| Genre | Proph |
|---|---|
| Standard full text | Audi Israel mandata vitae auribus percipe ut scias prudentiam Quid est Israel quod in terra inimicorum es Inveterasti in terra aliena coinquinatus es cum mortuis deputatus es cum his qui in inferno sunt dereliquisti fontem sapientiae Nam si in via Dei ambulasses habitasses utique in pace super terram Disce ubi sit sapientia ubi sit virtus ubi sit prudentia ut scias simul ubi sit longiturnitas vitae et victus ubi sit lumen oculorum et pax Quis invenit locum eius et quis introivit in thesauros eius Ubi sunt principes gentium et qui dominantur super bestias quae sunt in terra Qui in avibus caeli ludunt qui argentum thesaurizant et aurum in quo confidunt homines et non est finis possessionis eorum Qui argentum fabricant et solliciti sunt non est inventio operum illorum et tamen exanimati sunt et ad inferos descenderunt et alii in locum eorum intraverunt Iuvenes eorum viderunt lumen et habitaverunt super terram Viam autem disciplinae nescierunt neque intellexerunt semitas eius neque susceperunt eam filii eorum a facie eorum longe facta est Non est audita in Chanaan neque visa est in Theman Filii quoque Agar qui exquisierunt prudentiam quae de terra est negotiatores terrae Theman et fabellatores et exquisitores prudentiae et intelligentiae viam autem sapientiae nescierunt neque meminerunt semitarum eius O Israel quam magna est domus Dei et ingens locus possessionis eius magnus et non habet consummationem excelsus et immensus Ibi fuerunt gigantes nominati illi qui ab initio fuerunt statura magna scientes bellum Non hos elegit Dominus neque viam disciplinae invenerunt Propterea perierunt Et quoniam non habuerunt sapientiam interierunt propter suam insipientiam Quis ascendit in caelum et accepit eam et adduxit de nubibus Quis transfretavit mare et invenit eam et attulit eam super aurum electum Non est qui sciat viam eius neque excogitet semitas eius sed qui scit universa novit illam et adinvenit eam prudentia sua Qui perfecit terram in tempore sempiterno et adimplevit eam pecudibus Vocavit eam et audivit eum in tremore Stellae autem dederunt lumen in custodiis suis et laetatae sunt Vocatae sunt et dixerunt Adsumus Et luxerunt ei cum iucunditate qui fecit illas Hic est Deus noster et non aestimabitur alius ad illum Hic adinvenit omnem viam disciplinae et dedit illam Iacob puero suo et Israel dilecto suo Post haec super terram visus est et cum hominibus conversatus est |
| Bible | Bar 3,9-38 |
| Frequency | Proph. 295 occurences, 2.8638%, 2,863pcm (extreme) |
| Diversity | Proph. 3 (extreme) |
| Assignments | Proph. Pasc/H6/S/Pentecostes (Vigilia)/M2/Mass Propers/4 (234) Proph. Qu/H6/S/M2/Mass Propers/6 (53) Proph. Pasc/H7/S/Pentecostes (Vigilia)/M2/Mass Propers/4 (6) |