| Layer | L |
|---|---|
| Fulltext | Spiritus alme illustrator hominum Horridas nostrae mentis purga tenebras Amator sancte sensatorum semper cogitatuum Infunde unctionem tuam clemens nostris sensibus Tu purificator omnium flagitiorum spiritus Purifica nostri oculum interioris hominis Ut videri supremus genitor possit a nobis Mundi cordis quem soli cernere possunt oculi Prophetas tu inspirasti ut praeconia Christi praecinuissent inclita Apostolos confortasti uti tropaeum Christi per totum mundum veherent Quando machinam per verbum suum fecit Deus caeli terrae marium Tu super aquas foturus eas numen tuum expandisti spiritus Tu animabus vivificandis aquas fecundas Tu aspirando das spiritales esse homines Tu divisum per linguas mundum et ritus adunasti Domine Idolatras ad cultum Dei revocas magistrorum optime Ergo nos supplicantes tibi exaudi propitius sancte Spiritus Sine quo preces omnes cassae creduntur et indignae Dei auribus Tu qui omnium saeculorum sanctos Tui numinis docuisti instinctu amplectendo spiritus Ipse hodie apostolos Christi donans munere insolito et cunctis naudito saeculis Hunc diem gloriosum fecisti |
| Text Source | AH 53:70 – Notker Balbulus |
| Remark | Division of Sancti Spiritus |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| FR Langres 1520, Missal, Missale Lingonense | 318 | T | Pent | H1 | f2 | Seq | M2 | 280 (121v) |