| Assignment | Rubrics | Genre | Item | P.N |
|---|---|---|---|---|
| Qu/H6/f5/Chrism Mass/1 | Item in ultimo antequam dicatur: | F | Per quem haec omnia Domine | 154 |
| Qu/H6/f5/Chrism Mass/1 | benedicit oleum pro infirmis sive pro populo his… | Or | Emitte quaesumus Domine Spiritum Sanctum Paraclitum de caelis in hanc pinguedinem olei quam de viridi ligno producere dignatus es ad refectionem mentis et corporis. Et tua sancta benedictione sit omni ungenti gustanti tangenti tutamentum corporis animae et spiritus ad evacuandos omnes dolores omnem infirmitatem omnem aegritudinem mentis et corporis. Unde unxisti sacerdotes reges et prophetas et martyres. Chrisma tuum perfectum nobis a te Domine benedictum permanens in visceribus nostris in nomine Domini nostri Iesu Christi. | 154 |
| Qu/H6/f5/Chrism Mass/2 | ... et cetera usque: | F | Per quem haec omnia Domine semper bona creas ... Per omnia saecula saeculorum. Amen. | 155 |
| Qu/H6/f5/Chrism Mass | Postea oblato a diacono alio oleo ad benedicendum… | W | Dominus vobiscum. Respondit: Et cum spiritu tuo. | 155 |
| Qu/H6/f5/Chrism Mass/2 | Et dicit: Oremus. | Or | Deus incrementorum et profectuum spiritalium remunerator qui virtute Sancti Spiritus tui imbecillarum mentium rudimenta confirmas te oramus Domine ut venturis ad beatae regenerationis lavacrum tribuas per unctionem istius creaturae purgationem mentis et corporis ut si qua illis adversantium spirituum inhaeserunt <reliquiae> ad tactum sanctificati olei huius abscedant. Nullis spiritalibus nequitiis locus nulla refugis virtutibus sit facultas nulla insidiantibus malis latendi licentia relinquatur sed venientibus ad fidem servis tuis et Sancti Spiritus operatione mundandis sit unctionis huius praeparatio illis utilis ad salutem quam etiam per caelestis regenerationis nativitatem in sacramento sunt baptismatis adepturi. Per Dominum nostrum Iesum Christum qui venturus est iudicare vivos et mortuos et saeculum per <ignem.>. | 155 |
| Qu/H6/f5/Chrism Mass/3 | Postea dicatur: | F | Per quem haec omnia Domine. | 156 |
| Qu/H6/f5/Chrism Mass/4 | Item antequam dicatur 'Praeceptis salutaribus', m… | F | Dominus vobiscum ... Sursum corda | 156 |
| Qu/H6/f5/Chrism Mass | VD | Qui in principio inter caetera bonitatis et pietatis tuae munera terram producere fructifera ligna iussisti inter quae pinguissimi liquoris ministrae oleae nascerentur quarum fructus sacro chrismati deserviret. Nam et David prophetico spiritu gratiae tuae sacramenta praenoscens vultus nostros in oleo exhilarandos esse cantavit. Et cum mundi crimina diluvio quondam expiarentur effuso in similitudinem divini muneris columba demonstrans per olivae ramum pacem terris redditam nuntiavit. Quod in novissimis temporibus manifestis est affectibus declaratum cum baptismatis aquis omnium criminum commissa delentibus haec olei unctio vultus nostros iucundos effecit atque serenos. Inde etiam Moysi famulo tuo mandatum dedisti ut Aaron fratrem suum prius aqua lotum per infusionem huius unguenti constitueret sacerdotem. Accessit adhuc amplior honor cum Filius tuus Iesus Christus Dominus noster lavacrum a Ioanne undis Iordanicis exegisset et ut Spiritu Sancto in columbae similitudine desuper misso unigenitum tuum in quo tibi optime complacuisse testimonio subsequentis vocis ostenderes hoc illud esse manifestissime comprobaveris quod eum oleo laetitiae prae consortibus suis ungendum David propheta cecinisset. Te igitur deprecamur Domine sancte Pater omnipotens aeterne Deus per Iesum Christum Filium tuum Dominum nostrum ut huius creaturae pinguedinem sanctificare tua benedictione digneris et Sancti Spiritus ei immiscere virtutem per potentiam Christi tui a cuius sancto nomine chrisma nomen accepit unde unxisti sacerdotes reges prophetas et martyres tuos ut sit his qui renati fuerint ex aqua et Spiritu Sancto chrisma salutis eosque aeternae vitae participes et caelestis regni facias esse consortes. Per eundem Dominum nostrum Iesum Christum Filium tuum. | 156 | |
| Qu/H6/f5/Chrism Mass/5 | Hoc expleto, veniens ante altare dicit: | F | Oremus. Praeceptis salutaribus moniti. | 157 |
| Qu/H6/f5/Chrism Mass/6 | Sequitur oratio dominica. | F | [Pater noster] | 157 |
| Qu/H6/f5/Chrism Mass/3 | Postea: | Or | Libera nos quaesumus Domine. | 157 |
| Qu/H6/f5/Chrism Mass | Et communicant. | Rub | 157 |