| Genre | Lc |
|---|---|
| Standard full text | Obaudite me divini fructus et quasi rosa plantata super rivos aquarum fructificate Quasi Libanus odorem suavitatis habete Florete flores quasi lilium et date odorem et frondete in gratiam et collaudate canticum et benedicite Dominum in operibus suis Date nomini eius magnificentiam et confitemini illi in voce labiorum vestrorum et in canticis labiorum et citharis et sic dicetis in confessione Opera Domini universa bona valde In benedictione Dei et ipse speravi et quasi qui vindemiat replevi torcular Respicite quoniam non mihi soli laboravi sed omnibus exquirentibus disciplinam Danti mihi sapientiam dabo gloriam consiliatus sum enim ut facerem illam Zelatus sum bonum et non confundar Colluctata est anima mea in illa et in faciendo eam confirmatus sum Manus meas extendi in altum et insipientiam eius luxi animam meam direxi ad illam et in agnitione inveni eam Possedi cum ipsa cor ab initio propter hoc non derelinquar Venter meus conturbatus est quaerendo illam propterea bonam possidebo possessionem Dedit mihi Dominus linguam mercedem meam et in ipsa laudabo eum Appropiate ad me indocti et congregate vos in domum disciplinae Quid adhuc retardatis et quid dicitis in his animae vestrae sitiunt vehementer Aperui os meum et locutus sum Comparate vobis sine argento et collum vestrum subiicite iugo et suscipiat anima vestra disciplinam in proximo est enim invenire eam Videte oculis vestris quia modicum laboravi et inveni mihi multam requiem Assumite disciplinam in multo numero argenti et copiosum aurum possidete in ea Laetetur anima vestra in misericordia eius et non confundemini in laude ipsius Operamini opus vestrum ante tempus et dabit vobis mercedem vestram in tempore suo |
| Bible | Eccli 39,17-21; Eccli 33,17-18; Eccli 51,23-38 |
| Frequency | Lc. 36 occurences, 0.0413%, 41pcm (medium) |
| Diversity | Lc. 14 (high) |
| Assignments | Lc. Sep/30/Hieronymus/M2/Mass Propers (9) Lc. Aug/28/Augustinus Hipponensis/M2/Mass Propers (6) Lc. Apr/4/Ambrosius/M2/Mass Propers (4) Lc. Mar/12/Gregorius papa/M2/Mass Propers (3) Lc. confessor/M2/Mass Propers/6 (3) Lc. Dec/13/Lucia Syracusana/M2/Mass Propers (3) Lc. Dec/8/Conceptio BMV/M2/Mass Propers (2) Lc. doctor/M2/Mass Propers (1) Lc. Aug/28/Hermes, Iulianus Brivatensis/M2/Mass Propers (1) Lc. Jan/16/Marcellus papa/M2/Mass Propers (1) Lc. Oct/5/Apollinaris Valentinensis (Ordinatio)/M2/Mass Propers (1) Lc. Nov/17/Anianus/M2/Mass Propers (1) Lc. Aug/13/Hippolytus, Cassianus martyr/M2/Mass Propers (1) Lc. Aug/14/Assumptio BMV (Vigilia)/M2/Mass Propers (1) |