| Genre | Lc |
|---|---|
| Standard full text | In diebus illis Congregati sunt Babylonii ad regem et dixerunt ei Trade nobis Danielem qui Bel destruxit et draconem interfecit Alioquin interficiemus te et domum tuam Vidit ergo rex quod irruerent in eum vehementer et necessitate compulsus tradidit eis Danielem Qui miserunt eum in lacum leonum et erat ibi sex diebus Porro in lacu erant leones septem et dabantur eis cottidie duo corpora et duae oves Et tunc non sunt data eis ut devorarent Danielem Erat autem Habacuc propheta in Iudaea et ipse coxerat pulmentum et intriverat panes in alveolo et ibat in campum ut ferret messoribus Dixitque angelus Domini ad Habacuc Fer prandium quod habes in Babylonem Danieli qui est in lacu leonum Et dixit Habacuc Domine Babylonem non vidi et lacum nescio Et apprehendit eum angelus Domini in vertice eius et portavit eum capillo capitis sui posuitque eum in Babylone super lacum in impetu spiritus sui Et clamavit Habacuc dicens Daniel serve Dei tolle prandium quod misit tibi Deus Et ait Daniel Recordatus es mei Domine Deus meus et non dereliquisti diligentes te Surgensque Daniel comedit Porro angelus Domini restituit Habacuc confestim in loco suo Venit ergo rex die septima ut lugeret Danielem et venit ad lacum et introspexit Et ecce Daniel sedens in medio leonum Et exclamavit rex voce magna dicens Magnus es Domine Deus Danielis Et extraxit eum de lacu Illos autem qui perditionis eius causa fuerant intromisit in lacum et devorati sunt in momento coram eo Tunc rex ait Paveant omnes habitantes in universa terra Deum Danielis quia ipse est liberator et salvator faciens signa et mirabilia in caelo et terra Qui liberavit Danielem de lacu leonum |
| Bible | Dn 14,27-42 |
| Frequency | Lc. 231 occurences, 0.2652%, 265pcm (extreme) |
| Diversity | Lc. 2 (low) |
| Assignments | Lc. Qu/H5/f3/M2/Mass Propers (231) Lc. Daniel propheta/M2/Mass Propers (2) |