| Layer | L |
|---|---|
| Fulltext | In mundi terminis decantet turturis vox Christi gloriam Qui per martyrium sublimat Stephanum ad caeli patriam Nam primus martyrum scandit post Dominum arces aethereas Inter micantium caelorum agminum scintillans choreas Iudaea regio diu praesidio defensa Domini Cur prolem perimis eius vel ingeris tormenta martyri Gens magni nominis adepta numinis superni foedera Iure damnabilis pro mole criminis amittens aethera Iesu cruenta sanguine de miti sparso latere Privata iaces lumine cui mundi cedunt tenebrae Te contra princeps martyrum Stephanus it ad proelium Sed primus palmam meruit dum prior mori voluit Ergo saevit sibilans serpentina rabies In quem insignierat angelorum species Stans confligit coetibus dira plebs odibilis Genu flexo precibus agonista nobilis Nam dum sudat Iesus iuvat illum in certamine Quem astantem ut pugnantem iam cernit in aethere Post haec vincens cum gloria tonantis intrat gaudia In quo vivit sine fine liber a mundi crimine |
| Text Source | AH 34:337 |
| Book | Part | Season | Week | Day | Feast | Genre | Mass | P.N | |
|---|---|---|---|---|---|---|---|---|---|
| FR Béziers 1400-1500, Missal, BNF Paris NAL 1690 | 210 | S | Dec | 26 | Steph.m | Seq | M2 | 69 (18r) |