| Assignment | Rubrics | Genre | Item | P.N |
|---|---|---|---|---|
| Qu/H6/S/Holy Saturday | Post hoc impletur cerei benedictio. | Rub | 235 | |
| Qu/H6/S/Holy Saturday | Benedictio fontis | Or | Omnipotens sempiterne Deus adesto magnae pietatis tuae mysteriis adesto sacramentis et ad creandos novos populos quos tibi fons baptismatis parturit spiritum adoptionis emitte ut quod nostrae humilitatis gerendum est ministerio tuae virtutis impleatur effectu. | 389 |
| Qu/H6/S/Holy Saturday | F | Sursum corda. Habemus ad Dominum usque aeterne. | 389 | |
| Qu/H6/S/Holy Saturday | VD | Deus qui invisibili <potentia> sacramentorum tuorum mirabiliter operaris effectum et licet nos tantis mysteriis exsequendis simus indigni tu tamen gratiae tuae dona non deserens etiam ad nostras preces aures tuae pietatis inclinas. Deus cuius spiritus super aquas inter ipsa mundi primordia ferebatur ut iam tunc virtutem sanctificationis aquarum natura conciperet. Deus qui nocentis mundi crimina per aquas abluens regenerationis speciem in ipsa diluvii effusione signasti ut unius eiusdemque elemen0ti mysterio et finis esset vitiis et origo virtutibus respice in faciem ecclesiae tuae et multiplica in ea regenerationes tuas qui gratiae tuae effluentis impetu laetificas civitatem tuam fontemque baptismatis aperis toto orbe terrarum gentibus innovandis ut tuae maiestatis imperio sumat Unigeniti tui gratiam de Spiritu Sancto. | 389 | |
| Qu/H6/S/Holy Saturday/1 | VDDiv | Qui hanc + aquam regenerandis hominibus praeparatam archana sui luminis ammixtione faecundet ut sanctificatione concepta ab immaculato divini fontis utero in novam renatam creaturam progenies caelestis emergat et quos aut sexus in corpore aut aetas discernit in tempore omnes in unam pariat gratia mater infantiam. Procul ergo hinc iubente te Domino omnis spiritus inmundus abscedat procul tota nequitia diabolicae fraudis absistat. Nihil hic loci habeat contrariae virtutis ammixtio non insidiando circumvolet non latendo subripiat non inficiendo corrumpat. Sit haec sancta et innocens creatura libera ab omni impugnatoris incursu et totius nequitiae purgata discessu sit fons vivus aqua regenerans unda purificans ut omnes hoc lavacro salutifero diluendi operante in eis Spiritu Sancto perfectae purgationis indulgentiam consequantur. | 390 | |
| Qu/H6/S/Holy Saturday/2 | Hic mittis manum in aqua et agitas in IIII partes. | VDDiv | Unde benedico + te creatura aquae per + Deum vivum per + Deum sanctum qui te in principio verbo separavit ab arida cuius spiritus super te ferebatur qui te de paradiso manare et in quattuor fluminibus totam terram rigare praecepit qui te in deserto amaram suavitate indita fecit esse potabilem et sitienti populo de petra produxit. Benedico + te et per Iesum Christum Filium eius unicum Dominum nostrum qui te in Cana Galilaeae signo ammirabili sua potentia convertit in vinum qui pedibus super te ambulavit et a Ioanne in Iordane in te baptizatus est qui te una cum sanguine de latere suo produxit et discipulis suis iussit ut credentes baptizarentur in te dicens: Ite docete omnes gentes baptizantes+ eos in nomine Patris et Filii et Spiritus Sancti. | 390 |
| Qu/H6/S/Holy Saturday/3 | Hic muta sonum. | VDDiv | Haec nobis praecepta servantibus tu Deus omnipotens clemens adesto tu benignus aspira tu has simplices aquas tuo ore benedicito ut praeter naturalem emundationem quam lavandis possint adhibere corporibus sint etiam purificandis mentibus efficaces. | 391 |
| Qu/H6/S/Holy Saturday/4 | Hic suffla in aqua ter et immittis cereos. | VDDiv | Descendat in hanc plenitudinem fontis virtus Spiritus tui totamque huius aquae substantiam regenerandi fecundet effectu. Hic omnium peccatorum maculae deleantur. Hic natura ad imaginem tuam condita et ad honorem sui reformata principii cunctis vetustatis squaloribus emundetur ut omnis homo hoc sacramentum regenerationis ingressus in verae innocentiae novam infantiam renascatur. Per Dominum nostrum Iesum Christum Filium tuum qui venturus est indicare vivos et mortuos et saeculum per ignem. | 391 |