| Layer | L |
|---|---|
| Fulltext | Sumunt boni sumunt mali sorte tamen inaequali vitae vel interitus Mors est malis vita bonis vide paris sumptionis quam sit dispar exitus Fracto tamen Sacramento ne vacilles sed memento tantum esse sub fragmento quantum toto tegitur Nulla rei fit scissura signi tantum fit fractura qua nec status nec statura signati minuitur Ecce panis angelorum factus cibus viatorum vere panis filiorum non mittendus canibus In figuris praesignatur cum Isaac immolatur agnus paschae deputatur datur manna patribus Bone Pastor panis vere Iesu nostri miserere tu nos pasce nos tuere tu nos bona fac videre in terra viventium Tu qui cuncta scis et vales qui nos pascis hic mortales tuos ibi commensales coheredes et sodales fac sanctorum civium |
| Text Source | AH 50:385 – Thomas Aquinas |
| Remark | Division of Lauda Sion Salvatorem |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| GB York 1100-1516, Missal, Missale Eboracense | 90 | T | Trin | H1 | S | Die3.Corp | Seq | M2 | 264 () |