ad eorum societatis et operis adiumentum sequentis ordinis viros et secundae dignitatis eligeres. Sic in heremo per septuaginta virorum prudentium mentem Moysis spiritum propagasti quibus ille adiutoribus usus in populo innumeras multitudines facile gubernaret. Sic et in Eleazaro et Ithamar paternae plenitudinis abundantiam transfudisti ut ad hostias salutares et frequentioris officii sacramenta ministerium sufficeret sacerdotum. Hac providentia Domine apostolis Filii tui doctores fidei comites addidisti quibus ill. orbem totum secundis praedicatoribus impleverunt. Quapropter infirmitati quoque nostrae Domine haec adiumenta largire qui quanto magis fragiliores sumus tanto his pluribus indigemus. Da quaesumus omnipotens Pater in hos famulos tuos presbyterii dignitatem innova in visceribus eorum spiritum sanctitatis acceptum a te Deus secundi meriti munus obtineant censuramque morum exemplo suae conversationis insinuent. Sint providi cooperatores ordinis nostri ut luceat in eos totius forma iustitiae ut bona rationis sibi creditae reddituri aeternae beatitudinis praemia consequantur. |
149 |
| ordinations |
Ad clericum faciendum |
Pf |
Oremus dilectissimi fratres Dominum nostrum Iesum Christum pro hoc famulo suo ill. qui ad deponendam comam capitis sui festinat ut donet ei Spiritum Sanctum qui habitum religionis in eo perpetue custodiat et a mundi impedimentis ac saeculi desiderio cor eius custodiat ut sicut immutatus erit in vultu ita manus dexterae suae in eum virtutem perfectionis ac boni operis tribuat in actu et ab omni caecitate humana spiritales oculos eius aperiat ac lumen aeternitatis gratiae concedat. |
446 |
| ordinations/1 |
Dum tondes dic antiphonam: |
Ant |
Tu es Domine qui restitues mihi. |
446 |
| ordinations/1 |
Versus: |
AntV |
Dominus pars. |
446 |
| ordinations/1 |
et |
F |
Gloria. |
446 |
| ordinations/2 |
Item antiphona: |
Ant |
Haec est generatio. |
446 |
| ordinations/2 |
Versus: |
AntV |
Hic accipiet. |
446 |
| ordinations/2 |
et |
F |
Gloria. |
446 |
| ordinations/1 |
Oratio |
Or |
Omnipotens sempiterne Deus propitiare peccatis nostris et ab omni servitute saeculari habitum famuli tui custodi et dum pro tuo nomine comam capitis sui deponit tua semper gratia perfruatur et quem in similitudine coronae tuae ornatum gestare fecimus in capite tuam virtutem et hereditatem subsequi mereatur in corde. |
446 |
| ordinations/2 |
Post tonsionem sequitur oratio |
Or |
Praesta quaesumus omnipotens Deus ut famulus tuus ill. cuius hodie capitis comam pro divino amore deposuimus in tua dilectione perpetua maneat et eum sine macula in aeternum custodias. |
447 |
